IL-KUMMISSJONI EWROPEA

Brussell, 27.4.2022

COM(2022) 658 final

2022/0132(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolamenti (KE) Nru 767/2008, (KE) Nru 810/2009 u (UE) 2017/2226 tal-Parlament Ewropew u tal-Kunsill, ir-Regolamenti tal-Kunsill (KE) Nru 1683/95, (KE) Nru 333/2002, (KE) Nru 693/2003 u (KE) Nru 694/2003 u l-Konvenzjoni li timplimenta l-Ftehim ta’ Schengen, fir-rigward tad-diġitalizzazzjoni tal-proċedura tal-viża

{SEC(2022) 202 final} - {SWD(2022) 658 final} - {SWD(2022) 659 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

·Il-proċess twil u l-ispejjeż li jakkumulaw għall-konsulati biex jimmaniġġjaw, jipproċessaw u jarkivjaw (u eventwalment jeqirdu) dokumenti stampati. Id-dipendenza tal-Istati Membri fuq fornituri esterni tas-servizzi biex jissodisfaw l-obbligi tagħhom relatati mal-ġestjoni tal-viżi f’kuntest ta’ żieda fl-applikazzjonijiet għal viża u l-obbligu għaċ-ċittadini ta’ pajjiżi terzi li jżuru l-konsulat jew ċentru tal-applikazzjoni għall-viża kull darba li jkollhom bżonn japplikaw. Bħala medja, 90 % tal-applikazzjonijiet għal viżi għal soġġorn qasir jiġu sottomessi permezz ta’ fornituri esterni tas-servizzi. Dan jinvolvi wkoll kuntratti fuq skala kbira u spejjeż ta’ monitoraġġ u spejjeż addizzjonali għall-applikanti għal viża.

·Il-proċess ibbażat fuq il-karta ma huwiex reżistenti għat-theddid jew għar-riskji. Il-pandemija tal-COVID-19 kellha impatt sostanzjali fuq il-proċedura tal-viża, minħabba li sistematikament tirrikjedi l-preżenza fiżika tal-applikant f’konsulat jew fornitur estern tas-servizzi fi stadji ewlenin tal-proċedura tal-applikazzjoni għal viża ta’ Schengen.

·L-istiker tal-viża fiżika hija suxxettibbli għal falsifikazzjoni u frodi (eż. falsifikazzjoni u kontrafazzjoni), u jeħtieġ li tiġi ttrasportata u maħżuna b’mod sigur 20 .

·Riskju akbar ta’ ‘visa shopping’ mill-applikanti. L-applikanti jistgħu jitħajru japplikaw għal viża fi Stat Membru li joffri proċess rapidu ta’ applikazzjoni għal viża, minflok fl-Istat Membru li fil-fatt ikunu jridu jżuru.

·L-applikanti għall-viża għandhom jivvjaġġaw lejn l-eqreb konsulat jew ċentru tal-applikazzjoni għall-viża għal kull applikazzjoni u jħallu d-dokument tal-ivvjaġġar warajhom, li jagħmilha aktar diffiċli biex jidentifikaw lilhom infushom u biex jivvjaġġaw barra mill-pajjiż matul il-proċess tal-applikazzjoni.

·Il-vjaġġaturi frekwenti jeħtieġ li jirrepetu l-istess proċedura twila għal kull applikazzjoni, li tista’ tvarja skont l-Istat Membru tad-destinazzjoni.

·L-applikanti jħallsu wkoll tariffi addizzjonali meta japplikaw permezz ta’ fornitur estern tas-servizzi.

•Konsistenza mad-dispożizzjonijiet eżistenti fil-qasam ta’ politika

·Ir-reviżjoni tal-Kodiċi dwar il-Viżi fl-2020, li għamlitha aktar faċli għall-vjaġġaturi regolari biex japplikaw għal viżi b’validità itwal u ppermettiet applikazzjonijiet elettroniċi għall-viża (użati minn ftit Stati Membri) u firma elettronika (li sa issa għadha ma ntużatx mill-Istati Membri).

·Ir-Regolament dwar is-Sistema ta’ Informazzjoni dwar il-Viża (VIS) rivedut reċentement 22 .

·Is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) 23 , li hija parti mill-qafas tal-Fruntieri Intelliġenti u tal-interoperabbiltà u tintroduċi awtorizzazzjoni għall-ivvjaġġar online għal ċittadini ta’ pajjiżi terzi li ma jeħtiġux viża. Din l-awtorizzazzjoni għall-ivvjaġġar hija differenti mill-proċedura tal-viża, li tirrikjedi s-sottomissjoni tal-bijometrika u l-preżenza fiżika tal-applikanti biex jittaffew ir-riskji ogħla tal-migrazzjoni u tas-sigurtà ta’ pajjiżi terzi li jeħtieġu l-viża.

·Is-Sistema ta’ Dħul/Ħruġ (EES), li se tkun operattiva fl-2022 u se tirrikjedi li kull vjaġġatur li jżur iż-żona Schengen għal soġġorni qosra jirreġistra d-dħul u l-ħruġ tiegħu fil-punti ta’ qsim tal-fruntieri esterni li jippermettu d-detezzjoni ta’ persuni bl-awtorizzazzjoni għas-soġġorn skaduta 24 .

·Din il-proposta hija mingħajr preġudizzju għad-Direttiva 2004/38/KE 25 . Il-proposta bl-ebda mod ma temenda d-Direttiva 2004/38.

·Din il-proposta hija mingħajr preġudizzju għat-Tieni Parti tal-Ftehim dwar il-Ħruġ bejn l-UE u r-Renju Unit 26 .

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

L-Aġenzija għad-Drittijiet Fundamentali, kif ukoll l-awtoritajiet nazzjonali għall-protezzjoni tad-data, enfasizzaw il-ħtieġa li jaderixxu mal-prinċipji tal-protezzjoni tad-data ta’ “limitazzjoni tal-iskop” u “minimizzazzjoni tad-data” meta tinġabar data personali, l-importanza li jiġu definiti b’mod ċar liema awtoritajiet għandhom aċċess għal liema data u l-ħtieġa li l-proċess ta’ applikazzjoni diġitali jkun aċċessibbli għall-persuni b’diżabilità.

Ir-riżultati ta’ konsultazzjoni pubblika li saret minn Marzu sa Ġunju 2021 juru wkoll appoġġ qawwi ħafna għall-proċess ta’ diġitalizzazzjoni, kemm fir-rigward tal-viża diġitali, kif ukoll fir-rigward tal-possibbiltà li tapplika online (515-il tweġiba). Kemm l-introduzzjoni ta’ pjattaforma ta’ applikazzjoni online kif ukoll ta’ viża diġitali huma meqjusa bħala żviluppi pożittivi ħafna li jiffaċilitaw il-proċedura ta’ applikazzjoni għal viża għal soġġorn qasir u l-ivvjaġġar lejn l-UE għad-detenturi tal-viża.

•Ġbir u użu tal-għarfien espert

•Valutazzjoni tal-impatt

Mill-perspettiva tas-sigurtà taż-żona Schengen, proċess ta’ applikazzjoni għal viża diġitali ttrattat permezz ta’ pjattaforma tal-UE ta’ applikazzjoni għal viża u li jiddependi fuq il-viża diġitali jsaħħaħ is-sigurtà tal-proċess ġenerali, jikkontribwixxi għas-sigurtà tal-fruntieri esterni ta’ Schengen, u jżid il-fiduċja fost l-Istati Membri. Dan jippermetti wkoll id-determinazzjoni parzjalment awtomatizzata tal-Istat Membru li huwa kompetenti biex jivvaluta l-applikazzjoni għal viża, abbażi tal-kriterji tal-Kodiċi dwar il-Viżi, biex b’hekk jitnaqqas b’mod sinifikanti r-riskju ta’ “visa shopping”.

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRAJN

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

L-Artikolu 1 tal-proposta jimmodifika d-dispożizzjonijiet tar-Regolament (KE) Nru 810/2009 (il-Kodiċi dwar il-Viżi) biex jimplimenta l-proposta, billi jagħmel il-modifiki notevoli li ġejjin, flimkien ma’ għadd ta’ emendi konsegwenzjali oħra:

·L-istatus speċjali tal-applikanti għal viża li huma membri tal-familja ta’ ċittadini tar-Renju Unit li huma benefiċjarji tal-Ftehim dwar il-Ħruġ bejn l-UE u r-Renju Unit fir-rigward tal-Istat ospitanti tagħhom, bis-saħħa tal-Artikolu 14(3) tal-Ftehim dwar il-Ħruġ bejn l-UE u r-Renju Unit, huwa rifless fl-Artikolu 1 u fit-test kollu;

·L-Artikolu 5 jistabbilixxi r-regola li tiddetermina l-Istat Membru kompetenti biex jeżamina applikazzjoni;

·L-Artikolu 9 jintroduċi l-obbligu ta’ applikazzjoni permezz ta’ pjattaforma diġitali tal-UE għall-applikazzjoni għal viża, filwaqt li fl-istess ħin tinżamm il-possibbiltà li jiġu indirizzati ċerti eċċezzjonijiet, jiġifieri viżi maħruġa fil-fruntiera esterna, viżi maħruġa għal Kapijiet ta’ Stat jew ta’ Gvern, u każijiet individwali minħabba raġunijiet umanitarji;

·L-Artikolu 10 jipprevedi r-regoli ġenerali għall-preżentazzjoni ta’ applikazzjoni, b’xi adattamenti biex jiġi żgurat li r-regoli jistgħu japplikaw għal kuntest diġitali;

·L-Artikolu 12 jiddeskrivi li d-dokument tal-ivvjaġġar se jkollu jiġi ppreżentat mal-ewwel applikazzjoni, filwaqt li wara se tkun biżżejjed kopja skennjata mtella’ fuq il-pjattaforma tal-applikazzjoni tal-UE;

·Ir-regoli previsti fl-Artikolu 13 dwar l-identifikaturi bijometriċi jinżammu fis-seħħ, u jsiru biss bidliet immirati biex jirriflettu l-funzjonalitajiet tal-pjattaforma tal-applikazzjonijiet diġitali tal-UE b’mod partikolari l-użu tal-gateway tal-fornitur estern tas-servizzi meta l-bijometrika tinġabar minn tali fornituri;

·L-Artikolu 18 huwa modifikat sabiex jirrifletti l-kontroll minn qabel tal-kompetenza awtomatizzata u tal-ammissibbiltà mwettqa mill-pjattaforma tal-UE ta’ applikazzjoni għal viża;

·L-Artikolu 19 jiġi emendat biex jadatta r-regoli ta’ ammissibbiltà għall-użu tal-pjattaforma tal-UE ta’ applikazzjoni għal viża, b’mod partikolari l-inklużjoni ta’ kontroll minn qabel tal-ammissibbiltà mwettaq mill-pjattaforma tal-UE ta’ applikazzjoni għal viża;

·Ir-regoli stabbiliti fl-Artikolu 24 dwar il-ħruġ ta’ viżi għal dħul multiplu huma miżmuma. Madankollu, bħala konsegwenza tad-dematerjalizzazzjoni tal-viżi, il-validità tal-viża mhux se tibqa’ limitata sad-data tal-iskadenza tal-passaport;

·L-Artikolu 26a jiddeskrivi li l-viżi se jinħarġu f’format diġitali fis-Sistema ta’ Informazzjoni dwar il-Viża.

L-Artikolu 2 jimplimenta l-pjattaforma tal-UE ta’ applikazzjoni għal viża, billi jipproponi sensiela ta’ bidliet fir-Regolament (KE) Nru 767/2008 (ir-Regolament VIS). Qed isiru l-modifiki notevoli li ġejjin, flimkien ma’ għadd ta’ emendi konsegwenzjali oħra:

·L-Artikolu 2a jintroduċi l-pjattaforma online tal-UE ta’ applikazzjoni għal viża bħala funzjonalità ġdida fis-Sistema ta’ Informazzjoni dwar il-Viża;

·Huwa introdott kapitolu Ia ġdid, li jistabbilixxi l-funzjonalitajiet tal-pjattaforma tal-UE ta’ applikazzjoni għal viża: li jiddeskrivi l-informazzjoni li għandha tiġi inkluża fil-formola tal-applikazzjoni online, filwaqt li jibni fuq l-informazzjoni attwalment meħtieġa mill-applikanti (l-Artikolu 7b); li jelenka l-passi li għandhom jittieħdu mill-applikanti biex jippreżentaw applikazzjoni fuq il-pjattaforma, li jirriflettu l-mudell tal-ETIAS u l-proċess eżistenti ta’ applikazzjoni għal viża (l-Artikolu 7c); li jintroduċi l-għodda tal-ħlas u tal-ħatra (l-Artikolu 7d); li jistabbilixxi portal li jippermetti aċċess għall-qari biss għad-data tal-VIS għall-Fornituri ta’ Servizzi Esterni (l-Artikolu 7e); li jispjega kif se tittieħed in-notifika tad-deċiżjonijiet, anke skont il-mudell tal-ETIAS (l-Artikolu 7f).

·L-Artikolu 7b jipprevedi dispożizzjonijiet speċifiċi dwar l-użu tal-pjattaforma tal-applikazzjoni tal-UE minn membri tal-familja ta’ ċittadini tal-Unjoni jew ta’ ċittadini oħra ta’ pajjiżi terzi li jgawdu mid-dritt ta’ moviment liberu skont id-dritt tal-Unjoni jew ta’ ċittadini tar-Renju Unit li huma benefiċjarji tal-Ftehim dwar il-Ħruġ bejn l-UE u r-Renju Unit.

L-Artikolu 3 jemenda r-Regolament tal-Kunsill (KE) Nru 1683/95 (ir-Regolament dwar l-Istiker tal-Viża) biex jimplimenta l-viża diġitali billi jispeċifika li l-Istati Membri li jimplimentaw l-acquis ta’ Schengen b’mod sħiħ għandhom joħorġu viżi f’format diġitali.

L-Artikolu 4 jemenda r-Regolament tal-Kunsill (KE) Nru 333/2002 (format uniformi għall-formoli għat-twaħħil tal-viża maħruġa mill-Istati Membri lil persuni li jkollhom dokumenti tal-ivvjaġġar mhux rikonoxxuti mill-Istat Membru li jfassal il-formola). Bl-introduzzjoni ta’ viżi diġitali li mhumiex imwaħħla ma’ dokument tal-ivvjaġġar, ma għadux meħtieġ li jkun hemm formola speċjali għat-twaħħil ta’ viżi mill-awtoritajiet ta’ Stat Membru lid-detentur ta’ dokument tal-ivvjaġġar li mhuwiex rikonoxxut minn dak l-Istat Membru.

L-Artikolu 5 jipprevedi emendi mmirati għar-Regolament tal-Kunsill (KE) Nru 694/2003 dwar formati uniformi għal Dokumenti ta’ Tranżitu Faċilitat (FTD) u Dokumenti ta’ Tranżitu Faċilitat bil-Ferrovija (FRTD). Sabiex tiġi riflessa d-diġitalizzazzjoni, huwa speċifikat li tali dokumenti se jinħarġu f’format diġitali.

L-Artikolu 6 jemenda l-Konvenzjoni li timplimenta l-Ftehim ta’ Schengen. Peress li l-format għall-viżi għal soġġorn qasir, kif stabbilit mir-Regolament tal-Kunsill (KE) Nru 1683/95, jintuża wkoll għal viżi għal soġġorn twil. Għalhekk, il-Konvenzjoni li timplimenta l-Ftehim ta’ Schengen hija emendata biex tippermetti li l-viżi għal soġġorn twil jinħarġu wkoll f’format diġitali.

L-Artikolu 7 jemenda r-Regolament tal-Kunsill (KE) Nru 693/2003 (dwar Dokumenti ta’ Transitu Faċilitat (FTD) u Dokumenti ta’ Transitu Faċilitat bil-Ferroviji (FRTD). Il-proċedura ta’ applikazzjoni għal dawn id-dokumenti hija bbażata fuq il-karti. Sabiex jiġu riflessi l-iżviluppi tad-diġitalizzazzjoni, ir-Regolament tal-Kunsill (KE) Nru 693/2003 u r-Regolament tal-Kunsill (KE) Nru 694/2003 huma emendati biex jippermettu l-ħruġ f’format diġitali, kif ukoll applikazzjonijiet diġitali.

L-Artikolu 8 jipprevedi emendi tekniċi mmirati għar-Regolament (UE) 2017/2226 (ir-Regolament dwar is-Sistema ta’ Dħul/Ħruġ), li jsiru meħtieġa bl-introduzzjoni tal-viża diġitali u l-abolizzjoni tal-istiker tal-viża fiżika, b’mod partikolari t-trasferiment ta’ data mill-VIS għall-EES meta viża valida tkun ġiet ikkonfermata f’dokument tal-ivvjaġġar ġdid.

L-Artikolu 9 jipprevedi dispożizzjonijiet standard dwar l-evalwazzjoni tal-pjattaforma tal-applikazzjoni tal-UE.

L-Artikolu 10 jistabbilixxi dispożizzjonijiet dwar il-bidu tal-operazzjonijiet tal-pjattaforma tal-applikazzjoni tal-UE u l-viża diġitali. Jipprevedi wkoll perjodu ta’ tranżizzjoni għall-Istati Membri li ma jixtiqux jagħmlu użu mill-pjattaforma tal-UE ta’ applikazzjoni għal viża, u jiddeskrivi l-modalitajiet ta’ dan il-perjodu ta’ tranżizzjoni.

L-Artikolu 11 huwa dispożizzjoni standard dwar id-dħul fis-seħħ tar-regolament emendatorju.

2022/0132 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolamenti (KE) Nru 767/2008, (KE) Nru 810/2009 u (UE) 2017/2226 tal-Parlament Ewropew u tal-Kunsill, ir-Regolamenti tal-Kunsill (KE) Nru 1683/95, (KE) Nru 333/2002, (KE) Nru 693/2003 u (KE) Nru 694/2003 u l-Konvenzjoni li timplimenta l-Ftehim ta’ Schengen, fir-rigward tad-diġitalizzazzjoni tal-proċedura tal-viża

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari, il-punt (a) tal-Artikolu 77(2) u l-punt (a) tal-Artikolu 79(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Il-politika komuni dwar il-viżi tal-Unjoni kienet parti integrali mill-istabbiliment ta’ żona mingħajr fruntieri interni. Jenħtieġ li l-politika dwar il-viżi tibqa’ element essenzjali biex tgħin fil-ġlieda kontra r-riskji għas-sigurtà u r-riskju ta’ migrazzjoni irregolari lejn l-Unjoni, filwaqt li tiffaċilita t-turiżmu u n-negozju. Jenħtieġ li l-politika komuni dwar il-viżi tikkontribwixxi għall-ġenerazzjoni tat-tkabbir u tkun konsistenti ma’ politiki oħrajn tal-Unjoni, bħal dawk li jikkonċernaw ir-relazzjonijiet esterni, il-kummerċ, l-edukazzjoni, il-kultura u t-turiżmu. F’Marzu 2018, il-komunikazzjoni tal-Kummissjoni dwar il-politika dwar il-viżi indirizzat il-kunċett ta’ “viżi elettroniċi” u ħabbret studju tal-fattibbiltà dwar il-proċeduri tal-viża diġitali u l-intenzjoni li jiġu vvalutati l-għażliet u jiġu promossi proġetti pilota biex titħejja t-triq għal proposti futuri. Meta rrevedew il-Kodiċi tal-UE dwar il-Viżi fl-2019, il-Parlament Ewropew u l-Kunsill iddikjaraw b’mod espliċitu l-għan li fil-futur tiġi żviluppata soluzzjoni komuni li tippermetti li l-applikazzjonijiet għal viża ta’ Schengen jiġu ppreżentati online, biex b’hekk isir użu sħiħ mill-iżviluppi legali u teknoloġiċi reċenti 43 .

(2)L-inizjattiva hija konformi mal-approċċ ġenerali tal-UE biex tinkoraġġixxi l-modernizzazzjoni u d-diġitalizzazzjoni tas-servizzi pubbliċi u l-komunikazzjoni tal-Kummissjoni dwar Il-Kumpass Diġitali tal-2030: l-approċċ Ewropew għad-deċennju diġitali 44 . Sa mid-dħul fis-seħħ tar-Regolament (KE) Nru 810/2009 tal-Parlament Ewropew u tal-Kunsill 45 fl-2010 u l-bidu tal-operazzjonijiet tas-Sistema ta’ Informazzjoni dwar il-Viża (VIS) fl-2011 skont ir-Regolament (KE) Nru 767/2008 tal-Parlament Ewropew u tal-Kunsill 46 , l-isfidi tal-migrazzjoni u tas-sigurtà ffaċċjati f’dawn l-aħħar snin ittrasformaw b’mod konsiderevoli l-kuntest tal-politika dwar il-viżi. Barra minn hekk, żviluppi teknoloġiċi sinifikanti jipprovdu opportunitajiet ġodda sabiex il-proċess tal-applikazzjoni għal viża ta’ Schengen isir aktar faċli u aktar effettiv għaċ-ċittadini ta’ pajjiżi terzi u għall-awtoritajiet tal-Istati Membri.

(3)Il-pandemija tal-COVID-19, li wasslet għal tnaqqis fir-ritmu tal-operazzjonijiet tal-viża ta’ Schengen madwar id-dinja, parzjalment minħabba d-diffikultà li jiġu riċevuti applikanti għal viża fil-konsulati u fiċ-Ċentri tal-Applikazzjoni għall-Viża, wasslet lill-Istati Membri biex jitolbu lill-Kummissjoni tħaffef il-ħidma fuq id-diġitalizzazzjoni tal-proċeduri tal-viża.

(4)Il-Patt il-Ġdid dwar il-Migrazzjoni u l-Ażil propost mill-Kummissjoni fit-23 ta’ Settembru 2020 stabbilixxa l-objettiv li l-proċedura tal-viża ssir kompletament diġitalizzata sal-2025, b’viża diġitali u l-kapaċità li jiġu sottomessi applikazzjonijiet għal viża online.

