IL-KUMMISSJONI EWROPEA
Brussell, 2.5.2018
COM(2018) 326 final
2018/0131(NLE)
Proposta għal
REGOLAMENT TAL-KUNSILL
dwar il-metodi u l-proċedura għad-disponibbiltà tar-Riżorsi Proprji bbażati fuq Bażi Komuni Konsolidata tat-Taxxa Korporattiva, fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u fuq l-Iskart tal-plastik mill-imballaġġ li mhux qed jiġi riċiklat, u dwar il-miżuri li jissodisfaw il-ħtiġijiet fi flus kontanti
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u għanijiet tal-proposta
L-għan ta’ din il-proposta huwa li tistabbilixxi, f’konformità mal-Artikolu 322(2) tat-Trattat dwar il-Funzjonament tal-Unjoni Ewropea, dispożizzjonijiet meħtieġa biex jiġu ddeterminati l-metodi u l-proċedura li permezz tagħhom l-Istati Membri jagħmlu disponibbli r-riżorsi proprji ġodda lill-Kummissjoni. Dawn ir-Riżorsi Proprji l-ġodda, imsemmija fl-Artikolu 2(1)(c), (d) u (e) tal-proposta tal-Kummissjoni għal Deċiżjoni tal-Kunsill dwar is-sistema tar-Riżorsi Proprji tal-Unjoni Ewropea, huma dawk ibbażati fuq Bażi Komuni Konsolidata tat-Taxxa Korporattiva, fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u fuq l-Iskart tal-plastik mill-imballaġġ li ma jiġix riċiklat. Dan ir-Regolament jikkumplimenta r-Regolament tal-Kunsill (UE, Euratom) Nru 609/2014, li se jibqa’ japplika għar-Riżorsi Proprji eżistenti.
Id-Deċiżjoni dwar ir-Riżorsi Proprji l-ġdida proposta żżomm u tirriforma t-tliet Riżorsi Proprji eżistenti: Riżorsi Proprji Tradizzjonali, verżjoni modifikata tar-Riżorsa Proprja tal-VAT ibbażata fuq it-taxxa u r-Riżorsa Proprja bbażata fuq id-Dħul Nazzjonali Gross.
Barra minn hekk, il-proposta għal Deċiżjoni dwar ir-Riżorsi Proprji tintroduċi tliet kategoriji ġodda ta’ Riżorsi Proprji, dik ibbażata fuq Bażi Komuni Konsolidata tat-Taxxa Korporattiva, fuq is-sistema tal-UE għan-Negozjar tal-Emissjonijiet u fuq l-iskart tal-plastik mill-imballaġġ li ma jiġix riċiklat.
L-arranġamenti prattiċi proposti f’dan ir-Regolament jimplimentaw is-sistema stabbilita fil-proposta għal Deċiżjoni dwar ir-Riżorsi Proprji, u jikkumplementaw is-sistema attwali għar-Riżorsi Proprji billi jadottawhom għar-Riżorsi Proprji l-ġodda. B’mod partikolari, ir-Regolament propost jittratta l-kalkolu, l-istabbiliment u t-tqegħid għad-dispożizzjoni tar-Riżorsi Proprji l-ġodda, il-konservazzjoni tad-dokumenti ta’ sostenn, il-kooperazzjoni amministrattiva, il-kontijiet li għandhom jinżammu għar-Riżorsi Proprji, iż-żmien biex dawn isiru disponibbli u biex jitwettqu korrezzjonijiet u aġġustamenti u, fejn ikun meħtieġ, dispożizzjonijiet li jikkonċernaw il-ħtiġijiet fi flus kontanti.
Barra minn hekk, il-proposta tistabbilixxi l-kalkolu tar-rata applikabbli għar-Riżorsi Proprji bbażati fuq l-Introjtu Nazzjonali Gross, li jikkumplimentaw l-Artikolu 5 tar-Regolament (UE, Euratom) Nru 609/2014. Jinħtieġ li l-ammont ta’ Dħul Gross Nazzjonali jiġi kkalkulat ladarba l-ammonti tar-Riżorsi Proprji l-oħra kollha u l-kontribuzzjonijiet finanzjarji għal programmi supplimentari ta’ riċerka u żvilupp teknoloġiku u dħul ieħor ikunu magħrufa. Dan jiżgura l-karattru residwu tad-Dħul Nazzjonali Gross ta’ Riżorsi Proprji, maħsuba biex iżidu l-ammonti tal-baġit tal-UE li ma jintlaħqux mir-Riżorsi Proprji l-oħra kif ukoll minn sorsi oħra ta’ dħul għall-baġit tal-Unjoni.
F’termini tal-immaniġġar tagħhom fiċ-ċiklu baġitarju, ir-Riżorsi Proprji jinqasmu f’żewġ gruppi. L-ewwel nett, ċerti partiti tad-dħul jiġu aġġornati skont l-iżviluppi reali fi stadju aktar tard (meta mqabbla mal-ammonti stmati fil-baġit adottat fil-bidu tas-sena baġitarja), bħar-Riżorsi Proprji bbażati fuq it-Taxxa fuq il-Valur Miżjud u tal-Introjtu Nazzjonali Gross, li fil-preżent jaqgħu f’din il-kategorija. It-tieni nett, ċerti partiti tad-dħul mhumiex aġġornati, bħad-dazji doganali. Ir-Riżorsi Proprji l-ġodda proposti wkoll se jaqgħu f’waħda minn dawn iż-żewġ gruppi u mhux se jeħtieġu bidla fil-proċedura. Ir-Riżorsi Proprji bbażati fuq il-Bażi Komuni Konsolidata tat-Taxxa Korporattiva u fuq il-kontribuzzjoni għall-plastik mill-iskart tal-imballaġġ ikunu aġġornati fid-dawl ta’ ċifri rrappurtati u vverifikati effettivament ladarba jkunu disponibbli. Min-naħa l-oħra, ir-Riżorsi Proprji bbażati fuq dħul mill-irkant mill-Iskambju ta’ Kwoti tal-Emissjonijiet tal-Unjoni Ewropea ma jagħtu lok għall-ebda aġġornament jew aġġustament fi stadju aktar tard, b’mod simili għad-dazji doganali. Billi l-kontribuzzjoni bbażata fuq l-Introjtu Nazzjonali Gross tibqa’ “entrata saldatorja”, l-ekwilibriju baġitarju se jinżamm.
Il-Kumitat Konsultattiv se jkun involut bis-sħiħ fl-eżerċizzju tal-previżjoni tar-Riżorsi Proprji kollha.
Id-dispożizzjonijiet f’dan ir-Regolament normalment jirriflettu dawk fir-Regolament (UE, Euratom) Nru 609/2014, u r-referenzi għalih isiru fit-test kollu.
Skont ir-raba’ paragrafu tal-Artikolu 311 tat-Trattat dwar il-Funzjonament tal-Unjoni Ewropea, id-dispożizzjonijiet dwar it-tqegħid għad-dispożizzjoni tar-Riżorsi Proprji huma kkumplimentati minn regolament li jistabbilixxi miżuri li jimplimentaw is-sistema tar-Riżorsi Proprji tal-Unjoni. Dawn id-dispożizzjonijiet, li mhumiex direttament relatati biex ir-Riżorsi Proprji jsiru disponibbli, huma stabbiliti fil-proposta għal Regolament tal-Kunsill li jistabbilixxi miżuri ta’ implimentazzjoni dwar is-sistema tar-Riżorsi Proprji, li se jirrevoka u jissostitwixxi r-Regolament attwali (UE, Euratom) Nru 608/2014.
Din l-inizjattiva hija parti minn pakkett leġiżlattiv dwar ir-Riżorsi Proprji usa’ li l-Kummissjoni qed tipproponi flimkien ma’ Regolament Qafas Finanzjarju Pluriennali għall-2021-2027. Din tinkludi d-Deċiżjoni dwar ir-Riżorsi Proprji msemmija hawn fuq, miżuri ta’ implimentazzjoni ġodda għar-Regolament għar-Riżorsi Proprji kollha, attwali u ġodda, u emenda għar-Regolament dwar it-Taxxa fuq il-Valur Miżjud ibbażata fuq ir-Riżorsi Proprji. L-inizjattiva mhix parti mill-Programm dwar l-Idoneità Regolatorja.
