1)

L-Artikolu 23(1) tad-Direttiva 2013/32/UE tal-Parlament Ewropew u tal-Kunsill tas-26 ta’ Ġunju 2013 dwar proċeduri komuni għall-għoti u l-irtirar tal-protezzjoni internazzjonali (2), moqri flimkien mal-Artikolu 46(1) tad-Direttiva 2013/32 u fid-dawl tal-Artikoli 4 u 47 tal-Karta tad-Drittijiet Fundamentali tal-Unjoni Ewropea, għandu jiġi interpretat fis-sens li (l-aċċess għal) informazzjoni fil-fajl tal-applikant li abbażi tagħha tkun ittieħdet jew ser tittieħed deċiżjoni, tinkludi wkoll (l-aċċess għal) informazzjoni dwar il-mod kif din l-informazzjoni ġiet miġbura u miksuba?

2)

L-Artikolu 5 tad-Direttiva 2008/115/KE tal-Parlament Ewropew u tal-Kunsill tas-16 ta’ Diċembru 2008 dwar standards u proċeduri komuni fl-Istati Membri għar-ritorn ta’ ċittadini ta’ pajjiżi terzi li jkunu qegħdin fil-pajjiż illegalment (3), moqri flimkien mal-Artikolu 13(1) tad-Direttiva 2008/115 u fid-dawl tal-Artikoli 4, 19(2) u 47 tal-Karta tad-Drittijiet Fundamentali, jimponi fuq l-awtorità ġudizzjarja li tkun qed tivverifika l-legalità ta’ deċiżjoni ta’ ritorn li tiżgura l-mod kif tkun inġabret u inkisbet l-informazzjoni msemmija fl-Artikolu 23(1) tad-Direttiva 2013/32?