—

F’dan ir-rigward, qed jiġi sostnut li skont id-dispożizzjonijiet iċċitati iktar ’il fuq, il-Kummissjoni għandha l-obbligu li teżamina mill-ġdid id-deroga provviżorja stabbilita fil-punt 2 tal-Anness V tar-Regolament Nru 999/2001 u li tissottometti lill-kumitat regolatorju, skont il-proċedura prevista mill-Artikolu 5a tad-Deiżjoni 1999/468/KE, proġett ta’ miżuri ta’ emendi tal-imsemmi Anness V. Dan bil-għan li tiġi ggarantita l-osservanza tal-istandards sanitarji internazzjonali adottati mill-Uffiċċju Internazzjonali tal-Mard Epiżootiku (UIE), li ma jipprevedux l-istabbiliment ta’ lista ta’ materjali riskjużi speċifikati għall-pajjiżi li, bħall-Italja, huma rrikonoxxuti bħala pajjiż li għandu riskju negliġibbli, jiġifieri bħal pajjiżi li għandhom livell ta’ riskju iktar baxx fil-klassifikazzjoni internazzjonali adottata mill-Uffiċċju Internazzjonali tal-Mard Epiżootiku.

—

F’dan ir-rigward, qed jiġi sostnut li skont l-imsemmi prinċipju u d-dsipożizzjonijiet iċċitati ikar ’il fuq, peress li l-Uffiċċju Internazzjonali tal-Mard Epiżootiku irrikonoxxa f’Mejju tal-2008, f’Mejju 2011, f’Mejju 2012 u f’Mejju 2013 li ċerti Stati Membri, fosthom l-Italja, setgħu jiġu kklassifikati bħala pajjiżi li għandhom riskju negliġibbli ta’ enċefalopatija sponġiformi bovina (ESB), il-Kummissjoni għandha obbligu li tadatta l-leġiżlazzjoni fid-dawl ta’ informazzjoni ġdida u li teżamina mill-ġdid id-deroga skont il-punt 2 tal-Anness V tar-regolament bil-għan li tiggarantixxi l-osservanza tal-prinċipju ta’ nondiskriminazzjoni. Fil-fatt, l-imsemmija deroga tipprevedi, minn naħa, trattament differenti ta’ sitwazzjonijiet paragunabbli, jiġifieri bejn il-produtturi ta’ Stati Membri rrikonoxxuti bħala pajjiżi li għandhom riskju negliġibbli ta’ enċefalopatija sponġiformi bovina u dik tal-produtturi ta’ Stati Membri li ma kisbux tali rikonoxximent.

—

F’dan ir-rigward, qed jiġi sostnut li skont l-imsemmi prinċipju u d-dispożizzjonijiet iċċitati iktar ’il fuq, wara li l-UIE rrikonoxxa li ċerti Stati Membri għandhom riskju negliġibbli ta’ enċefalopatija sponġiformi bovina, hija l-Kummissjoni li għandha tadatta l-leġiżlazzjoni fid-dawl tal-informazzjoni ġdida u teżamina mill-ġdid id-deroga provviżorja skont l-punt 2 tal-Anness V tar-regolament bil-għan li tiggarantixxi l-osservanza tal-prinċipju ta’ proporzjonalità. Skont ir-rikorrenti, għandu jiġi rrilevat, b’mod partikolari, li l-għażla tal-Kummissjoni li ma teżaminax mill-ġdid id-deroga msemmija fil-punt 2 tal-Anness V ma hijiex xierqa għat-twettiq tal-għan ta’ protezzjoni tas-saħħa li hija tinvoka.