Id-Deċiżjoni dwar ir-Riżorsi Proprji tinkludi proposta ġdida dwar ir-Riżorsi Proprji u l-Artikolu 6(3) tagħha jistipula li l-Istati Membri għandhom jagħmlu r-riżorsi previsti fl-Artikolu 2(1)(a), (b), (c), (d), (e) u (f) disponibbli lill-Kummissjoni, f’konformità mar-regolamenti adottati skont l-Artikolu 322(2) tat-Trattat dwar il-Funzjonament tal-Unjoni Ewropea. Ir-Regolament (UE, Euratom) Nru 609/2014 jittratta r-Riżorsi Proprji eżistenti msemmija fl-Artikolu 2(1)(a), (b) u (f), tad-Deċiżjoni u r-Regolament propost jittratta r-Riżorsi Proprji maħluqa ġodda msemmija fl-Artikolu 2(1)(c), (d) u (e) tad-Deċiżjoni.
Barra minn hekk, għall-fini li tiġi stabbilita r-rata applikabbli għal Riżorsa Proprja residwa bbażata fuq id-Dħul Nazzjonali Gross, qed jiġi propost Artikolu ġdid, li jikkumplimenta l-Artikolu 5 tar-Regolament (UE, Euratom) Nru 609/2014. Skont l-Artikolu propost, id-dħul minn Riżorsi Proprji bbażat fuq il-Bażi Komuni Konsolidata tat-Taxxa Korporattiva, l-Iskema għall-iskambju ta' kwoti tal-emissjonijiet tal-Unjoni Ewropea u l-Iskart tal-plastik mill-imballaġġ jiżdied mad-dħul mir-Riżorsi Proprji Tradizzjonali u r-Riżorsi Proprji bbażati fuq it-Taxxa fuq il-Valur Miżjud, sabiex tiġi kalkulata l-parti tal-baġit li għandha tiġi koperta mir-Riżorsi Proprji bbażati fuq l-Introjtu Nazzjonali Gross.
Il-proposta tal-Kummissjoni hija spjegata f’aktar dettall hawn taħt fit-Taqsima 5.
•Il-konsistenza ma’ dispożizzjonijiet ta’ politika eżistenti fil-qasam ta’ politika
Il-bażi ġuridika għad-Deċiżjoni dwar ir-Riżorsi Proprji hija t-tielet paragrafu tal-Artikolu 311 tat-Trattat dwar il-Funzjonament tal-Unjoni Ewropea. Ir-raba’ paragrafu tal-Artikolu 311 u l-Artikolu 322(2) tat-Trattat huma l-bażi ġuridika tal-atti li se jistabbilixxi l-miżuri li jimplimentaw is-sistema tar-Riżorsi Proprji u biex ir-Riżorsi Proprji jsiru disponibbli.
Il-bażi ġuridika għal dan ir-Regolament hija l-Artikolu 322(2) tat-Trattat dwar il-Funzjonament tal-Unjoni Ewropea. Hija msemmija wkoll fl-Artikolu 6 tad-Deċiżjoni l-ġdida dwar ir-Riżorsi Proprji (l-Artikolu 8 tad-Deċiżjoni dwar ir-Riżorsi Proprji Nru 2014/335/UE, Euratom). Din tikkomplementa r-Regolament attwali dwar it-Tqegħid għad-Dispożizzjoni (UE, Euratom) Nru 609/2014 għal Riżorsi Proprji Tradizzjonali u r-Riżorsi Proprji bbażati fuq it-Taxxa fuq il-Valur Miżjud u l-Introjtu Nazzjonali Gross. Fl-aħħar nett, hija marbuta mar-Regolament li jistabbilixxi miżuri li jimplimentaw is-sistema tar-Riżorsi Proprji (ir-Regolament attwali (UE, Euratom) Nru 608/2014 u l-miżuri ta’ implimentazzjoni l-ġodda proposti fir-Regolament).
•Il-konsistenza ma’ politiki oħra tal-Unjoni
Minħabba n-natura ta’ Riżorsi Proprji, il-ġestjoni tagħhom tiddependi fuq l-applikazzjoni korretta ta’ politiki oħra tal-Unjoni:
–Riżorsi Proprji tradizzjonali (l-aktar dazji doganali) huma marbuta mal-unjoni doganali;
–Riżorsi proprji bbażati fuq it-Taxxa fuq il-Valur Miżjud u fuq Bażi Komuni Konsolidata tat-Taxxa Korporattiva huma marbuta mas-Suq Uniku u l-politika ta’ tassazzjoni;
–Ir-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u dwar l-Iskart tal-plastik mill-imballaġġ huma marbuta ma’ politiki tal-Unjoni dwar l-ambjent u l-azzjoni klimatika.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-bażi ġuridika għal dan ir-Regolament hija l-Artikolu 322(2) tat-Trattat dwar il-Funzjonament tal-Unjoni Ewropea. Huwa wkoll imsemmi fl-Artikolu 6 tad-Deċiżjoni l-ġdida dwar ir-Riżorsi Proprji (l-Artikolu 8 tad-Deċiżjoni dwar ir-Riżorsi Proprji 2014/335/UE, Euratom).
•Sussidjarjetà (għal kompetenza mhux esklużiva)
Min-natura tal-baġit tal-Unjoni u r-Riżorsi Proprji li jsawru d-dħul tiegħu, is-sistema tar-Riżorsi Proprji u l-arranġamenti biex dawn isiru disponibbli jeħtieġu li jittieħdu f’perspettiva tal-Unjoni kollha u ma jistax jintlaħqu mill-Istati Membri.
•Proporzjonalità
Din il-proposta għal Regolament ġdid tikkumplimenta d-dispożizzjonijiet eżistenti u tadattahom għar-Riżorsi Proprji ġodda. L-inklużjoni ta’ Riżorsi Proprji ġodda fid-Deċiżjoni dwar ir-Riżorsi Proprji titlob leġiżlazzjoni aġġornata li tinkludi dispożizzjonijiet dwar kif dawn ir-Riżorsi Proprji l-ġodda jsiru disponibbli u li taġġorna u ttejjeb id-dispożizzjonijiet attwali.
Billi huwa fl-interess tal-Unjoni u l-Istati Membri tagħha li jkun żgurat li s-sistema tar-Riżorsi Proprji taħdem tajjeb, il-metodi biex dawn ir-Riżorsi Proprji l-ġodda jsiru disponibbli huma mfasslin biex jippermettu kooperazzjoni bla xkiel bejn l-Unjoni u l-Istati Membri.
•Għażla tal-istrument
L-Artikolu 322(2) tat-Trattat dwar il-Funzjonament tal-Unjoni Ewropea ma jispeċifikax l-istrument li għandu jintuża. Madankollu, l-Artikolu 8 tad-Deċiżjoni 2014/335/UE, Euratom u l-Artikolu 6 tal-proposta għal Deċiżjoni dwar ir-Riżorsi Proprji teħtieġ lill-Istati Membri jagħmlu r-riżorsi disponibbli lill-Kummissjoni “skont ir-regolamenti adottati skont l-Artikolu 322(2) tat-Trattat dwar il-Funzjonament tal-Unjoni Ewropea.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
Il-memorandum ta’ spjegazzjoni għall-Proposta għal Deċiżjoni tal-Kunsill dwar is-sistema tar-Riżorsi Proprji tal-Unjoni Ewropea jipprovdi aktar informazzjoni dwar l-aħħar rapporti u d-dokumenti li janalizzaw il-ħtieġa biex tiġi riformata s-sistema tar-Riżorsi Proprji.
Għalhekk, Regolament dwar it-Tqegħid għad-Dispożizzjoni huwa meħtieġ peress li r-Regolament attwali (UE, Euratom) Nru 609/2014 jirreferi biss għal Riżorsi Proprji Tradizzjonali u Riżorsi Proprji bbażati fuq it-Taxxa fuq il-Valur Miżjud u l-Introjtu Nazzjonali Gross, filwaqt li d-Deċiżjoni dwar ir-Riżorsi Proprji proposta tintroduċi Riżorsi Proprji ġodda li għalihom huma meħtieġa dispożizzjonijiet biex dawn ikunu disponibbli.
Il-proposta ssegwi d-dispożizzjonijiet diġà fis-seħħ, billi tadatta s-sistema fis-seħħ skont ir-Regolament tal-Kunsill (UE, Euratom) Nru 6609/2014 dwar ir-Riżorsi Proprji ġodda. Barra minn hekk, hija tikkumplimenta u tagħmel referenza għal-leġiżlazzjoni rilevanti dwar ir-Riżorsi Proprji l-ġdida. Għalhekk, il-proposta ser tkun kontinwazzjoni tas-sistema attwali, biex tiġi estiża għar-Riżorsi Proprji l-ġodda.
