IL-KUMMISSJONI EWROPEA
Brussell, 2.6.2021
COM(2021) 511 final
Rakkomandazzjoni għal
RAKKOMANDAZZJONI TAL-KUNSILL
li tagħti l-opinjoni tal-Kunsill dwar il-Programm ta’ Konverġenza tal-Kroazja għall-2021
{SWD(2021) 501 final}
EUR-Lex Access to European Union law
This document is an excerpt from the EUR-Lex website
Document 52021DC0511
Recommendation for a COUNCIL RECOMMENDATION delivering a Council opinion on the 2021 Convergence Programme of Croatia
Rakkomandazzjoni għal RAKKOMANDAZZJONI TAL-KUNSILL li tagħti l-opinjoni tal-Kunsill dwar il-Programm ta’ Konverġenza tal-Kroazja għall-2021
Rakkomandazzjoni għal RAKKOMANDAZZJONI TAL-KUNSILL li tagħti l-opinjoni tal-Kunsill dwar il-Programm ta’ Konverġenza tal-Kroazja għall-2021
COM/2021/511 final
IL-KUMMISSJONI EWROPEA
Brussell, 2.6.2021
COM(2021) 511 final
Rakkomandazzjoni għal
RAKKOMANDAZZJONI TAL-KUNSILL
li tagħti l-opinjoni tal-Kunsill dwar il-Programm ta’ Konverġenza tal-Kroazja għall-2021
{SWD(2021) 501 final}
Rakkomandazzjoni għal
RAKKOMANDAZZJONI TAL-KUNSILL
li tagħti l-opinjoni tal-Kunsill dwar il-Programm ta’ Konverġenza tal-Kroazja għall-2021
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta’ pożizzjonijiet ta’ budget u s-sorveljanza u l-koordinazzjoni ta’ politika ekonomika 1 , u b’mod partikolari l-Artikolu 9(2) tiegħu,
Wara li kkunsidra r-Rakkomandazzjoni tal-Kummissjoni Ewropea,
Wara li kkunsidra r-riżoluzzjonijiet tal-Parlament Ewropew,
Wara li kkonsulta mal-Kumitat Ekonomiku u Finanzjarju
Billi:
(1)Fl-20 ta’ Marzu 2020, il-Kummissjoni adottat Komunikazzjoni dwar l-attivazzjoni tal-klawżola liberatorja ġenerali 2 tal-Patt ta’ Stabbiltà u Tkabbir 3 . Fil-Komunikazzjoni tagħha, il-Kummissjoni ppreżentat il-fehma tagħha li, minħabba r-reċessjoni ekonomika qawwija mistennija b’riżultat tat-tifqigħa tal-COVID-19, il-kundizzjonijiet biex tiġi attivata l-klawżola liberatorja ġenerali ġew issodisfati. Fit-23 ta’ Marzu 2020, il-Ministri tal-Finanzi tal-Istati Membri qablu mal-valutazzjoni tal-Kummissjoni. Il-klawżola liberatorja ġenerali tat lill-Istati Membri l-flessibilità baġitarja biex jindirizzaw il-kriżi. Iffaċilitat il-koordinazzjoni tal-politiki baġitarji f’mumenti ta’ reċessjoni ekonomika qawwija. L-attivazzjoni tagħha tippermetti li temporanjament ir-rotta tiddevja mill-perkors ta’ aġġustament lejn l-objettiv baġitarju fuq terminu medju ta’ kull Stat Membru, dment li dan ma jipperikolax is-sostenibbiltà fiskali fuq terminu medju. Fis-17 ta’ Settembru 2020, fl-Istrateġija Annwali għat-Tkabbir Sostenibbli tagħha, il-Kummissjoni ħabbret li l-klawżola liberatorja ġenerali se tibqa’ attiva fl-2021 4 .
