This document is an excerpt from the EUR-Lex website
Document 52020DC0799
REPORT FROM THE COMMISSION TO THE EUROPEAN PARLIAMENT AND THE COUNCIL Report on export authorisation in 2019 pursuant to the Regulation concerning trade in certain goods which could be used for capital punishment, torture or other cruel, inhuman or degrading treatment or punishment
RAPPORT TAL-KUMMISSJONI LILL-PARLAMENT EWROPEW U LILL-KUNSILL Rapport dwar l-awtorizzazzjon għall-esportazzjoni fl-2019 skont ir-Regolament dwar il-kummerċ ta' ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra
RAPPORT TAL-KUMMISSJONI LILL-PARLAMENT EWROPEW U LILL-KUNSILL Rapport dwar l-awtorizzazzjon għall-esportazzjoni fl-2019 skont ir-Regolament dwar il-kummerċ ta' ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra
COM/2020/799 final
IL-KUMMISSJONI EWROPEA
Brussell, 14.12.2020
COM(2020) 799 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
Rapport dwar l-awtorizzazzjon għall-esportazzjoni fl-2019 skont ir-Regolament dwar il-kummerċ ta' ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra
1.Introduzzjoni
L-objettiv tar-Regolament (UE) 2019/125 dwar il-kummerċ ta’ ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra ( 1 ) (ir-Regolament) huwa li jipprevjeni l-piena kapitali, minn naħa waħda, u t-tortura u trattament jew pieni krudili, inumani jew degradanti oħra f’pajjiżi barra mill-UE, min-naħa l-oħra. Jiddistingwi bejn oġġetti li:
-huma abbużivi b’mod inerenti u jenħtieġ li ma jiġux ikkummerċjalizzati (l-Anness II), jew
-jista’ jkollhom użi leġittimi, bħal tagħmir tal-infurzar tal-liġi (l-Anness III) jew oġġetti għal użu terapewtiku (l-Anness IV).
Il-kummerċ ta’ dawn l-oġġetti huwa soġġett għal ċerti restrizzjonijiet.
L-Artikolu 26(3) tar-Regolament jiddikjara li l-Istati Membri jridu jfasslu rapport pubbliku u annwali tal-attività. Ir-rapport irid jipprovdi informazzjoni dwar l-għadd ta’ applikazzjonijiet riċevuti, l-oġġetti u l-pajjiżi kkonċernati, u d-deċiżjonijiet li ttieħdu dwar l-applikazzjonijiet. L-Artikolu 26(4) jiddikjara li l-Kummissjoni trid tfassal rapport annwali magħmul mir-rapporti annwali tal-attività ppubblikati mill-Istati Membri. Trid tagħmel ir-rapport disponibbli għall-pubbliku.
Dan ir-rapport tal-Kummissjoni jagħti informazzjoni dwar l-attivitajiet ta’ awtorizzazzjoni tal-Istati Membri rigward l-esportazzjonijiet ta’ oġġetti fl-2019 ( 2 ), li jistgħu jintużaw għat-tortura jew għall-piena kapitali fl-2019.
L-Istati Membri kollha rrapportaw dwar l-għadd ta’ awtorizzazzjonijiet għall-esportazzjoni li ngħataw u ġew irrifjutati skont l-Artikoli 11(1) u 16(1) u dwar l-oġġetti u l-pajjiżi ta’ destinazzjoni inkwistjoni. F’ħafna każijiet, l-awtoritajiet kompetenti fl-Istati Membri rrapportaw ukoll dwar l-għadd jew il-kwantitajiet tal-oġġetti awtorizzati għall-esportazzjoni u l-kategorija tal-utent aħħari li l-oġġetti jkunu ġew fornuti lilu.
