IL-KUMMISSJONI EWROPEA
Brussell, 5.6.2024
COM(2024) 231 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
Rapport Annwali dwar l-Attivitajiet tar-Riċerka u l-Iżvilupp Teknoloġiku tal-Unjoni Ewropea u l-Monitoraġġ ta’ Orizzont Ewropa u ta’ Orizzont 2020 fl-2023
1.Sfond
Dan ir-rapport jipprovdi ħarsa ġenerali mhux eżawrjenti lejn l-attivitajiet ewlenin ta’ riċerka u innovazzjoni (R&I) tal-UE fl-2023 u l-monitoraġġ ta’ Orizzont Ewropa, Orizzont 2020 u l-programm ta’ Riċerka u Taħriġ tal-Euratom.
Dan ġie abbozzat f’konformità mal-Artikolu 190 tat-
Trattat dwar il-Funzjonament tal-Unjoni Ewropea
u l-Artikolu 7 tat-
Trattat Euratom
, flimkien mal-Artikolu 50 tar-
Regolament (UE) 2021/695 tal-Parlament Ewropew
u tal-Kunsill li jistabbilixxi l-
Orizzont Ewropa – il-Programm Qafas għar-Riċerka u l-Innovazzjoni
u mal-Artikolu 12 tar-
Regolament tal-Kunsill (Euratom) 2021/765 li jistabbilixxi l-Programm ta’ Riċerka u Taħriġ tal-Komunità Ewropea tal-Enerġija Atomika
.
2.Kuntest politiku u żviluppi tal-politika
L-2023 kienet sena ta’ bosta sfidi globali. It-tibdil fil-klima, it-telf tal-bijodiversità, it-tniġġis, it-trasformazzjoni diġitali, it-theddid għas-saħħa u t-tixjiħ tal-popolazzjoni wasslu għal domanda qawwija għal soluzzjonijiet ibbażati fuq ir-R&I. Il-kuntest ġeopolitiku instabbli, b’mod partikolari l-gwerra ta’ aggressjoni tar-Russja kontra l-Ukrajna, ukoll influwenza t-tfassil tal-politika tar-R&I.
2.1L-Ukrajna u s-sigurtà interna tal-UE
Il-Kummissjoni kompliet tipprovdi
l-appoġġ lill-Ukrajna
, b’enfasi fuq tliet objettivi ewlenin:
1.l-appoġġ għax-xjenza u għar-riċerkaturi Ukreni li jinsabu fl-Ukrajna u f’rifuġju;
2.it-tħaffif tal-isforzi tal-Ukrajna lejn l-integrazzjoni tal-UE fir-R&I;
3.il-promozzjoni tar-rwol tar-R&I fl-oqfsa politiċi u operazzjonali ewlenin biex jiġi promoss l-irkupru tal-Ukrajna.
Il-
proposta tal-Kummissjoni għal Regolament dwar il-Faċilità tal-Ukrajna
tinkludi referenzi importanti għall-bini mill-ġdid tal-infrastruttura tar-riċerka.
L-Uffiċċju ta’ Orizzont Ewropa fi Kiev ġie inawgurat f’Diċembru u se jippromwovi l-opportunitajiet ta’ finanzjament u jappoġġa lill-applikanti. L-avveniment serva wkoll bħala tnedija politika ta’ inizjattiva ta’ EUR 20 miljun biex tappoġġa l-innovaturi rivoluzzjonarji Ukreni.
Sabiex tiżdied is-sigurtà interna tal-UE, jiġu protetti l-popolazzjoni u l-infrastruttura kritika tagħha kontra t-theddid ċibernetiku u fiżiku u biex tiżdied ir-reżiljenza għad-diżastri, ittieħdu l-miżuri li ġejjin:
·l-UE fasslet l-ewwel
politika strateġika pluriennali tagħha għall-ġestjoni integrata Ewropea tal-fruntieri
għall-perjodu 2023-2027, bir-R&I bħala komponent trażversali biex tappoġġa l-miżuri bħat-twettiq ta’ kontrolli fil-fruntieri;
·il-Parlament Ewropew u l-Kunsill qablu dwar il-
mandat għal Aġenzija ġdida tal-UE dwar id-Drogi
, li l-kompiti tagħha jinkludu diversi attivitajiet ta’ R&I;
·il-Kummissjoni ppubblikat
Komunikazzjoni dwar il-ġlieda kontra theddid potenzjali mid-droni
, li tidentifika kif ir-riċerka ffinanzjata mill-UE tindirizza t-theddid mid-droni;
·il-Kummissjoni organizzat
avveniment ta’ riċerka dwar is-sigurtà
, li laqqa’ flimkien aktar minn 1 000 persuna li tfassal il-politika, riċerkatur, prattikant tas-sigurtà u rappreżentant tal-industrija biex jiddiskutu kif ir-riċerka dwar is-sigurtà tista’ tagħmel l-UE aktar reżiljenti;
·il-
Programm tal-Unjoni għal Konnettività Sigura għall-perjodu 2023-2027
ġie adottat biex jipprovdi lill-UE servizzi ta’ komunikazzjoni bis-satellita bbażati fl-ispazju abbażi ta’ attivitajiet ta’ R&I;
·il-Kunsill approva l-
Istrateġija għas-Sigurtà Marittima tal-UE
li ġiet riveduta u l-pjan ta’ azzjoni tagħha inklużi bosta azzjonijiet relatati mar-R&I li jfittxu li jindirizzaw theddid ġdid għas-sigurtà.
2.2Awtonomija strateġika miftuħa, sigurtà ekonomika u kooperazzjoni internazzjonali tal-UE
L-
Istrateġija Ewropea ta’ Sigurtà Ekonomika
f’konformità mal-
Approċċ Globali għar-Riċerka u l-Innovazzjoni
għandha l-għan li tiżgura kemm il-ftuħ ekonomiku tal-UE kif ukoll is-salvagwardja tas-sigurtà tar-riċerka. Ir-R&I jaqdu rwol ewlieni f’kull waħda mit-tliet prijoritajiet tal-Istrateġija: il-promozzjoni, il-protezzjoni, u s-sħubija.
Promozzjoni:
L-istrateġija ta’ sigurtà ekonomika tippromwovi l-kompetittività billi tinvesti f’teknoloġiji strateġiċi permezz ta’ Orizzont Ewropa li huma kritiċi għas-sigurtà ekonomika, bħas-semikondutturi avvanzati u l-computing kwantistiku.
