—

wara li kkunsidra l-Artikoli 2 u 3(3) tat-Trattat dwar l-Unjoni Ewropea,

—

wara li kkunsidra l-Artikolu 8, l-Artikolu 83(1) u l-Artikoli 84 u 225 tat-Trattat dwar il-Funzjonament tal-Unjoni Ewropea,

—

wara li kkunsidra l-Karta tad-Drittijiet Fundamentali tal-Unjoni Ewropea, u b'mod partikolari l-Artikoli 7, 8, 10, 11, 12, 21, 23, 24, 25, 26 u 47 tagħha,

—

wara li kkunsidra l-komunikazzjoni tal-Kummissjoni tal-5 ta' Marzu 2020 bit-titolu "Unjoni ta' Ugwaljanza: Strateġija ta' Ugwaljanza Bejn is-Sessi għall-2020-2025, u, b'mod partikolari, l-objettiv li n-nisa u l-bniet jinħelsu mill-vjolenza u l-isterjotipi stabbiliti fiha,

—

wara li kkunsidra l-komunikazzjoni tal-Kummissjoni tal-14 ta' April 2021 dwar l-Istrateġija tal-UE dwar il-Ġlieda kontra t-Traffikar tal-Bnedmin 2021-2025,

—

wara li kkunsidra l-komunikazzjoni tal-Kummissjoni tat-28 ta' Settembru 2017 bit-titolu “Nindirizzaw il-kontenut illegali online – Lejn aktar responsabbiltà fir-rigward tal-pjattaformi online”,

—

wara li kkunsidra l-komunikazzjoni tal-Kummissjoni tal-24 ta' Ġunju 2020 bit-titolu “Strateġija tal-UE dwar id-drittijiet tal-vittmi (2020-2025)”,

—

wara li kkunsidra l-komunikazzjoni tal-Kummissjoni tat-12 ta' Novembru 2020 bit-titolu “Unjoni ta' Ugwaljanza: Strateġija dwar l-Ugwaljanza tal-LGBTIQ 2020-2025”,

—

wara li kkunsidra l-proposta tal-Kummissjoni għal Deċiżjoni tal-Kunsill dwar il-konklużjoni, mill-Unjoni Ewropea, tal-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-nisa u l-vjolenza domestika,

—

wara li kkunsidra l-proposta tal-Kummissjoni għal regolament tal-Parlament Ewropew u tal-Kunsill dwar Suq Intern għas-Servizzi Diġitali (l-Att dwar is-Servizzi Diġitali) u li jemenda d-Direttiva 2000/31/KE,

—

wara li kkunsidra l-Kodiċi ta' Kondotta tal-Kummissjoni dwar il-Ġlieda Kontra d-Diskors ta' Mibegħda Online Illegali, ippubblikat f'Mejju 2016 u l-ħames sessjoni ta' monitoraġġ tiegħu, li rriżulta fid-dokument “Factsheet – 5th monitoring round of the Code of Conduct” (Skeda Informattiva – il-ħames sessjoni ta' monitoraġġ tal-Kodiċi ta' Kondotta),

—

wara li kkunsidra l-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza kontra n-nisa u l-vjolenza domestika, li nfetħet għall-iffirmar f'Istanbul fil-11 ta' Mejju 2011,

—

wara li kkunsidra l-Konvenzjoni tal-Kunsill tal-Ewropa dwar iċ-Ċiberkriminalità, tat-23 ta' Novembru 2001,

—

wara li kkunsidra r-riżoluzzjoni tiegħu tal-21 ta' Jannar 2021 dwar l-Istrateġija tal-UE għall-Ugwaljanza bejn il-Ġeneri (1),

—

wara li kkunsidra r-riżoluzzjoni tiegħu tal-10 ta' Ġunju 2021 dwar il-promozzjoni tal-ugwaljanza fix-xjenza, fit-teknoloġija, fl-inġinerija u fil-matematika (STEM) fl-edukazzjoni u fil-karrieri (2),

—

wara li kkunsidra r-riżoluzzjoni tiegħu tal-11 ta' Marzu 2021 dwar il-proklamazzjoni tal-UE bħala Żona ta' Libertà LGBTIQ (3),

—

wara li kkunsidra r-riżoluzzjoni tiegħu tal-10 ta' Frar 2021 dwar l-implimentazzjoni tad-Direttiva 2011/36/UE dwar il-prevenzjoni u l-ġlieda kontra t-traffikar tal-bnedmin u l-protezzjoni tal-vittmi tiegħu (4),

—

wara li kkunsidra r-riżoluzzjoni tiegħu tal-11 ta' Frar 2021 dwar l-isfidi għad-drittijiet tan-nisa fl-Ewropa fil-futur: aktar minn 25 sena wara d-Dikjarazzjoni u l-Pjattaforma ta' Azzjoni ta' Beijing (5),

—

wara li kkunsidra r-riżoluzzjoni tiegħu tal-21 ta' Jannar 2021 dwar il-perspettiva tal-ġeneru fil-kriżi tal-COVID-19 u fil-perjodu ta' wara l-kriżi (6),

—

wara li kkunsidra r-riżoluzzjoni tiegħu tal-21 ta' Jannar 2021 dwar tnaqqis tad-disparità bejn il-ġeneri fil-qasam diġitali: il-parteċipazzjoni tan-nisa fl-ekonomija diġitali (7),

—

wara li kkunsidra r-riżoluzzjoni tiegħu tal-25 ta' Novembru 2020 dwar it-tisħiħ tal-libertà tal-media: il-protezzjoni tal-ġurnalisti fl-Ewropa, id-diskors ta' mibegħda, id-diżinformazzjoni u r-rwol tal-pjattaformi (8),

—

wara li kkunsidra r-riżoluzzjoni tiegħu tas-17 ta' April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha (9),