|
Awtorizzazzjonijiet skont ir-Regolament (UE) 2019/125 L-Artikoli 11(1) u 16(1) tar-Regolament (UE) 2019/125 jeħtieġu awtorizzazzjoni għall-esportazzjonijiet ( 3 ) tal-oġġetti elenkati fl-Anness III (11(1)) u fl-Anness IV (16(1)). L-Anness III jelenka ċerti oġġetti li jistgħu jintużaw għall-fini ta’ tortura jew trattament jew pieni krudili, inumani jew degradanti oħra. L-oġġetti fl-Anness III jaqgħu taħt l-intestaturi li ġejjin: oġġetti maħsuba għat-trażżin tal-bnedmin; armi u apparat imfassla għall-fini tal-kontroll tal-irvellijiet jew tal-awtoprotezzjoni, u armi u tagħmir li jxerred sustanzi kimiċi inkapaċitanti jew irritanti għall-fini tal-kontroll tal-irvellijiet jew tal-awtoprotezzjoni, u ċerti sustanzi relatati. L-Anness IV jelenka ċerti sustanzi kimiċi li jistgħu jintużaw f’injezzjonijiet letali. Minbarra meta l-Awtorizzazzjoni Ġenerali tal-Unjoni għall-Esportazzjoni stabbilita fl-Anness V tintuża għall-esportazzjonijiet ta’ oġġetti elenkati fl-Anness IV, l-awtorizzazzjoni għall-esportazzjoni trid tinkiseb mill-awtoritajiet kompetenti fl-Istat Membru kkonċernat, kif elenkat fl-Anness I tar-Regolament. L-esportazzjonijiet lejn destinazzjonijiet elenkati fl-Awtorizzazzjoni Ġenerali tal-Unjoni għall-Esportazzjoni normalment jistgħu jsiru mingħajr ma tinkiseb awtorizzazzjoni individwali jew globali mogħtija minn Stat Membru. L-approċċ sa issa kien li pajjiż mhux tal-UE jiġi inkluż fl-Anness V jekk ikun irratifika ftehim internazzjonali rilevanti b’impenn li jabolixxi l-piena kapitali għar-reati kollha. Għall-pajjiżi barra mill-Kunsill tal-Ewropa, dan ifisser li l-pajjiż inkwistjoni jrid ikun irratifika t-Tieni Protokoll Fakultattiv għall-Patt Internazzjonali dwar id-Drittijiet Ċivili u Politiċi (ICCPR) mingħajr riżerva. Madankollu, jekk ikun hemm suspett raġonevoli dwar l-abbiltà tal-esportatur li jikkonforma mat-termini tal-awtorizzazzjoni jew mal-leġiżlazzjoni dwar il-kontroll tal-esportazzjoni, l-awtorità kompetenti tista’ tipprojbixxi lill-esportatur milli juża l-Awtorizzazzjoni Ġenerali tal-Unjoni għall-Esportazzjoni. L-Artikolu 20(2) tar-Regolament (UE) 2019/125 jiddikjara li awtorizzazzjoni għall-esportazzjonijiet mogħtija minn Stat Membru tista’ tkun awtorizzazzjoni individwali (awtorizzazzjoni għall-esportazzjonijiet lejn utent aħħari jew destinatarju wieħed f’pajjiż mhux tal-UE) jew awtorizzazzjoni globali (awtorizzazzjoni għall-esportazzjonijiet lejn utent aħħari speċifikat wieħed jew aktar jew distributuri f’pajjiż mhux tal-UE speċifikat wieħed jew aktar) ( 4 ). L-Artikoli 3, 4 u 5 tar-Regolament jipprojbixxu l-esportazzjoni, l-importazzjoni u t-tranżitu tal-oġġetti elenkati fl-Anness II. L-awtoritajiet kompetenti jistgħu jagħtu deroga mill-projbizzjoni, iżda biss jekk jintwera li l-oġġetti kkonċernati se jintużaw għall-iskop esklużiv ta’ wirja pubblika f’mużew (f’pajjiż mhux tal-UE jew, f’konformità mal-Artikolu 4, fi Stat Membru) fid-dawl tas-sinifikat storiku tagħhom. |
2.Awtorizzazzjonijiet mogħtija u miċħuda
Fl-2019, l-għadd totali ta’ awtorizzazzjonijiet irrapportati ammontaw għal 285, bi 11-il Stat Membru jirrapportaw li kienu taw l-awtorizzazzjonijiet. L-Istati Membri li fadal informaw lill-Kummissjoni li ma kienu rċevew l-ebda applikazzjoni għal awtorizzazzjonijiet skont ir-Regolament.
