This document is an excerpt from the EUR-Lex website
Document 52023DC0680
REPORT FROM THE COMMISSION TO THE EUROPEAN PARLIAMENT AND THE COUNCIL on the exercise of the delegation conferred on the Commission pursuant to Regulation (EU) 2019/1021 of the European Parliament and of the Council of 20 June 2019 on persistent organic pollutants
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-eżerċizzju tad-delega mogħtija lill-Kummissjoni skont ir-Regolament (UE) Nru 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-eżerċizzju tad-delega mogħtija lill-Kummissjoni skont ir-Regolament (UE) Nru 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti
COM/2023/680 final
IL-KUMMISSJONI EWROPEA
Brussell, 30.10.2023
COM(2023) 680 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-eżerċizzju tad-delega mogħtija lill-Kummissjoni skont ir-Regolament (UE) Nru 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti
Rapport tal-Kummissjoni lill-Parlament Ewropew u lill-Kunsill
dwar l-eżerċizzju tad-delega mogħtija lill-Kummissjoni skont ir-Regolament (UE) Nru 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti
1. Introduzzjoni u Bażi Ġuridika
Ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti 1 (minn hawn ’il quddiem “ir-Regolament POPs”) jimplimenta l-Konvenzjoni ta’ Stokkolma dwar il-pollutanti organiċi persistenti (“il-Konvenzjoni ta’ Stokkolma”) iffirmata fit-23 ta’ Mejju 2001 u approvata u approvata, f’isem il-Komunità Ewropea, bid-Deċiżjoni tal-Kunsill 2006/507/KE 2 . Barra minn hekk, ir-Regolament POPs jimplimenta l-Protokoll għall-konvenzjoni tal-1979 dwar it-Tniġġis Transkonfini u fit-Tul tal-Arja fuq Pollutanti Organiċi Persistenti (“il-Protokoll”), approvat mill-Unjoni fid-19 ta’ Frar 2004 3 . Il-miżuri biex jitnaqqsu jew jiġu eliminati r-rilaxxi mill-produzzjoni u l-użu intenzjonali u mill-produzzjoni mhux intenzjonata tal-pollutanti organiċi persistenti huma stabbiliti fir-Regolament POPs.
L-Artikolu 15(1) tar-Regolament POPs jagħti s-setgħa lill-Kummissjoni li tadotta atti delegati bil-kundizzjonijiet stabbiliti fl-Artikolu 18 ta’ dan ir-Regolament biex temenda l-Annessi I, II u III ta’ dan ir-Regolament sabiex tadattahom għall-bidliet fil-lista ta’ sustanzi stabbilita fl-Annessi tal-Konvenzjoni jew tal-Protokoll, fuq il-bażi li l-Unjoni appoġġat il-bidla kkonċernata permezz ta’ Deċiżjoni tal-Kunsill adottata f’konformità mal-Artikolu 218(9) TFUE, jew biex timmodifika l-entrati jew id-dispożizzjonijiet eżistenti fl-Annessi I u II ta’ dan ir-Regolament sabiex tadattahom għall-progress xjentifiku u tekniku.
Dan ir-rapport irid jissodisfa l-obbligu stabbilit għall-Kummissjoni fl-Artikolu 18(2) tar-Regolament POPs. L-Artikolu 18(2) jirrikjedi li l-Kummissjoni tippreżenta lill-Parlament Ewropew u lill-Kunsill rapport dwar l-eżerċizzju tad-delega mogħtija lill-Kummissjoni permezz tar-Regolament POPs. Ir-rapport għandu jitfassal sa mhux aktar tard minn 9 xhur qabel ma jintemm il-perjodu ta’ 5 snin tad-delega, li ilu għaddej mill-15 ta’ Lulju 2019. Id-delega tas-setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn 3 xhur qabel it-tmiem ta’ kull perjodu.
2. Eżerċizzju tad-delega
Matul il-perjodu kkonċernat minn dan ir-rapport, il-Kummissjoni adottat sitt atti delegati sabiex temenda ċerti elementi mhux essenzjali tar-Regolament POPs. Dawk l-atti delegati ġew adottati abbażi tal-Artikolu 15(1) tar-Regolament POPs.
Ġew adottati l-atti li ġejjin:
2.1. Ir-Regolament Delegat tal-Kummissjoni (UE) 2020/784 4
L-approċċ segwit fl-att delegat biex jiġu determinati d-dettalji tal-elenkar tal-aċidu perfluworoottanojku (PFOA), l-imlieħ u l-komposti relatati mal-PFOA fil-Parti A tal-Anness I, b’mod partikolari l-eżenzjonijiet, kien soġġett għal diskussjonijiet u konsultazzjonijiet fi ħdan grupp ta’ esperti li jikkonsisti minn rappreżentanti tal-awtoritajiet kompetenti tal-Istati Membri għar-Regolament POPs, tal-Aġenzija Ewropea għas-Sustanzi Kimiċi, tal-industrija u tas-soċjetà ċivili (minn hawn ’il quddiem, “Grupp ta’ Esperti POPs” 5 ) fil-laqgħat tat-13 ta’ Ġunju 2019 u tas-26 ta’ Novembru 2019. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saret it-tieni laqgħa. Il-Kummissjoni adottat l-att delegat fit-8 ta’ April 2020 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2020/784 ġie ppubblikat fil-15 ta’ Ġunju 2020 u japplika mill-4 ta’ Lulju 2020.
