EUR-Lex Access to European Union law
This document is an excerpt from the EUR-Lex website
Document 62014CN0306
Case C-306/14: Request for a preliminary ruling from the Varhoven administrativen sad (Bulgaria) lodged on 25 June 2014 — Direktor na Agentsia ‘Mitnitsi’ v Biovet AD
Kawża C-306/14: Talba għal deċiżjoni preliminari mressqa mill-Vărhoven administrativen săd (il-Bulgarija) fil- 25 ta’ Ġunju 2014 – Direktor na Agentsia “Mitnitsi” vs Biovet AD
Kawża C-306/14: Talba għal deċiżjoni preliminari mressqa mill-Vărhoven administrativen săd (il-Bulgarija) fil- 25 ta’ Ġunju 2014 – Direktor na Agentsia “Mitnitsi” vs Biovet AD
ĠU C 303, 8.9.2014, p. 26–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
8.9.2014 |
MT |
Il-Ġurnal Uffiċjali tal-Unjoni Ewropea |
C 303/26 |
Talba għal deċiżjoni preliminari mressqa mill-Vărhoven administrativen săd (il-Bulgarija) fil-25 ta’ Ġunju 2014 – Direktor na Agentsia “Mitnitsi” vs Biovet AD
(Kawża C-306/14)
2014/C 303/33
Lingwa tal-kawża: il-Bulgaru
Qorti tar-rinviju
Vărhoven administrativen săd
Partijiet fil-kawża prinċipali
Rikorrent: Direktor na Agentsia “Mitnitsi”
Konvenuta: Biovet AD
Domandi preliminari
1) |
X’tifsira għandha tingħata lill-kunċett ta’ “proċess ta’ manifattura” użat fid-dispożizzjoni li tinsab fl-Artikolu 27(2)(d) tad-Direttiva tal-Kunsill 92/83/KEE, tad-19 ta’ Ottubru 1992, dwar l-armonizzazzjoni tal-istrutturi tat-taxxi tas-sisa fuq l-alkoħol u x-xorb alkoħoliku (1), u dan il-kunċett ikopri t-tindif u/jew id-diżinfezzjoni bħala proċessi sabiex jintlaħqu standards speċifiċi ta’ ndafa li huma previsti fil-prassi għal manifattura tajba ta’ prodotti mediċinali? |
2) |
L-Artikolu 27(2)(d) tad-Direttiva tal-Kunsill 92/83/KEE, tad-19 ta’ Ottubru 1992, dwar l-armonizzazzjoni tal-istrutturi tat-taxxi tas-sisa fuq l-alkoħol u x-xorb alkoħoliku, fil-każ ta’ eżenzjoni tal-alkoħol mis-sisa armonizzata rregolata mill-Istati Membri, meta dan l-akoħol jintuża fi proċess ta’ manifattura sakemm il-prodott finali ma jkollux l-alkoħol, jawtorizza l-introduzzjoni ta’ regola li tgħid li għall-implementazzjoni ta’ din l-eżenzjoni l-alkoħol użat għat-tindif ma huwiex ikkunsidrat bħala li jintuża fi proċess ta’ manifattura? |
3) |
Il-prinċipji ta’ ċertezza legali u ta’ protezzjoni tal-aspettattivi leġittimi jipprekludu l-introduzzjoni b’effett immedjat (jiġifieri mingħajr ma l-operaturi ekonomiċi jingħataw żmien raġonevoli sabiex jadattaw l-aġir tagħhom) ta’ dispożizzjoni legali bħal dik li hija stabbilita fl-Artikolu 22(7) ZADS, li tillimita l-eżenzjoni mis-sisa, li l-Istat Membru jkun introduċa b’mod diskrezzjonali, permezz tar-rimbors tagħha, fir-rigward tal-alkoħol użat għat-tindif? |
(1) ĠU Edizzjoni Speċjali bil-Malti, Kapitolu 9, Vol. 1, p. 206.