—

wara li kkunsidra r-riżoluzzjoni tiegħu tat-28 ta' Novembru 2019 dwar l-adeżjoni tal-UE għall-Konvenzjoni ta' Istanbul u l-miżuri l-oħra biex tiġi miġġielda l-vjolenza abbażi tal-ġeneru (10),

—

wara li kkunsidra r-riżoluzzjoni tiegħu tat-13 ta' Frar 2019 dwar ir-rigressjoni attwali tad-drittijiet tan-nisa u tal-ugwaljanza bejn is-sessi fl-UE (11),

—

wara li kkunsidra r-riżoluzzjoni tiegħu tal-11 ta' Settembru 2018 dwar miżuri għall-prevenzjoni u l-ġlieda kontra l-fastidju morali u l-fastidju sesswali fuq il-post tax-xogħol, fi spazji pubbliċi, u fil-ħajja politika fl-UE (12),

—

wara li kkunsidra r-riżoluzzjoni tiegħu tas-17 ta' April 2018 dwar l-emanċipazzjoni tan-nisa u tat-tfajliet permezz tas-settur diġitali (13),

—

wara li kkunsidra r-riżoluzzjoni tiegħu tas-26 ta' Ottubru 2017 dwar il-ġlieda kontra l-fastidju u l-abbuż sesswali fl-UE (14),

—

wara li kkunsidra r-riżoluzzjoni tiegħu tat-3 ta' Ottubru 2017 dwar il-ġlieda kontra ċ-ċiberkriminalità (15),

—

wara li kkunsidra r-riżoluzzjoni tiegħu tat-12 ta' Settembru 2017 dwar il-proposta għal deċiżjoni tal-Kunsill dwar il-konklużjoni, mill-Unjoni Ewropea, tal-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-nisa u l-vjolenza domestika (16),

—

wara li kkunsidra d-dispożizzjonijiet tal-istrumenti legali tan-Nazzjonijiet Uniti fil-qasam tad-drittijiet tal-bniedem, b'mod partikolari dawk li jikkonċernaw id-drittijiet tan-nisa u tat-tfal, u strumenti oħra tan-Nazzjonijiet Uniti dwar il-vjolenza kontra n-nisa u t-tfal,

—

wara li kkunsidra r-riżoluzzjonijiet tal-Assemblea Ġenerali tan-Nazzjonijiet Uniti tas-16 ta' Diċembru 2020 bit-titolu “Intensification of efforts to prevent and eliminate all forms of violence against women and girls” (Intensifikazzjoni tal-isforzi għall-prevenzjoni u l-eliminazzjoni tal-forom kollha tal-vjolenza kontra n-nisa u l-bniet) (A/RES/75/161) u “The right to privacy in the digital age” (Id-dritt għall-privatezza fl-era diġitali) (A/RES/75/176),

—

wara li kkunsidra r-riżoluzzjoni tal-Kunsill tad-Drittijiet tal-Bniedem tan-Nazzjonijiet Uniti tal-5 ta' Lulju 2018 bit-titolu “Accelerating efforts to eliminate violence against women and girls: preventing and responding to violence against women and girls in digital contexts” (L-aċċellerazzjoni tal-isforzi biex tiġi eliminata l-vjolenza kontra n-nisa u l-bniet: il-prevenzjoni tal-vjolenza kontra n-nisa u l-bniet f'kuntesti diġitali u r-rispons għaliha) (A/HRC/RES/38/5),

—

wara li kkunsidra r-rapporti tan-Nazzjonijiet Uniti tar-Rapporteurs Speċjali dwar il-vjolenza kontra n-nisa, il-kawżi u l-konsegwenzi tagħha, b'mod partikolari r-rapport tat-18 ta' Ġunju 2018 dwar il-vjolenza online kontra n-nisa u l-bniet minn perspettiva tad-drittijiet tal-bniedem (A/HRC/38/47), ir-rapport tas-6 ta' Mejju 2020 dwar il-ġlieda kontra l-vjolenza kontra l-ġurnalisti nisa (A/HRC/44/52) u r-rapport tal-24 ta' Lulju 2020 dwar l-intersezzjoni bejn il-pandemija tal-marda tal-coronavirus (COVID-19) u l-pandemija tal-vjolenza abbażi tal-ġeneru kontra n-nisa, b'enfasi fuq il-vjolenza domestika u l-inizjattiva “paċi fid-dar”,

—

wara li kkunsidra d-Dikjarazzjoni tan-Nazzjonijiet Uniti dwar l-Eliminazzjoni tal-Vjolenza kontra n-Nisa tal-20 ta' Diċembru 1993,

—

wara li kkunsidra l-Konvenzjoni tan-Nazzjonijiet Uniti kontra t-Tortura u Trattamenti jew Pieni Krudili, Inumani jew Degradanti oħra tal-10 ta' Diċembru 1984,

—

wara li kkunsidra l-Konvenzjoni tan-Nazzjonijiet Uniti dwar l-Eliminazzjoni ta' Kull Forma ta' Diskriminazzjoni kontra n-Nisa tat-18 ta' Diċembru 1979,

—

wara li kkunsidra r-Rakkomandazzjoni Ġenerali Nru 35 tal-Kumitat għall-Eliminazzjoni tad-Diskriminazzjoni Kontra n-Nisa tal-14 ta' Lulju 2017 dwar il-vjolenza abbażi tal-ġeneru kontra n-nisa, li taġġorna r-rakkomandazzjoni ġenerali Nru 19,

—

wara li kkunsidra l-Konvenzjoni tan-Nazzjonijiet Uniti dwar id-Drittijiet tat-Tfal tal-20 ta' Novembru 1989,