Din il-proposta mhijiex marbuta mal-Programm dwar l-Idoneità Regolatorja; hija mmirata lejn l-Istati Membri u mhux lejn mikrointrapriżi jew intrapriżi żgħar u ta’ daqs medju jew partijiet interessati oħra; bħala prinċipju hija newtrali fuq il-kompetittività jew il-kummerċ internazzjonali settorjali tal-Unjoni. Il-proposta ma għandhiex konsegwenzi għall-ħarsien tad-drittijiet fundamentali.
4.IMPLIKAZZJONIJIET BAĠITARJI
L-implikazzjonijiet baġitarji ta’ din il-proposta u tal-pakkett leġiżlattiv dwar ir-Riżorsi Proprji huma mniżżla fid-dettall fid-Dikjarazzjoni Finanzjarja Leġiżlattiva mehmuża ma’ din il-proposta. Bl-introduzzjoni ta’ Riżorsi Proprji ġodda, is-sistema tar-Riżorsi Proprji rriformata tkun tista’ tiġi implimentata fl-istess livell ta’ approprjazzjonijiet amministrattivi u riżorsi ta’ persunal tas-sistema preżenti.
5.ELEMENTI OĦRA
L-applikazzjoni tal-leġiżlazzjoni dwar ir-Riżorsi Proprji, inklużi l-metodi u l-proċedura għat-tqegħid għad-dispożizzjoni tar-Riżorsi Proprji, hija diskussa fuq bażi regolari fil-Kumitat Konsultattiv dwar ir-Riżorsi Proprji.
Il-proposta tal-Kummissjoni tista’ titqassar kif ġej:
Kapitolu I “Dispożizzjonijiet Ġenerali”
L-Artikolu 2 tal-proposta, ‘konservazzjoni tad-dokumenti ta’ sostenn”: id-dispożizzjonijiet jirrepplikaw dawk skont l-Artikolu 3 tar-Regolament (UE, Euratom) Nru 609/2014, li jiddifferenzjaw bejn dispożizzjonijiet ta’ Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea (li huma simili għal dawk applikabbli għal Riżorsi Proprji Tradizzjonali), u dispożizzjonijiet dwar ir-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-plastik mill-imballaġġ (li huma simili għal dawk applikabbli dwar ir-riżorsi proprji bbażati fuq it-Taxxa fuq il-Valur Miżjud u l-Introjtu Nazzjonali Gross).
L-Artikolu 3 tal-proposta, “kooperazzjoni amministrattiva” jirrifletti l-Artikolu 4 tar-Regolament (UE, Euratom) Nru 609/2014.
L-Artikolu 4 tal-proposta, “l-effetti fuq Riżorsi Proprji bbażati fuq id-Dħul Nazzjonali Gross”, jiżgura l-karattru residwu ta’ Riżorsi Proprji bbażati fuq l-Introjtu Nazzjonali Gross. Huwa jikkumplementa l-Artikolu 5 tar-Regolament (UE, Euratom) Nru 609/2014 billi jistipula li l-ammont ta’ Riżorsi Proprji bbażati fuq l-Introjtu Nazzjonali Gross se jiġi kkalkulat wara li d-dħul mir-Riżorsi Proprji l-oħra kollha, kemm ġodda kif ukoll eżistenti, jkun ġie miżjud. Dan jiżgura wkoll li t-tnaqqis gross mogħti skont id-Deċiżjoni dwar ir-Riżorsi Proprji l-ġodda jiġi kkunsidrat għad-dħul fil-kontijiet u fid-disponibbiltà tar-Riżorsi Proprji bbażati fuq l-Introjtu Nazzjonali Gross.
Kapitolu II, “Kontabbiltà għar-Riżorsi Proprji”
L-Artikolu 5 tal-proposta, “dħul fil-kontijiet u rappurtar” jirrifletti l-Artikolu 6 tar-Regolament (UE, Euratom) Nru 609/2014, u jadattah għall-ħtiġijiet tar-Riżorsi Proprji l-ġodda.
L-Artikolu 6 tal-proposta, "korrezzjonijiet tal-kontabbiltà għar-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea”, jirrifletti l-Artikolu 7 tar-Regolament (UE, Euratom) Nru 609/2014, li jadatta din ir-Riżorsa Proprja għal dak li huwa stabbilit hemmhekk għal Riżorsi Proprji Tradizzjonali, billi ż-żewġ Riżorsi Proprji huma ta’ natura simili.
Kapitolu III, “Kalkolu tar-Riżorsi Proprji”
L-Artikoli 7, 8 u 9 jkopru l-metodi ta’ kalkolu tar-Riżorsi Proprji bbażati fuq Bażi Komuni Konsolidata tat-Taxxa Korporattiva, l-Iskema għall-Iskambju ta' kwoti tal-Emissjonijiet tal-Unjoni Ewropea u tal-Iskart tal-plastik mill-imballaġġ. Din jinħtieġ li tinqara f’konnessjoni mal-Artikolu 1 tal-proposta tal-Kummissjoni għal Regolament tal-Kunsill li jistabbilixxi miżuri li jimplimentaw is-sistema tar-Riżorsi Proprji tal-Unjoni Ewropea, li tistabbilixxi r-rati tas-sejħa.
Kapitolu IV “Id-disponibbilità tar-riżorsi proprji”
L-Artikolu 10 tal-proposta, “teżor u arranġamenti ta’ kontabilità” jirreferi għall-Artikolu 9 tar-Regolament (UE, Euratom) Nru 609/2014.
L-Artikoli 11 u 12 ikopru t-tqegħid għad-dispożizzjoni tar-Riżorsi Proprji ġodda. Kif spjegat, ir-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea jsegwu d-dispożizzjonijiet li huma applikabbli għal Riżorsi Proprji Tradizzjonali (ara l-Artikolu 10 tar-Regolament (UE, Euratom) Nru 609/2014). Ir-Riżorsi Proprji bbażati fuq Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ, madankollu, isegwu d-dispożizzjonijiet applikabbli dwar ir-Riżorsi Proprji bbażati fuq it-Taxxa fuq il-Valur Miżjud u l-Introjtu Nazzjonali Gross (ara l-Artikolu 10a tar-Regolament (UE, Euratom) Nru 609/2014).
L-Artikolu 13 tal-proposta, “aġġustamenti tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u fuq l-Iskart tal-Plastik mill-imballaġġ tas-snin finanzjarji preċedenti” jadatta d-dispożizzjonijiet tal-Artikolu 10b tar-Regolament (UE, Euratom) Nru 609/2014, applikabbli għar-Riżorsi Proprji bbażati fuq it-Taxxa fuq il-Valur Miżjud u l-Introjtu Nazzjonali Gross. Issa, żewġ Riżorsi Proprji ġodda se jiġu inklużi fl-eżerċizzju tal-bilanċi annwali fejn il-previżjonijiet huma mqabbla mal-ewwel data reali. Bħala t-tieni pass, l-ammont totali tal-bilanċi huma distribwiti fost l-Istati Membri skont is-sehem tagħhom tad-DNG (netting). Huwa jiddikjara wkoll li korrezzjonijiet jew aġġustamenti wara l-ispezzjonijiet għandhom ikunu disponibbli fid-data speċifikata mill-Kummissjoni. L-ammonti mir-riżultati tal-ispezzjonijiet mhux se jiġu inklużi fl-eżerċizzju tal-bilanċi annwali.
L-Artikolu 14, “l-antiċipazzjoni tal-wieħed minn tnax” jirrifletti l-Artikolu 10a(2) tar-Regolament (UE, Euratom) Nru 609/2014 u jsir applikabbli għar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ.
L-Artikolu 15, “interessi fuq ammonti li jsiru disponibbli tard” jirrifletti l-Artikolu 12 tar-Regolament (UE, Euratom) Nru 609/2014. L-imgħax ikun dovut għal kull dewmien biex isiru disponibbli Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea, bħalma huwa l-każ fir-rigward tar-Riżorsi Proprji Tradizzjonali. Fir-rigward tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ, kif huwa l-każ fuq dawk ibbażati fuq it-Taxxa fuq il-Valur Miżjud u tal-Introjtu Nazzjonali Gross, hemm lista eżawrjenti ta’ raġunijiet li għalihom jinħtieġ li jkun pagabbli imgħax.
