8.9.2014   

MT

Il-Ġurnal Uffiċjali tal-Unjoni Ewropea

C 303/40

—

tannulla d-deċiżjoni sa fejn din iżżomm lir-rikorrenti responsabbli għal ksur uniku, kumpless u kontinwu, inkluż l-akkordju bejn produtturi Ewropej u dak bejn membri regolari u assoċjati, jew, sussidjarjament, tnaqqas il-multa kunsiderevolment;

—

sussidjarjament, tannulla l-Artikolu 1(8)(a) sa (c) tad-deċiżjoni sa fejn din iżżomm lir-rikorrenti responsabbli għall-ksur matul il-perijodu bejn is-26 ta’ Lulju 2006 u l-10 ta’ April 2008;

—

b’mod iktar sussidjarju, tannulla l-Artikolu 2(m) tad-Deċiżjoni tal-Kummissjoni u tnaqqas l-ammont tal-multa imposta fuq ir-rikorrenti, fid-dawl tal-parteċipazzjoni sostanzjalment ridotta tar-rikorrenti matul il-perijodu bejn is-26 ta’ Lulju 2006 u l-10 ta’ April 2008; u

—

tannulla d-deċiżjoni fl-intier tagħha minħabba li din hija bbażata b’mod determinanti fuq provi miksuba illegalment fl-uffiċċji ta’ Nexans SA u Nexans France; u

—

tikkundanna lill-Kummissjoni għall-ispejjeż.

1.

L-ewwel motiv, ibbażat fuq l-assenza ta’ prova mill-Kummissjoni ta’ ksur uniku, kumpless u kontinwu li jikkonsisti fi ftehim bejn produtturi Ażjatiċi u Ewropej li jinkludi fih l-impenn li ma jersqux lejn it-territorji nazzjonali rispettivi tagħhom kif ukoll ftehim ta’ tqassim ta’ proġetti fiż-Żona Ekonomika Ewropea (ŻEE) bejn kumpanniji Ewropej.

2.

It-tieni motiv, ibbażat fuq żbalji ta’ fatt u ta’ liġi mwettqa mill-Kummissjoni fl-applikazzjoni tal-Artikolu 101 TFUE, sa fejn id-deċiżjoni kkontestata ma pprovatx b’mod suffiċjenti fil-liġi l-parteċipazzjoni tar-rikorrenti matul il-perijodu kollu tal-ksur.

3.

It-tielet motiv, ibbażat fuq żbalji ta’ liġi u ta’ evalwazzjoni mwettqa mill-Kummissjoni fil-kalkolu tal-multa imposta fuq ir-rikorrenti, għaliex din ma tirriflettix il-gravità tal-ksur, u lanqas il-parteċipazzjoni sostanzjalment ridotta tar-rikorrenti matul il-perijodu twil tal-ksur.

4.

Ir-raba’ motiv, ibbażat fuq ksur tal-forom proċedurali sostanzjali u tad-drittijiet tad-difiża, għaliex id-deċiżjoni kkontestata hija bbażata b’mod determinanti fuq provi li l-Kummissjoni kisbet illegalment waqt ispezzjonijiet fl-uffiċċji ta’ Nexans.