—

wara li kkunsidra l-Kumment Ġenerali Nru 13 tal-Kumitat dwar id-Drittijiet tat-Tfal tat-18 ta' April 2011 dwar id-dritt tat-tfal li ma jkunu soġġetti għall-ebda forma ta' vjolenza,

—

wara li kkunsidra l-Aġenda 2030 għall-Iżvilupp Sostenibbli u, b'mod partikolari l-Għan ta' Żvilupp Sostenibbli Nru 5 dwar l-ugwaljanza bejn il-ġeneri,

—

wara li kkunsidra r-rapport tal-Organizzazzjoni għas-Sigurtà u l-Kooperazzjoni fl-Ewropa fir-rapport dwar is-sikurezza tal-ġurnalisti nisa online (OSKE) (17),

—

wara li kkunsidra l-istudju tas-Servizz ta' Riċerka tal-Parlament Ewropew bit-titolu “Combating gender-based violence: Cyber violence – European added value asessment” (Il-ġlieda kontra l-vjolenza abbażi tal-ġeneru: Il-vjolenza ċibernetika – valutazzjoni tal-valur miżjud Ewropew),

—

wara li kkunsidra l-istudju tas-Servizz ta' Riċerka tal-Parlament Ewropew bit-titolu “Cyber violence and hate speech online against women” (Il-vjolenza ċibernetika u d-diskors ta' mibegħda online kontra n-nisa),

—

wara li kkunsidra l-Indiċi tal-Ugwaljanza bejn il-Ġeneri tal-Istitut Ewropew għall-Ugwaljanza bejn is-Sessi,

—

wara li kkunsidra d-Direttiva 2011/93/UE tal-Parlament Ewropew u tal-Kunsill, tat-13 ta' Diċembru 2011 dwar il-ġlieda kontra l-abbuż sesswali u l-isfruttament sesswali tat-tfal u l-pedopornografija, u li tissostitwixxi d-Deċiżjoni Qafas tal-Kunsill 2004/68/ĠAI (18),

—

wara li kkunsidra d-Direttiva 2012/29/UE tal-Parlament Ewropew u tal-Kunsill tal-25 ta' Ottubru 2012 li tistabbilixxi standards minimi fir-rigward tad-drittijiet, l-appoġġ u l-protezzjoni tal-vittmi tal-kriminalità, u li tissostitwixxi d-Deċiżjoni Qafas tal-Kunsill 2001/220/ĠAI (19),

—

wara li kkunsidra Regolament (UE) 2021/1232 tal-Parlament Ewropew u tal-Kunsill tal-14 ta' Lulju 2021 dwar deroga temporanja minn ċerti dispożizzjonijiet tad-Direttiva 2002/58/KE fir-rigward tal-użu ta' teknoloġiji minn fornituri tas-servizzi tal-komunikazzjonijiet interpersonali indipendenti min-numri għall-ipproċessar ta' data personali u data oħra għall-iskop tal-ġlieda kontra l-abbuż sesswali tat-tfal online (20),

—

wara li kkunsidra r-rapport tal-Aġenzija tal-Unjoni Ewropea għad-Drittijiet Fundamentali (FRA) tat-3 ta' Marzu 2014 bit-titolu "Violence against women: an EU-wide survey (Il-vjolenza kontra n-nisa: stħarriġ madwar l-UE kollha).

—

wara li kkunsidra r-rapport tal-Aġenzija tal-Unjoni Ewropea għad-Drittijiet Fundamentali tal-14 ta' Mejju 2020 bit-titolu “EU LGBTI II: A long way to go for LGBTI equality” (Stħarriġ dwar l-LGBTI II tal-UE: Fadal ħafna xi jsir għall-ugwaljanza tal-LGBTI) (21),

—

wara li kkunsidra l-opinjoni legali tal-Avukat Ġenerali fil-Qorti tal-Ġustizzja tal-Unjoni Ewropea dwar il-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-nisa u l-vjolenza domestika, li għandha l-għan li tiċċara l-inċertezza tad-dritt jekk u kif l-Unjoni tista' tikkonkludi u tirratifika l-Konvenzjoni, li saret fil-11 ta' Marzu 2021 (22),

—

wara li kkunsidra l-ħidma tal-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust) u tal-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), inkluż iċ-Ċentru Ewropew taċ-Ċiberkriminalità ta' din tal-aħħar, u l-Valutazzjoni tagħha tat-Theddida mill-Kriminalità Organizzata fuq l-Internet,

—

wara li kkunsidra l-Artikoli 47 u 54 tar-Regoli ta' Proċedura tiegħu,

—

wara li kkunsidra d-deliberazzjonijiet konġunti tal-Kumitat għal-Libertajiet Ċivili, il-Ġustizzja u l-Intern kif ukoll tal-Kumitat għad-Drittijiet tan-Nisa u l-Ugwaljanza bejn is-Sessi skont l-Artikolu 58 tar-Regoli ta' Proċedura,

—

wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern, kif ukoll tal-Kumitat għad-Drittijiet tan-Nisa u l-Ugwaljanza bejn is-Sessi (A9-0338/2021),

A.

billi l-ugwaljanza bejn il-ġeneri hija valur fundamentali u objettiv ċentrali tal-Unjoni u għandha tiġi riflessa fil-politiki kollha tal-Unjoni; billi d-dritt għal trattament ugwali u n-nondiskriminazzjoni hija dritt fundamentali minqux fl-Artikolu 2 u l-Artikolu 3(3) tat-Trattat dwar l-Unjoni Ewropea (TUE), l-Artikoli 8, 10, 19 u 157 tat-Trattat dwar il-Funzjonament tal-Unjoni Ewropea (TFUE) u l-Artikoli 21 u 23 tal-Karta tad-Drittijiet Fundamentali tal-Unjoni Ewropea (“il-karta”); billi l-ewwel objettiv tal-Istrateġija tal-Unjoni dwar l-Ugwaljanza bejn il-Ġeneri 2020-2025 jiffoka fuq it-tmiem tal-vjolenza abbażi tal-ġeneru u tiddeskrivih bħala “waħda mill-akbar sfidi għas-soċjetajiet tagħna”, peress li taffettwa lin-nisa fil-livelli kollha tas-soċjetà, irrispettivament mill-età, l-edukazzjoni, l-introjtu, l-isfond soċjali jew il-pajjiż ta' oriġini jew ta' residenza, u huwa wieħed mill-aktar ostakli serji għall-kisba tal-ugwaljanza bejn il-ġeneri;