(5)Filwaqt li l-ipproċessar tal-viża diġà huwa parzjalment diġitalizzat, bl-applikazzjonijiet u d-deċiżjonijiet irreġistrati fil-VIS, hemm żewġ passi importanti li għadhom ibbażati fuq il-karta: il-proċess tal-applikazzjoni għall-viża u l-ħruġ tal-viża lill-applikant permezz ta’ stiker tal-viża. Dan joħloq piż għall-partijiet interessati kollha, b’mod partikolari għall-awtoritajiet tal-Istati Membri li joħorġu l-viżi u għall-applikanti għall-viża. L-Istati Membri huma konxji ta’ dan u xi wħud minnhom diġà implimentaw soluzzjonijiet diġitali sabiex jipprovdu lill-applikanti bi proċedura ta’ applikazzjoni moderna u faċli għall-utenti u biex itejbu l-effiċjenza fl-immaniġġjar tal-applikazzjonijiet għall-viża.

(6)Jenħtieġ li l-applikanti għal viża jkunu jistgħu japplikaw għal viża online permezz ta’ pjattaforma unika tal-UE, irrispettivament mill-Istat Membru tad-destinazzjoni. Jenħtieġ li din l-għodda tiddetermina awtomatikament liema Stat Membru huwa kompetenti biex jeżamina applikazzjoni, b’mod partikolari meta l-applikant ikollu l-ħsieb li jżur diversi Stati Membri. L-Istati Membri se jkollhom bżonn jivverifikaw biss jekk l-għodda ddeterminatx l-Istat Membru kompetenti korrett.

(7)Jenħtieġ li l-pjattaforma tal-applikazzjoni online tal-UE tipprovdi lill-applikant b’informazzjoni aġġornata dwar il-viżi ta’ Schengen għal soġġorn qasir u għodda ta’ gwida li biha l-applikant jista’ jsib l-informazzjoni kollha meħtieġa rigward ir-rekwiżiti u l-proċeduri, bħal, iżda mhux limitata għal, jekk hijiex meħtieġa viża u x’tip ta’ viża; l-ammont tat-tariffa tal-viża; l-Istat Membru kompetenti għall-immaniġġjar tal-applikazzjoni; id-dokumenti ta’ sostenn meħtieġa; il-ħtieġa għal appuntament biex tinġabar il-bijometrika jew il-possibbiltà li tapplika online mingħajr appuntament. Jenħtieġ li l-pjattaforma tal-applikazzjoni tal-UE tippermetti wkoll li tiġi stabbilita komunikazzjoni elettronika sigura bejn l-applikant u l-konsulat kompetenti jew l-awtoritajiet ċentrali tal-Istat Membru kompetenti b’mezzi elettroniċi, jekk ikunu meħtieġa dokumenti addizzjonali jew intervista.

(8)Jenħtieġ li l-applikanti għal viża jkunu jistgħu jissottomettu l-applikazzjoni tagħhom, jipprovdu d-data meħtieġa fil-formola tal-applikazzjoni, jipprovdu kopja skennjata tad-dokument tal-ivvjaġġar, u jipprovdu dokumenti ta’ sostenn u assigurazzjoni medika tal-ivvjaġġar f’format diġitali permezz tal-pjattaforma tal-applikazzjoni tal-UE. Sabiex l-applikanti jkunu jistgħu jissejvjaw l-informazzjoni relatata mal-applikazzjoni tagħhom, jenħtieġ li l-pjattaforma tal-applikazzjoni online tkun tista’ taħżen id-data temporanjament. Ladarba l-applikant ikun issottometta l-applikazzjoni online u l-Istati Membri jagħmlu l-verifiki xierqa, il-fajl tal-applikazzjoni jiġi ttrasferit għas-sistema nazzjonali tal-Istat Membru kompetenti u jinħażen hemmhekk. Il-konsulati jikkonsultaw l-informazzjoni maħżuna fil-livell nazzjonali u jimbottaw biss id-data meħtieġa lejn il-VIS ċentrali. 

(9) Jenħtieġ li d-dehra personali fil-konsulat jew għand il-fornitur estern tas-servizzi tkun, fil-prinċipju, obbligatorja biss għall-applikanti għall-ewwel darba u għall-applikanti li jkunu kisbu dokument tal-ivvjaġġar ġdid, li jeħtieġ li jiġi vverifikat, u għall-ġbir ta’ identifikaturi bijometriċi.

(10)Jenħtieġ li l-applikanti ripetuti jkunu jistgħu japplikaw kompletament online fi żmien 59 xahar wara l-applikazzjoni b’suċċess inizjali tagħhom, sakemm japplikaw bl-istess dokument tal-ivvjaġġar. Ladarba jkun għadda dan il-perjodu ta’ żmien, jenħtieġ li l-bijometrika terġa’ tinġabar, kif imsemmi fir-Regolament (KE) Nru 810/2009, li abbażi tiegħu d-data bijometrika għandha, fil-prinċipju, tinġabar kull 59 xahar, li jibdew mid-data tal-ewwel ġbir.

(11)Japplikaw dispożizzjonijiet speċifiċi għal ċittadini ta’ pajjiżi terzi soġġetti għal rekwiżit ta’ viża, li huma membri tal-familja ta’ ċittadini tal-Unjoni li għalihom tapplika d-Direttiva 2004/38/KE tal-Parlament Ewropew u tal-Kunsill 47 jew ta’ ċittadini ta’ pajjiżi terzi li jgawdu mid-dritt ta’ moviment liberu ekwivalenti għal dak ta’ ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, u li ma jkollhomx karta ta’ residenza skont id-Direttiva 2004/38/UE, jew ta’ ċittadini tar-Renju Unit li huma benefiċjarji tal-Ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika 48 (il-Ftehim dwar il-Ħruġ bejn l-UE u r-Renju Unit) b’rabta mal-Istat ospitanti tagħhom, u li ma jkollhomx dokument ta’ residenza skont il-Ftehim dwar il-Ħruġ bejn l-UE u r-Renju Unit.

(12)L-Artikolu 21(1) tat-Trattat dwar il-Funzjonament tal-Unjoni Ewropea jistipula li kull ċittadin tal-Unjoni għandu jkollu d-dritt li jiċċaqlaq u jirrisjedi liberament fit-territorju tal-Istati Membri, soġġett għal-limitazzjonijiet u l-kundizzjonijiet stipulati fit-Trattati u bil-miżuri adottati biex jagħtuhom effett. Il-limitazzjonijiet u l-kundizzjonijiet rispettivi jinsabu fid-Direttiva 2004/38/KE. Kif ikkonfermat mill-Qorti tal-Ġustizzja tal-Unjoni Ewropea, il-membri tal-familja msemmija fil-premessa 11 għandhom id-dritt mhux biss li jidħlu fit-territorju tal-Istat Membru iżda wkoll li jiksbu viża tad-dħul għal dak il-għan. L-Istati Membri jridu jagħtu lil dawn il-persuni kull faċilità biex jiksbu l-viżi meħtieġa, li jridu jinħarġu mingħajr ħlas mill-aktar fis possibbli u abbażi ta’ proċedura aċċellerata u b’kunsiderazzjoni xierqa tas-salvagwardji proċedurali li japplikaw għalihom. F’dan l-isfond, b’mod partikolari, tali membri tal-familja jenħtieġ li jkunu intitolati li jippreżentaw l-applikazzjoni tagħhom għal viża, l-applikazzjoni tagħhom għal konferma ta’ viża valida f’dokument tal-ivvjaġġar ġdid jew l-applikazzjoni tagħhom għall-estensjoni tal-viża tagħhom mingħajr ma jużaw il-pjattaforma tal-applikazzjoni tal-UE, billi dan jista’ jiffaċilita l-applikazzjoni tagħhom għall-viża. F’każ bħal dan, jenħtieġ li huma jkunu intitolati li jagħżlu li jippreżentaw l-applikazzjonijiet tagħhom personalment fil-konsulat jew għand il-fornituri esterni tas-servizzi. Barra minn hekk, jenħtieġ li l-pjattaforma tal-UE ta’ applikazzjoni għal viża online tqis bis-sħiħ id-drittijiet u l-faċilitazzjonijiet mogħtija lill-benefiċjarji tal-acquis dwar il-moviment liberu. L-istess japplika fir-rigward tal-membri tal-familja ta’ ċittadini tar-Renju Unit li huma benefiċjarji tal-Ftehim dwar il-Ħruġ bejn l-UE u r-Renju Unit b’rabta mal-Istat ospitanti tagħhom, bis-saħħa tal-Artikolu 14(3) tal-Ftehim dwar il-Ħruġ bejn l-UE u r-Renju Unit.

(13)Jenħtieġ li japplikaw dispożizzjonijiet speċjali f’każijiet individwali minħabba raġunijiet umanitarji jew għal Kapijiet tal-Istat jew tal-gvern u membri ta’ gvern nazzjonali b’konjuġi li jakkumpanjawhom, u l-membri tad-delegazzjoni uffiċjali tagħhom meta jiġu mistiedna mill-gvernijiet tal-Istati Membri jew minn organizzazzjonijiet internazzjonali għal skop uffiċjali, sovrani u membri għolja oħrajn ta’ familja rjali, meta jiġu mistiedna mill-gvernijiet tal-Istati Membri jew minn organizzazzjonijiet internazzjonali għal skop uffiċjali. 

(14)Dispożizzjonijiet speċjali li jenħtieġ li japplikaw f’każijiet individwali minħabba raġunijiet umanitarji jistgħu jkopru kwistjonijiet ta’ aċċessibbiltà diġitali

(15)Parti terza awtorizzata mill-applikant għal viża jew mogħtija s-setgħa bil-liġi biex tirrappreżentah jenħtieġ li tkun tista’ tippreżenta applikazzjoni f’ismu, sakemm l-identità ta’ din il-persuna tkun inkluża fil-formola tal-applikazzjoni. Jenħtieġ li jkun possibbli għall-vjaġġaturi li jawtorizzaw lill-intermedjarji kummerċjali biex joħolqu u jissottomettu applikazzjoni f’isimhom.

(16)Jenħtieġ li kull applikant jissottometti formola tal-applikazzjoni mimlija bl-użu tal-pjattaforma tal-applikazzjoni tal-UE, inkluża dikjarazzjoni tal-awtentiċità, il-kompletezza, il-korrettezza u l-affidabbiltà tad-data sottomessa u dikjarazzjoni tal-veraċità u l-affidabbiltà tad-dikjarazzjonijiet magħmula. Jenħtieġ li kull applikant jiddikjara wkoll li huwa fehem il-kundizzjonijiet għad-dħul imsemmija fir-Regolament (UE) 2016/399 tal-Parlament Ewropew u tal-Kunsill 49 u li jista’ jintalab jipprovdi d-dokumenti ta’ sostenn rilevanti f’kull dħul. Il-formoli ta’ applikazzjoni għal minorenni jenħtieġ li jiġu sottomessi u ffirmati b’mod elettroniku minn persuna li teżerċita awtorità ta’ ġenitur jew kustodja legali permanenti jew temporanja.

(17)Jenħtieġ li l-ħlas tat-tariffa tal-viża jsir bl-użu ta’ gateway ta’ parti terza konnessa mal-pjattaforma tal-applikazzjoni online u l-pagamenti jiġu ttrasferiti direttament lill-Istat Membru xieraq. Jenħtieġ li d-data meħtieġa biex jiġi żgurat il-ħlas elettroniku ma tkunx tifforma parti mid-data maħżuna fil-VIS. 

(18)Il-pjattaforma tal-applikazzjoni tal-UE se jkun fiha wkoll l-għodda tal-appuntamenti, li l-Istat Membru jista’ jiddeċiedi li juża biex jimmaniġġja l-appuntamenti fil-konsulati tiegħu jew għand il-fornituri esterni tas-servizzi. Filwaqt li l-użu ta’ tali għodda jenħtieġ li jibqa’ fakultattiv, minħabba li jista’ ma jkunx xieraq fil-postijiet kollha u għall-konsulati kollha, madankollu, jenħtieġ li l-Istati Membri jużaw il-kooperazzjoni lokali ta’ Schengen biex jiddiskutu jekk jistax jiġi segwit approċċ armonizzat rigward l-użu tal-għodda tal-appuntamenti f’pajjiżi terzi speċifiċi jew f’postijiet speċifiċi.

(19)Jenħtieġ li s-sistema tinnotifika lill-applikant jekk l-informazzjoni tkun nieqsa u li s-sistema tipprovdi lill-applikant bil-possibbiltà li jikkoreġi l-applikazzjoni. Jenħtieġ li l-pjattaforma tal-applikazzjoni tal-UE tindika lill-applikant dwar l-ammissibbiltà tal-applikazzjoni tiegħu permezz ta’ verifika minn qabel awtomatizzata tal-ammissibbiltà. Jenħtieġ li l-verifika minn qabel tiżgura li l-informazzjoni pprovduta tissodisfa r-rekwiżiti tal-ammissibbiltà għall-viża mitluba.

(20)Fejn il-konsulat kompetenti jew l-awtoritajiet ċentrali tal-Istat Membru kompetenti jsibu li huma responsabbli biex jeżaminaw l-applikazzjoni, jenħtieġ li huma jaċċettawha u li d-data tiġi importata fis-sistema nazzjonali mill-ħażna temporanja kif stabbilita mir-Regolament VIS u titħassar mill-ħażna temporanja bl-eċċezzjoni tad-data ta’ kuntatt.

(21)Jenħtieġ li l-applikanti jiġu nnotifikati bid-deċiżjoni meħuda mill-Istat Membru kompetenti dwar l-applikazzjoni tagħhom b’mezzi elettroniċi, filwaqt li jiġi indikat jekk il-viża tkunx maħruġa; irrifjutata; ikkonfermata għal dokument tal-ivvjaġġar ġdid; estiża; annullata jew irrevokata, f'konformità mar-Regolamenti (KE) Nru 810/2009 u (KE) Nru 767/2008. 

(22)Sabiex jitnaqqsu r-riskji għas-sigurtà relatati mal-istikers tal-viża kontrafatti u misruqa, jenħtieġ li tinħareġ viża f’format diġitali u mhux aktar bħala stiker tal-viża mwaħħla mad-dokument tal-ivvjaġġar.

(23)Sabiex tiġi żgurata s-sigurtà massima u tiġi evitata kontrafazzjoni jew falsifikazzjoni, jenħtieġ li n-notifika ta’ viża diġitali tkun fil-forma ta’ barcode 2D, iffirmata b’mod kriptografiku mill-Awtorità Nazzjonali taċ-Ċertifikazzjoni tal-Firem (‘Country Signing Certificate Authority’ - CSCA) tal-Istat Membru emittenti. F’każ li l-VIS ma tkunx disponibbli jew ma tkunx tista’ tintlaħaq, il-kontrolli jkunu jiddependu fuq barcode 2D mill-awtorità li tiffirma.

(24)F’każ li d-dokument tal-ivvjaġġar tad-detentur tal-viża jintilef, jinsteraq jew ikun skada u l-viża tkun għadha valida, id-detentur tal-viża jista’ japplika permezz tal-pjattaforma tal-applikazzjoni tal-UE għall-konferma tal-viża f’dokument tal-ivvjaġġar ġdid, bil-kundizzjoni li d-dokument tal-ivvjaġġar il-ġdid ikun tal-istess tip u maħruġ mill-istess pajjiż bħad-dokument tal-ivvjaġġar mitluf, misruq jew skadut. Jenħtieġ li d-detentur tal-viża jidher personalment fil-konsulat jew għand il-fornitur estern tas-servizzi biex jippreżenta d-dokument tal-ivvjaġġar il-ġdid sabiex jivverifika l-awtentiċità tad-dokument tal-ivvjaġġar il-ġdid.

(25)Jenħtieġ li d-data maħżuna fil-pjattaforma tal-applikazzjoni tal-UE tiġi ssalvagwardjata bl-użu ta’ miżuri ta’ implimentazzjoni li jsaħħu l-privatezza. 

(26)Jenħtieġ li l-fornituri esterni tas-servizzi jkollhom aċċess għall-pjattaforma tal-applikazzjoni tal-UE biss biex jirkupraw u jirrevedu l-applikazzjonijiet sottomessi; jivverifikaw id-data maħżuna temporanjament (pereżempju, skennjar ta’ dokument tal-ivvjaġġar); jiġbru u jtellgħu identifikaturi bijometriċi; jagħmlu verifiki tal-kwalità tad-dokumenti ta’ sostenn imtellgħin; jikkonfermaw li applikazzjoni ġiet rieżaminata u b’hekk tkun saret disponibbli għall-konsulat għal ipproċessar ulterjuri; jenħtieġ li l-fornituri esterni tas-servizzi ma jkollhomx aċċess għad-data maħżuna fil-VIS. 

(27)Jeħtieġ li tiġi ddeterminata d-data minn meta jibdew l-operazzjonijiet, inklużi l-viża diġitali u l-pjattaforma tal-applikazzjoni tal-UE. Stat Membru jista’, għal perjodu ta’ 5 snin mid-data tal-bidu tal-operazzjonijiet, jiddeċiedi li ma jagħmilx użu mill-pjattaforma tal-applikazzjoni online tal-UE. Madankollu, Stat Membru jista’ jinnotifika li jixtieq jingħaqad mal-pjattaforma tal-applikazzjoni online tal-UE qabel it-tmiem tal-perjodu ta’ tranżizzjoni. Matul il-perjodu tranżizzjonali, jekk l-Istat Membru li jipproċessa l-applikazzjonijiet għall-viża tiegħu jiddeċiedi li ma jużax il-pjattaforma tal-applikazzjoni online tal-UE, id-detenturi tal-viża xorta jkunu jistgħu jivverifikaw il-viżi diġitali billi jużaw is-servizz web tal-pjattaforma tal-applikazzjoni tal-UE.

(28)Il-pjattaforma tal-applikazzjoni tal-UE jenħtieġ li jkun fiha funzjonalità għall-applikanti biex jivverifikaw il-viżi diġitali tagħhom.

(29)L-Istati Membri li ma japplikawx l-acquis ta’ Schengen b’mod sħiħ u, għalhekk, li ma għandhomx aċċess għall-VIS biex idaħħlu l-applikazzjonijiet għal viża u jaħżnu viżi diġitali, jenħtieġ li jkomplu joħorġu viżi fil-forma ta’ format uniformi (stiker).

(30)Sabiex tkun tista’ tiġi applikata d-Deċiżjoni Nru 565/2014/UE, il-Bulgarija, il-Kroazja, Ċipru u r-Rumanija jenħtieġ li jkollhom aċċess għall-qari biss ta’ viżi diġitali maħżuna fil-VIS.

(31)L-Aġenzija tal-Unjoni Ewropea għat-Tmexxija Operattiva tas-Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (eu-LISA) jenħtieġ li tkun responsabbli għall-iżvilupp tekniku u t-tmexxija operattiva tal-pjattaforma tal-applikazzjoni tal-UE u l-komponenti tagħha, bħala parti mill-VIS.

(32)Jenħtieġ li l-arkitettura tas-sistema tal-pjattaforma tal-applikazzjoni tal-UE terġa’ tuża kemm jista’ jkun is-sistemi eżistenti u li ġejjin li huma parti mill-qafas il-ġdid għall-interoperabbiltà u, b’mod partikolari, is-Sistema Ewropea ta’ Informazzjoni ta’ Awtorizzazzjoni għall-Ivvjaġġar (ETIAS) u s-Sistema ta’ Dħul u Ħruġ (EES), filwaqt li tirrispetta l-limitazzjonijiet attwali tat-teknoloġija u l-investimenti attwali magħmula mill-Istati Membri fis-sistemi nazzjonali tagħhom stess.

(33)Jenħtieġ li l-verifika tal-viżi diġitali fil-fruntiera tkun tiddependi fuq l-arkitettura tas-sistema tal-UE eżistenti u li ġejja għall-ġestjoni tal-fruntieri u li tkun tikkonsisti fl-informazzjoni tad-detentur tal-viża maħżuna fil-VIS. Jenħtieġ li din l-informazzjoni tiġi vverifikata b’data bijometrika mill-awtoritajiet tal-Istati Membri.

(34)Il-format għall-viżi għal soġġorn qasir, kif stabbilit mir-Regolament tal-Kunsill (KE) Nru 1683/95 50 , jintuża wkoll għal viżi għal soġġorn twil. Għalhekk, il-Konvenzjoni li timplimenta l-Ftehim ta’ Schengen 51 jenħtieġ li tiġi emendata biex tippermetti li l-viżi għal soġġorn twil jinħarġu wkoll f’format diġitali.

(35)Billi l-introduzzjoni ta’ viżi diġitali tneħħi l-ħtieġa li titwaħħal l-istiker tal-viża fiżika, jenħtieġ li r-Regolament tal-Kunsill (KE) Nru 333/2002 52 li jistabbilixxi l-format uniformi għall-formoli għat-twaħħil tal-viża maħruġa mill-Istati Membri lil persuni li jkollhom dokumenti tal-ivvjaġġar mhux rikonoxxuti mill-Istat Membru jiġi mmodifikat kif xieraq.

(36)Id-Dokumenti ta’ Tranżitu Faċilitat (FTD) u d-Dokumenti ta’ Tranżitu Faċilitat bil-Ferroviji (FRTD) jikkostitwixxu dokumenti li għandhom il-valur ta’ viżi ta’ tranżitu li jawtorizzaw lid-detenturi tagħhom biex jidħlu sabiex jgħaddu mit-territorji tal-Istati Membri f’konformità mad-dispożizzjonijiet tal-acquis ta’ Schengen dwar il-qsim tal-fruntieri esterni. Id-Dokumenti ta’ Tranżitu Faċilitat (FTD) u d-Dokumenti ta’ Tranżitu Faċilitat bil-Ferroviji (FRTD) jinħarġu f’formati uniformi u l-proċedura tal-applikazzjoni hija bbażata fuq il-karta. Sabiex jiġu riflessi l-iżviluppi tad-diġitalizzazzjoni, jenħtieġ li r-Regolament tal-Kunsill (KE) Nru 693/2003 53 u r-Regolament tal-Kunsill (KE) Nru 694/2003 54 jiġu emendati biex jippermettu l-ħruġ f’format diġitali, kif ukoll applikazzjonijiet diġitali.

