1.

Permezz tar-rikors tagħha, il-Kummissjoni Ewropea titlob lill-Qorti tal-Ġustizzja tikkonstata li, billi introduċiet:

2.

Il-Kummissjoni tikkunsidra, essenzjalment, li fl-istat tad-dritt tal-Unjoni, ma huwiex irrikonoxxut marġni diskrezzjonali lill-Istati Membri sabiex jadattaw l-ammont tal-benefiċċji tal-familja mħallsa minnhom fuq il-livell tal-prezzijiet tal-Istat ta’ residenza tal-wild ikkonċernat u li dan l-adattament kif ukoll dak ta’ ċerti vantaġġi fiskali mogħtija lill-familji huma diskriminatorji u ma jistgħux jiġu kkunsidrati bħala li jikkostitwixxi miżura neċessarja u proporzjonata.

3.

F’dawn il-konklużjonijiet, ser nispjega r-raġunijiet li għalihom nikkunsidra li l-ilmenti sostnuti mill-Kummissjoni huma fondati.

4.

Il-premessi 8, 12 u 16 tar-Regolament Nru 883/2004 jistabbilixxu:

[…]

[…]

5.

L-Artikolu 1(z) ta’ dan ir-regolament jipprovdi:

“Għall-għanijiet ta’ dan ir-Regolament:

[…]

6.

L-Artikolu 3(1)(j) tar-Regolament Nru 883/2004 jipprovdi:

“Dan ir-Regolament għandu japplika għal-leġislazzjoni kollha li tikkonċerna l-fergħat li ġejjin tas-sigurtà soċjali:

[…]

7.

L-Artikolu 4 tar-Regolament Nru 883/2004, intitolat “Trattament ugwali”, jipprovdi:

“Sakemm dan ir-Regolament ma jgħidx mod ieħor, persuni li għalihom japplika dan ir-Regolament għandhom igawdu l-istess benefiċċji u għandhom ikunu suġġetti għall-istess obbligi taħt il-leġislazzjoni ta’ kull Stat Membru daqs li kieku kienu ċittadini ta’ dak l-Istat Membru.”

8.

L-Artikolu 5 tar-Regolament Nru 883/2004, intitolat “Trattament ugwali ta’ benefiċċji, dħul, fatti u każijiet”, huwa fformulat kif ġej:

“Sakemm dan ir-Regolament ma jgħidx mod ieħor, u fid-dawl tad-disposizzjonijiet speċjali ta’ implimentazzjoni stabbiliti, għandu japplika dan li ġej:

9.

L-Artikolu 7 tar-Regolament Nru 883/2004, intitolat “Rinunzja ta’ regoli dwar ir-residenza”, jipprovdi:

“Sakemm dan ir-Regolament ma jgħidx mod ieħor, benefiċċji fi flus mogħtija taħt il-leġislazzjoni ta’ Stat Membru wieħed jew ta’ aktar minn Stat Membru wieħed jew taħt dan ir-Regolament, ma għandhomx ikunu suġġetti għal xi riduzzjoni, bidla, sospensjoni, waqfa jew sekwestru minħabba l-fatt li l-benefiċjarju jew il-membri tal-familja tiegħu jew tagħha jkollhom ir-residenza tagħhom fi Stat Membru ieħor u mhux fl-Istat Membru fejn tinstab l-istituzzjoni responsabbli għall-għoti ta’ benefiċċji.”

10.

L-Artikolu 67 tar-Regolament Nru 883/2004, intitolat “Membri tal-familja li għandhom ir-residenza tagħhom fi Stat Membru ieħor”, jipprovdi:

“Persuna għandha tkun intitolata għal benefiċċji marbutin mal-familja skond il-leġislazzjoni ta’ l-Istat Membru kompetenti, inklużi l-membri tal-familja tagħha li għandhom ir-residenza tagħhom fi Stat Membru ieħor, bħallikieku dawn kellhom ir-residenza tagħhom fl-Istat Membru kompetenti. Madanakollu, pensjonant għandu jkun intitolat għal benefiċċji marbutin mal-familja skond il-leġislazzjoni ta’ l-Istat Membru kompetenti għall-pensjoni tiegħu.”

11.

Fil-Kapitolu I tar-Regolament Nru 492/2011, l-Artikolu 7(1) u (2), li jinsab fit-Taqsima 2, intitolata “Impjieg u ugwaljanza fit-trattament”, jipprovdi:

“1.   Ħaddiem ċittadin ta’ xi Stat Membru ma jistax, fit-territorju ta’ Stat Membru ieħor, ikun trattat b’mod differenti minn ħaddiema nazzjonali minħabba ċ-ċittadinanza tiegħu fir-rigward ta’ kwalunkwe kondizzjoni tal-impjieg u tax-xogħol, partikolarment fir-rigward ta’ paga, tkeċċija u jekk hu jisfa’ mingħajr xogħol, ingaġġ mill-ġdid jew impjieg mill-ġdid.

2.   Huwa għandu jgawdi l-istess vantaġġi soċjali u ta’ taxxa bħall-ħaddiema nazzjonali.”

12.

Skont l-Artikolu 1 tal-Bundesgesetz betreffend den Familienlastenausgleich durch Beihilfen (il-Liġi Federali dwar il-Kumpens tal-Ispejjeż tal-Familja Permezz ta’ Allowances) ( 4 ), tal‑24 ta’ Ottubru 1967, il-benefiċċji previsti “jingħataw bħala kumpens għall-ispejjeż fl-interess tal-familja”.

13.

L-Artikolu 2(1) u (8) tal-FLAG jipprovdi:

“(1)   Il-persuni li għandhom id-domiċilju jew ir-residenza abitwali tagħhom fit-territorju federali għandhom dritt għall-allowances tal-familja

[…]

(8)   Il-persuni għandhom dritt għall-allowances tal-familja biss jekk iċ-ċentru tal-interess tagħhom jinsab fit-territorju federali. Iċ-ċentru tal-interess ta’ persuna jinsab fl-Istat li miegħu għandha l-eqreb relazzjonijiet personali u ekonomiċi.”

14.

Skont l-Artikolu 4 tal-FLAG:

“(1)   Il-persuni li għandhom dritt għal benefiċċju ekwivalenti mogħti minn Stat ieħor, ma għandhomx dritt għall-allowances tal-familja.

(2)   Iċ-ċittadini Awstrijaċi li huma esklużi mid-dritt għall-allowances tal-familja skont il-paragrafu 1 jew l-Artikolu 5[4], jibbenefikaw minn ħlas kumpensatorju jekk l-ammont tal-benefiċċju ekwivalenti mogħti minn Stat ieħor, li għalih l-imsemmija ċittadini Awstrijaċi jew persuna oħra għandha dritt (Artikolu 5[4]), ikun inqas mill-allowances tal-familja li għandhom jingħatawlhom skont il-liġi federali, fl-assenza tal-benefiċċju ekwivalenti fuq iċċitat.

(3)   Il-ħlas kumpensatorju jikkorrispondi għad-differenza bejn il-benefiċċju ekwivalenti mogħti minn Stat ieħor u l-allowances tal-familja li għandhom jingħataw skont din il-liġi federali.

[…]

(6)   Il-ħlasijiet kumpensatorji huma kkunsidrati bħala allowances tal-familja fis-sens ta’ din il-liġi federali, iżda d-dispożizzjonijiet relattivi għall-ammont tal-allowances tal-familja ma japplikawx għall-ħlasijiet kumpensatorji.

[…]”

15.

L-Artikolu 5(3) u (4) tal-FLAG huwa fformulat kif ġej:

“(3)   L-ulied li jirrisjedu f’pajjiż barrani b’mod permanenti ma għandhomx dritt għall-allowances tal-familja.

(4)   Ulied li għandhom dritt għall-ħlas ta’ benefiċċju ekwivalenti mogħti minn Stat ieħor, ma għandhomx dritt għall-allowances tal-familja. Dan ma jeskludix l-għoti ta’ ħlas kumpensatorju (Artikolu 4(2)).”

16.

L-Artikolu 8 tal-FLAG jipprovdi:

“(1)   L-ammont tal-allowances tal-familja dovut lil persuna huwa ddeterminat skont in-numru u l-età tal-ulied li għalihom jingħataw l-allowances tal-familja.

(2)   L-ammont fix-xahar tal-allowances tal-familja huwa ta’

[…]

(3)   L-allowances tal-familja jiżdiedu kull xahar, għal kull wild,

[…]

(4)   L-allowances tal-familja jiżdiedu kull xahar, għal kull wild b’diżabbiltà gravi,

[…]

(8)   Għal kull wild li matul sena kalendarja, diġà għalaq jew ser jagħlaq sitt snin u li għadu ma għalaqx is-sittax-il sena, l-allowances tal-familja jiżdiedu b’ EUR 100 sa [mix-xahar] ta’ Settembru ta’ din is-sena kalendarja.”

17.

L-Artikolu 8a tal-FLAG jipprovdi:

“(1)   L-ammonti tal-allowances tal-familja (Artikolu 8) għall-ulied li jirrisjedu b’mod permanenti fit-territorju ta’ Stat Membru ieħor tal-Unjoni […], ta’ parti oħra għall-Ftehim dwar iż-Żona Ekonomika Ewropea [tat‑2 ta’ Mejju 1992 ( 5 )] jew tal-Isvizzera huma ddeterminati abbażi tar-relazzjoni bejn il-livell tal-prezzijiet komparattivi ppubblikati mill-Uffiċċju tal-Istatistika tal-Unjoni Ewropea [Eurostat] għal kull Stat Membru tal-Unjoni […], għal kull parti għall-Ftehim [ŻEE] u għall-Isvizzera u dak tal-Awstrija.

(2)   L-ammonti tal-allowances tal-familja msemmija fil-paragrafu 1 japplikaw sa mill‑1 ta’ Jannar 2019 abbażi tal-valuri fis-sens tal-paragrafu 1, ippubblikati fl‑1 ta’ Ġunju 2018. Sussegwentement, dawn l-ammonti jiġu adattati kull sentejn abbażi tal-valuri ppubblikati fid-data tal‑1 ta’ Ġunju tas-sena preċedenti.

(3)   Il-Bundesministers für Frauen, Familien und Jugend [il-Ministru Federali tan-Nisa, il-Familja u ż-Żgħażagħ, l-Awstrija] jippubblika, permezz ta’ regolament maħruġ konġuntivament mal-Bundesministers für Finanzen [il-Ministru Federali tal-Finanzi, l-Awstrija], il-bażi ta’ kalkolu u l-ammonti msemmija fil-paragrafi 1 u 2, kif ukoll l-ammonti msemmija fl-Artikolu 33(3)(2) tal-[Bundesgesetz über die Besteuerung des Einkommens natürlicher Personende (il-Liġi Federali dwar it-Taxxa fuq id-Dħul ta’ Persuni Fiżiċi) ( 6 ), tas‑7 ta’ Lulju 1988 ( 7 )].”

18.

L-Artikolu 53 tal-FLAG jipprovdi:

“(1)   Fil-kuntest ta’ din il-liġi federali, iċ-ċittadini tal-partijiet għall-Ftehim [ŻEE] huma, sa fejn dan jirriżulta mill-ftehim fuq iċċitat, assimilati għaċ-ċittadini Awstrijaċi. F’dan il-kuntest, ir-residenza permanenti ta’ wild fi Stat taż-Żona Ekonomika Ewropea [ŻEE] għandha, skont id-dispożizzjonijiet Komunitarji, tiġi assimilata għal residenza permanenti ta’ wild fl-Awstrija.

[…]

(4)   It-tieni sentenza tal-paragrafu 1 ma tapplikax għal dak li jirrigwarda l-Artikolu 8a(1) sa (3).

(5)   L-Artikolu 26(3) tal-Bundesabgabenordnung [il-Kodiċi Fiskali Federali] […] japplika għall-benefiċċji msemmija f’din il-liġi federali sal‑31 ta’ Diċembru 2018. Sa mill‑1 ta’ Jannar 2019, l-Artikolu 26(3) tal-Kodiċi Fiskali Federali ma japplikax, għal dak li jirrigwarda l-benefiċċji previsti minn din il-liġi federali, ħlief għal persuni li għandhom il-post tax-xogħol tagħhom f’pajjiż barrani u li jaġixxu f’isem awtorità lokali, kif ukoll għall-konjuġi u l-ulied tagħhom.”

19.

L-Artikolu 33 tal-EstG jipprovdi:

“[…]

(2)   Il-krediti fiskali għandhom jitnaqqsu mill-[ammont tat-taxxa] li jirriżulta mill-applikazzjoni tal-paragrafu 1 fl-ordni li ġej:

(3)   Il-persuni taxxabbli li jibbenefikaw minn allowances tal-familja skont il-[FLAG] għandhom dritt, b’mod parallel mal-ħlas tal-allowances tal-familja, għal kreditu fiskali ta’ EUR 58.40 kull xahar għal kull wild. Japplika mod ieħor fil-każijiet li ġejjin:

[…]

(3a)   Wild li jibbenefika mill-allowance tal-familja skont il-[FLAG] u li jirrisjedi b’mod permanenti fi Stat Membru tal-Unjoni […] jew fit-territorju ta’ parti oħra għall-Ftehim [ŻEE] jew fl-Isvizzera, għandu d-dritt, fuq talba, għal bonus tal-familja ‘plus’ skont id-dispożizzjonijiet li ġejjin:

[…]

[…]

(4)   Barra minn hekk, meta l-wild jirrisjedi b’mod permanenti fi Stat Membru tal-Unjoni […] jew fit-territorju ta’ parti oħra għall-Ftehim [ŻEE] jew fl-Isvizzera, japplikaw il-krediti fiskali li ġejjin:

[…]

(7)   Jekk it-taxxa fuq id-dħul dovuta skont il-paragrafu 1 hija inqas minn EUR 250 u jekk japplika l-kreditu fiskali għal dar bi dħul wieħed jew il-kreditu għal dar b’ġenitur wieħed, japplikaw id-dispożizzjonijiet li ġejjin, meta jkun hemm wild (Artikolu 106(1)):

[…]

Dan l-ammont jiżdied, għal kull wild addizzjonali (Artikolu 106(1)), b’ammont ta’ EUR 250 jew bl-ammont li jissostitwixxih.