Kapitolu V “Ġestjoni tar-riżorsi ta’ flus kontanti”
L-Artikolu 16 “il-ħtiġijiet għall-immaniġġar tar-riżorsi ta’ flus kontanti u l-eżekuzzjoni ta’ ordnijiet ta’ ħlas” jirreferi għall-Artikoli 14 u 15 tar-Regolament (UE, Euratom) Nru 609/2014.
Kapitolu VI “Dispożizzjonijiet finali”
L-Artikolu 17 tal-proposta, “Proċedura tal-Kumitat”, jipprovdi setgħat ta’ implimentazzjoni li għandhom jiġu kkonferiti fuq il-Kummissjoni skont ir-Regolament (UE) Nru 182/2011.
L-Artikolu 18 tal-proposta, “dispożizzjonijiet tranżitorji”, jiddefinixxi d-dispożizzjonijiet għall-perjodu tranżitorju.
L-Artikolu 19 tal-proposta, “dħul fis-seħħ”, jgħid li r-Regolament se jidħol fis-seħħ fl-istess żmien tad-Deċiżjoni dwar ir-Riżorsi Proprji. Ir-Regolament ser japplika retroattivament mill-1 ta’ Jannar 2021 għar-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u dwar l-Iskart tal-Plastik mill-imballaġġ Fir-rigward tar-Riżorsi Proprji bbażati fuq Bażi Komuni Konsolidata tat-Taxxa Korporattiva, dawk id-dispożizzjonijiet għandhom japplikaw mit-tieni sena wara t-tmiem tal-perijodu ta’ traspożizzjoni għad-Direttiva dwar il-Bażi Komuni Konsolidata tat-Taxxa Korporattiva.
2018/0131 (NLE)
Proposta għal
REGOLAMENT TAL-KUNSILL
dwar il-metodi u l-proċedura għad-disponibbiltà tar-Riżorsi Proprji bbażati fuq Bażi Komuni Konsolidata tat-Taxxa Korporattiva, fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u fuq l-Iskart tal-plastik mill-imballaġġ li mhux qed jiġi riċiklat, u dwar il-miżuri li jissodisfaw il-ħtiġijiet fi flus kontanti
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 322(2) tiegħu,
Wara li kkunsidra t-Trattat li jistabbilixxi l-Komunità Ewropea tal-Enerġija, u b’mod partikulari l-Artikolu 106a tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-opinjoni tal-Parlament Ewropew,
Wara li kkunsidra l-opinjoni tal-Qorti Ewropea tal-Awdituri
Billi:
(1)L-Unjoni għandu jkollha r-Riżorsi Proprji msemmijin fl-Artikolu 2(1)(c), (d) u (e) tad-Deċiżjoni tal-Kunsill 20xx/xxxx/UE, Euratom, disponibbli għall-Unjoni bl-aħjar kundizzjonijiet possibbli u għalhekk jinħtieġ li jkunu preskritti regoli għall-Istati Membri li jipprovdu lill-Kummissjoni b’dawk ir-Riżorsi Proprji.
(2)Ir-Regolament tal-Kunsill (UE, Euratom) Nru 609/2014 fih dispożizzjonijiet dwar it-tqegħid għad-dispożizzjoni ta’ Riżorsi Proprji u dwar arranġamenti amministrattivi li huma komuni għal Riżorsi Proprji oħrajn u li jistgħu jiġu applikati, fejn xieraq, mutatis mutandis.
(3)Jinħtieġ li l-Istati Membri jżommu għad-dispożizzjoni tal-Kummissjoni u, fejn meħtieġ, jgħaddulha d-dokumenti u l-informazzjoni meħtieġa ħalli hi tkun tista' teżerċita l-poteri mogħtija lilha f'dak li għandu x'jaqsam mar-Riżorsi Proprji tal-Unjoni. B’mod partikolari, jinħtieġ li l-Istati Membri jittrażmettu lill-Kummissjoni rapporti perjodiċi ta’ Riżorsi Proprji.
(4)Jinħtieġ li-Istati Membri jkunu kapaċi jipprovdu lill-Kummissjoni f’kull ħin, id-dokumenti li jissostanzjaw ir-Riżorsi Proprji miġbura.
(5)Il-kalkolu tar-rata applikabbli ta’ Riżorsi Proprji bbażati fuq l-Introjtu Nazzjonali Gross jinħtieġ li jsir wara li d-dħul mir-Riżorsi Proprji l-oħra kollha msemmija fl-Artikolu 2(1)(a), (b), (c), (d) u (e) tad-Deċiżjoni 20xx/xxxx/UE, Euratom u minn kontribuzzjonijiet finanzjarji għal programmi ta’ riċerka u żvilupp teknoloġiku supplimentari u dħul ieħor ġew miżjuda.
(6)It-tnaqqis gross imsemmi fir-raba’ subparagrafu tal-Artikolu 2(1) tad-Deċiżjoni 20xx/xxxx/UE, Euratom mogħti lill-Ġermanja jinħtieġ li jittieħed inkunsiderazzjoni għad-dħul fil-kontijiet tar-Riżorsi Proprji bbażati fuq id-Dħul Gross Nazzjonali skont it-tielet subparagrafu tal-Artikolu 6(3) tar-Regolament (UE, Euratom) Nru 609/2014 u t-tqegħid għad-dispożizzjoni ta’ din ir-Riżorsa Proprja skont l-Artikolu 10a ta’ dak ir-Regolament.
(7)Sabiex jiġi żgurat li l-baġit tal-Unjoni jkun iffinanzjat fi kwalunkwe ċirkostanza, jinħtieġ li tiġi stabbilita proċedura, fir-rigward tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ, biex l-Istati Membri jagħmlu disponibbli għall-Unjoni, f’forma ta’ wieħed minn tnax kull xahar, ir-riżorsi proprji mdaħħla fil-baġit u sussegwentament jaġġustaw l-ammonti li jkunu saru disponibbli.
(8)Il-metodi ta’ kalkolu dwar ir-Riżorsi Proprji ġodda jinħtieġ li jkunu definiti b’mod ċar flimkien ma’ rati ta’ ġbir applikabbli stabbiliti fl-Artikolu 1 tar-Regolament tal-Kunsill (UE, Euratom) Nru 20xx/xxxx.
(9)Ir-riżorsi proprji jridu ikunu disponibbli fl-għamla ta’ dħul tal-ammonti dovuti fil-kont imsemmi fl-Artikolu 9 tar-Regolament (UE, Euratom) Nru 609/2014, miftuħa għal dan il-għan f’isem il-Kummissjoni mat-Teżor jew mal-korp maħtur minn kull Stat Membru.
(10)Fl-interess tas-simplifikazzjoni, il-proċedura għall-aġġustament tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ jinħtieġ li tiġi ssimplifikata għal disopiżizzjonijiet ta’ aġġustament għar-Riżorsi Proprji eżistenti. Jinħtieġ li jkun hemm ridistribuzzjoni immedjata tal-ammont globali tal-aġġustamenti fost l-Istati Membri.
(11)Il-Kummissjoni jrid ikollha biżżejjed riżorsi ta’ flus kontanti biex tikkonforma mal-ħtiġijiet regolatorji għal pagamenti kkonċentrati fl-ewwel xhur tas-sena, sa fejn dan huwa ġġustifikat minn rekwiżiti ta’ flus kontanti.
(12)Sabiex jinkisbu l-objettivi tal-Unjoni, jinħtieġ li l-proċedura għall-kalkolu tal-imgħax tiżgura b'mod partikolari li r-Riżorsi Proprji jkunu disponibbli b'mod f'waqtu u b'mod sħiħ. Jinħtieġ li -Istati Membri jħallsu l-imgħax fil-każ ta' dewmien sabiex idaħħlu r-Riżorsa Proprja fil-kontijiet. F'konformità mal-prinċipju ta' ġestjoni finanzjarja soda, jinħtieġ li tingħata attenzjoni biex l-ispejjeż ta' rkupru tal-imgħaxijiet dovuti fuq ir-Riżorsi Proprji li jkunu saru disponibbli tard, ma jeċċedux l-ammont tal-imgħax pagabbli.
(13)Sabiex tiġi faċilitata l-applikazzjoni tar-regoli finanzjarji relatati mar-Riżorsi Proprji, huwa meħtieġ li jiġu inklużi dispożizzjonijiet li jiżguraw kollaborazzjoni bejn l-Istati Membri u l-Kummissjoni.
(14)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jinħtieġ li s-setgħat ta’ implimentazzjoni jiġu konferiti lill-Kummissjoni fir-rigward tal-istabbiliment ta’ formoli għal dikjarazzjonijiet dwar ir-Riżorsi Proprji. Jinħtieġ li dawn is-setgħat jiġu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill.
