Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62014TN0241

    Kawża T-241/14 P: Appell ippreżentat fit- 22 ta’ April 2014 minn Jean-Pierre Bodson et mis-sentenza mogħtija mit-Tribunal għas-Servizz Pubbliku fit- 12 ta’ Frar 2014 fil-Kawża F-83/12 – Bodson et vs BEI

    ĠU C 223, 14.7.2014, p. 18–19 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    22/04/2014
    Date lodged:
    22/04/2014
    Author:
    Il-Qorti Ġenerali
    Form:
    Informazzjoni ġudizzjarja
    Authentic language:
    Franċiż
    Link
    Select all documents mentioning this document
    Case affecting:
    Link

    14.7.2014   

    MT

    Il-Ġurnal Uffiċjali tal-Unjoni Ewropea

    C 223/18

    Appell ippreżentat fit-22 ta’ April 2014 minn Jean-Pierre Bodson et mis-sentenza mogħtija mit-Tribunal għas-Servizz Pubbliku fit-12 ta’ Frar 2014 fil-Kawża F-83/12 – Bodson et vs BEI

    (Kawża T-241/14 P)

    2014/C 223/23

    Lingwa tal-kawża: il-Franċiż

    Partijiet

    Appellanti: Jean-Pierre Bodson (Lussemburgu, il-Lussemburgu); Dalila Bundy (Cosnes-et-Romain, Franza); Didier Dulieu (Roussy-le-Village, Franza); Marie-Christel Heger (Nospelt, il-Lussemburgu); Evangelos Kourgias (Senningerberg, il-Lussemburgu); Manuel Sutil (il-Lussemburgu); Patrick Vanhoudt (Gonderange, il-Lussemburgu); u Henry von Blumenthal (Bergem, il-Lussemburgu) (rappreżentant: L. Levi, avukat)

    Parti oħra fil-proċedura: Il-Bank Ewropew tal-Investiment

    Talbiet tal-appellanti

    —

    tannulla s-sentenza tat-Tribunal għas-Servizz Pubbliku tal-Unjoni Ewropea, tat-12 ta’ Frar 2014, fil-Kawża F-83/12;

    —

    konsegwentement, tagħti lill-appellanti l-benefiċċju tat-talbiet tagħhom tal-ewwel istanza u, għaldaqstant,

    —

    tannulla d-deċiżjonijiet li għandu japplika għall-appellanti bonus b’applikazzjoni tas-sistema l-ġdida ta’ prestazzjonijiet kif tirriżulta mid-deċiżjoni tal-14 ta’ Diċembru 2010 tal-Bord tad-Diretturi u tad-deċiżjonijiet tad-9 ta’ Novembru 2010 u tas-16 ta’ Novembru 2011 tal-Kumitat tat-Tmexxija, id-deċiżjoni individwali ta’ applikazzjoni li tinsab fir-rendikont ta’ April 2012, miġjuba għall-konjizzjoni tal-persuni kkonċernati mhux iktar kmieni mit-22 ta’ April 2012;

    —

    għaldaqstant,

    —

    tikkundanna lill-appellat għall-ħlas tad-differenza fir-remunerazzjoni li tirriżulta mid-deċiżjoni tal-14 ta’ Diċembru 2010 tal-Bord tad-Diretturi u tad-deċiżjonijiet tad-9 ta’ Novembru 2010 u tas-16 ta’ Novembru 2011 b’paragun mal-applikazzjoni tas-sistema preċedenti ta’ bonus; din id-differenza ta’ remunerazzjoni għandha tiġi miżjuda b’interessi moratorji li jiddekorru b’effett mit-22 ta’ April 2012 sal-clearance komplet, peress li dawn l-interessi huma stabbilti fil-livell tar-rata tal-BĊE miżjuda b’3 punti;

    —

    tikkundanna lill-appellat għall-ħlas ta’ danni għall-ħsara subita minħabba t-telf tal-kapaċità ta’ akkwist, din il-ħsara li qed tkun evalwata ex aequo et bono, u provviżorjament, għal 1,5 % tar-remunerazzjoni fix-xahar ta’ kull appellant;

    —

    jekk ikun il-każ, fin-nuqqas tal-appellat milli jipproduċihom spontanjament, skont il-miżuri ta’ organizzazzjoni tal-proċedura, tistieden lill-appellat li jipproduċi d-dokumenti li ġejjin:

    —

    il-minuti tal-laqgħa tal-Bord tad-Diretturi tal-BEI tat-13 ta’ Diċembru 2011;

    —

    l-abbozzi stabbiliti mid-Dipartiment tar-Riżorsi Umani bid-dati tat-22 ta’ Ġunju 2011 (RH/P&O/2011-119), tal-20 ta’ Ottubru 2011 (RH/P&O/2011-74) u tal-25 ta’ Jannar 2012;

    —

    tikkundanna lill-appellat għall-ispejjeż kollha;

    —

    tikkundanna lill-appellat għall-ispejjeż kollha taż-żewġ istanzi.

    Aggravji u argumenti prinċipali

    Insostenn tal-appell tagħhom, l-appellanti jinvokaw ħames aggravji.

    1.

    L-ewwel aggravju bbażat fuq irregolarità tal-proċedura sa fejn it-Tribunal għas-Servizz Pubbliku rrifjuta li jipproċedi għall-miżuri ta’ organizzazzjoni mitluba mill-appellanti.

    2.

    It-tieni aggravju bbażat fuq ksur tad-differenza fin-natura bejn ir-relazzjoni ta’ impjieg kuntrattwali u r-relazzjoni ta’ impjieg skont ir-Regolamenti tal-Persunal, ksur tal-kundizzjonijiet fundamentali tar-relazzjoni ta’ impjieg, ksur tal-klassifikazzjoni legali tal-Protokoll ta’ ftehim, żnaturament tal-proċess u ksur mill-qorti tal-obbligu tagħha ta’ motivazzjoni.

    3.

    It-tielet aggravju bbażat fuq ksur tad-drittijiet miksuba u tal-aspettattivi leġittimi, kif ukoll fuq ksur tal-obbligu ta’ motivazzjoni.

    4.

    Ir-raba’ aggravju bbażat fuq ksur tal-prinċipji ta’ ċertezza legali, ta’ nuqqas ta’ retroattività u ta’ prevedibbiltà, kif ukoll fuq ksur tad-dmir ta’ premura u tal-obbligu ta’ motivazzjoni.

    5.

    Il-ħames aggravju bbażat fuq ksur tal-istħarriġ taż-żball manifest ta’ evalwazzjoni u fuq żnaturament tal-kontenut tal-proċess.
    Top