(8)   

[…]”

20.

L-Artikolu 26 tal-Kodiċi Fiskali Federali jipprovdi:

“(1)   Persuna għandha domiċilju fis-sens tad-dispożizzjonijiet fiskali meta hija tokkupa akkomodazzjoni taħt kundizzjonijiet li jippermettu li jiġi konkluż li hija ser iżżomm u tuża din l-akkomodazzjoni.

(2)   Persuna għandha r-residenza abitwali tagħha fis-sens tad-dispożizzjonijiet fiskali meta hija tirrisjedi taħt kundizzjonijiet li jindikaw li hija ma tirrisjedix f’dan il-post jew f’dan il-pajjiż b’mod temporanju biss. […]

(3)   Iċ-ċittadini Awstrijaċi li għandhom kuntratt ta’ xogħol ma’ organu pubbliku u li l-post tax-xogħol tagħhom jinsab f’pajjiż barrani (uffiċjali f’pajjiż barrani) jiġu ttrattati bħal persuni li għandhom ir-residenza abitwali tagħhom fil-post fejn jinsab is-servizz li jagħtihom ir-remunerazzjoni. L-istess japplika għall-konjuġi tagħhom, sa fejn il-konjuġi jifformaw dar ta’ abitazzjoni permanenti, u għall-ulied minuri tagħhom li jifformaw parti minn din id-dar.”

21.

Permezz ta’ ittra ta’ intimazzjoni tal‑25 ta’ Jannar 2019, il-Kummissjoni ġibdet l-attenzjoni tar-Repubblika tal-Awstrija għat-tħassib li kienet tqajjem l-introduzzjoni, sa mill‑1 ta’ Jannar 2019, ta’ mekkaniżmu ta’ adattament tal-ammont tal-benefiċċji tal-familja kif ukoll tal-vantaġġi soċjali u fiskali mogħtija mir-Repubblika tal-Awstrija lill-ħaddiema li għandhom l-ulied, skont il-livell ġenerali tal-prezzijiet fl-Istat Membru fejn dawn jirrisjedu b’mod permanenti.

22.

Il-Kummissjoni kkunsidrat li adattament tal-ammont tal-benefiċċju tal-familja skont il-post ta’ residenza tal-wild kien imur kontra l-Artikoli 7 u 67 tar-Regolament Nru 883/2004, li jipprovdu li l-benefiċċji fi flus ma jistgħu jkunu l-oġġett ta’ ebda tnaqqis minħabba l-fatt li membru tal-familja, bħal wild, jirrisjedi fi Stat Membru ieħor. Barra minn hekk, huma essenzjalment ħaddiema ta’ Stati Membri oħra, u mhux ħaddiema Awstrijaċi, li huma kkonċernati mill-adattament tal-benefiċċji u l-vantaġġi mogħtija mir-Repubblika tal-Awstrija favur l-ulied. Tali diskriminazzjoni indiretta tmur, skont il-Kummissjoni, kontra l-prinċipju ta’ ugwaljanza fit-trattament stabbilit fl-Artikolu 4 tar-Regolament Nru 883/2004 u fl-Artikolu 7 tar-Regolament Nru 492/2011.

23.

Fit-tweġiba tagħha għall-ittra ta’ intimazzjoni tal‑25 ta’ Marzu 2019, ir-Repubblika tal-Awstrija argumentat li:

24.

Peress li ma kinitx issodisfatta b’din it-tweġiba, il-Kummissjoni ħarġet, fis‑26 ta’ Lulju 2019, opinjoni motivata li fiha hija sostniet, essenzjalment, il-pożizzjoni tagħha. Hija speċifikat li ma jeżistix riferiment rilevanti fid-dritt tal-Unjoni u rrilevat il-fatt li l-ammonti mogħtija huma b’rata fissa, mingħajr adattament skont il-livell ta’ prezzijiet fir-reġjuni differenti tal-Awstrija skont ir-residenza permanenti tal-wild. Għalhekk, differenza fil-livell tal-benefiċċji u tal-vantaġġi mogħtija favur l-ulied applikata għal dawk li jirrisjedu fi Stat Membru ieħor, tikkostitwixxi diskriminazzjoni indiretta għax tolqot b’iktar qawwa lill-ħaddiema migranti milli lill-ħaddiema Awstrijaċi. In-natura ta’ rata fissa tal-ammonti ta’ dawn il-benefiċċji u tal-vantaġġi turi li dawn ma jiddependux mill-ispejjeż reali marbuta mal-manteniment ta’ wild u li għalhekk ma jiżgurawx kumpens iktar ġust għall-ispejjeż sostnuti mill-familji sabiex ilaħħqu mal-bżonnijiet tal-ulied.

25.

Permezz ta’ ittra tal‑24 ta’ Ottubru 2019, ir-Repubblika tal-Awstrija wieġbet għal din l-opinjoni motivata billi indikat li l-ammonti tal-benefiċċji tal-familja kif ukoll l-vantaġġi soċjali u fiskali inkwistjoni ma humiex sempliċement ta’ rata fissa, iżda jikkorrispondu għall-bżonnijiet reali. Barra minn hekk, il-fatt li l-benefiċċji u l-vantaġġi inkwistjoni jingħataw taħt forma ta’ ammonti b’rata fissa ma jipprekludix l-adattament tagħhom skont il-livell tal-prezzijiet fil-post ta’ residenza tal-ulied. Tali adattament ma jikkostitwixxix inugwaljanza fit-trattament, iżda jiżgura li l-ħaddiem li jirċievi l-benefiċċji u l-vantaġġi jibbenefika f’kull każ minn tnaqqis identiku mill-ispejjeż, ikun xi jkun il-post ta’ residenza effettiv tal-wild. Preżunt li teżisti diskriminazzjoni indiretta, din hija ġġustifikata, b’mod partikolari, mill-għan ta’ bilanċ tal-infiq tas-sistema ta’ sigurtà soċjali kif ukoll mill-għan ta’ teħid inkunsiderazzjoni tal-kapaċità kontributtiva tal-benefiċjarji.

26.

Peress li ma kinitx konvinta b’din it-tweġiba, il-Kummissjoni ppreżentat dan ir-rikors skont l-Artikolu 258 TFUE.

27.

Permezz tar-rikors tagħha, il-Kummissjoni titlob lill-Qorti tal-Ġustizzja:

28.

Ir-Repubblika tal-Awstrija titlob lill-Qorti tal-Ġustizzja:

29.

Permezz ta’ deċiżjonijiet tal-President tal-Qorti tal-Ġustizzja, ir-Repubblika Ċeka (6 ta’ Novembru 2020), ir-Repubblika tal-Kroazja (20 ta’ Novembru 2020), ir-Repubblika tal-Polonja (19 ta’ Novembru 2020), ir-Rumanija (12 ta’ Novembru 2020), ir-Repubblika tas-Slovenja (22 ta’ Ottubru 2020) u r-Repubblika Slovakka (22 ta’ Ottubru 2020) ġew awtorizzati jintervjenu insostenn tat-talbiet tal-Kummissjoni.

30.

Permezz ta’ deċiżjoni tal-President tal-Qorti tal-Ġustizzja, ir-Renju tad-Danimarka (20 ta’ Novembru 2020) ġie awtorizzat jintervjeni insostenn tat-talbiet tar-Repubblika tal-Awstrija.

31.

Permezz ta’ digriet tal-President tal-Qorti tal-Ġustizzja tat‑18 ta’ Diċembru 2020, l-Awtorità tas-Sorveljanza (EFTA) u r-Renju tan-Norveġja ġew awtorizzati jintervjenu insostenn tat-talbiet, tal-Kummissjoni u tar-Repubblika tal-Awstrija rispettivament.

32.

Il-Kummissjoni tikkonkludi l-osservazzjonijiet tagħha fir-rigward tan-noti ta’ intervent fis-sens li n-noti tar-Repubblika Ċeka, tar-Repubblika tal-Kroazja, tar-Repubblika tal-Polonja, tar-Rumanija, tar-Repubblika tas-Slovenja, tar-Repubblika Slovakka u tal-Awtorità tas-Sorveljanza EFTA jikkorroboraw bis-sħiħ l-argumenti tagħha, filwaqt li l-argument imressaq fin-noti ta’ intervent tar-Renju tad-Danimarka u tar-Renju tan-Norveġja ma huwiex ta’ natura li jikkontestahom.

33.

Fl-osservazzjonijiet tagħha fir-rigward tan-noti ta’ intervent, ir-Repubblika tal-Awstrija tispeċifika li hija taqbel bis-sħiħ mal-osservazzjonijiet tar-Renju tad-Danimarka kif ukoll tar-Renju tan-Norveġja u tirrileva li l-partijiet intervenjenti insostenn tal-Kummissjoni ma jinvokaw ebda argument ġdid. Hija żżomm bis-sħiħ il-konklużjonijiet tagħha, kif ifformulati fir-risposta tagħha u riprodotti fil-kontroreplika tagħha.

34.

Il-Kummissjoni tifformula żewġ ilmenti insostenn tar-rikors tagħha bbażati fuq il-konstatazzjoni li, billi teskludi l-ammont ta’ rata fissa stabbilit mil-liġi, ir-Repubblika tal-Awstrija tipprovdi adattament tal-ammont tal-allowance tal-familja u tal-kreditu fiskali għal wild dipendenti kif ukoll diversi vantaġġi fiskali oħra, jiġifieri l-bonus tal-familja “plus”, il-kreditu fiskali għal dar bi dħul wieħed, il-kreditu fiskali għal dar b’ġenitur wieħed u l-kreditu fiskali għal pensjoni tal-manteniment, skont il-livell tal-prezzijiet fl-Istat Membru ( 9 ) fejn jirrisjedi b’mod permanenti l-wild li jagħti dritt għal dawn il-benefiċċji.

35.

L-ewwel ilment huwa bbażat fuq il-ksur tal-Artikoli 7 u 67 tar-Regolament Nru 883/2004. It-tieni lment huwa bbażat fuq ksur tal-prinċipju ta’ ugwaljanza fit-trattament previst fl-Artikolu 4 tar-Regolament Nru 883/2004 u fl-Artikolu 7(2) tar-Regolament Nru 492/2011.

36.

Permezz tal-ewwel ilment tagħha, il-Kummissjoni ssostni l-ksur mir-Repubblika tal-Awstrija tal-obbligi tagħha skont l-Artikoli 7 u 67 tar-Regolament Nru 883/2004 sa fejn il-leġiżlazzjoni ta’ dan l-Istat Membru tipprovdi l-adattament tal-allowance tal-familja u tal-kreditu fiskali għal wild dipendenti għall-ħaddiema li huma membri tal-iskema ta’ sigurtà soċjali Awstrijaka, iżda li l-ulied tagħhom jirrisjedu fi Stat Membru ieħor.

37.

Il-Kummissjoni tesponi li:

38.

Il-Kummissjoni targumenta li:

39.

F’dan ir-rigward, il-Kummissjoni ssostni, bi tweġiba għall-argument tar-Renju tad-Danimarka, li jipprovdi li l-Artikolu 5(b) tar-Regolament Nru 883/2004 jimmilita wkoll favur il-legalità ta’ adattament tal-benefiċċji tal-familja skont ir-residenza tal-wild, li għall-kuntrarju, l-istess finzjoni tar-residenza fl-Istat Membru kompetenti fis-sens ta’ din id-dispożizzjoni li tidher meta dan għandu jieħu inkunsiderazzjoni fatti jew avvenimenti li seħħew fi Stat Membru ieħor, tikkonferma wkoll l-interpretazzjoni tagħha tal-Artikoli 7 u 67 ta’ dan ir-regolament.

40.

Barra minn hekk, fir-rigward tad-deċiżjoni ta’ kapijiet tal-Istat jew ta’ gvern, magħqudin fi ħdan il-Kunsill Ewropew, fir-rigward ta’ arranġament ġdid għar-Renju Unit fl-Unjoni Ewropea ( 16 ), li minnu tibbenefika r-Repubblika tal-Awstrija peress li din id-deċiżjoni kienet tipprovdi li l-Kummissjoni ser tippreżenta proposta intiża sabiex temenda r-Regolament Nru 883/2004 sabiex tippermetti lill-Istati Membri jindiċjaw il-benefiċċji soċjali għall-ulied li jirrisjedu fi Stat Membru differenti minn dak fejn jirrisjedi l-ħaddiem, il-Kummissjoni tenfasizza, minn naħa, li minħabba l-irtirar tar-Renju Unit tal-Gran Brittanja u l-Irlanda ta’ Fuq mill-Unjoni, dan ir-regolament ma ġiex emendat. Min-naħa l-oħra, hija tal-fehma li mill-valutazzjoni tal-impatt tal-emenda ta’ dan ir-regolament, iċċitata mir-Repubblika tal-Awstrija, fejn waħda mill-għażliet previsti kienet tikkonsisti f’adattament tal-benefiċċji tal-familja esportati skont il-livell tal-ħajja tal-Istat Membru ta’ residenza tal-ulied ( 17 ), ma jirriżultax li tali indiċjar kien konformi mad-dritt tal-Unjoni fis-seħħ, peress li hemm riżervi f’dan ir-rigward ( 18 ) u hija ma sostnietx din l-għażla.