B.

billi l-vjolenza kontra n-nisa u l-bniet u forom oħra ta' vjolenza abbażi tal-ġeneru huma mifruxa fl-Unjoni u għandhom jinftiehmu bħala forma estrema ta' diskriminazzjoni li għandha impatt enormi fuq il-vittmi u l-familji u l-komunitajiet tagħhom u ksur tad-drittijiet tal-bniedem minquxa fl-inugwaljanza bejn il-ġeneri, li huma jikkontribwixxu biex jipperpetwaw u jsaħħu; billi l-vjolenza abbażi tal-ġeneru għandha l-għeruq tagħha fid-distribuzzjoni inugwali tal-poter bejn in-nisa u l-irġiel, fi strutturi u prattiki patrijarkali stabbiliti u normi tal-ġeneru, fis-sessiżmu u fl-istereotipi dannużi marbuta mal-ġeneru, u preġudizzji li wasslu għal dominazzjoni fuq in-nisa u diskriminazzjoni kontra n-nisa u l-bniet min-naħa tal-irġiel fid-diversità kollha tagħhom, inklużi l-persuni LGBTIQ;

C.

billi l-vjolenza kontra n-nisa għandha tinftiehem li tfisser l-atti kollha ta' vjolenza abbażi tal-ġeneru li jirriżultaw, jew li x'aktarx jirriżultaw f'dannu jew f'sofferenza fiżika, sesswali, psikoloġika jew ekonomika għan-nisa, inkluż it-theddid ta' tali atti, il-koerċizzjoni jew iċ-ċaħda arbitrarja tal-libertà, kemm jekk dan iseħħ fil-ħajja pubblika jew fil-ħajja privata jew jitwettaq online jew offline.

D.

billi n-nisa u l-bniet fid-diversità kollha tagħhom u l-persuni LGBTIQ jistgħu jkunu fil-mira ta' vjolenza ċibernetika abbażi tal-ġeneru minħabba l-ġeneru, l-identità tal-ġeneru, l-espressjoni tal-ġeneru jew il-karatteristiċi tas-sess tagħhom; billi forom intersezzjonali ta' diskriminazzjoni, inkluża d-diskriminazzjoni abbażi tar-razza, il-lingwa, ir-reliġjon, it-twemmin, l-oriġini nazzjonali jew soċjali, l-appartenenza għal minoranza nazzjonali jew etnika, it-twelid, l-orjentazzjoni sesswali, l-età, l-istat tas-saħħa, id-diżabilità, l-istat ċivili jew l-istat ta' migrant jew ta' rifuġjat, jistgħu jaggravaw il-konsegwenzi ta' vjolenza ċibernetika abbażi tal-ġeneru; billi l-Istrateġija tal-Unjoni dwar l-Ugwaljanza tal-LGBTIQ tfakkar li kulħadd għandu dritt għas-sikurezza, kemm jekk f'daru, kif ukoll jekk fil-pubbliku jew online;

E.

billi l-Istħarriġ II tal-Unjoni dwar l-LGBTIQ imwettaq mill-FRA juri li 10 % tal-persuni LGBTIQ kienu esperjenzaw fastidju ċibernetiku minħabba li kienu LGBTIQ fis-sena ta' qabel l-istħarriġ, inkluż fuq il-media soċjali; billi l-persuni intersesswali u transgender huma affettwati b'mod sproporzjonat iżżejjed (16 %); billi l-adolexxenti bejn l-età ta' 15 u 17-il sena kienu l-grupp li l-aktar esperjenzaw fastidju ċibernetiku minħabba li kienu LGBTIQ (15 %), meta mqabbla ma' gruppi ta' età oħra (7 % - 12 %);

F.

billi l-vjolenza kontra n-nisa u l-bniet fid-diversità kollha tagħha u l-vjolenza abbażi tal-ġeneru jippreżentaw forom u manifestazzjonijiet differenti iżda mhux reċiprokament esklużivi; billi l-vjolenza online spiss tkun interkonnessa mal-vjolenza offline u inseparabbli minnha minħabba li tal-ewwel tista' tippreċedi, takkumpanja jew tkompli fuq it-tieni; billi l-vjolenza ċibernetika abbażi tal-ġeneru għandha għalhekk tinftiehem bħala continuum ta' vjolenza abbażi tal-ġeneru offline fl-ambjent online;

G.

billi l-istudju tas-Servizz ta' Riċerka tal-Parlament Ewropew bit-titolu “Combating gender-based violence: Cyber violence – European added value asessment” (Il-Ġlieda kontra l-vjolenza abbażi tal-ġeneru: Il-vjolenza ċibernetika – valutazzjoni tal-valur miżjud Ewropew) jistma li bejn 4 u 7 % tan-nisa fl-Unjoni esperjenzaw fastidju ċibernetiku matul it-12-il xahar qabel il-valutazzjoni, filwaqt li bejn 1 u 3 % esperjenzaw cyberstalking; billi s-cyberstalking jieħu forom multipli u huwa l-aktar forma komuni ta' diskors ta' mibegħda waħdu jew ikkombinat u ilu wisq mhux rikonoxxut u li ma tteħditx azzjoni dwaru; billi l-istħarriġ tal-Fondazzjoni tal-World Wide Web li sar fl-2020 fost ir-rispondenti minn 180 pajjiż żvela li 52 % tat-tfajliet u l-bniet esperjenzaw abbuż online bħall-kondiviżjoni ta' immaġnijiet privati, videos jew messaġġi mingħajr il-kunsens tagħhom, messaġġi kattivi u umiljanti, lingwaġġ abbużiv u ta' thedded, fastidju sesswali u kontenut falz, u 64 % tar-rispondenti ddikjaraw li jafu lil xi ħadd li esperjenza dan;

