This document is an excerpt from the EUR-Lex website
Document 62007CA0381
Case C-381/07: Judgment of the Court (Second Chamber) of 6 November 2008 (reference for a preliminary ruling from the Conseil d'État — France) — Association nationale pour la protection des eaux et rivières — TOS v Ministère de l'écologie, du développement et de l'aménagement durables (Pollution of the aquatic environment — Directive 2006/11/EC — Article 6 — Dangerous substances — Discharges — Prior authorisation — Fixing of emission standards — Declaratory scheme — Fish farms)
Kawża C-381/07: Sentenza tal-Qorti tal-Ġustizzja (It-Tieni Awla) tas- 6 ta' Novembru 2008 (talba għal deċiżjoni preliminari tal-Conseil d'État — Franza) — Association nationale pour la protection des eaux et rivières — TOS vs Ministère de l'Écologie, du Développement et de l'Aménagement durables (Tniġġiż tal-ambjent akwatiku — Direttiva 2006/11/KE — Artikolu 6 — Sustanzi perikolużi — Skariki — Awtorizzazzjoni minn qabel — L-istabbiliment ta' livelli ta' emissjoni — Sistema ta' dikjarazzjoni — Trobbija tal-ħut)
Kawża C-381/07: Sentenza tal-Qorti tal-Ġustizzja (It-Tieni Awla) tas- 6 ta' Novembru 2008 (talba għal deċiżjoni preliminari tal-Conseil d'État — Franza) — Association nationale pour la protection des eaux et rivières — TOS vs Ministère de l'Écologie, du Développement et de l'Aménagement durables (Tniġġiż tal-ambjent akwatiku — Direttiva 2006/11/KE — Artikolu 6 — Sustanzi perikolużi — Skariki — Awtorizzazzjoni minn qabel — L-istabbiliment ta' livelli ta' emissjoni — Sistema ta' dikjarazzjoni — Trobbija tal-ħut)
ĠU C 327, 20.12.2008, p. 5–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
20.12.2008 |
MT |
Il-Ġurnal Uffiċjali ta’ l-Unjoni Ewropea |
C 327/5 |
Sentenza tal-Qorti tal-Ġustizzja (It-Tieni Awla) tas-6 ta' Novembru 2008 (talba għal deċiżjoni preliminari tal-Conseil d'État — Franza) — Association nationale pour la protection des eaux et rivières — TOS vs Ministère de l'Écologie, du Développement et de l'Aménagement durables
(Kawża C-381/07) (1)
(Tniġġiż tal-ambjent akwatiku - Direttiva 2006/11/KE - Artikolu 6 - Sustanzi perikolużi - Skariki - Awtorizzazzjoni minn qabel - L-istabbiliment ta' livelli ta' emissjoni - Sistema ta' dikjarazzjoni - Trobbija tal-ħut)
(2008/C 327/07)
Lingwa tal-kawża: Il-Franċiż
Qorti tar-rinviju
Conseil d'État
Partijiet fil-kawża prinċipali
Rikorrenti: Association nationale pour la protection des eaux et rivières — TOS
Konvenut: Ministère de l'Écologie, du Développement et de l'Aménagement durables
Suġġett
Talba għal deċiżjoni preliminari — Conseil d'État — Interpretazzjoni tal-Artikolu 6 tad-Direttiva 2006/11/KE tal-Parlament Ewropew u tal-Kunsill, tal-15 ta' Frar 2006, dwar tniġġiż ikkawżat minn ċerti sustanzi perikolużi skarikati fl-ambjent akwatiku tal-Komunità (ĠU L 64, p. 52) — Bżonn ta' awtorizzazzjoni minn qabel, li tistabbilixxi l-livelli ta' emissjoni għal kull skariku, magħmul fl-ilmijiet, li jista' jkun fih xi sustanza perikoluża — Konformità tar-regoli nazzjonali li jissostitwixxu l-awtorizzazzjoni minn qabel b'sempliċi sistema ta' dikjarazzjoni fir-rigward tat-trobbija tal-ħut iżda madankollu, b'referenza għall-istandards ta' kwalità ambjentali applikabbli u bi dritt tal-awtorità amministrattiva kompetenti li topponi l-ftuħ tal-impjant jew li timponi limiti ta' skariku għall-installazzjoni kkonċernata.
Dispożittiv
L-Artikolu 6 tad-Direttiva 2006/11/KE tal-Parlament Ewropew u tal-Kunsill, tal-15 ta' Frar 2006, dwar tniġġiż ikkawżat minn ċerti sustanzi perikolużi skarikati fl-ambjent akwatiku tal-Komunità, ma jistax jiġi interpretat bħala li jippermetti lill-Istati Membri, ladarba jiġu adottati, skont dan l-artikolu, programmi għat-tnaqqis tat-tniġġiż tal-ilmijiet li jinkludu standards ta' kwalità ambjentali, li jistabbilixxu, għal ċerti installazzjonijiet meqjusa li għandhom livell baxx ta' tniġġiż, sistema ta' dikjarazzjoni b'referenza għal dawn l-istandards, u dritt, għall-awtorità amministrattiva, li topponi l-ftuħ tal-impjant jew li timponi limiti ta' skariku għall-installazzjoni kkonċernata.