IL-KUMMISSJONI EWROPEA
Brussell, 2.9.2020
COM(2020) 475 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
IR-RAPPORT FINANZJARJU NRU 13 TAL-KUMMISSJONI LILL-PARLAMENT EWROPEW U LILL-KUNSILL dwar IL-FOND AGRIKOLU EWROPEW TA' GARANZIJA
IS-SENA FINANZJARJA 2019
{SWD(2020) 168 final}
WERREJ
1.IL-PROĊEDURA BAĠITARJA
2.IL-POŻIZZJONI TAL-LIKWIDITÀ U L-ĠESTJONI TAL-APPROPRJAZZJONIJIET
3.L-IMPLIMENTAZZJONI TAL-BAĠIT TAL-FAEG 2019
4.L- IMPLIMENTAZZJONI TAD-DĦUL ASSENJAT LILL-FAEG
Annessi (ara d-dokument separat):
Anness 1
Anness 2
Anness 3-I
Anness 3-II
Anness 4
|
Il-proċedura baġitarja għall-Approprjazzjonijiet tal-FAEG tal-2019
L-analiżi tal-eżekuzzjoni baġitarja tal-FAEG – Is-sena finanzjarja 2019
L-analiżi tal-eżekuzzjoni Baġitarja tal-FAEG – Is-sena finanzjarja 2019. Dħul assenjat. C4
L-analiżi tal-eżekuzzjoni Baġitarja tal-FAEG – Is-sena finanzjarja 2019. Dħul assenjat. C5
L-eżekuzzjoni Baġitarja tal-FAEG skont l-artikolu u skont l-Istat Membru – Is-sena finanzjarja 2019
|
Nota: Ma’ dan ir-rapport qed jiġi mehmuż Dokument ta’ Ħidma tal-Persunal tal-Kummissjoni dettaljat. It-test sħiħ ta’ dan id-Dokument ta’ Ħidma tal-Persunal (bil-Malti) u t-tabelli annessi (bil-Malti) se jkunu disponibbli wkoll fuq is-sit web Europa tad-DĠ Agrikoltura (
http://ec.europa.eu/agriculture/cap-funding/financial-reports/eagf/index_mt.htm
).
|
1.IL-PROĊEDURA BAĠITARJA
1.1.L-Abbozz tal-Baġit għall-2019 u l-Ittra Emendatorja 1/2019
L-Abbozz tal-Baġit għall-2019 ġie ppubblikat mill-Kummissjoni u propost lill-Awtorità Baġitarja fil-21 ta’ Ġunju 2018. L-approprjazzjonijiet ta’ impenn proposti għall-FAEG ammontaw għal EUR 43 613.5 miljun. Il-Kunsill ippubblika l-pożizzjoni tiegħu fl-Abbozz tal-Baġit għall-2019 fis-7 ta’ Settembru 2018, filwaqt li naqqas l-approprjazzjonijiet ta’ impenn għall-FAEG b’EUR 340.4 miljun. Il-Parlament Ewropew adotta l-pożizzjoni tiegħu fl-24 ta’ Ottubru 2018, filwaqt li żied l-approprjazzjonijiet ta’ impenn għall-FAEG b’EUR 78,5 miljun meta mqabbel mal-Abbozz tal-Baġit.
Fis-16 ta’ Ottubru 2018, il-Kummissjoni ppubblikat l-Ittra Emendatorja (AL) Nru 1 għall-Abbozz tal-Baġit għall-2019 li żżid il-ħtiġijiet fl-impenji b’EUR 91.9 miljun meta mqabbel mal-Abbozz tal-Baġit. Madankollu, dawn il-ħtiġijiet addizzjonali ġew ikkumpensati biż-żieda ta’ EUR 275.9 miljun fid-dħul assenjat, li mistenni li jkun disponibbli fl-2019. B’riżultat ta’ dan, l-approprjazzjonijiet ta’ impenn mitluba għall-FAEG fl-AL naqsu b’EUR 184 miljun meta mqabbel mal-Abbozz tal-Baġit.
Il-Kumitat ta’ Konċiljazzjoni, magħmul minn membri tal-Parlament Ewropew u tal-Kunsill, ma setgħux jaqblu dwar test konġunt. Għalhekk, il-Kummissjoni pproponiet Abbozz tal-Baġit ġdid fit-30 ta’ Novembru 2018.
1.2.L-Adozzjoni tal-Baġit għall-2019
Il-baġit għall-2019 ġie ddikjarat bħala adottat mill-Parlament Ewropew u mill-Kunsill fit-12 ta’ Diċembru 2018. L-approprjazzjonijiet ta’ impenn totali tal-baġit għall-FAEG ammontaw għal EUR 43 191.9 miljun u l-approprjazzjonijiet ta’ pagament tiegħu ammontaw għal EUR 43 116.4 miljun.
