Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62019TN0502

Kawża T-502/19: Rikors ippreżentat fit-12 ta’ Lulju 2019 — Corneli vs BĊE

ĠU C 312, 16.9.2019, p. 39–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
12/07/2019
Date lodged:
12/07/2019
Author:
Il-Qorti Ġenerali
Form:
Informazzjoni ġudizzjarja
Authentic language:
Taljan
Type of procedure:
Rikors għal annullament

16.9.2019   

MT

Il-Ġurnal Uffiċjali tal-Unjoni Ewropea

C 312/39

Rikors ippreżentat fit-12 ta’ Lulju 2019 — Corneli vs BĊE

(Kawża T-502/19)

(2019/C 312/32)

Lingwa tal-kawża: it-Taljan

Partijiet

Rikorrenti: Francesca Corneli (Velletri, l-Italja) (rappreżentanti: M. Condinanzi, L. Boggio u F. Ferraro, avukati)

Konvenut: Il-Bank Ċentrali Ewropew

Talbiet

Ir-rikorrenti titlob li l-Qorti Ġenerali jogħġobha:

—

tiddikjara lid-deċiżjoni kkontestata nulla u bla effett, ladarba jiġi stabbilit l-illegalità tagħha;

—

tikkundanna lill-konvenut għall-ispejjeż; u

—

tordna, bħala miżura ta’ organizzazzjoni tal-proċedura, il-produzzjoni b’mod sħiħ rispettivament tal-att ikkontestat u tad-deċiżjoni ta’ estensjoni sussegwenti.

Motivi u argumenti prinċipali

Dan ir-rikors huwa intiż kontra d-Deċiżjoni tal-Kunsill Governattiv tal-Bank Ċentrali Ewropew tal-1 ta’ Jannar 2019, ECB-SSM-2019-ITCAR-11, adottata abbażi ta’ abbozz ta’ deċiżjoni tal-Bord Superviżorju skont l-Artikolu 26(8) tar-Regolament tal-Kunsill (UE) Nru 1024/2013 (1), skont l-Artikoli 69q, 70 u 98 tad-Digriet Leġiżlattiv Nru 385 tal-1 ta’Settembru 1993 (“TUB”) li jittrasponu l-Artikolu 29 tad-Direttiva 2014/59/UE tal-Parlament Ewropew u tal-Kunsill, flimkien mal-Artikolu 9(2) tar-Regolament (UE) Nru 1024/2013, li jxolji l-korpi amministrattivi u ta’ kontroll ta’ Banca Carige S.p.A., b’sede f’Genova, u li jissostitwihom rispettivament bi tliet kummissarji straordinarji u kumitat ta’ sorveljanza kompost minn tliet membri.

Insostenn tar-rikors tagħha, ir-rikorrenti tinvoka ħames motivi.

1.

L-ewwel motiv ibbażat fuq ksur tal-prinċipju ta’ proporzjonalità tal-Artikoli 28 u 29 tad-Direttiva 2014/59/UE (2) u tal-Artikolu 69q et seq. tat-TUB.

—

F’dan ir-rigward huwa sostnut li l-miżuri ta’ intervent bikri jeħtieġu intervent gradwali li ma kienx irrispettat f’dan il-każ. L-iktar miżura invażiva hija, għalhekk, illeġittima u nulla.

2.

It-tieni motiv ibbażat fuq nuqqas ta’ motivazzjoni fir-rigward tar-rekwiżiti ta’ proporzjonalità u ta’ gradwalità li teħtieġ is-sistema ġenerali ta’ miżuri ta’ intervent bikri.

3.

It-tielet motiv ibbażat fuq ksur tal-aħħar sentenza tal-Artikolu 29 tad-Direttiva 2014/59/UE u tal-prinċipju ta’ prestazzjoni tajba tal-amministrazzjoni pubblika.

—

F’dan ir-rigward huwa sostnut li l-ħatra bħala amministraturi temporanji ta’ membri tal-bord tad-diretturi preċedenti tikser l-obbligu ta’ eżenzjoni minn kunflitt ta’ interess.

4.

Ir-raba’ motiv ibbażat fuq ksur tal-Artikolu 70 TUB, dwar l-użu ħażin ta’ poter, kif ukoll fuq nuqqas ta’ motivazzjoni.

—

F’dan ir-rigward huwa sostnut li l-amministrazzjoni straordinarja mħejjija fil-konfront tal-vjolazzjonijiet serji jew irregolaritajiet serji tagħmel lid-dispożizzjoni kontradittorja u inkonsistenti.

5.

Il-ħames motiv ibbażat fuq ksur tar-regoli dwar id-dritt tal-azzjonista li jinsabu fid-Direttiva (UE) Nru 1132/2017 (3) u fil-Kodiċi Ċivili Taljan, ukoll bħala implimentazzjoni tal-prinċipji fundamentali stabbiliti fil-Karta tad-Drittijiet Fundamentali tal-Unjoni Ewropea, fil-Konvenzjoni Ewropea tad-Drittijiet tal-Bniedem u fil-Kostituzzjoni Taljana, dwar il-protezzjoni tal-propjetà, tfaddil u inizjattiva ekonomika privata kif ukoll l-awtodeterminazzjoni taċ-ċittadin fl-għażliet personali.

(1)  Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU 2013, L 287, p. 63).

(2)  Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (GU 2014, L 173, p. 190).

(3)  Direttiva (UE) 2017/1132 tal-Parlament Ewropew u tal-Kunsill tal-14 ta’ Ġunju 2017 dwar ċerti aspetti tal-liġi dwar il-kumpaniji (GU 2017, L 169, p. 46).

Top