2.2. Ir-Regolament Delegat tal-Kummissjoni (UE) 2020/1203 6
L-approċċ segwit fl-att delegat biex jiġu ddeterminati l-modifiki tal-entrata għall-aċidu sulfoniku perfluworoottan u d-derivattivi tiegħu (PFOS) fil-Parti A tal-Anness I ġie soġġett għal diskussjonijiet u konsultazzjonijiet fi ħdan il-Grupp ta’ Esperti POPs fil-laqgħat tat-13 ta’ Ġunju 2019 u tas-26 ta’ Novembru 2019. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saret it-tieni laqgħa. Il-Kummissjoni adottat l-att delegat fid-9 ta’ Ġunju 2020 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2020/1203 ġie ppubblikat fit-18 ta’ Awwissu 2020 u japplika mis-7 ta’ Settembru 2020.
2.3. Ir-Regolament Delegat tal-Kummissjoni (UE) Nru 2020/1204 7
L-approċċ segwit fl-att delegat biex jiġu ddeterminati d-dettalji tal-elenkar tad-dicofol fil-Parti A tal-Anness I kien soġġett għal diskussjonijiet u konsultazzjonijiet mal-Grupp ta’ Esperti POPs fil-laqgħa tas-26 ta’ Novembru 2019. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saret il-laqgħa. Il-Kummissjoni adottat l-att delegat fid-9 ta’ Ġunju 2020 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2020/1204 ġie ppubblikat fit-18 ta’ Awwissu 2020 u japplika mis-7 ta’ Settembru 2020.
2.4. Ir-Regolament Delegat tal-Kummissjoni (UE) Nru 2021/115 8
L-approċċ segwit fl-att delegat biex jiġu ddeterminati l-modifiki tal-entrata għall-aċidu perfluworoottanojku (PFOA), l-imlieħ tiegħu u l-komposti relatati mal-PFOA fil-Parti A tal-Anness I ġie soġġett għal diskussjonijiet u konsultazzjonijiet fi ħdan il-Grupp ta’ Esperti POPS fil-laqgħat tad-9 ta’ Ġunju 2020 u tal-24 ta’ Novembru 2020. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saret it-tieni laqgħa. Il-Kummissjoni adottat l-att delegat fis-27 ta’ Novembru 2020 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2021/115 ġie ppubblikat fit-2 ta’ Frar 2021 u japplika mit-22 ta’ Frar 2021.
2.5. Ir-Regolament Delegat tal-Kummissjoni (UE) Nru 2021/277 9
L-approċċ segwit fl-att delegat biex jiġu ddeterminati l-modifiki tal-entrata għall-pentaklorofenol u l-imlieħ u l-esteri tiegħu fil-Parti A tal-Anness I ġie soġġett għal diskussjonijiet u konsultazzjonijiet fi ħdan il-Grupp ta’ Esperti POPS fil-laqgħat tas-26 ta’ Novembru 2019, tad-9 ta’ Ġunju 2020 u tal-24 ta’ Novembru 2020. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saret it-tielet laqgħa. Il-Kummissjoni adottat l-att delegat fis-16 ta’ Diċembru 2020 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2021/277 ġie ppubblikat fit-23 ta’ Frar 2021 u japplika mill-15 ta’ Marzu 2021.
2.6. Ir-Regolament Delegat tal-Kummissjoni (UE) Nru 2022/2291 10
L-approċċ segwit fl-att delegat biex jiġu ddeterminati l-modifiki tal-entrata għall-eżaklorobenżen fil-Parti A tal-Anness I ġie soġġett għal diskussjonijiet u konsultazzjonijiet fi ħdan il-Grupp ta’ Esperti POPS fil-laqgħat tat-8 ta’ Ġunju 2021, tat-23 ta’ Novembru 2021 u tat-2 ta’ Ġunju 2022. Il-grupp ta’ Esperti POPs ġie kkonsultat dwar l-abbozz tar-Regolament Delegat tal-Kummissjoni, li kien disponibbli qabel ma saru l-laqgħat. Il-Kummissjoni adottat l-att delegat fit-8 ta’ Settembru 2022 u nnotifikatu lill-Parlament Ewropew u lill-Kunsill. Ebda waħda miż-żewġ istituzzjonijiet ma oġġezzjonat għall-att delegat fi ħdan il-perjodu ta’ xahrejn previst fl-Artikolu 18(6) tar-Regolament POPs. Ir-Regolament Delegat tal-Kummissjoni (UE) Nru 2022/2291 ġie ppubblikat fit-23 ta’ Novembru 2022 u japplika mit-13 ta’ Diċembru 2022.