(15)Jinħtieġ li l-proċedura konsultattiva tintuża għall-adozzjoni tal-atti ta’ implimentazzjoni sabiex tistabbilixxi formoli għal dikjarazzjonijiet dwar ir-Riżorsi Proprji minħabba n-natura teknika ta’ dawk l-atti.
(16)Għal raġunijiet ta' konsistenza u filwaqt li jitqies l-Artikolu 9 tad-Deċiżjoni 20xx/xxxx/EU/Euratom, jinħtieġ li dan ir-Regolament jidħol fis-seħħ fl-istess jum tad-dħul fis-seħħ ta' dik id-Deċiżjoni u jinħtieġ li japplika mill-1 ta' Jannar 2021. Jinħtieġ li d-dispożizzjonijiet li jkopru Riżorsi Proprji msemmija fl-Artikolu 2(1)(c) tad-Deċiżjoni 20xx/xxxx/UE, Euratom japplikaw mid-data stabbilita skont l-Artikolu 9 ta’ dik id-Deċiżjoni,
ADOTTA DAN IR-REGOLAMENT:
Kapitolu I
Dispożizzjonijiet ġenerali
Artikolu 1
Suġġett
Dan ir-Regolament jistabbilixxi regoli dwar l-ikkalkular u t-tqegħid għad-dispożizzjoni tal-Kummissjoni, ir-Riżorsi Proprji tal-Unjoni li hemm referenza għalihom fl-Artikolu 2(1)(c), (d) u (e) tad-Deċiżjoni 20xx/xxxx/UE, Euratom u jistabbilixxi l-kalkolu tar-rata applikabbli ta’ riżorsi proprji bbażati fuq l-Introjtu Nazzjonali Gross msemmija fl-Artikolu 2(1)(f) ta’ din id-Deċiżjoni.
Artikolu 2
Konservazzjoni tad-dokumenti ta' sostenn
1.
L-Istati Membri għandhom jieħdu l-miżuri xierqa kollha biex jassiguraw li d-dokumenti ta’ sostenn li jirrigwardaw il-kalkolu, l-istabbiliment u d-disponibbiltà tar-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea, jinżammu mill-anqas għal tliet snin kalendarji, li jibdew jgħoddu mit-tmiem tas-sena li hemm referenza għaliha f’dawk id-dokumenti ta’ sostenn.
Id-dokumenti ta’ sostenn dwar ir-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ għandhom jinżammu mill-Istati Membri sal-31 ta’ Lulju tas-sitt sena ta’ wara s-sena finanzjarja kkonċernata.
2.
Jekk il-verifika f’konformità mal-Artikolu 4 tar-Regolament (UE, Euratom) Nru 20xx/xxxx tad-dokumenti ta’ sostenn li hemm referenza għalihom fil-paragrafu 1 turi li huwa meħtieġ aġġustament jew korrezzjoni, dawk id-dokumenti għandhom jinżammu aktar mil-limitu ta’ żmien stipulat fil-paragrafu 1 għal perijodu suffiċjenti biex jippermetti li l-aġġustament jew il-korrezzjoni tkun tista’ ssir u tiġi ssorveljata.
3.
Jekk ikun hemm nuqqas ta’ qbil bejn Stat Membru u l-Kummissjoni rigward l-obbligu li jsir disponibbli ammont partikolari ta' Riżorsi Proprji li hemm riferenza għalih taħt l-Artikolu 2(1)(c), (d) u (e) tad-Deċiżjoni 20xx/xxxx/UE, Euratom, u din tiġi riżolta permezz ta' ftehim reċiproku jew permezz ta' deċiżjoni mill-Qorti tal-Ġustizzja tal-Unjoni Ewropea, l-Istat Membru għandu jgħaddi d-dokumenti ta' sostenn lill-Kummissjoni fi żmien xahrejn minn meta tinstab is-soluzzjoni, sabiex ikun jista' jsir is-segwitu finanzjarju.
Artikolu 3
Kooperazzjoni amministrattiva
1.
Kull Stat Membru għandu jinforma lill-Kummissjoni b'dan li ġej:
(a)l-ismijiet tad-dipartimenti jew aġenziji responsabbli biex jikkalkulaw jew jistabbilixxi, jiġbru, biex jagħmlu disponibbli u biex jikkontrollaw ir-Riżorsi Proprji tagħhom u d-dispożizzjonijiet bażiċi li għandhom x'jaqsmu mar-rwol u l-operat ta' dawk id-dipartimenti u aġenziji;
(b)id-dispożizzjonijiet ġenerali preskritti bil-liġi, b'regolament jew b'azzjoni amministrattiva u dawk relatati mal-proċedura tal-kontabbiltà li tikkonċerna l-kalkolu jew l-istabbiliment, il-ġbir, it-tqegħid għad-disponibbiltà u l-kontroll tar-Riżorsi Proprji mill-Kummissjoni;
(c)it-titolu preċiż tar-rendikonti amministrattivi u tal-kontabilità kollha li fihom hija mdaħħla r-Riżorsi Proprji, partikolarment dawk użati għat-tħejjija tal-kontijiet stipulati fl-Artikolu 5.
Il-Kummissjoni għandha tkun informata immedjetament bit-tibdil kollu f’dawn l-ismijiet jew id-dispożizzjonijiet imsemmija fl-ewwel subparagrafu.
2.
Il-Kummissjoni għandha, b'talba ta' xi Stat Membru, tittrasmetti lill-Istati Membri kollha l-informazzjoni msemmija fl-ewwel paragrafu.
Artikolu 4
L-effetti fuq Riżorsi Proprji bbażati fuq id-Dħul Nazzjonali Gross
1.
Għall-finijiet tal-iffissar ta’ rata uniformi msemmija fl-Artikolu 5 tar-Regolament (UE, Euratom) Nru 609/2014, id-dħul imsemmi fl-Artikolu 2(1)(c), (d) u (e) tad-Deċiżjoni 20xx/xxxx/UE, Euratom għandu jiġi miżjud mad-dħul imsemmi fl-Artikolu 2(1)(a) u (b) ta’ din id-Deċiżjoni sabiex jikkalkulaw il-parti tal-baġit biex jiġu koperti r-riżorsi proprji bbażati fuq id-Dħul Nazzjonali Gross.
2.
It-tielet subparagrafu tal-Artikolu 6(3) u l-Artikolu 10a tar-Regolament (UE, Euratom) Nru 609/2014 għandu japplika t-tnaqqis gross mogħti lill-Ġermanja msemmi fir-raba’ subparagrafu tal-Artikolu 2(1) tad-Deċiżjoni 20xx/xxxx/UE, Euratom.
Kapitolu II
Kontijiet għar-Riżorsi Proprji
Artikolu 5
Entrata fil-kontijiet u r-rappurtar
1.
Il-kontijiet għar-Riżorsi Proprji għandhom jinżammu mit-teżor ta' kull Stat Membru jew minn entità pubblika li teżerċita funzjonijiet simili (“it-teżor”) jew mill-bank ċentrali nazzjonali ta' kull Stat Membru. Dawn il-kontijiet għandhom ikunu maqsuma skont it-tip ta' riżorsi.
2.
Għal skopijiet ta' kontabbiltà tar-riżorsi proprji, ix-xahar għandu jintemm mhux aktar kmieni mis-1 p.m. tal-aħħar jum tax-xogħol tax-xahar li matulu jkun seħħ il-kalkolu jew l-istabbiliment.
3.
Il-porzjon ta’ wieħed minn tnax tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ għandhom jiddaħħlu fil-kontijiet fl-ewwel jum ta’ xogħol ta’ kull xahar.
L-ammonti mir-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea għal xahar partikolari għandhom ikunu rreġistrati fil-kontijiet fl-ewwel jum tax-xogħol tat-tieni xahar wara x-xahar li fih il-kwoti ġew irkantati jew li fihom kwoti tranżizzjonali mingħajr ħlas għall-modernizzazzjoni tas-settur tal-enerġija kienu nħarġu.
Ir-riżultat tal-kalkolu msemmi fl-Artikolu 13 għandu jiġi reġistrat annwalment.
4.
Kull Stat Membru għandu jibgħat lill-Kummissjoni, fil-limiti ta’ żmien speċifikati fit-tieni subparagrafu tal-paragrafu 3, stqarrija ta’ kull xahar dwar il-kontijiet tiegħu tar-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea.
5.