(37)Sabiex jiġi żgurat li l-formola tal-applikazzjoni u l-formoli ta’ rifjut jaħsbu għall-possibbiltajiet meta applikant għal viża jkun issottometta l-applikazzjoni tiegħu permezz tal-pjattaforma tal-applikazzjoni tal-UE jew le, jenħtieġ li l-Kummissjoni tingħata s-setgħa li tadotta atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea sabiex temenda l-lista ta’ informazzjoni li jenħtieġ li jkun fiha l-pjattaforma tal-applikazzjoni tal-UE u sabiex temenda l-formoli u l-formati standard xierqa. Huwa ta’ importanza partikolari li l-Kummissjoni twettaq konsultazzjonijiet xierqa waqt il-ħidma preparatorja tagħha, inkluż fil-livell tal-esperti, u li dawk il-konsultazzjonijiet isiru f’konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016 55 . B’mod partikolari, sabiex tiġi żgurata parteċipazzjoni ugwali fit-tħejjija ta’ atti delegati, jenħtieġ li l-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija ta’ atti delegati.

(38)Billi l-objettivi ta’ dan ir-Regolament, jiġifieri, l-istabbiliment tal-pjattaforma Ewropea ta’ applikazzjoni għal viża online u l-introduzzjoni ta’ viża diġitali jibnu fuq inizjattivi oħrajn li jimmiraw, minn naħa, li jissimplifikaw u jarmonizzaw il-proċeduri fil-kuntest tal-politika komuni dwar il-viżi u, min-naħa l-oħra, li jallinjaw l-ivvjaġġar, ir-rekwiżiti tad-dħul u l-verifiki fil-fruntieri fiż-Żona Schengen mal-era diġitali l-ġdida, l-emendi tal-leġiżlazzjoni relatata huma possibbli biss fil-livell tal-Unjoni u huma parti mill-acquis ta’ Schengen. L-Unjoni tista’ tadotta miżuri f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jilħaq dawk l-objettivi.

(39)Dan ir-Regolament huwa mingħajr preġudizzju għall-applikazzjoni tad-Direttiva 2004/38/KE u tat-Tieni Parti tal-Ftehim dwar il-Ħruġ bejn l-UE u r-Renju Unit. 

(40)Dan ir-Regolament jirrispetta d-drittijiet fundamentali u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea. L-introduzzjoni ta’ pjattaforma tal-applikazzjoni tal-UE u ta’ viża diġitali se tirrispetta bis-sħiħ id-dritt għall-protezzjoni tad-data personali, ir-rispett tal-ħajja privata u tal-familja, id-drittijiet tat-tfal, u l-protezzjoni ta’ persuni vulnerabbli. Is-salvagwardji kollha dwar id-drittijiet fundamentali inklużi fir-Regolament dwar is-Sistema ta’ Informazzjoni dwar il-Viża se jibqgħu applikabbli bis-sħiħ fil-kuntest tal-pjattaforma futura tal-UE ta’ applikazzjoni għal Viża u tal-viża diġitali, b’mod partikolari fir-rigward tad-drittijiet tat-tfal. Il-pjattaforma se jkollha tqis ir-rekwiżiti stipulati fid-Direttiva dwar l-Aċċessibbiltà 56 sabiex tiżgura aċċess faċli għall-persuni b’diżabilità.

(41)F’konformità mal-Artikoli 1 u 2 tal-Protokoll Nru 22 dwar il-Pożizzjoni tad-Danimarka anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma hijiex qed tieħu sehem fl-adozzjoni ta’ dan ir-Regolament u ma hijiex marbuta bih jew soġġetta għall-applikazzjoni tiegħu. Minħabba li dan ir-Regolament jibni fuq l-acquis ta’ Schengen, id-Danimarka għandha, f'konformità mal-Artikolu 4 ta’ dak il-Protokoll, tiddeċiedi, fi żmien sitt xhur wara li l-Kunsill ikun iddeċieda dwar dan ir-Regolament, jekk tkunx se timplimentah fil-liġi nazzjonali tagħha.

(42)Dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen li fih l-Irlanda ma tiħux sehem 57 ; Għalhekk, l-Irlanda ma hijiex qed tieħu sehem fl-adozzjoni ta’ dan ir-Regolament u ma hijiex marbuta bih jew soġġetta għall-applikazzjoni tiegħu.

(43)Fir-rigward tal-Iżlanda u n-Norveġja, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim konkluż mill-Kunsill tal-Unjoni Ewropea u mir-Repubblika tal-Iżlanda u mir-Renju tan-Norveġja dwar l-assoċjazzjoni ta’ dawk iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen 58 li jaqgħu fi ħdan il-qasam imsemmi fil-punt B tal-Artikolu 1 tad-Deċiżjoni tal-Kunsill 1999/437/KE 59 .

(44)Fir-rigward tal-Iżvizzera, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen 60 li jaqgħu fi ħdan il-qasam imsemmi fil-punt B tal-Artikolu 1 tad-Deċiżjoni 1999/437/KE moqrija flimkien mal-Artikolu 3 tad-Deċiżjoni tal-Kunsill 2008/146/KE 61 .

(45)Fir-rigward tal-Liechtenstein, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen skont it-tifsira tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen 62 li jaqgħu fi ħdan il-qasam imsemmi fil-punt B tal-Artikolu 1 tad-Deċiżjoni 1999/437/KE moqri flimkien mal-Artikolu 3 tad-Deċiżjoni tal-Kunsill 2011/350/UE 63 .

(46)Dan ir-Regolament jikkostitwixxi att li jibni fuq l-acquis ta’ Schengen, jew inkella li huwa relatat miegħu, rispettivament, skont it-tifsira tal-Artikolu 3(2) tal-Att tal-Adeżjoni tal-2003, tal-Artikolu 4(2) tal-Att tal-Adeżjoni tal-2005 u tal-Artikolu 4(2) tal-Att tal-Adeżjoni tal-2011,

(47)Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42 tar-Regolament (UE) 2018/1725 tal-Parlament Ewropew u tal-Kunsill 64 u ta opinjoni fi [XX] 65 .

ADOTTAW DAN IR-REGOLAMENT:

Artikolu 1
Emendi għar-Regolament (KE) Nru 810/2009

Ir-Regolament (KE) Nru 810/2009 huwa emendat kif ġej:

(1)fl-Artikolu 1(2), jiżdied il-punt (ċ) li ġej:

“(ċ) id-drittijiet ta’ residenza li jitgawdew fl-Istat ospitanti minn ċittadini ta’ pajjiżi terzi li huma membri tal-familja ta’ ċittadini tar-Renju Unit li huma stess huma benefiċjarji tal-Ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika* (“Il-Ftehim dwar il-Ħruġ bejn l-UE u r-Renju Unit”).

__________

* Il-Ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7).”;

(2)fl-Artikolu 2, jiddaħħlu l-punti 10a u 10b li ġejjin:

“10a. “formola tal-applikazzjoni” tfisser il-formola uniformi stabbilita fl-Anness I, disponibbli online permezz tal-pjattaforma tal-applikazzjoni tal-UE jew fuq karta;

10b. “viża diġitali” tfisser viżi maħruġa f’format diġitali bħala rekord fil-VIS;”;

(3)fl-Artikolu 3(5), il-punt (d) jiġi sostitwit b’dan li ġej:

“(d) il-membri tal-familja ta’ ċittadini tal-Unjoni msemmija fil-punt (a) tal-Artikolu 1(2), u l-membri tal-familja ta’ ċittadini tar-Renju Unit li huma stess huma benefiċjarji tal-Ftehim dwar il-Ħruġ bejn l-UE u r-Renju Unit imsemmija fil-punt (ċ) tal-Artikolu 1(2);”;

(4)fl-Artikolu 5(1), il-punt (b) jiġi sostitwit b’dan li ġej:

“(b) jekk iż-żjara tinkludi aktar minn destinazzjoni waħda, jew jekk għandhom jitwettqu diversi żjarat separati f’perjodu ta’ xahrejn, l-Istat Membru li t-territorju tiegħu jikkostitwixxi d-destinazzjoni ewlenija taż-żjara(t) f’termini tat-tul tas-soġġorn, magħduda f’jiem;”;

(5)fl-Artikolu 8, jiddaħħal il-paragrafu 4a li ġej:

“4a. L-arranġamenti ta’ rappreżentanza bilaterali għandhom jintwerew fil-pjattaforma tal-applikazzjoni tal-UE msemmija fil-Kapitolu Ia tar-Regolament (KE) Nru 767/2008.”;

(6)l-Artikolu 9 jiġi emendat kif ġej:

(a)jiddaħħlu l-paragrafi 1a u 1b li ġejjin:

“1a. L-applikanti għandhom jippreżentaw applikazzjoni permezz tal-pjattaforma tal-applikazzjoni tal-UE msemmija fil-Kapitolu Ia tar-Regolament (KE) Nru 767/2008.

1b. B’deroga mill-paragrafu 1a, il-kategoriji ta’ persuni li ġejjin jistgħu jippreżentaw applikazzjoni mingħajr ma jużaw il-pjattaforma tal-applikazzjoni tal-UE:

(a)ċittadini ta’ pajjiżi terzi f’każijiet individwali għal raġunijiet umanitarji;

(b)kapijiet tal-Istat jew tal-gvern u membri ta’ gvern nazzjonali akkumpanjati mill-konjuġi tagħhom, u l-membri tad-delegazzjoni uffiċjali tagħhom meta jiġu mistiedna mill-gvernijiet tal-Istati Membri jew minn organizzazzjonijiet internazzjonali għal skop uffiċjali, sovrani u membri għolja oħrajn ta’ familja rjali, meta jiġu mistiedna mill-gvernijiet tal-Istati Membri jew minn organizzazzjonijiet internazzjonali għal skop uffiċjali;

(c)ċittadini ta’ pajjiżi terzi li għalihom jinħarġu viżi fil-fruntiera esterna skont il-Kapitolu VI.”;

(b)fil-paragrafu 4, jiżdied il-punt (d) li ġej:

“(d) minn persuna oħra meta tiġi ppreżentata permezz tal-pjattaforma tal-applikazzjoni tal-UE.”;

(7) L-Artikolu 10 jiġi emendat kif ġej:

(a)il-paragrafu 1 jiġi sostitwit b’dan li ġej:

“1. Meta jippreżentaw applikazzjoni, l-applikanti għandhom, fejn meħtieġ f’konformità mal-Artikolu 13, jidhru personalment biex jipprovdu l-marki tas-swaba’ u l-immaġni tal-wiċċ tagħhom. L-applikanti għandhom jidhru wkoll personalment għall-verifika tad-dokument tal-ivvjaġġar tagħhom f’konformità mal-Artikolu 12.”;

(b)jiddaħħlu l-paragrafi 1a u 1b li ġejjin:

“1a. L-Istati Membri jistgħu, f’każijiet ġustifikati u individwali, jitolbu li l-applikant jippreżenta dokument tal-ivvjaġġar u/jew jipprovdi dokumenti ta’ sostenn. Dan għandu jkun possibbli f’każijiet eċċezzjonali u f’każijiet fejn ikun hemm inċidenza għolja ta’ dokumenti frodulenti f’post partikolari.

1b. Il-konsulati għandhom, fi ħdan il-kooperazzjoni lokali ta’ Schengen, jivvalutaw l-implimentazzjoni tal-kundizzjonijiet stipulati fil-paragrafu 1a, sabiex iqisu ċ-ċirkostanzi lokali.”;

(c)il-paragrafu 3 jiġi sostitwit b’dan li ġej:

“3. Meta jippreżenta l-applikazzjoni, l-applikant għandu:

(a)jipprovdi d-data msemmija fl-Artikolu 11;

(b)jipprovdi prova li għandu d-dokument tal-ivvjaġġar f’konformità mal-Artikolu 12;

(c)jippermetti li l-immaġni ta’ wiċċu tittieħed fuq il-post f’konformità mal-Artikolu 13 jew, fejn japplikaw l-eżenzjonijiet imsemmija fl-Artikolu 13(7a), jippreżenta ritratt f’konformità mal-istandards stabbiliti fir-Regolament (KE) Nru 1683/95;

(d)jippermetti l-ġbir tal-marki tas-swaba’ tiegħu f’konformità mal-Artikolu 13, fejn applikabbli;

(e)iħallas it-tariffa tal-viża f’konformità mal-Artikolu 16;

(f)jipprovdi prova tad-dokumenti ta’ sostenn f’konformità mal-Artikolu 14;

(g)fejn applikabbli, jipprovdi prova tal-pussess ta’ assigurazzjoni medika tal-ivvjaġġar adegwata u valida f’konformità mal-Artikolu 15.”;

(8)L-Artikolu 11 jiġi emendat kif ġej:

(a)il-paragrafu 1 jiġi sostitwit b’dan li ġej:

“1. Il-formola tal-applikazzjoni għandha tiġi ppreżentata permezz tal-pjattaforma tal-applikazzjoni tal-UE. Fil-każijiet imsemmija fl-Artikolu 9(1b), l-applikanti jistgħu jissottomettu formola tal-applikazzjoni mimlija b’mod manwali jew elettroniku stabbilita fl-Anness I.

Il-Kummissjoni għandha tadotta atti delegati f’konformità mal-Artikolu 51a sabiex taġġorna l-formola tal-applikazzjoni kif stabbilita fl-Anness I jew sottomessa permezz tal-pjattaforma tal-applikazzjoni tal-UE.

Il-formola tal-applikazzjoni għandha tiġi ffirmata. Hija tista’ tiġi ffirmata b’mod elettroniku. Il-persuni inklużi fid-dokument tal-ivvjaġġar tal-applikant għandhom jissottomettu formola tal-applikazzjoni separata. Il-minorenni għandhom jissottomettu formola ta’ applikazzjoni ffirmata minn persuna li teżerċita awtorità ta’ ġenitur jew kustodja legali permanenti jew temporanja.”;

(b)jitħassar il-paragrafu 1b;

(c)jiddaħħal il-paragrafu 1ċ li ġej:

“1ċ.    Kull applikant għandu jissottometti formola ta’ applikazzjoni kompluta li tkun tinkludi dikjarazzjoni tal-awtentiċità, il-kompletezza, il-korrettezza u l-affidabbiltà tad-data ppreżentata u dikjarazzjoni tal-veraċità u l-affidabbiltà tad-dikjarazzjonijiet li jkunu saru. Kull applikant għandu jiddikjara wkoll li huwa fehem il-kundizzjonijiet għad-dħul imsemmija fl-Artikolu 6 tar-Regolament (UE) 2016/399 u li jista’ jintalab jipprovdi d-dokumenti ta’ sostenn rilevanti f’kull dħul.”;

(9)L-Artikolu 12 jiġi sostitwit b’dan li ġej:

 “Artikolu 12
Dokument tal-ivvjaġġar

1.L-applikant għandu jipprovdi prova li huwa għandu dokument tal-ivvjaġġar validu li jissodisfa l-kriterji li ġejjin:

(a)il-validità tiegħu għandha testendi mill-inqas tliet xhur wara d-data maħsuba tat-tluq mit-territorju tal-Istati Membri jew, fil-każ ta’ diversi żjarat, wara l-aħħar data maħsuba tat-tluq mit-territorju tal-Istati Membri. Madankollu, f’każ ġustifikat ta’ emerġenza, dan l-obbligu jista’ jiġi rrinunzjat;

(b)huwa għandu jkun inħareġ fl-10 snin preċedenti.

2.L-applikant għandu jkun meħtieġ jippreżenta d-dokument tal-ivvjaġġar personalment biss f’każ tal-ewwel applikazzjoni b’dak id-dokument tal-ivvjaġġar, jew jekk l-applikant ikollu bżonn jipprovdi l-bijometrika.

L-ewwel subparagrafu ma għandux jaffettwa l-applikazzjoni tal-Artikolu 10(1a).

3.Id-dokumenti tal-ivvjaġġar għandhom jiġu vverifikati bl-użu tat-teknoloġija xierqa.

4.Meta l-applikazzjoni tiġi sottomessa permezz tal-pjattaforma tal-applikazzjoni tal-UE, il-konsulat jew il-fornitur estern tas-servizzi għandu jivverifika li d-dokument tal-ivvjaġġar ippreżentat, li jiġi ppreżentat personalment f’konformità mal-paragrafu 2, ikun jikkorrespondi għall-kopja skennjata mtellgħa mill-applikant.

Jekk il-verifika ssir mill-fornitur estern tas-servizzi, il-fornitur estern tas-servizzi għandu juża l-portal tal-fornitur estern tas-servizzi msemmi fl-Artikolu 7e tar-Regolament (KE) Nru 767/2008.

5.Fejn il-kwalità tal-kopja skennjata msemmija fil-paragrafu 4 ma tkunx sodisfaċenti jew fejn ikun hemm dubji, notevolment fir-rigward tal-awtentiċità, il-konsulat kompetenti jew il-fornitur estern tas-servizzi għandu jieħu skennjar ġdid u jtellgħu fuq il-pjattaforma tal-applikazzjoni tal-UE.”;

(10)fl-Artikolu 13, jiżdied il-paragrafu 7ċ li ġej:

“7ċ. Meta l-identifikaturi bijometriċi jinġabru minn fornitur estern tas-servizzi f’konformità mal-Artikolu 43, il-portal tal-fornitur estern tas-servizzi msemmi fl-Artikolu 7e tar-Regolament (KE) Nru 767/2008 għandu jintuża għal dan l-iskop.”;

(11)L-Artikolu 14 jiġi emendat kif ġej:

(a)fil-paragrafu 1, il-kliem introduttorju jiġi sostitwit b’dan li ġej:

“Meta japplika għal viża uniformi, l-applikant għandu jipprovdi prova ta’:”;

(b)fil-paragrafu 2, il-kliem introduttorju jiġi sostitwit b’dan li ġej:

“Meta japplika għal viża għal tranżitu fl-ajruport, l-applikant għandu jipprovdi prova ta’:”;

(12)fl-Artikolu 15(2), it-tieni subparagrafu jiġi sostitwit b’dan li ġej:

“Barra minn hekk, tali applikanti għandhom jiddikjaraw, bħala parti mill-formola tal-applikazzjoni, li huma konxji tal-ħtieġa li jkollhom fil-pussess tagħhom assigurazzjoni medika tal-ivvjaġġar għal soġġorni sussegwenti.”;

(13)fl-Artikolu 16(7), l-ewwel subparagrafu jiġi sostitwit b’dan li ġej:

“Għall-applikazzjonijiet sottomessi permezz tal-pjattaforma tal-applikazzjoni tal-UE, it-tariffa tal-viża għandha tiġi imposta f’euro u ma għandhiex tkun rimborżabbli ħlief fil-każijiet imsemmija fl-Artikolu 18(2) u fl-Artikolu 19(3). ”;

Għal applikazzjoni mhux sottomessa permezz tal-pjattaforma tal-applikazzjoni tal-UE, meta impost f’munita oħra għajr l-euro, l-ammont tat-tariffa tal-viża impost f’dik il-munita għandu jiġi ddeterminat u rivedut regolarment b’applikazzjoni tar-rata tal-kambju ta’ referenza f’euro stabbilita mill-Bank Ċentrali Ewropew. L-ammont impost jista’ jiġi aġġustat għall-eqreb ċifra u għandu jiġi żgurat li jiġu imposti tariffi simili skont il-kooperazzjoni lokali ta’ Schengen.”;

(14)fl-Artikolu 18, jiżdiedu l-paragrafi 3 u 4 li ġejjin:

“3. Għall-applikazzjonijiet sottomessi permezz tal-pjattaforma tal-applikazzjoni tal-UE, wara n-notifika mill-pjattaforma tal-applikazzjoni tal-UE dwar il-verifika minn qabel awtomatizzata tal-kompetenza u tal-ammissibbiltà skont l-Artikolu 7ċ(9) tar-Regolament (KE) Nru 767/2008, il-konsulat jew l-awtoritajiet ċentrali tal-Istat Membru nnotifikati mis-sistema għandhom jivverifikaw jekk humiex kompetenti biex jeżaminawha u jiddeċiedu dwarha.

4. Fil-każijiet imsemmija fil-paragrafu 3, jekk l-Istat Membru jsib li ma huwiex kompetenti, huwa għandu, mingħajr dewmien, jinnotifika lill-applikant billi juża s-servizz ta’ kont sigur fil-pjattaforma tal-applikazzjoni tal-UE, filwaqt li jindika liema Stat Membru huwa kompetenti.