Id-differenza bejn l-approprjazzjonijiet ta’ impenn u l-approprjazzjonijiet ta’ pagament tirriżulta mill-fatt li, għal ċerti miżuri li jiġu implimentati direttament mill-Kummissjoni, jintużaw approprjazzjonijiet differenzjati. Dawn il-miżuri għandhom x’jaqsmu l-aktar mal-promozzjoni tal-prodotti agrikoli, mal-istrateġija tal-politiki u l-miżuri ta’ koordinazzjoni għall-agrikoltura.
Speċifikament, mill-approprjazzjonijiet ta’ impenn tal-FAEG ivvutati għall-qasam ta’ politika 05 (l-Agrikoltura u l-Iżvilupp Rurali), li jammontaw għal EUR 43 191.9 miljun: EUR 2 498.7 miljun ġew previsti għal interventi fi swieq agrikoli skont il-kapitolu 05 02; EUR 40 544.7 miljun ġew previsti għal pagamenti diretti skont il-kapitolu 05 03; EUR 61.4 miljun ġew previsti għall-awditu tan-nefqa agrikola skont il-kapitolu 05 07; u EUR 75.6 miljun għall-istrateġija ta’ politika u l-koordinazzjoni skont il-kapitolu 05 08.
Aktar dettalji jinsabu fl-anness 1.
1.3.Id-dħul assenjat għall-FAEG
B’konformità mal-Artikolu 43 tar-Regolament (UE) Nru 1306/2013 dwar il-finanzjament tal-Politika Agrikola Komuni,
, id-dħul li joriġina mill-korrezzjonijiet finanzjarji skont id-deċiżjonijiet ta’ approvazzjoni tal-konformità jew tal-kontabbiltà, minn irregolaritajiet u mill-imposta fuq il-ħalib huwa indikat bħala dħul assenjat għall-finanzjament tan-nefqa tal-FAEG. Skont dawn ir-regoli, id-dħul assenjat jista’ jintuża biex ikopri l-finanzjament ta’ kwalunkwe nefqa tal-FAEG. F’każ li xi parti minn dan id-dħul ma tintużax, din tiġi riportata awtomatikament għas-sena baġitarja ta’ wara.
Fiż-żmien li ġie stabbilit il-baġit għall-2019, saret stima ta’ dan id-dħul kemm għall-ammont li kien mistenni li jinġabar matul is-sena baġitarja 2019, kif ukoll għall-ammont li kien mistenni jiġi riportat mis-sena baġitarja 2018 għall-2019. Din l-istima kienet tammonta għal EUR 1 078 miljun, u tqieset meta l-Awtorità Baġitarja adottat il-baġit għall-2019. B'mod partikolari:
-id-dħul mill-korrezzjonijiet tal-approvazzjoni tal-konformità u mill-irregolaritajiet ġie stmat għal EUR 499 miljun u EUR 135 miljun rispettivament, filwaqt li ma kienx antiċipat dħul mill-imposta fuq il-ħalib. B’hekk, l-ammont totali ta’ dħul assenjat li kien mistenni jinġabar matul is-sena baġitarja 2019 kien stmat għal EUR 634 miljun;
-L-ammont ta’ dħul assenjat li mistenni jiġi riportat mis-sena baġitarja 2018 għall-2019 kien stmat għal EUR 444 miljun.
Fil-baġit għall-2019, dan id-dħul li oriġinarjament kien stmat għal EUR 1 078 miljun ġie allokat għal żewġ skemi, jiġifieri:
-EUR 140 miljun għall-fondi operazzjonali għall-organizzazzjonijiet tal-produtturi fis-settur tal-frott u l-ħaxix;
-EUR 938 miljun għall-iskema ta’ pagament bażiku (il-pagamenti diretti).
Għall-iskemi msemmija qabel, is-somma tal-approprjazzjonijiet ivvotati mill-Awtorità Baġitarja u d-dħul assenjat tikkorrispondi għall-istima totali tal-approprjazzjonijiet disponibbli ta’:
-EUR 849 miljun għall-fondi operazzjonali għall-organizzazzjonijiet tal-produtturi fis-settur tal-frott u l-ħaxix;
-EUR 17 149 miljun għall-iskema ta’ pagament bażiku (pagamenti diretti).