(2)Fl-20 ta’ Lulju 2020 il-Kunsill irrakkomanda li l-Kroazja tieħu l-miżuri kollha meħtieġa, f’konformità mal-klawżola liberatorja ġenerali, biex effettivament tindirizza l-pandemija, issostni l-ekonomija u tappoġġa l-irkupru sussegwenti 5 . Huwa rrakkomanda wkoll li l-Kroazja, meta l-kundizzjonijiet ekonomiċi jippermettu, timxi fuq politiki fiskali li għandhom l-għan li jiksbu pożizzjonijiet fiskali prudenti fuq terminu medju u li jiżguraw is-sostenibbiltà tad-dejn, filwaqt li jsaħħu l-investiment.
(3)In-NextGenerationEU, inkluża l-Faċilità għall-Irkupru u r-Reżiljenza jiżguraw rkupru sostenibbli, inklużiv u ġust. Ir-Regolament (UE) 2021/241 li jistabbilixxi l-Faċilità għall-Irkupru u r-Reżiljenza 6 daħal fis-seħħ fid-19 ta’ Frar 2021. Din il-Faċilità tipprovdi appoġġ finanzjarju għall-implimentazzjoni tar-riformi u l-investiment, li jinvolvi impuls fiskali ffinanzjat mill-UE. Tikkontribwixxi għall-rikupru ekonomiku, għall-implimentazzjoni ta’ investiment u ta’ riformi sostenibbli u li jtejbu t-tkabbir, b’mod partikolari biex tippromwovi t-tranżizzjoni ekoloġika u diġitali, filwaqt li ssaħħaħ ir-reżiljenza u t-tkabbir potenzjali tal-ekonomiji. Mill-banda l-oħra, tgħin ukoll biex il-finanzi pubbliċi jerġgħu jiksbu pożizzjoni aktar favorevoli fuq terminu qasir, u tikkontribwixxi biex jissaħħu l-finanzi pubbliċi, it-tkabbir u l-ħolqien tal-impjiegi sostenibbli fuq terminu medju u fit-tul.
(4)Fit-3 ta’ Marzu 2021, il-Kummissjoni adottat Komunikazzjoni li tagħti aktar orjentazzjonijiet marbutin mal-politika, biex jiġu ffaċilitati l-koordinazzjoni tal-polititki fiskali u l-preparazzjoni tal-Programmi ta’ Stabbilità u Konverġenza tal-Istati Membri 7 . Il-pożizzjoni fiskali ġenerali, filwaqt li jitqiesu l-baġits nazzjonali u l-Faċilità għall-Irkupru u r-Reżiljenza, jenħtieġ li tibqa’ tagħti appoġġ fl-2021 u fl-2022. Fl-istess waqt, ġaladarba huwa mistenni li fit-tieni nofs tal-2021 l-attività ekonomika gradwalment tiġi għan-normal, il-politiki fiskali tal-Istati Membri jenħtieġ li fl-2022 jsiru aktar differenzjati. Jenħtieġ li l-politiki fiskali tal-Istati Membri jqisu l-istat ta’ rkupru, ta’ sostenibbiltà fiskali kif ukoll il-ħtieġa li jitnaqqsu d-diverġenzi ekonomiċi, soċjali u territorjali. Fid-dawl tal-bżonn li jiġi appoġġat l-irkupru sostenibbli tal-UE, jenħtieġ li l-Istati Membri b’riskji baxxi ta’ sostenibbiltà jħejju l-baġits tagħhom biex ikollhom politika fiskali li fl-2022 tkun ta’ appoġġ, filwaqt li jqisu l-impatt tal-Faċilità għall-Irkupru u r-Reżiljenza. L-Istati Membri b’livelli għoljin ta’ dejn jenħtieġ li jsegwu politiki fiskali prudenti filwaqt li jżommu l-investiment iffinanzjat b’mod nazzjonali u jużaw l-għotjiet tal-Faċilità għall-Irkupru u r-Reżiljenza biex jiffinanzjaw proġetti ta’ investiment ta’ kwalità għolja oħra u riformi strutturali. Għall-perjodu ta’ wara l-2022, il-politiki fiskali jenħtieġ li jkomplu jqisu s-saħħa tal-irkupru, il-livell tal-inċertezza ekonomika u l-kunsiderazzjonijiet ta’ sostenibbiltà fiskali. L-iffukar mill-ġdid tal-politiki fiskali biex jinkisbu pożizzjonijiet fiskali prudenti fuq terminu medju, inkluż bl-eliminazzjoni gradwali tal-miżuri ta’ appoġġ fi żmien debitu, jikkontribwixxu biex tiġi żgurata s-sostenibbiltà fiskali fuq terminu medju.