41.

Fl-ewwel lok, fir-rigward tal-allowances tal-familja, ir-Repubblika tal-Awstrija tesponi li, skont l-Artikolu 1 tal-FLAG, l-għoti ta’ allowances tal-familja huwa intiż sabiex jintroduċi kumpens għall-ispejjeż fl-interess tal-familja u li ż-żieda tal-ammont tagħhom, prevista fl-Artikolu 8(2) tal-FLAG, skont l-età tal-wild li fuqha jiddependi l-livell ta’ spejjeż tikkorrispondi għal dan l-għan. Hija tfakkar li l-FLAG ġabret f’għajnuna waħda għajnuniet differenti għall-familji li kienu mogħtija sa mill-ewwel snin ta’ wara t-Tieni Gwerra Dinjija, inizjalment fil-forma ta’ benefiċċji in natura, bħala sostenn għall-familji b’mod immirat.

42.

Ir-Repubblika tal-Awstrija tenfasizza, billi tibbaża ruħha fuq id-dispożizzjonijiet tal-Artikolu 8 tal-FLAG li:

43.

Ir-Repubblika tal-Awstrija tispeċifika li l-ammont tal-allowances tal-familja, li jikkorrispondi għall-ispejjeż medji ta’ għajxien jew għall-bżonnijiet bażiċi, ġie miżjud skont il-livell tas-salarji u tal-prezzijiet kif ukoll tal-inflazzjoni. Għall-kuntrarju, dan seta’ jonqos għal raġunijiet baġitarji statali.

44.

Għal dak li jirrigwarda l-finanzjament u l-kundizzjonijiet tal-għoti tal-allowances tal-familja, ir-Repubblika tal-Awstrija tispjega li:

45.

Fit-tieni lok, fir-rigward tal-kreditu fiskali għal wild dipendenti, ir-Repubblika tal-Awstrija tesponi li skont l-Artikolu 33(3) tal-EStG, il-persuna taxxabbli li tibbenefika mill-allowances tal-familja abbażi tal-FLAG għandha dritt, għal kull wieħed minn uliedha, għal kreditu fiskali għal wild dipendenti ta’ EUR 58.40, imħallas fl-istess ħin tal-allowances tal-familja. Minn perspettiva ekonomika, il-kreditu fiskali għal wild dipendenti għandu għalhekk in-natura ta’ żieda tal-allowances tal-familja. Madankollu, għall-kuntrarju ta’ dawn tal-aħħar, il-kreditu fiskali għal wild dipendenti ma huwiex iffinanzjat mir-riżorsi tal-Fond ta’ Kumpens għall-Allowances tal-Familja, iżda mid-dħul fiskali ġenerali.

46.

Mill-banda l-oħra, il-bonus tal-familja “plus” u l-vantaġġi fiskali l-oħra ( 26 ) inkwistjoni ma jikkostitwixxux kontribuzzjoni għall-manteniment tal-ulied, iżda kumpens, permezz ta’ tnaqqis tal-piż fiskali, peress li, bi dħul ugwali, il-persuni taxxabbli li jeżerċitaw attività professjonali li għandhom l-ulied għandhom kapaċità kontributtiva inqas minn dik tal-persuni taxxabbli li jeżerċitaw attività professjonali li ma għandhomx. Din il-kapaċità hija evalwata skont il-bżonnijiet materjali bażiċi (jew bżonnijiet medji) għall-manteniment ta’ wild, li jinkludu attivitajiet indispensabbli għall-ħajja tiegħu.

47.

Ir-Repubblika tal-Awstrija tispjega l-għażla tagħha li tadatta l-ammont tal-benefiċċji tal-familja u tal-vantaġġi fiskali ( 27 ) inkwistjoni, skont l-Istat Membru ta’ residenza tal-wild, abbażi tal-livelli ta’ prezzijiet komparattivi ppubblikati mill-Eurostat, minħabba l-iskop b’mod partikolari tal-allowances tal-familja u tal-kreditu fiskali għal wild dipendenti, li huwa li l-ġenituri jiġu rrimborsati parti mill-ispejjeż li jkollhom isostnu tipikament għall-finijiet tal-manteniment tal-wild tagħhom, kif ukoll minħabba li dawn l-ispejjeż jiddependu, essenzjalment, mil-livell tal-prezzijiet tal-post tar-residenza permanenti.

48.

Issa, it-tkabbir tal-libertà ta’ moviment tal-ħaddiema fi ħdan l-Unjoni u l-esportazzjoni indifferenzjata tal-allowances tal-familja u tal-kreditu fiskali għal wild dipendenti li tirriżulta minnu, irrispettivament mill-Istat li fih l-ulied li għalihom ingħataw il-benefiċċji kellhom ir-residenza permanenti tagħhom, wasslu għal distorsjonijiet qawwija fis-sistema ta’ dawn il-benefiċċji. Jekk il-wild kien jgħix fi Stat Membru b’kapaċità tal-akkwist baxxa, l-effett tas-sostenn jeċċedi t-tnaqqis previst ( 28 ). Għall-kuntrarju, jekk il-wild kien jgħix fi Stat Membru b’kapaċità tal-akkwist ogħla, it-tnaqqis jibqa’ taħt il-miżura prevista.

49.

Fit-tielet lok, bi tweġiba għall-ewwel ilment tal-Kummissjoni, ir-Repubblika tal-Awstrija tqis li l-mekkaniżmu ta’ adattament tal-ammont tal-allowance tal-familja u tal-kreditu fiskali għal wild dipendenti, għall-ħaddiema kollha kemm jekk Awstrijaċi jew le, ma huwiex ipprojbit mill-Artikoli 7 u 67 tar-Regolament Nru 883/2004.

50.

Ir-Repubblika tal-Awstrija ssostni li:

51.

F’dan ir-rigward, ir-Repubblika tal-Awstrija tirreferi wkoll:

52.

Għalhekk, ir-Repubblika tal-Awstrija tikkunsidra, l-ewwel, li l-Kummissjoni ma tistax issostni, billi tirreferi għas-sentenzi Lenoir u Moser, li benefiċċji mogħtija taħt il-forma ta’ ammont b’rata fissa, bid-differenza għal dawk mogħtija direttament skont is-sitwazzjoni reali tal-benefiċjarji, ma jistgħu jiġu adattati fl-ebda każ. F’dan ir-rigward, ir-Repubblika tal-Awstrija hija tal-fehma li l-benefiċċji inkwistjoni huma komparabbli għal dawk li kienu l-oġġett tas-sentenza Lenoir. Hija ssostni li l-ispejjeż tax-xiri ta’ oġġetti neċessarji ta’ kuljum, li huma, mhux biss, iżda madankollu marbuta wkoll mad-dħul lura l-iskola, huma wkoll irrimborsati b’rata fissa fil-kuntest tal-allowances tal-familja li hija tħallas. Barra minn hekk, hija tenfasizza li t-teħid inkunsiderazzjoni tal-għan tal-benefiċċju inkwistjoni fis-sentenza Moser huwa trasponibbli għal dan il-każ.

53.

B’mod konkret, ir-Repubblika tal-Awstrija targumenta li l-allowances tal-familja adattati għall-kapaċità tal-akkwist fl-Istat Membru ta’ residenza tal-ulied skont il-mekkaniżmu ta’ adattament għadhom f’ċertu numru ta’ Stat Membri li għad għandhom koeffiċjent ta’ inqas minn 100 % – minn naħa, anki kunsiderevolment – ogħla mill-benefiċċju previst fil-post ta’ residenza tal-ulied. Hija tagħti ż-żewġ eżempji li ġejjin fir-rigward tas-somma mħallsa lil familja b’wild wieħed, li għadu kemm twieled: jekk l-ammont tal-allowances tal-familja fl-Ungerija kien fl‑2020 ta’ 12200 forint Ungeriż (HUF) kull xahar, jiġifieri l-ekwivalenti ta’ madwar EUR 34, l-allowances tal-familja adattati u l-kreditu fiskali għal wild dipendenti mħallsa mir-Repubblika tal-Awstrija kienu jammontaw għal EUR 99.13, jiġifieri kważi t-triplu. Bl-istess mod jekk l-allowances tal-familja fis-Slovakkja kienu jammontaw fl‑2020 għal madwar EUR 24.95 kull xahar, l-allowances tal-familja adattati u l-kreditu fiskali għal wild dipendenti kienu jammontaw għal EUR 122.57, jiġifieri kważi ħames darbiet tal-ammont tal-allowance Slovakka ( 33 ).

54.

It-tieni, ir-Repubblika tal-Awstrija hija tal-fehma li l-Kummissjoni ma tistax tirreferi għas-sentenza Pinna, peress li din tirrigwarda leġiżlazzjoni nazzjonali li teskludi l-għoti ta’ benefiċċji tal-familja, li jagħmilha differenti mill-mekkaniżmu ta’ adattament tal-ammont tal-benefiċċji mħallsa li hija stabbilixxiet.

55.

Hija żżid li, fid-dawl tal-għan tal-leġiżlazzjoni Franċiża inkwistjoni fil-kawża li tat lok għal din is-sentenza, il-Qorti tal-Ġustizzja ġustament ma ħaditx inkunsiderazzjoni l-kunsiderazzjonijiet tal-Avukat Ġenerali Mancini ( 34 ) fir-rigward tal-leġiżlazzjonijiet li jipprovdu adattament tal-benefiċċji esportati. Barra minn hekk, din il-fehma ma tistax tiġi trasposta għal dak li jirrigwarda l-allowances tal-familja Awstrijaċi, għar-raġuni li dawn jieħdu inkunsiderazzjoni l-għoli tal-ħajja u li la l-allowances tal-familja u lanqas il-kreditu fiskali għal wild dipendenti ma huma “element addizzjonali għas-salarju bażiku” ( 35 ) – peress li dawn jingħataw irrispettivament minn eventwali dħul professjonali.

56.

It-tielet, fir-rigward tal-argument tal-Kummissjoni bbażat fuq il-fatt li l-arranġament il-ġdid għar-Renju Unit qatt daħal fis-seħħ ( 36 ), ir-Repubblika tal-Awstrija tirrileva li, madankollu, l-impenn lejn ir-Renju Unit kien jieħu inkunsiderazzjoni livelli ta’ prezzijiet differenti fl-Unjoni kif ukoll, barra minn hekk – għall-kuntrarju tal-leġiżlazzjonijiet li għandhom jiġu evalwati fil-kuntest ta’ rikors għal nuqqas ta’ twettiq ta’ obbligu –, l-importanza tal-benefiċċji mogħtija għall-ulied fl-Istat ta’ residenza. Hija tikkonstata wkoll li, fil-konklużjonijiet tiegħu, fil-punt 2, il-Kunsill tal-Ewropa sostna li d-dispożizzjonijiet li huwa kien ħa kienu “kompatibbli bis-sħiħ mat-Trattati” ( 37 ) u li l-Kummissjoni kkunsidrat li l-għażla sostnuta ma kinitx tikser l-Artikolu 48 TFUE ( 38 ).

57.

F’dan ir-rigward, ir-Repubblika tal-Awstrija tenfasizza li, minkejja li adattament tar-Regolament Nru 883/2004 kien ċertament previst, dan ma kienx il-każ għar-Regolament Nru 492/2011. Minn dan tiddeduċi li l-Artikolu 7 ta’ dan ir-regolament – bħall-Artikolu 4 tar-Regolament Nru 883/2004 – ma jinkludix prinċipju ta’ nondiskriminazzjoni li jmur lil hinn minn dak stabbilit mid-dritt primarju.

58.

Bħala konklużjoni, ir-Repubblika tal-Awstrija tenfasizza li emenda tar-Regolament Nru 883/2004 ma kinitx tkun neċessarja għall-każijiet li fihom Stat Membru jadatta, f’każ ta’ esportazzjoni, skont regoli oġġettivi, “’il fuq” jew “’l isfel”, benefiċċju tal-familja li għandu rabta mal-ambjent ekonomiku u soċjali tal-Istat Membru u li dan huwa l-każ tal-leġiżlazzjoni tagħha, li konsegwentement, għandha tiġi distinta mill-miżuri previsti fl‑2016 għar-Renju Unit.

59.

Ir-rikors għal nuqqas ta’ twettiq ta’ obbligu eżerċitat mill-Kummissjoni jirrigwarda l-leġiżlazzjoni Awstrijaka li tipprovdi, sa mill‑1 ta’ Jannar 2019, l-adattament tal-ammont ta’ ċerti benefiċċji tal-familja kif ukoll ta’ vantaġġi soċjali u fiskali, ’il fuq jew ’l isfel, skont il-livell ġenerali tal-prezzijiet fl-Istat Membru fejn jirrisjedu b’mod permanenti l-ulied li jagħtu dritt għal dawn il-benefiċċji, abbażi tar-relazzjoni bejn il-livelli tal-prezzijiet komparattivi ppubblikati mill-Eurostat għal kull wieħed mill-Istati Membri tal-Unjoni u dak tar-Repubblika tal-Awstrija ( 39 ).

60.