L-applikant jista’ jirtira l-applikazzjoni. Jekk l-applikazzjoni tiġi rtirata, id-data tal-applikazzjoni għandha titħassar mill-ħażna temporanja, skont l-Artikolu 7ċ tar-Regolament (KE) Nru 767/2008”;

(15)L-Artikolu 19 jiġi emendat kif ġej:

(a)jiddaħħal il-paragrafu 1a li ġej:

“1a. Għall-applikazzjonijiet sottomessi permezz tal-pjattaforma tal-applikazzjoni tal-UE, wara n-notifika mill-pjattaforma tal-applikazzjoni tal-UE dwar il-verifika minn qabel tal-ammissibbiltà awtomatizzata skont l-Artikolu 7ċ(9) tar-Regolament (KE) Nru 767/2008, li tindika li l-applikazzjoni hija ammissibbli, il-konsulat jew l-awtoritajiet ċentrali tal-Istat Membru nnotifikati mis-sistema għandhom iwettqu l-verifiki msemmija fil-paragrafu 1 mingħajr dewmien.”;

(b)jiddaħħal il-paragrafu 2b li ġej:

“2b. Għall-applikazzjonijiet sottomessi permezz tal-pjattaforma tal-applikazzjoni tal-UE, fejn il-konsulat kompetenti jew l-awtoritajiet ċentrali tal-Istat Membru kompetenti jsibu li l-kundizzjonijiet imsemmija fil-paragrafu 1 ikunu ġew issodisfati, l-applikazzjoni għandha tkun ammissibbli u l-konsulat kompetenti jew l-awtoritajiet ċentrali tal-Istat Membru kompetenti għandhom jaċċettaw l-applikazzjoni.”;

(c)jiżdied il-paragrafu 4a li ġej:

“4a. Għall-applikazzjonijiet sottomessi permezz tal-pjattaforma tal-applikazzjoni tal-UE, il-konsulat kompetenti jew l-awtoritajiet ċentrali tal-Istat Membru kompetenti għandhom ikunu jistgħu jaċċettaw applikazzjoni li ma tkunx ġiet ippreżentata fil-perjodu msemmi fl-Artikolu 9(1), notevolment fil-każijiet ġustifikati ta’ urġenza msemmija fl-Artikolu 9(3).”;

(16)jitħassar l-Artikolu 20;

(17)L-Artikolu 21 jiġi emendat kif ġej:

(a)fil-paragrafu 3, il-punt (a) jiġi sostitwit b’dan li ġej

“(a) li d-dokument tal-ivvjaġġar ipprovdut jew ippreżentat ma huwiex falz, kontrafatt jew iffalsifikat;”;

(b)fil-paragrafu 6, il-punt (a) jiġi sostitwit b’dan li ġej:

“(a) li d-dokument tal-ivvjaġġar ipprovdut jew ippreżentat ma huwiex falz, kontrafatt jew iffalsifikat;”;

(18)L-Artikolu 24 jiġi emendat kif ġej:

(a)fit-tielet subparagrafu tal-paragrafu 1, ir-referenza għall-“punt (a) tal-Artikolu 12” tiġi sostitwita bir-referenza għall-“Artikolu 12(1), il-punt (a)”;

(b)fl-ewwel subparagrafu tal-paragrafu 2, il-kliem introduttorju jiġi sostitwit b’dan li ġej:

“Sakemm l-applikant jissodisfa l-kundizzjonijiet tad-dħul stabbiliti fil-punti (a), (ċ), (d) u (e) tal-Artikolu 6(1) tar-Regolament (UE) 2016/399, il-viżi għal dħul multiplu b’validità twila għandhom jinħarġu għall-perjodi ta’ validità li ġejjin:”;

(c)jiddaħħal il-paragrafu 2aa li ġej:

“2aa. Il-validità tal-viżi għal dħul multiplu b’perjodi ta’ validità twal ma għandhiex tkun ristretta mill-validità tad-dokument tal-ivvjaġġar”;

(19)fl-Artikolu 25, jiżdied il-paragrafu 6 li ġej:

“6. Il-ħruġ ta’ viża f’format diġitali ma għandux jaffettwa l-kompetenza tal-Istati Membri b’rabta mar-rikonoxximent tad-dokumenti tal-ivvjaġġar. Dan jinkludi dawk id-dokumenti tal-ivvjaġġar li ma jiġux rikonoxxuti minn Stat Membru wieħed jew aktar, iżda mhux mill-Istati Membri kollha.”;

(20)għandu jiddaħħal l-Artikolu 26a li ġej:

“Artikolu 26a
Viżi diġitali

Il-viżi għandhom jinħarġu f’format diġitali bħala rekord fil-VIS, inkluż numru uniku tal-viża. ”;

(21)L-Artikolu 32 jiġi emendat kif ġej:

(a)il-paragrafu 2 jiġi sostitwit b’dan li ġej:

“2. Għall-applikazzjonijiet sottomessi permezz tal-pjattaforma tal-applikazzjoni tal-UE, l-informazzjoni rigward id-deċiżjonijiet dwar ir-rifjut u r-raġunijiet li fuqhom ikun ibbażat għandhom jiġu nnotifikati lill-applikant b’mezzi elettroniċi siguri f’konformità mal-Artikolu 7f(1) tar-Regolament (KE) Nru 767/2008. In-notifika se jkun fiha l-istess informazzjoni kif stabbilita fl-Anness VI, bil-lingwa tal-Istat Membru li jkun ħa d-deċiżjoni finali dwar l-applikazzjoni u b’lingwa uffiċjali oħra tal-Unjoni.

L-Istati Membri jistgħu jżidu dokumenti addizzjonali man-notifika standard, li jiġġustifikaw ir-rifjut.

Għall-applikazzjonijiet mhux sottomessi permezz tal-pjattaforma tal-applikazzjoni tal-UE fil-każijiet imsemmija fl-Artikolu 9(1b), deċiżjoni dwar ir-rifjut u r-raġunijiet li fuqhom tkun ibbażata għandhom jiġu nnotifikati lill-applikant permezz tal-formola standard stabbilita fl-Anness VI bil-lingwa tal-Istat Membru li jkun ħa d-deċiżjoni finali dwar l-applikazzjoni u b’lingwa uffiċjali oħra tal-Unjoni.

Il-Kummissjoni għandha tadotta atti delegati f’konformità mal-Artikolu 51a sabiex temenda l-formola ta’ rifjut, kif stabbilit fl-Anness VI jew bħala notifika msemmija fil-Kapitolu Ia tar-Regolament (KE) Nru 767/2008.”;

(b)fil-paragrafu 3, it-tielet sentenza tiġi sostitwita b’din li ġejja:

“L-Istati Membri għandhom jipprovdu lill-applikanti b’informazzjoni rigward il-proċedura li għandha tiġi segwita f’każ ta’ appell, kif speċifikat fl-Anness VI jew fin-notifika ta’ rifjut mibgħuta permezz tal-pjattaforma tal-applikazzjoni tal-UE”;

(22)għandu jiddaħħal l-Artikolu 32a li ġej:

“Artikolu 32a
Konferma ta’ viża valida f’dokument tal-ivvjaġġar ġdid

1.Id-detenturi tal-viża li d-dokument tal-ivvjaġġar tagħhom ikun intilef, insteraq jew ikun skada u li l-viża tagħhom tkun għadha valida jistgħu japplikaw għall-konferma tal-viża marbuta ma’ dokument tal-ivvjaġġar ġdid.

2.Id-detenturi tal-viża msemmija fil-paragrafu 1 għandhom japplikaw għall-konferma tal-viża f’dokument tal-ivvjaġġar ġdid permezz tal-pjattaforma tal-applikazzjoni tal-UE msemmija fil-Kapitolu Ia tar-Regolament (KE) Nru 767/2008. Huma għandhom jipprovdu d-data personali li ġejja:

(a)l-isem, id-data tat-twelid, in-nazzjonalità;

(b)in-numru tal-viża;

(c)data tad-dokument tal-ivvjaġġar mitluf, misruq jew skadut;

(d)data ta’ dokument tal-ivvjaġġar ġdid;

(e)skennjar tal-paġna tal-bijodata;

(f)prova ta’ telf jew serq tad-dokument tal-ivvjaġġar jew tal-iskadenza tiegħu.

3.Id-detentur tal-viża għandu jħallas it-tariffa tal-konferma tal-viża ta’ EUR 30.

4.Id-detentur tal-viża għandu jkun meħtieġ jidher personalment għall-preżentazzjoni tad-dokument tal-ivvjaġġar il-ġdid sabiex jivverifika li dan id-dokument tal-ivvjaġġar ikun jikkorrespondi għall-kopja skennjata mtellgħa permezz tal-pjattaforma tal-applikazzjoni tal-UE, u li d-detentur tad-dokument tal-ivvjaġġar ikun jikkorrespondi għall-persuna li għaliha tkun inħarġet viża.

5.Id-dokument tal-ivvjaġġar il-ġdid għandu jissodisfa l-kundizzjonijiet stipulati fl-Artikolu 12.

6.Fejn il-konsulat kompetenti jew l-awtoritajiet ċentrali tal-Istat Membru kompetenti jiddeterminaw li l-viża valida tista’ tiġi kkonfermata f’dokument tal-ivvjaġġar ġdid, huma għandhom idaħħlu d-data fil-fajl ta’ applikazzjoni fil-VIS skont l-Artikolu 12a tar-Regolament (KE) Nru 767/2008.

7.Il-fatt li viża tkun ikkonfermata f’dokument tal-ivvjaġġar ġdid għandu jiġi nnotifikat lill-applikant b’mezzi elettroniċi siguri f’konformità mal-Artikolu 7f tar-Regolament (KE) Nru 767/2008.

8.Fejn il-konsulat kompetenti jew l-awtoritajiet ċentrali tal-Istat Membru kompetenti ma jkunux jistgħu jiddeterminaw jekk il-viża valida tistax tiġi kkonfermata f’dokument tal-ivvjaġġar ġdid, notevolment minħabba dubji rigward l-identità tad-detentur tal-viża, huma għandhom:

(a)jirrifjutaw il-konferma;

(b)jirrevokaw il-viża valida, f’konformità mal-Artikolu 34.

9.Il-proċedura rigward il-konferma ta’ viża valida f’dokument tal-ivvjaġġar ġdid ma għandhiex tipprekludi lid-detentur tal-viża milli jissottometti applikazzjoni għal viża ġdida.”;

(23)L-Artikolu 33 jiġi emendat kif ġej:

(a)il-paragrafu 6 jiġi sostitwit b’dan li ġej:

“6. Id-detenturi tal-viża jistgħu japplikaw għal estensjoni online permezz tal-pjattaforma tal-applikazzjoni tal-UE. Huma għandhom jipprovdu data personali, in-numru tal-viża u d-dokument tal-ivvjaġġar, itellgħu dokumenti ta’ sostenn li jagħtu prova ta’ force majeure, raġunijiet umanitarji u/jew raġunijiet personali serji li ma jħalluhomx jitilqu mit-territorju tal-Istati Membri, u jħallsu t-tariffa ta’ EUR 30 biss f’każ ta’ raġunijiet personali serji msemmija fil-paragrafu 2.”;

(b)jiżdied il-paragrafu 8 li ġej:

“8. Meta viża tiġi estiża skont il-paragrafi minn 1 sa 7 ta’ dan l-Artikolu permezz tal-pjattaforma tal-applikazzjoni tal-UE, l-estensjoni għandha tiġi nnotifikata lill-applikant b’mezzi elettroniċi siguri f’konformità mal-Artikolu 7f tar-Regolament (KE) Nru 767/2008.”;

(24)L-Artikolu 34 jiġi emendat kif ġej:

(a)il-paragrafi 5 u 6 jiġu sostitwiti b’dawn li ġejjin:

“5. Jekk viża li ma tinħariġx f’format diġitali tiġi annullata jew irrevokata, għandu jitwaħħal fuqha timbru li jiddikjara li hija “ANNULLATA” jew “IRREVOKATA” u l-karatteristika ottikament varjabbli tal-istiker tal-viża, il-karatteristika tas-sigurtà “effett ta’ immaġni moħbija”, kif ukoll it-terminu “viża” għandhom jiġu invalidati billi jiġu ingassati.

6. Deċiżjoni dwar l-annullament jew ir-revoka ta’ viża u r-raġunijiet li fuqhom hija bbażata għandhom jinħarġu f’format diġitali billi tiddaħħal id-data fil-VIS, skont l-Artikolu 12 tar-Regolament (KE) Nru 767/2008, u jiġu nnotifikati lill-applikant b’mezzi elettroniċi siguri f’konformità mal-Artikolu 7f tar-Regolament (KE) Nru 767/2008 jew permezz tal-formola standard stabbilita fl-Anness VI għal applikazzjonijiet mhux sottomessi permezz tal-pjattaforma ta’ applikazzjoni tal-UE. In-notifika għandu jkun fiha l-informazzjoni stabbilita fl-Anness VI.”;

(b)fil-paragrafu 7, it-tielet sentenza tiġi sostitwita b’din li ġejja:

“L-Istati Membri għandhom jipprovdu lill-applikanti b’informazzjoni rigward il-proċedura li għandha tiġi segwita fil-każ ta’ appell, kif stabbilit fl-Anness VI jew fin-notifika mibgħuta permezz tal-pjattaforma tal-applikazzjoni tal-UE”;

(25)L-Artikolu 37 jiġi emendat kif ġej:

(a)il-paragrafu 2 jiġi sostitwit b’dan li ġej:

“2. Għall-Istati Membri li ma joħorġux viżi f’format diġitali, il-ħżin u l-immaniġġjar tal-istikers tal-viża għandhom ikunu soġġetti għal miżuri ta’ sigurtà adegwati biex jiġu evitati frodi jew telf. Kull konsulat għandu jżomm kont tal-istokk ta’ stickers tal-viża tiegħu u jirreġistra kif intużat kull stiker tal-viża. Kwalunkwe telf sinifikanti ta’ stikers tal-viża vojta għandu jiġi rrapportat lill-Kummissjoni.”;

(b)fil-paragrafu 3, l-ewwel sentenza tiġi sostitwita b’din li ġejja:

“Il-konsulati jew l-awtoritajiet ċentrali għandhom iżommu l-arkivji tal-applikazzjonijiet f’format elettroniku. ”;

(26)L-Artikolu 38 jiġi emendat kif ġej:

(a)il-paragrafu 1a jiġi sostitwit b’dan li ġej:

“L-Istati Membri għandhom jiżguraw li l-proċedura kollha tal-viża fil-konsulati, inklużi l-preżentazzjoni u l-immaniġġjar tal-applikazzjonijiet u l-kooperazzjoni prattika mal-fornituri esterni tas-servizzi, tiġi mmonitorjata minn persunal espatrijat biex tiġi żgurata l-integrità tal-istadji kollha tal-proċedura.”;

(b)jiddaħħal il-paragrafu 3ċ li ġej:

“3ċ. L-awtoritajiet ċentrali tal-Istati Membri għandhom jipprovdu taħriġ xieraq lill-persunal tagħhom rigward il-pjattaforma tal-applikazzjoni tal-UE.”;

(27)jitħassar l-Artikolu 42.

(28)L-Artikolu 43 jiġi emendat kif ġej:

(a)il-paragrafu 4 jiġi sostitwit b’dan li ġej:

“4.  L-eżami tal-applikazzjonijiet, l-intervisti, fejn xieraq, u d-deċiżjoni dwar l-applikazzjonijiet għandhom jitwettqu biss mill-konsulat.”;

(b)fil-paragrafu 5, jiżdied it-tieni subparagrafu li ġej:

“B’deroga, il-fornituri esterni tas-servizzi jista’ jkollhom aċċess għall-pjattaforma tal-applikazzjoni tal-UE permezz tal-gateway tal-fornitur estern tas-servizzi msemmi fl-Artikolu 7e tar-Regolament (KE) Nru 767/2008 biex:

(a)jivverifikaw id-data mtellgħa mill-applikant;

(b)itellgħu l-identifikaturi bijometriċi;

(c)itellgħu d-dokumenti ta’ sostenn;

(d)jużaw l-għodda tal-appuntamenti biex jindikaw is-slots disponibbli.”;

(c)il-paragrafu 6 jiġi emendat kif ġej:

(1)il-punt (ċ) jiġi sostitwit b’dan li ġej:

“(ċ) il-ġbir ta’ data (inkluż il-ġbir ta’ identifikaturi bijometriċi u, f’każijiet eċċezzjonali, dokumenti ta’ sostenn u dokumenti meħtieġa għall-kontrolli tal-identità), it-trażmissjoni tagħha lill-konsulat jew lill-awtoritajiet ċentrali, fejn applikabbli, u t-tlugħ tagħha fuq il-pjattaforma tal-applikazzjoni tal-UE;”;

(2)jiddaħħal il-punt (ca) li ġej:

“(ca) jivverifikaw id-dokument tal-ivvjaġġar mal-kopja mtellgħa mill-applikant;”;

(29)fl-Artikolu 44, jiddaħħal il-paragrafu 1a li ġej:

“1a. Il-paragrafu 1 ma għandux japplika għall-aċċess li l-fornituri esterni tas-servizzi jista’ jkollhom għall-pjattaforma tal-applikazzjoni tal-UE permezz tal-gateway tal-fornitur estern tas-servizzi msemmi fl-Artikolu 7e tar-Regolament (KE) Nru 767/2008.”;

(30)fl-Artikolu 47, jiżdied il-paragrafu 3 li ġej:

“3. Il-pjattaforma tal-applikazzjoni tal-UE għandha tipprovdi lill-pubbliku ġenerali bl-informazzjoni rilevanti kollha b’rabta mal-applikazzjoni għal viża permezz tal-pjattaforma tal-applikazzjoni tal-UE, b’mod partikolari l-informazzjoni msemmija fl-Artikolu 7a tar-Regolament (KE) Nru 767/2008.”;

(31)fl-Artikolu 51a(2), (3) u (6), ir-referenza għall-“Artikolu 16(9)” tiġi sostitwita bir-referenza għall-“Artikolu 11(1), l-Artikolu 16(9) u l-Artikolu 32(2)”;

(32)fl-Artikolu 53(1), il-punt (f) jiġi sostitwit b’dan li ġej:

“(f) għall-Istati Membri li ma joħorġux viżi f’format diġitali, l-entrati nazzjonali addizzjonali fit-taqsima “kummenti” tal-istiker tal-viża, kif imsemmi fl-Artikolu 27(2);”;

(33)jitħassar l-Anness III.

Artikolu 2
Emendi għar-Regolament (KE) Nru 767/2008

Ir-Regolament (KE) Nru 767/2008 huwa emendat kif ġej:

(1)l-Artikolu 2a jiġi emendat kif ġej:

(a)il-paragrafu 1 jiġi emendat kif ġej:

(1)jiddaħħal il-punt li ġej:

“(fa) il-pjattaforma tal-applikazzjoni tal-UE;”;

(2)jiżdied is-subparagrafu li ġej:

“Il-pjattaforma tal-applikazzjoni tal-UE għandha tikkondividi u tuża mill-ġdid, kemm ikun teknikament possibbli, il-komponenti tal-hardware u tas-software tas-servizz web tal-EES u tas-sit web tal-ETIAS u l-applikazzjoni għal apparati mobbli.”;

(b)jiżdied il-paragrafu 6 li ġej:

“6. Il-pjattaforma tal-applikazzjoni tal-UE għandha tikkonsisti fil-komponenti li ġejjin:

(a)sit web pubbliku u applikazzjoni għal apparati mobbli;

(b)kapaċità ta’ ħażna temporanja;

(c)servizz ta’ kont sigur;

(d)għodda ta’ verifika għall-applikanti;

(e)servizz web għad-detenturi tal-viża

(f)servizz ta’ posta elettronika;

(g)għodda tal-ħlas;

(h)għodda tal-appuntamenti;

(i)gateway ta’ fornitur estern tas-servizzi;

(j)modulu ta’ konfigurazzjoni li għandu jaħseb għall-eu-LISA, l-awtoritajiet ċentrali u l-konsulati;

(k)software li jiġġenera u jaqra barcode 2D kriptat;

(l)servizz web sigur li jippermetti li l-komponenti tal-pjattaforma tal-applikazzjoni tal-UE jikkomunikaw;

(m)funzjoni ta’ helpdesk li għandha tiġi ġestita mill-eu-LISA;

(n)kopja li tinqara biss tal-bażi tad-data tal-VIS.”;

(2)fl-Artikolu 4, il-punt 2 jiġi sostitwit b’dan li ġej:

“2. “viża diġitali” tfisser il-viża f’format diġitali msemmija fl-Artikolu 26a tar-Regolament (KE) Nru 810/2009;”

(3)jiddaħħal il-Kapitolu Ia li ġej:

“KAPITOLU Ia
PJATTAFORMA TAL-UE TA’ APPLIKAZZJONI GĦAL VIŻA ONLINE

Artikolu 7a
Informazzjoni pubblika ġenerali dwar il-pjattaforma tal-applikazzjoni tal-UE

1.Il-Pjattaforma tal-UE ta’ Applikazzjoni għal Viża Online (“Pjattaforma tal-Applikazzjoni tal-UE”) għandha tipprovdi informazzjoni ġenerali lill-pubbliku kif imsemmi fl-Artikolu 47 tar-Regolament (KE) Nru 810/2009.

Il-Kummissjoni u l-Istati Membri għandhom ikunu responsabbli biex jipprovdu l-informazzjoni, f’konformità mar-responsabbiltajiet rispettivi tagħhom stabbiliti fil-paragrafi minn 2 sa 4 ta’ dan l-Artikolu.

2.L-eu-LISA għandha tkun responsabbli biex tippubblika u taġġorna l-informazzjoni pubblika ġenerali li ġejja fuq il-pjattaforma tal-applikazzjoni tal-UE, malli tirċievi l-informazzjoni li ġejja mingħand il-Kummissjoni jew l-Istati Membri:

(a)ir-rekwiżiti tal-viża, inklużi l-listi tal-viża, il-ftehimiet dwar l-eżenzjoni mill-viża; inkluż għal passaporti diplomatiċi u ta’ servizz, u inklużi każijiet ta’ sospensjoni possibbli ta’ vjaġġar mingħajr viża, skont l-Artikoli 3, 4, 5, 7, 8 tar-Regolament (UE) 2018/1806 u l-Annessi I u II tiegħu, kif ukoll informazzjoni skont id-Direttiva 2004/38/KE u l-Ftehim dwar il-Ħruġ bejn l-UE u r-Renju Unit;

(b)l-ammont tat-tariffi tal-viża msemmija fl-Artikolu 16 tar-Regolament (KE) Nru 810/2009; tariffi mnaqqsa jew ogħla fil-każ ta’ ftehim dwar il-faċilitazzjoni tal-viża, jew miżura relatata mar-riammissjoni li tirriżulta mill-Artikolu 25a ta’ dak ir-Regolament, kif ukoll id-Direttiva 2004/38/KE u l-Ftehim dwar il-Ħruġ bejn l-UE u r-Renju Unit;

(c)fejn applikabbli, listi armonizzati ta’ dokumenti ta’ sostenn, stabbiliti f’konformità mal-Artikolu 14(5a) tar-Regolament (KE) Nru 810/2009;

(d)fejn applikabbli, ir-rekwiżiti tal-assigurazzjoni medika tal-ivvjaġġar, f’konformità mal-Artikolu 15 tar-Regolament (KE) Nru 810/2009.