(5)Fil-Komunikazzjoni tat-3 ta’ Marzu 2021 kien hemm imħabbar ukoll li l-Kummissjoni hija tal-fehma li d-deċiżjoni dwar id-diżattivazzjoni jew l-issuktar tal-applikazzjoni tal-klawżola liberatorja ġenerali jenħtieġ li tittieħed bħala valutazzjoni ġenerali tal-qagħda ekonomika, bil-livell tal-attività eknomika fl-UE jew fiż-Żona tal-Euro pparagunat mal-livelli ta’ qabel il-kriżi (tmiem l-2019) bħala l-kriterju kwantitattiv ewlieni. Fuq il-bażi tat-tbassir tar-rebbiegħa 2021 tal-Kummissjoni, fit-2 ta’ Ġunju l-Kummissjoni qieset li ġew issodisfati l-kundizzjonijiet biex il-klawżola liberatorja ġenerali fl-2022 tkompli tapplika u biex mill-2023 din tiġi diżattivata. Wara d-diżattivazzjoni tal-klawżola liberatorja ġenerali se jkomplu jitqiesu s-sitwazzjonijiet speċifiċi tal-pajjiżi 8 .
(6)Fid-29 ta’ April 2021, il-Kroazja ppreżentat il-Programm ta’ Konverġenza tagħha għall-2021, f’konformità mal-Artikolu 8 tar-Regolament (KE) Nru 1466/97.
(7)Fl-2020, fuq il-bażi tad-data vvalidata mill-Eurostat, id-defiċit tal-gvern estiż tal-Kroazja kien ta’ 7,4 % tal-PDG, filwaqt li d-dejn tal-gvern estiż żdied għal 88,7 % tal-PDG. Il-bidla annwali fil-bilanċ tal-baġit primarju ammontat għal -8,1 % tal-PDG, inklużi l-miżuri baġitarji diskrezzjonali ta’ 3,8 % tal-PDG sabiex tiġi appoġġata l-ekonomija u l-operat tal-istabbilizzaturi awtomatiċi. Il-Kroazja pprovdiet ukoll appoġġ ta’ likwidità lill-kumpaniji u lill-unitajiet domestiċi (bħal garanziji u differimenti tat-taxxa, li ma għandhomx impatt baġitarju dirett u immedjat), stmati għal 4,6 % tal-PDG.
Fit-2 ta’ Ġunju 2021, il-Kummissjoni ħarġet rapport skont l-Artikolu 126(3) TFUE. Dan ir-rapport jiddiskuti s-sitwazzjoni baġitarja tal-Kroazja billi fl-2020 id-defiċit tal-gvern estiż qabeż il-valur ta’ referenza stabbilit fit-Trattat ta’ 3 % tal-PDG, filwaqt li d-dejn tal-gvern estiż qabeż tal-valur ta’ referenza stabbilit fit-Trattat ta’ 60 % tal-PDG, u ma naqasx b’ritmu sodisfaċenti. Ir-rapport ikkonkluda li l-kriterju tad-defiċit ma kienx issodisfat u li ma kienx hemm konformità mal-kriterju tad-dejn.
(8)Ix-xenarju makroekonomiku li fuqu huma bbażati l-proġettazzjonijiet baġitarji tal-Programm ta’ Konverġenza huwa realistiku għall-2021 u l-2022. B’mod partikolari jipproġetta tkabbir kemxejn aktar b’saħħtu mit-tbassir tar-rebbiegħa 2021 tal-Kummissjoni (5,2 % apparagun ta’ 5 %) u b’mod partikolari fl-2022 (6,6 % apparagun ta’ 6,1 %). Dan huwa l-aktar minħabba l-proġettazzjonijiet aktar pożittivi tal-konsum u l-investiment tal-unitajiet domestiċi, filwaqt li t-tbassir tal-Kummissjoni huwa kemxejn aktar ottimist rigward il-kontribut tal-esportazzjonijiet.