Kull Stat Membru għandu jibgħat lill-Kummissjoni, sal-15 ta’ April ta’ kull sena, dikjarazzjoni annwali mal-istima tiegħu u l-estimi tar-Riżorsi Proprji msemmija fl-Artikolu 2(1)(c), (d) u (e) tad-Deċiżjoni 20xx/xxxx/UE, Euratom għas-sena kurrenti u s-sena ta’ wara.
Il-previżjoni ta’ Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea għandha tkun l-ammont fid-dikjarazzjoni annwali għas-sena preċedenti msemmija fil-paragrafu 6(b).
6.
Kull Stat Membru għandu jibgħat lill-Kummissjoni sat-31 ta’ Lulju dawn id-dikjarazzjonijiet bl-ammonti ta’ Riżorsi Proprji kkalkulati:
(a)dikjarazzjoni annwali għat-tieni sena qabel is-sena kurrenti (“n-2”) bl-ammont ta’ profitti taxxabbli ddikjarat f’dak l-Istat Membru minn min iħallas it-taxxi, inkluża l-parti ta’ dawk il-profitti taxxabbli attribwiti lil Stati Membri oħra, u l-ammont ta’ profitti taxxabbli li kienu attribwiti lill-Istat Membru dikjarant minn Stati Membri oħra, skont ir-regoli tal-Unjoni; u dikjarazzjoni annwali għat-tieni sena qabel is-sena kurrenti (“n-2”) mal-kalkolu tal-ammonti tar-Riżorsi Proprji skont l-Artikolu 7;
(b)dikjarazzjoni annwali għas-sena qabel is-sena kurrenti (“n-1”) mad-dħul mill-irkanti ta’ kwoti msemmija fl-Artikolu 10(2)(a) tad-Direttiva 2003/87KE; dikjarazzjoni annwali għas-sena preċedenti bl-għadd ta’ kwoti tranżizzjonali mingħajr ħlas għall-modernizzazzjoni tas-settur tal-enerġija skont l-Artikolu 10c ta’ dik id-Direttiva, u l-valur tas-suq tagħhom; u dikjarazzjoni annwali għas-sena preċedenti bil-kalkolu tal-ammonti tar-Riżorsi Proprji skont l-Artikolu 8;
(c)dikjarazzjoni annwali għat-tieni sena qabel is-sena kurrenti (“n-2”) b’data statistika dwar il-piż tal-Iskart tal-Plastik mill-imballaġġ iġġenerati fl-Istat Membru, f’kilogrammi, kif ukoll il-piż l-Iskart tal-Plastik mill-imballaġġ li ġie rriċiklat f’kilogrammi; u dikjarazzjoni annwali għat-tieni sena qabel is-sena kurrenti (“n-2”) mal-kalkolu tal-ammonti tar-Riżorsi Proprji skont l-Artikolu 9.
Għall-finijiet tal-punt (a), id-dejta li għandha tiġi pprovduta mill-Istati Membri għandha tkun limitata għall-profitti taxxabbli ta’ kontribwenti tat-taxxa li għalihom ir-regoli tal-Unjoni dwar il-Bażi Komuni Konsolidata tat-Taxxa Korporattiva huma obbligatorji.
7.
Il-Kummissjoni tista’ tadotta atti ta’ implimentazzjoni li jistabbilixxu formoli għal dikjarazzjonijiet dwar ir-Riżorsi Proprji msemmija fil-paragrafi 4, 5 u 6. Dawn l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 17(2).
Artikolu 6
Il-korrezzjonijiet tal-kontabbiltà fuq ir-Riżorsi Proprji bbażati fuq l-Iskema għall-Iskambju ta' Kwoti tal-Emissjonijiet tal-Unjoni Ewropea
Għal Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea msemmija f’Artikolu 2(1)(d) tad-Deċiżjoni 20xx/xxxx/UE, Euratom, l-ebda korrezzjonijiet ulterjuri ma għandhomx isiru għad-dikjarazzjonijiet ikkomunikati mill-Istati Membri għal sena partikolari wara l-31 ta’ Diċembru tat-tielet sena wara s-sena in kwistjoni, ħlief dwar punti notifikati qabel dik id-data mill-Kummissjoni jew mill-Istat Membru kkonċernat.
Kapitolu II
Kalkolu tar-Riżorsi Proprji
Artikolu 7
Il-kalkolu ta’ Riżorsi Proprji bbażati fuq Bażi Komuni Konsolidata tat-Taxxa Korporattiva
1.
Ir-Riżorsi Proprji bbażati fuq Bażi Komuni Konsolidata tat-Taxxa Korporattiva, imsemmija fl-Artikolu 2(1)(c) tad-Deċiżjoni 20xx/xxxx/UE, Euratom, għandhom jiġu kkalkolati kull sena minn kull Stat Membru bl-applikazzjoni ta’ rata uniformi speċifikata fl-Artikolu 1(2) tar-Regolament (UE, Euratom) Nru 20xx/xxxx għas-sehem tal-profitti taxxabbli attribwiti lil dak l-Istat Membru skont ir-regoli tal-Unjoni dwar il-Bażi Komuni Konsolidata tat-Taxxa Korporattiva.
2.
L-ammont ta’ Riżorsi Proprji bbażat fuq Bażi Komuni Konsolidata tat-Taxxa Korporattiva għal sena għandhom jiġu ddeterminati fuq il-bażi ta’ tbassir li jsir sal-15 ta’ April tas-sena ta’ qabel.
Artikolu 8
Il-kalkolu tar-Riżorsi Proprji bbażati fuq l-Iskema għall-Iskambju ta' Kwoti tal-Emissjonijiet tal-Unjoni Ewropea
1.
Ir-Riżorsi Proprji bbażati fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea, imsemmija fl-Artikolu 2(1)(d) tad-Deċiżjoni 20xx/xxxx/UE, Euratom, għandhom jiġu kkalkolati minn kull Stat Membru bl-applikazzjoni tar-rata tas-sejħa uniformi stabbilita fl-Artikolu 1(3) tar-Regolament (UE, Euratom) Nru 20xx/xxxx mal-ammont li jirrappreżenta d-dħul iġġenerat mill-kwoti li jridu jiġu rkantati msemmija fl-Artikolu 10(2)(a) tad-Direttiva 2003/87/KE u l-valur tas-suq ta’ kwoti tranżizzjonali mingħajr ħlas għall-modernizzazzjoni tas-settur tal-enerġija kif stabbilit fl-Artikolu 10c(3) ta’ dik id-Direttiva.
2.
Ir-Riżorsi Proprji msemmija fil-paragrafu 1 għandhom jiġi kkalkulati fuq bażi ta’ kull xahar u kkonvertiti fil-muniti nazzjonali bir-rati tal-kambju tal-aħħar jum ta’ kwotazzjoni tas-sena tal-kalendarju li tiġi qabel il-perjodu ta’ referenza, kif ippubblikati f’Il-Ġurnal Uffiċjali tal-Unjoni Ewropea, serje C.
Artikolu 9
Il-kalkolu ta’ Riżorsi Proprji bbażati fuq l-Iskart tal-Plastik mill-imballaġġ li ma jkunx ġie rriċiklat
1.
Ir-Riżorsi Proprji bbażati fuq l-Iskart tal-Plastik mill-imballaġġ li ma jkunx ġie rriċiklat imsemmija fl-Artikolu 2(1)(e) tad-Deċiżjoni 20xx/xxxx/UE, Euratom għandhom jiġu kkalkolati bl-applikazzjoni tar-rata tas-sejħa uniformi stabbilita fl-Artikolu 1(4) tar-Regolament (UE, Euratom) Nru 20xx/xxxx għad-differenza bejn il-piż ta’ Plastic tal-iskart mill-imballaġġ iġġenerata fi Stat Membru f’sena determinata u l-piż ta’ dak l-iskart mill-imballaġġ tal-plastik li jiġi riċiklat.
2.
Għal kull Stat Membru, ir-Riżorsi Proprji bbażati fuq l-Iskart tal-Plastik mill-imballaġġ għandhom jiġu kkalkolati f’euro.
3.
L-ammont ta’ Riżorsi Proprji bbażati fuq l-Iskart tal-Plastik mill-imballaġġ li mhux riċiklat għal sena għandhom jiġu ddeterminati fuq il-bażi ta’ tbassir li jsir sal-15 ta’ April tas-sena ta’ qabel.
