EUR-Lex Access to European Union law
This document is an excerpt from the EUR-Lex website
Document 52022PC0714
Proposal for a COUNCIL DECISION on the position to be taken on behalf of the European Union in the Ministerial Council of the Energy Community and in the Permanent High Level Group of the Energy Community (14-15 December 2022, Vienna, Austria)
Proposta għal DEĊIŻJONI TAL-KUNSILL dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija u fil-Grupp Permanenti ta’ Livell Għoli tal-Komunità tal-Enerġija (14-15 ta’ Diċembru 2022, Vjenna, l-Awstrija)
Proposta għal DEĊIŻJONI TAL-KUNSILL dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija u fil-Grupp Permanenti ta’ Livell Għoli tal-Komunità tal-Enerġija (14-15 ta’ Diċembru 2022, Vjenna, l-Awstrija)
COM/2022/714 final
IL-KUMMISSJONI EWROPEA
Brussell, 5.12.2022
COM(2022) 714 final
2022/0415(NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija u fil-Grupp Permanenti ta’ Livell Għoli tal-Komunità tal-Enerġija (14-15 ta’ Diċembru 2022, Vjenna, l-Awstrija)
MEMORANDUM TA’ SPJEGAZZJONI
1.Suġġett tal-proposta
Din il-proposta tikkonċerna d-deċiżjoni li tistabbilixxi l-pożizzjoni li għandha tiġi adottata f’isem l-Unjoni fil-Kunsill Ministerjali tal-Komunità tal-Enerġija (“Kunsill Ministerjali”) u fil-Grupp Permanenti ta’ Livell Għoli (“PHLG”) tal-Komunità tal-Enerġija b’rabta ma’ għadd ta’ atti, li dawn iż-żewġ korpi biħsiebhom jadottaw fl-14 u l-15 ta’ Diċembru 2022.
2.Kuntest tal-proposta
2.1.It-Trattat dwar il-Komunità tal-Enerġija
It-Trattat dwar il-Komunità tal-Enerġija (“ECT”) għandu l-għan li joħloq qafas regolatorju u tas-suq stabbli u spazju regolatorju uniku għall-kummerċ fl-enerġija tan-network billi jimplimenta l-partijiet maqbula tal-acquis tal-UE dwar l-enerġija fil-Partijiet mhux tal-UE. Il-ftehim daħal fis-seħħ fl-1 ta’ Lulju 2006. L-Unjoni Ewropea hija parti għall-ECT 1 . L-ECT jirreferi għad-disa’ Partijiet mhux tal-UE bħala “Partijiet Kontraenti”.
2.2.Il-Kunsill Ministerjali u l-PHLG tal-Komunità tal-Enerġija
Il-Kunsill Ministerjali jiżgura li l-objettivi stabbiliti fl-ECT jintlaħqu. Jipprovdi linji gwida ġenerali ta’ politika, jieħu Miżuri u jadotta Atti Proċedurali. Kull Parti għandha vot wieħed u l-Kunsill Ministerjali jaġixxi b’regoli ta’ votazzjoni differenti skont is-suġġett. L-UE hija waħda mill-għaxar Partijiet u għandha vot wieħed, li jiddependi wkoll mis-suġġett ikkonċernat.
Il-vot b’unanimità japplika fir-rigward tal-atti previsti elenkati hawn taħt fit-Taqsima 2.3, il-punt 9 (l-Artikolu 92(1) tal-ECT).
Il-vot b’maġġoranza sempliċi japplika fir-rigward tal-atti previsti elenkati hawn taħt fit-Taqsima 2.3, il-punti 2, 3, 4 (l-Artikolu 79, 81 tal-ECT), il-punt 8 (l-Artikolu 91(1)(a) tal-ECT).
Għall-att previst, tapplika maġġoranza ta’ żewġ terzi tal-voti mitfugħa, inkluż vot pożittiv tal-Unjoni Ewropea skont it-Taqsima 2.3, il-punti 1, 5, 6, 7 (l-Artikoli 83, 86, 87 tal-ECT).
Il-PHLG huwa korp sussidjarju importanti tal-Kunsill Ministerjali. Fost kompiti oħra, huwa jista’ jieħu Miżuri, jekk jingħata s-setgħa mill-Kunsill Ministerjali. L-UE hija rappreżentata fil-PHLG u għandha vot wieħed.
L-Artikolu 47 tal-ECT jipprevedi li: “Il-Kunsill Ministerjali għandu jiżgura li l-objettivi stabbiliti f’dan it-Trattat jintlaħqu. Huwa għandu: […] (b) jieħu Miżuri […]”.
Il-vot b’maġġoranza sempliċi japplika fir-rigward tal-att previst li għandu jittieħed vot dwaru mill-Grupp Permanenti ta’ Livell Għoli.
2.3.L-atti previsti tal-Kunsill Ministerjali u l-PHLG
Din il-proposta għal deċiżjoni skont l-Artikolu 218(9) tat-TFUE tikkonċerna l-pożizzjoni li għandha tiġi adottata f’isem l-Unjoni fir-rigward tal-atti previsti li ġejjin tal-Kunsill Ministerjali:
(1)Id-Deċiżjoni 2022/…/MC-EnC dwar l-inkorporazzjoni tar-Regolament (UE) 2019/942, ir-Regolament (UE) 2019/943, ir-Regolament (UE) 2015/1222, ir-Regolament (UE) 2016/1719, ir-Regolament (UE) 2017/2195, ir-Regolament (UE) 2017/2196, ir-Regolament (UE) 2017/1485 fl-acquis tal-Komunità tal-Enerġija, li temenda l-Anness I tat-Trattat dwar il-Komunità tal-Enerġija, u dwar l-emendi tad-Deċiżjonijiet tal-Kunsill Ministerjali Nru 2021/13/MC-EnC u Nru 2011/02/MC-EnC u għall-adozzjoni ta’ Att Proċedurali dwar l-integrazzjoni tas-Suq Reġjonali tal-Enerġija mill-Kunsill Ministerjali;
(2)Id-Deċiżjoni 2022/…/MC-EnC dwar l-emenda tad-Deċiżjoni tal-Kunsill Ministerjali Nru 2021/14/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora d-Direttiva (UE) 2018/2001, id-Direttiva (UE) 2018/2002, ir-Regolament (UE) 2018/1999, ir-Regolament Delegat (UE) 2020/1044, u r-Regolament ta’ Implimentazzjoni (UE) 2020/1208 fl-acquis communautaire tal-Komunità tal-Enerġija;
(3)Id-Deċiżjoni 2022/…/MC-EnC li tadatta u tinkorpora ċerti Regolamenti Delegati dwar il-prodotti relatati mal-enerġija, li tintroduċi tikketti riklassifikati fl-acquis communautaire tal-Komunità tal-Enerġija u li tħassar ir-Regolamenti Delegati (UE) 1059/2010, (UE) 1060/2010, (UE) 1061/2010, (UE) 1062/2010, (UE) 874/2012, u d-Direttiva 96/60/KE;
(4)Id-Deċiżjoni 2022/xx/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora r-Regolament ta’ Implimentazzjoni (UE) 2018/2066, ir-Regolament ta’ Implimentazzjoni (UE) 2018/2067 u d-Direttiva 2003/87/KE fl-acquis communautaire tal-Komunità tal-Enerġija;
(5)L-Att Proċedurali 2022/…/MC-EnC li jemenda l-implimentazzjoni tal-baġit, ir-regolamenti tal-persunal u r-regoli dwar ir-reklutaġġ;
(6)L-Att Proċedurali 2022/…/MC-EnC li jemenda l-Att Proċedurali tal-Kunsill Ministerjali 2008/01/MC-EnC tas-27 ta’ Ġunju 2008 dwar ir-Regoli ta’ Proċedura għas-Soluzzjoni ta’ Tilwim skont it-Trattat, kif emendat;
(7)L-Att Proċedurali 2022/…/MC-EnC li jadotta l-Organigramma tas-Segretarjat;
(8)Id-Deċiżjonijiet skont l-Artikolu 91(1) tal-ECT li jistabbilixxu l-eżistenza ta’ ksur tal-ECT fil-każijiet li ġejjin:
(a)Id-Deċiżjoni 2022/…/MC-EnC dwar in-nuqqas tar-Repubblika tal-Maċedonja ta’ Fuq li tikkonforma mat-Trattat dwar il-Komunità tal-Enerġija fil-Kawża ECS-4/22;
(b)Id-Deċiżjoni 2022/…/MC-EnC dwar in-nuqqas tal-Kosovo* li jikkonforma mat-Trattat dwar il-Komunità tal-Enerġija fil-Kawża ECS-5/22;
(c)Id-Deċiżjoni 2022/…/MC-EnC dwar in-nuqqas tal-Bożnija-Ħerzegovina li tikkonforma mat-Trattat dwar il-Komunità tal-Enerġija fil-Kawża ECS-5/17.
(9)Deċiżjonijiet skont l-Artikolu 92(1) tal-ECT:
(a)Id-Deċiżjoni 2022/…/MC-EnC dwar l-adozzjoni ta’ miżuri b’rispons għall-ksur serju u persistenti mill-Bożnija-Ħerzegovina skont l-Artikolu 92(1) tat-Trattat dwar il-Komunità tal-Enerġija fil-Kawżi ECS-8/11S, ECS-2/13S u ECS-6/16S;
(b)Id-Deċiżjoni 2021/12/MC-EnC li tistabbilixxi ksur serju u persistenti kontra s-Serbja skont l-Artikolu 92(1) tat-Trattat fil-Kawża ECS-10/17S u fil-Kawża ECS-13/17S.
Il-proposta preżenti għal Deċiżjoni skont l-Artikolu 218(9) tat-TFUE tikkonċerna l-pożizzjoni li għandha tiġi adottata f’isem l-Unjoni fir-rigward tal-att previst tal-PHLG li ġej:
Id-Deċiżjoni 2022/…/PHLG-EnC li tadatta u timplimenta r-Regolament tal-Kummissjoni (UE) 2022/132 tat-28 ta’ Jannar 2022 li jemenda r-Regolament (KE) Nru 1099/2008 tal-Parlament Ewropew u tal-Kunsill, fir-rigward tal-implimentazzjoni tal-aġġornamenti għall-istatistika annwali, l-istatistika ta’ kull xahar u l-istatistika ta’ kull xahar fuq żmien qasir dwar l-enerġija.
L-għan tal-atti previsti tal-Kunsill Ministerjali u tal-PHLG (minn hawn ’il quddiem kollettivament imsejħa “l-atti previsti”) huwa li jiffaċilitaw il-kisba tal-objettivi tal-ECT u l-funzjonament tas-Segretarjat tal-Komunità tal-Enerġija (ECS) fi Vjenna li, fost affarijiet oħra, jipprovdi sostenn amministrattiv lill-Kunsill Ministerjali.
2.4.Punti oħra fuq l-aġenda
Għall-finijiet ta’ kompletezza, ta’ min wieħed jinnota li, minbarra l-atti previsti, se jkun hemm għadd ta’ punti oħra għall-votazzjoni fuq l-aġenda tal-laqgħat tal-Kunsill Ministerjali u tal-PHLG:
·Ir-Rapport Annwali dwar l-Attivitajiet tal-Komunità tal-Enerġija;
·Id-Deċiżjoni 2022/…/MC-EnC dwar il-Kwittanza Finanzjarja tad-Direttur tas-Segretarjat tal-Komunità tal-Enerġija.
F’isem l-Unjoni Ewropea, il-Kummissjoni biħsiebha tappoġġa l-adozzjoni ta’ dawk il-punti, soġġetti għal approvazzjoni minn qabel mill-Kunsill.
3.Pożizzjoni li għandha tittieħed f’isem l-Unjoni
3.1.Atti previsti tal-Kunsill Ministerjali
3.1.1.Id-Deċiżjoni 2022/…/MC-EnC dwar l-inkorporazzjoni tar-Regolament (UE) 2019/942, ir-Regolament (UE) 2019/943, ir-Regolament (UE) 2015/1222, ir-Regolament (UE) 2016/1719, ir-Regolament (UE) 2017/2195, ir-Regolament (UE) 2017/2196, ir-Regolament (UE) 2017/1485 fl-acquis tal-Komunità tal-Enerġija, li temenda l-Anness I tat-Trattat dwar il-Komunità tal-Enerġija, u dwar l-emendi tad-Deċiżjonijiet tal-Kunsill Ministerjali Nru 2021/13/MC-EnC u Nru 2011/02/MC-EnC u l-Att Proċedurali 2022/…/MC-EnC dwar l-integrazzjoni tas-Suq Reġjonali tal-Enerġija
Wara l-laqgħa tal-Kunsill Ministerjali f’Novembru 2021 u l-emendi pendenti tal-ECT, il-Kummissjoni żviluppat, f’kooperazzjoni mill-qrib mal-Partijiet Kontraenti, l-ECS u l-Istati Membri tal-UE, soluzzjonijiet alternattivi fil-qafas tal-ECT attwali biex jinkiseb progress dwar l-integrazzjoni tas-swieq tal-elettriku, inkluż permezz ta’ miżuri fil-qasam tal-elettriku taħt it-Titolu rilevanti tal-ECT.