(9)Fil-Programm ta’ Konverġenza tiegħu għall-2021 il-gvern qed jippjana tnaqqis fid-defiċit tal-gvern estiż, minn 7,4 % tal-PDG fl-2020 għal 3,8 % tal-PDG fl-2021, filwaqt li l-proporzjon tad-dejn huwa ppjanat li jonqos għal 86,6 % tal-PDG fl-2021. Skont il-programm, il-bidla fil-bilanċ tal-baġit primarju fl-2021 apparagun tal-livell ta’ qabel il-kriżi (2019) huwa mistenni li jammonta għal -4,6 % tal-PDG, u dan jirrifletti l-miżuri baġitarji diskrezzjonali sabiex tiġi appoġġata l-ekonomija u l-operat tal-istabbilizzaturi awtomatiċi. Meta mqabbel ma’ dan, it-tbassir tar-rebbiegħa 2021 tal-Kummissjoni ma jipproġettax li d-defiċit se jonqos daqstant fl-2021 (4,6 % tal-PDG). Id-differenzi huma l-aktar evidenti fuq in-naħa tad-dħul, li l-Programm ta’ Konverġenza qed jipproġetta li se jiżdied ferm aktar mir-rata ta’ tkabbir nominali tal-PDG. Sadanittant, il-bini mill-ġdid wara t-terremoti tal-2020 f’Żagreb u f’Petrinja mistenni li jħalli impatt fuq in-nefqa, għalkemm huwa eċċezzjoni.
(10)Bħala rispons għall-pandemija tal-COVID-19 u għar-reċessjoni ekonomika relatata, il-Kroazja adottat miżuri baġitarji biex issaħħaħ il-kapaċità tas-sistema tas-saħħa tagħha, trażżan il-pandemija u tipprovdi għajnuna lil dawk l-individwi u s-setturi l-aktar milquta. Ir-rispons qawwi ta’ politika taffa t-tnaqqis fil-PDG, li min-naħa tiegħu naqqas iż-żieda fid-defiċit tal-gvern u fid-dejn pubbliku. Il-miżuri fiskali jenħtieġ li jimmassimizzaw l-appoġġ għall-irkupru mingħajr ma jippreġudikaw it-trajettorja futura fiskali. Għaldaqstant jenħtieġ li l-miżuri jevitaw li jinħoloq piż permanenti fuq il-finanzi pubbliċi. Meta l-Istati Membri jintroduċu miżuri permanenti, huma għandhom jiffinanzjawhom kif xieraq biex jiżguraw newtralità baġitarja fuq terminu medju. Il-miżuri li ħadet il-Kroazja fl-2020 u fl-2021 kienu konformi mar-Rakkomandazzjoni tal-Kunsill tal-20 ta’ Lulju 2020. Il-miżuri diskrezzjonali adottati mill-gvern fl-2020 u fl-2021 huma fil-biċċa l-kbira temporanji jew ġew akkumpanjati minn miżuri kumpensatorji. Lil hinn mill-perjodu tat-tbassir tal-Kummissjoni, fl-2023, l-impatt li jifdal ta’ dawk il-miżuri mhux temporanji huwa stmat b’mod preliminari għal madwar 0,3 % tal-PDG, li jikkonsisti prinċipalment fi tnaqqis fit-taxxi fuq l-introjtu.
(11)Il-Programm ta’ Konverġenza għall-2021 jieħu inkonsiderazzjoni l-investiment u r-riformi ffinanzjati mill-għotjiet permezz tal-Faċilità għall-Irkupru u r-Reżiljenza li jammontaw għal 0,4 % tal-PDG fl-2021, 1,9 % fl-2022, 2,4 % fl-2023, 2,3 % fl-2024, 1,7 % fl-2025 u 1 % fl-2026. It-tbassir tar-rebbiegħa tal-Kummissjoni jinkludi dawn l-għotjiet fil-proġettazzjonijiet baġitarji tiegħu, b’ritmu ġeneralment simili għall-2021 u l-2022.