2.IL-POŻIZZJONI TAL-LIKWIDITÀ U L-ĠESTJONI TAL-APPROPRJAZZJONIJIET
2.1.Il-ġestjoni tal-approprjazzjonijiet
2.1.1.Approprjazzjonijiet disponibbli għas-sena finanzjarja 2019
F’EUR
|
It-taqsima tan-nefqa tal-baġit (1)
|
Approprjazzjonijiet ta’ impenn
|
Approprjazzjonijiet ta’ pagamenti
|
It-taqsima tad-dħul tal-baġit (AR) (2)
|
Previżjonijiet
|
1. Approprjazzjonijiet inizjali tal-FAEG, li minnhom
|
43 191 947 000.00
|
43 116 399 417.00
|
1. Deċiżjonijiet ta’ approvazzjoni
|
499 000 000.00
|
1a. Approprjazzjonijiet taħt ġestjoni kondiviża
|
42 994 600 000.00
|
42 994 600 000.00
|
2. Irregolaritajiet
|
135 000 000.00
|
1b. Approprjazzjonijiet taħt ġestjoni diretta
|
197 347 000.00
|
121 799 417.00
|
3. Imposta addizzjonali mill-produtturi tal-ħalib
|
-
|
2. Baġit Emendatorju
|
|
|
Previżjoni totali ta’ AR
|
634 000 000.00
|
3. Trasferiment lejn/mill-FAEG matul is-sena
|
|
-3 370 424.17
|
|
|
4. Approprjazzjonijiet finali għall-FAEG, li minnhom
|
43 191 947 000.00
|
43 113 028 992.83
|
|
|
4 a. Approprjazzjonijiet taħt ġestjoni kondiviża
|
42 994 750 000.00
|
42 994 750 000.00
|
|
|
4b. Approprjazzjonijiet taħt ġestjoni diretta
|
197 197 000.00
|
118 278 992.83
|
|
|
(1)
L-approprjazzjonijiet li ddaħħlu fil-baġit għall-2019 wara li tnaqqas id-dħul assenjat li kellu jinġabar fl-2019, kif ukoll id-dħul riportat mill-2018 għall-2019 skont l-Artikolu 12 tar-Regolament (UE, EURATOM) Nru 2018/1046.
(2)
AR: Id-dħul assenjat li jrid jinġabar matul is-sena finanzjarja. Ma hemm l-ebda ammont ta’ dħul li ddaħħal fil-linja tad-dħul (p.m.), iżda l-ammont tal-previżjoni huwa indikat fil-kummenti baġitarji
|
2.1.2.Eżekuzzjoni tal-approprjazzjonijiet disponibbli għas-sena finanzjarja 2019
|
|
F’EUR
|
|
Eżekuzzjoni tal-approprjazzjonijiet ta’ impenn
|
Eżekuzzjoni tal-approprjazzjonijiet ta’ pagament
|
Ġestjoni kondiviża (1)
|
43 767 098 030.56
|
|
43 767 098 030.56
|
|
In-nefqa taħt ġestjoni diretta
|
195 313 085.43
|
|
101 916 458.15
|
|
Total
|
43 962 411 115.99
|
|
43 869 014 488.71
|
|
(1)
Ammonti impenjati. Impenji u pagamenti minbarra d-dħul assenjat ta’ EUR 706 071 911.53 (ara l-punt 4 u l-anness 3-I) riċevuti għal ġestjoni kondiviża: EUR 43 061 026 119.03.
Għas-sena finanzjarja 2019, l-ammont proprju tal-approprjazzjonijiet ta’ impenn li ntużaw kien jammonta għal EUR 43 962 411 116.0, filwaqt li dak għall-approprjazzjonijiet ta’ pagament kien jammonta għal EUR 43 869 014 488.7. Aktar dettalji dwar l-eżekuzzjoni tal-approprjazzjonijiet taħt ġestjoni kondiviża jingħataw fit-taqsima 3.2 hawn taħt.
2.1.3.L-eżekuzzjoni tal-baġit tal-approprjazzjonijiet ivvutati - In-nefqa ta’ ġestjoni diretta li għamlet il-Kummissjoni
F’EUR
|
In-nefqa taħt ġestjoni diretta
|
Approprjazzjonijiet ta’ impenn
|
Approprjazzjonijiet ta’ pagamenti
|
Riport għall-2020 (2)
|
Approprjazzjonijiet (C1)(1)
|
197 197 000.00
|
118 278 992.83
|
-
|
Eżekuzzjoni (C1)
|
195 313 085.43
|
101 916 458.15
|
14 901 623.58
|
Approprjazzjonijiet ikkanċellati
|
1 883 914.57
|
1 460 911.10
|
-
|
(1)
C1 jirreferi għall-approprjazzjonijiet ivvotati tal-baġit. Dan l-ammont jinkludi trasferimenti minn “ ġestjoni kondiviża” għal ammont ta’ EUR 150 000.00 għall-approprjazzjonijiet ta’ impenn u ta’ pagament, trasferimenti “’l barra” mill-FAEG għal ammont totali ta’ EUR -3 370 424.17 għall-approprjazzjonijiet ta’ pagament.
