Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62013TN0257

    Kawża T-257/13: Rikors ippreżentat fit- 8 ta’ Mejju 2013 — Ir-Repubblika tal-Polonja vs Il-Kummissjoni

    ĠU C 207, 20.7.2013, p. 41–41 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
    ĠU C 207, 20.7.2013, p. 11–11 (HR)

    Date of document:
    08/05/2013
    Date lodged:
    08/05/2013
    Author:
    Il-Qorti Ġenerali
    Form:
    Informazzjoni ġudizzjarja
    Authentic language:
    Pollakk
    Link
    Select all documents mentioning this document
    Case affecting:
    Instruments cited in case law:
    Link

    20.7.2013   

    MT

    Il-Ġurnal Uffiċjali tal-Unjoni Ewropea

    C 207/41

    Rikors ippreżentat fit-8 ta’ Mejju 2013 — Ir-Repubblika tal-Polonja vs Il-Kummissjoni

    (Kawża T-257/13)

    2013/C 207/69

    Lingwa tal-kawża: il-Pollakk

    Partijiet

    Rikorrenti: Ir-Repubblika tal-Polonja (rappreżentant: B. Majczyna, aġent)

    Konvenuta: Il-Kummissjoni Ewropea

    Talbiet

    —

    tannulla d-Deċiżjoni ta’ Implimentazzjoni tal-Kummissjoni 2013/123/UE, tas-26 ta’ Frar 2013 (notifikata bid-dokument numru C(2013) 981), dwar l-esklużjoni mill-finanzjament tal-Unjoni Ewropea ta’ ċertu nefqa mġarrba mill-Istati Membri skont it-Taqsima ta’ Garanziji tal-Fond Agrikolu Ewropew dwar Gwida u Garanzija (FAEGG), skont il-Fond Agrikolu Ewropew ta’ Garanzija (FAEG) u skont il-Fond Agrikolu Ewropew għall-Iżvilupp Rurali (FAEŻR) (ĠU 2013L 67, p. 20), sa fejn is-somom ta’ EUR 28 763 238,60 u ta’ EUR 5 688 440,96 imġarrba mill-aġenzija ta’ ħlas awtorizzata mir-Repubblika tal-Polonja huma esklużi mill-finanzjament;

    —

    tikkundanna lill-Kummissjoni għall-ispejjeż.

    Motivi u argumenti prinċipali

    Insostenn tar-rikors tagħha, ir-rikorrenti tinvoka erba’ motivi.

    (1)

    L-ewwel motiv huwa bbażat fuq ksur tal-ewwel subparagrafu tal-Artikolu 7(4) tar-Regolament tal-Kunsill (KE) Nru 1258/1999 (1) u tal-Artikolu 31(1) tar-Regolament (KE) Nru 1290/2005 (2) minħabba l-applikazzjoni tal-korrezzjoni finanzjarja fuq il-bażi ta’ konstatazzjonijiet fattwali ineżatti u interpretazzjoni legalment żbaljata.

    —

    Il-Kummissjoni applikat il-korrezzjoni finanzjarja fuq il-bażi ta’ konstatazzjonijiet fattwali ineżatti u interpretazzjoni legali żbaljata, minkejja li l-ispejjeż tal-awtoritajiet Pollakki twettqu skont id-dritt tal-Unjoni. Ir-Repubblika tal-Polonja tikkontesta l-interpretazzjoni legali u l-konstatazzjonijiet fattwali tal-Kummissjoni dwar l-allegati nuqqasijiet eżistenti fis-sistema ta’ amministrazzjoni tal-azzjoni “Rtirar Antiċipat”, nuqqasijiet dwar, l-ewwel nett, l-obbligu li tiġi eżerċitata attività kummerċjali waqt il-perijodu li jippreċedi l-waqfien ta’ operat għall-finijiet tal-irtirar antiċipat, it-tieni nett, il-provi insuffiċjenti tal-kapaċità professjonali aċċettata, fil-forma ta’ dikjarazzjoni, mill-awtoritajiet Pollakki, u, it-tielet nett, in-nuqqas ta’ sanzjonijiet għan-nuqqas ta’ osservanza, mill-bdiewa li jerġgħu jibdew azjenda, tal-obbligu li matul ħames snin jeżerċitaw attività agrikola.

    (2)

    It-tieni motiv huwa bbażat fuq ksur tar-raba’ subparagrafu tal-Artikolu 7(4) tar-Regolament (KE) Nru 1258/1999 u tal-Artikolu 31(2) tar-Regolament (KE) Nru 1290/2005, kif ukoll ksur tal-prinċipju ta’ proporzjonalità minħabba l-applikazzjoni ta’ korrezzjoni ta’ rata fissa totalment eċċessiva fid-dawl tar-riskju eventwali ta’ telf finanzjarju għall-baġit tal-Unjoni

    —

    L-ebda mill-allegati nuqqasijiet ma kkawżaw, jew setgħu jikkawżaw, telf finanzjarju għall-Unjoni u, fi kwalunkwe każ, ir-riskju ta’ tali telf kien perfettament marġinali.

    (3)

    It-tielet motiv huwa bbażat fuq ksur tat-tieni paragrafu tal-Artikolu 296 TFUE minħabba motivazzjoni insuffiċjenti tad-deċiżjoni kkontestata

    —

    Il-Kummissjoni la ppreżentat prova u lanqas konstatazzjoni fattwali jew legali insostenn tal-konklużjonijiet tagħha bbażati fuq l-ispezzjonijiet ta’ tliet azjendi agrikoli

    (4)

    Ir-raba’ motiv huwa bbażat fuq ksur tal-prinċipju ta’ sussidjarjetà

    —

    Il-Kummissjoni kisret, b’mod flagranti, l-prinċipju ta’ sussidjarjetà inkluż fil-politika ta’ sostenn għall-iżvilupp rurali. Il-Kummissjoni interpretat id-dokumenti ta’ programmazzjoni dwar is-sostenn għall-iżvilupp rurali u essenzjalment ifformulat rekwiżiti dwar il-modalitajiet tal-implementazzjoni tal-programm, li jippreġudikaw is-setgħa diskrezzjonali tal-Istati Membri fir-rigward tal-mezzi meħtieġa biex jiġu sodisfatti l-għanijiet imsemmija fid-dokument ta’ programmazzjoni.

    (1)  Regolament tal-Kunsill (KE) Nru 1258/1999, tas-17 ta’ Mejju 1999, dwar il-finanzjament tal-politika komuni agrikola (ĠU Edizzjoni Speċjali bil-Malti, Kapitolu 3, Vol. 25, p. 414)

    (2)  Regolament tal-Kunsill (KE) Nru 1290/2005, tal- 21 ta’ Ġunju 2005, dwar il-finanzjament tal-Politika Agrikola Komuni (ĠU L 286M, 4.11.2010, p. 1)

    Top