Abbażi ta’ dan, il-Kummissjoni ressqet proposta lill-Komunità tal-Enerġija għal Deċiżjoni tal-Kunsill Ministerjali li tinkorpora l-atti legali tal-UE li ġejjin fl-acquis tal-Komunità tal-Enerġija:
–Ir-Regolament (UE) 2019/943 dwar is-suq intern tal-elettriku 2 ,
–Ir-Regolament tal-Kummissjoni (UE) 2015/1222 dwar l-allokazzjoni tal-kapaċitajiet u l-ġestjoni tal-konġestjoni 3 ,
–Ir-Regolament tal-Kummissjoni (UE) 2016/1719 dwar l-allokazzjoni bil-quddiem tal-kapaċità 4 ,
–Ir-Regolament tal-Kummissjoni (UE) 2017/2195 dwar l-ibbilanċjar tal-elettriku 5 ,
–Ir-Regolament tal-Kummissjoni (UE) 2017/2196 dwar l-emerġenza u r-restawr tal-elettriku 6 ,
–Ir-Regolament tal-Kummissjoni (UE) 2017/1485 dwar it-tħaddim tas-sistema ta’ trażmissjoni tal-elettriku 7
–Ir-Regolament (UE) 2019/942 li jistabbilixxi Aġenzija tal-Unjoni Ewropea għall-Kooperazzjoni tar-Regolaturi tal-Enerġija 8 ,
Din il-proposta tinkludi wkoll emenda tad-Deċiżjonijiet tal-Kunsill Ministerjali li ġejjin, li jippermettu suq tal-elettriku integrat bejn il-Partijiet Kontraenti u l-Istati Membri ġirien tal-UE: Id-Deċiżjonijiet Nru 2021/13/MC-EnC 9 u Nru 2011/02/MC-EnC 10 dwar l-inkorporazzjoni tad-Direttiva (UE) 2019/944 dwar is-suq intern għall-elettriku 11 u r-Regolament (UE) 2019/941 dwar it-tħejjija għar-riskji 12 fl-acquis tal-Komunità tal-Enerġija skont dan.
F’dan il-kuntest, il-Kummissjoni ressqet ukoll proposta lill-Komunità tal-Enerġija għal Att Proċedurali tal-Kunsill Ministerjali dwar l-integrazzjoni tas-Suq Reġjonali tal-Enerġija
Ladarba jiġi adottat, dan l-Att Proċedurali jkun vinkolanti kemm għall-Partijiet Kontraenti kif ukoll għall-UE u jippermetti li l-aġenziji (ACER) u l-korpi tal-UE (ENTSO-E) jingħataw il-kompitu dwar kwistjonijiet transfruntiera bejn il-Partijiet Kontraenti u l-Istati Membri tal-UE.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni u tal-Att Proċedurali mill-Kunsill Ministerjali tal-Komunità tal-Enerġija.
3.1.2.Id-Deċiżjoni 2022/…/MC-EnC dwar l-emenda tad-Deċiżjoni tal-Kunsill Ministerjali Nru 2021/14/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora d-Direttiva (UE) 2018/2001, id-Direttiva (UE) 2018/2002, ir-Regolament (UE) 2018/1999, ir-Regolament Delegat (UE) 2020/1044, u r-Regolament ta’ Implimentazzjoni (UE) 2020/1208 fl-acquis communautaire tal-Komunità tal-Enerġija;
F’Novembru 2021, il-Kunsill Ministerjali tal-Komunità tal-Enerġija stabbilixxa l-qafas legali tal-Komunità tal-Enerġija għall-miri tal-2030 tal-effiċjenza fl-enerġija, tas-sorsi rinnovabbli u tal-emissjonijiet ta’ gassijiet serra għad-disa’ Partijiet Kontraenti mhux tal-UE billi adotta l-atti leġiżlattivi ewlenin li jirriżultaw mill-pakkett tal-UE dwar l-Enerġija Nadifa għall-Ewropej kollha (id-Direttiva dwar l-Effiċjenza fl-Enerġija tal-2018, id-Direttiva dwar l-Enerġija Rinnovabbli tal-2018 u r-Regolament dwar il-Governanza tal-2018). F’dawn l-atti, il-Kunsill Ministerjali ma speċifikax iċ-ċifri għall-miri tal-2030.
Il-Kummissjoni ressqet proposta lill-Komunità tal-Enerġija li tistabbilixxi ċ-ċifri għal kull waħda mid-disa’ Partijiet Kontraenti. Dawn iċ-ċifri ġew innegozjati mal-Partijiet Kontraenti f’bosta laqgħat bilaterali u multilaterali qabel, waqt u wara l-laqgħa tal-Kunsill Ministerjali Informali f’Lulju. Huma jqisu r-riżultati ta’ studju ta’ mmudellar imwettaq mill-Kummissjoni aktar kmieni din is-sena kif ukoll tal-miri u l-pjanijiet nazzjonali tal-Partijiet Kontraenti stess. Il-miri jirrispettaw ukoll il-Linji Gwida ta’ Politika tal-Kunsill Ministerjali tal-2018 li jipprevedu li l-miri tal-2030 jenħtieġ li “jirrappreżentaw ambizzjoni ugwali għall-Partijiet Kontraenti u jqisu d-differenzi soċjoekonomiċi rilevanti, l-iżviluppi teknoloġiċi u l-Ftehim ta Pariġi dwar it-Tibdil fil-Klima.”
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
3.1.3.Id-Deċiżjoni 2022/…/MC-EnC li tadatta u tinkorpora ċerti Regolamenti Delegati dwar il-prodotti relatati mal-enerġija, li tintroduċi tikketti riklassifikati fl-acquis communautaire tal-Komunità tal-Enerġija u li tħassar ir-Regolamenti Delegati (UE) 1059/2010, (UE) 1060/2010, (UE) 1061/2010, (UE) 1062/2010, (UE) 874/2012, u d-Direttiva 96/60/KE
Il-Kummissjoni ressqet proposta lill-Komunità tal-Enerġija biex tinkorpora l-atti legali tal-UE li ġejjin fl-acquis tal-Komunità tal-Enerġija:
:
-Ir-Regolament Delegat (UE) 2019/2013 dwar it-tikkettar tal-enerġija tal-unitajiet tal-wiri elettroniċi 13 ;
-Ir-Regolament Delegat (UE) 2019/2014 dwar it-tikkettar tal-enerġija tal-magni tal-ħasil tal-ħwejjeġ domestiċi u tal-magni tal-ħasil u tat-tnixxif tal-ħwejjeġ domestiċi 14 ;
-Ir-Regolament Delegat (UE) 2019/2015 dwar it-tikkettar tal-enerġija tas-sorsi tad-dawl 15 ;
-Ir-Regolament Delegat (UE) 2019/2016 dwar it-tikkettar tal-enerġija ta’ apparat refriġeranti 16 ;
-Ir-Regolament Delegat (UE) 2019/2017 dwar it-tikkettar tal-enerġija tal-magni tal-ħasil tal-platti domestiċi 17 ;
-Ir-Regolament (UE) 2021/340 li jkompli jemenda r-Regolamenti Delegati (UE) 2019/2013, (UE) 2019/2014, (UE) 2019/2015, (UE) 2019/2016, (UE) 2019/2017 u (UE) 2019/2018 fir-rigward tar-rekwiżiti tat-tikkettar tal-enerġija tal-unitajiet tal-wiri elettroniċi, tal-magni tal-ħasil tal-ħwejjeġ domestiċi u tal-magni tal-ħasil u tat-tnixxif tal-ħwejjeġ domestiċi, tas-sorsi tad-dawl, tal-apparat refriġeranti, tal-magni tal-ħasil tal-platti domestiċi u ta’ apparat refriġeranti b’funzjoni ta’ bejgħ dirett 18 ;
li jintroduċi tikketti riklassifikati fl-acquis communautaire tal-Komunità tal-Enerġija u li tħassar ir-Regolamenti Delegati (UE) 1059/2010, (UE) 1060/2010, (UE) 1061/2010, (UE) 1062/2010, (UE) 874/2012, u d-Direttiva 96/60/KE.
Ir-regoli l-ġodda se jiżguraw qafas regolatorju armonizzat u stabbli għall-manifatturi, u, aktar importanti minn hekk, se jżidu t-trasparenza għall-konsumaturi kollha bis-saħħa tal-istess skalar tat-tikkettar tal-enerġija bejn l-Istati Membri tal-UE u l-Partijiet Kontraenti.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
3.1.4.Id-Deċiżjoni 2022/xx/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora r-Regolament ta’ Implimentazzjoni (UE) 2018/2066, ir-Regolament ta’ Implimentazzjoni (UE) 2018/2067 u d-Direttiva 2003/87/KE fl-acquis communautaire tal-Komunità tal-Enerġija
Il-Kunsill Ministerjali ta’ Novembru 2021 adotta l-Pjan Direzzjonali għad-Dekarbonizzazzjoni għall-Partijiet Kontraenti, dokument politiku li jiddeskrivi s-sekwenza tal-adozzjoni, it-traspożizzjoni u l-implimentazzjoni tal-leġiżlazzjoni ffukata fuq id-dekarbonizzazzjoni biex il-Partijiet Kontraenti jitpoġġew fil-perkors lejn il-kisba tal-miri tad-dekarbonizzazzjoni tal-2030 u ta’ nofs is-seklu.
Il-fokus immedjat tal-Pjan Direzzjonali għad-Dekarbonizzazzjoni kien fuq ir-Regolament dwar il-Governanza, id-Direttiva dwar l-Enerġija Rinnovabbli, u d-Direttiva dwar l-Effiċjenza fl-Enerġija. Dawn it-tliet biċċiet ta’ leġiżlazzjoni lkoll ġew adottati fil-Laqgħa Ministerjali tal-Komunità tal-Enerġija f’Novembru 2021, u l-Kummissjoni ressqet proposta lill-Komunità tal-Enerġija biex jiġu stabbiliti ċ-ċifri għal kull Parti Kontraenti (ara l-punt 3.1.3 ta’ hawn fuq).
Il-pass li jmiss huwa l-inkorporazzjoni ta’ aktar atti tekniċi fl-acquis tal-Komunità tal-Enerġija, li jirrappreżentaw il-bażi meħtieġa għall-implimentazzjoni ta’ kwalunkwe politika tal-ipprezzar tal-karbonju li tkun adatta wkoll għal sistema għall-iskambju ta’ kwoti tal-emissjonijiet (ETS).
Għalhekk, f’konformità mal-Pjan Direzzjonali għad-Dekarbonizzazzjoni, il-Kummissjoni ressqet proposta biex il-Kunsill Ministerjali jadotta miżuri relatati mal-monitoraġġ, ir-rapportar u l-verifika tal-emissjonijiet (MRV), kif ukoll dispożizzjonijiet magħżula tal-UE ETS, li huma meħtieġa biex il-leġiżlazzjoni MRV tkun tagħmel sens għall-Partijiet Kontraenti għall-Enerġija. Dawn ma jinvolvux l-ipprezzar tal-karbonju.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
3.1.5.L-Att Proċedurali 2022/…/MC-EnC li jemenda l-implimentazzjoni tal-baġit, ir-regolamenti tal-persunal u r-regoli dwar ir-reklutaġġ;
F’kooperazzjoni mill-qrib mal-Kummissjoni, l-ECS ressaq proposta lill-Komunità tal-Enerġija għal Att Proċedurali tal-Kunsill Ministerjali biex jemenda:
–L-Att Proċedurali Nru 2006/03/MC-EnC dwar l-adozzjoni tal-Proċeduri tal-Komunità tal-Enerġija għall-Istabbiliment u l-Implimentazzjoni tal-Baġit, l-Awditjar u l-Ispezzjoni;
–L-Att Proċedurali Nru 2009/04/MC-EnC, ir-Regolamenti tal-Persunal tal-Komunità tal-Enerġija tat-18 ta’ Diċembru 2007 kif emendati bl-Att Proċedurali Nru 2009/04/MC-EnC; u
–L-Att Proċedurali Nru 2006/02/MC-EnC dwar l-adozzjoni tar-Regoli għar-Reklutaġġ, il-Kundizzjonijiet tax-Xogħol u l-Ekwilibriju Ġeografiku tal-Persunal tas-Segretarjat tal-Komunità tal-Enerġija, kif emendat bl-Att Proċedurali Nru 2016/01/MC-EnC.