Il-
Pjattaforma tat-Teknoloġiji Strateġiċi għall-Ewropa
pproponiet appoġġ finanzjarju għal teknoloġiji kritiċi u li tingħata spinta lir-reżiljenza tal-UE. Il-Kummissjoni pproponiet ukoll
Att dwar il-Materja Prima Kritika
u
Att dwar l-Industrija b’Emissjonijiet Żero Netti
, li t-tnejn jippromwovu aktar R&I fl-oqsma li se jżidu r-reżiljenza tal-UE.
Protezzjoni:
It-titjib tas-sigurtà tar-riċerka huwa importanti biex tiġi protetta l-awtonomija strateġika miftuħa tal-UE billi jiġi żgurat li l-għodod eżistenti jiġu infurzati b’mod sistematiku u billi jiġu identifikati u indirizzati xi diskrepanzi li jkun għad fadal. Il-miżuri li ġejjin applikaw fl-2023:
·il-
valutazzjoni tas-sigurtà
tal-proġetti ta’ Orizzont Ewropa kienet tinvolvi l-iskrinjar ta’ 118-il proposta (68 fl-2022), li minnhom 20 għaddew mill-proċedura ta’ skrutinju tas-sigurtà f’kooperazzjoni mal-esperti tas-sigurtà nazzjonali;
·ir-Regolament dwar Orizzont Ewropa jipprovdi l-possibbiltà li tiġi limitata l-parteċipazzjoni biex jiġu salvagwardjati l-assi strateġiċi, l-interessi, l-awtonomija jew is-sigurtà tal-UE (l-Artikolu 22(5));
·f’konformità mas-
Sett ta’ Għodod dwar l-Indirizzar tal-Indħil Barrani fir-R&I
, il-Kummissjoni organizzat eżerċizzji ta’ tagħlim reċiproku dwar l-indħil barrani fir-R&I, li laqqgħu flimkien ir-rappreżentanti minn 14-il Stat Membru.
Sħubija:
Il-Kummissjoni saħħet il-kooperazzjoni fir-R&I ma’:
·l-Istati Uniti, billi
ġeddet il-ftehim bilaterali għall-kooperazzjoni fix-xjenza u t-teknoloġija
;
·l-Amerka Latina u r-reġjun tal-Karibew, fejn
Laqgħa bireġjonali tal-Uffiċjali Għolja
tat bidu għall-iżvilupp ta’ pjan direzzjonali strateġiku ġdid għall-kooperazzjoni;
·l-Unjoni Afrikana (AU) permezz tal-
Aġenda għall-Innovazzjoni UA-UE
biex tittrasforma l-kapaċità innovattiva tal-UE u l-UA biex trawwem impjiegi u tkabbir sostenibbli;
·l-Indja, billi waqqfet grupp ta’ ħidma dwar l-enerġija nadifa u ekoloġika matul il-
Kunsill tal-Kummerċ u t-Teknoloġija bejn l-UE u l-Indja
;
·l-
Alleanza għar-Riċerka u l-Innovazzjoni dwar l-Oċean Atlantiku
, inklużi n-Norveġja u r-Renju Unit.
F’konformità mal-Komunikazzjoni Konġunta
tal-Prospettiva Strateġika UE-Ċina
, il-Kummissjoni kompliet id-diskussjonijiet dwar il-kooperazzjoni futura bejn l-UE u ċ-Ċina fir-riċerka u l-innovazzjoni.
2.3Tranżizzjoni ekoloġika u diġitali
L-indirizzar tat-tibdil fil-klima baqa’ prijorità ewlenija fl-2023, kif jidher mill-bosta attivitajiet ta’ R&I tal-UE li jipprovdu l-bażi ta’ evidenza biex jiġi implimentat il-
Patt Ekoloġiku Ewropew
:
·Il-Kummissjoni ppubblikat
Pjan Industrijali tal-Patt Ekoloġiku
, flimkien mal-
Att dwar l-Industrija b’Emissjonijiet Żero Netti
u l-
Att dwar il-Materja Prima Kritika
, biex tagħti spinta lill-kompetittività tal-industrija b’emissjonijiet żero netti tal-Ewropa u tappoġġa t-tranżizzjoni lejn in-newtralità klimatika b’azzjonijiet speċifiċi dwar ir-R&I, pereżempju dwar l-idroġenu ekoloġiku;
·ġew adottati biċċiet ġodda ta’ leġiżlazzjoni tal-UE, bħar-
RefuelEU Aviation
, il-
FuelEU Maritime
, u r-
Regolament dwar l-Infrastruttura tal-Fjuwils Alternattivi
;
·f’Jannar, il-Kummissjoni ppreżentat
Patt Ġdid għall-Pollinaturi
biex tappoġġa r-riċerka dwar il-pollinaturi u l-kawżi u l-konsegwenzi tat-tnaqqis tagħhom;
·f’Lulju, il-Kummissjoni ppreżentat
proposta għal direttiva dwar il-monitoraġġ u r-reżiljenza tal-ħamrija
u fַ’Novembru
qafas ta’ monitoraġġ għall-foresti Ewropej.