Billi d-definizzjoni ta’ awtorizzazzjoni individwali u ta’ awtorizzazzjoni globali fl-Artikolu 2 tar-Regolament ma jinkludux komponent kwantitattiv, indikazzjoni tal-għadd ta’ awtorizzazzjonijiet mogħtija ma tagħtix indikazzjoni tal-għadd jew tal-kwantità tal-oġġetti kkonċernati minn dawn l-awtorizzazzjonijiet. L-informazzjoni li l-Istati Membri jagħtu lill-Kummissjoni tipikament lanqas ma tagħmel distinzjoni bejn awtorizzazzjonijiet individwali u awtorizzazzjonijiet globali.
Ir-Regolament jitlob li l-awtoritajiet kompetenti jivverifikaw jekk awtorizzazzjoni għall-esportazzjoni tagħtix indikazzjoni li, jekk jiġu esportati, l-oġġetti inkwistjoni jistgħux jintużaw għat-tortura jew għal trattamenti jew pieni krudili, inumani jew degradanti oħra (l-Anness III) jew għall-piena kapitali (l-Anness IV). Għaldaqstant, l-Artikolu 20(8) tar-Regolament jiddikjara li jenħtieġ li l-awtorità kompetenti tirċievi “l-informazzjoni kompluta b’mod partikolari dwar l-utenti aħħari, il-pajjiż ta’ destinazzjoni u l-użu aħħari tal-oġġetti”.
Fl-2019, sitt applikazzjonijiet ( 5 ) għal awtorizzazzjoni għall-esportazzjoni ġew irrapportati bħala miċħuda. Il-każijiet irrapportati ta’ ċaħda fl-2019 kienu jikkonċernaw ċerti tranżazzjonijiet intenzjonati ma’ klijenti fil-Bożnija-Ħerzegovina, fiċ-Ċina, fl-Indja, f’Iżrael, fin-Niġerja u fin-Niġer. It-tranżazzjonijiet mhux awtorizzati kienu jikkonċernaw primarjament oġġetti elenkati fl-Anness III, il-kodiċi 3.1 ( 6 ). L-esportazzjoni maħsuba lejn in-Niġerja kienet tikkonċerna l-oġġetti elenkati fl-Anness III, il-kodiċi 3.6( 7 ). L-esportazzjoni maħsuba lejn l-Indja kienet tikkonċerna l-oġġetti elenkati fl-Anness IV (tijopental).
L-Artikoli 3, 4 u 5 tar-Regolament jipprojbixxu l-esportazzjoni, l-importazzjoni u t-tranżitu tal-oġġetti elenkati fl-Anness II, rispettivament. Ir-Regolament jippermetti li l-awtoritajiet nazzjonali kompetenti jagħtu deroga mill-projbizzjoni, iżda biss jekk jintwera li l-oġġetti kkonċernati se jintużaw għall-iskop esklużiv ta’ wirja pubblika f’mużew (f’pajjiż mhux tal-UE jew, f’konformità mal-Artikolu 4, fi Stat Membru) fid-dawl tas-sinifikat storiku tagħhom. L-awtoritajiet kompetenti rrapportaw li huma ma tawx dawn id-derogi fl-2019.
L-Anness 1 ta’ dan ir-rapport jagħti informazzjoni dwar l-għadd ta’ awtorizzazzjonijiet għall-esportazzjoni mogħtija mill-awtoritajiet kompetenti nazzjonali fl-2019, skont il-kategorija tal-oġġetti (l-Anness III u l-Anness IV). L-esportazzjonijiet skont l-Awtorizzazzjoni Ġenerali tal-Unjoni għall-Esportazzjoni (l-Anness V tar-Regolament (UE) 2019/125) mhumiex inklużi fl-informazzjoni dwar l-għadd ta’ awtorizzazzjonijiet mogħtija.