Dawn l-emendi għandhom l-għan li jtejbu l-metodi ta’ ħidma tal-ECS fir-rigward tat-trasparenza, l-effikaċja u r-responsabbiltà. B’mod partikolari, dawn se jiżguraw aktar ċarezza għar-regoli baġitarji tal-Komunità tal-Enerġija f’għadd ta’ aspetti bħat-trattament tal-finanzjament estern għall-Komunità tal-Enerġija permezz ta’ għotjiet u kuntratti, il-programm ta’ ħidma annwali, il-pjan ta’ stabbiliment u l-organigramma tal-ECS, it-trasferiment tal-approprjazzjonijiet tal-funzjoni kontabilistika u l-kontroll intern tal-implimentazzjoni tal-baġit fi ħdan l-ECS kif ukoll il-kompiti tal-Kumitat tal-Baġit u l-awdituri esterni. Ir-Regolamenti u r-Regoli dwar il-Persunal u r-Reklutaġġ tal-Komunità tal-Enerġija se jiġu emendati fir-rigward tal-mandat tad-Direttur li jispeċifika massimu ta’ żewġ termini b’perjodu ta’ ħames snin kull wieħed u li jiddefinixxi l-pożizzjoni ta’ Viċi Direttur.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
3.1.6.L-Att Proċedurali 2022/…/MC-EnC li jemenda l-Att Proċedurali tal-Kunsill Ministerjali 2008/01/MC-EnC tas-27 ta’ Ġunju 2008 dwar ir-Regoli ta’ Proċedura għas-Soluzzjoni ta’ Tilwim skont it-Trattat, kif emendat;
F’kooperazzjoni mill-qrib mal-Kummissjoni, l-ECS ressaq proposta lill-Komunità tal-Enerġija biex jiġu emendati r-Regoli dwar is-Soluzzjoni tat-Tilwim fir-rigward tal-Kumitat Konsultattiv li jikkonsisti minn ħames membri ta’ livell għoli u jagħti opinjonijiet dwar it-talbiet motivati sottomessi mill-ECS skont l-Artikolu 90 tal-ECT. L-emendi proposti se jintroduċu dispożizzjoni dwar ir-rimborż u r-remunerazzjoni tagħhom mill-baġit tal-Komunità tal-Enerġija.
Emenda oħra tikkonċerna l-iskadenzi għas-sottomissjoni tad-dokumenti għall-adozzjoni mill-Kunsill Ministerjali. Dawn l-emendi se jippermettu aktar żmien għall-UE u għall-Partijiet Kontraenti biex iwettqu l-proċeduri interni ta’ approvazzjoni tagħhom qabel il-laqgħat istituzzjonali.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
3.1.7.L-Att Proċedurali 2022/…/MC-EnC li jadotta l-Organigramma tas-Segretarjat
L-ECS ressaq proposta lill-Kunsill Ministerjali biex jadotta Organigramma ġdida tal-ECS, peress li l-Organigramma applikabbli attwalment tmur lura għall-2007 u jenħtieġ li tiġi aġġornata.
L-Organigramma l-ġdida proposta għandha l-għan li tikkorrispondi għall-ħtiġijiet tal-Partijiet Kontraenti u tal-UE.
F’isem l-Unjoni Ewropea, il-Kummissjoni għalhekk biħsiebha tappoġġa l-adozzjoni tal-Att Proċedurali.
3.1.8.Id-Deċiżjonijiet skont l-Artikolu 91(1) tal-ECT li jistabbilixxu l-eżistenza ta’ ksur tal-ECT fil-każijiet li ġejjin:
Il-proċedimenti għas-soluzzjoni tat-tilwim huma stabbiliti fit-Titolu III, il-Kapitolu 1, u t-Titolu IV, il-Kapitolu 1 tar-Regoli ta’ Proċedura dwar is-soluzzjoni tat-tilwim skont it-Trattat 19 .
(a)Id-Deċiżjoni 2022/…/MC-EnC dwar in-nuqqas tar-Repubblika tal-Maċedonja ta’ Fuq li tikkonforma mal-ECT fil-Kawża ECS-4/22;
L-Artikolu 1 tad-Deċiżjoni tal-Kunsill Ministerjali 2018/10/MC-EnC jirrikjedi li l-Partijiet Kontraenti jittrasponu r-Regolament REMIT sad-29 ta’ Novembru 2019 u li jimplimentawh sad-29 ta’ Mejju 2020. L-Artikolu 1(3) jirrikjedi li l-Partijiet Kontraenti jinnotifikaw lill-ECS dwar il-miżuri li jittrasponu d-Deċiżjoni, u kwalunkwe bidla sussegwenti li tkun saret lil dawk il-miżuri, fi żmien ġimagħtejn wara l-adozzjoni ta’ dawn il-miżuri. L-Artikolu 6 tal-ECT jimponi fuq il-Partijiet Kontraenti l-obbligu ġenerali li jieħdu l-miżuri xierqa kollha biex jiżguraw it-twettiq tal-obbligi li jirriżultaw mill-ECT. L-Artikolu 89 jirrikjedi li l-Partijiet jimplimentaw id-Deċiżjonijiet indirizzati lilhom fis-sistema ġuridika domestika tagħhom fil-perjodu speċifikat fid-Deċiżjoni.
Il-limitu ta’ żmien għall-Maċedonja ta’ Fuq biex tieħu miżuri ħalli tikkonforma mal-obbligi msemmija hawn fuq skada fid-29 ta’ Novembru 2019 iżda sal-lum ma ġiet adottata l-ebda tali miżura, u għalhekk, fl-14 ta’ Lulju 2022, l-ECS issottometta Talba Motivata lill-Kunsill Ministerjali kontra r-Repubblika tal-Maċedonja ta’ Fuq talli naqset milli tittrasponi r-Regolament (UE) Nru 1227/2011 (ir-Regolament REMIT) sad-29 ta’ Novembru 2019 u tinnotifika dawk il-miżuri lill-ECS.
Il-Kunsill Ministerjali huwa mitlub jadotta Deċiżjoni li tiddikjara li billi naqset milli tadotta u tapplika l-liġijiet, ir-regolamenti u d-dispożizzjonijiet amministrattivi meħtieġa biex tikkonforma mar-Regolament (UE) Nru 1227/2011 dwar l-integrità u t-trasparenza tas-swieq tal-enerġija bl-ingrossa, kif adattat u adottat bid-Deċiżjoni Ministerjali 2018/10/MC-EnC, sad-29 ta’ Novembru 2019, u billi naqset milli tinnotifika minnufih dawk il-miżuri lill-ECS, ir-Repubblika tal-Maċedonja ta’ Fuq naqset milli tikkonforma mal-Artikoli 6 u 89 tat-Trattat dwar il-Komunità tal-Enerġija kif ukoll mal-Artikolu 1(1) u (3) tad-Deċiżjoni tal-Kunsill Ministerjali 2018/10/MC-EnC.
Il-Kumitat Konsultattiv dwar il-Komunità tal-Enerġija għadu ma tax l-opinjoni tiegħu.
Fid-dawl tal-fatti u l-argumenti stabbiliti fit-Talba Motivata, jenħtieġ li l-pożizzjoni li għandha tittieħed f’isem l-Unjoni fil-Kunsill Ministerjali tkun li tiġi approvata d-deċiżjoni li tistabbilixxi l-eżistenza ta’ ksur fil-Kawża ECS-4/22, diment li l-Kumitat Konsultattiv tal-Komunità tal-Enerġija jagħti opinjoni f’waqtha li tappoġġa s-sejbiet tal-ECS, jiġifieri qabel il-laqgħa tal-Kunsill Ministerjali.
(b)Id-Deċiżjoni 2022/…/MC-EnC dwar in-nuqqas tal-Kosovo* li jikkonforma mal-ECT fil-Kawża ECS-5/22;
Id-Direttiva 2014/52/UE li temenda d-Direttiva 2011/92/UE dwar l-istima tal-effetti ta’ ċerti proġetti pubbliċi u privati fuq l-ambjent ġiet inkorporata fil-Komunità tal-Enerġija bid-Deċiżjoni tal-Kunsill Ministerjali 2016/12/MC-EnC. L-Artikolu 2 ta’ din id-Deċiżjoni jipprevedi li l-Partijiet Kontraenti għandhom jittrasponu d-Direttiva 2014/52/UE sal-1 ta’ Jannar 2019 bl-eċċezzjoni tad-dispożizzjonijiet li jirreferu għad-Direttivi mhux koperti mill-Artikolu 16 tal-ECT u jikkomunikaw lill-ECS it-test tad-dispożizzjonijiet ewlenin tad-dritt nazzjonali li jadottaw fil-qasam kopert minn din id-Deċiżjoni tal-Kunsill Ministerjali.
Peress li l-limitu ta’ żmien għall-Kosovo* biex jieħu miżuri biex jikkonforma mal-obbligi msemmija hawn fuq skada fl-1 ta’ Jannar 2019 iżda sal-lum ma ġiet adottata l-ebda miżura fl-14 ta’ Lulju 2022, l-ECS issottometta Talba Motivata lill-Kunsill Ministerjali kontra l-Kosovo* talli naqas milli jittrasponi d-Direttiva 2014/52/UE sal-1 ta’ Jannar 2019 u minħabba dan naqas milli jikkonforma mal-Artikoli 6 u 89 tal-ECT kif ukoll mal-Artikolu 2 tad-Deċiżjoni tal-Kunsill Ministerjali 2016/12/MC-EnC.
Il-Kunsill Ministerjali huwa mitlub jadotta Deċiżjoni li tiddikjara li billi naqas milli jadotta u japplika l-liġijiet, ir-regolamenti u d-dispożizzjonijiet amministrattivi meħtieġa biex jikkonforma mad-Direttiva 2014/52/UE li temenda d-Direttiva 2011/92/UE dwar il-valutazzjoni tal-effetti ta’ ċerti proġetti pubbliċi u privati fuq l-ambjent, kif adattat u adottat permezz tad-Deċiżjoni Ministerjali 2016/12/MC-EnC, sal-1 ta’ Jannar 2019, u billi naqas milli jinnotifika minnufih dawk il-miżuri lill-ECS, il-Kosovo* naqas milli jikkonforma mal-Artikoli 6 u 89 tat-Trattat dwar il-Komunità tal-Enerġija kif ukoll mal-Artikolu 2 tad-Deċiżjoni tal-Kunsill Ministerjali 2016/12/MC-EnC
Il-Kumitat Konsultattiv dwar il-Komunità tal-Enerġija għadu ma tax l-opinjoni tiegħu.
Fid-dawl tal-fatti u l-argumenti stabbiliti fit-Talba Motivata, jenħtieġ li l-pożizzjoni li għandha tittieħed f’isem l-Unjoni fil-Kunsill Ministerjali tkun li tiġi approvata d-deċiżjoni li tistabbilixxi l-eżistenza ta’ ksur fil-Kawża ECS-5/22, diment li l-Kumitat Konsultattiv tal-Komunità tal-Enerġija jagħti opinjoni f’waqtha li tappoġġa s-sejbiet tal-ECS, jiġifieri qabel il-laqgħa tal-Kunsill Ministerjali.
(c)Id-Deċiżjoni 2021/02/MC-EnC dwar in-nuqqas tal-Bożnija-Ħerzegovina li tikkonforma mal-ECT fil-Kawża ECS-5/17;
Fis-16 ta’ Jannar 2018, l-ECS bagħat Ittra ta’ Ftuħ ta’ Proċedura lill-Bożnija-Ħerzegovina f’konformità mal-Artikolu 12 tar-Regoli ta’ Proċedura għas-Soluzzjoni tat-Tilwim. F’din l-Ittra ta’ Ftuħ ta’ Proċedura, l-ECS kien tal-fehma preliminari li l-Bożnija-Ħerzegovina naqset milli tissodisfa l-obbligi tagħha skont l-ECT:
–billi naqset milli tittrasponi r-rekwiżiti tal-Artikolu 26(2)(d) tad-Direttiva 2009/72/KE dwar l-Elettriku li jirrikjedi l-istabbiliment ta’ uffiċjal u programm fil-Federazzjoni tal-Bożnija-Ħerzegovina f’konformità mal-iskadenza tal-1 ta’ Jannar 2015 prevista mill-acquis;
–billi naqset milli tittrasponi l-Artikolu 26 tad-Direttiva 2009/72/KE dwar is-separazzjoni legali u funzjonali tal-operaturi tas-sistemi ta’ distribuzzjoni tal-elettriku fir-Repubblika Srpska f’konformità mal-istess skadenza; u
–billi naqset milli tadotta, fil-limitu taż-żmien preskritt, il-miżuri nazzjonali biex tiżgura separazzjoni legali u funzjonali ta’ Elektropriveda BiH d.d. Sarajevo, Elektropriveda HZHB d.d Mostar u Elektropriveda BiH d.d. Sarajevo fil-prattika.
Bħala t-tieni pass, fil-11 ta’ Novembru 2020, l-ECS bagħat Opinjoni Motivata lill-Bożnija-Ħerzegovina skont l-Artikolu 90 tal-ECT talli naqset milli tittrasponi u timplimenta r-rekwiżiti għas-separazzjoni legali u funzjonali f’konformità mar-rekwiżiti tal-Artikolu 26 tad-Direttiva 2009/72/KE. Il-Bożnija-Ħerzegovina ntalbet biex fi żmien xahrejn tirrettifika l-kwistjonijiet ta’ nuqqas ta’ konformità mal-ECT, li ġew identifikati fl-Opinjoni Motivata.
Peress li l-Bożnija-Ħerzegovina naqset milli tirrettifika l-ksur identifikat mill-ECS relatat mas-separazzjoni tal-operaturi tas-sistemi tad-distribuzzjoni f’konformità mar-rekwiżiti tal-Artikolu 26 tad-Direttiva 2009/72/KE, fis-27 ta’ Mejju 2021, l-ECS issottometta Talba Motivata lill-Kunsill Ministerjali fil-Kawża ECS-5/17.