H.

billi ż-żgħażagħ nisa u l-bniet huma f'riskju akbar li jiltaqgħu mal-vjolenza ċikernetika, b'mod partikolari l-fastidju ċibernetiku u l-bullying ċibernetiku; billi mill-inqas 12,5 % tal-każijiet ta' bullying fl-iskejjel huma online (23); billi ż-żgħażagħ issa huma dejjem aktar konnessi ma' networks soċjali f'età aktar bikrija; billi dawn il-forom ta' vjolenza jsaħħu l-piż tal-inugwaljanzi soċjali minħabba li ħafna drabi jkunu fill-mira ż-żgħażagħ l-aktar żvantaġġati; billi skont il-UNICEF, il-bniet jiġu ffastidjati darbtejn aktar mis-subien (24); billi skont dan l-istħarriġ, in-nisa huma aktar xettiċi fir-rigward tal-kumpaniji tat-teknoloġija li jużaw id-data tagħhom b'mod responsabbli;

I.

billi fl-2014, skont ir-rapport tal-Aġenzija tal-Unjoni Ewropea għad-Drittijiet Fundamentali (FRA) tat-3 ta' Marzu 2014 bit-titolu “Violence against women: an EU-wide survey” (Il-vjolenza kontra n-nisa: Stħarriġ madwar l-UE kollha), 11 % tan-nisa kienu esperjenzaw fastidju ċibernetiku u 14 % kienu esperjenzaw stalking sa mill-età ta' 15-il sena fl-Unjoni;

J.

billi l-konnettività tal-internet u l-ħtieġa ta' aċċess għall-isfera pubblika diġitali qed isiru dejjem aktar meħtieġa għall-iżvilupp tas-soċjetajiet u l-ekonomiji tagħna; billi l-impjiegi jinvolvu dejjem aktar soluzzjonijiet diġitali li jwasslu għal riskju dejjem akbar ta' nisa li jħabbtu wiċċhom ma' vjolenza ċibernetika abbażi tal-ġeneru meta jinvolvu ruħhom fis-suq tax-xogħol u fl-attività ekonomika, u jsiru dipendenti minnhom;

K.

billi ż-żieda fil-firxa tal-internet, it-tixrid rapidu tal-informazzjoni fuq il-mobile, u l-użu tal-media soċjali, flimkien mal-continuum ta' forom multipli, rikorrenti u interrelatati ta' vjolenza abbażi tal-ġeneru wasslu għall-proliferazzjoni tal-vjolenza ċibernetika abbażi tal-ġeneru; billi n-nisa u l-bniet li għandhom aċċess għall-internet iħabbtu wiċċhom ma' vjolenza online aktar spiss mill-irġiel; billi r-Rapporteur Speċjali tan-Nazzjonijiet Uniti dwar il-vjolenza kontra n-nisa, il-kawżi u l-konsegwenzi tagħha nnota li teknoloġiji ġodda “inevitabbilment se jagħtu lok għal manifestazzjonijiet differenti u ġodda ta' vjolenza online kontra n-nisa”; billi l-innovazzjoni sseħħ b'pass li spiss ma jippermettix riflessjoni dwar il-konsegwenzi fit-tul tagħha u l-prevalenza ta' vjolenza ċibernetika abbażi tal-ġeneru x'aktarx li tkompli tiżdied fis-snin li ġejjin; billi hemm il-ħtieġa li jiġi vvalutat b'mod adegwat l-impatt tal-vjolenza ċibernetika abbażi tal-ġeneru fuq il-vittmi, u li jiġu mifhuma l-mekkaniżmi li jippermettu lill-awturi tar-reat ta’ dik il-forma ta' vjolenza abbażi tal-ġeneru li jwettqu vjolenza, sabiex jiġu żgurati r-rimedju, l-obbligu ta' rendikont u l-prevenzjoni;

L.

billi, skont l-Organizzazzjoni Dinjija tas-Saħħa (25), waħda minn kull tliet nisa madwar id-dinja jesperjenzaw vjolenza fiżika jew sesswali l-aktar minn sieħeb intimu; billi l-vjolenza abbażi tal-ġeneru żdiedet matul il-pandemija tal-COVID-19 u l-lockdowns aggravaw ir-riskju ta' vjolenza domestika u abbuż domestiku; billi l-użu akbar tal-internet matul il-pandemija tal-COVID-19 żied il-vjolenza abbażi tal-ġeneru online u ffaċilitata mill-ICT, peress li s-sħab abbużivi u l-eks sħab jimmonitorjaw, isegwu u jheddu wkoll lill-vittmi tagħhom u jwettqu vjolenza b'għodod diġitali; billi dik il-vjolenza ċibernetika tista' tikkoinċidi mal-vjolenza fiżika u teskala għaliha jekk ma tiġix indirizzata minn kmieni; billi fl-Istrateġija tal-UE dwar id-Drittijiet tal-Vittmi (2020-2025), il-Kummissjoni tirrikonoxxi li s-sitwazzjoni attwali bil-pandemija tal-COVID-19 ikkawżat żieda fil-kriminalità ċibernetika bħal reati sesswali online u reati ta' mibegħda;