F’każ li Stat Membru jipprovdi l-informazzjoni, l-eu-LISA għandha tikkonfigura l-pjattaforma tal-applikazzjoni tal-UE mal-konferma ta’ din l-informazzjoni mill-Kummissjoni.

3.L-awtoritajiet ċentrali tal-viża għandhom ikunu responsabbli biex idaħħlu l-elementi li ġejjin:

(a)il-postijiet tal-konsulati u l-kompetenza territorjali tagħhom imsemmija fl-Artikolu 6 tar-Regolament (KE) Nru 810/2009;

(b)il-ftehimiet jew l-arranġamenti ta’ rappreżentanza msemmija fl-Artikolu 8 tar-Regolament (KE) Nru 810/2009;

(c)l-użu ta’ fornituri esterni tas-servizzi u l-postijiet tagħhom imsemmija fl-Artikolu 43 tar-Regolament (KE) Nru 810/2009;

(d)id-dokumenti ta’ sostenn imsemmija fl-Artikolu 14 tar-Regolament (KE) Nru 810/2009, kif ukoll dawk applikabbli skont id-Direttiva 2004/38/KE u l-Ftehim dwar il-Ħruġ bejn l-UE u r-Renju Unit;

(e)l-eżenzjonijiet fakultattivi mill-viża msemmija fl-Artikolu 6 tar-Regolament (UE) 2018/1806;

(f)l-eżenzjonijiet fakultattivi mit-tariffi tal-viża msemmija fl-Artikolu 16(5) tar-Regolament (KE) Nru 810/2009.

4.Il-konsulat jew l-awtoritajiet ċentrali tal-Istat Membru kompetenti għandhom ikunu responsabbli biex idaħħlu l-elementi li ġejjin:

(a)id-dettalji ta’ kuntatt u d-drittijiet ta’ aċċess tal-fornituri esterni tas-servizzi, inkluż għall-għodda tal-appuntamenti;

(b)l-għodda tal-appuntamenti, inklużi s-slots disponibbli;

(c)l-għadd ta’ applikazzjonijiet aċċettati kull ġimgħa/xahar.

Artikolu 7b
Formola ta’ applikazzjoni online

1.Kull applikant għandu jissottometti applikazzjoni online mimlija msemmija fl-Artikolu 11 tar-Regolament (KE) Nru 810/2009, billi juża l-pjattaforma tal-applikazzjoni tal-UE.

2.Mingħajr preġudizzju għall-Artikolu 7ba, l-applikant għandu jipprovdi d-data personali li ġejja fil-formola tal-applikazzjoni:

(1)il-kunjom(ijiet) (l-isem tal-familja);

(2)il-kunjom mat-twelid (l-isem/ismijiet tal-familja preċedenti);

(3)l-isem/ismijiet (isem/ismijiet mogħti(ja));

(4)id-data tat-twelid (jum-xahar-sena);

(5)il-post tat-twelid;

(6)il-pajjiż tat-twelid;

(7)in-nazzjonalità attwali; in-nazzjonalitajiet mat-twelid, jekk ikunu differenti; nazzjonalitajiet oħrajn;

(8)is-sess;

(9)l-istat ċivili;

(10)l-awtorità tal-ġenituri (fil-każ ta’ minorenni) / kustodju legali (il-kunjom, l-isem, l-indirizz, jekk differenti minn dawk tal-applikant, in-numru tat-telefon, l-indirizz tal-posta elettronika u n-nazzjonalità);

(11)in-numru tal-identità nazzjonali, fejn applikabbli;

(12)it-tip ta’ dokument tal-ivvjaġġar;

(13)in-numru tad-dokument tal-ivvjaġġar;

(14)id-data tal-ħruġ;

(15)validu sa;

(16)maħruġ minn (pajjiż);

(17)data personali tal-membru tal-familja li huwa ċittadin mobbli tal-UE, taż-ŻEE jew tal-Iżvizzera jew li huwa benefiċjarju nazzjonali tar-Renju Unit tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għall-viża, jekk applikabbli: il-kunjom (l-isem tal-familja), l-isem/ismijiet (l-isem/ismijiet mogħti(ja)), id-data tat-twelid, in-nazzjonalità, in-numru tad-dokument tal-ivvjaġġar jew tal-karta tal-identità;

(18)Ir-relazzjoni familjari ma’ ċittadin mobbli tal-UE, taż-ŻEE jew tal-Iżvizzera jew ma’ ċittadin tar-Renju Unit li huwa benefiċjarju tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għal viża, jekk applikabbli

(19)L-indirizz tad-dar u l-indirizz tal-posta elettronika, in-numru tat-telefon tal-applikant;

(20)ir-residenza f’pajjiż ieħor għajr il-pajjiż tan-nazzjonalità attwali;

(21)l-impjieg attwali;

(22)min iħaddem u l-indirizz u n-numru tat-telefon ta’ min iħaddem: għall-istudenti, l-isem u l-indirizz tal-istabbiliment edukattiv;

(23)l-iskop(ijiet) tal-vjaġġ;

(24)informazzjoni addizzjonali dwar l-iskop tas-soġġorn;

(25)l-Istat Membru tad-destinazzjoni ewlenija (u Stati Membri oħrajn tad-destinazzjoni, jekk applikabbli);

(26)l-Istat Membru tal-ewwel dħul;

(27)l-għadd ta’ daħliet mitluba; id-data maħsuba tal-wasla tal-ewwel soġġorn maħsub fiż-żona Schengen; id-data maħsuba tat-tluq miż-żona Schengen wara l-ewwel soġġorn maħsub;

(28)il-marki tas-swaba’ miġbura qabel għall-fini ta’ applikazzjoni għal viża ta’ Schengen; id-data (jekk tkun magħrufa); in-numru tal-viża, jekk ikun magħruf;

(29)il-permess tad-dħul għall-pajjiż tad-destinazzjoni finali, fejn applikabbli;

(30)il-kunjom u l-isem tal-persuna/i li qed tistieden/jistiednu fl-Istat(i) Membru/i. Jekk mhux applikabbli, l-isem tal-lukanda/i jew ta’ akkomodazzjoni(jiet) temporanja/i fl-Istat(i) Membru/i;

(31)l-isem u l-indirizz tal-kumpanija/organizzazzjoni li qed tistieden

(32)kif tiġi koperta l-ispiża tal-ivvjaġġar u tal-għajxien matul is-soġġorn tal-applikant;

L-applikant għandu jipprovdi wkoll indirizz tal-posta elettronika.

Din id-data kollha għandha tiġi rreġistrata u maħżuna f’kapaċità ta’ ħażna temporanja f’konformità mal-perjodi taż-żamma tad-data definiti fl-Artikolu 7ċ.

3.Il-pjattaforma tal-applikazzjoni tal-UE għandu jkun fiha wkoll servizz ta’ kont sigur. Is-servizz ta’ kont sigur għandu jkollu l-possibbiltà li l-applikant iżomm id-data pprovduta għal applikazzjonijiet sussegwenti, iżda biss jekk l-applikant jagħti l-kunsens liberu u espliċitu tiegħu għal tali ħżin.

Is-servizz ta’ kont sigur għandu jkollu l-possibbiltà li l-applikant jissottometti applikazzjoni f’diversi stadji. Il-Kummissjoni għandha tadotta atti delegati f’konformità mal-Artikolu 48a sabiex tiddefinixxi r-rekwiżiti tas-servizz ta’ kont sigur, inkluż il-perjodu ta’ żamma għad-data maħżuna fih u għal applikazzjonijiet mhux kompluti jew applikazzjonijiet li ma jgħaddux mill-verifika tal-kompetenza u tal-ammissibbiltà.

4.Id-data msemmija fil-paragrafu 2 għandha tiġi introdotta mill-applikant b’karattri tal-alfabett Latin.

5.Mas-sottomissjoni tal-formola tal-applikazzjoni online, il-pjattaforma tal-applikazzjoni tal-UE għandha tiġbor l-indirizz IP minn fejn ġiet sottomessa l-formola tal-applikazzjoni u żżidu bħala parti mid-data tal-applikazzjoni.

6.Il-Kummissjoni għandha, permezz ta’ atti ta’ implimentazzjoni, tiddefinixxi l-kontenut ta’ formola ta’ applikazzjoni simplifikata għall-konferma ta’ viżi validi f’dokument tal-ivvjaġġar ġdid, kif imsemmi fl-Artikolu 32a tar-Regolament (KE) Nru 810/2009, u għall-estensjoni tal-viżi, kif imsemmi fl-Artikolu 33 ta’ dak ir-Regolament, bl-użu tal-pjattaforma tal-applikazzjoni tal-UE. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

7.Il-Kummissjoni għandha, permezz ta’ atti ta’ implimentazzjoni, tiddefinixxi r-rekwiżiti li jikkonċernaw il-format tad-data personali msemmija fil-paragrafi 2 u 5 ta’ dan l-Artikolu li għandha tiddaħħal fil-formola tal-applikazzjoni, kif ukoll il-parametri u l-verifiki li għandhom jiġu implimentati sabiex jiġu żgurati l-kompletezza tal-applikazzjoni u l-koerenza ta’ dik id-data. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

Artikolu 7ba
Dispożizzjonijiet speċifiċi dwar l-użu tal-pjattaforma tal-applikazzjoni tal-UE minn membri tal-familja ta’ ċittadini tal-Unjoni jew ta’ ċittadini oħrajn ta’ pajjiżi terzi li jgawdu mid-dritt ta’ moviment liberu skont id-dritt tal-Unjoni jew ta’ ċittadini tar-Renju Unit li huma benefiċjarji tal-Ftehim dwar il-Ħruġ bejn l-UE u r-Renju Unit

1.Ċittadin ta’ pajjiż terz li huwa membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak ta’ ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, jista’ jippreżenta applikazzjoni għal viża, mingħajr ma juża l-pjattaforma tal-applikazzjoni tal-UE, u jkun intitolat li jippreżenta l-applikazzjoni personalment fil-konsulat jew fil-bini tal-fornituri esterni tas-servizzi, skont l-għażla tiegħu.

2.Meta ċittadin ta’ pajjiż terz li jkun membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak ta’ ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, japplika għal viża billi juża l-pjattaforma tal-applikazzjoni tal-UE, il-proċess tal-applikazzjoni għandu jitwettaq skont id-Direttiva 2004/38/KE.

3.B’mod partikolari, il-pjattaforma tal-applikazzjoni tal-UE għandha tiġi ddisinjata b’tali mod li tiżgura li japplikaw ir-regoli speċifiċi li ġejjin:

(a)it-tariffa tal-viża għandha tiġi rrinunzjata;

(b)fil-formola tal-applikazzjoni għal viża, l-applikant ma għandux jipprovdi d-data personali li ġejja:

(a)Impjieg attwali

(b)Min iħaddem u l-indirizz u n-numru tat-telefon ta’ min iħaddem: għall-istudenti, l-isem u l-indirizz tal-istabbiliment edukattiv

(c)Il-kunjom u l-isem tal-persuna/i li qed tistieden/jistiednu fl-Istat(i) Membru/i. Jekk mhux applikabbli, l-isem tal-lukanda/i jew ta’ akkomodazzjoni(jiet) temporanja/i fl-Istat(i) Membru/i

(d)L-isem u l-indirizz tal-kumpanija/organizzazzjoni li qed tistieden

(e)Il-mezzi ta’ kif tiġi koperta l-ispiża tal-ivvjaġġar u tal-għajxien matul is-soġġorn tal-applikant.

(c) jenħtieġ li l-applikant ikun jista’ jissottometti dokumenti li jistabbilixxu li huwa membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak taċ-ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra. Jenħtieġ li l-applikant ma jintalabx jissottometti d-dokumenti ta’ sostenn imsemmija taħt l-Artikolu 14 tar-Regolament (KE) Nru 810/2009 u jenħtieġ li ma tintalab lanqas prova tal-pussess ta’ assigurazzjoni medika tal-ivvjaġġar adegwata u valida f’konformità mal-Artikolu 15 tar-Regolament (KE) Nru 810/2009.

(d)b’deroga mill-Artikolu 7ċ(8), il-verifika minn qabel awtomatizzata tal-ammissibbiltà għandha tivverifika biss jekk:

(a)jimtlewx l-oqsma kollha meħtieġa tal-formola tal-applikazzjoni;

(b)tiġix ipprovduta prova li l-persuna għandha passaport validu skont id-Direttiva 2004/38/KE;

(c)tkunx inġabret id-data bijometrika tal-applikant, jekk applikabbli.

(e) fejn tinħareġ viża, fin-notifika stipulata fl-Artikolu 7f, l-applikant għandu jirċievi tfakkira li l-membru tal-familja ta’ ċittadin li jeżerċita d-dritt ta’ moviment liberu li jkollu viża jkollu biss id-dritt li jidħol jekk dak il-membru tal-familja jkun akkumpanjat minn jew jingħaqad ma’ ċittadin tal-Unjoni jew ċittadin ieħor ta’ pajjiż terz li jeżerċita d-dritt tiegħu ta’ moviment liberu.

4.Il-paragrafi 1 u 2 japplikaw ukoll fejn ċittadin ta’ pajjiż terz li huwa membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak ta’ ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, ikun jeħtieġ estensjoni tal-viża jew konferma tal-viża f’dokument tal-ivvjaġġar ġdid. It-tariffa għall-estensjoni tal-viża u t-tariffa għall-konferma tal-viża għandhom jiġu rrinunzjati.

5.Il-paragrafi minn 1 sa 4 għandhom japplikaw mutatis mutandis għall-membri tal-familja ta’ ċittadini tar-Renju Unit li huma stess huma benefiċjarji tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għal viża.

Artikolu 7c
Proċess ta’ applikazzjoni bl-użu tal-pjattaforma tal-applikazzjoni tal-UE

1.Mas-sottomissjoni tal-formola tal-applikazzjoni skont l-Artikolu 7b, il-pjattaforma tal-applikazzjoni tal-UE għandha tiddetermina t-tip ta’ viża li saret applikazzjoni għaliha, u twettaq verifika minn qabel awtomatizzata tal-kompetenza biex tiddetermina minn qabel b’mod awtomatiku l-Istat Membru kompetenti abbażi tad-data pprovduta mill-applikant. Dan ma għandux jipprekludi l-verifika manwali tal-kompetenza mill-Istati Membri f’konformità mal-Artikolu 18(3) tar-Regolament (KE) Nru 810/2009.

Il-pjattaforma tal-applikazzjoni tal-UE għandha tiġi ddisinjata b’tali mod li tippermetti lill-applikanti jindikaw jekk humiex legalment preżenti, iżda mhux residenti f’ġuriżdizzjoni, kif imsemmi fl-Artikolu 6(2) tar-Regolament (KE) Nru 810/2009.

2.L-applikanti għandhom ikunu jistgħu jużaw il-pjattaforma tal-applikazzjoni tal-UE biex jissottomettu kopja skennjata tad-dokument tal-ivvjaġġar f’format elettroniku, kif ukoll dokumenti ta’ sostenn u prova ta’ assigurazzjoni medika tal-ivvjaġġar f’format diġitali, kif applikabbli, skont ir-Regolament (KE) Nru 810/2009 jew id-Direttiva 2004/38/KE.

3.Il-Kummissjoni għandha, permezz ta’ atti ta’ implimentazzjoni, tiddefinixxi r-rekwiżiti tekniċi li jikkonċernaw il-format tad-dokumenti ta’ sostenn, l-assigurazzjoni medika tal-ivvjaġġar u l-kopja tad-dokument tal-ivvjaġġar f’format elettroniku. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

4.Jekk ikun meħtieġ, l-applikant għandu jkun jista’ juża l-pjattaforma tal-applikazzjoni tal-UE biex iħallas it-tariffa tal-viża billi juża l-għodda tal-ħlas imsemmija fl-Artikolu 7d.

5.Il-pjattaforma tal-applikazzjoni tal-UE għandha tkun tista’ tivverifika fil-kopja li tinqara biss tal-VIS jekk il-bijometrika tal-applikant itteħditx fl-aħħar 59 xahar u jekk l-applikant kienx diġà applika bl-istess dokument tal-ivvjaġġar:

Fejn dan ikun il-każ, il-pjattaforma tal-applikazzjoni tal-UE għandha tinnotifika lill-applikant li ma hija meħtieġa l-ebda żjara fil-konsulat jew għand il-fornitur estern tas-servizzi biex tiġi ppreżentata l-applikazzjoni;

Fejn dan ma jkunx il-każ, il-pjattaforma tal-applikazzjoni tal-UE għandha tinnotifika lill-applikant biex jorganizza żjara fil-konsulat jew għand il-fornitur estern tas-servizzi, kif meħtieġ, biex jippreżenta l-applikazzjoni.

6.Jekk tkun meħtieġa żjara fil-konsulat jew għand il-fornitur estern tas-servizzi skont ir-Regolament (KE) Nru 810/2009, Stat Membru jista’ jiddeċiedi li juża l-għodda tal-appuntamenti msemmija fl-Artikolu 7d għal dan l-iskop.

7.L-applikant għandu jissottometti l-applikazzjoni, inkluża dikjarazzjoni tal-awtentiċità, il-kompletezza, il-korrettezza u l-affidabbiltà tad-data.

8.Wara li l-applikant jissottometti l-applikazzjoni permezz tal-pjattaforma tal-applikazzjoni tal-UE, il-pjattaforma tal-applikazzjoni tal-UE għandha tagħmel verifika minn qabel awtomatizzata tal-ammissibbiltà.

Il-verifika minn qabel awtomatizzata tal-ammissibbiltà għandha tivverifika awtomatikament jekk:

(a)l-applikazzjoni tkunx ġiet ippreżentata fil-perjodu msemmi fl-Artikolu 9(1), jekk applikabbli;

(b)jimtlewx l-oqsma kollha meħtieġa tal-formola tal-applikazzjoni;

(c)tiġix ipprovduta prova li l-persuna għandha dokument tal-ivvjaġġar f'konformità mal-Artikolu 12 tar-Regolament (KE) Nru 810/2009;

(d)tkunx inġabret id-data bijometrika tal-applikant, jekk applikabbli;

(e)tkunx inġabret it-tariffa tal-viża, jekk applikabbli;

9.Jekk, skont il-verifika minn qabel awtomatizzata tal-ammissibbiltà, l-applikazzjoni tkun ammissibbli, il-pjattaforma tal-applikazzjoni tal-UE għandha tibgħat notifika lill-konsulat jew lill-awtoritajiet ċentrali tal-Istat Membru bir-riżultat ikkombinat tal-verifika minn qabel awtomatizzata tal-kompetenza u tal-ammissibbiltà.

Jekk, skont il-verifika minn qabel awtomatizzata tal-ammissibbiltà, l-applikazzjoni ma tkunx ammissibbli, il-pjattaforma tal-applikazzjoni tal-UE għandha tibgħat notifika lill-applikant u tinnotifika liema parti mill-fajl tal-applikazzjoni hija nieqsa.

Il-pjattaforma tal-applikazzjoni għandha tiġi ddisinjata b’tali mod li jiġi żgurat li jkunu jistgħu japplikaw il-paragrafi (4) u (4a) tal-Artikolu 19 tar-Regolament (KE) Nru 810/2009, sabiex tippermetti li l-applikazzjonijiet jitqiesu ammissibbli.

10.Wara n-notifika msemmija fil-paragrafu 9, il-konsulat jew l-awtoritajiet ċentrali tal-Istat Membru għandhom jagħmlu verifika manwali tal-kompetenza, f’konformità mal-Artikolu 18(3) tar-Regolament (KE) Nru 810/2009, u sussegwentement, jekk tkun meħtieġa, verifika manwali tal-ammissibbiltà f’konformità mal-Artikolu 19 ta’ dak ir-Regolament.

11.Jekk il-konsulat kompetenti jew l-awtoritajiet ċentrali tal-Istat Membru kompetenti jaċċettaw l-applikazzjoni sottomessa permezz tal-pjattaforma tal-applikazzjoni tal-UE, id-data għandha tiġi ttrasferita lis-sistema nazzjonali minn ħażna temporanja. Id-data għandha titħassar minnufih minn ħażna temporanja, bl-eċċezzjoni tad-data ta’ kuntatt marbuta mas-servizz ta’ kont sigur.

12.Jekk l-applikant jirtira l-applikazzjoni wara l-verifika minn qabel awtomatizzata tal-kompetenza u tal-ammissibbiltà, id-data għandha titħassar minnufih minn ħażna temporanja, bl-eċċezzjoni tad-data ta’ kuntatt marbuta mas-servizz ta’ kont sigur.

13.Il-konsulat kompetenti jew l-awtoritajiet ċentrali tal-Istat Membru kompetenti jistgħu jużaw is-servizz ta’ kont sigur biex jikkomunikaw mal-applikanti.

Artikolu 7d
Għodda tal-ħlas u għodda tal-appuntamenti

1.Għandha tintuża għodda tal-ħlas biex titħallas it-tariffa tal-viża bl-użu tal-pjattaforma tal-applikazzjoni tal-UE. L-għodda tal-ħlas għandha tiġi ġestita minn fornitur terz.

2.Il-Kummissjoni għandha, permezz ta’ atti ta’ implimentazzjoni, tiddefinixxi r-rekwiżiti li jikkonċernaw l-għodda tal-ħlas imsemmija fil-paragrafu 1 ta’ dan l-Artikolu, inklużi l-modalitajiet ta’ rimborż għall-applikanti. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

3.Tista’ tintuża għodda għall-immaniġġjar tal-appuntamenti mill-Istati Membri jew mill-fornituri esterni tas-servizzi.