Kapitolu IV
Id-disponibbiltà tar-Riżorsi Proprji
Artikolu 10
It-teżor u l-arranġamenti tal-kontabbiltà
L-Artikolu 9 tar-Regolament (UE, Euratom) Nru 609/2014 għandu japplika mutatis mutandis għar-Riżorsi Proprji msemmija fl-Artikolu 2(1)(c), (d) u (e) tad-Deċiżjoni 20xx/xxxx/UE, Euratom.
Artikolu 11
Tqegħid għad-dispożizzjoni tar-Riżorsi Proprji fuq il-bażi tal-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ li ma jkunx ġie rriċiklat
1.
L-ammonti kkalkulati skont l-Artikolu 7 u l-Artikolu 9 għal kull sena kalendarja għandhom jiġu kkreditati fl-ewwel jum tax-xogħol ta’ kull xahar. Dawn l-ammonti għandhom ikunu wieħed minn tnax tat-totali relevanti fil-baġit, ikkonvertiti fil-muniti nazzjonali bir-rati tal-kambju tal-aħħar jum ta’ kwotazzjoni tas-sena tal-kalendarju li tiġi qabel is-sena baġitarja, kif ippubblikati f’Il-Ġurnal Uffiċjali tal-Unjoni Ewropea, serje C.
2.
L-ammonti msemmija fil-paragrafu 1 għandhom jiddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014 fl-ewwel jum tax-xogħol tax-xahar.
3.
Kull bidla tar-rata tas-sejħa uniformi tar-Riżorsi Proprji msemmija fl-Artikolu 2(1)(c) u (e) tad-Deċiżjoni 20xx/xxxx/UE, Euratom għandha tirrikjedi l-adozzjoni finali tal-baġit emendatorju u għandha twassal għal riaġġustamenti tal-ħlasijiet ta’ wieħed minn tnax li jkunu ddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014 sa mill-bidu tas-sena finanzjarja.
Dawn ir-riaġġustamenti għandhom isiru meta jsir l-ewwel dħul wara l-adozzjoni finali tal-baġit emendatorju jekk ikun adottat qabel is-sittax tax-xahar. Inkella dawn għandhom isiru meta jsir it-tieni dħul wara l-adozzjoni finali. B'deroga mill-Artikolu 11 tar-Regolament Finanzjarju, dawn ir-riaġġustamenti għandhom jiddaħħlu fil-kontijiet fir-rigward tas-sena finanzjarja tal-baġit emendatorju kkonċernat.
4.
Il-kalkolu tal-wieħed minn tnax għal Jannar ta' kull sena finanzjarja għandu jkun ibbażat fuq l-ammonti stipulati fl-abbozz tal-baġit, imsemmija fl-Artikolu 314(2) tat-Trattat dwar il-Funzjonament tal-Unjoni Ewropea u kkonvertiti fil-muniti nazzjonali bir-rati tal-kambju tal-ewwel jum tal-kwotazzjoni ta' wara l-15 ta' Diċembru tas-sena kalendarja li tippreċedi s-sena baġitarja; l-aġġustament għandu jsir mad-daħla għax-xahar ta' wara.
5.
Jekk il-baġit ma jkunx ġie finalment adottat sa mhux aktar tard minn ġimagħtejn qabel l-entrata għal Jannar tas-sena finanzjarja ta’ wara, l-Istati Membri għandhom idaħħlu fl-ewwel jum tax-xogħol ta’ kull xahar, inkluż Jannar, wieħed minn tnax tal-ammont tar-Riżorsi Proprji msemmija fl-Artikolu 2(1)(c) u (e) imdaħħla fl-aħħar baġit finalment adottat; l-aġġustament għandu jsir fl-ewwel jum dovut wara l-adozzjoni finali tal-budget jekk ikun adottat qabel is-16 tax-xahar. Inkella, l-aġġustament għandu jsir fit-tieni data dovuta wara l-adozzjoni finali tal-budget.
Artikolu 12
Disponibbiltà tar-Riżorsi Proprji bbażati fuq l-Iskema għall-Iskambju ta' Kwoti tal-Emissjonijiet tal-Unjoni Ewropea
L-ammonti kkalkolati skont l-Artikolu 8 għandhom jiddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014 fl-ewwel jum tax-xogħol tax-xahar wara t-tieni xahar kalendarju wara x-xahar li fih kellu jsir il-kalkolu.
Artikolu 13
Appustamenti tar-Riżorsi Proprji fuq il-bażi tal-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ ta’ snin finanzjarji preċedenti
1.
Fuq il-bażi tad-dikjarazzjonijiet annwali msemmija fl-Artikolu 5, kull Stat Membru għandu, fis-sena ta’ wara dik li fiha din id-dikjarazzjoni kienet ġiet trażmessa, jiġi ddebitat jew kreditat b’ammont ikkalkulat mid-differenza bejn l-ammonti fil-previżjoni għal sena partikolari u d-dikjarazzjoni mal-ammonti reali għal dik l-istess sena.
2.
Għal kull Stat Membru, il-Kummissjoni għandha tikkalkula d-differenza bejn l-ammonti li jirriżultaw mill-aġġustamenti msemmija fil-paragrafu 1 u l-prodott tal-multiplikazzjoni tal-ammonti totali tal-aġġustamenti bil-perċentwal li d-Dħul Gross Nazzjonali ta’ dak l-Istat Membru jirrappreżenta tad-Dħul Nazzjonali Gross tal-Istati Membri kollha, kif applikabbli fil-15 ta’ Jannar għall-baġit fis-seħħ għas-sena ta’ wara dik tal-forniment tad-dejta għall-aġġustamenti (l-“ammont nett”).
Għall-finijiet ta' dan il-kalkolu, l-ammonti għandhom jiġu kkonvertiti bejn il-munita nazzjonali u l-euro bir-rati tal-kambju tal-aħħar jum ta' kwotazzjoni tas-sena tal-kalendarju li tiġi qabel is-sena tad-dħul fil-kontijiet, kif ippubblikati f'Il-Ġurnal Uffiċjali tal-Unjoni Ewropea, is-serje C.
Il-Kummissjoni għandha tinforma lill-Istati Membri dwar l-ammonti li jirriżultaw minn dan il-kalkolu qabel l-1 ta' Frar tas-sena ta' wara dik tal-forniment tad-dejta għall-aġġustamenti. Kull Stat Membru għandu jdaħħal l-ammont nett fil-kont imsemmi fl-Artikolu 9(1) tar-Regolament (UE, Euratom) Nru 609/2014 fl-ewwel jum tax-xogħol ta' Ġunju tal-istess sena.
3.
Kwalunkwe korrezzjonijiet jew aġġustamenti wara spezzjonijiet mad-dikjarazzjonijiet imsemmija fl-Artikolu 5 għal snin finanzjarji preċedenti għandhom jagħtu lok għal aġġustament partikolari tad-dħul fil-kont imsemmi fl-Artikolu 9(1) tar-Regolament (UE, Euratom) Nru 609/2014. Dan l-aġġustament għandu jsir disponibbli fid-data speċifikata mill-Kummissjoni.
4.
Wara l-31 ta’ Lulju tas-sitt sena wara sena finanzjarja partikolari, kwalunkwe tibdil ma għandux jibqa' jiġi kkunsidrat, ħlief fuq punti nnotifikati f'dan il-limitu ta' żmien jew mill-Kummissjoni jew mill-Istat Membru.
5.
L-operazzjonijiet imsemmija f’dan l-Artikolu jikkostitwixxu operazzjonijiet ta’ introjtu fir-rigward tas-sena finanzjarja li fiha jridu jiddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014.
Artikolu 14
L-antiċipazzjoni tal-wieħed minn tnax
Għall-ħtiġijiet speċifiċi tal-ħlas għan-nefqa [tal-FAEG skont ir-Regolament (UE) Nru 1307/2013 tal-Parlament Ewropew u tal-Kunsill,] u skont il-pożizzjoni ta’ flus kontanti tal-Unjoni, l-Istati Membri jistgħu jiġu mistiedna mill-Kummissjoni biex iressqu ‘l quddiem, sa xahrejn fl-ewwel kwart tas-sena finanzjarja, id-dħul ta’ wieħed minn tnax, jew frazzjoni minnu, tal-ammonti fil-baġit għar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ.
Soġġett għat-tielet subparagrafu, għall-ħtiġijiet speċifiċi tal-ħlas għan-nefqa [tal-FAEG skont ir-Regolament (UE) Nru 1303/2013 tal-Parlament Ewropew u tal-Kunsill,] u skont il-pożizzjoni ta’ flus kontanti tal-Unjoni, l-Istati Membri jistgħu jiġu mistiedna mill-Kummissjoni biex iressqu 'l quddiem, fl-ewwel sitt xhur tas-sena finanzjarja, id-dħul ta’ wieħed minn tnax addizzjonali, jew frazzjoni minnu, tal-ammonti fil-baġit għar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ.