M.

billi l-aktar tipi komuni ta' vjolenza ċibernetika abbażi tal-ġeneru huma reati bħall-fastidju ċibernetiku, is-cyberstalking, il-ksur tal-privatezza relatat mal-ICT, inkluż l-aċċess, it-teħid, ir-reġistrazzjoni, il-kondiviżjoni u l-ħolqien u l-manipulazzjoni ta' data jew immaġni, inkluża data intima, mingħajr kunsens, serq ta' identità u diskors ta' mibegħda online, kontroll koerċittiv permezz ta' sorveljanza diġitali u kontroll ta' komunikazzjonijiet permezz ta' apps stalkerware u spyware, u l-użu ta' mezzi teknoloġiċi għat-traffikar tal-bnedmin, inkluż għall-finijiet ta' sfruttament sesswali;

N.

billi l-vjolenza ċibernetika abbażi tal-ġeneru tista' titwettaq bl-użu ta' firxa ta' mezzi u għodod ta' komunikazzjoni online, inklużi l-media soċjali, il-kontenut tal-web, is-siti ta' diskussjoni, is-siti web tad-dating, it-taqsimiet tal-kummenti, u ċ-chat rooms tal-logħob; billi ħafna tipi ta' vjolenza ċibernetika abbażi tal-ġeneru jistgħu jitwettqu b'faċilità u skala ferm akbar mill-forom fiżiċi ta' vjolenza abbażi tal-ġeneru;

O.

billi xi Stati Membri adottaw liġijiet dwar xi forom speċifiċi biss ta' vjolenza ċibernetika abbażi tal-ġeneru u, għalhekk, għad hemm lakuni sinifikanti; billi attwalment ma hemm l-ebda definizzjoni komuni jew approċċ ta' politika effettiv għall-ġlieda kontra l-vjolenza ċibernetika abbażi tal-ġeneru fil-livell tal-Unjoni; billi tali nuqqas ta' definizzjoni armonizzata fil-livell tal-Unjoni twassal għal differenzi sinifikanti dwar kemm tiġi miġġielda u pprevenuta l-vjolenza ċibernetika abbażi tal-ġeneru mill-Istati Membri, u b'hekk tħalli disparitajiet u frammentazzjoni wiesgħa fil-protezzjoni li huma jikkonċedu, minkejja n-natura transfruntiera tar-reat; billi għalhekk hija meħtieġa definizzjoni legali armonizzata tal-vjolenza ċibernetika abbażi tal-ġeneru biex tiġi żgurata konverġenza kemm fil-livell nazzjonali kif ukoll fil-livell tal-Unjoni;

P.

billi, skont ir-Rapporteur Speċjali tan-Nazzjonijiet Uniti dwar il-vjolenza kontra n-nisa, il-kawżi u l-konsegwenzi tagħha, id-definizzjoni ta' “vjolenza online kontra n-nisa” testendi għal kwalunkwe att ta' vjolenza abbażi tal-ġeneru kontra n-nisa li jitwettaq, jiġi assistit jew aggravat parzjalment jew kompletament bl-użu tal-ICT, bħall-mobiles u s-smartphones, l-internet, il-pjattaformi tal-media soċjali jew l-email, kontra mara minħabba li hija mara, jew jaffettwa lin-nisa b'mod sproporzjonat (26);

Q.

billi l-kriminalizzazzjoni tal-vjolenza ċibernetika abbażi tal-ġeneru jista' jkollha effett deterrenti fuq l-awturi tar-reat minħabba l-biża' ta' penali jew l-għarfien li qed iwettqu reat;

R.

billi qed jitfaċċaw forom ġodda minħabba l-iżvilupp rapidu u l-użu ta' teknoloġiji u applikazzjonijiet diġitali; billi dawk il-forom differenti ta' vjolenza ċibernetika abbażi tal-ġeneru u fastidju ċibernetiku għandhom fil-mira l-gruppi tal-etajiet kollha, mill-età bikrija, sal-iskola u l-ħajja professjonali, sa snin aktar tard; billi l-potenzjal ta' vjolenza fl-isfera ċibernetika biex tiġi mmanifestata b'mod psikiku ma għandux jiġi injorat lanqas;

S.

billi skont l-Istitut Ewropew għall-Ugwaljanza bejn is-Sessi (EIGE), seba’ nisa minn kull għaxra għandhom esperjenzi ta' cyberstalking; billi l-istalkerware huwa software li jiffaċilita l-abbuż billi jippermetti li l-apparat ta' persuna jiġi mmonitorjat mingħajr il-kunsens tagħha u mingħajr ma l-attività ta' monitoraġġ issir magħrufa mis-sid tal-apparat, filwaqt li s-software jibqa' moħbi; billi l-istalkerware huwa legalment disponibbli għall-użu u x-xiri fl-Unjoni, ħafna drabi kkummerċjalizzat bħala software ta' kontroll mill-ġenituri;

T.

billi l-abbuż sesswali bbażat fuq l-immaġni spiss jiġi armat biex jagħti fastidju u jumilja lill-vittmi; billi d-“deepfakes” huma mod relattivament ġdid biex tiġi użata l-vjolenza abbażi tal-ġeneru, billi tiġi applikata l-intelliġenza artifiċjali biex in-nisa jiġu sfruttati, umiljati u ffastidjati;

U.

billi l-abbuż sesswali bbażat fuq l-immaġni u s-siti web li fuqhom jinxtered dan l-abbuż huma forma dejjem tikber ta' vjolenza mis-sieħeb intimu; billi l-konsegwenzi tal-abbuż sesswali bbażat fuq l-immaġni jistgħu jkunu sesswali, fis-sens li l-att sesswali jkun ġie rreġistrat jew imxerred mingħajr kunsens; psikoloġiċi, fir-rigward tal-impatt fuq il-vittmi li jkollhom il-ħajja privata tagħhom issir pubblika; u ekonomiċi, fis-sens li l-abbuż sesswali bbażat fuq l-immaġni potenzjalment jaf jikkomprometti l-ħajja professjonali attwali u futura tal-vittmi;