Dan l-abbozz ta’ Deċiżjoni kien diġà inkluż fl-aġenda tal-Kunsill Ministerjali fl-2021 iżda ma ġiex adottat minħabba li kien jonqsu l-opinjoni tal-Kumitat Konsultattiv tal-Komunità tal-Enerġija. Il-Kumitat Konsultattiv intalab joħroġ opinjoni fis-7 ta’ Ġunju 2021, u dan għadu ma għamlux. Għalhekk, dan l-abbozz ta’ Deċiżjoni reġa’ ġie inkluż fl-aġenda tal-Kunsill Ministerjali tal-2022.
Fid-dawl tal-fatti u l-argumenti stabbiliti fit-Talba Motivata, jenħtieġ li l-pożizzjoni li għandha tittieħed f’isem l-Unjoni fil-Kunsill Ministerjali tkun li tiġi approvata d-deċiżjoni li tistabbilixxi l-eżistenza ta’ ksur fil-Kawża ECS-5/17, diment li l-Kumitat Konsultattiv tal-Komunità tal-Enerġija jagħti opinjoni f’waqtha li tappoġġa s-sejbiet tal-ECS, jiġifieri qabel il-laqgħa tal-Kunsill Ministerjali.
3.1.10 Deċiżjonijiet skont l-Artikolu 92(1) tal-ECT:
(a)Id-Deċiżjoni 2022/…/MC-EnC dwar l-adozzjoni ta’ miżuri b’rispons għall-ksur serju u persistenti mill-Bożnija-Ħerzegovina skont l-Artikolu 92(1) tal-ECT fil-Kawżi ECS-8/11S, ECS-2/13S u ECS-6/16S;
L-ECS qed jitlob lill-Kunsill Ministerjali biex jestendi l-miżuri imposti fuq il-Bożnija-Ħerzegovina permezz tal-Artikolu 2 tad-Deċiżjoni 2015/10/MC-EnC fil-Kawżi ECS-8/11S, ECS-2/13S u ECS-6/16S għal sentejn wara l-adozzjoni tad-Deċiżjoni mill-Kunsill Ministerjali f’Diċembru.
Dan isegwi d-Deċiżjoni adottata mill-Kunsill Ministerjali fl-2020 (2020/02/MC-EnC tad-29 ta’ Diċembru 2020) li estendiet il-miżuri sal-laqgħa tal-Kunsill Ministerjali fi tmiem l-2022.
Il-miżuri huma: sospensjoni tad-dritt tal-Bożnija-Ħerzegovina li tivvota għal Miżuri u Atti Proċedurali adottati skont il-Kapitolu VI tat-Titolu V (Kwistjonijiet baġitarji) u sospensjoni tal-applikazzjoni tar-Regoli ta’ Rimborż tiegħu għar-rappreżentanti tal-Bożnija-Ħerzegovina għal-laqgħat kollha organizzati mill-Komunità tal-Enerġija għal sentejn. Abbażi ta’ rapport mill-ECS, il-Kunsill Ministerjali se jkompli jirrieżamina l-effettività u l-ħtieġa għaż-żamma ta’ dawn il-miżuri fil-laqgħa tiegħu fit-tieni nofs tal-2023.
Fid-dawl tal-fatti u l-argumenti stabbiliti fit-Talba, jenħtieġ li l-pożizzjoni li għandha tittieħed f’isem l-Unjoni fil-Kunsill Ministerjali tkun li tiġi approvata l-estensjoni proposta tal-miżuri adottati b’reazzjoni għall-ksur serju u persistenti fil-Kawżi ECS-8/11S, ECS-2/13S u ECS-6/16S.
(b)Id-Deċiżjoni 2021/12/MC-EnC li tistabbilixxi ksur serju u persistenti kontra s-Serbja skont l-Artikolu 92(1) tal-ECT fil-Kawża ECS-10/17S u fil-Kawża ECS-13/17S.
Din id-Deċiżjoni hija sottomessa mill-ġdid peress li ma ġietx adottata s-sena l-oħra minħabba n-nuqqas ta’ unanimità fil-Kunsill Ministerjali.
Il-Kawża ECS-10/17S tikkonċerna ksur tas-separazzjoni u ċ-ċertifikazzjoni tat-Tielet Pakkett dwar l-Enerġija. Is-separazzjoni tat-TSOs tikkostitwixxi wieħed mill-kunċetti ewlenin stabbiliti fit-Tielet Pakkett dwar l-Enerġija. Tirrikjedi s-separazzjoni effettiva tal-attivitajiet tat-trażmissjoni tal-enerġija mill-interessi tal-produzzjoni u tal-provvista. Fil-każ taċ-ċertifikazzjoni ta’ TSO li jkun ikkontrollat minn persuna jew persuni minn pajjiż terz jew pajjiżi terzi, japplika l-Artikolu 11 tad-Direttiva 2009/73/KE. L-Artikolu 10 tad-Direttiva 2009/73/KE jipprevedi li qabel ma impriża tiġi approvata u maħtura bħala TSO, jeħtieġ tiġi ċċertifikata. Sabiex tiġi ċċertifikata, l-impriża jeħtieġ tikkonforma mar-rekwiżiti tas-separazzjoni tat-Tielet Pakkett dwar l-Enerġija, jiġifieri mal-Artikolu 9 tad-Direttiva 2009/73/KE.
Id-Direttiva 2009/73/KE kif ukoll ir-Regolament 715/2009 ġew inkorporati fl-acquis tal-Komunità tal-Enerġija bid-Deċiżjoni 2011/02/MC-EnC tal-Kunsill Ministerjali tas-6 ta’ Ottubru 2011.
L-ECS sab li biċ-ċertifikazzjoni ta’ Yugorosgaz-Transport skont il-mudell ISO, ir-Repubblika tas-Serbja naqset milli tikkonforma mal-obbligi tagħha skont l-Artikoli 10, 14(2)(a), 14(2)(b), 14(2)(d), 15 u 11 tad-Direttiva 2009/73/KE kif ukoll skont l-Artikolu 24 tar-Regolament 2009/715, kif inkorporati fil-Komunità tal-Enerġija.
Fl-2019, il-Kunsill Ministerjali ddikjara fid-Deċiżjoni 2019/02/MC-EnC tiegħu li r-Repubblika tas-Serbja naqset milli tissodisfa l-obbligi tagħha li jirriżultaw mid-Direttiva 2009/73/KE u r-Regolament 715/2009.
Il-Kawża ECS-13/17S tikkonċerna l-esklużjoni mhux ġustifikata minn Srbijagas tal-punt ta’ dħul ta’ Horgoš minn aċċess mhux ristrett u mhux diskriminatorju għal partijiet terzi u minn proċeduri ta’ allokazzjoni tal-kapaċità miftuħa kif meħtieġ skont id-Direttiva 2009/73/KE u r-Regolament 715/2009.
Fil-25 ta’ Jannar 2021, il-Kumitat Konsultattiv tal-Komunità tal-Enerġija kkonferma l-pożizzjoni tal-ECS fit-Talba Motivata, li ma teżisti l-ebda raġuni valida għal ġustifikazzjoni ta’ tali esklużjoni u għalhekk, is-Serbja tikser il-liġi tal-Komunità tal-Enerġija.
Fit-30 ta’ April 2021, il-Kunsill Ministerjali kkonferma t-Talba Motivata sottomessa mill-ECS u segwa l-opinjoni tal-Kumitat Konsultattiv billi ħa deċiżjoni permezz ta’ proċedura bil-miktub rigward in-nuqqas tas-Serbja li tikkonforma mal-obbligi tagħha skont l-ECT.
Il-Kunsill Ministerjali ddikjara l-eżistenza ta’ ksur mis-Serbja tal-Artikolu 32 tad-Direttiva 2009/73/KE u l-Artikolu 16 tar-Regolament 715/2009 u għalhekk tal-Artikoli 6, 10 u 11 tal-ECT.
Id-Deċiżjoni tistipula li s-Serbja għandha tieħu l-miżuri xierqa kollha biex tirrettifika l-ksur identifikat u tiżgura l-konformità mal-liġi tal-Komunità tal-Enerġija minnufih.
Fl-24 ta’ Settembru 2021, l-ECS issottometta Talba lill-Kunsill Ministerjali kemm fil-Kawża ECS-10/17S kif ukoll fil-Kawża ECS-13/17S skont l-Artikolu 92(1) tal-ECT, li tfittex Deċiżjoni mill-Kunsill Ministerjali li n-nuqqas min-naħa tar-Repubblika tas-Serbja li timplimenta d-Deċiżjonijiet tal-Kunsill Ministerjali 2019/02/MC-EnC u 2021/1/MC-EnC u għaldaqstant li tirrettifika l-ksur identifikat fihom, jikkostitwixxi ksur serju u persistenti skont it-tifsira tal-Artikolu 92(1) tal-ECT.
Il-Kunsill Ministerjali huwa mitlub jiddikjara li:
1. In-nuqqas min-naħa tar-Repubblika tas-Serbja li timplimenta d-Deċiżjonijiet tal-Kunsill Ministerjali 2019/02/MC-EnC u 2021/01/MC-EnC u għaldaqstant li tirrettifika l-ksur identifikat fihom, jikkostitwixxi ksur serju u persistenti skont it-tifsira tal-Artikolu 92(1) tal-ECT.
2. Ir-Repubblika tas-Serbja għandha tieħu l-miżuri kollha xierqa biex tirrettifika l-ksur identifikat fid-Deċiżjonijiet tal-Kunsill Ministerjali 2019/02/MC-EnC u 2021/01/MC-EnC f’kooperazzjoni mas-Segretarjat u għandha tirrapporta lill-Kunsill Ministerjali dwar il-miżuri ta’ implimentazzjoni meħuda fl-2023.
3. Is-Segretarjat huwa mistieden jimmonitorja l-konformità tal-miżuri meħuda mir-Repubblika tas-Serbja mal-acquis communautaire. Jekk il-ksur ma jiġix rettifikat sal-1 ta’ Lulju 2023, is-Segretarjat huwa mistieden biex jibda proċedura għall-impożizzjoni tal-miżuri skont l-Artikolu 92 tat-Trattat.
Fid-dawl tal-fatti u l-argumenti stabbiliti fit-Talba tal-ECS, jenħtieġ li l-pożizzjoni li għandha tiġi adottata f’isem l-Unjoni fil-Kunsill Ministerjali tkun li tapprova d-deċiżjoni li tiddetermina l-eżistenza ta’ ksur serju u persistenti fil-Kawża ECS-10/17S u fil-Kawża ECS-13/17S.
3.2.L-att previst tal-PHLG
Id-Deċiżjoni 2022/…/PHLG-EnC li tadatta u timplimenta r-Regolament tal-Kummissjoni (UE) 2022/132 tat-28 ta’ Jannar 2022 li jemenda r-Regolament (KE) Nru 1099/2008 tal-Parlament Ewropew u tal-Kunsill, fir-rigward tal-implimentazzjoni tal-aġġornamenti għall-istatistika annwali, l-istatistika ta’ kull xahar u l-istatistika ta’ kull xahar fuq żmien qasir dwar l-enerġija
Fil-qasam tal-istatistika tal-enerġija, il-Kummissjoni adottat ir-Regolament (UE) 2022/132 li jemenda r-Regolament (KE) Nru 1099/2008 tal-Parlament Ewropew u tal-Kunsill dwar l-istatistika dwar l-enerġija, fir-rigward tal-implimentazzjoni tal-aġġornamenti għall-istatistika annwali, l-istatistika ta’ kull xahar u l-istatistika ta’ kull xahar fuq żmien qasir dwar l-enerġija 20 . Jenħtieġ li r-Regolament (KE) Nru 1099/2008, li huwa diġà parti mill-acquis communautaire tal-Komunità tal-Enerġija jiġi emendat skont dan.
Għalhekk, il-Kummissjoni ressqet proposta għal deċiżjoni tal-PHLG biex jinkorpora tar-Regolament (UE) 2022/132. Il-bidliet introdotti permezz tar-Regolament (UE) 2022/132 jikkontribwixxu għall-appoġġ lill-Unjoni tal-Enerġija u l-Patt Ekoloġiku billi jadottaw rekwiżiti ġodda biex ikopru l-lakuni fid-data, bħall-produzzjoni deċentralizzata tal-elettriku skont is-settur, it-tqassim tal-konsum finali tal-enerġija fis-settur tas-servizzi u għat-trasport, l-użu mhux tal-enerġija tas-sorsi rinnovabbli, l-idroġenu, il-ħżin tal-enerġija (batteriji), data ġdida dwar il-ġenerazzjoni u l-kapaċitajiet tal-elettriku, tqassim dettaljat tad-data dwar il-PV solari, dettalji dwar il-pompi tas-sħana, il-konsum tal-enerġija taċ-ċentri tad-data, il-puntwalità mtejba tad-data annwali u tad-data tal-provvista biex jiġu stmati l-bilanċi u l-indikaturi tal-enerġija sitt xhur wara tmiem is-sena.
F’isem l-Unjoni Ewropea, il-Kummissjoni biħsiebha tappoġġa l-adozzjoni tad-Deċiżjoni.
4.Bażi ġuridika
4.1.Bażi ġuridika proċedurali
4.1.1.Prinċipji
L-Artikolu 218(9) tat-TFUE jipprevedi deċiżjonijiet li jistabbilixxu “l-pożizzjonijiet li għandhom jiġu adottati f’isem l-Unjoni f’sede stabbilita fi ftehim, meta dik is-sede tintalab tadotta atti li jkollhom effetti legali, sakemm dawn ma jkunux atti li jissupplimentaw jew jemendaw il-qafas istituzzjonali tal-ftehim.”