reżiljenti, biex jiġi pprovdut għarfien aħjar dwar il-foresti Ewropej;
·ir-rwol importanti tar-R&I tal-UE fit-trawwim tal-adattament sistemiku għat-tibdil fil-klima huwa rikonoxxut fir-
Rapport dwar l-implimentazzjoni tal-istrateġija tal-UE dwar l-adattament għat-tibdil fil-klima
li jakkumpanja r-
Rapport ta’ Progress tal-UE għall-Azzjoni Klimatika tal-2023;
·disinn imtejjeb tal-irkantijiet u kriterji għall-aġġudikazzjoni mhux tal-prezz li jappoġġaw l-innovazzjoni bħala parti mill-
pjan ta’ azzjoni Ewropew għall-enerġija mir-riħ
;
·il-
pjan ta’ azzjoni tal-UE għall-grilji
jinnota li r-R&I huma importanti biex il-grilji elettriċi jiġu aġġornati għal grilji intelliġenti, filwaqt li jsiru diġitali, jiġu mmonitorjati f’ħin reali, ikunu kontrollabbli mill-bogħod u ċibernetiċi;
·il-
Komunikazzjoni dwar ir-reviżjoni tal-Pjan Strateġiku għat-Teknoloġija tal-Enerġija
tappoġġa l-iżvilupp ta’ teknoloġiji tal-enerġija nodfa, effiċjenti u kostkompetittivi permezz tal-kollaborazzjoni fir-riċerka dwar l-enerġija nadifa;
·l-azzjonijiet fl-ambitu tal-
Aġenda Ewropea Ġdida għall-Innovazzjoni
f’teknoloġiji b’livell baxx ta’ emissjonijiet tal-karbonju, l-ekonomija ċirkolari u t-tranżizzjoni diġitali kkontribwew biex jinkisbu l-objettivi tat-tranżizzjoni ekoloġika u diġitali;
·f’Diċembru, il-Kummissjoni adottat il-pakkett “
sustanza waħda, valutazzjoni waħda
”, li kien jinkludi tliet proposti leġiżlattivi biex tittejjeb il-bażi ta’ għarfien dwar is-sustanzi kimiċi;
·l-UE espandiet l-ambitu u d-daqs tal-
Fond għall-Innovazzjoni
, strument ewlieni ta’ finanzjament tal-UE għat-teħid tar-riżultati tar-R&I u l-użu ta’ teknoloġiji b’emissjonijiet żero netti u innovattivi għad-dekarbonizzazzjoni tal-Ewropa;
·il-proposta dwar id-
dritt għat-tiswija
u l-inizjattivi dwar il-
mikroplastiċi
, li jibnu fuq ir-riżultati tal-proġetti ta’ R&I tal-UE biex tittejjeb iċ-ċirkolarità tal-prodotti u jiġi evitat it-tniġġis tal-mikroplastiċi;
·it-
tielet
konferenza dwar ir-Riċerka Agrikola identifikat riċerka u innovazzjoni futuri fl-agrikoltura, il-forestrija u ż-żoni rurali;
·fl-ambitu tal-
inizjattiva
Food 2030, saret konferenza f’Diċembru u nħareġ
rapport
, li kien jiddeskrivi l-perkorsi tar-R&I biex jiġi ttrasformat l-ikel;
·il-Kummissjoni adottat il-
Pakkett dwar is-Sajd u l-Oċeani
, inkluż il-
pjan ta’ azzjoni dwar il-baħar
b’tqsima li tiffoka fuq it-tisħiħ tar-riċerka u l-innovazzjoni;
·L-2023 rat l-adozzjoni tal-
perkorsi ta’ tranżizzjoni tas-sustanzi kimiċi
, tal-
kostruzzjoni
u tat-
tessuti
, li jidentifikaw azzjonijiet speċifiċi ta’ riċerka biex tiġi permessa t-tranżizzjoni ekoloġika;
·l-
Att Ewropew dwar iċ-Ċipep
daħal fis-seħħ f’Settembru 2023 bl-għan li jagħti spinta lill-kompetittività u r-reżiljenza tal-Ewropa permezz ta’ attivitajiet ta’ riċerka b’saħħithom fit-teknoloġija u l-applikazzjoni tas-semikondutturi;
·il-Kummissjoni adottat
Komunikazzjoni
dwar il-kompetittività fit-tul tal-UE li tenfasizza r-R&I bħala wieħed mill-fatturi ewlenin għall-kompetittività fit-tul. Pereżempju, hija tissuġġerixxi inċentivi fiskali, sħubijiet pubbliċi-privati u proġetti fuq skala kbira, speċjalment fl-oqsma ewlenin tat-teknoloġija nadifa, id-diġitalizzazzjoni u l-bijoteknoloġija.
2.4Sħubija mal-Istati Membri
Fil-bidu ta’ Diċembru, kienu nkisbu 87 mis-613-il stadju importanti (madwar 14 %) relatati mar-R&I li l-Istati Membri jridu jiksbu biex jirċievu l-pagamenti korrispondenti tal-
Faċilità għall-Irkupru u r-Reżiljenza
. Kienu ġew żborżati EUR 5,98 biljun lill-Istati Membri, li jirrappreżentaw madwar 12,5 % tal-appoġġ kumplessiv li ġie allokat għar-R&I (EUR 48 biljun).
Fl-2023, id-diskussjonijiet bilaterali bejn il-Kummissjoni u l-Istati Membri ġew ikkonsolidati permezz ta’
djalogi msaħħa
, li għandhom l-għan li joħolqu approċċi mfassla apposta għall-pajjiżi.
Barra minn hekk, l-UE pprovdiet appoġġ lill-Istati Membri biex itejbu s-sistema tar-R&I tagħhom permezz ta’ implimentazzjoni konċertata tal-
Faċilità ta’ Appoġġ għall-Politiki
. Dan kien jinvolvi proġetti speċifiċi għall-Kroazja, il-Greċja u r-Rumanija u t-tnedija ta’ eżerċizzji ta’ tagħlim reċiproku dwar l-involviment taċ-ċittadini, il-missjonijiet ta’ riċerka tal-UE, il-prospettiva, il-valorizzazzjoni tal-għarfien u d-dekarbonizzazzjoni industrijali.
Sabiex tingħata spinta lill-attraenza tal-karrieri fir-riċerka, f’Lulju l-Kummissjoni adottat
proposta għal Rakkomandazzjoni tal-Kunsill dwar qafas Ewropew biex jiġu attirati u miżmuma t-talenti fir-riċerka, fl-innovazzjoni u intraprenditorjali
.
Sabiex tiġi ssorveljata l-implimentazzjoni taż-Żona Ewropea tar-Riċerka (ŻER) il-ġdida, ġiet stabbilita sistema ta’ monitoraġġ u rappurtar u l-ewwel
“rapport fil-livell tal-UE” ta’ Monitoraġġ taż-ŻER
ġie ppubblikat f’Novembru.
Saru bosta jiem ta’ informazzjoni mmirata f’pajjiżi li kellhom inqas suċċess fil-
Parti tat-twessigħ
ta’ Orizzont Ewropa.
F’Awwissu, il-Kummissjoni adottat it-
tielet rapport tagħha dwar l-applikazzjoni tar-Regolament dwar il-Konsorzju għal Infrastruttura Ewropea ta’ Riċerka
, li sar strument legali għal inizjattivi għall-infrastruttura.