V.

billi hemm riskju akbar li l-videos intimi u sesswali mhux kunsenswali tan-nisa jinxterdu fuq siti web pornografiċi u li jinxterdu għal benefiċċju monetarju; billi t-tixrid ta' kontenut privat online mingħajr il-kunsens tal-vittma u, partikolarment, ta' abbuż sesswali jġib element trawmatiku addizzjonali għall-vjolenza, spiss b'konsegwenzi drammatiċi, inkluż is-suwiċidju;

W.

billi t-tfajliet u l-bniet b'mod partikolari, qed jiġu soġġetti għal vjolenza ċibernetika abbażi tal-ġeneru li tinvolvi l-użu ta' teknoloġiji ġodda, inklużi l-fastidju ċibernetiku u s-cyberstalking permezz ta' theddid ta' stupru, theddid ta' mewt, vjolazzjonijiet tal-privatezza relatati mal-ICT, u l-pubblikazzjoni ta' informazzjoni u ritratti privati;

X.

billi, fil-preżent, 15-il Stat Membru ma jinkludux l-identità tal-ġeneru fil-leġiżlazzjoni dwar id-diskors ta' mibegħda; billi l-Kummissjoni impenjat ruħha fl-Istrateġija tal-Unjoni għall-Ugwaljanza bejn il-Ġeneri 2020-2025 u fl-Istrateġija dwar l-Ugwaljanza tal-LGBTIQ 2020-2025 biex tippreżenta inizjattiva bil-għan li testendi l-oqsma ta' kriminalità fejn l-armonizzazzjoni hija possibbli għal forom speċifiċi biex tinkludi forom speċifiċi ta' vjolenza abbażi tal-ġeneru f'konformità mal-Artikolu 83(1) tat-TFUE;

Y.

billi l-istatistika msemmija f'din ir-riżoluzzjoni turi li d-diskors ta' mibegħda kontra l-persuni LGBTIQ huwa komuni b'mod pervażiv, b'mod partikolari online, u li hemm nuqqas ta' liġijiet notevoli f'uħud mill-Istati Membri għall-prevenzjoni, l-indirizzar u s-sanzjoni ta' tali forom ta' abbuż online;

Z.

billi fl-2017 l-Unjoni ffirmat il-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-Nisa u l-vjolenza domestika (il-konvenzjoni ta' Istanbul), li tibqa' l-parametru referenzjarju għall-istandards internazzjonali għall-qerda tal-vjolenza abbażi tal-ġeneru, u l-konklużjoni tal-adeżjoni tal-UE ma' dik il-Konvenzjoni hija prijorità ewlenija għall-Kummissjoni;

AA.

billi, sabiex tiġi eliminata l-vjolenza abbażi tal-ġeneru, inkluża l-vjolenza ċibernetika abbażi tal-ġeneru, huwa meħtieġ li wieħed joqgħod fuq data amministrattiva konsistenti, tanġibbli, rappreżentattiva u komparabbli, ibbażata fuq qafas robust u koordinat ta' ġbir ta' data; billi hemm nuqqas ta' data diżaggregata komprensiva u komparabbli dwar il-forom kollha ta' vjolenza abbażi tal-ġeneru u l-kawżi fl-għeruq tagħha; billi minkejja sensibilizzazzjoni dejjem akbar dwar dan il-fenomenu, in-nuqqas ta' ġbir ta' data dwar kull forma ta' vjolenza abbażi tal-ġeneru jipprevjeni valutazzjoni preċiża tal-prevalenza tagħha; billi dan in-nuqqas ta' data disponibbli huwa marbut mas-sottorappurtar ta' każijiet ta' vjolenza ċibernetika abbażi tal-ġeneru; billi l-Konvenzjoni ta' Istanbul u d-Direttiva 2012/29/UE jirrikjedu li l-Istati Membri jirrappurtaw data statistika u jipproduċu data diżaggregata skont il-ġeneru;

AB.

billi r-rispons tas-settur tal-ġustizzja kriminali għall-vittmi tal-vjolenza ċibernetika għadu lura, u dan juri nuqqas ta' fehim u kuxjenza tas-serjetà ta' dawn ir-reati u jiskoraġġixxi r-rappurtar f'ħafna Stati Membri; billi jekk l-uffiċjali tal-pulizija jkunu mgħammra bil-ħiliet personali biex jisimgħu bir-reqqa, jifhmu u jirrispettaw lill-vittmi tal-forom kollha ta' vjolenza abbażi tal-ġeneru, dawn ikunu jistgħu jgħinu biex jindirizzaw is-sottorappurtar u r-rivittimizzazzjoni; billi l-iżgurar ta' proċeduri u mekkaniżmi ta' rapportar aċċessibbli, kif ukoll ta' rimedji, huwa indispensabbli għall-promozzjoni ta' ambjent aktar sikur għall-vittmi kollha ta' vjolenza abbażi tal-ġeneru; billi għandha tkun disponibbli informazzjoni għall-vittmi tal-vjolenza ċibernetika fir-rigward ta' kif u lil min għandhom jikkuntattjaw fis-servizzi tal-infurzar tal-liġi kif ukoll fir-rigward tar-rimedji disponibbli biex jgħinuhom f'sitwazzjonijiet ta' tbatija;

AC.