(12)L-indikaturi stabbiliti tal-aġġustament fiskali stipulati fir-Regolament (KE) Nru 1466/97 iridu jitqiesu fil-kuntest taċ-ċirkustanzi attwali. L-ewwel nett, hemm inċertezza sinifikanti rigward l-estimi marbutin mad-distakk fl-output. It-tieni hemm bżonn li l-politika fiskali tkun lesta tadatta ruħha malajr għal kif qed tevolvi l-pandemija, billi taqleb mill-għajnuna ta’ emerġenza għal miżuri iktar immirati ġaladarba r-riskji għas-saħħa jonqsu. It-tielet, il-kuntest attwali huwa kkaratterizzat minn rispons sinifikattiv tal-politika biex tiġi appoġġata l-attività ekonomika. Fil-preżenza ta’ trasferimenti mdaqqsa mill-baġit tal-UE (bħal dawk mill-Faċilità għall-Irkupru u r-Reżiljenza), l-indikaturi stabbiliti ma jurux l-impuls kollu pprovdut mill-politiki fiskali għall-ekonomija. F’dan il-kuntest, il-bilanċ strutturali ma jidhirx li huwa adegwat fiċ-ċirkustanzi attwali. Mill-banda l-oħra, il-parametru referenzjarju tan-nefqa jenħtieġ li jiġi adattat 9 u kkumplimentat b’informazzjoni addizzjonali sabiex tiġi evalwalata b’mod sħiħ l-orjentazzjoni tal-politika fiskali.
L-ewwel nett, b’mod simili għall-approċċ segwit fil-valutazzjoni tal-Abbozzi tal-Pjanijiet Baġitarji tal-2021, il-miżuri temporanji ta’ emerġenza ġew esklużi mill-aggregat tan-nefqa. Dawn il-miżuri ta’ emerġenza temporanji relatati mal-kriżi jappoġġaw is-sistemi tas-saħħa u jikkumpensaw lill-ħaddiema u lill-impriżi għat-telf fid-dħul minħabba l-lockdowns u l-interruzzjonijiet fil-katina tal-provvista; il-bidla lejn is-sitwazzjoni preċedenti mill-awtoritajiet pubbliċi tiddependi fuq ir-ritorn lejn in-normalità tas-sitwazzjoni ekonomika u tas-saħħa pubblika.
It-tieni, biex tiġi vvalutata l-pożizzjoni fiskali ġenerali fl-istadju attwali, it-trasferimenti mdaqqsa mill-baġit tal-UE (bħal dawk mill-Faċilità għall-Irkupru u r-Reżiljenza) jenħtieġ li jiġu inklużi fl-aggregat tan-nefqa rilevanti.
Għaldaqstant, il-pożizzjoni fiskali mbagħad titkejjel fuq il-bażi tal-bidla fin-nefqa primarja (netta mill-miżuri ta’ dħul diskrezzjonarji filwaqt li jiġu esklużi l-miżuri ta’ emerġenza temporanji relatati mal-kriżi) inkluża n-nefqa ffinanzjata minn għotjiet permezz tal-Faċilità għall-Irkupru u r-Reżiljenza u fondi oħra tal-UE.
Lil hinn mill-pożizzjoni fiskali ġenerali, l-analiżi għandha wkoll l-għan li tivvaluta jekk il-politika fiskali nazzjonali hix prudenti u jekk l-istruttura tagħha twassalx għal irkupru sostenibbli konsistenti skont it-tranżizzjoni ekoloġika u diġitali. Għal din ir-raġuni, tingħata attenzjoni partikolari għall-evoluzzjoni tan-nefqa kurrenti primarja u l-investiment iffinanzjati b’mod nazzjonali.