L-Anness 2 jagħti informazzjoni dwar l-għadd ta’ applikazzjonijiet awtorizzati u miċħuda matul il-perjodu mill-2017 sal-2019.
L-Anness 3 jagħti informazzjoni dwar id-destinazzjonijiet ewlenin irrapportati tal-esportazzjonijiet awtorizzati.
L-Annessi 4 u 5 jagħtu ħarsa ġenerali lejn l-oġġetti awtorizzati għall-esportazzjoni, id-destinazzjonijiet tagħhom u l-użu aħħari rrappurtat tagħhom.
3.Utenti aħħarin
L-informazzjoni riċevuta mill-Kummissjoni tagħmilha possibbli li ssir distinzjoni bejn l-użu aħħari għall-infurzar tal-liġi, għax-xjenza u għall-kura tas-saħħa (fl-isptarijiet u għal użu veterinarju) u l-użu aħħari mid-ditti tas-sigurtà u tal-kummerċ.
L-Anness 6 jiġbor fil-qosor l-informazzjoni mogħtija lill-Kummissjoni dwar l-użu aħħari rrappurtat tal-esportazzjonijiet awtorizzati fl-2019.
ĠU L 30, 31.1.2019, p. 1.
Dan ir-rapport ma jagħtix informazzjoni dwar l-użu mill-esportaturi tal-Awtorizzazzjoni Ġenerali tal-Unjoni għall-Esportazzjoni għall-esportazzjoni tal-oġġetti elenkati fl-Anness IV (l-Anness V tar-Regolament (UE) 2019/125).
L-Artikolu 2(d) tar-Regolament (UE) 2019/125 jiddefinixxi “esportazzjoni” bħala “kwalunkwe ħruġ ta’ oġġetti mit-territorju doganali tal-Unjoni, inkluż il-ħruġ ta’ oġġetti li jeħtieġu dikjarazzjoni doganali u l-ħruġ ta’ oġġetti wara li jkunu ġew maħżuna f’żona ħielsa fit-tifsira tar-Regolament (UE) Nru 952/2013 tal-Parlament Ewropew u tal-Kunsill”.
L-Artikolu 2(p) jiddefinixxi bis-sħiħ “awtorizzazzjoni individwali” L-Artikolu 2(q) jiddefinixxi bis-sħiħ “awtorizzazzjoni globali”.
L-għadd ta’ “ċaħdiet” għall-2019 huwa differenti mill-għadd fir-rapport ta’ rieżami (COM (2020) 343), billi dan iqis id-data li ma kinitx disponibbli fiż-żmien meta ġie ffinalizzat ir-rapport.
L-oġġetti elenkati fl-Anness III taħt il-kodiċi 3.1: armi u tagħmir li jistgħu jinġarru li jamministraw jew iferrxu doża ta’ sustanza kimika inkapaċitanti jew irritanti.
L-oġġetti elenkati fl-Anness III taħt il-kodiċi 3.6: apparat fiss jew li jiġi mmuntat għat-tifrix ta’ aġenti kimiċi inkapaċitanti jew irritanti li jkopri firxa wiesgħa.