L-ewwel ilment ta’ dan ir-rikors, ibbażat fuq il-ksur tal-Artikoli 7 u 67 tar-Regolament Nru 883/2004, jirrigwarda l-allowances tal-familja u l-kreditu fiskali għal wild dipendenti.

61.

Skont l-Artikolu 3(1)(j) tar-Regolament Nru 883/2004, dan ir-regolament huwa applikabbli għal-leġiżlazzjonijiet kollha relattivi għall-fergħat ta’ sigurtà soċjali li jirrigwardaw il-benefiċċji tal-familja.

62.

F’dan il-każ, huwa stabbilit li l-benefiċċji Awstrijaċi inkwistjoni jikkostitwixxu “benefiċċji tal-familja” fis-sens tal-Artikolu 1(z) tal-imsemmi regolament, fejn din l-espressjoni tinkludi l-benefiċċji kollha in natura jew fi flus intiżi sabiex jagħmlu tajjeb għall-ispejjeż tal-familja, bl-esklużjoni ta’ għotjiet għall-pensjoni tal-manteniment u allowances speċjali tat-twelid jew l-adozzjoni previsti fl-Anness I tal-istess regolament ( 40 ).

63.

Konsegwentement, kif ġustament issostni l-Kummissjoni, dawn il-benefiċċji huma suġġetti għar-regola ġenerali stabbilita fl-Artikolu 7 tar-Regolament Nru 883/2004, intitolat “Rinunzja ta’ regoli dwar ir-residenza”, relattiva b’mod partikolari għall-ammont tal-benefiċċji fi flus, peress li dan l-artikolu jipprovdi li dawn ma jistgħux ikunu suġġetti għal tnaqqis jew modifika minħabba l-fatt li l-benefiċjarju jew il-membri tal-familja tiegħu jirrisjedu fi Stat Membru ieħor minbarra dak fejn tinsab l-istituzzjoni responsabbli mill-għoti tal-benefiċċju.

64.

Din ir-regola hija r-repetizzjoni tal-prinċipju ta’ esportabbiltà tal-benefiċċji ta’ sigurtà soċjali, stabbilit fl-ewwel subparagrafu tal-Artikolu 48(b) TFUE. Għalhekk, l-iffissar tal-ammont ta’ dawn il-benefiċċji skont ir-residenza tal-membri tal-familja jikkostitwixxi ksur tad-dritt ta’ moviment liberu mogħti liċ-ċittadini tal-Unjoni ( 41 ).

65.

Ċertament, l-Artikolu 7 tar-Regolament Nru 883/2004 jipprovdi riżervi espressament ammessi fih ( 42 ). Madankollu, l-Artikolu 67 ta’ dan ir-regolament ma jinsabx fosthom. Għall-kuntrarju, kif targumenta l-Kummissjoni u l-maġġoranza tal-Istati Membri intervenjenti insostenn tagħha, din id-dispożizzjoni tistabbilixxi, fil-Kapitolu 8 tal-imsemmi regolament, iddedikat għall-benefiċċji tal-familja, il-prinċipju ta’ assenza ta’ effett tar-residenza tal-membri tal-familja fi Stat Membru differenti minn dak li jagħti dawn il-benefiċċji.

66.

F’dan ir-rigward, il-Qorti tal-Ġustizzja fakkret ukoll reċentement ħafna li l-Artikolu 67 tar-Regolament Nru 883/2004 huwa intiż sabiex jipprojbixxi li Stat Membru jkun jista’ jissuġġetta l-għoti jew l‑ammont tal-benefiċċji tal-familja għar-residenza tal-membri tal-familja tal‑ħaddiem fl-Istat Membru li jagħti l-benefiċċji ( 43 ).

67.

Konsegwentement, jien tal-fehma li, fid-dawl tar-regola tal-finzjoni tar-residenza tal-ħaddiem fl-Istat Membru li fih jeżerċita d-dritt tiegħu ta’ moviment liberu kif ukoll tar-residenza tal-familja tiegħu kollha ( 44 ), stabbilita fl-Artikolu 67 tar-Regolament Nru 883/2004, li tiżgura l-ugwaljanza fit-trattament tal-ħaddiema migranti, ma huwiex ammissibbli, mingħajr modifika ta’ din id-dispożizzjoni ( 45 ), li Stat Membru jintroduċi fil-leġiżlazzjoni tiegħu eċċezzjoni għall-prinċipju ta’ ekwivalenza stretta tal-ammont tal-benefiċċji tal-familja billi jikkunsidra li dan ir-rekwiżit jista’ jiġi ssoddisfatt biss f’termini ta’ valur, skont l-għan imfittex mil-leġiżlatur nazzjonali, jiġifieri dak li jagħmel tajjeb għall-ispejjeż tal-familja.

68.

Din l-analiżi hija kkorroborata, minn naħa, mill-istruttura ġenerali tar-Regolament Nru 883/2004 li l-Artikolu 68 tiegħu jipprovdi regoli ta’ prijorità intiżi sabiex jiġi evitat il-kumulu inġustifikat tal-benefiċċji meta, għall-istess perijodu u għall-istess membri tal-familja, huma previsti benefiċċji mil-leġiżlazzjoni ta’ iktar minn Stat Membru wieħed ( 46 ) kif ukoll, min-naħa l-oħra, mill-Artikolu 60 tar-Regolament (KE) Nru 987/2009 ( 47 ), iċċitat mill-Awtorità tas-Sorveljanza EFTA u r-Repubblika Ċeka, li jiddefinixxi l-proċedura għall-applikazzjoni tal-Artikoli 67 u 68 tar-Regolament Nru 883/2004. F’dan ir-rigward, il-Qorti tal-Ġustizzja fakkret li l-għan imfittex huwa li jiġi żgurat lill-benefiċjarju ta’ benefiċċji mħallsa minn diversi Stati Membri ammont totali identiku għall-ammont tal-benefiċċju l-iktar favorevoli dovut lilu skont il-leġiżlazzjoni ta’ wieħed fost dawn l-Istati ( 48 ). Din is-sistema hija bbażata fuq l-idea ġenerali li tipprovdi, li jekk ħaddiem migrant iħallas kontribuzzjonijiet soċjali u taxxi fi Stat Membru, huwa għandu jibbenefika mill-istess allowances bħaċ-ċittadini nazzjonali ( 49 ). L-imsemmija sistema tkun imċaħħda mill-effett jekk wieħed mill-Istati Membri jkollu d-dritt li jadatta l-ammont tal-benefiċċji skont il-post ta’ residenza tal-benefiċjarju.

69.

Argumenti kuntrarji għal din l-interpretazzjoni huma bbażati mir-Repubblika tal-Awstrija, sostnuta mir-Renju tad-Danimarka u mir-Renju tan-Norveġja, fuq is-sentenzi Pinna ( 50 ), Lenoir ( 51 ) u Moser ( 52 ). Jidhirli li għandhom jiġu miċħuda minħabba l-iżvilupp tal-kontenut tar-regoli applikabbli fil-qasam ta’ sigurtà soċjali u tal-portata ta’ dawn is-sentenzi.

70.

Fl-ewwel lok, għandu jiġi enfasizzat li l-prinċipju ta’ esportabbiltà tal-benefiċċji tal-familja ġie sostnut mill-Qorti tal-Ġustizzja fis-sentenza Pinna, imbagħad fis-sentenza Lenoir li tirreferi għaliha ( 53 ). Mill-qari tal-argumenti tal-partijiet imfakkra mill-Qorti tal-Ġustizzja fis-sentenza Pinna ( 54 ) jista’ jiġi rrilevat ukoll li t-tilwima li tat lok għal din is-sentenza kienet tirrigwarda d-differenza fir-rigward tal-ammonti u tar-rati tal-benefiċċji skont l-Istat li fih kienu jirrisjedu l-membri tal-familja kkonċernati, li kellu l-effett li jikkontesta d-drittijiet miksuba mill-ħaddiem skont il-liġi li għaliha kien suġġett, u għalhekk, l-għan li jiġi żgurat il-moviment liberu tal-ħaddiema.

71.

Fit-tieni lok, fil-fehma tiegħi, l-eċċezzjoni ammessa fis-sentenza Lenoir f’każ ta’ għoti ta’ benefiċċji li huma strettament marbuta mal-ambjent soċjali ( 55 ) għandha portata limitata.

72.

Fil-fatt, dik id-deċiżjoni għandha titqiegħed fil-kuntest ġuridiku li abbażi tiegħu ngħatat, jiġifieri l-Artikolu 1(u) tar-Regolament Nru 1408/71, li kien jagħmel distinzjoni bejn l-allowances tal-familja – din l-espressjoni tinkludi l-benefiċċji perjodiċi fi flus mogħtija esklużivament skont in-numru, u jekk ikun il-każ, l-età tal-membri tal-familja – u l-benefiċċji tal-familja – din l-espressjoni tinkludi l-benefiċċji kollha in natura jew fi flus intiżi sabiex jagħmlu tajjeb għall-ispejjeż tal-familja bl-esklużjoni tal-allowances speċjali tat-twelid imsemmija fl-Anness I ( 56 ).

73.

Barra minn hekk, kif enfasizzat ir-Repubblika tal-Polonja, id-deroga mill-prinċipju ta’ esportabbiltà tal-benefiċċji ta’ sigurtà soċjali ammessa mill-Qorti tal-Ġustizzja fis-sentenza Lenoir kienet intiża għal benefiċċji speċjali ta’ natura mhux kontributorja ( 57 ).

74.

Madankollu, minn naħa, fir-Regolament Nru 883/2004, fl-Artikolu 1(z), il-leġiżlatur tal-Unjoni ma għamilx tali distinzjoni bejn id-diversi benefiċċji intiżi għall-familji. Min-naħa l-oħra bħala eċċezzjoni għall-prinċipju ġenerali stabbilit fl-Artikolu 7 ta’ dan ir-regolament relattiva għall-klawżoli ta’ residenza, il-kriterju tal-ambjent ekonomiku u soċjali ġie ammess biss għall-benefiċċji li jaqgħu fil-kamp ta’ applikazzjoni materjali tal-Artikolu 70 tal-imsemmi regolament ( 58 ).

75.

Fit-tielet lok, fir-rigward tas-sentenza Moser, li skont ir-Repubblika tal-Awstrija u r-Renju tan-Norveġja, tiġġustifika li jiġi sostnut li l-għan tal-benefiċċju kkonċernat huwa determinanti, jiena tal-fehma li l-interpretazzjoni tal-Qorti tal-Ġustizzja ma hijiex trasponibbli. Fil-fatt, il-kawża li tat lok għal din is-sentenza kienet tirrigwarda allowance għaż-żamma ta’ wild, li fil-varjant tagħha marbut mad-dħul, kienet tikkostitwixxi benefiċċju ta’ sostituzzjoni tad-dħul professjonali. L-ammont tagħha kien jiddependi espressament minn dak tad-dħul preċedenti, li ġġustifika għaliex il-Qorti tal-Ġustizzja wettqet interpretazzjoni konformi mal-għan li jiġi kkumpensat it-telf mis-salarju billi sostniet li l-ammont tal-allowance kellu jiġi kkalkolat skont is-salarju effettiv. Għalhekk, is-soluzzjoni sostnuta mill-Qorti tal-Ġustizzja fl-imsemmija sentenza ma hijiex ibbażata fuq il-possibbiltà ta’ adattament ta’ benefiċċju tal-familja għall-ambjent ekonomiku u soċjali skont il-post ta’ residenza tal-benefiċjarju tiegħu.

76.

F’dan il-każ, ir-riferiment għas-sentenza Moser ma huwiex, a fortiori, rilevanti sabiex jiġi ġġustifikat l-adattament tal-ammont tal-benefiċċji tal-familja meta dan ma jiddependix mill-ispejjeż reali u huwa ddeterminat lil hinn minn kull evalwazzjoni individwali u diskrezzjonali tal-bżonnijiet personali tal-benefiċjarji, abbażi ta’ sitwazzjoni legalment definita ( 59 ).

77.

Fil-fatt, nosserva, bħall-Kummissjoni u xi Stati Membri intervenjenti insostenn tagħha, li mill-elementi tal-fajl sottomess lill-Qorti tal-Ġustizzja jirriżulta li, l-allowances tal-familja mogħtija mir-Repubblika tal-Awstrija jikkorrispondu għad-definizzjoni mogħtija mir-Regolament Nru 1408/71, jiġifieri li jirrigwardaw benefiċċji perjodiċi fi flus mogħtija għall-familja tal-benefiċjarju esklużivament skont in-numru, u jekk ikun il-każ, l-età tal-membri tal-familja.

78.

F’dan ir-rigward, nirrileva, l-ewwel, li skont il-formulazzjoni tal-Artikolu 8 tal-FLAG, l-ammont tal-allowances tal-familja dovut lil persuna huwa ddeterminat skont in-numru u l-età tal-ulied li għalihom jingħataw dawn l-allowances tal-familja. It-tieni, ma tingħata ebda preċiżjoni dwar ir-rabta bejn l-ammont ta’ dan il-benefiċċju u l-livell reali tal-prezzijiet li abbażi tagħhom huwa kkalkolat ( 60 ). Għalhekk, ir-Repubblika tal-Awstrija ma tistax tillimita ruħha sabiex issostni li l-fatt li l-ammont ta’ dan il-benefiċċju jiżdied skont l-età juri li huwa “bħala prinċipju” marbut mal-ispejjeż tal-manteniment tal-wild.

79.

