This document is an excerpt from the EUR-Lex website
Document 62012TN0210
Case T-210/12: Action brought on 18 May 2012 — Viasat Broadcasting UK v Commission
Kawża T-210/12: Rikors ippreżentat fit- 18 ta’ Mejju 2012 — Viasat Broadcasting UK vs Il-Kummissjoni
Kawża T-210/12: Rikors ippreżentat fit- 18 ta’ Mejju 2012 — Viasat Broadcasting UK vs Il-Kummissjoni
ĠU C 209, 14.7.2012, p. 12–12
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
14.7.2012 |
MT |
Il-Ġurnal Uffiċjali tal-Unjoni Ewropea |
C 209/12 |
Rikors ippreżentat fit-18 ta’ Mejju 2012 — Viasat Broadcasting UK vs Il-Kummissjoni
(Kawża T-210/12)
2012/C 209/20
Lingwa tal-kawża: l-Ingliż
Partijiet
Rikorrenti: Viasat Broadcasting UK Ltd (West Drayton, Middlesex, ir-Renju Unit) (rappreżentanti: S. Kalsmose-Hjelmborg u M. Honoré, avukati)
Konvenuta: Il-Kummissjoni Ewropea
Talbiet
Ir-rikorrenti titlobu li l-Qorti Ġenerali jogħġobha:
— |
tannulla d-Deċiżjoni tal-Kummissjoni, tal-20 ta’ April 2011, dwar għajnuna mill-Istat C 9/09 li d-Danimarka biħsiebha timplementa fir-rigward tar-ristrutturazzjoni ta’ TV Danmark A/S; |
— |
tikkundanna lill-konvenuta tbati l-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka motiv wieħed, u essenzjalment tallega li l-Kummissjoni Ewropea żbaljat fid-dritt meta ma inkludietx fl-evalwazzjoni tagħha għajnuna mogħtija lil TV 2 Danmark A/S permezz ta’ 8 stazzjonijiet reġjonali tax-xandir ta’ TV 2.
F’dan ir-rigward, ir-rikorrenti ssostni li x-xandiriet magħmula mingħajr ħlas mill-istazzjonijiet tax-xandir reġjonali, li huma ffinanzjati mit-tariffi tal-liċenzja, lil TV 2 Danmark A/S jikkostitwixxu għajnuna mill-Istat fis-sens tal-Artikolu 107(1) TFUE. Barra minn hekk, hija tfakkar li skont il-liċenzja tas-servizz pubbliku maħruġ lil TV 2 Danmark A/S mill-Ministru tal-Kultura, TV 2 Danmark A/S iżżomm id-dħul mir-reklamar iġġenerat mill-“islots għar-riklami” fix-xandir reġjonali.
Ir-rikorrenti tallega wkoll li meta injorat l-għajnuna mill-Istat mogħtija lil TV 2 Danmark A/S permezz tal-istazzjonijiet tax-xandir reġjonali, il-konvenuta ma kkunsidratx is-sitwazzjoni finanzjarja ta’ TV 2 Danmark A/S fid-dawl tal-ispettru sħiħ tad-dħul ta’ din tal-aħħar.
Minħabba dan in-nuqqas, ir-rikorrenti tallega li l-evalwazzjoni kollha li saret mill-konvenuta tal-pjan ta’ ristrutturazzjoni hija bbażata fuq suppożizzjonijiet żbaljati rigward TV 2 Danmark A/S. Għaldaqstant, ir-rikorrenti tallega li l-konvenuta ma kinitx f’pożizzjoni li tikkonferma li l-kundizzjoni stabbiliti fil-Linji gwida (1) tagħha huma ssodisfatti.
Konsegwentement, ir-rikorenti tallega li l-konvenuta naqset milli tkun konformi mal-kriterji ddefiniti mill-Kummissjoni stess fil-Linji gwida Komunitarji dwar l-għajnuna mill-Istat għas-salvataġġ u r-ristrutturazzjoni ta’ impriżi f’diffikultà u finalment mal-Artikolu 107 (3) (c) TFUE, meta evalwat l-għajnuna għas-salvataġġ u għar-ristrutturazzjoni ta’ TV 2 Danmark A/S.
(1) Linji gwida Komunitarji dwar l-għajnuna mill-Istat għas-salvataġġ u r-ristrutturazzjoni ta’ impriżi f’diffikultà (ĠU 2004 C 244, p. 2).