2.5Azzjonijiet diretti implimentati miċ-Ċentru Konġunt tar-Riċerka tal-Kummissjoni
Iċ-Ċentru Konġunt tar-Riċerka (JRC) appoġġa bosta inizjattivi tal-Kummissjoni u fost ħafna attivitajiet:
·nieda l-
osservatorju tal-UE, li jkopri d-deforestazzjoni u d-degradazzjoni tal-foresti madwar id-dinja
, li se jgħin biex jiġu protetti u rrestawrati l-foresti;
·nieda ċ-
Ċentru Ewropew tat-Trasparenza Algoritmika
, li se jappoġġa l-isforzi fir-regolamentazzjoni tas-servizzi diġitali;
·ikkontribwixxa għar-
Rapport ta’ Prospettiva Strateġika tal-2023
, li jibni fuq ir-
Rapport dwar ix-Xjenza għall-Politika
rigward
l-għażliet soċjali u ekonomiċi fit-tranżizzjonijiet lejn is-sostenibbiltà
;
·nieda l-
Atlas tal-Migrazzjoni
, li jipprovdi d-data dwar il-migrazzjoni u jinkludi taqsima tematika dwar il-persuni li ġew spostati mill-Ukrajna wara l-gwerra ta’ aggressjoni tar-Russja.
3.Implimentazzjoni u Monitoraġġ ta’ Orizzont Ewropa u tal-Euratom
3.1.Orizzont Ewropa fl-2023 – Punti ewlenin u karatteristiċi ġodda
F’Marzu, il-Kummissjoni emendat il-programm “ewlieni” ta’ ħidma ta’ Orizzont Ewropa għall-perjodu 2023-2024, biex tkompli trawwem ir-R&I għall-appoġġ tas-sigurtà ċivili għas-soċjetà u l-enerġija rinnovabbli, filwaqt li żiedet il-baġit għall-programm ta’ ħidma b’madwar EUR 55 miljun għal total ta’ aktar minn EUR 13,5 biljun.
Il-Kummissjoni implimentat il-
kriterju ta’ eliġibbiltà l-ġdid
dwar il-pjanijiet għall-ugwaljanza bejn is-sessi u ħolqot
Premju ġdid tal-UE għaċ-Ċampjins tal-Ugwaljanza bejn il-Ġeneri
.
Assoċjazzjoni għal Orizzont Ewropa
Fl-2023, l-għadd ta’
pajjiżi assoċjati
laħaq is-17. F’Jannar 2024, ir-Renju Unit sar it-18-il wieħed.
New Zealand ġiet assoċjata b’mod retroattiv mill-1 ta’ Jannar 2023, u kienet l-ewwel pajjiż assoċjat lil hinn mill-viċinanza ġeografika tal-UE.
Il-mexxejja fis-
Summit UE-Kanada
ħabbru l-konklużjoni tan-negozjati sostantivi. Il-ftehim li jassoċja lill-Kanada ma’ Orizzont Ewropa huwa mistenni li jiġi ffirmat f’nofs l-2024.
F’Novembru, il-Kummissjoni approvat il-
Fehim Komuni
, li ġie nnegozjat bejn l-UE u l-Iżvizzera u ppermetta taħditiet esploratorji għall-assoċjazzjoni tal-Iżvizzera.
It-tnedija tan-negozjati ta’ assoċjazzjoni formali mar-Repubblika tal-Korea tħabbret fis-
Summit UE-Korea
f’Mejju.
Id-diskussjonijiet komplew fil-livell tekniku mal-Ġappun u Singapore dwar il-prospetti għall-assoċjazzjoni ma’ Orizzont Ewropa.
3.2.Data ta’ monitoraġġ ta’ Orizzont Ewropa
Sejħiet u suġġetti
Sors: Id-data tas-CPS, meħuda fid-09.01.2024
Il-284 sejħa għal proposti mnedija sa tmiem l-2023 fl-ambitu tal-programmi ta’ ħidma prinċipali ta’ Orizzont Ewropa għall-perjodu 2021-2022 u 2023-2024 koprew total ta’ 1 581 suġġett ta’ riċerka b’baġit ta’ EUR 25,6 biljun. Sa tmiem l-2023, 77 % ta’ dawk is-sejħiet kienu ġew evalwati bis-sħiħ.
Is-suġġetti proposti kellhom l-għan li jattiraw il-proġetti ta’ R&I li se jgħinu biex jiġu indirizzati l-
prijoritajiet tal-Kummissjoni għall-perjodu 2019-2024
. Madwar 28 % tas-suġġetti ħeġġew jew kienu jeħtieġu l-kooperazzjoni internazzjonali.
Illustrazzjoni 1: Perċentwal tas-suġġetti li jindirizzaw il-prijoritajiet ta’ politika tal-Kummissjoni
Il-programm ta’ ħidma tal-
Kunsill Ewropew tar-Riċerka
ħabbar erba’ sejħiet għal għotjiet għar-riċerka fil-fruntieri tal-għarfien b’baġit totali ta’ EUR 2,12 biljun. Is-sejħiet tnedew u ġew evalwati bis-sħiħ.
Fl-aħħar nett, il-
Kunsill Ewropew tal-Innovazzjoni
fetaħ opportunitajiet ta’ finanzjament b’valur ta’ madwar EUR 1,6 biljun għal innovaturi rivoluzzjonarji permezz ta’ tliet skemi ta’ finanzjament prinċipali: il-
Pathfinder tal-EIC
(EUR 343 miljun), it-
Tranżizzjoni tal-EIC
(EUR 128 miljun) u l-
Aċċelleratur tal-EIC
(EUR 1,13 biljun).
Proposti għal proġetti u rati ta’ suċċess
Sors: Id-dashboard tal-proposti ta’ Orizzont, iffriżat fit-02.01.2024
Il-programm kompla jqajjem interess kbir b’madwar 64 000 proposta eliġibbli li ġew ippreżentati matul il-perjodu 2021-2023. Il-kwalità kumplessiva tal-proposti baqgħet stabbli, fejn nofs il-proposti eliġibbli (33 637, 52,6 %) laħqu l-livell limitu tal-punteġġ tal-evalwazzjoni u ġew ivvalutati minn esperti esterni bħala li huma ta’ kwalità għolja.
Ir-rata ta’ suċċess tal-proposti żdiedet għal 17,3 % (minn 15,9 % fi tmiem l-2022 u 11,9 % fl-ambitu ta’ Orizzont 2020). Intgħażlu aktar minn 11 000 proposta għall-finanzjament għal total ta’ EUR 32,6 biljun.