4.Il-Kummissjoni għandha, permezz ta’ atti ta’ implimentazzjoni, tiddefinixxi r-rekwiżiti li jikkonċernaw l-għodda tal-appuntamenti msemmija fil-paragrafu 3 ta’ dan l-Artikolu, inklużi l-modalitajiet għall-konferma tal-appuntamenti, il-link għall-għodod tal-appuntamenti eżistenti jew l-informazzjoni dwar l-appuntamenti mingħajr prenotazzjoni li għandhom jiġu kkonfigurati mill-konsulati jew mill-fornituri esterni tas-servizzi u l-modalitajiet tekniċi biex jiġi żgurat li kwalunkwe membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak taċ-ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, jew ta’ ċittadini tar-Renju Unit li huma stess huma benefiċjarji tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għal viża, ikunu jistgħu jibbenefikaw minn proċedura aċċellerata. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

Artikolu 7e
Gateway tal-fornitur estern tas-servizzi

1.Il-fornituri esterni tas-servizzi għandu jkollhom aċċess għall-pjattaforma tal-applikazzjoni tal-UE billi jużaw il-gateway tas-servizz estern biss biex:

(a)jivverifikaw u jwettqu kontrolli tal-kwalità fuq id-data mtellgħa fil-kapaċità ta’ ħażna temporanja, notevolment il-kopja skennjata tad-dokument tal-ivvjaġġar;

(b)itellgħu l-identifikaturi bijometriċi;

(c)itellgħu d-dokumenti ta’ sostenn, jekk ikun meħtieġ;

(d)jużaw l-għodda tal-appuntamenti biex jindikaw is-slots disponibbli, jekk applikabbli;

(e)jagħmlu l-applikazzjoni disponibbli għall-konsulat għal ipproċessar ulterjuri.

2.Għandha tiġi stabbilita skema ta’ awtentikazzjoni mill-Istati Membri, riżervata esklussivament għall-fornituri esterni tas-servizzi, sabiex tippermetti lill-membri tal-persunal debitament awtorizzati jkollhom aċċess għall-gateway għall-finijiet ta’ dan l-Artikolu. Meta tiġi stabbilita l-iskema ta’ awtentikazzjoni, għandhom jittieħdu f’kunsiderazzjoni l-ġestjoni tar-riskju għas-sigurtà tal-informazzjoni u l-prinċipji tal-protezzjoni tad-data mid-disinn u b’mod awtomatiku.

3.Il-Kummissjoni għandha tadotta atti ta’ implimentazzjoni biex tistabbilixxi l-iskema ta’ awtentikazzjoni għall-membri tal-persunal tal-fornituri esterni tas-servizzi. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

Artikolu 7f
Notifika tad-deċiżjonijiet

1.L-applikanti u d-detenturi tal-viża għandhom jiġu nnotifikati bid-deċiżjonijiet meħuda mill-Istati Membri dwar l-applikazzjonijiet tagħhom jew il-viżi maħruġa b’mezzi elettroniċi siguri.

2.In-notifiki lill-applikanti jew lid-detenturi tal-viża, kif applikabbli, għandu jkun fihom id-data li ġejja:

(a)għal viża maħruġa: id-data elenkata fl-Artikoli 24, 25 jew 26 tar-Regolament (KE) Nru 810/2009 u fl-Artikolu 10 ta’ dan ir-Regolament;

(b)għal viża miċħuda: id-data elenkata fl-Artikolu 32 tar-Regolament (KE) Nru 810/2009 u fl-Artikolu 12 ta’ dan ir-Regolament;

(c)għal viża kkonfermata: id-data elenkata fl-Artikolu 32a tar-Regolament (KE) Nru 810/2009 u fl-Artikolu 12a ta’ dan ir-Regolament;

(d)għal viża estiża: id-data elenkata fl-Artikolu 33 tar-Regolament (KE) Nru 810/2009 u fl-Artikolu 14 ta’ dan ir-Regolament;

(e)għal viża annullata jew irrevokata: id-data elenkata fl-Artikolu 33 tar-Regolament (KE) Nru 810/2009 u fl-Artikolu 13 ta’ dan ir-Regolament.

3.In-notifika msemmija fil-paragrafu 2 għandu jkun fiha barcode 2D iffirmata b’mod diġitali mill-awtorità emittenti, u l-immaġni tal-wiċċ tad-detentur. Il-barcode 2D għandu jkun fiha l-informazzjoni msemmija fil-paragrafu 2.

In-notifika għandha tkun f’format li jista’ jiġi stampat.

4.Il-Kummissjoni għandha tadotta atti ta’ implimentazzjoni biex tistabbilixxi l-ispeċifikazzjonijiet tekniċi tal-viżi diġitali u n-notifika msemmija fil-paragrafu 1, inklużi dettalji dwar il-format tan-notifika, bħall-barcode 2D u l-format li jista’ jiġi stampat. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2).

Artikolu 7g
Għodda ta’ verifika

1.L-għodda ta’ verifika għandha tippermetti lill-applikanti u lid-detenturi tal-viża jivverifikaw:

(a)l-istatus tal-applikazzjoni tagħhom;

(b)l-istatus u l-validità tal-viża tagħhom.

2.L-għodda ta’ verifika għandha tkun ibbażata fuq is-servizz ta’ kont sigur imsemmi fl-Artikolu 7b(3).

3.Il-pjattaforma tal-applikazzjoni tal-UE għandha toffri funzjonalità ta’ servizz web għall-applikanti biex jivverifikaw il-viża diġitali mingħajr is-servizz tal-kont sigur.

4.Il-Kummissjoni għandha tadotta atti ta’ implimentazzjoni li jikkonċernaw ir-regoli dettaljati dwar il-kundizzjonijiet għall-operat tas-servizz web u r-regoli dwar il-protezzjoni tad-data u s-sigurtà applikabbli għas-servizz web, inkluż identifikatur uniku għall-applikant. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2). ”;

(4)fl-Artikolu 9(4), jiżdiedu l-punti li ġejjin:

“(na) jekk applikabbli, il-fatt li l-applikant japplika bħala membru tal-familja ta’ ċittadini tar-Renju Unit li huwa benefiċjarju tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għall-viża;

“(o) l-indirizz tal-posta elettronika;

(p) l-indirizz IP minn fejn ġiet sottomessa l-formola tal-applikazzjoni.”;

(5)Fl-Artikolu 9b, jiżdied il-paragrafu li ġej:

“5. Il-paragrafi minn 1 sa 4 għandhom japplikaw mutatis mutandis għall-membri tal-familja ta’ ċittadini tar-Renju Unit li huma stess huma benefiċjarji tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għal viża.”;

(6)l-Artikolu 10 jiġi emendat kif ġej:

(a)fil-paragrafu 1, il-punt (e) jiġi sostitwit b’dan li ġej:

“(e) in-numru tal-viża;”;

(b)fil-paragrafu 1, jitħassar il-punt (k).

(c)fil-paragrafu 1, jiżdied il-punt (m)

“(m) jekk applikabbli, l-istatus tal-persuna li jindika li ċ-ċittadin ta’ pajjiż terz huwa membru tal-familja ta’ ċittadin tar-Renju Unit li huwa benefiċjarju tal-Ftehim dwar il-Ħruġ bejn l-UE u r-Renju Unit fl-Istat ospitanti li għalih issir l-applikazzjoni għal viża.”;

(7)jiddaħħal l-Artikolu 12a li ġej:

“Artikolu 12a
Data li għandha tiżdied biex tiġi kkonfermata viża

1.Fejn tkun ittieħdet deċiżjoni biex tiġi kkonfermata viża, l-awtorità tal-viża li tkun ħadet id-deċiżjoni għandha żżid id-data li ġejja fil-fajl tal-applikazzjoni:

(a)informazzjoni dwar l-istatus;

(b)l-awtorità li kkonfermat il-viża;

(c)il-post u d-data tad-deċiżjoni;

(d)data ġdida tad-dokument tal-ivvjaġġar, inkluż in-numru, il-pajjiż u l-awtorità tal-ħruġ, id-data tal-ħruġ, id-data tal-iskadenza.

2.Fejn tkun ittieħdet deċiżjoni biex tiġi kkonfermata viża, is-sistema għandha tirkupra u tesporta immedjatament mill-VIS lejn l-EES id-data elenkata fl-Artikolu 19(1) tar-Regolament (UE) 2017/2226.”;

(8)fl-Artikolu 14(1), il-punt (d) jiġi sostitwit b’dan li ġej:

“(d) in-numru tal-viża estiża;”;

(9)fl-Artikolu 15(2), il-punt (f) jiġi sostitwit b’dan li ġej:

“(f) in-numru tal-viża, in-numru tal-viża għal soġġorn twil jew tal-permess ta’ residenza u d-data tal-ħruġ ta’ kwalunkwe viża, viża għal soġġorn twil jew permess ta’ residenza preċedenti;”

(10)L-Artikolu 18 jiġi emendat kif ġej:

(a)fil-paragrafu 1, jitħassar il-punt (b);

(b)il-paragrafu 3 jiġi sostitwit b’dan li ġej:

“3. B’deroga mill-paragrafu 2 ta’ dan l-Artikolu, fejn titnieda tfittxija fl-EES skont l-Artikolu 23(2) jew (4) tar-Regolament (UE) 2017/2226, l-awtorità kompetenti tal-fruntiera tista’ tfittex fil-VIS mingħajr ma tagħmel użu mill-interoperabbiltà mal-EES, fejn ċirkostanzi speċifiċi jirrikjedu dan, b’mod partikolari, fejn ikun teknikament impossibbli, fuq bażi temporanja, li tikkonsulta d-data tal-EES jew fil-każ ta’ ħsara fl-EES.”;

(11)jiddaħħal l-Artikolu 18e li ġej:

“Artikolu 18e
Proċeduri ta’ riżerva fil-każ ta’ impossibbiltà teknika li tiġi aċċessata data fil-fruntieri esterni

1.Fejn ikun teknikament impossibbli li tipproċedi bil-konsultazzjoni msemmija fl-Artikolu 18 minħabba ħsara fi kwalunkwe parti tal-VIS, l-eu-LISA għandha tinnotifika lill-awtoritajiet tal-fruntieri tal-Istati Membri.

2.Meta jkun teknikament impossibbli li titwettaq it-tfittxija msemmija fl-Artikolu 18 minħabba ħsara fl-infrastruttura tal-fruntiera nazzjonali fi Stat Membru, l-awtoritajiet tal-fruntieri għandhom jinnotifikaw lill-eu-LISA. L-eu-LISA għandha mbagħad tinforma lill-Kummissjoni.

3.Fil-każijiet imsemmija fil-paragrafi 1 u 2 ta’ dan l-Artikolu, l-awtoritajiet tal-fruntieri għandhom isegwu l-pjanijiet ta’ kontinġenza nazzjonali tagħhom. Il-pjan ta’ kontinġenza nazzjonali jista’ jawtorizza lill-awtoritajiet tal-fruntieri biex jidderogaw temporanjament mill-obbligu li jikkonsultaw il-VIS kif imsemmi fl-Artikolu 8 tar-Regolament (UE) 2016/399.

4.Il-Kummissjoni għandha, permezz ta’ atti ta’ implimentazzjoni, tadotta mudelli ta’ pjanijiet ta’ kontinġenza għall-każijiet imsemmija fil-paragrafi 1 u 2 ta’ dan l-Artikolu, inklużi l-proċeduri li għandhom jiġu segwiti mill-awtoritajiet tal-fruntieri. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 49(2). L-Istati Membri għandhom jadottaw il-pjanijiet ta’ kontinġenza nazzjonali tagħhom billi jużaw il-mudell tal-pjanijiet ta’ kontinġenza bħala bażi, li għandhom jiġu adattati kif meħtieġ fil-livell nazzjonali.”;

(12)fl-Artikolu 19, il-paragrafu 1 jiġi sostitwit b’dan li ġej:

“1. Għall-iskop uniku li tiġi vverifikata l-identità tad-detentur tal-viża u/jew l-awtentiċità tal-viża u/jew jekk il-kundizzjonijiet għad-dħul, is-soġġorn jew ir-residenza fit-territorju tal-Istati Membri humiex issodisfati, l-awtoritajiet kompetenti biex iwettqu verifiki fit-territorju tal-Istati Membri dwar jekk il-kundizzjonijiet għad-dħul, is-soġġorn jew ir-residenza fit-territorju tal-Istati Membri humiex issodisfati, għandu jkollhom aċċess biex ifittxu bin-numru tal-viża flimkien mal-verifika tal-marki tas-swaba’ tad-detentur tal-viża.

Fejn l-identità tad-detentur tal-viża ma tkunx tista’ tiġi vverifikata bil-marki tas-swaba’, l-awtoritajiet kompetenti jistgħu jwettqu wkoll il-verifika bl-immaġni tal-wiċċ.”;

(13)fl-Artikolu 20(2), il-punt (d) jiġi sostitwit b’dan li ġej:

“(d)    id-data mdaħħla fir-rigward ta’ kwalunkwe viża maħruġa, miċħuda, ikkonfermata, annullata, irrevokata jew estiża msemmija fl-Artikoli minn 10 sa 14.”;

(14)fl-Artikolu 21(2), il-punt (d) jiġi sostitwit b’dan li ġej:

“(d)    id-data mdaħħla fir-rigward ta’ kwalunkwe viża maħruġa, ikkonfermata, annullata, irrevokata jew estiża msemmija fl-Artikoli 10, 12a, 13 u 14;”;

(15)fl-Artikolu 22(2), il-punt (e) jiġi sostitwit b’dan li ġej:

“(e)    id-data mdaħħla fir-rigward ta’ kwalunkwe viża maħruġa, ikkonfermata, annullata, irrevokata jew estiża msemmija fl-Artikoli 10, 12a, 13 u 14;”;

(16)fl-Artikolu 22f(1), il-punt (d) jiġi sostitwit b’dan li ġej:

“(d) in-numru tal-viża;”;

(17)fl-Artikolu 22o, il-paragrafu 3 jiġi emendat kif ġej:

(a)il-punt (ċ) jiġi sostitwit b’dan li ġej:

“(ċ) in-numru tal-viża jew in-numru tal-viża għal soġġorn twil jew tal-permess ta’ residenza u d-data tal-iskadenza tal-validità tal-viża, tal-viża għal soġġorn twil jew tal-permess ta’ residenza, kif applikabbli;”;

(b)jiżdiedu l-punti (f) u (g) li ġejjin:

“(f) l-indirizz IP;

(g) l-indirizz tal-posta elettronika.”;

(18)fl-Artikolu 22r, il-paragrafu 3 jiġi emendat kif ġej:

(a)il-punt (ċ) jiġi sostitwit b’dan li ġej:

“(ċ) in-numru tal-viża jew in-numru tal-viża għal soġġorn twil jew tal-permess ta’ residenza u d-data tal-iskadenza tal-validità tal-viża, tal-viża għal soġġorn twil jew tal-permess ta’ residenza, kif applikabbli;”;

(b)jiżdiedu l-punti (f) u (g) li ġejjin:

“(f) l-indirizz IP;

(g) l-indirizz tal-posta elettronika”;

(19)fl-Artikolu 45(2), jiżdiedu l-punti (g) sa (o) li ġejjin:

“(g) għad-definizzjoni tal-kontenut ta’ formoli ta’ applikazzjoni simplifikati għall-konferma ta’ viżi validi f’dokument tal-ivvjaġġar ġdid u għall-estensjoni tal-viżi, f’konformità mal-Artikolu 7b;

(h) għad-definizzjoni tar-rekwiżiti li jikkonċernaw il-format tad-data personali fil-formola tal-applikazzjoni online, f’konformità mal-Artikolu 7b;

(i) għad-definizzjoni tar-rekwiżiti tekniċi li jikkonċernaw il-format tad-dokumenti ta’ sostenn, l-assigurazzjoni medika tal-ivvjaġġar u l-kopja tad-dokument tal-ivvjaġġar f’format elettroniku li għandhom jiġu pprovduti permezz tal-pjattaforma tal-applikazzjoni tal-UE, f’konformità mal-Artikoli 7ċ u 7ba;

(j) għad-definizzjoni tar-rekwiżiti li jikkonċernaw l-għodda tal-ħlas, inklużi l-modalitajiet ta’ rimborż għall-applikanti, f’konformità mal-Artikolu 7d;

(k) għad-definizzjoni tar-rekwiżiti li jikkonċernaw l-għodda tal-appuntamenti msemmija, inklużi l-modalitajiet għall-konferma tal-appuntamenti, u l-link għall-għodod tal-appuntamenti eżistenti jew informazzjoni dwar appuntamenti mingħajr prenotazzjoni li għandhom jiġu kkonfigurati mill-konsulati jew mill-fornituri esterni tas-servizzi, f’konformità mal-Artikolu 7d;

(l) għall-istabbiliment tal-iskema ta’ awtentikazzjoni għall-membri tal-persunal tal-fornituri esterni tas-servizzi li jużaw il-gateway tal-fornituri esterni tas-servizzi, f’konformità mal-Artikolu 7e;

(m) għall-istabbiliment ta’ speċifikazzjonijiet tekniċi tal-viżi f’format diġitali, u n-notifika tal-viża, inklużi dettalji dwar il-format tan-notifika, bħall-barcode 2D, format li jista’ jiġi stampat, f’konformità mal-Artikolu 7f;

(n) għall-istabbiliment ta’ regoli dettaljati dwar il-kundizzjonijiet għall-operat tas-servizz web u r-regoli dwar il-protezzjoni tad-data u s-sigurtà applikabbli għas-servizz web, f’konformità mal-Artikolu 7g;

(o) għad-definizzjoni ta’ mudelli ta’ pjanijiet ta’ kontinġenza rigward il-proċeduri ta’ riżerva fil-każ ta’ impossibbiltà teknika ta’ aċċess għad-data fil-fruntieri esterni, inklużi l-proċeduri li għandhom jiġu segwiti mill-awtoritajiet tal-fruntieri, f’konformità mal-Artikolu 18e.”;

(20)fl-Artikolu 48a(2), (3) u (6), ir-referenzi għal “l-Artikolu 9, l-Artikolu 9h(2), l-Artikolu 9j(2) u l-Artikolu 22b(18)” jiġu sostitwiti b’referenzi għal “l-Artikolu 7b, l-Artikolu 9, l-Artikolu 9h(2), l-Artikolu 9j(2) u l-Artikolu 22b(18)”.

Artikolu 3
Emendi għar-Regolament tal-Kunsill (KE) Nru 1683/95 66

Ir-Regolament (KE) Nru 1683/95 huwa emendat kif ġej:

(1)L-Artikolu 1 jiġi sostitwit b’dan li ġej:

“Artikolu 1

Il-viżi maħruġa f’konformità mal-Artikolu 5 ta’ dan ir-Regolament mill-Istati Membri li ma joħorġux viżi fil-format diġitali msemmi fl-Artikolu 26a tar-Regolament (KE) Nru 810/2009 għandhom jiġu prodotti fil-forma ta’ format uniformi (stiker). Dawn għandhom jikkonformaw mal-ispeċifikazzjonijiet stabbiliti fl-Anness.”;

(2)fl-Artikolu 7, jiżdied ir-raba’ paragrafu li ġej:

“L-użu tal-format uniformi tal-viża għal finijiet oħrajn għajr dawk koperti mill-Artikolu 5 huwa mingħajr preġudizzju għall-ħruġ ta’ viżi fil-format diġitali msemmi fl-Artikolu 26a tar-Regolament (KE) Nru 810/2009.”.

Artikolu 4
Emendi għar-Regolament tal-Kunsill (KE) Nru 333/2002 67  

Fl-Artikolu 1 tar-Regolament (KE) Nru 333/2002, il-paragrafu 1 jiġi sostitwit b’dan li ġej:

“1. Dan ir-Regolament għandu japplika għall-Istati Membri li ma joħorġux viżi fil-format diġitali msemmi fl-Artikolu 26a tar-Regolament (KE) Nru 810/2009 tal-Parlament Ewropew u tal-Kunsill*.

Għall-finijiet ta’ dan ir-Regolament, “formola biex titwaħħal viża” għandha tfisser id-dokument maħruġ mill-awtoritajiet ta’ Stat Membru lid-detentur ta’ dokument tal-ivvjaġġar li ma huwiex rikonoxxut minn dak l-Istat Membru, li miegħu l-awtoritajiet kompetenti tiegħu jwaħħlu viża.”.

_________

* Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1).”.

Artikolu 5
Emendi għar-Regolament tal-Kunsill (KE) Nru 694/2003 68  

Ir-Regolament (KE) Nru 694/2003 huwa emendat kif ġej:

(1) L-Artikolu 1 jiġi sostitwit b’dan li ġej:

“Artikolu 1

1.Id-Dokumenti ta’ Tranżitu Faċilitat (FTD) maħruġa mill-Istati Membri kif imsemmija fl-Artikolu 2(1) tar-Regolament (KE) Nru 693/2003 għandhom jinħarġu fil-format diġitali msemmi fl-Artikolu 26a tar-Regolament (KE) Nru 810/2009 tal-Parlament Ewropew u tal-Kunsill * u għandu jkollhom l-istess valur bħall-viżi b’validità territorjali limitata għall-fini ta’ tranżitu. Barra minn hekk, il-format diġitali għandu jkun fih indikazzjoni ċara li d-dokument maħruġ huwa FTD.

2.Id-Dokumenti ta’ Tranżitu Faċilitat bil-Ferroviji (FRTD) maħruġa mill-Istati Membri kif imsemmija fl-Artikolu 2(2) tar-Regolament (KE) Nru 693/2003 għandhom jinħarġu fil-format diġitali msemmi fl-Artikolu 26a tar-Regolament (KE) Nru 810/2009 u għandu jkollhom l-istess valur bħall-viżi b’validità territorjali limitata għall-fini ta’ tranżitu. Barra minn hekk, il-format diġitali għandu jkun fih indikazzjoni ċara li d-dokument maħruġ huwa FRT.”.

__________

* Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1).”.

(2)Fl-Artikolu 2(1), l-ewwel subparagrafu jiġi sostitwit b’dan li ġej:

“1. Speċifikazzjonijiet tekniċi ulterjuri għall-format diġitali għal FTD u FRTD, inklużi dawk relatati ma’ dan li ġej, għandhom jiġu stabbiliti skont il-proċedura msemmija fl-Artikolu 4(2): ”;

(3)Fl-Artikolu 6, l-ewwel subparagrafu jiġi sostitwit b’dan li ġej:

“2. L-Istati Membri li jkunu ddeċidew li jagħmlu dan għandhom joħorġu l-format diġitali għall-FTD u l-FRTD kif imsemmi fl-Artikolu 1 sa mhux aktar tard minn sena wara l-adozzjoni tal-karatteristiċi u r-rekwiżiti ta’ sigurtà addizzjonali msemmija fl-Artikolu 2.”.