(2)
Riport għall-2020 għal approprjazzjonijiet mhux differenzjati biss.
|
L-approprjazzjonijiet ta’ impenn disponibbli għan-nefqa taħt ġestjoni diretta fil-baġit għall-2019 kienu EUR 197.2 miljun. Fl-2019 ġie impenjat ammont ta’ EUR 195.3 miljun. Il-bilanċ ta’ dawn l-approprjazzjonijiet, jiġifieri EUR 1.9 miljun, ġie kkanċellat.
Il-maġġoranza tal-approprjazzjonijiet ta’ impenn tal-FAEG għan-nefqa taħt ġestjoni diretta magħmula mill-Kummissjoni huma approprjazzjonijiet differenzjati.
Ir-riport awtomatiku għall-2020, li jirrigwarda biss approprjazzjonijiet mhux differenzjati, jammonta għal EUR 14.9 miljun.
2.2.Il-pagamenti kull xahar
2.2.1.Pagamenti ta’ kull xahar lill-Istati Membri taħt ġestjoni kondiviża
2.2.1.1.Pagamenti ta’ kull xahar għall-provvediment tan-nefqa
L-Artikolu 18(1) tar-Regolament (UE) Nru 1306/2013 jiddikjara li “il-pagamenti ta' kull xahar għandhom isiru mill-Kummissjoni għal nefqa magħmula mill-aġenziji tal-pagamenti akkreditati matul ix-xahar ta’ referenza”. Il-pagamenti ta’ kull xahar għandhom isiru lil kull Stat Membru mhux aktar tard mit-tielet jum tax-xogħol tat-tieni xahar wara dak li fih tkun saret in-nefqa.
Il-pagamenti ta’ kull xahar huma rimborż tan-nefqa netta (wara t-tnaqqis tad-dħul) li tkun diġà saret u jiġu magħmula disponibbli abbażi tad-dikjarazzjonijiet ta’ kull xahar mibgħuta mill-Istati Membri
. L-aġġornament tan-nefqa u tad-dħul li jsir kull xahar fil-kotba huwa suġġett għal kontrolli u korrezzjonijiet abbażi ta’ dawn id-dikjarazzjonijiet. Barra minn hekk, dawn il-pagamenti jsiru finali wara l-verifika tal-Kummissjoni skont il-proċedura tal-approvazzjoni tal-kontijiet.
Il-pagamenti magħmula mill-Istati Membri mis-16 ta’ Ottubru 2018 sal-15 ta’ Ottubru 2019 huma koperti mis-sistema għall-pagamenti ta’ kull xahar.
Għas-sena finanzjarja kollha, l-ammont totali nett ta’ pagamenti ta’ kull xahar deċiżi, wara t-tnaqqis tal-approvazzjoni u korrezzjonijiet oħrajn, kien ta’ EUR 43 061 026 119.03.
2.2.1.2.Deċiżjonijiet dwar pagamenti ta’ kull xahar
Il-Kummissjoni adottat deċiżjoni ta’ pagament għal kull wieħed mit-tnax-il perjodu tas-sena finanzjarja. Barra minn hekk, f’Diċembru ġiet adottata deċiżjoni addizzjonali, li taġġusta n-nefqa totali imposta għas-sena.
3.L-IMPLIMENTAZZJONI TAL-BAĠIT TAL-FAEG 2019
3.1.L-użu tal-approprjazzjonijiet tal-FAEG
L-implimentazzjoni tal-approprjazzjonijiet tal-FAEG kienet tammonta għal EUR 43 962.4 miljun
. Din in-nefqa kienet ġiet iffinanzjata mill-approprjazzjonijiet inizjali tal-baġit u bl-użu tad-dħul assenjat lill-FAEG, magħmul mill-ammont sħiħ ta’ EUR 448.8 miljun riportati mill-2018 u minn parti mid-dħul assenjat miġbur fl-2019 li jammonta għal EUR 357.9 miljun mit-total ta’ EUR 706.1 miljun.
Fil-qasam ta’ politika 05, in-nefqa tal-FAEG ammontat għal EUR 2 473.0 miljun għal miżuri tas-suq u għal EUR 41 335.7 miljun għal pagamenti diretti.
Għad-dettalji dwar l-implimentazzjoni tal-baġit skont il-qasam ta’ politika, jekk jogħġbok ara l-anness 2.
L-Anness 4 jippreżenta t-tqassim tan-nefqa fuq il-miżuri tas-suq, il-pagamenti diretti u l-awditjar tan-nefqa agrikola, skont l-entrata, skont is-sors tal-fond u skont l-Istat Membru.