Madankollu, żewġ terzi (67,2 %) tal-proposti ta’ kwalità għolja kollha għad ma għandhomx finanzjament. Kien ikun meħtieġ baġit addizzjonali ta’ madwar EUR 54,4 biljun biex jiġu ffinanzjati l-proposti ta’ kwalità għolja kollha li ġew ippreżentati matul il-perjodu 2021-2023.
Għotjiet iffirmati
Sors: Id-dashboard tal-proġetti ta’ Orizzont, iffriżat fit-02.01.2024
Wara l-evalwazzjoni tal-proposti, ingħataw EUR 30,8 biljun permezz ta’ 10 674 għotja. Xi għotjiet kienu għadhom qed jitħejjew fi tmiem l-2023. Id-daqs medju tal-għotja huwa ta’ EUR 2,9 miljun, li huwa ogħla minn dak fl-ambitu ta’ Orizzont 2020 (EUR 1,8 miljun). Il-finanzjament medju tal-UE li ġie allokat għal għotjiet monobenefiċjarji (44 % tal-għotjiet) huwa ta’ madwar EUR 1,2 miljun, meta mqabbel ma’ EUR 4,2 miljun għal għotjiet kollaborattivi (56 % tal-għotjiet). Bħala medja, l-għotjiet kollaborattivi jinvolvu 11-il parteċipant.
Parti tal-programm
|
Proposti eliġibbli
|
Proposti magħżula
|
Rata ta’ suċċess tal-proposti (% ta’ dawk eliġibbli)
|
Kontribuzzjoni tal-UE mitluba fil-proposti magħżula (f’miljuni ta’ EUR)
|
Għotjiet iffirmati
|
Kontribuzzjoni tal-UE f’għotjiet iffirmati (f’miljuni ta’ EUR)
|
Daqs medju tal-proġett (parteċipanti)
|
Daqs medju tal-għotja (f’miljuni ta’ EUR)
|
Pilastru 1 – Xjenza Eċċellenti
|
Kunsill Ewropew tar-Riċerka
|
22 856
|
3 235
|
14,2 %
|
5 621
|
2 903
|
4 990
|
1,2
|
1,7
|
Azzjonijiet Marie Skłodowska-Curie
|
17 914
|
2 947
|
16,5 %
|
1 684
|
3 090
|
1 719
|
4
|
0,6
|
Infrastrutturi tar-riċerka
|
233
|
130
|
55,8 %
|
870
|
132
|
873
|
22,5
|
6,6
|
Pilastru II – Sfidi Globali u Kompetittività Industrijali Ewropea
|
Cluster 1 Saħħa
|
2 012
|
438
|
21,8 %
|
3 469
|
439
|
3 408
|
15,5
|
7,8
|
Cluster 2 Kultura, Kreattività u Soċjetà Inklużiva
|
1 591
|
246
|
15,5 %
|
815
|
225
|
667
|
11,8
|
3,0
|
Cluster 3 Sigurtà Ċivili għas-Soċjetà
|
650
|
94
|
14,5 %
|
424
|
100
|
428
|
16,7
|
4,3
|
Cluster 4 Diġitali, Industrija u Spazju
|
4 419
|
906
|
20,5 %
|
5 568
|
891
|
5 223
|
14,2
|
5,9
|
Cluster 5 Klima, Enerġija u Mobbiltà
|
3 834
|
852
|
22,2 %
|
6 704
|
837
|
6 228
|
16,7
|
7,4
|
Cluster 6 Ikel, Bijoekonomija, Riżorsi Naturali, Agrikoltura u Ambjent
|
2 221
|
582
|
26,2 %
|
3 637
|
540
|
3 002
|
18
|
5,6
|
Pilastru III – Ewropa Innovattiva
|
Il-Kunsill Ewropew tal-Innovazzjoni*
|
5 631
|
843
|
15,0 %
|
1 356
|
830
|
2 165
|
3,2
|
2,6
|
Ekosistemi Ewropej tal-innovazzjoni
|
1 148
|
247
|
21,5 %
|
232
|
250
|
224
|
3
|
0,9
|
L-Istitut Ewropew tal-Innovazzjoni u t-Teknoloġija**
|
21
|
18
|
85,7 %
|
1 173
|
17
|
913
|
9,7
|
Mhux applikabbli
|
Twessigħ tal-parteċipazzjoni u tisħiħ taż-Żona Ewropea tar-Riċerka
|
Twessigħ tal-parteċipazzjoni u tixrid tal-eċċellenza
|
1 135
|
404
|
35,6 %
|
807
|
344
|
796
|
4,1
|
2,3
|
Riforma u tisħiħ tas-Sistema Ewropea tar-R&I
|
233
|
84
|
36,1 %
|
251
|
76
|
166
|
12,2
|
2,2
|
Total għal Orizzont Ewropa
|
63 898
|
11 026
|
17,3 %
|
32 610
|
10 674
|
30 802
|
6,8
|
2,9
|
Tabella 1: Il-proposti u l-għotjiet iffirmati għal kull pilastru u parti tal-programm (Sors: id-dashboards tal-proposti tar-R&I u tal-proġetti tar-R&I, iffriżati fit-02.01.2024)
*Iċ-ċifri għall-Aċċelleratur tal-EIC mhumiex kompluti (għadd ta’ proposti) jew huma neqsin (kontribuzzjoni miżmuma tal-UE, sejħiet 2021-2022)
** Iċ-ċifri jirreferu għall-għotjiet tal-“pakkett” lill-KKI tal-EIT biss
Indirizzar tal-prijoritajiet ta’ politika tal-UE
Sors: Id-
dikjarazzjoni tal-programm Orizzont Ewropa
Ir-riċerka u l-innovazzjoni għandhom rwol sinifikanti fit-tħaffif tat-tranżizzjoni ekoloġika. Sa issa, iċ-ċifri preliminari ta’ monitoraġġ flimkien maċ-ċifri stmati tal-2023 jindikaw kontribuzzjoni klimatika ta’ Orizzont Ewropa li hija qrib il-35 % sa tmiem l-2023. Stimi preliminari ex post jiżvelaw li l-infiq fuq il-bijodiversità żdied minn 7,9 % fl-2021 għal 8,7 % fl-2023.
L-investimenti ta’ Orizzont Ewropa fit-trasformazzjoni diġitali għall-perjodu 2021-2023 huma stmati li jammontaw sa EUR 14 053,2 miljun, jew 40 % tal-baġit ta’ Orizzont Ewropa għal dawn is-snin.
