Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62017TN0436

Kawża T-436/17: Rikors ippreżentat fit-12 ta’ Lulju 2017 – ClientEarth et vs Il-Kummissjoni

ĠU C 300, 11.9.2017, p. 33–34 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
12/07/2017
Date lodged:
12/07/2017
Author:
Il-Qorti Ġenerali
Form:
Informazzjoni ġudizzjarja
Authentic language:
Ingliż
Type of procedure:
Rikors għal annullament

11.9.2017   

MT

Il-Ġurnal Uffiċjali tal-Unjoni Ewropea

C 300/33

Rikors ippreżentat fit-12 ta’ Lulju 2017 – ClientEarth et vs Il-Kummissjoni

(Kawża T-436/17)

(2017/C 300/41)

Lingwa tal-kawża: l-Ingliż

Partijiet

Rikorrenti: ClientEarth (Londra, ir-Renju Unit), European Environmental Bureau (EEB) (Brussell, il-Belġju), The International Chemical Secretariat (Gothenburg, l-Isvezja), International POPs Elimination Network (IPEN) (Gothenburg) (rappreżentant: A. Jones, Barrister)

Konvenuta: Il-Kummissjoni Ewropea

Talbiet

—

tiddikkjara l-applikazzjoni ammissibbli u fondata;

—

tannulla d-Deċiżjoni tal-Kummissjoni C(2017) 2914 finali, tat-2 ta’ Mejju 2017, li tirrifjuta li teżamina mill-ġdid id-Deċiżjoni tal-Kummissjoni COM (2016) 5644 li tawtorizza għal ċerti użi s-sulfokromat taċ-ċomb isfar u s-sulfat tal-molibdat tal-kromat taċ-ċomb aħmar taħt ir-Regolament (KE) Nru 1907/2006 tal-Parlament Ewropew u tal-Kunsill, tat-18 ta’ Diċembru 2006, dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH) (ĠU 2006, L 396, p. 1);

—

tannulla d-deċiżjoni tal-Kummissjoni C(2016)5644;

—

tikkundanna lill-Kummissjoni għall-ispejjeż tar-rikorrenti;

—

tordna kwalunkwe miżura oħra li tikkunsidra xierqa.

Motivi u argumenti prinċipali

Insostenn tar-rikors tagħhom, ir-rikorrenti jinvokaw erba’ motivi.

1.

L-ewwel motiv ibbażat fuq li d-Deċiżjoni C(2017) 2914 finali hija vvizzjata bi żbalji manifesti ta’ liġi u ta’ evalwazzjoni rigward l-allegata konformità tal-applikazzjoni għal awtorizzazzjoni ta’ DCC Maastricht BV fis-sens tal-Artikoli 62 u 60(7) tar-Regolament REACH.

2.

It-tieni motiv ibbażat fuq li d-Deċiżjoni C(2017) 2914 finali hija vvizzjata bi żbalji manifesti ta’ liġi u ta’ evalwazzjoni taħt l-Artikolu 60(4) tar-Regolament REACH rigward l-evalwazzjoni soċjo-ekonomika.

3.

It-tielet motiv ibbażat fuq li d-Deċiżjoni C(2017) 2914 finali hija vvizzjata bi żbalji manifesti ta’ evalwazzjoni taħt l-Artikoli 60(4) u 60(5) tar-Regolament REACH rigward l-analiżi ta’ alternattivi.

4.

Ir-raba’ motiv ibbażat fuq li d-Deċiżjoni C(2017) 2914 finali hija vvizzjata bi żbalji manifesti ta’ liġi u ta’ evalwazzjoni rigward l-applikazzjoni ta’ prinċipji ġenerali tad-dritt tal-Unjoni Ewropea, inkluż l-obbligu li jingħataw motivi u l-prinċipju ta’ prekawzjoni, fil-kuntest tal-proċess ta’ awtorizzazzjoni taħt ir-Regolament REACH.
Top