3.2.Il-kummenti dwar l-implimentazzjoni tal-baġit
Hawn taħt qed jiġi ppreżentat kummentarju qasir — għall-iktar setturi sinjifikanti — dwar l-implimentazzjoni tal-approprjazzjonijiet kif ukoll dwar l-użu tad-dħul assenjat disponibbli abbażi tad-dettalji mogħtija fl-annessi 2, 3-I u 3-II. Il-linji tal-baġit b’rata ta’ eżekuzzjoni qrib ħafna tal-ammonti bbaġitjati mhumiex deskritti f’din it-taqsima.
3.2.1.Kapitolu 05 02: Interventi fis-swieq agrikoli
3.2.1.1.Daħla
L-eżekuzzjoni totali (f’approprjazzjonijiet ta’ impenji) għal dan il-kapitolu ammontat għal EUR 2 473.0 miljun u ġew iffinanzjati mill-approprjazzjonijiet ivvotati li jammontaw għal EUR 2 498.7 miljun u mid-dħul assenjat li jammonta għal EUR 140 miljun. Dan tal-aħħar kien maħsub biex ikopri n-nefqa mġarrba fis-settur tal-frott u l-ħxejjex (għad-dettalji, ara l-punt 3.2.1.2). Fil-partiti fejn il-ħtiġijiet kienu aktar mill-approprjazzjonijiet baġitarji, in-nefqa addizzjonali ġiet koperta permezz ta’ trasferimenti minn partiti tal-baġit oħrajn. Għall-miżuri tas-suq fejn intużaw anqas approprjazzjonijiet tal-baġit milli kien mistenni, l-approprjazzjonijiet disponibbli li rriżultaw ġew ittrasferiti għal linji baġitarji oħrajn fi ħdan il-FAEG sabiex ikopru n-nefqa addizzjonali skont kif kien meħtieġ (għad-dettalji dwar it-trasferimenti tal-baġit li saru, ara l-Anness 2).
3.2.1.2.Artikolu 05 02 08: Frott u ħaxix
Approprjazzjonijiet ta’ total ta’ EUR 911.8 miljun kienu disponibbli biex ikopru l-ħtiġijiet baġitarji tal-miżuri kollha għal dan is-settur. L-Awtorità Baġitarja vvutat approprjazzjonijiet ta’ EUR 715.1 miljun filwaqt li qieset id-dħul stmat assenjat għal dan is-settur (EUR 140.0 miljun). Barra minn hekk, ġew ittrasferiti EUR 56.7 miljun matul il-baġit għall-2019 minn linji baġitarji oħrajn fi ħdan l-istess kapitolu.
In-nefqa mġarrba mill-Istati Membri fl-2019 ammontat għal EUR 865.7 miljun.
3.2.1.3.Artikolu 05 02 09: Prodotti tas-settur tal-vitikultura
Il-baġit ippreveda approprjazzjonijiet totali disponibbli li jammontaw għal EUR 1 035.1 miljun sabiex jiġu koperti l-ħtiġijiet baġitarji tal-miżuri kollha għal dan is-settur. Is-sottoeżekuzzjoni ta’ EUR 47.6 miljun, meta mqabbla mal-ħtiġijiet previsti tal-baġit, kienet dovuta għan-nefqa aktar baxxa mġarrba minn xi Stati Membri, b’mod partikolari għall-komponenti ta’ promozzjoni u ristrutturar tal-programmi tal-inbid nazzjonali tagħhom.
3.2.1.4.Artikolu 05 02 10: Promozzjoni
Fir-rigward tal-miżuri ta’ promozzjoni — il-pagamenti mill-Istati Membri, is-sottoeżekuzzjoni ta’ EUR 5.4 miljun meta mqabbla mal-ħtiġijiet baġitarji previsti kienet minħabba l-implimentazzjoni aktar baxxa ta’ wħud mill-programmi ta’ promozzjoni magħżula fis-snin preċedenti. Id-differenza ġiet ittrasferita lejn artikoli baġitarji oħra.
Fir-rigward tal-azzjonijiet ta’ promozzjoni taħt ġestjoni diretta mill-Kummissjoni Ewropea, il-Kummissjoni impenjat approprjazzjonijiet għall-ammont totali previst fil-baġit għal dawn l-azzjonijiet (EUR 101.1 miljun).
3.2.1.5.Artikolu 05 02 12: Ħalib u prodotti tal-ħalib
Il-baġit ippreveda approprjazzjonijiet totali disponibbli li jammontaw għal EUR 6.3 miljun sabiex jiġu koperti l-ħtiġijiet tal-miżuri kollha għal dan is-settur.
Id-differenza bejn l-ammont ibbaġitjat u dak eżegwit taħt dan l-artikolu hija ġġenerata kważi esklussivament mill-bejgħ tat-trab tal-ħalib xkumat mill-ħażna pubblika (peress li l-prezzijiet tal-bejgħ kienu ogħla mill-valur tal-kontabbiltà). L-ammont disponibbli ta’ EUR 66.6 miljun ġie trasferit l-aktar biex ikopri l-ħtiġijiet addizzjonali barra l-kapitolu.