Fl-2023, ġew allokati EUR 50 miljun għall-proġetti li l-objettiv prinċipali tagħhom huwa li jtejbu l-ugwaljanza bejn il-ġeneri u madwar EUR 1,7 biljun għal proġetti li jikkontribwixxu b’xi mod għall-ugwaljanza bejn il-ġeneri.
Applikanti u benefiċjarji
Sors: Id-dashboard tal-proġetti ta’ Orizzont, iffriżat fit-02.01.2024
Il-proġetti ffirmati fl-ewwel tliet snin tal-programm jinvolvu madwar 21 894 parteċipant differenti minn 163 pajjiż differenti, inklużi 34,1 % minn intrapriżi żgħar u ta’ daqs medju (SMEs).
Madwar 82,3 % tal-applikazzjonijiet eliġibbli li ġew ippreżentati huma mill-Istati Membri u kważi 25 % ta’ dawk l-applikazzjonijiet jiġu minn
pajjiżi tat-“twessigħ”
.
L-entitajiet li jinsabu f’pajjiżi assoċjati ppreżentaw 6,1 % tal-applikazzjonijiet u l-entitajiet li jinsabu f’pajjiżi terzi ppreżentaw 11,7 % tal-applikazzjonijiet kollha, li nofshom kienu minn organizzazzjonijiet ibbażati fir-Renju Unit.
Grupp ta’ pajjiżi
|
Applikazzjonijiet fi proposti eliġibbli
|
% tal-għadd totali ta’ applikazzjonijiet
|
Rata ta’ suċċess tal-applikazzjonijiet
|
Parteċipazzjoni f’għotjiet iffirmati
|
% tal-parteċipazzjonijiet kollha
|
Kontribuzzjoni tal-UE fl-għotjiet iffirmati (f’miljuni ta’ EUR)
|
% tal-kontribuzzjoni totali tal-UE f’għotjiet iffirmati
|
Stati Membri
|
268 153
|
82,3 %
|
22,1 %
|
61 008
|
84,3 %
|
28 334
|
92 %
|
Pajjiżi mhux tat-twessigħ
|
205 413
|
63,0 %
|
22,8 %
|
48 378
|
66,9 %
|
24 141
|
78,4 %
|
Pajjiżi tat-twessigħ
|
62 740
|
19,3 %
|
19,8 %
|
12 630
|
17,5 %
|
4 193
|
13,6 %
|
Pajjiżi assoċjati
|
19 761
|
6,1 %
|
19,6 %
|
3 929
|
5,4 %
|
2 024
|
6,6 %
|
Pajjiżi Terzi
|
37 999
|
11,7 %
|
21,6 %
|
7 392
|
10,2 %
|
444
|
1,4 %
|
TOTAL
|
325 913
|
100 %
|
21,9 %
|
72 329
|
100 %
|
30 802
|
100 %
|
Tabella 2: Oriġini tal-applikanti
L-ogħla ishma tal-parteċipanti jiġu minn istituzzjonijiet tal-edukazzjoni għolja (33,5 %), entitajiet tas-settur privat (30,5 %) u organizzazzjonijiet tar-riċerka (22,5 %).
L-għadd ta’ parteċipanti ġodda fil-programm żdied minn 36 % fl-2022 għal 47 %.
B’mod ġenerali, l-entitajiet li jinsabu fl-Istati Membri ngħataw EUR 28,3 biljun (92 % tal-fondi). L-entitajiet fil-pajjiżi tat-twessigħ ingħataw 13,6 % tal-fondi. L-entitajiet li jinsabu f’pajjiżi assoċjati ngħataw aktar minn EUR 2 biljun (6,6 %) u dawk f’pajjiżi terzi mhux assoċjati nghataw EUR 444 miljun (1,4 %).
L-SMEs irċevew 20,6 % tal-baġit allokat ta’ Orizzont Ewropa (EUR 6,6 biljun), li minnhom EUR 5,34 biljun f’għotjiet (17 % tal-baġit tal-għotjiet allokat ta’ Orizzont Ewropa) u EUR 1,26 biljun f’investimenti diretti permezz tal-Fond tal-EIC.
L-ewwel riżultati
Sors tad-data: Id-dashboard tal-Perkors Ewlieni tal-Impatt, iffriżat fit-02.01.2024
Aktar minn 59 000 riċerkatur irċevew appoġġ għall-attivitajiet ta’ titjib tal-ħiliet fl-ambitu ta’ Orizzont Ewropa; 45 % minnhom kienu nisa. Tliet snin wara li tnieda l-programm, il-proġetti ffinanzjati (489 proġett jew 4,5 % tal-proġetti kollha li kienu għaddejjin) bdew jipproduċu r-riżultati. Sa issa l-proġetti pproduċew 2 843 pubblikazzjoni rieżaminata bejn il-pari, u 1 804
riżultati innovattivi
. Kienu biss 174 proġett (1,6 %) li ngħalqu fiż-żmien ta’ din l-analiżi.
Fokus fuq is-sħubijiet Ewropej
Sors tad-data: id-dashboard tal-proġetti ta’ Orizzont, iffriżat fit-02.01.2024
Sa tmiem l-2023, kienu ġew stabbiliti 44 sħubija mid-49 li ġew identifikati fl-ewwel pjan strateġiku ta’ Orizzont Ewropa għall-perjodu 2021-2024.
Fl-ambitu tal-10 impriżi konġunti attivi (sħubijiet istituzzjonalizzati bbażati fuq l-
Artikolu 187 tat-TFUE
), ġew iffirmati 345 għotja għal total ta’ EUR 2,9 biljun (9,5 % tal-fondi ta’ Orizzont Ewropa mogħtija matul il-perjodu 2021-2023). Is-sħubijiet jinvolvu madwar 3 000 organizzazzjoni differenti, li żewġ terzi minnhom huma kumpaniji privati u 40 % huma SMEs. Ġew introdotti EUR 2,75 biljun addizzjonali mill-benefiċjarji, li jirrappreżentaw 50 % tal-investimenti tal-proġetti. F’Novembru, is-
Sħubija għall-Provi Kliniċi bejn Pajjiżi Ewropej u Pajjiżi li qed Jiżviluppaw għas-Saħħa Globali
, li tfasslet biex jiġi studjat il-mard infettiv relatat mal-faqar u dak ittraskurat, kisbet l-awtonomija.