B’mod ġenerali, mil-leġiżlazzjoni nazzjonali inkwistjoni ma jirriżultax liema huma preċiżament l-ispejjeż ta’ kuljum li jservu bħala bażi għall-istabbiliment tal-ammont b’rata fissa tal-benefiċċji tal-familja ( 61 ), u lanqas liema elementi oħra minbarra l-età u n-numru ta’ wlied jistgħu jiġġustifikaw iż-żieda tagħhom, u lanqas skont liema proporzjonijiet. F’dawn iċ-ċirkustanzi, il-Kummissjoni ssostni b’mod fondat li ma humiex meħuda inkunsiderazzjoni l-ispejjeż effettivi ( 62 ) marbuta ma’ bżonnijiet speċifiċi, li huwa kkorroborat mill-uniformità tal-ammonti fit-territorju Awstrijak kollu mingħajr kunsiderazzjoni tal-varjazzjonijiet marbuta mal-livell tal-prezzijiet fl-Awstrija.

80.

Għalhekk, għal dawn ir-raġunijiet kollha esposti preċedentement, nipproponi lill-Qorti tal-Ġustizzja tiddeċiedi li l-ewwel ilment invokat mill-Kummissjoni huwa fondat.

81.

Permezz tat-tieni lment tagħha, il-Kummissjoni ssostni l-ksur mir-Repubblika tal-Awstrija tal-prinċipju ta’ ugwaljanza fit-trattament previst, minn naħa, fl-Artikolu 4 tar-Regolament Nru 883/2004 u fl-Artikolu 7(2) tar-Regolament Nru 492/2011 sa fejn il-leġiżlazzjoni ta’ dan l-Istat Membru timplimenta l-adattament tal-allowance tal-familja kif ukoll tal-kreditu fiskali għal wild dipendenti, u min-naħa l-oħra, fl-Artikolu 7(2) ta’ dan l-aħħar regolament sa fejn il-leġiżlazzjoni tal-imsemmi Stat Membru tipprovdi l-adattament tal-bonus tal-familja “plus”, tal-kreditu fiskali għal familja bi dħul wieħed, tal-kreditu fiskali għal dar b’ġenitur wieħed u tal-kreditu fiskali għal pensjoni tal-manteniment, skont il-post ta’ residenza tal-wild.

82.

Il-Kummissjoni tesponi li:

83.

Il-Kummissjoni targumenta li:

84.

F’dan ir-rigward, il-Kummissjoni tirrileva li:

85.

Il-Kummissjoni żżid li, madankollu, il-leġiżlazzjoni Awstrijaka teskludi l-każijiet li fihom l-ulied tal-familja ta’ uffiċjal Awstrijak li segwewh meta kien issekondat fi Stat Membru ieħor fil-kuntest ta’ missjoni ta’ servizz, billi titratta l-benefiċċji bħallikieku jirrisjedu fl-Awstrija.

86.

Issa, din l-istituzzjoni, fid-dawl tal-kriterji ta’ evalwazzjoni tal-komparabbiltà tas-sitwazzjonijiet stabbiliti mill-Qorti tal-Ġustizzja ( 66 ), dik tal-ħaddiema transkonfinali li jirrisjedu mat-tfal tagħhom ma hijiex differenti minn dik tal-uffiċjali Awstrijaċi ssekondati. Minkejja li jkunu żvantaġġati billi jintbagħtu fi Stati Membri li fihom l-ispejjeż tal-ħajja huma ogħla minn dawk tar-Repubblika tal-Awstrija, in-numru tagħhom huwa ferm inqas minn dak tal-ħaddiema migranti. Il-Kummissjoni hija tal-fehma wkoll li d-differenzi ġuridiċi internazzjonali, Ewropej u nazzjonali invokati minn dan l-Istat Membru huma ineffettivi.

87.

Il-Kummissjoni tikkonkludi minn dan li r-Repubblika tal-Awstrija ħolqot diskriminazzjoni indiretta għad-detriment tal-ħaddiema migranti, li ebda għan leġittimu donnu ma jista’ jiġġustifika.

88.

Bi tweġiba għall-argumenti tar-Repubblika tal-Awstrija li, fl-ewwel lok, id-diskriminazzjoni ma tistax tiġi kkostitwita għar-raġuni li l-prinċipju ta’ ugwaljanza fit-trattament jeħtieġ li l-ammont tal-vantaġġi finanzjarji għall-manteniment ta’ wild dovuti lil ħaddiem jikkorrispondi għal dak tal-ispejjeż tiegħu fil-post ta’ residenza ta’ dan il-wild ( 67 ), il-Kummissjoni tosserva li l-benefiċċji tal-familja kif ukoll il-vantaġġi soċjali u fiskali inkwistjoni ma humiex ikkalkolati, b’mod ġenerali, skont il-livell reali tal-prezzijiet f’dan il-post u li l-ammont b’rata fissa tagħhom huwa uniformi, fit-territorju kollu nazzjonali, minkejja d-differenza tal-kapaċità tal-akkwist fl-unitajiet reġjonali differenti. F’dan ir-rigward, hija tirrileva li l-ispjegazzjoni mogħtija mir-Renju tad-Danimarka, insostenn ta’ dik tar-Repubblika tal-Awstrija, li din l-uniformità tirriżulta mill-kalkolu tal-ammont tal-allowances tal-familja u tal-kreditu fiskali għal wild dipendenti b’riferiment għall-kategorija ta’ persuni li għandhom l-iktar dħul baxx, ma hija bbażata fuq ebda element ipprovdut mir-Repubblika tal-Awstrija.

89.

Il-Kummissjoni tispeċifika wkoll li huwa diffiċli li wieħed jifhem kif dan l-Istat Membru jista’ jsostni li l-benefiċċji tal-familja kif ukoll il-vantaġġi soċjali u fiskali li huwa jagħti għandhom rabta reali mal-ispejjeż sostnuti għall-ulied filwaqt li jiġi kkunsidrat li huwa għandu jwettaq, pereżempju, fir-rigward tal-Ġermanja u tal-Italja, adattament ta’ dawn il-benefiċċji u vantaġġi minħabba differenza fil-kapaċità tal-akkwist ta’ 2.6 % u 5.2 % biss, ferm inferjuri għal dik, eżistenti ġewwa r-Repubblika tal-Awstrija, ta’ 8 % bejn l-Istat Federali ta’ Wien u dak ta’ Nieder-Osterreich, li ma hijiex meħuda inkunsiderazzjoni ( 68 ).

90.

Il-Kummissjoni żżid li l-mekkaniżmu ta’ adattament previst fl-Awstrija implimentat skont il-post ta’ residenza tal-wild ma huwiex komparabbli mal-koeffiċjenti ta’ korrezzjoni applikati għar-remunerazzjonijiet u għall-għajnuniet finanzjarji previsti fl-atti tal-Unjoni, għar-raġuni li jiddependu mill-post tax-xogħol tal-uffiċjali tal-Unjoni jew fuq il-post fejn dawn l-għajnuniet għandhom jitħallsu, u li l-allowances tal-familja Awstrijaċi jitħallsu lill-ħaddiem migrant għal uliedu u mhux għalih innifsu.

91.

Barra minn hekk, il-Kummissjoni tirrileva li r-Renju tad-Danimarka ma jistax isostni fl-istess waqt li sitwazzjonijiet differenti għandhom jiġu ttrattati b’mod differenti u li l-Istati Membri ma għandhomx jadattaw l-ammont tal-allowances meta l-kapaċità tal-akkwist tkun ogħla fl-Istat Membru ta’ residenza tal-ulied.

92.

Fit-tieni lok, fir-rigward tal-ġustifikazzjoni mir-Repubblika tal-Awstrija tal-eżistenza ta’ eventwali diskriminazzjoni, li hija bbażata fuq l-għan imfittex li jikkonsisti fil-protezzjoni minn riskju ta’ żbilanċ finanzjarju tas-sistema ta’ sigurtà soċjali ( 69 ), il-Kummissjoni tfakkar li dan ir-riskju għandu jkun gravi ( 70 ). Madankollu, hija tirrileva li mir-rapport tar-Rechnungshof (il-Qorti tal-Awdituri, l-Awstrija), invokat mir-Repubblika tal-Awstrija nnifisha matul il-proċedura prekontenzjuża sabiex issostni din l-allegata ġustifikazzjoni, jirriżulta li, l-ewwel, is-sostenn tal-baġit nazzjonali għall-finanzjament tal-benefiċċji tal-familja sar neċessarju wara ż-żieda tal-ammonti b’rata fissa u t-tnaqqis konkominanti tas-sorsi ta’ finanzjament tal-benefiċċji tal-familja ( 71 ).

93.

It-tieni, il-parti tal-benefiċċji tal-familja intiża għall-ulied li jirrisjedu fi Stat Membru ieħor minbarra r-Repubblika tal-Awstrija tikkorrispondi għal madwar 6 % tal-ħlasijiet kollha.

94.

It-tielet, jekk l-għoti ta’ dawn il-benefiċċji għandu riperkussjonijiet fuq il-finanzjament tal-benefiċċji tal-familja, dan huwa prinċipalment minħabba l-assenza ta’ kontrolli xierqa tal-kundizzjonijiet tal-għoti ta’ dawn il-benefiċċji mill-awtoritajiet Awstrijaċi ( 72 ).

95.

Ir-raba’, l-adattament tal-benefiċċji tal-familja skont il-livell tal-prezzijiet tal-Istat Membru kkonċernat meta mqabbel ma’ dak tar-Repubblika tal-Awstrija jagħmel iktar diffiċli l-ġestjoni ta’ dawn il-benefiċċji, minn perspettiva teknika u ekonomika, minħabba s-sistema ta’ ħlas tas-suppliment għad-differenza fir-rigward tal-benefiċċji tal-familja mogħtija fl-Istat Membru ta’ residenza tal-wild. Din is-sistema, stabbilita mill-Artikolu 68(2) tar-Regolament Nru 883/2004, hija applikabbli fit-tliet kwarti tal-każijiet ta’ ħlas ta’ benefiċċji tal-familja għall-ulied li jirrisjedu fi Stati Membri oħra.

96.

Fit-tielet lok, fir-rigward tal-ġustifikazzjoni tal-eżistenza ta’ diskriminazzjoni invokata mir-Repubblika tal-Awstrija, sussidjarjament, ibbażata fuq l-għan li tiġi żgurata l-ekwivalenza f’termini ta’ valur tas-sostenn u tat-tnaqqis finanzjarju fl-Awstrija mal-Istati Membri l-oħra skont ir-residenza tal-wild, il-Kummissjoni targumenta li din il-ġustifikazzjoni ma tikkostitwixxix raġuni imperattiva ta’ interess ġenerali rrikonoxxut u hija bbażata fuq argumenti relatati mal-assenza ta’ inugwaljanza fit-trattament u mal-koerenza tal-mekkaniżmu ta’ adattament li fost oħrajn, huma kontradetti mill-eċċezzjoni ta’ dan il-mekkaniżmu favur l-uffiċjali Awstrijaċi ssekondati.

97.

Barra minn hekk, il-Kummissjoni, sostnuta mir-Repubblika Slovakka, hija tal-fehma li r-Repubblika tal-Awstrija, billi kkunsidrat li hija kellha tirreaġixxi għal distorsjonijiet fis-sistema li jirriżultaw mill-fatt li s-sostenn finanzjarju tal-ħaddiema migranti kien jaqbeż l-ispejjeż tagħhom, donnha tinsa l-fatt li l-ħaddiema li joriġinaw minn Stati Membri jikkontribwixxu għall-finanzjament tas-sistema soċjali u fiskali Awstrijaka bl-istess mod bħall-ħaddiema Awstrijaċi, ikun xi jkun il-post ta’ residenza tat-tfal tagħhom. Il-Kummissjoni tenfasizza li d-dħul li dawn il-ħaddiema jirċievu fl-Awstrija bħala korrispettiv tal-prestazzjoni ekonomika tagħhom huwa meħud inkunsiderazzjoni b’mod ugwali, kemm għall-kalkolu tal-kontribuzzjoni mħallsa mill-persuni li jimpjegaw għall-finanzjament tal-allowances tal-familja kif ukoll għall-kalkolu tat-taxxa.

98.

Skont ir-Repubblika tal-Awstrija, il-mekkaniżmu ta’ adattament ma jwassalx għal inugwaljanza fit-trattament ta’ sitwazzjonijiet identiċi, iżda jiżgura li sitwazzjonijiet differenti jiġu ttrattati wkoll b’mod differenti. Ir-Repubblika tal-Awstrija tfakkar li l-għan imfittex mil-leġiżlatur Awstrijak bl-għoti ta’ vantaġġi soċjali u fiskali lill-ġenituri li għandhom ulied dipendenti huwa li jippermettilhom jagħmlu tajjeb għal parti mill-ispejjeż tagħhom marbuta mal-manteniment ta’ uliedhom. Għalhekk, għandha ssir distinzjoni bejn is-sitwazzjoni tal-ħaddiema bi wlied li jirrisjedu f’pajjiż barrani u dik ta’ ħaddiema bi wlied li jirrisjedu fl-Awstrija, li ma humiex materjalment komparabbli minħabba differenzi fl-għoli tal-ħajja fl-Istati Membri, u konsegwentement, tal-livell tal-ispejjeż tax-xiri ekwivalenti.

99.