2.7 Setgħat delegati mhux użati matul il-perjodu ta’ rappurtar
Is-setgħat delegati tar-Regolament POPs biex jiġu adottati atti delegati f’konformità mal-Artikoli 4 (3) u 10 (2) ma ġewx eżerċitati matul il-perjodu ta’ rapportar peress li ma kien hemm l-ebda talba mill-Istati Membri biex jiġu permess il-manifattura u l-użu ta’ sustanza bħala intermedju limitat għas-sit ta’ produzzjoni u f’sistema magħluqa f’konformità mal-Artikolu 4(3) u lanqas ma kien hemm il-ħtieġa li tinbidel il-lista ta’ sustanzi soġġetti għal monitoraġġ obbligatorju f’konformità mal-Artikolu 10(2). Billi s-sitwazzjoni tista’ tinbidel fi kwalunkwe ħin, huwa importanti li l-Kummissjoni jkollha s-setgħa li tadotta atti delegati li jadattaw ir-Regolament POPs biex jiġu riflessi dawk l-iżviluppi.
3. Konklużjoni
Matul dan il-perjodu ta’ rapportar, il-Kummissjoni eżerċitat is-setgħat delegati previsti mir-Regolament POPs f’6 okkażjonijiet u skont il-bażi ġuridika msemmija hawn fuq. Il-Kummissjoni hija tal-fehma li s-setgħat delegati mogħtija permezz tal-Artikoli 4(3), 10(2) u 15(1) għandhom estiżi b’mod taċitu, inklużi dawk li jkunu għadhom ma ġewx eżerċitati minħabba li fi kwalunkwe ħin tista’ tinqala’ l-ħtieġa li jiġi emendat ir-Regolament POPs biex jiġu riflessi l-iżviluppi f’konformità mal-Artikoli 4(3) jew 10(2). L-implimentazzjoni tar-Regolament POPs qed tavvanza u qed iseħħ kemm progress tekniku u kif ukoll xjentifiku. L-iżviluppi fil-liġi tal-Unjoni u dawk skont il-Konvenzjoni jeħtieġ li jiġu riflessi u jeħtieġu adattamenti fl-Annessi tar-Regolament POPs. Għalhekk, il-Kummissjoni se jkollha tadotta atti delegati oħrajn fil-futur sabiex iżżomm il-qafas legali aġġornat.
Il-Kummissjoni tikkonforma mar-rekwiżit tar-rappurtar skont l-Artikolu 18(2) tar-Regolament POPs u tistieden lill-Parlament Ewropew u lill-Kunsill jieħdu nota ta’ dan ir-rapport.
ĠU L 169, 25.6.2019, p. 45.
Id-Deċiżjoni tal-Kunsill 2006/507/KE tal-14 ta’ Ottubru 2004 dwar il-konklużjoni, f’isem il-Komunità Ewropea, tal-Konvenzjoni ta’ Stokkolma dwar Materjal Organiku Persistenti li Jniġġes (ĠU L 209, 31.7.2006, p. 1).
Il-Protokoll għall-konvenzjoni tal-1979 dwar it-Tniġġis Transkonfini u fit-Tul tal-Arja fuq Pollutanti Organiċi Persistenti (ĠU L 81, 19.3.2004, p. 37).
Ir-Regolament Delegat tal-Kummissjoni (UE) 2020/784 tat-8 ta’ April 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill rigward l-elenkar tal-aċidu perfluworoottanojku (PFOA), l-imlieħ tiegħu u l-komposti relatati mal-PFOA (ĠU L 188 I, 15.6.2020, p. 1).
https://intragate.ec.europa.eu/regexpback/screen/expert-groups/details?groupId=1656
Ir-Regolament Delegat tal-Kummissjoni (UE) 2020/1203 tad-9 ta’ Ġunju 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill rigward l-entrata għall-aċidu sulfoniku perfluworoottan u d-derivattivi tiegħu (PFOS) (ĠU L 270, 18.8.2020, p. 1).
Ir-Regolament Delegat tal-Kummissjoni (UE) 2020/1204 tad-9 ta’ Ġunju 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill fir-rigward taż-żieda tad-dicofol (ĠU L 270, 18.8.2020, p. 4).
Ir-Regolament Delegat tal-Kummissjoni (UE) 2021/115 tat-27 ta’ Novembru 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill rigward l-aċidu perfluworoottanojku (PFOA), l-imlieħ tiegħu u l-komposti relatati mal-PFOA (ĠU L 36, 2.2.2021, p. 7).
Ir-Regolament Delegat tal-Kummissjoni (UE) 2021/277 tas-16 ta’ Diċembru 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill dwar il-pollutanti organiċi persistenti fir-rigward tal-pentaklorofenol u l-imluħ u l-esteri tiegħu (ĠU L 62, 23.2.2021, p. 1).
Ir-Regolament Delegat tal-Kummissjoni (UE) 2022/2291 tat-8 ta’ Settembru 2022 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill dwar il-pollutanti organiċi persistenti fir-rigward tal-eżaklorobenżen (ĠU L 303, 23.11.2022, p. 19).