F’dak li għandu x’jaqsam mas-sħubijiet kofinanzjati, ġew iffirmati ftehimiet ta’ għotja ma’ tmien konsorzji ta’ benefiċjarji fl-ambitu tal-Pilastru II u ma’ konsorzju wieħed fl-ambitu tal-Pilastru III għal total ta’ EUR 680 miljun. Kienu qed jitħejjew tmien sħubijiet oħra. Is-sħab ikkontribwew bejn 50 % u 70 % tal-fondi (EUR 1,65 biljun addizzjonali) għar-R&I.
EUR 3,1 biljun minn Orizzont Ewropa (madwar 10 %) appoġġaw is-sħubijiet koprogrammati u s-sħab tal-proġetti introduċew EUR 0,5 biljun addizzjonali. Ġew iffinanzjati 460 proġett matul il-perjodu 2021-2023 li kienu jinvolvu 3 879 organizzazzjoni differenti, li terz minnhom kienu SMEs.
Fokus fuq l-Istitut Ewropew tal-Innovazzjoni u t-Teknoloġija (EIT)
Ir-riżultati miksuba fl-2023 kienu jinkludu:
·1 576 persuna ggradwaw minn programmi ta’ master u dottorat bit-tikketta tal-EIT;
·72 negozju ġdid inħolqu minn studenti minn programmi tal-EIT u 97 kienu r-riżultat ta’ proġetti ta’ innovazzjoni tal-EIT;
·945 negozju ġdid irċevew appoġġ mill-
Komunitajiet ta’ Konoxxenza u Innovazzjoni tal-EIT
(KKI);
·301 prodott jew servizz innovattivi ġew introdotti fis-suq mill-KKI tal-EIT.
Fokus fuq il-missjonijiet tal-UE
Sors: il-proposti ta’ Orizzont u d-dashboards tal-proġetti, iffriżati fit-02.01.2024
Valutazzjoni tal-missjonijiet tal-UE ġiet ikkompletata u rrappurtata fl-ewwel
Komunikazzjoni
li tanalizza l-proċess tal-għażla, il-governanza, il-baġit, il-fokus u l-progress li sar sa issa.
Sa tmiem l-2023, 36 sejħa għal missjonijiet kienu tnedew, ingħalqu u ġew evalwati bis-sħiħ. Is-sejħiet għal proposti attiraw 856 proposta eliġibbli, li minnhom 215 intgħażlu għall-finanzjament għal ammont totali ta’ EUR 1,7 biljun.
Ġew iffirmati 173 għotja ta’ Orizzont Ewropa li kienu jinvolvu 2 386 parteċipant għal ammont totali ta’ EUR 1,43 biljun li jinqasmu kif ġej fil-ħames missjonijiet:
Illustrazzjoni 2: Għotjiet għall-missjonijiet f’%
Għalkemm għadu kmieni wisq biex l-impatt tal-ħames missjonijiet immirati jiġi vvalutat bis-sħiħ, diġà jistgħu jiġu rrappurtati xi kisbiet magħżula:
·Il-
Missjoni dwar l-Adattament għat-Tibdil fil-Klima
nediet il-pjattaforma ta’ implimentazzjoni tagħha li tipprovdi servizzi lil 311-il reġjun u awtorità lokali. L-ewwel 21 proġett bdew u indirizzaw kwistjonijiet bħall-ittestjar u d-dimostrazzjoni ta’ soluzzjonijiet għar-reżiljenza għall-klima.
·Sal-bidu ta’ Diċembru, aktar minn 2 000 individwu u 370 organizzazzjoni kienu impenjaw ruħhom li jappoġġaw il-
Missjoni “Patt dwar il-Ħamrija għall-Ewropa
”. 20 proposta oħra, fosthom dawk għall-ewwel laboratorji ħajjin, intgħażlu għall-finanzjament.
·Il-
Missjoni Nirrestawraw l-Oċean u l-Ilmijiet tagħna
nediet il-
Portal tas-Servizz tal-Missjonijiet
. Kważi 600 azzjoni ffirmaw il-
Karta tal-Missjoni
.
·Il-
Missjoni dwar il-Bliet Newtrali għall-Klima u Intelliġenti
laħqet stadju importanti meta l-ewwel 10 bliet parteċipanti ngħataw it-
Tikketta tal-Missjoni
.
3.3. Analiżi fil-fond: Monitoring flashes ta’ Orizzont u studji oħra
Il-Kummissjoni ppubblikat
rapport
u
skeda informattiva
dwar il-parteċipazzjoni ta’ parteċipanti ġodda fil-programmi qafas ta’ R&I tal-UE u
skeda informattiva
dwar id-data ta’ implimentazzjoni ewlenija ta’ Orizzont Ewropa għall-perjodu 2021-2022. Hija ppubblikat ukoll rapporti dwar kif il-programmi għar-R&I kkontribwew għall-
Pjattaforma Intergovernattiva tal-Politika tax-Xjenza dwar il-Bijodiversità u s-Servizzi Ekosistemiċi
, u għall-
Grupp Intergovernattiv ta’ Esperti dwar it-Tibdil fil-Klima
.
3.4Disseminazzjoni u sfruttament
Il-programm kompla juża l-għodod ta’
disseminazzjoni
stabbiliti — il-
pjattaforma tar-Riżultati tal-programm Orizzont
, il-
Booster tar-Riżultati tal-programm Orizzont
, il-
CORDIS
, id-
Dashboard tal-programm Orizzont
u r--
Radar tal-Innovazzjoni tal-UE
biex jipprovdi riżultati li jistgħu jintużaw.
Dan wettaq ukoll aktar attivitajiet ta’ disseminazzjoni:
·Il-Kummissjoni tat il-
Premju tal-2023 għall-Innovazzjoni fis-Sigurtà
, li jiċċelebra eżempji eċċellenti tar-R&I li huma ta’ benefiċċju għas-sigurtà taċ-ċittadini tal-UE.
·Għoxrin avveniment dwar suġġetti li jvarjaw mill-bijoterroriżmu sar-reżiljenza għad-diżastri fil-qafas tal-
Komunità tar-Riċerka u l-Innovazzjoni Ewropea għas-Sigurtà
laqqgħu flimkien lil dawk li jfasslu l-politika, lir-riċerkaturi, lill-industrija u lis-soċjetà ċivili għall-iskambji inkluż id-disseminazzjoni tar-riżultati tar-riċerka dwar is-sigurtà.
