Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2007/170/24

Kawża C-241/07: Talba għal deċiżjoni preliminari mressqa mir–Riigikohus (Ir-Repubblika ta' l-Estonja) fil- 21 ta' Mejju 2007 — JK Otsa Talu OÜ vs Põllumajanduse Registrite ja Informatsiooni Amet (PRIA)

ĠU C 170, 21.7.2007, p. 13–14 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:
21/07/2007; Data tal-pubblikazzjoni
Author:
Il-Qorti tal-Ġustizzja
Form:
Informazzjoni ġudizzjarja

21.7.2007   

MT

Il-Ġurnal Uffiċjali ta’ l-Unjoni Ewropea

C 170/13

Talba għal deċiżjoni preliminari mressqa mir–Riigikohus (Ir-Repubblika ta' l-Estonja) fil-21 ta' Mejju 2007 — JK Otsa Talu OÜ vs Põllumajanduse Registrite ja Informatsiooni Amet (PRIA)

(Kawża C-241/07)

(2007/C 170/24)

Lingwa tal-kawża: l-Estonjan

Qorti tar-rinviju

Riigikohus (l-Estonja)

Partijiet fil-kawża prinċipali

Rikorrenti: JK Otsa Talu OÜ

Konvenuta: Põllumajanduse Registrite ja Informatsiooni Amet (PRIA)

Domandi preliminari

1)

Huwa konformi ma' l-għan ta' l-għajnuna għal metodi ta' produzzjoni agrikola li jħarsu l-ambjent, fis-sens ta' l-Artikoli 22 sa 24 tar-Regolament tal-Kunsill (KE) Nru 1257/1999 (1), tas-17 ta' Mejju 1999, dwar is-sostenn għal żvilupp rurali mill-Fond Agrikolu Ewropew għall-Gwida u Garanzija (FAEGG) u li jemenda u jħassar ċerti Regolamenti:

a)

li tkompli tingħata għajnuna biss lil dawk l-applikanti li, fil-kuntest ta' dan il-programm ta' għajnuna, diġà bbenifikaw minn deċiżjoni ta' għoti ta' għajnuna għal miżuri ta' agrikoltura ambjentali matul is-sena finanzjarja preċedenti u li impenjaw irwieħhom li jeżerċitaw agrikoltura ambjentali,

jew

b)

li, f'kull sena finanzjarja, tingħata għajnuna anki lill-applikanti l-ġodda li jkunu lesti li jimpenjaw irwieħhom li jeżerċitaw agrikoltura ambjentali u li, għaldaqstant, jibdlu l-metodi ta' produzzjoni tagħhom skond il-kundizzjonijiet meħtieġa?

2)

Jekk ir-risposta għall-ewwel domanda tkun fis-sens ta' l-alternattiva (b) u jekk fil-kuntest tal-programm ta' għajnuna, ma jkunx hemm fondi disponibbli biżżejjed għall-għoti ta' l-ewwel għajnuna, l-Artikoli 24(1), 37(4), u 39 tar-Regolament tal-Kunsill (KE) Nru 1257/1999, ikkunsidrati flimkien, jippermettu lil Stat Membru sabiex:

a)

jemenda l-leġiżlazzjoni u l-kundizzjonijiet dwar l-applikazzjoni għal u l-għoti ta' l-għajnuna għal miżuri ta' agrikoltura ambjentali u sabiex jistabbilixxi li l-għajnuna tista' tintalab biss mill-applikanti li, fis-sena finanzjarja preċedenti, ibbenifikaw minn deċiżjoni ta' għoti ta' għajnuna u, għaldaqstant, ikunu marbuta b'impenn li jeżerċitaw metodi ta' produzzjoni li jħarsu l-ambjent,

jew

b)

inaqqas proporzjonalment l-għajnuna mogħtija lill-applikanti kollha li jissodisfaw il-kundizzjonijiet għal għajnuna għal miżuri ta' agrikoltura ambjentali?

(1)  ĠU L 160, p. 80.

Top