This document is an excerpt from the EUR-Lex website
Document 52020M9675
Prior notification of a concentration (Case M.9675 — Apollo Capital Management/Lopesan Group/IFA Faro Hotel/IFA Buenaventura Hotel) Candidate case for simplified procedure (Text with EEA relevance) 2020/C 86/08
Avviż minn qabel ta’ konċentrazzjoni (Il-Każ M.9675 — Apollo Capital Management/Lopesan Group/IFA Faro Hotel/IFA Buenaventura Hotel) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2020/C 86/08
Avviż minn qabel ta’ konċentrazzjoni (Il-Każ M.9675 — Apollo Capital Management/Lopesan Group/IFA Faro Hotel/IFA Buenaventura Hotel) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2020/C 86/08
PUB/2020/231
ĠU C 86, 16.3.2020, p. 11–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
16.3.2020 |
MT |
Il-Ġurnal Uffiċjali tal-Unjoni Ewropea |
C 86/11 |
Avviż minn qabel ta’ konċentrazzjoni
(Il-Każ M.9675 — Apollo Capital Management/Lopesan Group/IFA Faro Hotel/IFA Buenaventura Hotel)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 86/08)
1.
Fis-6 ta’ Marzu 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Apollo Capital Management L.P. (“Apollo”, l-Istati Uniti tal-Amerka), |
— |
Invertur Helsan, S.L.U. (“Lopesan”, Spanja), finalment ikkontrollata mil-Lopesan Group, |
— |
Hotel Faro, li hija Lopesan Collection Hotel (“IFA Faro Hotel”) u Abora Buenaventura By Lopesan Hotels (“IFA Buenaventura Hotel”) (flimkien “il-Lukandi fil-Miras”, Gran Canaria, Spabja). |
Apollo u Lopesan jakkwistaw, fis-sens tal-Artikoli 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Hotel Faro u Hotel Buenaventura.
Il-konċentrazzjoni hija mwettqa permezz ta’ xiri ta’ ishma u ftehim dwar il-ġestjoni tal-lukandi.
2.
L-attivitajiet kummerċjali tal-impriżi kkonċernati huma:
— |
Apollo: investiment f’kumpaniji involuti f’diversi negozji madwar id-dinja, fost oħrajn, kumpaniji fin-negozju tal-kimiċi, tal-isptarijiet, tas-sigurtà, tal-assikurazzjoni, tas-servizzi finanzjarji u tal-proprjetà immobbli, |
— |
Lopesan Group: konglomerat Spanjol ibbażat fil-Gran Canaria li huwa sid ta’ kumpaniji fis-setturi tal-kostruzzjoni, it-turiżmu, l-iżvilupp tal-proprjetà immobbli, tal-ħin ħieles u l-agrikoltura. Huwa sid u jħaddem 15-il lukanda mxerrda fil-Gran Canaria, Fuerteventura, il-Ġermanja, l-Awstrija, u r-Repubblika Dominikana. Lopesan Group jiġġestixxi wkoll sitt lukandi fil-Gran Canaria li huma proprjetà ta’ terzi persuni, |
— |
il-Lukandi fil-Mira: lukandi ta’ erba’ u ħames stilel li joffru kmamar kif ukoll ristorant, faċilitajiet tal-bar u tal-konferenzi f’San Barthomome de Tirajana fil-Gran Canaria, Spanja. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9675 — Apollo Capital Management/Lopesan Group/IFA Faro Hotel/IFA Buenaventura Hotel
Il-kummenti jistgħu jintbagħtu lill-Kummissjoni permezz tal-email permezz tal-faks jew permezz tal-posta. Uża d-dettalji ta’ kuntatt ta’ hawn taħt:
E-mail: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).