·Is-
Sistema ta’ Monitoraġġ u Informazzjoni tar-Riċerka u l-Innovazzjoni tat-Trasport
analizzat ir-riżultati tal-proġetti Ewropej ta’ R&I fil-mobbiltà u t-trasport.
·Biex tfakkar is-
Sena Ewropea tal-Ħiliet
, il-Kummissjoni ppubblikat il-
Pakkett ta’ Riżultati tal-CORDIS
li juri l-ħidma ta’ 13-il proġett ta’ riċerka ffinanzjati fl-ambitu ta’ Orizzont 2020 fit-taħriġ, it-taħriġ mill-ġdid u t-titjib tal-ħiliet.
·F’Marzu, l-Inizjattiva
Ix-Xjenza tal-Għaġeb!
ippermettiet lil 4 000 student tal-iskola mill-Ewropa kollha li jkunu involuti ma’ xjentisti ewlenin.
·F’Settembru, il-
Lejla Ewropea tar-Riċerkaturi
saret f’26 pajjiż u attirat aktar minn 1,5 miljun viżitatur u wriet l-impatt tax-xjenza fuq il-ħajja ta’ kuljum tan-nies.
·F’Mejju, avveniment ta’ livell għoli għalaq il-proġett
L-Ilħna taċ-Ċittadini għat-Tranżizzjoni Klimatika tal-UE
, li rriżulta fi pjanijiet direzzjonali nazzjonali u Ewropej li jidentifikaw azzjoni speċifika li għandha tittieħed bil-parteċipazzjoni attiva taċ-ċittadini.
3.5Implimentazzjoni u monitoraġġ tal-programm Euratom għall-perjodu 2021-2025
a)Azzjonijiet diretti nukleari implimentati mill-JRC
Il-JRC appoġġa r-rispons tal-Kummissjoni Ewropea għall-gwerra ta’ aggressjoni tar-Russja kontra l-Ukrajna billi wettaq attivitajiet fil-qasam tal-monitoraġġ ambjentali tar-radjuattività, tas-sikurezza nukleari u tar-rispons għat-tħejjija f’każ ta’ emerġenza.
Il-JRC ħadem mal-
Aġenzija għall-Enerġija Nukleari
tal-OECD u kkontribwixxa għal rapporti u studji tal-każ dwar ir-reatturi nukleari żgħar u r-rwol futur potenzjali tagħhom fid-dekarbonizzazzjoni.
Fil-qasam tal-attività tat-Terapija Alfa għat-trattament tal-kanċer, il-JRC organizza is-
Simpożju Internazzjonali tat-Terapija Alfa Mmirata TAT12
b’mod konġunt mal-Università ta’ Pretoria.
Bħala parti mill-attivitajiet ta’ prospettiva tiegħu, il-JRC wettaq Analiżi tal-Prospettivi għas-Sikurezza u għas-Sigurtà Nukleari li ġiet ippubblikata f’
rapport annwali
.
Il-JRC ippubblika 111-il artikolu li ġew rieżaminati bejn il-pari f’oqsma nukleari bħas-sikurezza tal-fjuwil nukleari użat, il-materjali, l-immaniġġar ta’ skart radjuattiv, l-applikazzjonijiet mediċi jew il-kejl tar-radjazzjoni ambjentali. Huwa pprovda wkoll 13-il kors ta’ taħriġ lill-Istati Membri taħt il-programm taċ-Ċentru Ewropew ta’ Taħriġ dwar is-Sigurtà Nukleari.
b)Azzjonijiet indiretti tal-Programm ta’ Riċerka u Taħriġ tal-Euratom (għotjiet)
F’Marzu, il-Kummissjoni adottat il-
programm ta’ ħidma tal-Euratom għall-perjodu 2023-2025
, li għamel EUR 132 miljun disponibbli għar-riċerka għas-sigurtà tal-provvista tal-enerġija tal-UE filwaqt li żgura l-ogħla standards ta’ sikurezza. Fl-avveniment ta’ tnedija, il-Kummissjoni ffirmat dikjarazzjoni dwar l-
SMR tal-UE 2030:
Riċerka u Innovazzjoni, Edukazzjoni u Taħriġ
li ffukat fuq ir-rwol ewlieni tar-R&I, l-edukazzjoni u t-taħriġ għall-iżvilupp tar-Reatturi Modulari Żgħar.
F’Awwissu, il-proġett iffinanzjat mill-Euratom,
EURAMED
Rocc-n-Roll, ippreżenta pjan direzzjonali strateġiku ta’ riċerka għall-applikazzjonijiet mediċi tar-radjazzjoni jonizzanti għall-kura tas-saħħa aħjar u individwalizzata; wieħed mill-pedamenti tal-
pjan tal-Ewropa biex Jingħeleb il-Kanċer
u tal-
Missjoni dwar il-Kanċer
.
Is-sħubija kofinanzjata mill-Euratom, EUROfusion, kisbet l-għanijiet tar-riċerka tat-tielet kampanja sperimentali tagħha tad-dewterju-tritju fl-
apparat Joint European Torus
. L-esperimenti esploraw il-proċessi ta’ fużjoni u t-tekniki ta’ kontroll bi tħejjija għall-impjanti tal-enerġija mill-fużjoni futuri.
F’Settembru, il-Kummissjoni nediet sejħa għall-
Premju tal-Innovazzjoni SOFT għall-2024
, li kien jirrikonoxxi u juri l-innovazzjoni fir-riċerka dwar il-fużjoni u jippremja r-riċerka eċċellenti.
4.Prospettiva għall-2024
Fl-2024, il-Kummissjoni se tadotta l-pjan strateġiku li jmiss ta’ Orizzont Ewropa għall-perjodu 2025-2027, li jidentifika l-prijoritajiet tar-R&I għat-tieni nofs ta’ Orizzont Ewropa. Abbażi tiegħu se jiġi abbozzat il-programm ta’ ħidma ta’ Orizzont Ewropa għall-2025.
Fl-2024, il-Kummissjoni se tkompli tippromwovi l-missjonijiet u s-sħubijiet tal-UE u l-attivitajiet ta’ R&I ta’ Orizzont Ewropa. Bħala eżempju, dan se jfakkar l-40 sena minn meta tnedew il-programmi qafas ta’ riċerka u innovazzjoni tal-UE u r-rwol tagħhom fil-ħolqien ta’ futur aktar pożittiv matul il-
Jiem Ewropej tar-Riċerka u l-Innovazzjoni
.