This document is an excerpt from the EUR-Lex website
Document 52023M11190
Prior notification of a concentration (Case M.11190 – CORAL REEF / MHI / EQUITY INMEUBLES) Candidate case for simplified procedure (Text with EEA relevance) 2023/C 273/05
Avviż minn qabel ta’ konċentrazzjoni (Il-Każ M.11190 — CORAL REEF / MHI / EQUITY INMEUBLES) Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE) 2023/C 273/05
Avviż minn qabel ta’ konċentrazzjoni (Il-Każ M.11190 — CORAL REEF / MHI / EQUITY INMEUBLES) Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE) 2023/C 273/05
PUB/2023/1032
ĠU C 273, 2.8.2023, p. 6–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 02/08/2023; Data tal-pubblikazzjoni
- Author:
- Il-Kummissjoni Ewropea, Id-Direttorat Ġenerali għall-Kompetizzjoni
- Form:
- Avviżi
- Additional information:
- Rilevanza għaż-ŻEE
- Legal basis:
-
- 32004R0139 - A04
- Link
- Link
- Link
- Select all documents mentioning this document
- Instruments cited:
- Link
- Related document(s):
-
- 32023M11190 Relation
- 52023M11190(01) Relation
- EUROVOC descriptor:
- Subject matter:
- Directory code:
-
- 08.40.00.00 Politika dwar il-kompetizzjoni / Konċentrazzjonijiet
|
2.8.2023 |
MT |
Il-Ġurnal Uffiċjali tal-Unjoni Ewropea |
C 273/6 |
Avviż minn qabel ta’ konċentrazzjoni
(Il-Każ M.11190 — CORAL REEF / MHI / EQUITY INMEUBLES)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 273/05)
1.
Fl-24 ta’ Lulju 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Coral Reef E 2023 S.A. (“Coral Reef”, Spanja), sussidjarja indiretta kollha kemm hi proprjetà ta’ Abu Dhabi Investment Authority (“ADIA”, l-Emirati Għarab Magħquda), |
|
— |
Melia Hotels International S.A. (“MHI”, Spanja), |
|
— |
Equity Inmuebles S.L. (Spain). |
Coral Reef u MHI se jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab tat-12-il Proprjetà u Negozji ta’ Equity Inmuebles S.L li ġejjin: María Pita, San Sebastian Orly, Barajas, Madrid Gran Vía 25, Marbella Banús, Arona Tenerife, Madrid Alameda Aeropuerto, Guadalmar, Madrid Centro, Merida Medea, Puerto de la Cruz u Royal Tanau. Coral Reef se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv tal-Proprjetajiet u n-Negozji ta’ Equity Inmuebles S.L., jiġifieri Sancti Petri, Madrid Plaza de España u Me Madrid. MHI se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv tal-Proprjetajiet u n-Negozji ta’ Equity Inmuebles S.L., jiġifieri Los Fenicios u Puertollano.
Il-konċentrazzjoni titwettaq permezz ta’ xiri ta’ ishma, permezz ta’ xiri ta’ assi u permezz ta’ kuntratt ta’ ġestjoni.
2.
L-attivitajiet kummerċjali tal-impriżi kkonċernati huma dawn li ġejjin:|
— |
Coral Reef hija sussidjarja indiretta kollha kemm hi tal-ADIA li għandha u tamministra impriżi u strumenti finanzjarji. ADIA hija istituzzjoni pubblika stabbilita mill-Emirat ta’ Abu Dhabi fl-1976 bħala istituzzjoni ta’ investiment indipendenti. Hija tinvesti fondi allokati lilha mill-Gvern ta’ Abu Dhabi u tiġġestixxi portafoll ta’ investiment globali li huwa diversifikat f’diversi klassijiet ta’ assi. |
|
— |
Bħalissa MHI tħaddem aktar minn 300 lukanda fi 48 pajjiż madwar l-Asja, l-Ewropa, il-Lvant Nofsani, l-Afrika, l-Amerka t’Isfel, Ċentrali u ta’ Fuq, u l-Karibew. |
|
— |
Equity Inmuebles S.L. għandha l-proprjetà immobbli ta’ portafoll ta’ 17-il lukanda (il-Proprjetajiet u n-Negozji) mifruxa madwar Spanja u l-Gżejjer Kanarji. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.11190 — CORAL REEF / MHI / EQUITY INMEUBLES
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