billi ċ-Ċentru Ewropew taċ-Ċiberkriminalità tal-Europol, il-Eurojust u l-Aġenzija tal-Unjoni Ewropea għaċ-Ċibersigurtà (ENISA) wettqu riċerka dwar il-kriminalità ċibernetika online; billi xi nisa u persuni LGBTIQ, bħall-attivisti femministi u LGBTIQ, attivisti, artisti, politiċi, nisa f'karigi pubbliċi, ġurnalisti, bloggers, difensuri tad-drittijiet tal-bniedem u figuri pubbliċi oħra huma partikolarment affettwati mill-vjolenza ċibernetika abbażi tal-ġeneru, u billi dan qed jikkawżalhom mhux biss ħsara għar-reputazzjoni, dannu psikoloġiku u tbatija iżda wkoll jista' jwassal għal tfixkil fis-sitwazzjoni tal-għajxien tal-vittma, invażjonijiet tal-privatezza, kuntest fejn il-vittma tiġi msikkta mill-ambjent online jew tevitah, u dannu għar-relazzjonijiet personali u deterrent għalihom milli jipparteċipaw b'mod diġitali fil-ħajja politika, soċjali u kulturali;

AD.

billi l-vjolenza ċibernetika abbażi tal-ġeneru spiss twassal għall-awtoċensura u din is-sitwazzjoni jista' jkollha impatt detrimentali fuq il-ħajja professjonali u r-reputazzjoni tal-vittmi tal-vjolenza ċibernetika abbażi tal-ġeneru; billi n-natura vjolenti u abbażi tal-ġeneru tat-theddid ħafna drabi ġġegħelhom jirrikorru għall-użu ta' psewdonimi, iżommu profili online baxxi, jiddeċiedu li jissospendu, jiddiżattivaw jew ineħħu b'mod permanenti l-kontijiet online tagħhom, jew saħansitra li jħallu kompletament il-professjoni tagħhom; billi dan jista' joħnoq l-ilħna u l-opinjonijiet tan-nisa u jiggrava l-inugwaljanza diġà preżenti bejn il-ġeneri fil-ħajja politika, soċjali u kulturali; billi l-vjolenza ċibernetika abbażi tal-ġeneru dejjem tikber li qed iħabbtu wiċċhom magħha n-nisa tista' żżommhom milli jipparteċipaw aktar fis-settur diġitali nnifsu, u b'hekk jiġu kkonsolidati l-kunċett, l-iżvilupp u l-implimentazzjoni abbażi tal-ġeneru ta' teknoloġiji ġodda u tiġi kkawżata r-replikazzjoni ta' prattiki diskriminatorji eżistenti u stereotipi li jikkontribwixxu għan-normalizzazzjoni tal-vjolenza ċibernetika abbażi tal-ġeneru;

AE.

billi l-vjolenza ċibernetika abbażi tal-ġeneru għandha impatt dirett fuq is-saħħa u l-benesseri sesswali, fiżiċi u psikoloġiċi tan-nisa u għandha impatt soċjali u ekonomiku negattiv; billi l-vjolenza ċibernetika abbażi tal-ġeneru għandha impatt negattiv fuq il-kapaċità tal-vittmi li jeżerċitaw bis-sħiħ id-drittijiet fundamentali tagħhom, ħaġa li, għalhekk, għandha konsegwenzi serji għas-soċjetà u d-demokrazija b'mod globali;

AF.

billi l-impatt ekonomiku detrimentali tal-vjolenza abbażi tal-ġeneru u l-kwistjonijiet marbuta mas-saħħa mentali li tikkawża jista' jkollhom impatt qawwi fuq il-vittmi, inkluża l-kapaċità tagħhom li jfittxu impjieg, u tista' toħloq piż finanzjarju; billi l-impatt ekonomiku tal-vjolenza abbażi tal-ġeneru jista' jinkludi impatt fuq l-impjiegi, bħal preżenza aktar baxxa fuq ix-xogħol, riskju li l-istatus tal-impjieg jiġi kompromess, inkluż riskju ta' telf ta' impjieg jew produttività aktar baxxa; billi l-impatt fuq is-saħħa mentali tal-vjolenza ċibernetika abbażi tal-ġeneru jista' jkun kumpless u fit-tul; billi l-impatt fuq is-saħħa mentali tal-vjolenza ċibernetika abbażi tal-ġeneru, bħall-ansjetà, id-dipressjoni u s-sintomi kontinwi ta' wara t-trawma, għandu implikazzjonijiet interpersonali, soċjali, legali, ekonomiċi u politiċi detrimentali u fl-aħħar mill-aħħar jaffettwa l-għajxien u l-identità taż-żgħażagħ; billi xi wħud minn dawn l-impatti jikkombinaw forom oħra ta' diskriminazzjoni, u jaggravaw forom ta' diskriminazzjoni u inugwaljanzi eżistenti;

AG.

billi skont l-istudju tal-EPRS intitolat “Combating gender-based violence: Cyber violence – European added value assessment” (Il-ġlieda kontra l-vjolenza abbażi tal-ġeneru: Il-vjolenza ċibernetika – valutazzjoni tal-valur miżjud Ewropew) l-ispejjeż globali tal-fastidju ċibernetiku u s-cyberstalking huma stmati li jiswew bejn EUR 49 u EUR 89,3 biljun, bl-akbar kategorija ta' spejjeż tkun il-valur tat-telf f'termini ta' kwalità tal-ħajja, u dan kien jammonta għal aktar minn nofs l-ispejjeż ġenerali (madwar 60 % għall-fastidju ċibernetiku u madwar 50 % għas-cyberstalking);

AH.

billi l-prevenzjoni, speċjalment permezz tal-edukazzjoni, inklużi l-litteriżmu u l-ħiliet diġitali, trid tkun element ewlieni ta' kwalunkwe politika pubblika li għandha l-għan li tindirizza l-vjolenza ċibernetika abbażi tal-ġeneru;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.