Artikolu 6
Emenda għall-Konvenzjoni li timplimenta l-Ftehim ta’ Schengen 69  

L-Artikolu 18 tal-Konvenzjoni li timplimenta l-Ftehim ta’ Schengen jiġi emendat kif ġej:

(1)il-paragrafu 1 jiġi sostitwit b’dan li ġej:

“1. Il-viżi għal soġġorni ta’ aktar minn 90 jum (viżi għal soġġorn twil) għandhom ikunu viżi nazzjonali maħruġa minn wieħed mill-Istati Membri skont il-liġi nazzjonali tiegħu jew id-dritt tal-Unjoni. Tali viżi għandhom jinħarġu fil-format diġitali msemmi fl-Artikolu 26a tar-Regolament (KE) Nru 810/2009.

Bħala eċċezzjoni, l-Istati Membri li ma joħorġux viżi fil-format diġitali msemmi fl-Artikolu 26a tar-Regolament (KE) Nru 810/2009 għandhom joħorġu viżi fil-format uniformi għall-viżi kif stabbilit fir-Regolament tal-Kunsill (KE) Nru 1683/95 ( * ) bl-intestatura li tispeċifika t-tip ta’ viża bl-ittra “D”. Dawn għandhom jimtlew skont id-dispożizzjonijiet rilevanti tal-Anness VII tar-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi).”;

(2)jiddaħħal il-paragrafu 1a li ġej:

“1a. Il-viżi għal soġġorn twil maħruġa f’format diġitali għandhom jiġu nnotifikati lill-applikanti b’mezzi elettroniċi f’konformità mal-Artikolu 7f tar-Regolament (KE) Nru 767/2008.”.

Artikolu 7
Emenda għar-Regolament tal-Kunsill (KE) Nru 693/2003 70

Ir-Regolament (KE) Nru 693/2003 huwa emendat kif ġej:

(1)fl-Artikolu 2, il-paragrafu 3 jiġi sostitwit b’dan li ġej:

“3. L-FTD/FRTD għandu jinħareġ fil-format diġitali msemmi fl-Artikolu 26a tar-Regolament (KE) Nru 810/2009*

__________

* Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1).”;

(2)L-Artikolu 5 jiġi emendat kif ġej:

(a)Fil-paragrafu 1, l-ewwel sentenza tiġi sostitwita b’din li ġejja:

“L-applikazzjoni għal FTD għandha tiġi sottomessa lill-awtoritajiet konsulari ta’ Stat Membru li jkun ikkomunika d-deċiżjoni tiegħu li joħroġ l-FTD/FRTD f’konformità mal-Artikolu 12. ”;

(b)jiddaħħal il-paragrafu 5 li ġej:

“5. L-applikazzjoni għal FTD u FRTD għandha titwettaq bl-użu ta’ għodda ta’ applikazzjoni online. L-għodda ta’ applikazzjoni online għandu jkun fiha d-data msemmija fil-paragrafi 3 u 4 ta’ dan l-Artikolu.”.

(3)fl-Artikolu 6, il-paragrafi 2, 3 u 4 jiġu sostitwiti b’dawn li ġejjin:

“2. Ma għandha tinħareġ l-ebda FTD/FRTD għal dokument tal-ivvjaġġar li jkun skada.

3. Il-perjodu ta’ validità tad-dokument tal-ivvjaġġar li għalih jinħareġ l-FTD/FRTD għandu jkun itwal minn dak tal-FTD/FRTD.

4. Ma għandu jinħareġ l-ebda FTD/FRTD għal dokument tal-ivvjaġġar, jekk dak id-dokument tal-ivvjaġġar ma jkunx validu għal xi wieħed mill-Istati Membri. Jekk dokument tal-ivvjaġġar ikun validu biss għal Stat Membru wieħed jew għal għadd ta’ Stati Membri, l-FTD/FRTD għandu jkun limitat għall-Istat Membru jew l-Istati Membri inkwistjoni.”.

Artikolu 8
Emendi għar-Regolament (UE) 2017/2226 tal-Parlament Ewropew u tal-Kunsill 71  

Ir-Regolament (UE) 2017/2226 jiġi emendat kif ġej:

(1)fl-Artikolu 16(2), il-punt (d) jiġi sostitwit b’dan li ġej:

“(d) fejn applikabbli, in-numru tal-viża għal soġġorn qasir, inkluż il-kodiċi bi tliet ittri tal-Istat Membru emittenti, it-tip ta’ viża għal soġġorn qasir, id-data tat-tmiem tad-durata massima tas-soġġorn kif awtorizzata mill-viża għal soġġorn qasir, li għandha tiġi aġġornata ma’ kull dħul, u d-data ta’ skadenza tal-validità tal-viża għal soġġorn qasir;”

(2)L-Artikolu 19 jiġi emendat kif ġej:

(a)fil-paragrafu 1, il-punt (d) jiġi sostitwit b’dan li ġej:

“(d) fejn applikabbli, in-numru tal-viża l-ġdid, inkluż il-kodiċi bi tliet ittri tal-pajjiż emittenti;”;

(b)jiżdied il-paragrafu 7 li ġej:

“7. Fejn tkun ittieħdet deċiżjoni biex tiġi kkonfermata viża valida f’dokument tal-ivvjaġġar ġdid, l-awtorità tal-viża li tkun ħadet id-deċiżjoni għandha tirkupra immedjatament id-data prevista fil-paragrafu 1 ta’ dan l-Artikolu mill-VIS u timportaha direttament fl-EES f’konformità mal-Artikolu 12a tar-Regolament (KE) Nru 767/2008.”.

(3)fl-Artikolu 24(2), il-punt (b) jiġi sostitwit b’dan li ġej:

“(b) in-numru tal-viża għal soġġorn qasir, inkluż il-kodiċi bi tliet ittri tal-Istat Membru emittenti msemmi fil-punt (d) tal-Artikolu 16(2);”;

(4)fl-Artikolu 32(5), il-punt (ċ) jiġi sostitwit b’dan li ġej:

“(c) in-numru tal-viża u d-data tal-iskadenza tal-validità tal-viża;”.

Artikolu 9
Evalwazzjoni tal-pjattaforma tal-applikazzjoni tal-UE

1.Ħames snin wara d-data tal-bidu tal-operazzjonijiet skont l-Artikolu 12 ta’ dan ir-Regolament, il-Kummissjoni għandha tevalwa l-operat tal-pjattaforma tal-applikazzjoni tal-UE. Din l-evalwazzjoni għandha tinkludi eżami tar-riżultati miksuba meta mqabbla mal-objettivi u tal-implimentazzjoni tad-dispożizzjonijiet tar-Regolament (KE) Nru 810/2009 u tar-Regolament (KE) Nru 767/2008, kif emendati b’dan ir-Regolament.

2.Il-Kummissjoni għandha tibgħat l-evalwazzjoni msemmija fil-paragrafu 1 lill-Parlament Ewropew u lill-Kunsill. Abbażi tal-evalwazzjoni, il-Kummissjoni għandha tissottometti, fejn meħtieġ, proposti xierqa.

Artikolu 10
Bidu tal-operazzjonijiet tal-pjattaforma tal-applikazzjoni tal-UE

1.Il-Kummissjoni għandha tiddetermina d-data minn meta jibdew l-operazzjonijiet tal-pjattaforma tal-applikazzjoni tal-UE skont dan ir-Regolament, ladarba jkunu ġew issodisfati l-kundizzjonijiet li ġejjin:

(a)ikunu ġew adottati l-miżuri msemmija fil-punt (31) tal-Artikolu 1 u fil-punti (19) u (20) tal-Artikolu 2;

(b)l-eu-LISA tkun iddikjarat it-tlestija b’suċċess ta’ testijiet komprensivi;

(c)l-eu-LISA tkun ivvalidat l-arranġamenti tekniċi u legali u nnotifikathom lill-Kummissjoni.

2.Id-deċiżjoni tal-Kummissjoni msemmija fil-paragrafu 1 għandha tiġi ppubblikata f’Il-Ġurnal Uffiċjali tal-Unjoni Ewropea.

3.B’deroga mill-paragrafu 1, u mingħajr preġudizzju għall-ħruġ ta’ viżi f’format diġitali, Stat Membru jista’, għal perjodu ta’ 5 snin mid-data msemmija fil-paragrafu 1, jiddeċiedi li ma jagħmilx użu mill-pjattaforma tal-applikazzjoni tal-UE.

F’dan il-każ, l-Istat Membru għandu jinnotifika lill-Kummissjoni rigward id-deċiżjoni tiegħu li ma jagħmilx użu mill-pjattaforma tal-applikazzjoni tal-UE matul il-perjodu ta’ tranżizzjoni. Il-Kummissjoni għandha tippubblika n-notifika f’Il-Ġurnal Uffiċjali tal-Unjoni Ewropea.

Matul dan il-perjodu tranżizzjonali, id-detenturi tal-viża għandhom ikunu jistgħu jivverifikaw il-viżi diġitali billi jużaw is-servizz web tal-pjattaforma online ta’ applikazzjonijiet għal viża, imsemmi fl-Artikolu 7g tar-Regolament (KE) Nru 767/2008, jekk l-Istat Membru li jkun qed jipproċessa l-applikazzjoni għall-viża tagħhom jiddeċiedi li ma jużax il-pjattaforma tal-applikazzjoni tal-UE.

4.Stat Membru jista’ jinnotifika lill-Kummissjoni u lill-eu-LISA li jixtieq jagħmel użu mill-pjattaforma tal-applikazzjoni tal-UE qabel it-tmiem tal-perjodu ta’ tranżizzjoni msemmi fil-paragrafu 3.

Il-Kummissjoni għandha tiddetermina d-data minn meta din għandha tkun applikabbli. Id-deċiżjoni tal-Kummissjoni għandha tiġi ppubblikata f’Il-Ġurnal Uffiċjali tal-Unjoni Ewropea.

Artikolu 11
Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri skont it-Trattati.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Il-proposta/l-inizjattiva hija relatata ma’:

✓ azzjoni ġdida 

◻ azzjoni ġdida b’segwitu għal proġett pilota/azzjoni preparatorja 72  

◻ l-estensjoni ta’ azzjoni eżistenti 

◻ fużjoni jew ridirezzjonar ta’ azzjoni waħda jew aktar lejn azzjoni oħra/ġdida 

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.4.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.4.1.Effettività u tempestività: jenħtieġ li l-indikaturi jippermettu li tiġi ssorveljata l-prestazzjoni billi tiġi pprovduta informazzjoni dwar il-progress fuq bażi regolari u fuq il-kisbiet li saru tul il-perjodu ta’ programmazzjoni.

1.4.4.2.Effiċjenza: jenħtieġ li l-proċessi jiġu ottimizzati għall-ġbir u l-ipproċessar tad-data, filwaqt li jiġu evitati t-talbiet mhux meħtieġa jew duplikati għal informazzjoni

1.4.4.3.Ir-rilevanza tal-indikaturi u l-ħtieġa li jiġi limitat il-piż amministrattiv assoċjat.

1.4.4.4.Ċarezza: jenħtieġ li l-indikaturi jitwasslu f’forma ċara u li tinftiehem, b’metadata ta’ sostenn u f’forma li tiffaċilita interpretazzjoni xierqa u komunikazzjoni sinifikanti.

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil, inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

◻durata limitata

–◻    fis-seħħ minn [JJ/XX]SSSS sa [JJ/XX]SSSS

–◻    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

✓ durata mhux limitata

–Implimentazzjoni b’perjodu ta’ bidu/żvilupp mill-2024 sal-2025,

–segwita minn operazzjoni fuq skala sħiħa mill-2026.

1.7.Mod(i) ta’ ġestjoni ppjanat(i) 73

◻ Ġestjoni diretta mill-Kummissjoni

–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

✓ Ġestjoni kondiviża mal-Istati Membri

✓ Ġestjoni indiretta billi jiġu fdati kompiti ta’ implimentazzjoni baġitarja lil:

–◻ pajjiżi terzi jew il-korpi nnominati minnhom;

–◻ organizzazzjonijiet internazzjonali u lill-aġenziji tagħhom (iridu jiġu speċifikati);

–◻ il-BEI u l-Fond Ewropew tal-Investiment;

–✓ korpi msemmija fl-Artikoli 70 u 71 tar-Regolament Finanzjarju;

–◻ korpi tal-liġi pubblika;

–◻ korpi rregolati mil-liġi privata b’missjoni ta’ servizz pubbliku sakemm dawn ikollhom garanziji finanzjarji adegwati;

–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwat;

–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (il-proporzjon tal-“kostijiet tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

–◻    Il-proposta/l-inizjattiva ma teħtieġx l-użu ta’ approprjazzjonijiet operazzjonali

–☑    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

miljuni ta’ EUR (għal tliet pożizzjonijiet deċimali)

Jekk il-proposta/l-inizjattiva taffettwa iżjed minn intestatura operazzjonali waħda, irrepeti t-taqsima ta’ hawn fuq:

Jenħtieġ li din it-taqsima timtela billi tintuża d-“data baġitarja ta’ natura amministrattiva” li, qabel kollox, trid tiġi introdotta fl- Anness tad-Dikjarazzjoni Finanzjarja Leġiżlattiva (l-Anness V tar-regoli interni), li jittella’ fid-DECIDE għall-finijiet ta’ konsultazzjoni bejn is-servizzi.

miljuni ta’ EUR (għal tliet pożizzjonijiet deċimali)

miljuni ta’ EUR (għal tliet pożizzjonijiet deċimali)

eu-LISA: diżaggregazzjoni tan-nefqa għal kull titolu

Dawn l-ispejjeż se jkopru l-kostijiet relatati ma’:

·l-iżvilupp u l-manutenzjoni ta’ pjattaforma tal-UE ta’ applikazzjoni għal viża,

·ir-reklutaġġ gradwali ta’ 5 aġenti temporanji (AD) addizzjonali u 5 aġenti kuntrattwali għall-iżvilupp u l-manutenzjoni tal-pjattaforma tal-UE ta’ applikazzjoni għal viża mill-2023.

3.2.2.Output stmat iffinanzjat bl-approprjazzjonijiet operazzjonali

Approprjazzjonijiet ta’ impenn f’miljuni ta’ EUR (għal tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi – DĠ HOME

–✓    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–◻    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (għal tliet pożizzjonijiet deċimali)

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.4.Sommarju tal-impatt stmat fuq l-approprjazzjonijiet amministrattivi – eu-LISA

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–✓    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (għal tliet pożizzjonijiet deċimali)

3.2.4.1.Rekwiżiti stmati ta’ riżorsi umani – DĠ HOME

–☑    Il-proposta/l-inizjattiva ma teħtieġx l-użu ta’ riżorsi umani.

–◻    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.4.2.Rekwiżiti stmati ta’ riżorsi umani – eu-LISA

–◻    Il-proposta/l-inizjattiva ma teħtieġx l-użu ta’ riżorsi umani.

–✓    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

Deskrizzjoni tal-kompiti li jridu jitwettqu:

FAŻI TA’ IMPLIMENTAZZJONI (2024, 2025)

Se jkunu meħtieġa 6 FTEs (4 TA, 2 CA) biex jelaboraw fuq is-solleċitazzjoni ta’ speċifikazzjonijiet/rekwiżiti, kif ukoll fuq kompiti ta’ analiżi u disinn b’kooperazzjoni mal-kuntratturi, li jikkombinaw l-għarfien espert fl-Arkitettura tal-IT, l-Ittestjar, is-Sigurtà u l-Protezzjoni tad-Data,

il-Ġestjoni tal-Programmi u tal-Proġetti u l-Ġestjoni tar-Relazzjonijiet tan-Negozju. Filwaqt li l-profil tal-Maniġer tal-Proġett jiġi segwit minn profil ta’ Sid tal-Prodott wara d-Dħul fl-Operazzjonijiet, jeħtieġ li tinżamm parti iżgħar tal-allokazzjoni tal-profili tal-PM wara d-dħul fl-operazzjonijiet, prinċipalment għall-evoluzzjonijiet tal-prodotti, għall-proġetti ta’ manutenzjoni adattiva u għar-rilaxxi.

Diġà se jkunu meħtieġa 2 FTEs (1 TA, 1 CA) li jikkombinaw profili tekniċi differenti matul il-fażi ta’ implimentazzjoni sabiex jiġu garantiti l-armonizzazzjoni u l-inkorporazzjoni tas-soluzzjoni fl-infrastruttura eżistenti u fl-arkitettura, il-komponenti u l-istandards tan-network. Għalhekk, ġew ikkunsidrati l-Infrastruttura, in-Network, is-Servizzi ta’ Ġestjoni taċ-Ċentri tad-Data u l-profili tal-Ġestjoni tal-Prodotti/tas-Servizzi. Barra minn hekk, l-isforz għal servizzi trażversali (akkwist, finanzi u riżorsi umani) għandu jitqies fl-estimi għall-fażi ta’ implimentazzjoni.

FAŻI TAL-OPERAZZJONIJIET (2026, 2027)

Wara d-dħul fl-operazzjonijiet, ikunu meħtieġa 10 FTEs (5 TA, 5 CA) biex jiżguraw disponibbiltà għolja tas-servizzi pprovduti lill-Istati Membri permezz ta’ ġestjoni operattiva robusta u ta’ kwalità għolja 24 siegħa kuljum. Sabiex tiġi garantita kontinwità għolja, il-biċċa l-kbira tal-profili tekniċi użati matul il-fażi ta’ implimentazzjoni se jkomplu jaħdmu fuq il-prodott. B’kollox, l-operazzjonijiet se jkunu jeħtieġu riżorsi għall-appoġġ fl-ewwel livell u appoġġ fit-tieni livell, Ġestjoni tas-Sigurtà, Kontinwità tan-Negozju u Protezzjoni tad-Data, Ġestjoni tat-Testijiet u tat-Tranżizzjoni, Infrastruttura, Ġestjoni tan-Network u taċ-Ċentru tad-Data, Servizzi tas-Sid tal-Prodott/tas-Servizz, kif ukoll l-Arkitettura tal-IT, l-Appoġġ għall-Proġetti u l-Ġestjoni tar-Relazzjonijiet tan-Negozju. Il-kompiti li għandhom jitwettqu huma relatati mal-ġestjoni tal-pjattaforma, l-infrastruttura, in-network, is-sigurtà eċċ. matul l-operazzjonijiet ta’ kuljum, iżda wkoll matul il-ġestjoni ta’ evoluzzjonijiet tekniċi li jirriżultaw minn manutenzjoni korrettiva u adattiva.

3.2.5.Kompatibbiltà mal-qafas finanzjarju pluriennali attwali

Il-proposta/l-inizjattiva:

–✓    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-Qafas Finanzjarju Pluriennali (QFP).

–◻    teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP.

–◻    teħtieġ reviżjoni tal-QFP.

3.2.6.Kontribuzzjonijiet ta’ partijiet terzi

Il-proposta/l-inizjattiva:

–◻    ma tipprevedix kofinanzjament minn partijiet terzi

–◻    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (għal tliet pożizzjonijiet deċimali)

3.3.Impatt stmat fuq id-dħul

–◻    Il-proposta/l-inizjattiva ma għandha l-ebda impatt finanzjarju fuq id-dħul.

–☑    Il-proposta/l-inizjattiva għandha l-impatt finanzjarju li ġej:

–◻    fuq ir-riżorsi proprji

–☑    fuq dħul ieħor

–jekk jogħġbok indika, jekk id-dħul hux assenjat għal-linji tan-nefqa ◻    

miljuni ta’ EUR (għal tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

(1)    Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1).

(2)    Ir-Regolament (KE) Nru 767/2008 tal-Parlament Ewropew u tal-Kunsill tad-9 ta’ Lulju 2008 dwar is-Sistema tal-Informazzjoni dwar il-Viża (VIS) u l-iskambju ta’ data bejn l-Istati Membri dwar viżi għal perjodu qasir (ĠU L 218, 13.8.2008, p. 60).

(3)     https://www.consilium.europa.eu/mt/council-eu/preparatory-bodies/visa-working-party/  

(4)    Il-Presidenza tal-Kunsill tal-Unjoni Ewropea, viża elettronika: Intejbu l-proċess attwali tal-viża b’applikazzjoni għal viża online, 12546/17, Ottubru 2017

(5)    Il-Presidenza tal-Kunsill tal-Unjoni Ewropea, viża elettronika: Intejbu l-proċess attwali tal-viża b’viża diġitali, 11816/17; Settembru 2017

(6)    Ir-Regolament (UE) 2019/1155 li jemenda r-Regolament (KE) Nru 810/2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 188, 12.7.2019, p. 25).

(7)    Ir-Regolament (UE) 2021/1134 tal-Parlament Ewropew u tal-Kunsill tas-7 ta’ Lulju 2021 li jemenda r-Regolamenti (KE) Nru 767/2008, (KE) Nru 810/2009, (UE) 2016/399, (UE) 2017/2226, (UE) 2018/1240, (UE) 2018/1860, (UE) 2018/1861, (UE) 2019/817 u (UE) 2019/1896 tal-Parlament Ewropew u tal-Kunsill u li jħassar id-Deċiżjonijiet tal-Kunsill 2004/512/KE u 2008/633/ĠAI, għall-fini tar-riforma tas-Sistema ta’ Informazzjoni dwar il-Viża (ĠU L 248, 13.7.2021, p. 11).

(8)    Ir-Regolament (UE) 2017/2226 tal-Parlament Ewropew u tal-Kunsill tat-30 ta’ Novembru 2017 li jistabbilixxi Sistema ta’ Dħul/Ħruġ (EES) biex tiġi rreġistrata data dwar id-dħul u l-ħruġ u data dwar iċ-ċaħda tad-dħul ta’ ċittadini ta’ pajjiżi terzi li jaqsmu l-fruntieri esterni tal-Istati Membri u li jiddetermina l-kondizzjonijiet għall-aċċess għall-EES għal raġunijiet ta’ infurzar tal-liġi, u li jemenda l-Konvenzjoni li timplimenta l-Ftehim ta’ Schengen u r-Regolamenti (KE) Nru 767/2008 u (UE) Nru 1077/2011 (ĠU L 327, 9.12.2017, p. 20) (minn hawn ’il quddiem: Sistema ta’ Dħul/Ħruġ/EES).

