This document is an excerpt from the EUR-Lex website
Document 62024CN0172
Case C-172/24 P: Appeal brought on 1 March 2024 by Stadtwerke Leipzig GmbH against the judgment of the General Court (Fifth Chamber, Extended Composition) delivered on 20 December 2023 in Case T-55/21, Stadtwerke Leipzig GmbH v European Commission
Kawża C-172/24 P: Appell ippreżentat fl-1 ta’ Marzu 2024 minn Stadtwerke Leipzig GmbH mis-sentenza mogħtija mill-Qorti Ġenerali (Il-Ħames Awla Estiża) fl-20 ta’ Diċembru 2023 fil-Kawża T-55/21, Stadtwerke Leipzig GmbH vs Il-Kummissjoni Ewropea
Kawża C-172/24 P: Appell ippreżentat fl-1 ta’ Marzu 2024 minn Stadtwerke Leipzig GmbH mis-sentenza mogħtija mill-Qorti Ġenerali (Il-Ħames Awla Estiża) fl-20 ta’ Diċembru 2023 fil-Kawża T-55/21, Stadtwerke Leipzig GmbH vs Il-Kummissjoni Ewropea
ĠU C, C/2024/2743, 29.4.2024, ELI: http://data.europa.eu/eli/C/2024/2743/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
![]() |
Il-Ġurnal Uffiċjali |
MT Is-serje C |
C/2024/2743 |
29.4.2024 |
Appell ippreżentat fl-1 ta’ Marzu 2024 minn Stadtwerke Leipzig GmbH mis-sentenza mogħtija mill-Qorti Ġenerali (Il-Ħames Awla Estiża) fl-20 ta’ Diċembru 2023 fil-Kawża T-55/21, Stadtwerke Leipzig GmbH vs Il-Kummissjoni Ewropea
(Kawża C-172/24 P)
(C/2024/2743)
Lingwa tal-kawża: il-Ġermaniż
Partijiet
Appellant: Stadtwerke Leipzig GmbH (rappreżentanti: I. Zenke, Rechtsanwältin, u T. Heymann, Rechtsanwalt)
Partijiet oħra fil-proċedura: Il-Kummissjoni Ewropea, E.ON SE, RWE AG
Talbiet
L-appellanti titlob li l-Qorti tal-Ġustizzja jogħġobha:
— |
tannulla s-sentenza tal-Qorti Ġenerali tal-20 ta’ Diċembru 2023, Stadtwerke Leipzig GmbH vs Il-Kummissjoni (T-55/21), u d-deċiżjoni tal-Kummissjoni Ewropea tas-17 ta’ Settembru 2019 dwar il-konċentrazzjoni “E.ON/innogy” (Każ M.8870, ĠU 2020, C 379, p. 16); |
— |
sussidjarjament, u fi kwalunkwe każ, tibgħat il-Kawża T-55/21 lura quddiem il-Qorti Ġenerali sabiex tingħata kwalunkwe deċiżjoni neċessarja; |
— |
tikkundanna lill-Kummissjoni għall-ispejjeż, inklużi l-ispejjeż legali u l-ispejjeż tal-ivvjaġġar sostnuti mill-appellanti fil-proċedura fil-Kawża T-55/21. |
Aggravji u argumenti prinċipali
L-appellanti tinvoka ħames aggravji insostenn tal-appell tagħha.
L-ewwel nett, l-appellanti tallega li l-Qorti Ġenerali interpretat b’mod żbaljat id-dritt tal-Unjoni, b’mod partikolari l-Artikolu 101 TFUE u l-Artikolu 21(1) tar-Regolament dwar il-konċentrazzjonijiet (1). Il-Qorti Ġenerali eskludiet żbaljatament l-applikazzjoni tal-Artikolu 101 TFUE minħabba allegat effett ta’ bblokkar tal-Artikolu 21 tar-Regolament dwar il-konċentrazzjonijiet, ma ħaditx inkunsiderazzjoni l-provi ta’ ftehim ta’ akkordju bejn E.ON u RWE prodotti mill-appellanti, u peress li ma ħaditx inkunsiderazzjoni l-fatti ppreżentati mill-appellanti, hija kisret id-drittijiet proċedurali tagħha.
It-tieni nett, l-appellanti tallega li l-Qorti Ġenerali ma kkunsidratx li s-suġġetti tal-proċeduri amministrattivi M.8870, M.8871 u B8-28/19 kienu jagħmlu parti integrali minn konċentrazzjoni waħda, liema proċeduri kellhom neċessarjament jiġu eżaminati fil-kuntest ta’ proċedura ta’ konċentrazzjoni, u għalhekk hija kisret l-Artikolu 3 tar-Regolament dwar il-konċentrazzjonijiet. Minn naħa, il-Qorti Ġenerali eskludiet is-sehem ta’ 16.67 % ta’ RWE f’E.ON. Min-naħa l-oħra, ma ħaditx inkunsiderazzjoni l-kunċett ta’ konċentrazzjoni previst fl-Artikolu 3 tar-Regolament dwar il-konċentrazzjonijiet, flimkien mal-premessa 20 tar-Regolament dwar il-konċentrazzjonijiet.
It-tielet nett, l-appellanti tallega li l-Qorti Ġenerali, permezz ta’ definizzjoni żbaljata tas-suq, ta’ evalwazzjoni żbaljata tal-konsegwenzi tal-konċentrazzjoni u ta’ pronjożi żbaljata, kif ukoll permezz ta’ kategorizzazzjoni żbaljata tal-impenn, kisret ukoll l-Artikolu 2 tar-Regolament dwar il-konċentrazzjonijiet.
Ir-raba’ nett, l-appellanti tallega li fis-sentenza appellata hemm żbalji manifesti jew żnaturamenti tal-fatti, li fir-rigward tagħhom ġiet ippreżentata talba għal rettifika tal-imsemmija sentenza.
Fl-aħħar u l-ħames nett, l-appellanti tallega li l-Qorti Ġenerali imponiet rekwiżiti probatorji sproporzjonati meta f’diversi okkażjonijiet obbligat lill-appellanti, fir-rigward tal-prova tal-iżbalji manifesti ta’ evalwazzjoni, tiżvela l-eżitu tal-investigazzjoni li ma twettqitx mill-Kummissjoni u tipprovdi provi aritmetiċi tal-konklużjonijiet konkreti li waslet għalihom il-Kummissjoni li kieku wettqet eżami korrett. Barra minn hekk, il-Qorti Ġenerali kisret il-prinċipji marbuta mat-tqassim tal-provi billi ċaħdet it-talba tar-rikorrenti sabiex jiġu prodotti atti proċedurali.
(1) Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi (ir-Regolament tal-KE dwar l-Għaqdiet) (ĠU Edizzjoni Speċjali bil-Malti, Kapitolu 8, Vol. 3, p. 40).
ELI: http://data.europa.eu/eli/C/2024/2743/oj
ISSN 1977-0987 (electronic edition)