Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62016TN0379

    Kawża T-379/16: Rikors ippreżentat fit-18 ta’ Lulju 2016 – Basicmed Enterprises et vs Il-Kunsill et

    ĠU C 383, 17.10.2016, p. 14–15 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    18/07/2016
    Date lodged:
    18/07/2016
    Author:
    Il-Qorti Ġenerali
    Form:
    Informazzjoni ġudizzjarja
    Authentic language:
    Ingliż
    Type of procedure:
    Rikors għad-danni

    17.10.2016   

    MT

    Il-Ġurnal Uffiċjali tal-Unjoni Ewropea

    C 383/14

    Rikors ippreżentat fit-18 ta’ Lulju 2016 – Basicmed Enterprises et vs Il-Kunsill et

    (Kawża T-379/16)

    (2016/C 383/20)

    Lingwa tal-kawża: l-Ingliż

    Partijiet

    Rikorrenti: Basicmed Enterprises Ltd (Limassol, Ċipru) u 19 oħrajn (rappreżentanti: P. Tridimas, Barrister, K. Kakoulli, P. Panayides u C. Pericleous, avukati)

    Konvenuti: Il-Kunsill tal-Unjoni Ewropea, Il-Kummissjoni Ewropea, Il-Bank Ċentrali Ewropew, Il-Grupp tal-Euro, L-Unjoni Ewropea

    Talbiet

    —

    tikkundanna lill-konvenuti jħallsu lir-rikorrenti s-somom indikati fl-iskeda annessa mar-rikors, flimkien mal-interessi li jiddekorru mis-16 ta’ Marzu 2013 sad-deċiżjoni tal-Qorti tal-Ġustizzja; u

    —

    tikkundanna lill-konvenuti għall-ispejjeż.

    Alternattivament, b’mod sussidjarju:

    —

    tikkonstata r-responsabbiltà mhux kuntrattwali tal-Unjoni Ewropew u/jew tal-istituzzjonijiet konvenuti;

    —

    tiddetermina l-proċedura li għandha tiġi segwita sabiex jiġi stabbilit it-telf li jista’ jiġi rkuprat effettivament imġarrab mir-rikorrenti; u

    —

    tikkundanna lill-konvenuti għall-ispejjeż.

    Motivi u argumenti prinċipali

    Ir-rikorrenti qegħdin jitolbu kumpens skont l-Artikolu 268 TFUE u skont it-tieni u t-tielet paragrafi tal-Artikolu 340 TFUE, li jirregolaw ir-responsabbiltà mhux kuntrattwali tal-Unjoni Ewropea u tal-Bank Ċentrali Ewropew, għad-danni mġarrab minħabba t-tnaqqis fid-depożiti tar-rikorrenti b’konsegwenza tal-iskema ta’ salvataġġ intern għar-Repubblika ta’ Ċipru adottata mill-konvenuti.

    Ir-rikorrenti jqisu li l-miżuri ta’ salvataġġ intern adottati mir-Repubblika ta’ Ċipru ġew introdotti biss sabiex jiġu implementati l-miżuri adottati mill-konvenuti u kienu approvati wkoll mill-istituzzjonijiet konvenuti. Ir-rikorrenti jqisu li l-iskema ta’ salvataġġ intern tikkostitwixxi ksur serju u, insostenn tar-rikors tagħhom, huma jressqu erba’ motivi:

    1.

    L-ewwel motiv huwa bbażat fuq ksur tad-dritt għall-proprjetà, kif protett mill-Artikolu 17(1) tal-Karta tad-Drittijiet Fundamentali tal-Unjoni Ewropea u mill-Artikolu 1 tal-Protokoll Addizzjonali Nru 1 tal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali.

    2.

    It-tieni motiv huwa bbażat fuq ksur tal-prinċipju ta’ proporzjonalità.

    3.

    It-tielet motiv huwa bbażat fuq il-prinċipju ta’ protezzjoni ta’ aspettattivi leġittimi.

    4.

    Ir-raba’ motiv huwa bbażat fuq ksur tal-prinċipju ta’ nondiskriminazzjoni.
    Top