1)

It-tieni subparagrafu tal-Artikolu 63(1) tad-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (1), ikkunsidrat waħdu u flimkien mal-portata tal-prinċipji tad-dritt tal-Unjoni, jiġifieri l-ugwaljanza fit-trattament, in-nondiskriminazzjoni u t-trasparenza fil-qasam ta’ kuntratti pubbliċi, għandu jiġi interpretat fis-sens li, meta l-awtorità kontraenti tikkonstata li entità li operatur ekonomiku jagħmel użu mill-kapaċitajiet tagħha ma tissodisfax il-kriterji ta’ selezzjoni, hija għandha l-obbligu li titlob lill-operatur is-sostituzzjoni tal-entità jew għandha l-possibbiltà li titlob is-sostituzzjoni jekk l-operatur irid li jintgħażel?

2)

Abbażi tal-prinċipji ta’ ugwaljanza fit-trattament, ta’ nondiskriminazzjoni u ta’ trasparenza, kif ukoll skont l-iżvolġiment tal-proċedura għall-għoti, jeżistu ċirkustanzi li fihom l-awtorità kontraenti ma għandhiex (iktar) jew ma tistax (iktar) teżiġi li titwettaq sostituzzjoni?