10.11.2012   

MT

Il-Ġurnal Uffiċjali tal-Unjoni Ewropea

C 343/8

—

tannulla d-deċiżjoni tat-Tmien Awla tal-Qorti Ġenerali tal-Unjoni Ewropea tat-13 ta’ Ġunju 2012 (T-534/10);

—

tikkundanna lill-konvenut għall-ispejjeż, inklużi dawk sostnuti matul il-proċedimenti quddiem il-Bord tal-Appell.

L-ewwel nett, il-Qorti Ġenerali applikat b’mod żbaljat l-Artikolu 8(1)(b) tar-Regolament Nru 207/2009 (1), peress li b’mod żbaljat eskludiet kull xebh viżwali u fonetiku bejn is-sinjali “hellim” u “halloumi”. Il-Qorti Generali qalet b’mod korrett li t-trade marks għandhom l-istess karatteristici komuni fir-rigward tal-ewwel ittra, l-ittri “ll” u l-aħħar ittri “i” u “m”(iżda f’ordni differenti). Madankollu, hija kompliet billi qalet li, ġeneralment, ma seta’ jiġi aċċettat ebda xebh viżwali. Din il-konklużjoni hija kontradittorja. Peress li l-Qorti Ġenerali tikkonferma li hemm ċertu xebh bejn is-sinjali inkwistjoni, ma jistax jiġi konkluż minn dan li ma hemm ebda xebh viżwali.

It-tieni nett, il-Qorti Ġenerali naqset milli teżamina fid-dettall il-karattru distintiv tat-trade mark, minkejja li d-determinazzjoni tal-karattru distintiv kienet neċessarja u kellha rwol deċiżiv fil-kuntest tal-eżami tal-probabbiltà ta’ konfużjoni. Hawnhekk il-Qorti Generali segwiet id-deċiżjoni tal-Bord tal-Appell u, mingħajr ma għamlet eżami ieħor, imxiet fuq is-suppożizzjoni li din it-trade mark hija deskrittiva ta’ ġobon li ġej minn reġjun partikolari ta’ Ċipru. Issa, din il-kwistjoni hija kruċjali. Peress li l-karatteristiċi partikolari ta’ trade mark kollettiva huma intiżi preċiżament sabiex, sa ċertu punt, isiru eċċezzjonijiet għar-regola li tipprojbixxi r-reġistrazzjoni ta’ elementi deskrittivi ta’ trade mark, ir-raġunament tal-Qorti Ġenerali jwassal indirettament għall-konklużjoni li trade mark kollettiva awtomatikament għandha biss karattru distintiv dgħajjef. Din l-ipoteżi ma hijiex kompatibbli mal-Artikolu 66 tar-Regolament Nru 207/2009. Anki jekk “Halloumi” hija trade mark kollettiva, dan il-fatt waħdu ma jindika xejn dwar il-karattru distintiv tat-trade mark. Din il-kwistjoni kien imissha ġiet eżaminata b’mod separat u fid-dettall. Halloumi huwa l-isem ta’ ġobon prodott b’mod partikolari minn din il-kollettiva u mhux informazzjoni deskrittiva ġenerali għal ġobon, ġobon artab jew simili. Holloumi għalhekk ma jistax pereżempju jiġi pparagunat ma’ “Mozzarella”.

Fl-aħħar nett, il-konklużjoni tal-Qorti Ġenerali li ebda xebh viżwali jew fonetiku ma jista’ jiġi aċċettat, minkejja l-konferma tagħha tal-eżistenza ta’ karatteristiċi komuni, u r-raġunament tagħha li l-karattru distintiv tat-trade mark kien, mingħajr ebda evalwazzjoni ddettaljata, ikkunsidrat bħala dgħajjef, irriżultat f’evalwazzjoni u f’esklużjoni tal-probabbiltà ta’ konfużjoni li huma żbaljati fil-liġi.