IL-KUMMISSJONI EWROPEA
Brussell, 14.12.2020
COM(2020) 799 final
ANNESSI
tar-
RAPPORT TAL-KUMMISSJONI LILL-PARLAMENT EWROPEW U LILL-KUNSILL
Rapport dwar l-awtorizzazzjoni għall-esportazzjoni fl-2019 skont ir-Regolament dwar il-kummerċ ta' ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra
Anness 1:
Għadd ta’ awtorizzazzjonijiet għall-esportazzjoni rrapportati maħruġa mill-Istati Membri skont l-Artikolu 20(2) tar-Regolament (UE) 2019/125 skont l-annotazzjoni fl-Anness
Anness 2:
Għadd ta’ awtorizzazzjonijiet għall-esportazzjoni rrapportati maħruġa mill-Istati Membri matul il-perjodu mill-2017 sal-2019
Anness 3:
Destinazzjonijiet irrapportati 1 ta’ esportazzjonijiet awtorizzati fl-2019 2
Anness 4:
Ħarsa ġenerali lejn l-esportazzjonijiet awtorizzati irrapportati tal-oġġetti tal-Anness III fl-2019
|
Kodiċi |
Oġġett tal-Anness III |
Destinazzjoni |
Użu aħħari |
Awtorità kompetenti |
|
1.1 |
Qajd u ktajjen tal-gruppi |
il-Bahrain (2), is-Serbja (1), l-Arġentina (1) |
Infurzar tal-liġi |
CZ |
|
il-Montenegro (1), il-Maċedonja ta’ Fuq (4), l-Oman (1), l-Iżvizzera (1), l-Istati Uniti (1) |
L-użu aħħari mhuwiex stipulat |
DE |
||
|
Hong Kong (1), l-Awstralja (2), New Zealand (1) |
Infurzar tal-liġi |
UK |
||
|
1.2 |
Manetti individwali jew ċrieki b’mekkaniżmu li jsakkar |
Barbados (1) |
Infurzar tal-liġi |
UK |
|
2.1 |
Armi ta’ skariku elettriku li jistgħu jinġarru, inkluż iżda mhux limitat għal-lembubi tax-xokkijiet elettriċi, tarki tax-xokkijiet elettriċi, pistoli tax-xokkijiet u pistoli tad-darts tax-xokkijiet |
Aruba (1), il-Moldova (1), il-Montenegro (1), l-Ukrajna (1), l-Emirati Għarab Magħquda (1), l-Iżvizzera (1) |
Infurzar tal-liġi (Aruba), Operaturi tas-suq |
CZ |
|
New Caledonia (2), ir-Repubblika Ċentru-Afrikana (1) |
L-użu aħħari mhuwiex stipulat |
DE |
||
|
Andorra (1) |
Infurzar tal-liġi |
ES |
||
|
Andorra (1), is-Senegal (1) |
Ditta tas-sigurtà privata |
FR |
||
|
l-Istati Uniti (1) |
Oħrajn |
UK |
||
|
3.1 |
Armi u tagħmir li jistgħu jinġarru li jamministraw jew iferrxu doża ta’ sustanza kimika inkapaċitanti jew irritanti. |
Aruba (1), il-Moldova (1), il-Montenegro (1), l-Ukrajna (1), l-Emirati Għarab Magħquda (1), l-Iżvizzera (1) |
Infurzar tal-liġi (Aruba), Operaturi tas-suq |
CZ |
|
Andorra (9), il-Bożnija-Ħerzegovina (4), iċ-Ċilì (1), ir-Repubblika Demokratika tal-Kongo (1), il-Polineżja Franċiża (1), il-Ġappun (4), il-Kosovo (1), Kuba (1), il-Mali (1), il-Montenegro (2), in-Namibja (1), New Caledonia (2), il-Maċedonja ta’ Fuq (1), il-Pakistan (1), il-Moldova (1), l-Iżvizzera (11) is-Serbja (1), is-Somalja (3), l-Afrika t’Isfel (7), it-Tuneżija (1), l-Urugwaj (1), l-Istati Uniti (1), iċ-Ċina (2). |