Il-kunċett ta’ “atti li jkollhom effetti legali” jinkludi l-atti li jkollhom effetti legali skont ir-regoli tad-dritt internazzjonali li jirregola s-sede kkonċernata. Dan jinkludi wkoll l-istrumenti li ma għandhomx effett vinkolanti skont id-dritt internazzjonali, iżda li “jistgħu jinfluwenzaw b’mod determinanti l-kontenut tal-leġiżlazzjoni adottata mil-leġiżlatura tal-Unjoni” 21 .
4.1.2.Applikazzjoni għal dan il-każ
Il-Kunsill Ministerjali u l-PHLG huma korpi stabbiliti bi ftehim, jiġifieri t-Trattat dwar il-Komunità tal-Enerġija.
L-atti li l-Kunsill Ministerjali u l-PHLG huma mitluba jadottaw jikkostitwixxu atti b’effetti legali. L-att previst se jkun vinkolanti skont id-dritt internazzjonali f’konformità mal-Artikolu 76 tal-ECT, skont liema deċiżjoni tkun legalment vinkolanti għal dawk li tkun indirizzata għalihom.
L-atti previsti ma jissupplimentawx jew ma jemendawx il-qafas istituzzjonali tal-Ftehim.
Għalhekk, il-bażi ġuridika proċedurali għad-deċiżjoni proposta hija l-Artikolu 218(9) TFUE.
4.2.Bażi ġuridika sostantiva
4.2.1.Prinċipji
Il-bażi ġuridika sostantiva biex tittieħed deċiżjoni skont l-Artikolu 218(9) TFUE tiddependi primarjament fuq l-objettiv u l-kontenut tal-att previst li dwaru tiġi adottata pożizzjoni f’isem l-Unjoni. Jekk l-att previst ikollu żewġ għanijiet jew żewġ komponenti u jekk wieħed minn dawn l-għanijiet jew komponenti jkun jista’ jiġi identifikat bħala dak ewlieni, filwaqt li l-ieħor ikun sempliċiment inċidentali, id-deċiżjoni skont l-Artikolu 218(9) TFUE trid tkun imsejsa fuq bażi ġuridika sostantiva waħda, jiġifieri dik rikjesta mill-għan jew mill-komponent ewlieni jew predominanti.
4.2.2.Applikazzjoni għal dan il-każ
L-objettiv ewlieni u l-kontenut tal-atti previsti jirrigwardaw l-enerġija.
Għalhekk, il-bażi ġuridika sostantiva tad-deċiżjoni proposta hija l-Artikolu 194 tat-TFUE.
4.3.Konklużjoni
Il-bażi ġuridika tad-Deċiżjoni proposta jenħtieġ li tkun l-Artikolu 194 flimkien mal-Artikolu 218(9) TFUE.
2022/0415 (NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija u fil-Grupp Permanenti ta’ Livell Għoli tal-Komunità tal-Enerġija (14-15 ta’ Diċembru 2022, Vjenna, l-Awstrija)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 194, flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
(1)It-Trattat dwar il-Komunità tal-Enerġija (“it-Trattat”) ġie konkluż mill-Unjoni bid-Deċiżjoni tal-Kunsill 2006/500/KE tad-29 ta’ Mejju 2006 22 u daħal fis-seħħ fl-1 ta’ Lulju 2006.
(2)Skont l-Artikoli 47 u 76 tat-Trattat, il-Kunsill Ministerjali jista’ jadotta miżuri li jieħdu l-forma ta’ Deċiżjoni jew ta’ Rakkomandazzjoni.
(3)Il-Kunsill Ministerjali għandu jadotta għadd ta’ atti elenkati fl-Anness I ta’ din id-Deċiżjoni matul l-20 sessjoni tiegħu, fil-15 ta’ Diċembru 2022.
(4)Il-Grupp Permanenti ta’ Livell Għoli, għandu jadotta l-att elenkat fl-Anness II ta’ din id-Deċiżjoni matul is-66 laqgħa tiegħu, fl-14 ta’ Diċembru 2022.
(5)L-għan tal-atti previsti huwa li jiffaċilitaw li jintlaħqu l-objettivi tat-Trattat u l-funzjonament tas-Segretarjat tal-Komunità tal-Enerġija fi Vjenna li, fost affarijiet oħra, jipprovdi appoġġ amministrattiv lill-Kunsill Ministerjali.
(6)Jixraq li tiġi stabbilita l-pożizzjoni li għandha tiġi adottata f’isem l-Unjoni fil-Kunsill Ministerjali u l-Grupp Permanenti ta’ Livell Għoli, peress li l-atti previsti se jkollhom effetti legali għall-Unjoni.
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f’isem l-Unjoni fl-20 sessjoni tal-Kunsill Ministerjali li għandha ssir fi Vjenna, l-Awstrija, fil-15 ta’ Diċembru 2022 hija stabbilita fl-Anness I ta’ din id-Deċiżjoni.
Artikolu 2
Il-pożizzjoni li għandha tiġi adottata f’isem l-Unjoni fis-66 laqgħa tal-Grupp Permanenti ta’ Livell Għoli li għandha ssir fi Vjenna, l-Awstrija, fl-14 ta’ Diċembru 2022 hija stabbilita fl-Anness II ta’ din id-Deċiżjoni.
Artikolu 3
Din id-Deċiżjoni hi indirizzata lill-Kummissjoni.
Magħmul fi Brussell,
Għall-Kunsill
Il-President
Ir-Regolament (UE) 2019/943 tal-Parlament Ewropew u tal-Kunsill tal-5 ta’ Ġunju 2019 dwar is-suq intern tal-elettriku, ĠU L 158, 14.6.2019, p. 24-124
Ir-Regolament tal-Kummissjoni (UE) 2015/1222 tal-24 ta’ Lulju 2015 li jistabbilixxi Linji Gwida dwar l-Allokazzjoni tal-Kapaċità u l-Ġestjoni tal-Konġestjoni, ĠU L 197 25.7.2015, p. 24-72
Ir-Regolament tal-Kummissjoni (UE) 2016/1719 tas-26 ta’ Settembru 2016 li jistabbilixxi linja gwida dwar l-allokazzjoni bil-quddiem tal-kapaċità, ĠU L 259, 27.9.2016, p. 42-68
Ir-Regolament tal-Kummissjoni (UE) 2017/2195 tat-23 ta’ Novembru 2017 li jistabbilixxi linja gwida dwar l-ibbilanċjar tal-elettriku, ĠU L 312, 28.11.2017, p. 6-53
Ir-Regolament tal-Kummissjoni (UE) 2017/2196 tal-24 ta’ Novembru 2017 li jistabbilixxi kodiċi tan-network dwar l-emerġenza u r-restawr tal-elettriku, ĠU L 312, 28.11.2017
Ir-Regolament tal-Kummissjoni (UE) 2017/1485 tat-2 ta’ Awwissu 2017 li jistabbilixxi linja gwida dwar it-tħaddim tas-sistema ta’ trażmissjoni tal-elettriku, ĠU L 220, 25.8.2017, p. 1-120
Ir-Regolament (UE) 2019/942 tal-Parlament Ewropew u tal-Kunsill tal-5 ta’ Ġunju 2019 li jistabbilixxi Aġenzija tal-Unjoni Ewropea għall-Kooperazzjoni tar-Regolaturi tal-Enerġija; ĠU L 158, 14.6.2019, p. 22-53
Id-Direttiva (UE) 2019/944 tal-Parlament Ewropew u tal-Kunsill tal-5 ta’ Ġunju 2019 dwar regoli komuni għas-suq intern għall-elettriku, ĠU L 158, 14.6.2019, p. 1252-199
Ir-Regolament (UE) 2019/941 tal-Parlament Ewropew u tal-Kunsill tal-5 ta’ Ġunju 2019 dwar it-tħejjija għar-riskji fis-settur tal-elettriku, ĠU L 158, 14.6.2019, p. 1-21
Ir-Regolament Delegat tal-Kummissjoni (UE) 2019/2013 tal-11 ta’ Marzu 2019 li jissupplimenta r-Regolament (UE) 2017/1369 tal-Parlament Ewropew u tal-Kunsill fejn jidħol it-tikkettar tal-enerġija tal-unitajiet tal-wiri elettroniċi, ĠU L 315, 5.12.2019, p. 1-28
Ir-Regolament Delegat tal-Kummissjoni (UE) 2019/2014 tal-11 ta’ Marzu 2019 li jissupplimenta r-Regolament (UE) 2017/1369 tal-Parlament Ewropew u tal-Kunsill fir-rigward tat-tikkettar tal-enerġija tal-magni tal-ħasil tal-ħwejjeġ domestiċi u tal-magni tal-ħasil u tat-tnixxif tal-ħwejjeġ domestiċi, ĠU L 315, 5.12.2019, p. 29-67
Ir-Regolament Delegat tal-Kummissjoni (UE) 2019/2015 tal-11 ta’ Marzu 2019 li jissupplimenta r-Regolament (UE) 2017/1369 tal-Parlament Ewropew u tal-Kunsill fir-rigward tat-tikkettar tal-enerġija tas-sorsi tad-dawl, ĠU L 315, 5.12.2019, p. 68-101
Ir-Regolament Delegat tal-Kummissjoni (UE) Nru 2019/2016 tal-11 ta’ Marzu 2019 li jissupplimenta r-Regolament (UE) 2017/1369 tal-Parlament Ewropew u tal-Kunsill fir-rigward tat-tikkettar tal-enerġija ta’ apparat refriġeranti; ĠU L 315, 5.12.2019, p. 102-133
Ir-Regolament Delegat tal-Kummissjoni (UE) 2019/2017 tal-11 ta’ Marzu 2019 li jissupplimenta r-Regolament (UE) 2017/1369 tal-Parlament Ewropew u tal-Kunsill fir-rigward tat-tikkettar tal-enerġija tal-magni tal-ħasil tal-platti domestiċi, ĠU L 315, 5.12.2019, p. 134-154
Ir-Regolament Delegat tal-Kummissjoni (UE) 2021/340 tas-17 ta’ Diċembru 2020 li jemenda r-Regolamenti Delegati (UE) 2019/2013, (UE) 2019/2014, (UE) 2019/2015, (UE) 2019/2016, (UE) 2019/2017 u (UE) 2019/2018 fir-rigward tar-rekwiżiti tat-tikkettar tal-enerġija tal-unitajiet tal-wiri elettroniċi, tal-magni tal-ħasil tal-ħwejjeġ domestiċi u tal-magni tal-ħasil u tat-tnixxif tal-ħwejjeġ domestiċi, tas-sorsi tad-dawl, tal-apparat refriġeranti, tal-magni tal-ħasil tal-platti domestiċi u ta’ apparat refriġeranti b’funzjoni ta’ bejgħ dirett, ĠU L 68, 26.2.2021, p.62-107
IL-KUMMISSJONI EWROPEA
Brussell, 5.12.2022
COM(2022) 714 final
ANNESSI
ta' [...]
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija u fil-Grupp Permanenti ta’ Livell Għoli tal-Komunità tal-Enerġija (14-15 ta’ Diċembru 2022, Vjenna, l-Awstrija)
ANNESS I
Il-Kunsill Ministerjali
1.1.1.Id-Deċiżjoni 2022/.../MC-EnC dwar l-inkorporazzjoni tar-Regolament (UE) 2019/942, ir-Regolament (UE) 2019/943, ir-Regolament (UE) 2015/1222, ir-Regolament (UE) 2016/1719, ir-Regolament (UE) 2017/2195, ir-Regolament (UE) 2017/2196, ir-Regolament (UE) 2017/1485 fl-acquis tal-Komunità tal-Enerġija, li jemenda l-Anness I tat-Trattat dwar il-Komunità tal-Enerġija, u dwar l-emendi tad-Deċiżjonijiet tal-MC Nru 2021/13/MC-EnC u Nru 2011/02/MC-EnC u l-Att Proċedurali 2022/.../MC-EnC dwar l-integrazzjoni tas-Suq Reġjonali tal-Enerġija
Il-pożizzjoni li għandha tiġi adottata f’isem l-Unjoni Ewropea hija li tapprova l-abbozz tad-Deċiżjoni u l-abbozz tal-Att Proċedurali f’konformità mad-Deċiżjoni tal-Kummissjoni 17/10/2022 li tistabbilixxi proposta tal-Kummissjoni lill-Kunsill Ministerjali tal-Komunità tal-Enerġija għal Deċiżjoni tal-Kunsill Ministerjali tal-Komunità tal-Enerġija dwar l-inkorporazzjoni tar-Regolament (UE) 2019/942, ir-Regolament (UE) 2019/943, ir-Regolament (UE) 2015/1222, ir-Regolament (UE) 2017/2195, ir-Regolament (UE) 2017/2196, ir-Regolament (UE) 2017/1485, ir-Regolament (UE) 2016/1719 fl-acquis tal-Komunità tal-Enerġija, li jemenda l-Anness I tat-Trattat dwar il-Komunità tal-Enerġija, u dwar l-emendi tad-Deċiżjonijiet tal-MC Nru 2021/13/MC-EnC u Nru 2011/02/MC-EnC, u għall-adozzjoni ta’ Att Proċedurali dwar l-integrazzjoni tas-Suq Reġjonali tal-Enerġija mill-Kunsill Ministerjali [C (2022) 7271 final].
