Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62018TN0552

    Kawża T-552/18: Rikors ippreżentat fid-19 ta’ Settembru 2018 – Moreno Reyes vs Il-Kunsill

    ĠU C 427, 26.11.2018, p. 87–88 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    19/09/2018
    Date lodged:
    19/09/2018
    Author:
    Il-Qorti Ġenerali
    Form:
    Informazzjoni ġudizzjarja
    Authentic language:
    Ingliż
    Type of procedure:
    Rikors għal annullament
    Link
    Select all documents mentioning this document
    Case affecting:
    Link

    26.11.2018   

    MT

    Il-Ġurnal Uffiċjali tal-Unjoni Ewropea

    C 427/87

    Rikors ippreżentat fid-19 ta’ Settembru 2018 – Moreno Reyes vs Il-Kunsill

    (Kawża T-552/18)

    (2018/C 427/115)

    Lingwa tal-kawża: l-Ingliż

    Partijiet

    Rikorrent: Xavier Antonio Moreno Reyes (Karakas, Venezwela) (rappreżentanti: F. Di Gianni u L. Giuliano, avukati)

    Konvenut: Il-Kunsill tal-Unjoni Ewropea

    Talbiet

    Ir-rikorrent jitlob li l-Qorti Ġenerali jogħġobha:

    —

    tannulla d-Deċiżjoni tal-Kunsill (PESK) 2018/901 tal-25 ta’ Ġunju 2018 li temenda d-Deċiżjoni (PESK) 2017/2074 dwar miżuri restrittivi fid-dawl tas-sitwazzjoni fil-Venezwela (1) u r-Regolament ta' Implimentazzjoni tal-Kunsill (UE) 2018/899 tal-25 ta’ Ġunju 2018 li jimplimenta r-Regolament (UE) 2017/2063 dwar miżuri restrittivi fid-dawl tas-sitwazzjoni fil-Venezwela (2), sa fejn id-dispożizzjonijiet tagħhom jikkonċernaw lir-rikorrent; u

    —

    tikkundanna lill-Kunsill għall-ispejjeż.

    Motivi u argumenti prinċipali

    Insostenn tar-rikors tiegħu, ir-rikorrent jinvoka żewġ motivi.

    1.

    L-ewwel motiv, ibbażat fuq l-argument li l-atti kkontestati huma vvizzjati b’nuqqas manifest ta’ evalwazzjoni u b’nuqqas ta’ indikazzjonijiet preċiżi u konsistenti.

    —

    F’dan ir-rigward, ir-rikorrent isostni li l-Kunsill wettaq żball manifest ta’ evalwazzjoni fir-rigward tal-funzjonijiet u tar-rwol tal-istess rikorrent u li dan ma żvelax sensiela ta’ indikazzjonijiet preċiżi u konsistenti insostenn tal-allegazzjonijiet tiegħu. Ir-rikorrent isostni ulterjorment li l-Kunsill naqas milli jwettaq evalwazzjoni korretta tal-provi jew, mill-inqas, tali evalwazzjoni kienet manifestament żbaljata.

    2.

    It-tieni motiv, ibbażat fuq l-argument li l-miżuri restrittivi imposti mill-atti kkontestati jikkostitwixxu restrizzjoni inġustifikata u sproporzjonata tad-dritt fundamentali għall-proprjetà tar-rikorrent.

    (1)  Deċiżjoni tal-Kunsill (PESK) 2018/901 tal-25 ta’ Ġunju 2018 li temenda d-Deċiżjoni (PESK) 2017/2074 dwar miżuri restrittivi fid-dawl tas-sitwazzjoni fil-Venezwela (ĠU 2018, L 1601, p. 12).

    (2)  Regolament ta’ Implimentazzjoni tal-Kunsill (UE) 2018/899 tal-25 ta’ Ġunju 2018 li jimplimenta r-Regolament (UE) 2017/2063 dwar miżuri restrittivi fid-dawl tas-sitwazzjoni fil-Venezwela (ĠU 2018, L 1601, p. 5)

    Top