(13)Fil-Programm ta’ Konverġenza tal-Kroazja għall-2021 hemm ippjanat li d-defiċit tal-gvern estiż jonqos għal 2,6 % tal-PDG fl-2022, prinċipalment minħabba żieda qawwija fid-dħul u l-waqfien tal-miżuri temporanji ta’ appoġġ adottati fl-2020 u l-2021. Il-proporzjon tad-dejn tal-gvern estiż huwa ppjanat li jonqos għal 82,5 % tal-PDG fl-2022. It-tbassir tar-rebbiegħa 2021 tal-Kummissjoni jipproġetta proporzjon ogħla ta’ defiċit u ta’ dejn fl-2022, ta’ 3,2 % tal-PDG u ta’ 82,9 % tal-PDG rispettivament, u d-differenza hija dovuta l-aktar għall-effett bażi mill-2021.
Fuq il-bażi tat-tbassir tal-Kummissjoni, il-pożizzjoni fiskali ġenerali kif definita hawn fuq – inkluż ukoll l-impatt fuq id-domanda aggregata fl-2022 minn investiment iffinanzjat kemm mill-baġits nazzjonali kif ukoll minn dawk tal-UE, b’mod partikolari l-Faċilità għall-Irkupru u r-Reżiljenza – hija stmata għal - 2,4 tal-PDG 10 . Il-kontribuzzjoni pożittiva tan-nefqa ffinanzjata mill-għotjiet tal-Faċilità għall-Irkupru u r-Reżiljenza u fondi oħra tal-UE hija pproġettata li tiżdied b’1,5 punti perċentwali tal-PDG. L-investiment ffinanzjat b’mod nazzjonali huwa pproġettat li jipprovdi kontribuzzjoni espansjonarja ta’ 0,1 punt perċentwali tal-PDG 11 . In-nefqa kurrenti primarja ffinanzjata b’mod nazzjonali (netta mill-miżuri ta’ dħul diskrezzjonarji) hija pproġetata li tipprovdi kontribuzzjoni espansjonarja ta’ 0,8 punti perċentwali tal-PDG.
(14)Il-kwalità tal-miżuri baġitarji tal-Istati Membri tidher partikolarment importanti. Ir-riformi strutturali fiskali li għandhom l-għan li jtejbu l-istruttura tal-baġits nazzjonali jistgħu jappoġġaw it-tkabbir potenzjali, joħolqu l-ispazju fiskali ferm meħtieġ u jgħinu biex tiġi żgurata sostenibbiltà fiskali fit-tul, anki minħabba t-tibdil fil-klima u l-isfidi tas-saħħa. Fir-rigward tad-dħul, il-kriżi tal-COVID-19 saħħet l-importanza tar-riformi għal sistemi tad-dħul pubbliċi aktar effiċjenti u ġusti. Mill-aspett tan-nefqa, għamlitha aktar kruċjali li l-livell u l-kwalità tal-invesitmenti sostenibbli u li jtejbu t-tkabbir jkunu konformi mal-objettivi tat-tisħiħ tar-reżiljenza ekonomika u soċjali kif ukoll tat-tranżizzjoni doppja ekoloġika u diġitali. Il-Pjan għall-Irkupru u r-Reżiljenza jippermetti titjib fl-istruttura tal-baġits nazzjonali.
(15)Skont il-pjanijiet baġitarji tal-programm fuq terminu medju, id-defiċit tal-gvern estiż huwa ppjanat li jonqos minn 1,9 % tal-PDG fl-2023 għal 1,5 % tal-PDG fl-2024.