Għandu jsir adattament fl-Anness I fir-rigward ta’:
–jenħtieġ li tiżdied premessa ġdida:
“Id-dispożizzjonijiet ta’ din id-Deċiżjoni huma mingħajr preġudizzju għall-obbligi tal-Partijiet Kontraenti li jikkonformaw mal-acquis tal-Komunità tal-Enerġija u r-regoli li japplikaw skont it-Titolu V tat-Trattat li jistabbilixxi l-Komunità tal-Enerġija f’każ ta’ nuqqas ta’ konformità. F’każ li l-ENTSO-E ma jkunx f’pożizzjoni li jwettaq il-kompiti tiegħu minħabba n-nuqqas ta’ konformità ta’ Parti Kontraenti tal-Komunità tal-Enerġija mal-acquis tal-Komunità tal-Enerġija, id-dmirijiet tiegħu relatati mal-kompiti inkwistjoni jenħtieġ li jiġu sospiżi.”
–jenħtieġ li jiżdiedu kelmiet ġodda fl-aħħar sentenza tal-paragrafu 3 tal-Artikolu 2 tal-paragrafu 52 (l-Anness IV) tal-Artikolu 5 u fl-aħħar sentenza tal-Artikolu 4 tal-paragrafu 52 (l-Anness IV) tal-Artikolu 5:
“sakemm l-operaturi tas-sistemi ta’ trażmissjoni ġirien ikkonċernati kollha tal-Unjoni Ewropea ma jaqblux ma’ Ċentru ta’ Koordinazzjoni Reġjonali li jinsab f’Parti Kontraenti.”
–L-Artikolu 3 tal-paragrafu 52 (l-Anness IV) tal-Artikolu 5 jenħtieġ li jiġi sostitwit b’dan li ġej:
“Bi qbil mal-azzjonisti taċ-Ċentri ta’ Koordinazzjoni Reġjonali rispettivi, iċ-Ċentri ta’ Koordinazzjoni Reġjonali għar-Reġjun tat-Tħaddim tas-Sistema tal-Ewropa tal-Lvant (EE SOR) għandhom ikunu ċ-Ċentru ta’ Koordinazzjoni Reġjonali għall-SOR tal-Ewropa Ċentrali.”
–jenħtieġ li jiżdiedu paragrafi ġodda bejn il-paragrafi 4 u 5 fl-Artikolu 2 tal-paragrafu 53 (l-Anness V) tal-Artikolu 5:
“4a. L-aġġustamenti fil-konfigurazzjoni taċ-Ċentri ta’ Koordinazzjoni Reġjonali elenkati f’dan l-Anness għandhom ikunu soġġetti għal proposta tal-operaturi kollha tas-sistema ta’ trażmissjoni ta’ reġjun ta’ tħaddim tas-sistema definit f’dan l-Anness u għall-proċeduri ta’ approvazzjoni skont l-Artikolu 35 tar-Regolament (UE) 2019/943.”
4b. F’każ ta’ emendi għad-determinazzjoni tar-Reġjuni bil-Kapaċità Kalkolata skont l-Artikolu 15 tar-Regolament tal-Kummissjoni (UE) 2015/1222 u sakemm tali emendi jiġu inkorporati f’dan id-dokument, il-lista taż-żoni tal-offerti, il-konfini taż-żona tal-offerti u l-operaturi tas-sistema ta’ trażmissjoni fir-reġjuni ta’ tħaddim tas-sistema definiti skont il-paragrafu 5 għandha tinftiehem li tirrifletti l-bidliet fid-determinazzjoni tar-Reġjuni bil-Kapaċità Kalkolata. Dan huwa mingħajr preġudizzju għad-dritt tal-operaturi tas-sistema ta’ trażmissjoni rilevanti skont l-Artikolu 36(4) tar-Regolament 2019/943 li jissottomettu proposta lill-ACER għal emendi.”
4c. Meta jkunu qed jiżviluppaw proċeduri għall-adozzjoni u r-reviżjoni ta’ azzjonijiet u rakkomandazzjonijiet koordinati, f’konformità mal-Artikolu 42 tar-Regolament 2019/943 kif adattat u adottat bid-Deċiżjoni tal-Kunsill Ministerjali 2022/xx/MC-EnC, it-TSOs tax-Shadow SEE SOR għandhom jikkonsultaw lit-TSOs rilevanti tal-SORs kontigwi fejn huma kkonċernati l-konfini taż-żona tal-offerti elenkati fil-paragrafu 1. Meta jagħmlu dan, it-TSOs tax-Shadow SEE SOR għandhom iqisu bis-sħiħ il-fehmiet espressi mit-TSOs rilevanti tal-SORs kontigwi.”
–it-tielet inċiż tal-paragrafu 10 tal-Artikolu 6 u t-tielet inċiż tal-paragrafu 4 tal-Artikolu 7 għandhom jiġu sostitwiti b’dan li ġej:
“fil-paragrafu 3, it-terminu “Stat Membru” huwa sostitwit bit-terminu “Parti Kontraenti u/jew Stat Membru”
–ir-raba’ inċiż tal-paragrafu 4 tal-Artikolu 8 għandu jiġi sostitwit b’dan li ġej:
“fil-paragrafu 4, it-terminu “Stat Membru” huwa sostitwit bit-terminu “Parti Kontraenti u/jew Stat Membru”
–ir-raba’ inċiż tal-paragrafu 5 tal-Artikolu 10 għandu jiġi sostitwit b’dan li ġej:
“fil-paragrafu 5, it-terminu “Stat Membru” huwa sostitwit bit-terminu “Parti Kontraenti u/jew Stat Membru”
–il-ħames inċiż tal-paragrafu 4 tal-Artikolu 8 u l-ewwel inċiż fil-ħames inċiż tal-paragrafu 5 tal-Artikolu 10 għandhom jitħassru.
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.2.Id-Deċiżjoni 2022/…/MC-EnC dwar l-emendar tad-Deċiżjoni tal-Kunsill Ministerjali Nru 2021/14/MC-EnC li temenda l-Anness I tat-Trattat li Jistabbilixxi l-Komunità tal-Enerġija u li tinkorpora d-Direttiva (UE) 2018/2001, id-Direttiva (UE) 2018/2002, ir-Regolament (UE) 2018/1999, ir-Regolament Delegat (UE) 2020/1044, u r-Regolament ta’ Implimentazzjoni (UE) 2020/1208 fl-acquis communautaire tal-Komunità tal-Enerġija;
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tad-Deċiżjoni f’konformità mad-Deċiżjoni tal-Kummissjoni 14/10/2022 li tistabbilixxi proposta tal-Kummissjoni lill-Kunsill Ministerjali tal-Komunità tal-Enerġija għal Deċiżjoni ta’ dak il-Kunsill li temenda d-Deċiżjoni D/2021/14/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora d-Direttiva (UE) 2018/2001, id-Direttiva (UE) 2018/2002, ir-Regolament (UE) 2018/1999, ir-Regolament Delegat (UE) 2020/1044, u r-Regolament ta’ Implimentazzjoni (UE) 2020/1208 fl-acquis communautaire tal-Komunità tal-Enerġija [C(2022) 7210 final].
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.3.Id-Deċiżjoni 2022/.../MC-EnC li tadatta u tinkorpora ċerti Regolamenti Delegati dwar prodotti relatati mal-enerġija, li tintroduċi tikketti riklassifikati fl-acquis communautaire tal-Komunità tal-Enerġija u li tħassar ir-Regolamenti Delegati (UE) 1059/2010, (UE) 1060/2010, (UE) 1061/2010, (UE) 1062/2010, (UE) 874/2012, u d-Direttiva 96/60/KE
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tad-Deċiżjoni f’konformità mad-Deċiżjoni tal-Kummissjoni 14/10/2022 li tistabbilixxi proposta tal-Kummissjoni lill-Kunsill Ministerjali tal-Komunità tal-Enerġija għal Deċiżjoni tal-Kunsill Ministerjali tal-Komunità tal-Enerġija dwar l-adattament u l-inkorporazzjoni ta’ ċerti Regolamenti Delegati dwar prodotti relatati mal-enerġija, l-introduzzjoni ta’ tikketti riklassifikati fl-acquis communautaire tal-Komunità tal-Enerġija u li tħassar ir-Regolamenti Delegati (UE) 1059/2010, (UE) 1060/2010, (UE) 1061/2010, (UE) 1062/2010, (UE) 874/2012, u d-Direttiva 96/60/KE [C(2022) 7257 final].
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.4.Id-Deċiżjoni 2022/xx/MC-EnC li temenda l-Anness I tat-Trattat li jistabbilixxi l-Komunità tal-Enerġija u li tinkorpora r-Regolament ta’ Implimentazzjoni (UE) 2018/2066, ir-Regolament ta’ Implimentazzjoni (UE) 2018/2067 u d-Direttiva 2003/87/KE fl-acquis communautaire tal-Komunità tal-Enerġija
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tad-Deċiżjoni f’konformità mad-Deċiżjoni tal-Kummissjoni tal-14/10/2022 li tistabbilixxi proposta tal-Kummissjoni lill-Kunsill Ministerjali tal-Komunità tal-Enerġija għal Deċiżjoni tal-Kunsill Ministerjali tal-Komunità tal-Enerġija li temenda l-Anness I tat-Trattat li jistabbilixxi l-Komunità tal-Enerġija u li jinkorpora r-Regolament ta’ Implimentazzjoni (UE) 2018/2066, ir-Regolament ta’ Implimentazzjoni (UE) 2018/2067 u d-Direttiva 2003/87/KE fl-acquis communautaire tal-Komunità tal-Enerġija [C(2022) 7204 final].
1.1.5.Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-att proċedurali 2022/…/mc-enc li jemenda l-implimentazzjoni tal-baġit, ir-regolamenti tal-persunal u r-regoli ta’ reklutaġġ;
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tal-Att Proċedurali f’konformità mal-Addendum 2 ta’ dan l-Anness I.
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.6.l-att Proċedurali 2022/.../MC-EnC li jemenda l-Att Proċedurali tal-Kunsill Ministerjali 2008/01/mc-enc tas-27 ta’ Ġunju 2008 dwar ir-regoli ta’ proċedura għas-soluzzjoni tat-tilwim skont it-Trattat, kif emendat;
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tal-Att Proċedurali f’konformità mal-Addendum 3 ta’ dan l-Anness I.
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.7.l-att proċedurali 2022/.../MC-EnC li jadotta l-organigramma tas-Segretarjat;
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tal-Att Proċedurali f’konformità mal-Addendum 3 ta’ dan l-Anness I.
Il-Kummissjoni tista’ taqbel ma’ bidliet żgħar, fid-dawl ta’ kummenti mill-Partijiet Kontraenti tal-Komunità tal-Enerġija qabel jew waqt il-Kunsill Ministerjali, mingħajr deċiżjoni ulterjuri tal-Kunsill.
