—

tannulla d-deċiżjoni tat-13 ta’ Ottubru 2021 tad-Direttur tar-Riżorsi Umani li bagħtet lir-rikorrent sett ta’ CVs iċċensurati li ġew ippreżentati abużivament bħala li jikkorrispondu mal-impenn meħud mis-SEAE taħt il-ftehim tas-SEAE tad-9 ta’ Frar 2021;

—

tannulla l-ftehim milħuq fid-9 ta’ Frar 2021 fil-Kawża T-507/20 għal difett ta’ kunsens u nuqqas ta’ osservanza tad-dispożizzjonijiet tiegħu mis-SEAE;

—

tannulla, sa fejn ikun meħtieġ, id-deċiżjoni tad-Direttur Ġenerali tar-Riżorsi tas-SEAE tad-29 ta’ Marzu 2022 li tiċħad l-Ilment R/618/21 imressaq mir-rikorrent kontra n-nuqqas ta’ twettiq ta’ waħda mill-klawżoli essenzjali tal-ftehim milħuq fid-9 ta’ Frar 2021 fil-Kawża T-507/20 li kien jipprevedi li s-SEAE jibgħat lir-rikorrent “l-elementi marbuta mal-kwalifiki u l-esperjenza professjonali tal-kandidati kkunsidrati mill-bord ta’ preselezzjoni bħala li jikkorrispondu l-aħjar mal-kriterji ta’ preselezzjoni għal proċeduri stabbiliti speċifikati mill-ftehim”;

—

tikkundanna lill-partijiet l-oħra fil-proċedura għall-ispejjeż.

1.

L-ewwel motiv, ibbażat fuq żball ta’ liġi fl-interpretazzjoni tal-kunċett ta’ data personali u fl-interpretazzjoni tar-Regolamenti 2018/1725 (1) u 1049/2001 (2), użu ħażin ta’ poter u interpretazzjoni tal-Artikolu 6 tal-Anness III tar-Regolamenti tal-Persunal tal-Unjoni Ewropea (iktar ’il quddiem ir-“Regolamenti tal-Persunal”) inkompatibbli mad-dispożizzjonijiet ta’ dawn ir-Regolamenti.

2.

It-tieni motiv, ibbażat fuq in-nuqqas ta’ osservanza tal-Artikolu 52 tal-Karta tad-Drittijiet Fundamentali tal-Unjoni Ewropea, il-ksur tal-Artikolu 45 tar-Regolament 2018/1725 peress li l-limitazzjoni tad-dritt ta’ aċċess tikser il-prinċipji ta’ amministrazzjoni tajba, id-dritt għal smigħ xieraq, ta’ opportunitajiet ugwali għall-partijiet, id-dritt għal rimedju effettiv u twaqqaf ta’ kull stħarriġ ġudizzjarju tal-atti kontenzjużi.

3.

It-tielet motiv, ibbażat fuq iċ-ċaħda tal-argument tas-SEAE li sempliċement jinvoka r-rinunzja tal-ilment mingħajr ma jindirizza l-mertu tal-ilment ippreżentat u n-nuqqas ta’ motivazzjoni għaċ-ċaħda tal-ilment ibbażat fuq l-illegalità tar-restrizzjoni tad-dritt ta’ aċċess imwettqa.

4.

Ir-raba’ motiv, ibbażat fuq nuqqas ta’ notifika u ksur tar-Regolamenti tal-Persunal minħabba l-preġudizzju u l-kunflitt ta’ interess tal-awturi tad-deċiżjonijiet ikkontestati.

1.

L-ewwel motiv, invokat prinċipalment, ibbażat fuq il-frodi u l-invalidità tal-ftehim li sar fil-kuntest tal-Kawża T-507/20.

2.

It-tieni motiv, invokat sussidjarjament, ibbażat fuq in-nuqqas ta’ konformità mal-ftehim u l-użu abużiv tal-awtorità ta’ res judicata mis-SEAE.