3.2.1.6.Artikolu 05 02 13: Ċanga u vitella
Il-baġit ma ppreveda l-ebda approprjazzjoni. Madankollu, l-Istati Membri ddikjaraw nefqa (EUR 1.1 miljun) għal pagamenti residwi relatati ma’ rifużjonijiet tal-esportazzjoni marbuta ma’ ċertifikati maħruġa qabel l-2014. Din in-nefqa residwa ġiet koperta permezz ta’ trasferiment ta’ approprjazzjonijiet disponibbli fl-istess kapitolu.
3.2.1.7.Artikolu 05 02 15: Laħam tal-majjal, bajd u tjur, trobbija tan-naħal u prodotti oħra mill-annimali
3.2.1.8.Il-baġit ippreveda approprjazzjonijiet totali disponibbli li jammontaw għal EUR 63.0 miljun sabiex jiġu koperti l-ħtiġijiet tal-miżuri kollha għal dan is-settur, b’mod partikolari għall-programmi tat-trobbija tan-naħal u l-miżuri eċċezzjonali ta’ appoġġ. Madankollu, in-nefqa mġarrba mill-Istati Membri kienet tammonta biss għal EUR 41.9 miljun. Id-differenza ta’ EUR 21.1 miljun hija prinċipalment dovuta għall-eżekuzzjoni baxxa (EUR 7.6 miljun) ta’ miżuri eċċezzjonali ta’ appoġġ, meta mqabbla ma’ EUR 28.0 miljun f’ammont ibbaġitjat li kien jinkludi żieda ta’ EUR 15.0 miljun mill-Awtorità Baġitarja meta mqabbla mal-proposta tal-Kummissjoni. L-ammont disponibbli ġie trasferit lejn artikoli baġitarji oħra. Artikolu 05 02 18: Skemi għall-iskejjel
In-nefqa mġarrba għall-iskemi għall-iskejjel kienet tammonta għal EUR 191.5 miljun meta mqabbla ma’ ħtiġijiet previsti ta’ EUR 217.0 miljun inklużi fil-baġit. L-użu aktar baxx jirrifletti l-fatt li l-2018/2019 kienet it-tieni sena skolastika ta’ integrazzjoni tal-iskemi tal-frott u tal-ħalib li qabel kienu separati fi skema għall-iskejjel waħda, filwaqt li l-Istati Membri ddikjaraw nefqa aktar baxxa milli kien antiċipat waqt it-tfassil tal-baġit.
3.2.2.Kapitolu 05 03: Pagamenti Diretti
Is-sena finanzjarja 2019 kienet ir-raba’ sena ta’ implimentazzjoni tas-sistema riformata ta’ pagamenti diretti kif deċiż fir-riforma tal-2013 tal-Politika Agrikola Komuni. Il-pagamenti totali għal dan il-kapitolu tal-baġit ammontaw għal EUR 41 335.7 miljun. Dan jinkludi ammont ta’ EUR 438.2 miljun li tħallas għar-rimborż ta’ pagamenti diretti lill-bdiewa fir-rigward tad-dixxiplina finanzjarja, iffinanzjat minn EUR 459.5 miljun riportati mill-2018 (għad-dettalji, ara l-punt 3.2.2.4). Il-bqija tal-pagamenti li saru, EUR 40 897.5 miljun, ġew iffinanzjati mill-approprjazzjonijiet ivvotati (EUR 40 184.7 miljun), u mid-dħul assenjat (EUR 712.8 miljun). Dan tal-aħħar intuża sabiex ikopri n-nefqa mġarrba għall-iskema ta’ pagament bażiku.
L-approprjazzjonijiet totali mhux użati kienu jammontaw għal EUR 795.9 miljun, li minnhom EUR 768.9 miljun ġew riportati għas-sena finanzjarja 2020. Dan jinkludi l-ammont ta’ EUR 466.8 miljun tar-riżerva għall-kriżijiet mhux użata, li jikkorrispondi għad-dixxiplina finanzjarja applikata b’mod effettiv fl-2019, li ġie trasferit għall-artikolu baġitarju 05 03 09 u mbagħad riportat għall-2020 għar-rimborż lill-Istati Membri kkonċernati. Il-bilanċ li kien għad fadal tad-dħul assenjat miġbur fl-2019 (EUR 348.2 miljun) ġie riportat għall-2020. Fil-partiti fejn il-ħtiġijiet qabżu l-approprjazzjonijiet ivvotati tal-baġit, in-nefqa addizzjonali ġiet koperta permezz ta’ trasferimenti ta’ approprjazzjonijiet ivvotati minn partiti oħrajn tal-baġit jew ta’ dħul assenjat.
3.2.2.1.Artikolu 05 03 01: Pagamenti direttidiżakkoppjati
L-iskemi ewlenin iffinanzjati mill-approprjazzjonijiet ta’ dan l-artikolu huma l-iskema ta’ pagament uniku skont l-erja (SPUE), l-iskema ta’ pagament bażiku (BPS), il-pagament għal prattiki agrikoli li huma ta’ benefiċċju għall-klima u l-ambjent, il-pagament ridistributtiv u l-pagament għal bdiewa żgħażagħ. L-iskemi ta’ għajnuna kollha f’dan l-artikolu jitħallsu b’mod indipendenti mill-produzzjoni iżda taħt ċerti kundizzjonijiet, pereżempju, ir-rispett tal-kundizzjonalità. L-approprjazzjonijiet disponibbli fl-2019 għal pagamenti diretti diżakkoppjati ammontaw għal EUR 35 402.9 miljun, inklużi l-approprjazzjonijiet ivvutati mill-Awtorità Baġitarja li jammontaw għal EUR 34 388.0 miljun u d-dħul assenjat li kien jammonta għal EUR 1 014.9 miljun. In-nefqa mġarrba mill-Istati Membri għall-iskemi kollha f’dan l-artikolu ammontat għal EUR 35 328.6 miljun, li jikkorrispondi għal 99.8 % tal-approprjazzjonijiet disponibbli.
3.2.2.2.Artikolu 05 03 02: Pagamenti Diretti oħrajn
L-approprjazzjonijiet ta’ dan l-Artikolu jkopru n-nefqa għal “pagamenti diretti oħrajn”. Dan jinkludi skemi li għalihom xorta jista’ jkun hemm rabta bejn il-pagamenti u l-produzzjoni, b’kundizzjonijiet iddefiniti sewwa u b’limiti ċari. B’konsegwenza tar-riforma tal-2013, skemi miżjuda taħt dan l-Artikolu kienu l-appoġġ akkoppjat volontarju u l-iskema għall-bdiewa żgħar, filwaqt li għadd ta’ linji koprew biss pagamenti residwi relattivament żgħar għal skemi skaduti.
Il-Kummissjoni kienet stmat li fl-2019 kienu meħtieġa approprjazzjonijiet li jammontaw għal EUR 5 688.0 miljun għal dan l-Artikolu. L-Istati Membri ġarrbu nefqa li tammonta għal EUR 5 568.9 miljun, li kienet aktar baxxa bi 2 % mill-approprjazzjonijiet imdaħħla fil-baġit.
3.2.2.3.Artikolu 05 03 09: Rimborż tal-pagamenti diretti b’rabta mad-dixxiplina finanzjarja
L-Awtorità Baġitarja ma allokat l-ebda approprjazzjoni għal dan l-artikolu. L-għan ta’ dan l-artikolu huwa li jiġbor l-approprjazzjonijiet ivvotati u mhux impenjati tar-riżerva għall-kriżi mhux użata, riportati biex jiffinanzjaw ir-rimborż tad-dixxiplina finanzjarja applikata għall-pagamenti diretti
.
Mill-ammont ta’ EUR 459.5 miljun, li jikkorrispondi għad-dixxiplina finanzjarja applikata matul is-sena finanzjarja tal-2018, li ġie riportat għall-baġit tal-2019 għal rimborż, l-Istati Membri ħallsu lura EUR 438.2 miljun. Id-differenza ta’ EUR 21.3 miljun reġgħet iddaħħlet fil-baġit għall-2019 sabiex tingħata lura lill-Istati Membri permezz ta’ Baġit Emendatorju fil-baġit li jmiss.
3.2.2.4.Artikolu 05 03 10: Riżerva għal kriżijiet fis-settur agrikolu
L-approprjazzjonijiet ta’ dan l-artikolu huma maħsuba biex ikopru n-nefqa għall-miżuri li jridu jittieħdu bil-għan li jiġu ffaċċjati l-kriżijiet kbar li jaffettwaw il-produzzjoni jew id-distribuzzjoni agrikola. Ir-riżerva għall-kriżijiet tiġi stabbilita billi, fil-bidu ta’ kull sena, jiġi applikat tnaqqis għall-pagamenti diretti permezz tal-mekkaniżmu ta’ dixxiplina finanzjarja b’konformità mal-Artikoli 25 u 26 tar-Regolament (UE) Nru 1306/2013, kif ukoll b’konformità mal-Artikolu 8 tar-Regolament (UE) Nru 1307/2013
. Fl-2019 ir-riżerva għall-kriżijiet ta’ EUR 468.7 miljun ma ntużatx.
Madankollu, fi tmiem l-2019, l-approprjazzjonijiet ivvotati mhux impenjati li jikkorrispondu għall-ammont tad-dixxiplina finanzjarja applikata b’mod effettiv għas-sena tat-talba 2018 ġew ittrasferiti għall-artikolu tal-baġit 05 03 09 sabiex jiġu riportati għas-sena finanzjarja li jmiss għar-rimborż tad-dixxiplina finanzjarja imposta fuq il-bdiewa fis-sena kalendarja 2019.
3.2.3.Kapitolu 05 07: Awditjar tan-nefqa agrikola
3.2.3.1.Artikolu 05 07 01: Kontroll tan-nefqa agrikola
Dan l-artikolu jinvolvi l-miżuri li ttieħdu sabiex jissaħħu l-mezzi ta’ kontrolli fuq il-post u sabiex jittejbu s-sistemi ta’ verifika bil-għan li jiġi limitat ir-riskju ta’ frodi u irregolaritajiet għad-detriment tal-baġit tal-Unjoni. Huwa jinkludi wkoll in-nefqa sabiex jiġu ffinanzjati ċerti korrezzjonijiet favur l-Istati Membri, li jkunu marbutin mal-kontabbiltà u mal-konformità.
L-Unjoni Ewropea ffinanzjat direttament ix-xiri ta’ immaġni bis-satellita fi ħdan il-qafas tal-Amministrazzjoni Integrata u s-Sistema ta’ Kontroll għal ammont ta’ EUR 9.7 miljun.
Il-korrezzjonijiet favur l-Istati Membri wara l-approvazzjoni tal-kontijiet kienu ta’ EUR 10.4 miljun, jiġifieri inqas mill-ammont ibbaġitjat ta’ EUR 19.7 miljun.
Il-korrezzjonijiet favur l-Istati Membri wara l-approvazzjoni ta’ konformità tal-kontijiet irriżultaw aktar għolja milli mistenni b’EUR 38.3 miljun minflok l-EUR 2.6 miljun previsti fil-baġit.
3.2.3.2.Artikolu 05 07 02: Soluzzjoni ta’ Tilwim
L-approprjazzjonijiet f’dan l-artikolu huma maħsuba biex ikopru n-nefqa li għaliha l-Kummissjoni tista’ tinżamm responsabbli permezz ta’ deċiżjoni ta’ qorti tal-ġustizzja, inkluż il-kost tal-ħlas tat-talbiet għad-danni u l-imgħax. Il-baġit għall-2019 ippreveda approprjazzjonijiet li jammontaw għal EUR 30.0 miljun, li minnhom ġew eżegwiti EUR 11.2 miljun. Il-bqija tal-approprjazzjonijiet ġew ittrasferiti lejn partiti oħra tal-baġit.
3.2.4.Kapitolu 05 08: Strateġija ta’ politika u koordinament
L-approprjazzjonijiet impenjati taħt dan il-kapitolu ammontaw għal EUR 73.8 miljun f’konformità mal-ammont ibbaġitjat (EUR 75.6 miljun).
4.L- IMPLIMENTAZZJONI TAD-DĦUL ASSENJAT LILL-FAEG
Id-dħul assenjat effettivament riportat mill-2018 għall-2019 ammonta għal EUR 448.8 miljun, u ntuża kompletament għall-finanzjament tan-nefqa tas-sena baġitarja 2019, skont l-Artikolu 14 tar-Regolament Finanzjarju. Kif ippreżentat fl-anness 3-II, dan l-ammont kopra n-nefqa ta’ EUR 93.9 miljun għall-fondi ta’ ġestjoni għall-organizzazzjonijiet tal-produtturi fis-settur tal-frott u l-ħaxix u n-nefqa ta’ EUR 354.9 miljun għall-iskema ta’ pagament bażiku.
Fir-rigward tad-dħul assenjat miġbur fl-2019, l-anness 3-I juri li dan id-dħul kien jammonta għal EUR 706.1 miljun u li dan oriġina:
-mill-proċedura tal-korrezzjonijiet tal-approvazzjoni, EUR 548.3 miljun;
-mid-dħul mill-irregolaritajiet, EUR 155.8 miljun;
-mill-ġbir tal-imposta fuq il-ħalib, EUR 2 miljun.
EUR 357.9 miljun tad-dħul assenjat miġbur fl-2019 intuża biex ikopri n-nefqa mġarrba għall-iskema ta’ pagament bażiku (SPB) (pagamenti diretti).
Il-bilanċ tad-dħul assenjat miġbur fl-2019 (EUR 348.2 miljun) ġie riportat awtomatikament għall-baġit tal-2020.
Għad-dettalji, ara l-annessi 3-I u 3-II.