1.1.8.Id-Deċiżjonijiet skont l-Artikolu 91(1) ECT li jistabbilixxu l-eżistenza ta’ ksur tal-ECT fil-każijiet li ġejjin:
Il-pożizzjoni li għandha tiġi adottata f’isem l-Unjoni Ewropea hija li jiġu approvati l-abbozzi tad-Deċiżjonijiet skont l-Artikolu 91(1) tal-ECT, dment li l-Kumitat Konsultattiv tal-Komunità tal-Enerġija jagħti opinjoni f’waqtha li tappoġġa s-sejbiet tal-ECS, li tistabbilixxi l-eżistenza ta’ ksur f’dawn li ġejjin:
(a)Id-Deċiżjoni 2022/xx/MC-EnC dwar in-nuqqas tar-Repubblika tal-Maċedonja ta’ Fuq li tikkonforma mat-Trattat dwar il-Komunità tal-Enerġija fil-Kawża ECS-4/22;
(b)Id-Deċiżjoni 2022/xx/MC-EnC dwar in-nuqqas ta’ konformità tal-Kosovo* mat-Trattat dwar il-Komunità tal-Enerġija fil-Kawża ECS-5/22
(c)Id-Deċiżjoni 2021/02/MC-EnC dwar in-nuqqas tal-Bożnija-Ħerzegovina li tikkonforma mat-Trattat dwar il-Komunità tal-Enerġija fil-Kawża ECS-5/17
1.1.9.ID-DEĊIŻJONIJIET SKONT L-ARTIKOLU 92(1) TAT-TRATTAT TAL-KARTA TAL-ENERĠIJA:
Il-pożizzjoni li għandha tiġi adottata f’isem l-Unjoni Ewropea hija li jiġu approvati l-abbozzi tad-Deċiżjonijiet skont l-Artikolu 92(1) tat-Trattat tal-Karta tal-Enerġija dwar l-adozzjoni ta’ miżuri u l-istabbiliment tal-eżistenza ta’ ksur serju u persistenti f’dawn li ġejjin:
(a)Id-Deċiżjoni 2022/…/MC-EnC dwar l-adozzjoni ta’ miżuri bi tweġiba għall-ksur serju u persistenti mill-Bożnija-Ħerzegovina skont l-Artikolu 92(1) tat-Trattat dwar il-Komunità tal-Enerġija fil-Kawżi ECS-8/11S, ECS-2/13S u ECS-6/16S
(b)Id-Deċiżjoni 2021/12/C-EnC li tistabbilixxi ksur serju u persistenti kontra s-Serbja skont l-Art. 92(1) tat-Trattat fil-Kawża ECS-10/17S u fil-kawża ECS-13/17S;
ADDENDUM 1 TAL-ANNESS I
65 PHLG/Anness 8/06-09-2022
L-ATT PROĊEDURALI TAL-KUNSILL MINISTERJALI TAL-KOMUNITÀ TAL-ENERĠIJA
Li jemenda l-Att Proċedurali Nru 2006/03/MC-EnC dwar l-adozzjoni tal-Proċeduri tal-Komunità tal-Enerġija għall-Istabbiliment u l-Implimentazzjoni tal-Baġit, l-Awditjar u l-Ispezzjoni, l-Att Proċedurali Nru 2009/04/MC-EnC, ir-Regolamenti tal-Persunal tal-Komunità tal-Enerġija tat-18 ta’ Diċembru 2007 kif emendati bl-Att Proċedurali Nru 2009/04/MC-EnC, u l-Att Proċedurali Nru 2006/02/MC-EnC dwar l-adozzjoni tar-Regoli għar-Reklutaġġ, il-Kundizzjonijiet tax-Xogħol u l-Ekwilibriju Ġeografiku tal-Persunal tas-Segretarjat tal-Komunità tal-Enerġija, kif emendat bl-Att Proċedurali Nru 2016/01/MC-EnC
IL-KUNSILL MINISTERJALI TAL-KOMUNITÀ TAL-ENERĠIJA,
Wara li kkunsidra t-Trattat li jistabbilixxi l-Komunità tal-Enerġija, u b’mod partikolari l-Artikoli 69, 74, 82, 83, 86, 87 u 88 tiegħu,
Billi r-Regoli Baġitarji tal-Komunità tal-Enerġija jirrikjedu aktar ċarezza f’għadd ta’ aspetti bħat-trattament tal-finanzjament estern għall-Komunità tal-Enerġija permezz ta’ għotjiet u kuntratti, il-programm ta’ ħidma annwali, it-tabella tal-persunal u l-organigramma tas-Segretarjat, it-trasferiment tal-approprjazzjonijiet tal-funzjoni kontabilistika u l-kontroll intern tal-implimentazzjoni tal-baġit fi ħdan is-Segretarjat, u l-kompiti tal-Kumitat tal-Baġit u tal-Awdituri Esterni,
Billi r-Regolamenti u r-Regoli dwar il-Persunal u r-Reklutaġġ tal-Komunità tal-Enerġija jenħtieġ li jiġu emendati fir-rigward tal-mandat tad-Direttur u l-funzjoni ta’ Deputat Direttur,
Billi l-Grupp Permanenti ta’ Livell Għoli, fil-laqgħa tiegħu ta’ […] approva l-Att Proċedurali attwali,
Wara li kkunsidra l-proposta konġunta mis-Segretarjat u l-Kummissjoni Ewropea,
ADOTTA DAN L-ATT PROĊEDURALI:
Artikolu 1
Emendi għall-Att Proċedurali Nru 2006/03/MC-EnC dwar l-adozzjoni tal-Proċeduri tal-Komunità tal-Enerġija għall-Istabbiliment u l-implimentazzjoni tal-Baġit, l-Awditjar u l-Ispezzjoni
(1)It-tieni paragrafu tal-Artikolu 2 għandu jiġi emendat biex jinqara kif ġej:
“2. Il-Partijiet għandhom jittrasferixxu 75 % tal-kontribuzzjonijiet finanzjarji tagħhom lill-Komunità tal-Enerġija sa mhux aktar tard mill-31 ta’ Marzu ta’ kull sena. Il-Partijiet għandhom jittrasferixxu l-25 % li jifdal tal-kontribuzzjonijiet tagħhom sa mhux aktar tard mit-30 ta’ Ġunju ta’ kull sena.”
(2)L-ewwel paragrafu tal-Artikolu 14 għandu jiġi emendat biex jinqara kif ġej:
“Id-dħul allokat għal skopijiet speċifiċi fil-forma ta’ għotjiet, kuntratti u donazzjonijiet għandu jintuża biss biex jiffinanzjahom f’konformità ma’ dawn ir-Regoli.”
(3)L-ewwel paragrafu tal-Artikolu 15 għandu jiġi emendat biex jinqara kif ġej:
“Id-Direttur jista’ jaċċetta dħul skont it-tifsira tal-Artikolu 14(1) biss bi qbil minn qabel tal-Kumitat tal-Baġit, abbażi ta’ informazzjoni bil-miktub dwar l-ammont u l-għan tad-donazzjoni u l-imposti finanzjarji involuti.”
(4)It-tieni sentenza għandha tiddaħħal fit-tieni paragrafu tal-Artikolu 15 bit-test li ġej:
“Se tiġi inkluża wkoll informazzjoni dwar l-għadd ta’ karigi li fil-fatt imtlew kontra l-għadd ta’ karigi awtorizzati fit-tabella tal-persunal.”
(5)It-tielet paragrafu għandu jiddaħħal fl-Artikolu 15 bit-test li ġej:
“3. Id-dħul allokat għal skopijiet speċifiċi fil-forma ta’ għotjiet, kuntratti u donazzjonijiet għandu jiġi inkluż fi stima tad-dħul u n-nefqa skont l-Artikolu 25 tar-Regoli attwali jekk dan id-dħul ikun magħruf għall-perjodu baġitarju li jmiss.”
(6)L-ewwel paragrafu tal-Artikolu 18 għandu jiġi emendat biex jinqara kif ġej:
“Id-Direttur jista’ jiddeċiedi dwar trasferimenti ta’ approprjazzjonijiet fil-baġit globali, minbarra r-riżorsi umani fil-limitu totali ta’ 10 % tal-approprjazzjonijiet tal-linja baġitarja li minnha jsir it-trasferiment, meta dawk it-trasferimenti ma jaffettwawx b’mod sinifikanti n-natura tal-azzjonijiet u l-objettivi tal-programm ta’ ħidma.”
(7)Fil-ħames paragrafu tal-Artikolu 20, it-test li ġej għandu jiddaħħal fl-aħħar:
“;L-allokazzjoni baġitarja għal kull attività; id-dħul kollu allokat u l-infiq relatat għal kull attività u l-mod ta’ implimentazzjoni tagħha.”
(8)Fl-aħħar tat-Titolu III għandu jiddaħħal Kapitolu 9 ġdid bit-test li ġej:
“Kapitolu 9
KONTROLL INTERN TAL-IMPLIMENTAZZJONI TAL-BAĠIT
Artikolu 21bis
(1)Il-baġit tal-Komunità tal-Enerġija għandu jiġi implimentat f’konformità ma’ kontroll intern effettiv u effiċjenti.
(2)Għall-iskopijiet tal-implimentazzjoni tal-baġit, il-kontroll intern huwa definit bħala proċess applikabbli fil-livelli kollha tal-ġestjoni u mfassal biex jipprovdi assigurazzjoni raġonevoli għall-kisba tal-objettivi li ġejjin:
(a)l-effettività, l-effiċjenza u l-ekonomija tal-operazzjonijiet;
(b)l-affidabbiltà tar-rapportar;
(c)is-salvagwardja tal-assi u tal-informazzjoni;
(d)il-prevenzjoni, is-sejbien, il-korrezzjoni u s-segwitu ta’ frodi u irregolaritajiet;
(e)il-ġestjoni adegwata tar-riskji relatati mal-legalità u mar-regolarità tat-tranżazzjonijiet sottostanti, filwaqt li jitqies il-karattru pluriennali tal-programmi kif ukoll in-natura tal-pagamenti kkonċernati.
(3)Kontroll intern effettiv u effiċjenti għandu jkun ibbażat fuq l-aħjar prattiki internazzjonali u għandu jinkludi b’mod partikolari, l-elementi stabbiliti fl-Artikolu 36(3) u (4) tar-Regolament (UE, Euratom) 2018/1046 tal-Parlament Ewropew u tal-Kunsill, filwaqt li jitqiesu l-istruttura u d-daqs tal-Komunità tal-Enerġija, in-natura tal-kompiti fdati lilha u l-ammonti u r-riskji finanzjarji u operazzjonali involuti.
1 Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni (ĠU UE L 193, 30.7.2018, p.1).
(9)Ir-raba’ paragrafu għandu jiddaħħal fl-Artikolu 22 bit-test li ġej:
“4. Ir-regoli interni u l-atti proċedurali kollha li jkollhom impatt fuq il-ġestjoni baġitarja u finanzjarja għandhom jiġu kkonsultati fil-ħin mal-Kumitat tal-Baġit qabel l-adozzjoni. Il-Kumitat tal-Baġit jista’ jipproponi modifiki tar-regoli interni u tal-atti proċedurali li jkollhom impatt fuq il-ġestjoni baġitarja u finanzjarja.”
(10)Ir-raba’ paragrafu tal-Artikolu 23 għandu jiġi emendat biex jinqara kif ġej:
“Il-Kumitat tal-Baġit għandu jorganizza mill-inqas żewġ laqgħat ordinarji fis-sena. B’mod fakultattiv, il-Kumitat tal-Baġit jista’ jiltaqa’ bl-użu tal-għażliet disponibbli permezz ta’ midja bbażata fuq il-web. Barra minn hekk, għandu jiltaqa’ fuq talba tal-President jew fuq talba ta’ mill-inqas terz tal-membri tiegħu. Il-Kumitat tal-Baġit jista’ jiltaqa’ wkoll fuq proposta tad-Direttur.”
(11)Fl-ittra b. tat-tielet paragrafu tal-Artikolu 25, it-test li ġej għandu jiddaħħal fl-aħħar:
“, għal kull tip ta’ finanzjament (kontribuzzjonijiet annwali, dħul allokat inklużi għotjiet, kuntratti u donazzjonijiet).”
(12)Fit-tielet paragrafu tal-Artikolu 25, iż-żewġ ittri li ġejjin għandhom jiddaħħlu wara l-ittra c.:
“d. Ċart tal-organizzazzjoni
e. Deskrizzjoni qasira tal-missjoni u l-attivitajiet tal-unitajiet differenti.”
(13)L-Artikolu 26 għandu jiġi emendat biex jinqara kif ġej:
“Kwalunkwe emenda meħtieġa għall-baġit relatata mal-infiq stmat, inkluż l-għadd ta’ persunal tas-Segretarjat, għandha tkun soġġetta għal baġit emendat, preċedut minn opinjoni tal-Kumitat tal-Baġit u adottata mill-Kunsill Ministerjali bl-istess proċedura bħall-baġit inizjali.”
(14)Fl-ewwel subparagrafu tal-Artikolu 29, għandha tiddaħħal it-tieni sentenza li ġejja: “It-tabella tal-persunal se tinkludi r-rekwiżiti inklużi fl-Artikolu 25(3)(b).”
(15)L-ewwel paragrafu tal-Artikolu 37 għandu jiġi emendat biex jinqara kif ġej:
“Filwaqt li jqis kif xieraq ir-riskji assoċjati mal-ambjent ta’ ġestjoni u n-natura tal-azzjonijiet iffinanzjati, u mingħajr preġudizzju għar-regoli għar-reklutaġġ tal-persunal tas-Segretarjat li jeħtieġu l-approvazzjoni tal-organigramma mill-Kunsill Ministerjali, l-uffiċjal awtorizzanti għandu jistabbilixxi l-istruttura organizzattiva, il-ġestjoni interna, is-sistemi u l-proċeduri ta’ kontroll (minn hawn ’il quddiem “ir-Regoli tal-Ġestjoni Interna tal-Komunità tal-Enerġija”) adatti għat-twettiq tad-dmirijiet tiegħu, inklużi, fejn xieraq, verifiki ex post.”
(16)It-tieni paragrafu tal-Artikolu 41 għandu jiġi emendat biex jinqara kif ġej:
“Id-Direttur jista’ jiddeċiedi dwar l-esternalizzazzjoni ta’ kompiti ta’ appoġġ għall-kontabbiltà fuq talba ġustifikata abbażi ta’ analiżi tal-kostijiet/benefiċċji. Il-funzjoni kontabilistika ma tistax tiġi esternalizzata.”
(17)Fit-tielet paragrafu tal-Artikolu 43, it-test li ġej għandu jitħassar:
“jew jiddeċiedi dwar esternalizzazzjoni tal-funzjoni kontabilistika lill-fornitur ta’ servizzi professjonali kif imsemmi fl-Artikolu 41 hawn fuq.”
(18)Sentenza addizzjonali għandha tiddaħħal fit-tielet paragrafu tal-Artikolu 81 wara l-ewwel sentenza bit-test li ġej:
“Ir-rapport tal-awditjar għandu jiddeskrivi x-xogħol imwettaq f’konformità mat-Termini ta’ Referenza approvati.”