Hija tinnota wkoll, bħar-Renju tad-Danimarka, li skont il-pożizzjoni tal-Kumitat Ewropew tad-Drittijiet Soċjali, responsabbli milli jiżgura l-implimentazzjoni tal-Karta Soċjali Ewropea ( 73 ) u ta’ din il-karta emendata fit‑3 ta’ Mejju 1996, ir-rekwiżit ta’ nondiskriminazzjoni għal dak li jirrigwarda benefiċċji ta’ sigurtà soċjali skont l-Artikolu 12(4) tal-imsemmija karta, ma jipprekludix l-aġġustament tagħhom, jekk il-wild jirrisjedi fi Stat li fih l-għoli tal-ħajja huwa nettament inferjuri ( 74 ).

100.

Ir-Repubblika tal-Awstrija tikkonstata li l-garanzija tal-istess kapaċità tal-akkwist skont l-għoli tal-ħajja fi Stat differenti hija implimentata wkoll mhux biss permezz ta’ koeffiċjent ta’ korrezzjoni u għar-remunerazzjonijiet tal-uffiċjali tal-Unjoni, inkluż l-allowances tal-familja, meta dawn ikunu dovuti lil persuna oħra minbarra dawn l-uffiċjali ( 75 ), li jwassal sabiex jittieħed inkunsiderazzjoni l-post ta’ residenza tal-ulied, iżda wkoll permezz ta’ klassifikazzjoni tal-pajjiżi li jipparteċipaw fil-programm Erasmus+ fi tliet kategoriji sabiex jiġi adattat l-ammont tas-sussidju tal-istudenti għall-ispejjeż ta’ residenza u vjaġġar tagħhom ( 76 ).

101.

Ir-Repubblika tal-Awstrija tirreferi, barra minn hekk, għall-konklużjonijiet tal-Kunsill tad‑9 ta’ Ottubru 2020 dwar it-tisħiħ tal-protezzjoni tad-dħul minimu għall-ġlieda kontra il-faqar u l-esklużjoni soċjali fil-kuntest tal-pandemija tal-COVID‑19 u lil hinn ( 77 ). Hija tirrileva li, billi jirreferi għar-Rakkomandazzjoni tal-Kunsill 92/441/KEE tal‑24 ta’ Ġunju 1992 dwar il-kriterji komuni relattivi għal riżorsi u benefiċċji suffiċjenti fis-sistemi ta’ protezzjoni soċjali ( 78 ), il-Kunsill identifika, fost tliet prinċipji essenzjali, dak tal-“[a]degwatezza”, li wasslu sabiex jikkunsidra li “l-bżonnijiet essenzjali għandhom ikunu koperti b’mod adegwat permezz ta’ benefiċċji ta’ dħul minimu li jieħdu inkunsiderazzjoni l-livell tal-ħajja u l-livell tal-prezzijiet […] nazzjonali fl-Istati Membri kkonċernati”.

102.

Fir-rigward tal-argumenti tal-Kummissjoni bbażati fuq l-assenza ta’ uniformità tal-kapaċitajiet tal-akkwist fit-territorju Awstrijak, ir-Repubblika tal-Awstrija targumenta, qabelxejn, li d-differenzi ta’ kapaċità tal-akkwist huma żgħar ħafna meta mqabbla ma’ dawk eżistenti fl-Istati Membri ( 79 ) u li adattament skont ir-reġjuni għandu jkun previst ukoll f’dawn l-Istati. Id-diffikultajiet ikkawżati minn tali sistema jiġġustifikaw l-użu tal-kalkolu mill-Eurostat ta’ valur medju għall-Istat, li għandu l-vantaġġ li huwa kriterju oġġettiv li jevita dubji dwar il-każijiet fejn jeżistu differenzi żgħar ta’ kapaċità tal-akkwist, pereżempju, fil-Ġermanja jew fl-Italja.

103.

Sussegwentement, ir-Repubblika tal-Awstrija tikkunsidra li skont il-ġurisprudenza tal-Qorti tal-Ġustizzja, tali riferiment għal ammonti uniformi u approssimattivi hija legali ( 80 ) l-istess bħall-għażla tal-kriterju tad-differenza tal-għoli tal-ħajja ( 81 ). F’dan ir-rigward, hija tirreferi wkoll għall-konklużjonijiet tal-Avukata Ġenerali Kokott fil-kawża Hosse ( 82 ) li jipprovdu li “wieħed jista’ eventwalment jirrikonoxxi lill-Istat li jagħti l-benefiċċji d-dritt li jadatta l-benefiċċju f’każ ta’ differenza manifesta fil-livell tal-prezzijiet fl-Istat tad-domiċilju tal-benefiċjarju, sa fejn ir-Regolament Nru 1408/71 ma jipprekludihx. Madankollu, dan l-argument, bl-ebda każ ma jista’ jwassal għal rifjut totali tal-benefiċċju lill-persuna kkonċernata”.

104.

Fl-aħħar, ir-Repubblika tal-Awstrija tinnota li l-Unjoni tirreferi għar-reġjuni li fl-ebda każ ma jappartjenu għal iktar minn Stat Membru wieħed, u dan b’mod partikolari, fil-kuntest tal-evalwazzjoni tal-eliġibbiltà għas-sostenn reġjonali li l-għan tiegħu huwa preċiżament li jippromwovi l-koeżjoni, u għalhekk, li jarmonizza l-kundizzjonijiet tal-ħajja ġewwa l-Unjoni ( 83 ). Hija tikkunsidra li, jekk l-argument difiż mill-Kummissjoni f’din il-proċedura kien korrett, wieħed diffiċilment jista’ jikklassifika adegwat il-fatt li r-reġjuni ta’ Burgenland (l-Awstrija), ta’ Bratislava (is-Slovakkja) u ta’ Nyugat‑Dunántúl (l-Ungerija) – mal-komuni direttament adjaċenti ta’ Deutsch Jahrndorf (l-Awstrija), Rusovce (is-Slovakkja) u Rajka (l-Ungerija) – għandhom drittijiet differenti ħafna għar-riżorsi ta’ sostenn tal-Unjoni, minkejja li huma fruntieri diretti ta’ xulxin.

105.

Fl-ewwel lok, ir-Repubblika tal-Awstrija ssostni li l-Kummissjoni ċċitat dokumenti li ma jiġġustifikawx li hija tfittex għan speċifiku ta’ tfaddil ta’ nfiq u li l-analiżi tagħha hija kkontestata mix-xogħol preparatorju tal-leġiżlazzjoni nazzjonali ( 84 ), u b’mod partikolari, mill-evalwazzjoni tal-konsegwenzi tagħha f’termini ta’ effettività ( 85 ).

106.

Fit-tieni lok, fir-rigward tal-allowances tal-familja u tal-kreditu fiskali għal wild dipendenti, ir-Repubblika tal-Awstrija tfakkar, minn naħa, li skont il-ġurisprudenza stabbilita tal-Qorti tal-Ġustizzja ( 86 ), huma l-Istati Membri li għandhom jorganizzaw is-sistemi ta’ sigurtà soċjali rispettivi tagħhom u li, f’dan il-kuntest, hija emendat il-metodu ta’ kalkolu tal-benefiċċji, skont l-għoli tal-ħajja reali, ’il fuq jew ’l isfel, sabiex tilħaq l-għanijiet li tagħmel tajjeb għal parti mill-ispejjeż tipikament marbuta mal-manteniment tal-ulied u ta’ ekwità tas-sistema soċjali f’termini ta’ valur. Min-naħa l-oħra, ir-Repubblika tal-Awstrija tirreferi għall-ġurisprudenza ċivili Awstrijaka relatata mal-pensjoni tal-manteniment għal ulied li jgħixu f’pajjiż barrani. Din il-pensjoni tal-manteniment hija kkalkolata skont il-kundizzjonijiet tal-ħajja medji tad-debitur tal-manteniment u tal-kapaċità tal-akkwist fil-pajjiż li fih jgħix il-wild. Fuq din il-bażi, il-bżonnijiet tal-benefiċjarju tal-manteniment jitqabblu b’mod konkret u individwalment mal-kundizzjonijiet tal-ħajja tal-ġenituri. Hija targumenta wkoll li l-konstatazzjoni li l-allowances tal-familja ma jkoprux il-bżonnijiet essenzjali ma tibdel xejn mill-funzjoni ta’ sostenn tagħhom ( 87 ), peress li dawn il-benefiċċji jfittxu, bħala prinċipju, l-istess għan bħall-pensjoni tal-manteniment, jiġifieri li jkopru l-ispejjeż normalment sostnuti mill-ġenituri għall-manteniment tal-wild tagħhom u ma jagħmel ebda effett il-fatt li l-livell ta’ astrazzjoni jkun, min-natura, ftit ogħla fil-każ ta’ benefiċċju statali li minnu jibbenefikaw l-ulied kollha milli fl-evalwazzjoni individwali tal-pensjoni tal-manteniment ta’ ġenitur għal wild speċifiku.

107.

Fit-tielet lok, fir-rigward tal-bonus tal-familja “plus” u tal-krediti fiskali l-oħra, ir-Repubblika tal-Awstrija targumenta li l-mekkaniżmu ta’ adattament jiżgura li l-ispejjeż reali jittieħdu inkunsiderazzjoni b’mod ġust u li l-persuni taxxabbli kollha li jeżerċitaw attività professjonali u li għandhom l-ulied, ikunu ttrattati b’mod ugwali għal dak li jirrigwarda l-kapaċità kontributtiva tagħhom.

108.

F’dan ir-rigward, hija tirreferi mill-ġdid għall-prinċipju ta’ kapaċità kontributtiva ( 88 ) li jipprovdi li l-ispejjeż ikkawżati mill-ulied għandhom jittieħdu inkunsiderazzjoni fiskalment b’mod xieraq. Dan il-prinċipju jsib il-bażi tiegħu fid-dritt tal-Unjoni fil-qasam tat-tassazzjoni diretta u jikkostitwixxi prinċipju ġenerali tad-dritt fiskali ġewwa l-Unjoni. Għalhekk, fis-sentenza tal‑15 ta’ Settembru 2011, Schulz‑Delzers u Schulz ( 89 ), il-Qorti tal-Ġustizzja kienet iddeċidiet li l-komparabbiltà ta’ żewġ sitwazzjonijiet fattwali fir-rigward tal-allowances mogħtija għall-espatrijazzjoni “ma tagħmilx parti mill-għan mixtieq skont skala progressiva tat-taxxa li hija neċessarjament ibbażata […] fuq evalwazzjoni tal-kapaċità kontributorja tal-persuna taxxabbli mwettqa abbażi tal-kundizzjonijiet tal-għajxien fit-territorju tal-Istat Membru kkonċernat”.

109.

Fir-raba’ lok, hija tiddikjara li, peress li l-mekkaniżmu ta’ adattament tal-benefiċċji tal-familja u tal-vantaġġi fiskali inkwistjoni jiżgura li jingħata sostenn jew tnaqqis tal-istess valur, ma jmurx lil hinn minn dak li huwa neċessarju għat-twettiq tal-għan imfittex.

110.

Fir-rigward tal-argumenti tal-Kummissjoni bbażati fuq ir-rapport tal-Cour des comptes (il-Qorti tal-Awdituri), ir-Repubblika tal-Awstrija tosserva li:

111.

Fir-rigward tal-argument tal-Kummissjoni li, għal madwar tliet kwarti tal-ulied li jirrisjedu fi Stati Membri oħra, ir-Repubblika tal-Awstrija tagħmel biss ħlasijiet għad-differenza ( 90 ), hija tinnota li anki dawn il-ħlasijiet, inkluż il-kreditu fiskali għal wild dipendenti, jibqgħu, f’ħafna każijiet, ikbar mill-benefiċċji primarji fl-Istat ta’ residenza tal-wild.

112.

Fir-rigward tal-argument ġenerali tal-Kummissjoni, sostnut ukoll mir-Repubblika tal-Kroazja, mir-Repubblika tal-Polonja u mir-Repubblika Slovakka, ibbażat fuq il-fatt li jkun inġust li ħaddiema li jħallsu taxxi fl-Awstrija kif ukoll kontribuzzjonijiet meħuda mis-salarji tagħhom u li għalhekk jipparteċipaw għall-finanzjament tal-benefiċċji kontenzjużi, finalment jirċevuhom biss taħt il-forma ta’ benefiċċji adattati f’termini ta’ valur għal uliedhom li jirrisjedu fi Stat Membru ieħor, ir-Repubblika tal-Awstrija tqis li l-bażi tal-kalkolu tal-kontribuzzjonijiet ta’ min iħaddem hija indifferenti u li ma teżisti ebda relazzjoni bejn l-eventwali obbligu fiskali u d-dritt għall-benefiċċji mħallsa mill-Istat. Għall-kuntrarju, kieku l-obbligu fiskali tal-ħaddiem kellu effett fuq l-esportazzjoni tal-benefiċċji ta’ sigurtà soċjali, allura r-regola stabbilita fl-Artikolu 70 tar-Regolament Nru 883/2004 tkun kuntrarja għad-dritt tal-Unjoni.

113.

Ir-Repubblika tal-Awstrija targumenta li l-argument tal-Kummissjoni insostenn tal-eżistenza ta’ diskriminazzjoni indiretta ma jistax jirrigwarda s-sitwazzjoni tal-uffiċjali Awstrijaċi f’pajjiż barrani li l-ulied tagħhom iċċaqilqu wkoll u li din ma hijiex komparabbli għal dik tal-ħaddiema migranti għal raġunijiet ġuridiċi u materjali. Minn naħa, l-uffiċjali f’pajjiż barrani jkunu suġġetti għal sistema speċjali ta’ eżenzjoni mis-sistema ta’ sigurtà soċjali u fiskali tal-Istat ospitanti skont l-Artikoli 33, 34 u 37 tal-Konvenzjoni ta’ Vjenna dwar ir-Relazzjonijiet Diplomatiċi ( 91 ) kif ukoll l-Artikoli 48 u 49 tal-Konvenzjoni ta’ Vjenna dwar ir-Relazzjonijiet Konsulari ( 92 ).

