4.3.2017   

MT

Il-Ġurnal Uffiċjali tal-Unjoni Ewropea

C 69/11

1.

Fl-24 ta’ Frar 2017, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Ontario Teachers’ Pension Plan Board (“OTPP”, il-Kanada) takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku tal-impriża PHM Holco S.à.r.l., kollha kemm hi, ultimament il-kumpanija azzjonarja ta’ OGF u s-sussidjarji tagħha)flimkien l-“OGF Group” jew il-“Mira”, Franza) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal OTPP: tamministra l-benefiċċji tal-pensjoni u tinvesti f’assi tal-pjani tal-pensjonijiet f’isem għalliema attivi u rtirati fil-Provinċja Kanadiża ta’ Ontario; OTPP jikkontrolla wkoll il-Westerleigh Group, żvilippatur u operatur ta’ krematorji u ċimiterji fir-Renju Unit;

—   għall-OGF Group: attiv fis-settur Franċiż tas-servizzi tal-funerali, li jipprovdi (i) servizzi ta’ bbalzmar, dfin u kremazzjoni, (ii) twiebet, monumenti u oġġetti oħra (bħall-fjuri), (iii) ġestjoni tal-krematorju, (iv) kuntratti ta’ assigurazzjoni qabel il-bżonn u (v) provvista ta’ twiebet permezz taż-żewġ siti tagħha ta’ manifattura tat-twiebet.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8398 — OTPP/OGF Group, f’dan l-indirizz: