Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2008/067/11

Notifika minn qabel ta' konċentrazzjoni (Każ COMP/M.5087 — Candover/Towergate/Paymentshield/Open GI) — Każ li jista' jiġi kkunsidrat għal proċedura ssimplifikata Test b'rilevanza għaż-ŻEE

ĠU C 67, 12.3.2008, p. 59–59 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:
12/03/2008; Data tal-pubblikazzjoni
Author:
Il-Kummissjoni Ewropea
Form:
Avviżi

12.3.2008   

MT

Il-Ġurnal Uffiċjali ta’ l-Unjoni Ewropea

C 67/59

Notifika minn qabel ta' konċentrazzjoni

(Każ COMP/M.5087 — Candover/Towergate/Paymentshield/Open GI)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2008/C 67/11)

1.

Fil-5 ta' Marzu 2008, il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Candover Partners Limited (“Candover”, ir-Renju Unit) takkwista fit-tifsira ta' l-Artikolu 3(1)(b) tar-Regolament tal-Kunsill kontroll konġunt ta' l-impriża Towergate Partnership Limited (“Towergate”, ir-Renju Unit) u ta' Paymentshield Group Holdings Limited (“Paymentshield”, ir-Renju Unit) u Broomco Limited (“Open GI”, ir-Renju Unit) permezz tax-xiri ta' ishma.

2.

L-attivitajiet ta' negozju ta' l-impriżi kkonċernati huma:

—

għall-impriża Candover: il-provvista ta' servizzi ta' ġestjoni ta' fondi, inklużi konsulenza dwar ġestjoni ta' investimenti u servizzi għall-fondi ta' investiment,

—

għall-impriża Towergate: id-distribuzzjoni ta' prodotti ta' assigurazzjoni mhux fuq il-ħajja prinċipalment lil SMEs,

—

għall-impriża Paymentshields: id-distribuzzjoni ta' assigurazzjoni ta' protezzjoni ta' ħlas ta' ipoteki u prodotti ta' assigurazzjoni tal-bini u l-kontenut tagħhom għall-individwi permezz ta' intermedjarji oħra ta' l-assigurazzjoni,

—

għall-impriża Open GI: il-provvista ta' soluzzjonijiet tat-teknoloġija ta' l-assigurazzjoni lil intermedjarji ta' l-assigurazzjoni.

3.

Wara analiżi preliminari l-Kummissjoni sabet li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond l-Avviż tal-Kummissjoni dwar proċedura ssimplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) għandu jiġi nnotat li dan il-każ jista' jiġi kkunsidrat għal trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar din l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart'ijiem mid-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (faks nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.5087 — Candover/Towergate/Paymentshield/Open GI fl-indirizz li ġej:

Il-Kummissjoni Ewropea

Direttorat-Ġenerali għall-Kompetizzjoni

Reġistru għall-Amalgamazzjonijiet

J-70

B-1049 Bruxelles/Brussel

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Top