114.

Barra minn hekk, il-partikolarità tas-sitwazzjoni tal-uffiċjali f’pajjiż barrani tinsab ukoll fid-dritt tal-Unjoni, fl-Artikolu 45(4) TFUE kif ukoll fl-Artikolu 11(3)(b) u fl-Artikolu 13(4) tar-Regolament Nru 883/2004 ( 93 ), li minnhom jirriżulta li l-uffiċjali f’pajjiż barrani ma għandhomx, fl-Istat ospitanti, dritt għal allowances tal-familja u konsegwentement, lanqas għal ħlasijiet għad-differenza jew għal benefiċċji addizzjonali marbuta mas-sitwazzjoni tal-familja tagħhom.

115.

Fl-aħħar, skont id-dritt Awstrijak, l-uffiċjali f’pajjiż barrani huma kkunsidrati li jeżerċitaw l-attività tagħhom fit-territorju nazzjonali għas-sistema tas-sigurtà soċjali u t-trattament tas-sitwazzjoni tagħhom minn perspettiva fiskali. Barra minn hekk, fil-qasam ċivili, huma jibqgħu jaqgħu taħt il-forum ġenerali Awstrijak.

116.

Min-naħa l-oħra, fir-rigward tad-differenzi materjali, l-uffiċjali f’pajjiż barrani, suġġetti għal sistema ta’ trasferiment regolari, iżommu, bħala regola ġenerali, id-domiċilju u ċ-ċentru tal-interessi tagħhom fl-Awstrija.

117.

Barra minn hekk, skont ir-Repubblika tal-Awstrija, jekk jiġi kkunsidrat li s-sitwazzjoni tal-uffiċjali f’pajjiż barrani hija komparabbli għal dik tal-ħaddiema migranti, jirriżulta li dawk tal-ewwel, billi jiġu esklużi mill-applikazzjoni tal-mekkaniżmu ta’ adattament huma, jekk wieħed jikkunsidrahom b’mod globali, mhux iffavoriti, iżda żvantaġġati. Għandu jittieħed inkunsiderazzjoni l-fatt li l-maġġoranza tal-uffiċjali f’pajjiż barrani tar-Repubblika tal-Awstrija, issekondati fi Stati Membri oħra kif ukoll fil-partijiet għall-Ftehim ŻEE u fl-Isvizzera, jinsabu fi Stati li fihom l-għoli tal-ħajja huwa ogħla minn dak tal-Awstrija.

118.

F’dan ir-rigward, il-Kummissjoni ma tistax targumenta numru ogħla ta’ ħaddiema migranti affettwati mill-mekkaniżmu ta’ adattament meta mqabbla mal-uffiċjali Awstrijaċi ssekondati mingħajr ma turi, skont il-ġurisprudenza tal-Qorti tal-Ġustizzja ( 94 ), li l-proporzjon ta’ ħaddiema migranti kkonċernati huwa ikbar minn dak tal-uffiċjali mqiegħda fl-istess sitwazzjoni sfavorevoli.

119.

Jekk il-Qorti tal-Ġustizzja tikkunsidra li l-leġiżlazzjonijiet applikabbli għall-uffiċjali f’pajjiż barrani jikkostitwixxu diskriminazzjoni indiretta, bħala ġustifikazzjoni r-Repubblika tal-Awstrija targumenta, bħala raġuni imperattiva ta’ interess ġenerali, id-dmir ta’ premura tal-Istat vis‑à‑vis l-uffiċjali tiegħu, flimkien mal-obbligu tagħhom ta’ lealtà lejh. Wara li rrilevat li l-Kummissjoni ma tikkontestax il-bażi ta’ din il-ġustifikazzjoni fil-kuntest tar-rikors għal nuqqas ta’ twettiq ta’ obbligu, ir-Repubblika tal-Awstrija tirreferi, f’dan ir-rigward, għal ċerti deċiżjonijiet tal-Qorti tal-Ġustizzja relattivi għall-prinċipju ta’ premura rigward attivitajiet eżerċitati minn aġenti fi ħdan l-istituzzjonijiet tal-Unjoni u fl-amministrazzjoni pubblika tal-Istati Membri ( 95 ).

120.

Skont ir-Repubblika tal-Awstrija, hija turi, fil-kwalità tagħha ta’ persuna li tħaddem, premura ikbar fir-rigward tal-uffiċjali tagħha li jeżerċitaw l-attivitajiet tagħhom fit-territorju nazzjonali u f’pajjiż barrani billi tissuġġetta lil dawn tal-aħħar għal sistema koerenti, maniġġabbli minn perspettiva prattika, ibbażata fuq id-dritt internazzjonali, li tissuġġettahom għad-dritt nazzjonali tal-Istat tal-oriġini billi titlaq mill-prinċipju li l-konsegwenzi ġuridiċi kollha huma marbuta mad-domiċilju tagħhom f’dan l-Istat. Hija tosserva wkoll li l-applikazzjoni tal-mekkaniżmu ta’ adattament ġewwa l-Unjoni, iżda mhux ’il barra minn din tal-aħħar, huwa kontra id-dmir ta’ premura tar-Repubblika tal-Awstrija fir-rigward tal-uffiċjali tagħha li lilhom għandha tiżgura l-ugwaljanza fit-trattament.

121.

Preliminarjament, ir-Repubblika tal-Awstrija tirrileva li, fil-kuntest tal-opinjoni motivata, il-Kummissjoni ma kkontestatx li l-leġiżlazzjonijiet applikabbli għall-uffiċjali f’pajjiż barrani ħlief mill-angolu ta’ diskriminazzjoni indiretta. Hija targumenta li, jekk, fil-kuntest tal-argument tagħha żviluppat insostenn tar-rikors tagħha, il-Kummissjoni tallega wkoll l-assenza ta’ koerenza fil-leġiżlazzjonijiet oġġett tar-rikors li jistabbilixxu mekkaniżmu ta’ adattament, dan l-argument għandu jiġi miċħud bħala inammissibbli, skont il-ġurisprudenza tal-Qorti tal-Ġustizzja ( 96 ).

122.

Madankollu, jekk dan l-argument jiġi eżaminat, ir-Repubblika tal-Awstrija tirriproduċi l-elementi tat-tweġiba tagħha fir-rigward tal-fatt li l-leġiżlazzjonijiet applikabbli għall-uffiċjali f’pajjiż barrani jifformaw parti minn sistema globali intrinsikament koerenti. Hija żżid li l-Qorti tal-Ġustizzja ddeċidiet li kull eċċezzjoni għal leġiżlazzjoni nazzjonali ma twassalx sabiex tagħmilha inkoerenti b’mod partikolari jekk il-kamp ta’ applikazzjoni tagħha huwa partikolarment ristrett u dan huwa l-każ f’dan il-każ ( 97 ).

123.

Fir-rigward tal-elementi bażiċi tat-tieni lment invokat mill-Kummissjoni, li ma humiex ikkontestati, jista’ jitfakkar li l-Qorti tal-Ġustizzja ddeċidiet li:

124.

F’dan il-każ, l-allowance tal-familja u l-kreditu fiskali għal wild dipendenti huma kemm benefiċċji tal-familja suġġetti għall-prinċipju ta’ ugwaljanza previst fl-Artikolu 4 tar-Regolament Nru 883/2004 u kif ukoll vantaġġi soċjali li jaqgħu fil-kamp ta’ applikazzjoni tal-Artikolu 7(2) tar-Regolament Nru 492/2011, filwaqt li l-bonus tal-familja “plus”, il-kreditu fiskali għal dar bi dħul wieħed, il-kreditu fiskali għal dar b’ġenitur wieħed u l-kreditu fiskali għal pensjoni tal-manteniment huma suġġetti għall-prinċipju ta’ ugwaljanza fit-trattament stabbilit fl-Artikolu 7(2) tar-Regolament Nru 492/2011.

125.

F’dan ir-rigward, mill-ġurisprudenza tal-Qorti tal-Ġustizzja jirriżulta li:

126.

Konsegwentement, l-interpretazzjoni tal-Artikolu 4 tar-Regolament Nru 883/2004 u tal-Artikolu 7 tar-Regolament Nru 492/2011, sa fejn huma intiżi sabiex jiżguraw il-moviment liberu tal-ħaddiema, għandha tkun ikkoordinata.

127.

Fir-rigward tar-rabta bejn dawn iż-żewġ regolamenti li l-kampijiet ta’ applikazzjoni tagħhom huma sovrapposti ( 105 ), il-Qorti tal-Ġustizzja tirrileva l-portata ġenerali tar-Regolament Nru 492/2011 għal dak li jirrigwarda l-moviment liberu tal-ħaddiema ( 106 ). Għalhekk, hija sostniet is-soluzzjoni adottata fl-okkażjoni tal-eżami ta’ rikors għal nuqqas ta’ twettiq ta’ obbligu bbażat mill-Kummissjoni kemm fuq ksur tar-Regolament Nru 1408/71 minħabba l-istabbiliment ta’ kriterju ta’ residenza għall-esportabbiltà ta’ benefiċċji tal-mard kif ukoll fuq il-fakultà li l-għażla ta’ dan il-kriterju tiġi ġġustifikata, fid-dawl tal-Artikolu 7 tar-Regolament tal-Kunsill (KEE) Nru 1612/68 tal‑15 ta’ Ottubru 1968 dwar il-libertà tal-moviment għall-ħaddiema fi ħdan il-Komunità ( 107 ). Għalhekk, l-applikazzjoni tal-Artikolu 4 tar-Regolament Nru 883/2004 tista’ tiġi rriżervata għas-sitwazzjonijiet li ma humiex koperti mir-Regolament Nru 492/2011, minkejja li r-Regolament Nru 883/2004 jinkludi dispożizzjonijiet partikolari li jipprojbixxu l-klawżoli ta’ residenza, speċjalment fl-Artikolu 7 ( 108 ).

128.

Ir-Repubblika tal-Awstrija ssostni, prinċipalment, li l-mekkaniżmu ta’ adattament għall-benefiċċji tal-familja kif ukoll għall-vantaġġi soċjali u fiskali ma jwassalx għal inugwaljanza fit-trattament. Hija targumenta, essenzjalment, minn naħa, li peress li l-għan tal-benefiċċji u vantaġġi huwa jew li jagħmlu tajjeb għal parti mill-ispejjeż sostnuti mill-ġenituri għall-manteniment tal-ulied, jew li jnaqqsu l-piż fiskali tagħhom, is-sitwazzjonijiet tal-ħaddiema bi wlied li ma jirrisjedux fl-Awstrija u ta’ dawk li jgħixu hemm ma humiex komparabbli minħabba differenzi fil-livelli tal-ħajja bejn l-Istati Membri. Min-naħa l-oħra, b’applikazzjoni tal-mekkaniżmu ta’ adattament, il-ħaddiema migranti jiksbu s-sostenn li għandhom bżonn skont l-għoli tal-ħajja fl-Istat ta’ residenza tal-wild.

129.

Madankollu, kif iddeċidiet il-Qorti tal-Ġustizzja, il-kundizzjonijiet imposti mid-dritt nazzjonali għandhom jiġu kkunsidrati bħala diskriminatorji meta, minkejja li huma applikabbli irrispettivament min-nazzjonalità, jaffettwaw essenzjalment lill-ħaddiema migranti jew il-parti l-kbira tal-persuni kkonċernati huma ħaddiema migranti, meta huma applikabbli mingħajr distinzjoni iżda jistgħu jiġu ssodisfatti iktar faċilment mill-ħaddiema nazzjonali milli mill-ħaddiema migranti jew meta jirriskjaw li joperaw, b’mod partikolari, għad-dannu ta’ dawn tal-aħħar ( 109 ).

130.

F’dan il-każ, mill-kriterju marbut mar-residenza tal-ulied stabbilit mil-leġiżlazzjoni Awstrijaka jirriżulta li t-tnaqqis tal-ammont tal-benefiċċji tal-familja kif ukoll tal-vantaġġi soċjali u fiskali jaffettwa essenzjalment lill-ħaddiema migranti, peress li l-ulied tagħhom jistgħu b’mod iktar partikolari jirrisjedu fi Stat Membru ieħor ( 110 ). Barra minn hekk, mit-tabelli li jistabbilixxu l-koeffiċjenti ta’ adattament tal-ammonti ( 111 ) tal-benefiċċji li jirrigwardaw l-Istati fruntiera tar-Repubblika tal-Awstrija, jirriżulta b’mod ċar ħafna li, minħabba differenzi tal-livell tal-ħajja eżistenti fil-maġġoranza ta’ dawn l-Istati meta mqabbla mar-Repubblika tal-Awstrija, il-ħaddiema li eżerċitaw il-libertà ta’ moviment tagħhom minn dawn l-Istati huma fil-maġġoranza kbira dawk li ser jirċievu benefiċċji kif ukoll vantaġġi soċjali u fiskali f’ammont inqas minn dawk mogħtija fl-Awstrija. Issa, skont id-data tar-Rapport tal-Qorti tal-Awdituri prodotta mill-Kummissjoni ( 112 ) u invokata mir-Repubblika tal-Awstrija, madwar 50 % tal-ħlasijiet fl‑2016 kienu jirrigwardaw ulied li jirrisjedu fl-Ungerija kif ukoll fis-Slovakkja u 40 % ta’ dawn il-ħlasijiet kienu jirrigwardaw ulied li jirrisjedu fir-Repubblika Ċeka, fil-Polonja, fir-Rumanija kif ukoll fis-Slovenja.