Fuq il-bażi tal-programm, il-pożizzjoni fiskali ġenerali – inkluż ukoll l-impatt fuq id-domanda aggregata minn investiment iffinanzjat kemm mill-baġits nazzjonali kif ukoll minn dawk tal-UE, b’mod partikolari l-Faċilità għall-Irkupru u r-Reżiljenza – hija stmata bħala medja għal -0,1 % tal-PDG għall-2023 u l-2024. In-nefqa ffinanzjata mill-għotjiet tal-Faċilità għall-Irkupru u r-Reżiljenza u fondi oħra tal-UE huma pproġettati li jipprovdu kontribuzzjoni restrittiva ta’ 0,6 punti perċentwali tal-PDG. L-investiment ffinanzjat b’mod nazzjonali huwa pproġettat li jipprovdi kontribuzzjoni restrittiva ta’ 0,1 punt perċentwali tal-PDG 12 . In-nefqa kurrenti primarja ffinanzjata b’mod nazzjonali (netta mill-miżuri ta’ dħul diskrezzjonarji) hija pproġetata li tipprovdi kontribuzzjoni espansjonarja ta’ 0,6 punti perċentwali tal-PDG.
L-istima attwali tat-tkabbir potenzjali nominali medju fuq 10 snin hija ta’ 3 1/4 % 13 . Madankollu, din l-istima ma tinkludix l-impatt tar-riformi li huma parti mill-Pjan għall-Irkupru u r-Reżiljenza u li jistgħu jagħtu spinta lit-tkabbir potenzjali tal-Kroazja.
(16)Il-proporzjon tad-dejn tal-gvern estiż huwa ppjanat li jonqos minn 79,5 % tal-PDG fl-2023 għal 76,8 % tal-PDG fl-2024. Il-Kroazja hija meqjusa li se tiffaċċja riskji ta’ sostennibbiltà fiskali medji fuq terminu medju skont l-aħħar analiżi tas-sostenibbiltà tad-dejn 14 .
(17)Fid-dawl tal-livell ta’ inċertezza li bħalissa għadu eċċezzjonalment għoli, il-gwida tal-politika fiskali jenħtieġ li tibqa’ fil-biċċa l-kbira kwalitattiva. Gwida kkwantifikata aktar preċiża għas-snin ta’ wara jenħtieġ li tingħata fl-2022 jekk il-livell ta’ inċertezza jkun naqas biżżejjed sa dak iż-żmien.
Il-Kunsill ivvaluta l-Programm ta’ Konvergenza għall-2021 u s-segwitu għar-Rakkomandazzjoni tal-Kunsill tal-20 ta’ Lulju 2020 mill-Kroazja.
B’DAN JIRRAKKOMANDA LILL-KROAZJA BIEX:
1.Fl-2022 iżżomm il-pożizzjoni fiskali ta’ appoġġ, inkluż l-impuls ipprovdut mill-Faċilità għall-Irkupru u r-Reżiljenza, u żżomm l-investiment iffinanzjat b’mod nazzjonali. Iżżomm taħt kontroll iż-żieda fin-nefqa kurrenti ffinanzjata b’mod nazzjonali.
2.Meta l-kundizzjonijiet ekonomiċi jkunu jippermettu, issegwi politika fiskali mmirata lejn il-kisba ta’ pożizzjonijiet fiskali prudenti fuq terminu medju u tiżgura s-sostenibbiltà fiskali fuq terminu medju. Fl-istess ħin, issaħħaħ l-investiment biex tingħata spinta lill-potenzjal tat-tkabbir
3.Tagħti attenzjoni partikolari lill-istruttura tal-finanzi pubbliċi, kemm fuq in-naħa tad-dħul kif ukoll fuq in-naħa tan-nefqa tal-baġit, u lill-kwalità tal-miżuri baġitarji, sabiex tiżgura rkupru sostenibbli u inklużiv. Tagħti prijorità lill-investiment sostenibbli u li jtejjeb it-tkabbir, b’mod partikolari l-appoġġ lit-tranżizzjoni ekoloġika u diġitali. Tagħti prijorità lir-riformi strutturali fiskali li se jgħinu biex jingħata finanzjament għall-prijoritajiet tal-politika pubblika u jikkontribwixxu għas-sostenibbiltà fit-tul tal-finanzi pubbliċi, inkluż billi jsaħħu l-kopertura, l-adegwatezza, u s-sostenibbiltà tas-sistemi tas-saħħa u tal-protezzjoni soċjali għal kulħadd.
Magħmul fi Brussell,
Għall-Kunsill
Il-President