EUR-Lex Access to European Union law
This document is an excerpt from the EUR-Lex website
Document 62023TN0232
Case T-232/23: Action brought on 3 May 2023 — LW v Commission
Kawża T-232/23: Rikors ippreżentat fit-3 ta’ Mejju 2023 – LW vs Il-Kummissjoni
Kawża T-232/23: Rikors ippreżentat fit-3 ta’ Mejju 2023 – LW vs Il-Kummissjoni
ĠU C 261, 24.7.2023, p. 37–38
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
24.7.2023 |
MT |
Il-Ġurnal Uffiċjali tal-Unjoni Ewropea |
C 261/37 |
Rikors ippreżentat fit-3 ta’ Mejju 2023 – LW vs Il-Kummissjoni
(Kawża T-232/23)
(2023/C 261/52)
Lingwa tal-kawża: l-Ingliż
Partijiet
Rikorrent: LW (rappreżentanti: S. Birenbaum-De Guchteneere u M. Tournay, lawyers)
Konvenut: Il-Kummissjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tannulla r-rapport ta’ evalwazzjoni għas-sena 2020; |
— |
sa fejn meħtieġ, tannulla d-deċiżjoni tal-evalwatur ta’ appell tat-13 ta’ Lulju 2022 li kkonfermat ir-rapport ta’ evalwazzjoni għas-sena 2020 u ċaħdet l-appell tal-11 ta’ Marzu 2022 (irreġistrata taħt in-Nru 507857); |
— |
sa fejn meħtieġ, tannulla d-deċiżjoni tal-Awtorità tal-Ħatra tal-24 ta’ Jannar 2023 li ċaħdet l-ilment imressaq permezz ta’ nota tas-7 ta’ Settembru 2022 (irreġistrata taħt in-Nru R/422/22); |
— |
tordna l-kumpens għad-danni morali mġarrba; |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tiegħu, ir-rikorrent jinvoka erba’ motivi.
1. |
L-ewwel motiv huwa bbażat fuq il-ksur tal-Artikolu 43 tar-Regolamenti tal-Persunal u l-ksur tal-Artikolu 2(3) tad-Deċiżjoni tal-Kummissjoni C(2013) 8985 tas-16 ta’ Diċembru 2013 dwar id-dispożizzjonijiet ġenerali għall-implimentazzjoni tal-Artikolu 43 tar-Regolamenti tal-Persunal u li jistabbilixxi regoli ddettaljati għall-applikazzjoni tal-ewwel paragrafu tal-Artikolu 44 tar-Regolamenti tal-Persunal (iktar ’il quddiem id-“DĠI”), tal-Artikoli 5, 6 u 7 tad-DĠI, fuq żball manifest ta’ evalwazzjoni, fuq użu ħażin ta’ poter u fuq ksur tal-prinċipju ta’ amministrazzjoni tajba. |
2. |
It-tieni motiv huwa bbażat fuq il-ksur tal-Artikolu 296 TFUE, tal-Artikolu 41(2) tal-Karta tad-Drittijiet Fundamentali tal-Unjoni Ewropea u tal-Artikolu 25 tar-Regolamenti tal-Persunal, fuq ksur tal-obbligu ta’ motivazzjoni, fuq żball manifest u fuq ksur tal-prinċipju ta’ amministrazzjoni tajba. |
3. |
It-tielet motiv huwa bbażat fuq ksur tal-prinċipju ta’ proporzjonalità. |
4. |
Ir-raba’ motiv huwa bbażat fuq ksur tal-Artikolu 21(1) tal-Karta tad-Drittijiet Fundamentali tal-Unjoni Ewropea u fuq l-Artikolu 1d(1) tar-Regolamenti tal-Persunal u fuq ksur tad-dmir ta’ premura fir-rigward tal-uffiċjali. |