This document is an excerpt from the EUR-Lex website
Document 62022TN0386
Case T-386/22: Action brought on 1 July 2022 — QF v Council
Kawża T-386/22: Rikors ippreżentat fl-1 ta’ Lulju 2022 – QF vs Il-Kunsill
Kawża T-386/22: Rikors ippreżentat fl-1 ta’ Lulju 2022 – QF vs Il-Kunsill
ĠU C 318, 22.8.2022, p. 43–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
22.8.2022 |
MT |
Il-Ġurnal Uffiċjali tal-Unjoni Ewropea |
C 318/43 |
Rikors ippreżentat fl-1 ta’ Lulju 2022 – QF vs Il-Kunsill
(Kawża T-386/22)
(2022/C 318/57)
Lingwa tal-kawża: il-Franċiż
Partijiet
Rikorrent: QF (rappreżentanti: T. Marembert u A. Bass, avukati)
Konvenut: Il-Kunsill tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-Deċiżjoni tal-Kunsill (PESK) 2022/582 tat-8 ta’ April 2022 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (1), sa fejn din tirrigwarda lir-rikorrenti; |
— |
tannulla r-Regolament ta’ Implimentazzjoni tal-Kunsill (UE) 2022/581 tat-8 ta’ April 2022 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (2), sa fejn dan jirrigwarda lir-rikorrenti; |
— |
tikkundanna lill-Kunsill għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka motiv wieħed, ibbażat fuq żball manifest ta’ evalwazzjoni. Ir-rikorrenti ssostni, minn naħa, li ebda prova tal-Kunsill ma tissodisfa r-rekwiżiti tal-ġurisprudenza Ewropea fil-qasam tal-istandard u tal-kwalità tal-prova u, min-naħa l-oħra, li ebda waħda mid-dikjarazzjonijiet tal-motivazzjoni tal-Kunsill ma ġiet stabbilita. Fl-aħħar nett, ir-rikorrenti tipproduċi insostenn tal-motiv tagħha l-elementi ta’ natura patrimonjali li jippermettu li jiġi stabbilit li l-motivazzjoni tal-Kunsill huwa żbaljat.
(1) ĠU 2022, L 110, p. 55, rettifika fil-ĠU 2022, L 141, p. 131.
(2) ĠU 2022, L 110, p. 3, rettifika fil-ĠU 2022, L 141, p. 130.