131.

Din l-analiżi hija kkorroborata mill-ispjegazzjonijiet tal-Gvern Awstrijak relattivi għall-valutazzjonijiet tal-effetti tal-adattament fir-rigward tal-bonus tal-familja “plus” ( 113 ). Dawn l-elementi għandhom jitqabblu mal-konstatazzjoni tal-Qorti tal-Awdituri li n-numru ta’ wlied benefiċjarji ġie mmultiplikat b’sitta bejn is-snin 2004 u 2016 b’mod parallel mal-ftuħ tas-suq tax-xogħol Awstrijak ( 114 ).

132.

Fil-fehma tiegħi, dawn l-elementi huma suffiċjenti sabiex jiġi stabbilit, mingħajr ma bżonn li jsir eżami tal-argumenti sussidjarji diskussi mill-partijiet, li d-distinzjoni magħmula fil-leġiżlazzjoni Awstrijaka fir-rigward tal-ammont tal-benefiċċji esportabbli skont il-post ta’ residenza tal-ulied fl-Istati Membri affettwati hija ta’ żvantaġġ għall-ħaddiema migranti u tikkostitwixxi diskriminazzjoni indiretta bbażata fuq in-nazzjonalità li tista’ tiġi aċċettata biss jekk tkun oġġettivament iġġustifikata ( 115 ).

133.

Sa fejn naf jien, il-Qorti tal-Ġustizzja ma għamlitx riferiment espress għal din il-kundizzjoni fl-okkażjoni tal-applikazzjoni tal-Artikolu 4 tar-Regolament Nru 883/2004. Madankollu, l-unika deċiżjoni tal-Qorti tal-Ġustizzja li tirrigwarda l-Artikolu 3(1) tar-Regolament Nru 1408/71 li kien jistabbilixxi f’termini analogi l-prinċipju ta’ ugwaljanza fit-trattament hija, fil-fehma tiegħi, trasponibbli ( 116 ). Barra minn hekk, nirrileva li l-Qorti tal-Ġustizzja pproċediet bl-interpretazzjoni tal-Artikolu 67 tar-Regolament Nru 883/2004, intiż sabiex ħaddiem ma jiġix dissważ milli jeżerċita d-dritt tiegħu ta’ moviment liberu ( 117 ), moqri flimkien mal-Artikolu 7(2) tar-Regolament Nru 492/2011, u vverifikat fuq din il-bażi biss il-ġustifikazzjonijiet invokati mill-qorti tar-rinviju. Minn dan niddeduċi li l-għażla minn Stat Membru ta’ kriterju ta’ residenza applikabbli għall-benefiċċji tal-familja hija ġustifikabbli wkoll minħabba r-regola tal-interpretazzjoni ikkoordinata tal-Artikolu 4 tar-Regolament Nru 883/2004 u tal-Artikolu 7(2) tar-Regolament Nru 492/2011, li tirriżulta mill-bażi komuni tagħhom, jiġifieri l-Artikolu 45 TFUE, li jistabbilixxi l-għan li jiġi żgurat il-moviment liberu tal-ħaddiema ( 118 ).

134.

Skont ġurisprudenza stabbilita tal-Qorti tal-Ġustizzja relattiva għall-applikazzjoni tal-Artikolu 7(2) tar-Regolament Nru 492/2011, sabiex tkun iġġustifikata, id-diskriminazzjoni indiretta għandha tkun xierqa sabiex tiżgura t-twettiq ta’ għan leġittimu u ma għandhiex tmur lil hinn minn dak li huwa neċessarju sabiex tilħaq dan l-għan ( 119 ).

135.

Il-Kummissjoni ssostni, ġustament, li r-Repubblika tal-Awstrija ma tressaq ebda motiv li jista’ jiġġustifika d-diskriminazzjoni indiretta kkawżata mill-mekkaniżmu ta’ adattament tal-ammont tal-benefiċċji kif ukoll tal-vantaġġi soċjali u fiskali li hija tistabbilixxi.

136.

Fil-fatt, fil-kuntest ta’ dan ir-rikors, ir-Repubblika tal-Awstrija targumenta, minn naħa, essenzjalment bis-sostenn tar-Renju tad-Danimarka u tar-Renju tan-Norveġja, li l-adattament tal-ammont tal-benefiċċji huwa intiż sabiex jiżgura li s-sostenn u t-tnaqqis konsekuttiv tal-piżijiet tal-familja jikkorrispondu f’termini ta’ valur għal dawk mogħtija fl-Awstrija ( 120 ).

137.

Madankollu, l-ewwel, fil-fehma tiegħi, għandu jerġa’ jitfakkar li l-benefiċċji mogħtija huma b’rata fissa ( 121 ) u ma jiħdux inkunsiderazzjoni l-bżonnijiet reali tal-wild. F’dan ir-rigward, naqbel ukoll mal-perspettiva tar-Rumanija li r-Repubblika tal-Awstrija ma tistax tuża l-istess argumenti sabiex tikkontesta l-eżistenza ta’ diskriminazzjoni u tiġġustifikaha.

138.

It-tieni, mit-tabella taċ-ċifri tal-Kummissjoni ( 122 ), li ma hijiex ikkontestata mir-Repubblika tal-Awstrija, jirriżulta b’mod ċar li din il-korrispondenza f’termini ta’ valur ma hijiex żgurata fit-territorju Awstrijak ( 123 ) u li ma teżisti ebda koerenza propozjonali bejn id-differenzi tal-għoli tal-ħajja kkonstatati fl-Awstrija u l-koeffiċjenti applikati għal ċerti Stati Membri ( 124 ). Barra minn hekk, kif tenfasizza r-Repubblika Slovakka, jistgħu jeżistu differenzi ġewwa dawn l-Istati Membri ( 125 ), li juru l-importanza tal-post li fih isir ix-xiri jekk tiġi aċċettata sistema korrispondenti mal-livell tal-prezzijiet.

139.

L-argument tar-Repubblika tal-Awstrija li d-differenzi fil-kapaċità tal-akkwist huma nettament iktar importanti, speċjalment mal-Bulgarija ( 126 ), li jikkumpensa wkoll l-effetti tal-mekkaniżmu ta’ adattament, ma huwiex ta’ natura li jikkontesta dawn il-konstatazzjonijiet kollha.

140.

Konsegwentement, l-għan intiż sabiex jiżgura li s-sostenn u t-tnaqqis konsekuttiv tal-piżijiet tal-familja korrispondenti f’termini ta’ valur għal dawk mogħtija fl-Awstrija ma huwiex, fil-fehma tiegħi, ta’ natura li jiġġustifika d-diskriminazzjoni indiretta inkwistjoni.

141.

Min-naħa l-oħra, ir-Repubblika tal-Awstrija ssostni li l-għan superjuri tal-mekkaniżmu ta’ adattament tal-ammont tal-vantaġġi soċjali u fiskali huwa l-istabbiliment jew l-istabbiliment mill-ġdid tal-funzjoni ta’ sostenn kif ukoll tal-ġustizzja tas-sistema soċjali.

142.

Bħall-Kummissjoni, nirrileva, l-ewwel, li mir-Rapport tal-Qorti tal-Awdituri ( 127 ) jirriżulta li l-adattament tal-benefiċċji tal-familja skont il-livell tal-prezzijiet tal-Istat Membru kkonċernat meta mqabbel mar-Repubblika tal-Awstrija huwa ta’ natura li jikkawża spejjeż addizzjonali, minkejja li dan l-impatt huwa mminimalizzat mir-Repubblika tal-Awstrija. Issa, dawn l-ispejjeż għandhom neċessarjament jiġu sostnuti minn dawk kollha li jikkontribwixxu għall-baġit tal-Istat. F’dan il-kuntest, jidhirli xieraq li jiġi speċifikat li f’dan ir-rapport ( 128 ) huwa indikat ukoll, kif jenfasizzaw il-Kumissjoni u r-Repubblika tal-Polonja, li r-raġuni li tista’ tipperikola l-bilanċ finanzjarju tas-sistema ta’ sigurtà soċjali ma hijiex il-ħlas ta’ benefiċċji lill-ħaddiema li t-tfal tagħhom jirrisjedu barra mir-Repubblika tal-Awstrija, li jirrappreżentaw madwar 6 % ( 129 ) tal-ispejjeż fir-rigward tal-benefiċċji tal-familja, iżda l-assenza ta’ kontroll xieraq għal dak li jirrigwarda l-għoti ta’ dawn il-benefiċċji.

143.

It-tieni, naqbel mal-opinjoni espressa mill-Kummissjoni ( 130 ) kif ukoll mill-Awtorità tas-Sorveljanza EFTA u mir-Repubblika tas-Slovenja, li huwa importanti li jitfakkar li r-regoli protettivi tal-libertà ta’ moviment tal-ħaddiema ġewwa l-Unjoni u ż-ŻEE ( 131 ), fosthom l-ugwaljanza fit-trattament, huma bbażati fuq sistema globali li fiha, minn naħa, il-leġiżlazzjoni applikabbli fil-qasam ta’ sigurtà soċjali hija, b’mod ġenerali, il-leġiżlazzjoni tal-Istat Membru li fih l-persuna interessata teżerċita l-attività tagħha bħala persuna impjegata jew bħala persuna li taħdem għal rasha ( 132 ) u min-naħa l-oħra, il-ħaddiema migranti li jikkontribwixxu għall-finanzjament tal-politiki soċjali tal-Istat Membru ospitanti permezz tal-kontribuzzjonijiet kemm soċjali kif ukoll fiskali mħallsa fir-rigward tal-attività li huma jeżerċitaw ( 133 ), li jiġġustifika l-ugwaljanza tal-benefiċċji mogħtija jew tal-vantaġġi mogħtija ( 134 ).

144.

F’dan il-każ, nikkonstata, bħar-Repubblika Ċeka, ir-Repubblika tal-Kroazja u r-Repubblika tal-Polonja li minn perspettiva purament ekonomika, peress li l-allowances tal-familja Awstrijaċi huma ffinanzjati minn kontribuzzjonijiet tal-persuni li jimpjegaw ikkalkolati abbażi tal-ammont totali tas-salarji tal-ħaddiema, ħaddiem migrant jipparteċipa għalhekk, bl-istess mod bħala ħaddiem nazzjonali, fid-determinazzjoni tal-ammont tas-somma mħallsa mill-persuna li timpjegah.

145.

Barra minn hekk, fir-rigward tal-bonus tal-familja “plus” u tal-krediti fiskali l-oħra inkwistjoni, ir-Repubblika tal-Awstrija esponiet li dawn il-vantaġġi kienu ffinanzjati mit-taxxa fuq id-dħul tal-ħaddiema, li jinvalida wkoll kull ġustifikazzjoni tal-għażla mil-leġiżlatur Awstrijak tal-assenza ta’ reċiproċità permezz ta’ għan ta’ ġustizzja soċjali.

146.

Għalhekk, jiena tal-fehma li d-differenza fit-trattament skont il-post ta’ residenza tal-wild tal-ħaddiem ikkonċernat ma hijiex xierqa u lanqas neċessarja fid-dawl tal-istabbiliment jew tal-istabbiliment mill-ġdid tal-funzjoni ta’ sostenn kif ukoll tal-ġustizzja tas-sistema soċjali.

147.

Għal dawn ir-raġunijiet kollha esposti preċedentement, nikkunsidra li l-leġiżlazzjoni Awstrijaka relattiva għall-adattament tal-ammont tal-benefiċċji tal-familja għall-persuni li jaħdmu fl-Awstrija li wliedhom jirrisjedu fi Stat Membru ieħor tmur kontra l-prinċipju ta’ ugwaljanza fit-trattament stabbilit kemm fl-Artikolu 4 tar-Regolament Nru 883/2004 kif ukoll fl-Artikolu 7(2) tar-Regolament Nru 492/2011.

148.

Konsegwentement, nipproponi lill-Qorti tal-Ġustizzja tiddeċiedi li t-tieni lment invokat mill-Kummissjoni huwa fondat.

149.

Skont l-Artikolu 138(1) tar-Regoli tal-Proċedura tal-Qorti tal-Ġustizzja, il-parti li titlef għandha tbati l-ispejjeż, jekk issir talba f’dan is-sens. Peress li fil-fehma tiegħi, il-Qorti tal-Ġustizzja għandha tilqa’ t-talbiet tal-Kummissjoni, ir-Repubblika tal-Awstrija għandha tiġi kkundannata għall-ispejjeż.

150.

Skont l-Artikolu 140(1) u (2) tar-Regoli tal-Proċeduri, li jipprovdi li l-Istati Membri, l-Istati partijiet għall-Ftehim ŻEE minbarra l-Istati Membri, kif ukoll l-Awtorità tas-Sorveljanza EFTA li intervjenew fil-kawża għandhom ibatu l-ispejjeż tagħhom, ir-Repubblika Ċeka, ir-Renju tad-Danimarka, ir-Repubblika tal-Kroazja, ir-Repubblika tal-Polonja, ir-Rumanija, ir-Repubblika tas-Slovenja u r-Repubblika Slovakka kif ukoll ir-Renju tan-Norveġja u l-Awtorità tas-Sorveljanza EFTA għandhom ibatu l-ispejjeż tagħhom.

151.

Fid-dawl tal-kunsiderazzjonijiet preċedenti, nipproponi lill-Qorti tal-Ġustizzja tiddeċiedi kif ġej: