IL-KUMMISSJONI EWROPEA
Brussell, 17.7.2020
COM(2020) 327 final
RAPPORT TAL-KUMMISSJONI
LILL-PARLAMENT EWROPEW, LILL-KUNSILL U LILL-QORTI TAL-AWDITURI
DWAR IL-FOND TA' GARANZIJA GĦAL AZZJONIJIET ESTERNI U L-ĠESTJONI TIEGĦU FL-2019
{SWD(2020) 136 final}
Werrej
1.Introduzzjoni
2.Il-Qagħda Finanzjarja u Tranżazzjonijiet Sinifikanti tal-Fond ta’ Garanzija
2.1.Il-Qagħda Finanzjarja tal-Fond ta’ Garanzija fil-31 ta’ Diċembru 2019
2.2.Tranżazzjonijiet Sinifikanti mill-Fond fl-2019
2.2.1.Talbiet għall-Fond ta’ Garanzija 2019
2.2.2.Proviżjonament tal-Fond ta’ Garanzija 2019
2.3.Tranżazzjonijiet sinifikanti wara d-data tar-rapportar (minn tmiem Marzu 2020)
3.Rapporti finanzjarji prekonsolidati tal-Fond
3.1.Pożizzjoni Finanzjarja prekonsolidata fil-31 ta’ Diċembru 2019
3.2.Rapport tal-Introjtu Prekonsolidat
4.Ġestjoni tal-Flus tal-Fond ta’ Garanzija
4.1.Politika ta' investiment
4.2. Il-prestazzjoni u l-iżviluppi tas-suq fl-2019
5.Talbiet għall-Fond ta’ Garanzija
6.Rimunerazzjoni tal-BEI
1.Introduzzjoni
Ir-Regolament tal-Kunsill (KE, Euratom) Nru 480/2009 tal-25 ta' Mejju 2009 ("ir-Regolament") stabbilixxa Fond ta' Garanzija għall-azzjonijiet esterni ("il-Fond") biex jitħallsu lura l-kredituri tal-Unjoni fil-każ ta’ inadempjenza mill-benefiċjarji ta’ self maħruġ jew garantit mill-Unjoni Ewropea. Skont l-Artikolu 7 tar-Regolament, il-Kummissjoni fdat il-ġestjoni finanzjarja tal-Fond lill-Bank Ewropew tal-Investiment (il-BEI) skont ftehim iffirmat bejn l-Unjoni Ewropea u l-BEI fil-25 ta’ Novembru 1994, u sussegwentement emendat fit-23 ta’ Settembru 1996, fit-8 ta’ Mejju 2002, fil-25 ta’ Frar 2008 u fid-9 ta’ Novembru 2010 u fit-28 ta’ Settembru 2018 (“il-Ftehim”).
L-Artikolu 8 tar-Regolament jitlob lill-Kummissjoni tibgħat rapport lill-Parlament Ewropew, lill-Kunsill u lill-Qorti tal-Awdituri dwar is-sitwazzjoni tal-Fond u l-ġestjoni tal-Fond fi tmiem is-sena kalendarja ta’ qabel għal kull sena finanzjarja sa mhux aktar tard mill-31 ta’ Mejju tas-sena ta’ wara.
Dan ir-rapport flimkien mad-Dokument ta’ Ħidma tal-Persunal tal-Kummissjoni (SWD) jipprovdi din l-informazzjoni. Huwa bbażat fuq data li waslet mill-BEI, b'konformità mal-ftehim.
2.Il-Qagħda Finanzjarja u Tranżazzjonijiet Sinifikanti tal-Fond ta’ Garanzija
2.1.Il-Qagħda Finanzjarja tal-Fond ta’ Garanzija fil-31 ta’ Diċembru 2019
Fil-31 ta’ Diċembru 2019 il-Fond ta’ Garanzija laħaq total ta’ EUR 2,828,738,292.88 (EUR 2,609,881,747.51 mill-31 ta’ Diċembru 2018) (ara l-Anness tal-SWD: Rapporti finanzjarji tal-Fond ta' Garanzija kif ipprovduti mill-BEI).
Il-valur totali skont il-karta tal-bilanċ tal-Fond żdied b’madwar EUR 218,86 miljun fl-2019. Dan huwa spjegat l-aktar b’dawn li ġejjin:
Żidiet:
·Il-kontribuzzjoni mill-baġit tal-UE (ammont ta’ proviżjonament) ta’ EUR 240,15 miljun biex jiġi aġġustat il-Fond għall-ammont fil-mira ta’ 9% tal-obbligazzjonijiet pendenti totali;
·Ir-riżultat ekonomiku tal-operazzjonijiet finanzjarji ammonta għal EUR 25,13 miljun;
·L-istima tal-portafoll żdiedet bi EUR 8.6 miljun minħabba l-aġġustament skont il-valur fis-suq.
Tnaqqis:
·L-Interventi tal-Fond biex ikopri l-inadempjenzi fil-pagament għal ammont totali ta’ EUR 54,9 miljun.
2.2.Tranżazzjonijiet Sinifikanti mill-Fond fl-2019
2.2.1.Talbiet għall-Fond ta’ Garanzija 2019
Is-Sirja
Fl-2019, il-BEI baqa' jaffaċċa arretrati fuq self sovran Sirjan. Minħabba f’hekk, u f’konformità mal-Ftehim ta’ Garanzija bejn l-UE u l-BEI, sal-31 ta’ Diċembru 2019 il-BEI għamel 14-il sejħa addizzjonali mill-Fond ta’ Garanzija tal-UE għal ammont totali ta’ EUR 54,91 miljun (ara l-punt 5).
2.2.2.Proviżjonament tal-Fond ta’ Garanzija 2019
Fi Frar 2019 ġie trasferit ammont ta’ EUR 103,2 miljun mill-baġit lejn il-Fond li jikkorrispondi għall-ammont ta’ proviżjonament għall-2018.
Il-kalkolu tal-kontribuzzjoni mill-baġit tal-UE lejn il-Fond għall-2020 ġie kkalkolat ukoll fi Frar 2019 u rriżulta fit-trasferiment ta’ EUR 240,15 miljun fi Frar 2020. Dan ġie kkalkolat skont l-Artikolu 3 u l-Artikolu 5 tar-Regolament:
L-Artikolu 3 tar-Regolament jistabbilixxi l-ammont fil-mira għall-Fond għal 9% tat-total tal-obbligazzjonijiet tal-kapital pendenti li jirriżultaw minn kull operazzjoni, flimkien ma’ kull imgħax dovut mhux imħallas.
Skont l-Artikolu 5 tar-Regolament, l-ammont li jrid jiġi trasferit mill-baġit għall-Fond fis-sena n + 1 huwa kkalkulat fuq il-bażi tad-differenza bejn l-ammont fil-mira u l-valur tal-assi netti tal-Fond fi tmiem is-sena n - 1, ikkalkulat fil-bidu tas-sena n.
Biex il-Fond jiġi aġġustat għal 9% tat-total tal-obbligazzjonijiet tal-kapital pendenti, ammont ta’ EUR 240,15 miljun kien ikkalkulat fuq il-bażi tal-operazzjonijiet garantiti pendenti fil-31 ta’ Diċembru 2018 u mdaħħla fil-baġit tal-UE tal-2020 għall-proviżjonament tal-Fond. L-ammont kien approvat mill-Kunsill u mill-Parlament Ewropew u rikonoxxut bħala assi (riċevibbli) tal-Fond fil-karta tal-bilanċ tal-31 ta’ Diċembru 2019.
2.3.Tranżazzjonijiet sinifikanti wara d-data tar-rapportar (minn tmiem Marzu 2020)
Fi Frar 2020, l-ammont ta’ proviżjonament imsemmi hawn fuq, ta’ EUR 240,15 miljun, ġie trasferit mill-baġit tal-UE lejn il-Fond.
F’Jannar u f’Marzu 2020, tħallsu b’kollox EUR 10,6 miljuni f’żewġ sejħiet għal pagamenti inadempjenti tas-Sirja (EUR 3,2 miljun u EUR 7,4 miljun inklużi penali applikati mill-BEI).
3.Rapporti finanzjarji prekonsolidati tal-Fond
Ir-rapporti finanzjarji prekonsolidati tal-Fond jitħejjew biex jinkludu l-operazzjonijiet tal-kontijiet li ma jkunux inklużi fir-rapporti finanzjarji tal-Fond imħejjija mill-BEI (ara l-SWD). Dawn huma parti mir-rapporti finanzjarji konsolidati tal-UE.
3.1.Pożizzjoni Finanzjarja prekonsolidata fil-31 ta’ Diċembru 2019
Karta tal-bilanċ — Assi
|
31 ta’ Diċembru 2019
|
31 ta’ Diċembru 2018
|
ASSI MHUX KURRENTI
|
2,312,151,734
|
2,275,342,664
|
Assi finanzjarji
|
2,312,151,734
|
2,275,342,664
|
ASSI KURRENTI
|
277,139,064
|
231,316,149
|
Assi finanzjarji
|
233,048,865
|
189,758,096
|
Riċevibbli
|
1,290,863
|
-
|
Flus u l-ekwivalenti ta’ flus
|
42,799,336
|
41,558,053
|
ASSI TOTALI
|
2,589,290,798
|
2,506,658,813
|
Karta tal-bilanċ - Obbligazzjonijiet
|
31 ta’ Diċembru 2019
|
31 ta’ Diċembru 2018
|
RIŻORSI TAL-KONTRIBUTURI
|
2,407,419,308
|
2,295,687,144
|
Il-kontribuzzjoni tal-Kummissjoni Ewropea
|
1,950,195,297
|
1,846,972,362
|
Riżerva ta’ valur ġust
|
20,859,023
|
12,227,192
|
Qligħ miżmum
|
436,364,988
|
436,487,590
|
OBBLIGAZZJONIJIET MHUX KURRENTI
|
111,685,549
|
159,153,609
|
Dispożizzjonijiet finanzjarji
|
111,685,549
|
159,153,609
|
OBBLIGAZZJONIJIET KURRENTI
|
70,185,941
|
51,818,060
|
Dispożizzjonijiet finanzjarji
|
49,709,547
|
50,777,871
|
Obbligazzjonijiet tal-garanziji finanzjarji
|
19,590,000
|
|
Ammonti pagabbli
|
886,394
|
1,040,189
|
RIŻORSI TOTALI TAL-KONTRIBUTURI + OBBLIGAZZJONIJIET
|
2,589,290,798
|
2,506,658,813
|
Id-differenza ta’ EUR 239,4 miljuni bejn il-valur totali tal-karta tal-bilanċ prekonsolidata tal-Fond (EUR 2,589,290,798) u l-valur tal-Fond fir-rapporti finanzjarji mħejjija mill-BEI (EUR 2,828,738,292.88) tista’ tiġi spjegata l-aktar bil-punti li ġejjin:
·Il-Karta tal-bilanċ prekonsolidata (assi) tinkludi:
§l-ammonti kollha surrogati lill-UE bħala riżultat tal-pagamenti ta’ garanzija lill-BEI isejħu għal pagamenti parzjali ta’ self inadempjenti (arretrati dovuti flimkien mal-imgħax akkumulat fuq pagamenti li jsiru tard). Madankollu, fid-dawl tas-sitwazzjoni politika tas-Sirja u fuq il-bażi tad-deċiżjoni tal-Uffiċjal tal-Kontabilità tal-KE, dawn l-ammonti ġew kompletament indeboliti fir-rapporti finanzjarji tal-2019.
§riċevibbli ta’ EUR 0.7 miljun mill-BEI għal irkupru parzjali tas-self lill-Ajruport ta’ Enfidha (it-Tuneżija) li nġabar mill-BEI f’Diċembru 2019 u ġie kkreditat lill-kont tal-bank tal-Fond ta’ Garanzija f’Jannar 2020.
·Il-karta tal-bilanċ prekonsolidata (ma tinkludix EUR 240,2 miljun ta’ kontribuzzjoni mill-baġit tal-UE għall-Fond ittrasferiti fl-2020 peress li dan ir-riċevibbli huwa paċut mill-ammont pagabbli korrispondenti fil-kontijiet konsolidati tal-UE.
·Il-pagamenti ta’ sejħiet mill-Fond ta’ Garanzija lill-BEI (u fejn applikabbli l-irkupri suċċessivi tas-sejħiet u mgħaxijiet ta' inadempjenza) huma rikonoxxuti bħala tnaqqis (żidiet) tal-Assi Netti (Kontribuzzjoni tal-UE) fir-rapporti finanzjarji mħejjija mill-BEI. Fir-rapporti finanzjarji prekonsolidati, l-ammonti mħallsa għal sejħiet tal-BEI ma jitnaqqsux mill-Assi Netti peress li jsiru ammonti surrogati. L-ammonti relatati huma jew kontabilizzati bħala dħul (imgħax ta’ inadempjenza u penali li jsiru dovuti, qligħ mill-kambju barrani) jew bħala spejjeż (provvedimenti, insuffiċjenza, obligazzjoni għal garanzija finanzjarja, telf mill-kambju barrani). Dan iwassal għal differenza permanenti bejn il-partiti tal-Assi Netti (Kontribuzzjoni tal-UE u qligħ imfaddal) rikonoxxuta fir-rapporti finanzjarji mħejjija mill-BEI u fir-rapporti finanzjarji prekonsolidati mħejjija mill-KE.
3.2.Rapport tal-Introjtu Prekonsolidat
Hekk kif isir għall-karta tal-bilanċ, ir-rapport finanzjarju prekonsolidat tal-Prestazzjoni Finanzjarja jitħejja biex ikun inkluż fir-Rapporti Finanzjarji konsolidati tal-UE.
|
2019
|
2018
|
Dħul minn attivitajiet operatorji
|
266,252
|
2,928,446
|
Spejjeż minn attivitajiet operatorji
|
(3,494,876)
|
(4,876,241)
|
RIŻULTAT MINN ATTIVITAJIET OPERATORJI
|
(3,228,615)
|
(1,947,795)
|
Dħul finanzjarju
|
42,681,966
|
30,241,834
|
Kostijiet finanzjarji
|
(39,575,953)
|
(20,906,275)
|
RIŻULTAT FINANZJARJU
|
3,106,013
|
9,335,559
|
|
|
|
RIŻULTAT EKONOMIKU TAS-SENA
|
(122,602)
|
7,387,764
|
·Id-dħul mill-attivitajiet operatorji jinkludi qligħ minn kambju ta’ EUR 0.3 miljun.
·L-ispejjeż mill-attivitajiet operatorji jinkludu l-aktar it-tariffi tal-immaniġġar tal-assi tal-BEI (EUR 0.8 miljun), tariffi ta’ rkupru estern tal-BEI (EUR 0.2 miljun) u żieda fuq il-provvedimenti finanzjarji dwar il-pagamenti futuri pendenti tas-Sirja (EUR 2.2 miljun)
·Id-dħul finanzjarju jinkludi l-iktar id-dħul mill-imgħax mill-portafoll tal-investiment (EUR 7,7 miljun), qligħ realizzat fuq bejgħ ta’ assi finanzjarji (EUR 16,8 miljun), remunerazzjoni relatata mar-riskju minn mandat privat ERI (EUR 2.2 miljun) u mgħax għal ħlas tardiv akkumulat fuq ammonti surrogati (EUR 15,9 miljun)
·L-ispejjeż Finanzjarji jinkludu l-aktar it-telf minn indeboliment (EUR 19,6-il miljun) fuq ammonti surrogati lill-UE fl-2019 (ara l-punt 5), telf realizzat fuq bejgħ ta’ assi finanzjarji (EUR 0.3 miljun) u obbligazzjoni ta’ garanzija finanzjarja rikonoxxuta fuq operazzjonijiet ta’ mandat privat tal-ERI (EUR 19.6 miljun).
4.Ġestjoni tal-Flus tal-Fond ta’ Garanzija
4.1.Politika ta' investiment
L-assi likwidi tal-Fond huma investiti skont il-prinċipji ta’ ġestjoni stipulati fl-Anness tal-Ftehim ta’ Ġestjoni, kif emendat. B’konformità ma’ dan, se jitpoġġew biżżejjed assi f’assi monterarji biex jiġu koperti l-flussi ta’ ħruġ fuq żmien qasir (anqas minn sena waħda), bi proporzjon li jrid jiġi stabbilit fl-istrateġija annwali tal-investiment. L-assi li jifdal jistgħu jiġu allokati lil strumenti ta’ terminu qasir u medju, b’maturità massima ta’ 10 snin u 6 xhur mid-data tal-pagament (portafoll fuq terminu medju u twil). Sa tmiem l-2019, it-tul ta’ żmien globali modifikat tal-portafoll tal-Fond kien ta’ madwar 3 snin.
4.2.Il-prestazzjoni u l-iżviluppi tas-suq fl-2019
Il-prestazzjoni tal-portafoll tal-Fond kien immonitorjat fuq bażi ta’ prezzar skont il-valur tas-suq. Matul l-2019, il-portafoll tal-Fond wassal redditu b’saħħtu ta’ 1.3 % , appoġġat bit-tkomplija ta’ ambjent b’rendiment baxx u sentiment ta’ riskju pożittiv. Il-portafoll tal-Fond ma wettaqx il-punti ta’ riferiment tiegħu b’ -9.03 bps. Ir-redditu pożittiv issarraf f’kontribuzzjoni pożittiva ta’ EUR 33 miljun. Sa minn tmiem l-2019, il-valur tas-suq tal-portafoll tal-Fond kien ta’ madwar EUR 2,580 miljun.
Fil-kuntest ta’ ekonomija li qed tiddgħajjef, inflazzjoni mrażżna u riskji ġeopolitiċi negattivi, il-politika monetarja saret waħda akkomodattiva. Bi tliet tnaqqisiet tar-rata tal-Fondi Federali matul H2 2019, il-Fed reġġa’ lura ċ-ċiklu ta’ ssikkar monetarju li nbeda fl-2015. Barra minn hekk, il-BĊE pprovda pakkett ta’ stimolu f’Settembru li jikkonsisti minn tnaqqis ta’ 10 punti ta’ depożitu ta’ punt bażi, TLTRO estiża, sistema ta’ estrazzjoni għall-banek u programm ta’ rilassament kwantitattiv miftuħ.
Is-settur tal-manifattura fl-Istati Uniti u fl-Ewropa naqas minħabba d-dgħufija tal-kummerċ globali. It-tkabbir tas-settur tas-servizzi naqqas ukoll, għalkemm baqa’ f’territorju espansjonarju. L-inflazzjoni taż-żona tal-euro kienet inqas mill-mira tal-banek ċentrali filwaqt li l-inflazzjoni tal-Istati Uniti mxiet eqreb lejn il-mira iżda ż-żieda ma ġietx ikkunsidrata sodisfaċenti mill-FED.
Matul Awwissu ġew eskalati r-riskji ġeopolitiċi, b’tensjonijiet kummerċjali li intensifikaw bejn l-Istati Uniti u ċ-Ċina filwaqt li l-inċertezza dwar il-Brexit affettwat is-sentiment tal-investituri Ewropej. Ir-rati Ewropej u tal-Istati Uniti mxew għal livelli aktar baxxi sa Settembru minħabba l-politika akkomodanti tal-banek ċentrali, aspettattivi baxxi dwar it-tkabbir u l-inċertezza rigward ir-riskji ġeopolitiċi.
Ir-rati żdiedu kemxejn fir-raba’ trimestru fil-kuntest tat-tnaqqis tat-tensjonijiet ġeopolitiċi u l-istabbilizzazzjoni tad-data ekonomika. Firxiet ta’ kreditu, appoġġati minn banek ċentrali akkomodanti, mxew ‘l isfel, bi treġġigħ lura episodiku.
5.Talbiet għall-Fond ta’ Garanzija
Is-Sirja
Il-BEI qed jaffaċċa arretrati fuq self sovran Sirjan li ilhom minn Novembru 2011. B’hekk, u f’konformità mal-ftehimiet ta’ garanzija bejn l-UE u l-BEI, il-BEI għamel 77 sejħa fuq il-Fond ta’ Garanzija tal-UE sal-31 ta’ Diċembru 2019 għal ammont totali ta’ EUR 475,96 miljun (inklużi l-penali applikati mill-BEI u l-ammonti rkuprati).
6.Rimunerazzjoni tal-BEI
Ir-rimunerazzjoni tal-BEI hija magħmula mit-tariffi ta' ġestjoni u mit-tariffi tal-irkupru. It-tariffi ta’ ġestjoni jkopru l-ġestjoni tal-Fond. It-tariffi ta’ rkupru jkopru n-nefqiet tal-irkupru estern tal-BEI rigward talbiet wara inadempjenzi koperti mill-garanzija tal-UE għall-operazzjonijiet finanzjarji tal-BEI barra mill-Unjoni.
It-tieni Ftehim Supplimentari għall-Ftehim bid-data tat-8 ta' Mejju 2002 jistabbilixxi li t-tariffi ta' ġestjoni tal-Bank għandhom jiġu kkalkulati bl-applikazzjoni ta’ rati annwali digressivi għal kull segment tal-assi tal-Fond. Din ir-rimunerazzjoni hija kkalkulata fuq il-bażi tal-medja annwali tal-assi tal-Fond.
It-tariffi ta’ ġestjoni tal-Bank għall-2019 ġew iffissati għal EUR 817,747 u ddaħħlu bħala spiża fir-Rapport tal-Introjtu u bħala dovuti (obbligazzjonijiet) fil-Karta tal-Bilanċ.
Il-Ftehim ta’ Rkupru li ġie ffirmat bejn il-Kummissjoni u l-Bank f’Diċembru 2018 jipprevedi biss il-ħlas tal-infiq tal-irkupru estern (u m’għadux jinkludi l-intern) tal-BEI.