L-użu aħħari mhuwiex stipulat |
DE |
||
|
Andorra (2) |
Infurzar tal-liġi |
ES |
||
|
is-Senegal (1), Andorra (2), in-Niġer (1) |
Ditta tas-sigurtà privata, infurzar tal-liġi (dwana) (in-Niġer) |
FR |
||
|
L-Emirati Għarab Magħquda (2) |
Ditta tas-sigurtà privata |
PL |
||
|
Andorra, l-Awstralja, l-Iżvizzera, l-Afrika t’Isfel, l-Istati Uniti (total ta’ 6) |
Oħrajn |
SE |
||
|
l-Awstralja (1) |
Infurzar tal-liġi |
UK |
||
|
3.2 |
Vanillilamide tal-aċidu pelargoniku (PAVA) |
il-Brażil (4), l-Indja (13), il-Ġappun (1), il-Korea t’Isfel (3), Singapore (1), is-Sri Lanka (1), l-Afrika t’Isfel (1), it-Tajlandja (1), it-Turkija (2), iċ-Ċina (3) (30) |
L-użu aħħari mhuwiex stipulat |
DE |
|
il-Costa Rica (1), Ġibiltà (1), l-Istati Uniti (1) |
Użu kliniku u fil-laboratorju (il-Costa Rica u l-Istati Uniti, infurzar tal-liġi (Ġibiltà) |
UK |
||
|
3.3 |
Oleoreżina tal-kapsiku (OC) |
l-Eġittu (1), l-Arġentina (2), l-Awstralja (1), il-Ġappun (1), il-Kenja (1), ir-Russja (2), l-Iżvizzera (5), l-Afrika t’Isfel (1), it-Tuneżija (1), l-Ukrajna (4), iċ-Ċina (1) |
L-użu aħħari mhuwiex stipulat |
DE |
|
Aruba (1), il-Gżejjer BES (3), Curaçao (2), Saint Martin (1) u liċenzja globali għad-destinazzjonijiet imsemmija |
Infurzar tal-liġi |
NL |
||
|
3.4 |
Taħlitiet li fihom mill-inqas 0,3 % bil-piż ta’ PAVA jew OC u solvent (pepper spray) |
il-Brażil (1), il-Ġappun (1), ir-Russja (1), l-Iżvizzera (4), l-Ukrajna (5), l-Istati Uniti (1), iċ-Ċina (1). |
L-użu aħħari mhuwiex stipulat |
DE |
|
Saint Helena (1) |
Infurzar tal-liġi |
UK |
||
|
3.6 |
Apparat fiss jew li jiġi mmuntat għat-tifrix ta’ aġenti kimiċi inkapaċitanti jew irritanti li jkopri firxa wiesgħa |
l-Iżvizzera (2), l-Emirati Għarab Magħquda (1). |
L-użu aħħari mhuwiex stipulat |
DE |
Anness 5:
Ħarsa dettaljata lejn l-esportazzjonijiet awtorizzati irrapportati tal-oġġetti tal-Anness IV fl-2019
|
Kodiċi |
Oġġett tal-Anness IV |
Destinazzjoni |
Użu aħħari |
Awtorità kompetenti |
|
1.1 (a) |
Amobarbital |
in-Norveġja (1) (L-istess awtorizzazzjoni tintuża għall-oġġetti elenkati mir-Renju Unit iddestinati għan-Norveġja) |
Użu kliniku u fil-laboratorju |
UK |
|
1.1 ( c) |
Pentobarbital |
in-Norveġja |
Użu kliniku u fil-laboratorju |
UK |
|
1.1 (d) |
melħ tas-sodju tal-pentobarbital |
Aruba (1), il-Kanada (2), Curaçao (2), Hong Kong (2), il-Malasja (1), l-Iżvizzera (2) |
Użu veterinarju |
NL |
|
l-Istati Uniti (1) |
Użu kliniku u fil-laboratorju |
UK |
||
|
1.1 ( e) |
Sekobarbital |
il-Ġordan (1), in-Norveġja, l-Istati Uniti (1) |
Użu kliniku u fil-laboratorju |
UK |
|
1.1 (g) |
Tijopental |
l-Arabja Sawdija (1), l-Iran (1), l-Albanija (1), l-Iraq (1) |