(9)    Ir-Regolament (UE) 2018/1240 tal-Parlament Ewropew u tal-Kunsill tat-12 ta’ Settembru 2018 li jistabbilixxi Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226 (ĠU L 236, 19.9.2018, p. 1) (minn hawn ’il quddiem: ir-Regolament dwar l-ETIAS).

(10)    Il-Komunikazzjoni tal-Kummissjoni lill-Parlament Ewropew u lill-Kunsill, Nadattaw il-politika komuni dwar il-viża għal sfidi ġodda, COM(2018) 251 final, https://ec.europa.eu/home-affairs/sites/default/files/what-we-do/policies/european-agenda-migration/20180314_communication-commission-parliament-council-adapting-common-visa-policy-new-challenges_en.pdf .  

(11)    Il-premessa 20 fir-Regolament (UE) 2019/1155.

(12)    Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar Patt Ġdid dwar il-Migrazzjoni u l-Ażil, COM(2020) 609 final, https://eur-lex.europa.eu/legal-content/MT/TXT/?uri=CELEX%3A52020DC0609 .

(13)    L-Anness I tar-Regolament (UE) 2018/1806 tal-Parlament Ewropew u tal-Kunsill tal-14 ta’ Novembru 2018 li jelenka l-pajjiżi terzi li ċ-ċittadini tagħhom għandu jkollhom viża fil-pussess tagħhom meta jaqsmu l-fruntieri esterni u dawk li ċ-ċittadini tagħhom huma eżenti minn dik il-ħtieġa (ĠU L 303, 28.11.2018, p. 39).

(14)    L-Istati Membri jistgħu jaqblu bilateralment li jkunu rrappreżentati minn Stat Membru ieħor f’pajjiż terz permezz ta’ ftehimiet ta’ rappreżentanza. Dan ifisser li mhux l-Istati Membri kollha għandhom konsulati fil-pajjiżi terzi kollha li jeħtieġu viża.

(15)    Studju biex jiġu vvalutati d-diversi għażliet relatati mad-diġitalizzazzjoni tal-proċess tal-viża u biex tiġi appoġġata t-tħejjija ta’ valutazzjoni tal-impatt - Rapport Finali disponibbli: https://ec.europa.eu/home-affairs/study-assess-various-options-related-visa-process-digitalisation-and-support-preparation-impact_en .

(16)    Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1) u r-Regolament (UE) 2019/1155 tal-Parlament Ewropew u tal-Kunsill tal-20 ta’ Ġunju 2019 li jemenda r-Regolament (KE) Nru 810/2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 188, 12.7.2019, p. 25).

(17)    Ir-Regolament (UE) 2017/1370 tal-Parlament Ewropew u tal-Kunsill tal-4 ta’ Lulju 2017 li jemenda r-Regolament tal-Kunsill (KE) Nru 1683/95 li jistabbilixxi format uniformi għall-viżi (ĠU L 198, 28.7.2017, p. 24).

(18)    Is-suxxettibbiltà għall-frodi tal-istiker tal-viża hija ssostanzjata mid-Deċiżjoni ta’ Implimentazzjoni tal-Kummissjoni C(2020) 2672 tat-30 ta’ April 2020 li tintroduċi siġill diġitali fuq il-format uniformi għall-viżi. Din id-deċiżjoni ta’ implimentazzjoni ġiet adottata wara li ġew skoperti ħafna falsifikazzjonijiet tal-istiker tal-viża l-ġdida fl-Istati Membri ftit wara l-introduzzjoni tagħha (Diċembru 2019).

(19)    Pereżempju, stħarriġ tal-2018 mill-Assoċjazzjoni Ewropea tat-Turiżmu stima li l-proċess attwali tal-viża qed iwarrab 25 % tal-vjaġġaturi Indjani li jqisu ż-żona Schengen bħala destinazzjoni tal-ivvjaġġar. Għalhekk, dan jikkonferma li xi vjaġġaturi li jeħtieġu viża jistgħu jiġu skoraġġuti milli jivvjaġġaw lejn l-UE minħabba r-rekwiżiti tal-viża https://www.etoa.org/eu-schengen-visa-long-haul-markets/

(20)    Is-suxxettibbiltà għall-frodi tal-istiker tal-viża hija ssostanzjata mid-Deċiżjoni ta’ Implimentazzjoni tal-Kummissjoni C(2020) 2672 tat-30 ta’ April 2020 li tintroduċi siġill diġitali fuq il-format uniformi għall-viżi. Din id-deċiżjoni ta’ implimentazzjoni ġiet adottata wara li ġew skoperti ħafna falsifikazzjonijiet tal-istiker tal-viża l-ġdida fl-Istati Membri ftit wara l-introduzzjoni tagħha (Diċembru 2019).

(21)    Bħar-Regolament dwar l-Interoperabbiltà (ir-Regolament (UE) 2019/818 tal-Parlament Ewropew u tal-Kunsill tal-20 ta’ Mejju 2019 dwar l-istabbiliment ta’ qafas għall-interoperabbiltà bejn sistemi ta’ informazzjoni tal-UE fil-qasam tal-kooperazzjoni tal-pulizija u ġudizzjarja, l-ażil u l-migrazzjoni u li jemenda r-Regolamenti (UE) 2018/1726, (UE) 2018/1862 u (UE) 2019/816 (ĠU L 135, 22.5.2019, p. 85).

(22)    Ir-Regolament (UE) 2021/1134 tal-Parlament Ewropew u tal-Kunsill tas-7 ta’ Lulju 2021. Ir-Regolament VIS rivedut se jippermetti li jsiru kontrolli tal-isfond aktar bir-reqqa fuq l-applikanti għal viża, jagħlaq il-lakuni fl-informazzjoni dwar is-sigurtà permezz ta’ skambju aħjar ta’ informazzjoni bejn l-Istati Membri, iwessa’ s-Sistema ta’ Informazzjoni dwar il-Viża biex tkun tinkludi viżi għal soġġorn twil u permessi ta’ residenza, u se jippermetti l-ġlieda kontra l-ħtif u t-traffikar tat-tfal permezz tat-tnaqqis tal-età għat-teħid tal-marki tas-swaba’ għall-minorenni. Flimkien mas-sistemi ta’ informazzjoni ġodda u aġġornati l-oħrajn, is-Sistema ta’ Informazzjoni dwar il-Viża l-ġdida għandha tkun operattiva u kompletament interoperabbli sa tmiem l-2023.

(23)    Bażi ġuridika tal-ETIAS: Ir-Regolament (UE) 2018/1240 tal-Parlament Ewropew u tal-Kunsill tat-12 ta’ Settembru 2018 li jistabbilixxi Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226 (ĠU L 236, 19.9.2018, p. 1).

(24)    L-EES se tkun interoperabbli mal-VIS u mas-sistemi ta’ informazzjoni l-oħrajn tal-UE sabiex l-informazzjoni kollha tiġi kontroverifikata (eż. is-sistemi se jipprovdu informazzjoni dwar jekk detentur ta’ viża għandux diġà fajl fl-EES).

(25)    Id-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU L 158, 30.4.2004, p. 77).

(26)    Il-ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7).

(27)    COM(2020) 690 final, Il-Programm ta’ Ħidma tal-Kummissjoni għall-2021, Unjoni ta’ vitalità f’dinja ta’ fraġilità, p. 6.

(28)    Il-Komunikazzjoni tal-Kummissjoni lill-Parlament Ewropew u lill-Kunsill “Strateġija lejn żona Schengen reżiljenti u li tiffunzjona bis-sħiħ”, COM(2021) 277 final.

(29)    COM(2021) 118 final, Komunikazzjoni tal-Kummissjoni dwar il-Kumpass Diġitali tal-2030: l-approċċ Ewropew għad-Deċennju Diġitali .

(30)    Jiġifieri r-Regolament (UE) 2017/2226 tal-Parlament Ewropew u tal-Kunsill, ir-Regolament tal-Kunsill (KE) Nru 1683/95, ir-Regolament tal-Kunsill (KE) Nru 333/2002, ir-Regolament tal-Kunsill (KE) Nru 693/2003, ir-Regolament tal-Kunsill (KE) Nru 694/2003, u l-Konvenzjoni li timplimenta l-Ftehim ta’ Schengen.

(31)    Bl-eċċezzjoni tal-Irlanda, li ma tipparteċipax fil-politika tal-Unjoni dwar il-viżi. Fir-rigward ta’ Ċipru, il-Bulgarija, ir-Rumanija u l-Kroazja, id-dispożizzjonijiet ta’ dan ir-Regolament jikkostitwixxu dispożizzjonijiet li jibnu fuq l-acquis ta’ Schengen, jew inkella li huma relatati miegħu, rispettivament, fis-sens tal-Artikolu 3(2) tal-Att tal-Adeżjoni tal-2003, l-Artikolu 4(2) tal-Att tal-Adeżjoni tal-2005 moqri flimkien mad-Deċiżjoni tal-Kunsill (UE) 2017/1908 u l-Artikolu 4(2) tal-Att tal-Adeżjoni tal-2011.

(32)    L-Iżlanda, in-Norveġja, il-Liechtenstein u l-Iżvizzera.

(33)     Study on the feasibility and implications of options to digitalise visa processing (Studju dwar il-fattibbiltà u l-implikazzjonijiet tal-għażliet għad-diġitalizzazzjoni tal-ipproċessar tal-viżi), 2019   https://op.europa.eu/en/publication-detail/-/publication/4cb4fbb8-4c82-11ea-b8b7-01aa75ed71a1/language-en  

(34)    Studju biex jiġu vvalutati d-diversi għażliet relatati mad-diġitalizzazzjoni tal-proċess tal-viża u biex tiġi appoġġata t-tħejjija ta’ valutazzjoni tal-impatt - Rapport Finali disponibbli: https://ec.europa.eu/home-affairs/study-assess-various-options-related-visa-process-digitalisation-and-support-preparation-impact_en .

(35)    Skont ir-regoli applikabbli tal-Kodiċi dwar il-Viżi (ir-Regolament (KE) Nru 810/2009), fil-prinċipju, id-data bijometrika għandha tinġabar kull 59 xahar, li jibdew mid-data tal-ewwel ġbir; inkella, hija tiġi kkopjata mill-applikazzjoni preċedenti

(36)    L-Istati Membri huma obbligati skont il-Kodiċi dwar il-Viżi li jirrapportaw lill-Kummissjoni dwar kwalunkwe telf sinifikanti ta’ stikers tal-viżi vojta. (L-Art. 37(2)).

(37)    Dan ġie kkunsidrat fil-kalkolu tal-kostijiet u l-benefiċċji, jekk wieħed jassumi li 3 % tal-applikazzjonijiet xorta jsiru permezz ta’ applikazzjonijiet fuq il-karta. Dan jikkonċerna l-applikanti li ma jistgħux japplikaw online jew l-applikanti li huma meħtieġa jipprovdu dokumenti ta’ sostenn stampati. Minħabba li l-applikazzjoni permezz ta’ mezzi diġitali se tkun ħafna aktar faċli milli permezz tal-karta fil-konsulat, il-persentaġġ se jkun baxx ħafna.

(38)    Id-Direttiva (UE) 2016/2102 tal-Parlament Ewropew u tal-Kunsill tas-26 ta’ Ottubru 2016 dwar l-aċċessibbiltà tas-siti elettroniċi u tal-applikazzjonijiet mobbli tal-korpi tas-settur pubbliku (ĠU L 327, 2.12.2016, p. 1–15).

(39)    Proġett mal-eu-LISA biex jiġi żviluppat u ttestjat prototip ta’ pjattaforma futura tal-UE ta’ applikazzjoni għal viża online mnedija f’Settembru 2020 f’konformità ma’ Ftehim dwar il-Livell ta’ Servizz iffirmat bejn id-DĠ HOME u l-eu-LISA fis-27 ta’ Lulju 2020. Il-proġett għandu janalizza l-kostijiet kif ukoll ir-rekwiżiti tekniċi u legali ta’ pjattaforma futura tal-UE ta’ applikazzjoni online. Ir-rapport finali tal-proġett għandu jiġi sottomess sa Ottubru 2021.

(40)    Stmat li jdum tliet snin abbażi tal-istudju tal-fattibbiltà tal-2019 dwar il-viża diġitali.

(41)    Jekk jogħġbok innota li dan il-kost medju jiddevja minn dak ippreżentat fl-għażla 3. Dan minħabba li s-17-il Stat Membru li ntgħażlu fl-Għażla ta’ Politika 3 jirrappreżentaw biss 43 % tal-applikazzjonijiet għal viża, filwaqt li jirrappreżentaw madwar 75 % tal-Istati Membri kollha. Din hija r-raġuni għaliex il-kostijiet tal-infrastruttura ma jistgħux jiġu skalati b’mod lineari abbażi tal-għadd ta’ Stati Membri li jiddeċiedu li jipparteċipaw.

(42)    C(2020)2672. Din id-Deċiżjoni ta’ Implimentazzjoni tistipula li l-Istati Membri kollha għandhom japplikaw is-siġill diġitali mhux aktar tard minn sentejn wara n-notifika (jiġifieri l-1 ta’ Mejju 2022).

(43)    Il-premessa 20 fir-Regolament (UE) 2019/1155

(44)    COM(2021) 118 final, Komunikazzjoni tal-Kummissjoni dwar il-Kumpass Diġitali tal-2030: l-approċċ Ewropew għad-Deċennju Diġitali

(45)    Ir-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (ĠU L 243, 15.9.2009, p. 1).

(46)    Ir-Regolament (KE) Nru 767/2008 tal-Parlament Ewropew u tal-Kunsill tad-9 ta’ Lulju 2008 dwar is-Sistema tal-Informazzjoni dwar il-Viża (VIS) u l-iskambju ta’ data bejn l-Istati Membri dwar viżi għal perjodu qasir (Regolament VIS), (ĠU L 218, 13.8.2008, p. 60).

(47)    Id-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU L 158, 30.4.2004, p. 77).

(48)    Il-ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7).

(49)    Ir-Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 dwar Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen)

(50)    Ir-Regolament tal-Kunsill (KE) Nru 1683/95 tad-29 ta’ Mejju 1995 li jistabbilixxi format uniformi għall-viżi (ĠU L 164, 14.7.1995, p. 1).

(51)    Il-Konvenzjoni li timplimenta l-Ftehim ta’ Schengen tal-14 ta’ Ġunju 1985 bejn il-Gvernijiet tal-Istati tal-Unjoni Ekonomika tal-Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fil-fruntieri komuni tagħhom (ĠU L 239, 22.9.2000, p. 19).

(52)    Ir-Regolament tal-Kunsill (KE) Nru 333/2002 tat-18 ta’ Frar 2002 fuq format uniformi għall-formuli biex titwaħħal il-viża maħruġa mill-Istati Membri lill-persuni li jkollhom dokumenti għall-ivvjaġġar mhux rikonoxxuti mill-Istati Membri li jirrediġu l-formula (ĠU L 53, 23.2.2002, p. 4).

(53)    Ir-Regolament tal-Kunsill (KE) Nru 693/2003 tal-14 ta’ April 2003 li jistabbilixxi Dokument speċifiku ta’ Tranżitu Faċilitat (FTD), Dokument ta’ Tranżitu Faċilitat bil-Ferroviji (FRTD) u jemenda l-Istruzzjonijiet Konsulari Komuni u l-Ktieb tal-Istruzzjonijiet Komuni (ĠU L 99, 17.4.2003, p. 8).

(54)    Ir-Regolament tal-Kunsill (KE) Nru 694/2003 tal-14 ta’ April 2003 dwar il-formati uniformi tad-Dokumenti dwar it-Tranżitu Faċilitat (FTD) u tad-Dokumenti dwar it-Tranżitu Faċilitat bil-Ferroviji (FRTD) previsti fir-Regolament (KE) Nru 693/2003 (ĠU L 99, 17.4.2003, p. 15).

(55)    ĠU L 123, 12.5.2016, p. 1.

(56)    Id-Direttiva (UE) 2016/2102 tal-Parlament Ewropew u tal-Kunsill tas-26 ta’ Ottubru 2016 dwar l-aċċessibbiltà tas-siti elettroniċi u tal-applikazzjonijiet mobbli tal-korpi tas-settur pubbliku (ĠU L 327, 2.12.2016, p. 1-15).

(57)    Dan ir-Regolament jaqa’ barra mill-kamp ta’ applikazzjoni tal-miżuri previsti fid-Deċiżjoni tal-Kunsill 2002/192/KE tat-28 ta’ Frar 2002 dwar it-talba tal-Irlanda biex tieħu sehem f’xi wħud mid-dispożizzjonijiet tal-acquis ta’ Schengen (ĠU L 64, 7.3.2002, p. 20).

(58)    ĠU L 176, 10.7.1999, p. 36.

(59)    Id-Deċiżjoni tal-Kunsill 1999/437/KE tas-17 ta’ Mejju 1999 dwar ċerti arranġamenti għall-applikazzjoni tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen (ĠU L 176, 10.7.1999, p. 31).

(60)    ĠU L 53, 27.2.2008, p. 52.

(61)    Id-Deċiżjoni tal-Kunsill 2008/146/KE tat-28 ta’ Jannar 2008 dwar il-konklużjoni, f’isem il-Komunità Ewropea, tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen (ĠU L 53, 27.2.2008, p. 1).

(62)    ĠU L 160, 18.6.2011, p. 21.

(63)    Id-Deċiżjoni tal-Kunsill 2011/350/UE tas-7 ta’ Marzu 2011 dwar il-konklużjoni, f’isem l-Unjoni Ewropea, tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen, relatat mal-abolizzjoni tal-verifiki mal-fruntieri interni u l-moviment tal-persuni (ĠU L 160, 18.6.2011, p. 19).

(64)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39-98)

(65)    [ĠU C …].

(66)    Ir-Regolament tal-Kunsill (KE) Nru 1683/95 tad-29 ta’ Mejju 1995 li jistabbilixxi format uniformi għall-viżi (ĠU L 164, 14.7.1995, p. 1).

(67)    Ir-Regolament tal-Kunsill (KE) Nru 333/2002 tat-18 ta’ Frar 2002 fuq format uniformi għall-formuli biex titwaħħal il-viża maħruġa mill-Istati Membri lill-persuni li jkollhom dokumenti għall-ivvjaġġar mhux rikonoxxuti mill-Istati Membri li jirrediġu l-formula (ĠU L 53, 23.2.2002, p. 4).

(68)    Ir-Regolament tal-Kunsill (KE) Nru 694/2003 tal-14 ta’ April 2003 dwar il-formati uniformi tad-Dokumenti dwar it-Tranżitu Faċilitat (FTD) u tad-Dokumenti dwar it-Tranżitu Faċilitat bil-Ferroviji (FRTD) previsti fir-Regolament (KE) Nru 693/2003 (ĠU L 99, 17.4.2003, p. 15).

(69)    Il-Konvenzjoni li timplimenta l-Ftehim ta’ Schengen tal-14 ta’ Ġunju 1985 bejn il-Gvernijiet tal-Istati tal-Unjoni Ekonomika tal-Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fil-fruntieri komuni tagħhom ( ĠU L 239, 22.9.2000, p. 19 ).

(70)    Ir-Regolament tal-Kunsill (KE) Nru 693/2003 tal-14 ta’ April 2003 li jistabbilixxi Dokument speċifiku ta’ Tranżitu Faċilitat (FTD), Dokument ta’ Tranżitu Faċilitat bil-Ferroviji (FRTD) u jemenda l-Istruzzjonijiet Konsulari Komuni u l-Ktieb tal-Istruzzjonijiet Komuni (ĠU L 99, 17.4.2003, p. 8).

(71)    Ir-Regolament (UE) 2017/2226 tal-Parlament Ewropew u tal-Kunsill tat-30 ta’ Novembru 2017 li jistabbilixxi Sistema ta’ Dħul/Ħruġ (EES) biex tiġi rreġistrata data dwar id-dħul u l-ħruġ u data dwar iċ-ċaħda tad-dħul ta’ ċittadini ta’ pajjiżi terzi li jaqsmu l-fruntieri esterni tal-Istati Membri u li jiddetermina l-kondizzjonijiet għall-aċċess għall-EES għal raġunijiet ta’ infurzar tal-liġi, u li jemenda l-Konvenzjoni li timplimenta l-Ftehim ta’ Schengen u r-Regolamenti (KE) Nru 767/2008 u (UE) Nru 1077/2011 (ĠU L 327, 9.12.2017, p. 20).

(72)    Kif imsemmi fl-Artikolu 58(2)(a) jew (b) tar-Regolament Finanzjarju.

(73)    Id-dettalji tal-modi ta’ ġestjoni u r-referenzi għar-Regolament Finanzjarju jinsabu fuq is-sit BudgWeb: https://myintracomm.ec.europa.eu/budgweb/MT/man/budgmanag/Pages/budgmanag.aspx  

(74)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(75)    EFTA: Assoċjazzjoni Ewropea tal-Kummerċ Ħieles.

(76)    Pajjiżi kandidati u, fejn ikun applikabbli, pajjiżi potenzjalment kandidati mill-Balkani tal-Punent.

(77)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħġbok issostitwixxi l-“N” bl-ewwel sena ta’ implimentazzjoni prevista (pereżempju: 2021). Agħmel l-istess għas-snin ta’ wara.

(78)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(79)    AC= Persunal bil-Kuntratt; AL = Persunal Lokali; END = Espert Nazzjonali Sekondat; INT = Persunal tal-Aġenziji; JPD = Professjonisti Subalterni f’Delegazzjonijiet.

(80)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(81)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħġbok issostitwixxi l-“N” bl-ewwel sena ta’ implimentazzjoni prevista (pereżempju: 2021). Agħmel l-istess għas-snin ta’ wara.

(82)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.