(19)Il-ħames paragrafu tal-Artikolu 81 għandu jiġi emendat biex jinqara kif ġej:
“L-Awdituri Esterni għandhom jissottomettu rapport tal-awditjar u kontijiet iċċertifikati, flimkien ma’ dikjarazzjoni ta’ assigurazzjoni relatata mal-affidabbiltà tal-kontijiet, u l-legalità u r-regolarità tat-tranżazzjonijiet sottostanti, il-funzjonament adegwat ta’ sistema ta’ kontroll intern effettiva u effiċjenti u l-allokazzjoni korretta tan-nefqa bejn il-baġit ordinarju u straordinarju, lill-Kumitat tal-Baġit sabiex ikunu jistgħu jkunu disponibbli għall-Kunsill Ministerjali mhux aktar tard minn tmien xhur wara t-tmiem tas-sena finanzjarja li għaliha jirreferu l-kontijiet. Il-Kumitat tal-Baġit għandu jagħmel lill-Kunsill Ministerjali tali osservazzjonijiet dwar id-dokumenti sottomessi mill-Awdituri kif jista’ jqis xieraq.”
(20)Is-sitt subparagrafu għandu jiddaħħal fl-Artikolu 81 bit-test li ġej:
“6. Ir-rapporti tal-awditjar estern dwar in-nefqa ffinanzjata mid-dħul allokat għandhom jiġu kkomunikati lill-kumitat tal-baġit.”
(21)Fl-Artikolu 82, dan it-test li ġej għandu jiddaħħal fl-aħħar:
“, kif ukoll ir-rapport annwali tad-Direttur dwar l-eżekuzzjoni tal-baġit.”
(22)It-tieni sentenza għandha tiddaħħal fl-Artikolu 83 bit-test li ġej:
“Il-kwittanza annwali għandha tiġi adottata permezz ta’ Att Proċedurali tal-Kunsill Ministerjali, wara opinjoni tal-Kumitat tal-Baġit.”
Artikolu 2
Emendi għar-Regolamenti tal-Persunal tal-Komunità tal-Enerġija tat-18 ta’ Diċembru 2007 kif emendati bl-Att Proċedurali Nru 2009/04/MC-EnC
(1)It-tieni sentenza tat-Taqsima 4.1. (“Ħatra tad-Direttur”) għandha tiġi emendata biex tinqara kif ġej:
“Dan l-Att Proċedurali għandu jiġi propost mill-Kummissjoni Ewropea għal terminu fiss ta’ ħames snin li jista’ jiġġedded mhux aktar minn darba.”
(2)Taqsima ġdida 4.1.bis għandha tiddaħħal wara t-Taqsima 4.1 bit-test li ġej: “Viċi Direttur
Id-Direttur jista’ jassenja l-funzjoni ta’ Viċi Direttur lil wieħed mill-kapijiet tal-unità eżistenti fis-Segretarjat. Id-Direttur għandu jiddefinixxi l-kamp ta’ applikazzjoni tal-funzjoni ta’ Deputat Direttur.”
(3)Fit-Taqsima 4.6. (“Sostitut”), l-ittra li ġejja għandha tiddaħħal wara l-ittra b):
“c) Id-Direttur m’għandux ikun sostitut tal-Kap tal-Amministrazzjoni u l-Finanzi għal aktar minn 6 xhur.”
Artikolu 3
Emendi għall-Att Proċedurali Nru 2006/02/MC-EnC dwar l-adozzjoni tar-Regoli għar-Reklutaġġ, il-Kundizzjonijiet tax-Xogħol u l-Ekwilibriju Ġeografiku tal-Persunal tas-Segretarjat tal-Komunità tal-Enerġija, kif emendat bl-Att Proċedurali Nru 2016/01/MC-EnC
(1)It-Taqsima II.1 għandha tiġi emendata biex tinqara kif ġej:
“II.1. Id-Direttur tas-Segretarjat għandu jinħatar permezz ta’ Att Proċedurali tal-Kunsill Ministerjali fuq proposta mill-Kummissjoni Ewropea għal terminu fiss ta’ ħames snin li jista’ jiġġedded mhux aktar minn darba.”
(2)It-tieni sentenza għandha tiddaħħal fit-Taqsima II.10 bit-test li ġej:
“L-abbozz tal-Att tal-Ħatra għandu jiġi inkluż fl-anness tad-deċiżjoni tal-Kunsill Ministerjali dwar il-ħatra tad-Direttur”.
(3)Taqsima II.bis ġdida għandha tiddaħħal wara t-Taqsima II bit-test li ġej: “Taqsima II.bis
Viċi Direttur
Id-Direttur jista’ jassenja l-funzjoni ta’ Viċi Direttur lil wieħed mill-kapijiet tal-unità eżistenti fis-Segretarjat. Id-Direttur għandu jiddefinixxi l-kamp ta’ applikazzjoni tal-funzjoni ta’ Deputat Direttur.”
(4)It-Taqsima III.2 għandha tiġi emendata biex tinqara kif ġej:
“III.2 Il-Kunsill Ministerjali għandu jadotta l-Organigramma tas-Segretarjat, u kwalunkwe bidla sussegwenti, abbażi ta’ proposta tad-Direttur tas-Segretarjat.”
Artikolu 4
Dħul fis-seħħ
(1)Dan l-Att Proċedurali għandu jidħol fis-seħħ mal-adozzjoni.
(2)Skont l-Artikoli 2(1) u 3(1) ta’ dan l-Att Proċedurali, l-ewwel mandat tad-Direttur attwali tas-Segretarjat għandu jiġi estiż minn tliet snin għal ħames snin. L-Artikolu 3(2) ta’ dan l-Att Proċedurali ma għandux japplika għad-Direttur attwali tas-Segretarjat.
Magħmul fi..., fi....
Għall-Presidenza
…..........................
ADDENDUM 2 TAL-ANNESS I
Il-65 PHLG/Anness/8a/06–09–2022
ATT PROĊEDURALI TAL-KUNSILL MINISTERJALI TAL-KOMUNITÀ TAL-ENERĠIJA
2022/..../MC-EnC li jemenda l-Att Proċedurali tal-Kunsill Ministerjali 2008/01/MC-EnC tas-27 ta’ Ġunju 2008 dwar ir-Regoli ta’ Proċedura għas-Soluzzjoni tat-Tilwim skont it-Trattat, kif emendat
Il-Kunsill Ministerjali tal-Komunità tal-Enerġija,
Wara li kkunsidra t-Trattat li jistabbilixxi l-Komunità tal-Enerġija (“it-Trattat”), u b’mod partikolari l-Artikoli 47(c), 82, 83, 86 u 87 tiegħu,
Wara li kkunsidra l-Att Proċedurali tal-Kunsill Ministerjali 2008/01/MC-EnC tas-27 ta’ Ġunju 2008 dwar ir-Regoli ta’ Proċedura għas-Soluzzjoni tat-Tilwim skont it-Trattat, kif emendat mill-Att Proċedurali tal-Kunsill Ministerjali 2015/04/MC-EnC tas-16 ta’ Ottubru 2015 (“l-Att Proċedurali dwar il-Proċeduri għas-Soluzzjoni tat-Tilwim”),
Billi l-Artikolu 32 tal-Att Proċedurali dwar il-Proċeduri għas-Soluzzjoni tat-Tilwim jistabbilixxi Kumitat Konsultattiv li jikkonsisti minn ħames membri ta’ livell għoli li l-indipendenza tagħhom mhix iddubitata, biex jagħti opinjonijiet dwar talbiet motivati mressqa mis-Segretarjat skont l-Artikolu 90 tat-Trattat,
Billi l-Kunsill Ministerjali fl-2020 enfasizza l-kontribut siewi tal-Kumitat Konsultattiv għall-istat tad-dritt u l-infurzar indipendenti fil-Komunità tal-Enerġija,
Billi r-rimborż u r-remunerazzjoni tagħhom mill-baġit tal-Komunità tal-Enerġija jenħtieġ li jkunu bbażati fuq dispożizzjoni espliċita fl-Att Proċedurali dwar il-Proċeduri għas-Soluzzjoni tat-Tilwim,
Billi l-iskadenzi għas-sottomissjoni ta’ Talbiet għal Deċiżjoni lill-Kunsill Ministerjali jenħtieġ li jiġu ssimplifikati ma’ dawk stipulati fir-Regoli ta’ Proċedura tal-Kunsill Ministerjali u l-Grupp Permanenti ta’ Livell Għoli,
Billi l-Grupp Permanenti ta’ Livell Għoli, fil-laqgħa tiegħu tal-20 ta’ April 2022 iddiskuta l-Att Proċedurali attwali u ppropona lill-Kunsill Ministerjali biex jadottah permezz ta’ korrispondenza,
Fuq proposta mis-Segretarjat,
JADOTTA L-ATT PROĊEDURALI LI ĠEJ:
Artikolu 1
Il-paragrafu addizzjonali li ġej huwa inkluż fl-Artikolu 32 tal-Att Proċedurali dwar il-Proċeduri għas-Soluzzjoni tat-Tilwim:
“(7) il-membri tal-Kumitat Konsultattiv għandhom ikunu eliġibbli għal rimborż għall-kostijiet imġarrba fit-twettiq tal-kompiti tagħhom, u għandhom jiġu remunerati f’konformità mar-Regoli ta’ Rimborż applikabbli.”
Artikolu 2
Fil-paragrafu 4 tal-Artikolu 40, il-kelmiet “mill-inqas 60 jum qabel il-laqgħa rispettiva” għandhom jiġu sostitwiti mill-kelmiet “mill-inqas tliet xhur qabel il-laqgħa rispettiva.”
Artikolu 3
Dan l-Att Proċedurali għandu jidħol fis-seħħ mal-adozzjoni. Għandu jiġi ppubblikat fuq is-sit web tal-Komunità tal-Enerġija.
Magħmul permezz ta’ korrispondenza fi... 2022
Għall-Presidenza
ADDENDUM 3 TAL-ANNESS I
65 PHLG/Anness 8b/06–09–2022
ATT PROĊEDURALI 2022/xx/MC-EnC TAL-KUNSILL MINISTERJALI TAL-KOMUNITÀ TAL-ENERĠIJA
dwar l-adozzjoni tal-Organigramma tas-Segretarjat
Il-Kunsill Ministerjali tal-Komunità tal-Enerġija,
Wara li kkunsidra t-Trattat li Jistabbilixxi l-Komunità tal-Enerġija (it-Trattat), u b’mod partikolari l-Artikoli 67 u 68 tiegħu,
Wara li kkunsidra l-Att Proċedurali 2006/02/MC-EnC tas-17 ta’ Novembru 2006 dwar l-adozzjoni tar-Regoli għar-Reklutaġġ, il-Kundizzjonijiet tax-Xogħol u l-Ekwilibriju Ġeografiku tal-Persunal tas-Segretarjat tal-Komunità tal-Enerġija, kif emendat, u b’mod partikolari l-Partita III. 2 tiegħu,
Billi;
(1)Il-Kunsill Ministerjali għandu jadotta l-Organigramma tas-Segretarjat, abbażi ta’ proposta tad-Direttur tas-Segretarjat;
(2)L-organizzazzjoni tas-Segretarjat applikabbli bħalissa tmur lura għall-2007 u jenħtieġ li tiġi aġġornata
Wara li kkunsidra l-proposta magħmula mid-Direttur tas-Segretarjat,
ADOTTA DAN L-ATT PROĊEDURALI:
Artikolu Uniku
(1)L-organizzazzjoni tas-Segretarjat annessa ma’ dan l-Att Proċedurali hija b’dan adottata.
(2)Dan l-Att Proċedurali għandu jidħol fis-seħħ fil-jum tal-adozzjoni tiegħu.
Għall-Kunsill Ministerjali
Presidenza
Anness: Organizzazzjoni tas-Segretarjat
ANNESS II
Il-GRUPP PERMANENTI TA’ LIVELL GĦOLI (PHLG)
Id-Deċiżjoni 2022/…/PHLG-EnC li tadatta u timplimenta r-Regolament tal-Kummissjoni (UE) 2022/132 tat-28 ta’ Jannar 2022 li jemenda r-Regolament (KE) Nru 1099/2008 tal-Parlament Ewropew u tal-Kunsill rigward l-implimentazzjoni tal-aġġornamenti għall-istatistika annwali, ta’ kull xahar, u fuq żmien qasir dwar l-enerġija
Il-pożizzjoni li għandha tiġi adottata f’isem l-Unjoni Ewropea hija li jiġi approvat l-abbozz tad-Deċiżjoni f’konformità mad-Deċiżjoni tal-Kummissjoni tal-14/10/2022 dwar l-istabbiliment ta’ proposta li għandha tiġi ppreżentata mill-Kummissjoni lill-Grupp Permanenti ta’ Livell tal-Komunità tal-Enerġija (PHLG) għal Deċiżjoni tal-PHLG li jadatta u jimplimenta r-Regolament tal-Kummissjoni (UE) 2022/132 tat-28 ta’ Jannar 2022 li jemenda r-Regolament (KE) Nru 1099/2008 tal-Parlament Ewropew u tal-Kunsill, rigward l-implimentazzjoni tal-aġġornamenti għall-istatistika annwali, ta’ kull xahar, u fuq żmien qasir dwar l-enerġija [C(2022) 7197 final].