Użu mediku |
CZ |
|
Il-Bożnija-Ħerzegovina (5) , is-Serbja (1) |
Użu mediku |
AT |
||
|
l-Angola (3) |
Użu mediku/farmaċewtiku |
PT |
||
|
in-Norveġja |
Użu kliniku u fil-laboratorju |
UK |
||
|
1.1 (h) |
Melħ tas-sodju tijopental |
il-Libanu (1) |
Użu mediku |
FR |
|
l-Arġentina (2) |
Użu mediku/farmaċewtiku |
IT |
||
|
il-Brażil (2) |
Użu mediku/farmaċewtiku |
IT |
||
|
il-Messiku (2) |
Użu mediku/farmaċewtiku |
IT |
||
|
il-Moldova (1) |
Użu mediku/farmaċewtiku |
IT |
||
|
it-Turkija (4) |
Użu mediku/farmaċewtiku |
IT |
||
|
il-Ghana (2), il-Malasja (1), Sierra Leone (2), Singapore (3) |
Użu mediku |
NL |
||
|
in-Niġerja (3) |
Użu mediku/farmaċewtiku |
PT |
||
|
Sierra Leone (1), l-Awstralja (3), il-Gżejjer Falkland (1), Singapore (1), iż-Żimbabwe (1) |
Kura tas-saħħa/użu mediku |
UK |
||
|
1.1 |
Aġenti anestetiċi barbiturati oħra li jaġixxu fuq perjodu qasir u intermedju |
l-Eġittu (2), l-Antartika (1), l-Arġentina (2), l-Awstralja (2), iċ-Ċilì (3), l-Iran (1), Iżrael (2), il-Ġappun (1), il-Ġordan (1),il-Kanada (1), il-Kenja (1), il-Kolombja (3), il-Malasja (1), il-Messiku (3), in-Namibja (1), in-Norveġja (2), New Zealand (1), l-Oman (2), il-Perù (2), ir-Russja (1), l-Iżvizzera (2), iż-Żimbabwe (1), l-Afrika t’Isfel (2), it-Turkija (3). |
L-użu aħħari mhuwiex stipulat |
DE |
|
in-Norveġja, l-Istati Uniti (2), il-Belize (1), l-Iżvizzera (1) |
Użu kliniku u fil-laboratorju (in-Norveġja, l-Istati Uniti, l-Iżvizzera), użu veterinarju (il-Belize) |
UK |
Anness 6:
Użu aħħari rrapportat tal-esportazzjonijiet awtorizzati lejn pajjiżi terzi fl-2019 3
Jekk isem partikolari jintuża fil-lista ta’ destinazzjonijiet, ma għandux jiġi interpretat bħala li jmur lil hinn mir-referenza għat-territorju (doganali) magħruf komunement b’dak l-isem.
“Destinazzjonijiet oħra” tinkludi dawk li tkun ġiet irrapportata awtorizzazzjoni għall-esportazzjoni waħda biss fihom, jiġifieri: l-Albanija, l-Antartika, Barbados, il-Belize, ir-Repubblika Ċentru-Afrikana, il-Costa Rica, Kuba, ir-Repubblika Demokratika tal-Kongo, il-Gżejjer Falkland, il-Polineżja Franċiża, Ġibiltà, l-Iraq, il-Kosovo, il-Libanu, il-Mali, in-Niġer, il-Pakistan, l-Arabja Sawdija, Saint Helena (ir-Renju Unit), Saint Martin, is-Sri Lanka, it-Tajlandja u l-Urugwaj. Awtorizzazzjoni irrapportata waħda lejn waħda miċ-Channel Islands ma ġietx ikkunsidrata għall-finijiet ta’ dan ir-rapport, billi din ma tikkwalifikax bħala esportazzjoni fis-sens tal-Artikolu 2(d) tar-Regolament (UE) 2019/125.
L-għadd ta’ awtorizzazzjonijiet għall-esportazzjoni ma jaqblux mal-għadd imsemmi fl-Annessi preċedenti, billi mhux l-awtoritajiet kollha fl-Istati Membri jistipulaw l-użu aħħari.