L-ammont totali li l-Istati Membri jistgħu jiġu mistiedna mill-Kummissjoni biex iressqu 'l quddiem fl-istess xahar skont l-ewwel u t-tieni subparagrafi ma għandu, f'ebda każ, jeċċedi ammont li jikkorrispondi għal żewġ partijiet addizzjonali minn tnax.
Wara l-ewwel sitt xhur, id-dħul rikjest ta’ kull xahar ma jistax jeċċedi wieħed minn tnax tar-Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ, filwaqt li jibqa’ fil-limitu tal-ammonti mdaħħla fil-baġit għal dak l-iskop.
Il-Kummissjoni għandha tinnotifika lill-Istati Membri dwar dan bil-quddiem, mhux aktar tard minn ġimagħtejn qabel id-dħul rikjest skont l-ewwel u t-tieni subparagrafi.
Il-Kummissjoni għandha tinnotifika lill-Istati Membri bil-quddiem ħafna, u mhux aktar tard minn sitt ġimgħat qabel id-dħul rikjest skont it-tieni subparagrafu, bl-intenzjoni tagħha li jintalab tali dħul.
Il-paragrafu 4 tal-Artikolu 11, li jirrigwarda l-ammont li għandu jiddaħħal f'Jannar ta' kull sena, u l-paragrafu 5 tal-Artikolu 11, applikabbli jekk il-baġit ma jkunx għadu ġie finalment adottat qabel il-bidu tas-sena finanzjarja, għandhom ikunu applikabbli għal dan id-dħul antiċipat.
Artikolu 15
Imgħax fuq l-ammonti li jitqiegħdu għad-dispożizzjoni tard
1.
Kwalunkwe dewmien fid-dħul ta’ Riżorsi Proprji bbażati fuq l-Iskema għall-Iskambju ta' Kwoti tal-Emissjonijiet tal-Unjoni Ewropea fil-kont imsemmi fl-Artikolu 9(1) tar-Regolament (UE, Euratom) Nru 609/2014 għandu jagħti bidu għal pagament ta’ imgħax mill-Istat Membru kkonċernat.
2.
Għal Riżorsi Proprji bbażati fuq il-Bażi Komuni Konsolidata tat-Taxxa Korporattiva u l-Iskart tal-Plastik mill-imballaġġ li ma jiġix riċiklat, l-imgħax għandu jkun pagabbli biss fir-rigward ta’ dewmien biex jiddaħħlu l-ammonti li ġejjin:
(a)
l-ammonti msemmija fl-Artikolu 11;
(b)
l-ammonti li jirriżultaw mill-kalkolu msemmi fl-ewwel paragrafu tal-Artikolu 13, fil-mument speċifikat fit-tielet subparagrafu tat-tieni paragrafu tiegħu;
(c)
l-ammonti li jirriżultaw minn aġġustamenti partikolari msemmija fl-Artikolu 13(3);
(d)
ammonti li jirriżultaw minn nuqqas ta’ Stat Membru li jipprovdi d-data; l-imgħax fuq l-aġġustamenti li jirriżultaw mill-korrezzjonijiet minħabba dak in-nuqqas, għandhom jiġu kkalkulati mill-ewwel jum tax-xogħol ta' Ġunju tas-sena ta' wara dik meta tkun għaddiet l-iskadenza ffissata mill-Kummissjoni.
3.
L-irkupru ta' ammonti ta' mgħax li jkunu inqas minn EUR 500 għandu jiġi rrinunzjat.
4.
L-imgħax għandu jiġi impost fuq ir-rati u l-kundizzjonijiet previsti fl-Artikolu 12(4) u (5) tar-Regolament (UE, Euratom) Nru 609/2014.
5.
Għall-ħlas tal-imgħax imsemmi fil-paragrafi 1 u 2 ta' dan l-Artikolu, l-Artikolu 9(2) u (3) tar-Regolament (UE, Euratom) Nru 609/2014 għandu japplika mutatis mutandis.
Kapitolu V
Immaniġġar tar-riżorsi ta’ flus kontanti
Artikolu 16
Il-ħtiġijiet għall-immaniġġar tar-riżorsi ta’ flus kontanti u l-eżekuzzjoni ta’ ordnijiet ta’ ħlas
L-Artikolu 14 u 15 tar-Regolament (UE, Euratom) Nru 609/2014 għandu japplika mutatis mutandis għar-Riżorsi Proprji msemmija fl-Artikolu 2(1)(c), (d) u (e) tad-Deċiżjoni 20xx/xxxx/UE, Euratom.
Kapitolu VI
Dispożizzjonijiet finali
Artikolu 17
Il-proċedura tal-kumitat
1.
Il-Kummissjoni għandha tkun assistita mill-Kumitat Konsultattiv dwar ir-Riżorsi Proprji stabbilit bl-Artikolu 9 tar-Regolament (UE, Euratom) Nru 20xx/xxxx. Dan il-kumitat għandu jkun kumitat skont it-tifsira tar-Regolament (UE) Nru 182/2011.
2.
Fejn issir referenza għal dan il-paragrafu, għandu jkun applikabbli l-Artikolu 4 tar-Regolament (UE) Nru 182/2011.
Artikolu 18
Id-dispożizzjonijiet tranżizzjonali
1.
Ir-Riżorsa Proprja msemmija fl-Artikolu 2(1)(c) tad-Deċiżjoni 20xx/xxxx/UE, Euratom għandha tiġi kkalkulata u ssir disponibbli sa mid-data msemmija fil-ħames paragrafu tal-Artikolu 9 ta’ dik id-Deċiżjoni. L-Istati Membri għandhom jipprovdu l-ewwel previżjoni għal dik ir-Riżorsa Proprja għall-ewwel sena ta’ applikazzjoni tad-dispożizzjonijiet dwar ir-Riżorsa Proprja sal-15 ta’ April tas-sena ta’ qabel.
2.
Qabel l-aħħar jum tax-xahar wara d-dħul fis-seħħ, kull Stat Membru għandu jipprovdi lill-Kummissjoni b’kalkolu skont l-Artikolu 8 għall-perjodu minn Jannar 2021 sa xahar qabel id-dħul fis-seħħ ta’ dan ir-Regolament. Għall-bqija tax-xhur tas-sena tad-dħul fis-seħħ ta’ dan ir-Regolament u s-sena li ssegwi, il-previżjoni tal-ammont ta’ Riżorsa Proprja msemmija fl-Artikolu 2(1)(d) tad-Deċiżjoni 20xx/xxxx/UE, Euratom għandha tiġi pprovduta sal-aħħar jum tax-xahar ta’ wara d-dħul fis-seħħ ta’ dan ir-Regolament.
3.
Qabel l-aħħar ġurnata tax-xahar wara d-dħul fis-seħħ ta’ dan ir-Regolament, kull Stat Membru għandu jipprovdi lill-Kummissjoni b’dikjarazzjoni annwali bl-ammont ta’ Riżorsi Proprji msemmija fl-Artikolu 2(1)(e) tad-Deċiżjoni 20xx/xxxx/UE, Euratom għal kwalunkwe sena mill-2021 ’il quddiem meta d-dejta statistika tkun disponibbli sabiex twettaq il-kalkolu msemmi fl-Artikolu 9 ta’ dan ir-Regolament. Għall-bqija tas-snin sas-sena wara d-dħul fis-seħħ il-previżjoni tal-ammont ta’ Riżorsa Proprja msemmija fl-Artikolu 2(1)(e) tad-Deċiżjoni 20xx/xxxx/UE, Euratom għandha tiġi pprovduta sal-aħħar jum tax-xahar ta’ wara d-dħul fis-seħħ ta’ dan ir-Regolament.
Artikolu 19
Dħul fis-seħħ
Dan ir-Regolament għandu jidħol fis-seħħ fil-jum tad-dħul fis-seħħ tad-Deċiżjoni 20xx/xxxx/UE, Euratom.
Huwa għandu japplika mill-1 ta’ Jannar 2021.
Id-dispożizzjonijiet ta’ dan ir-Regolament għandhom japplikaw għar-Riżorsa Proprja bbażati fuq Bażi Komuni Konsolidata tat-Taxxa Korporattiva mill-1 ta’ Jannar tat-tieni sena wara d-data ta’ applikazzjoni tad-dispożizzjonijiet nazzjonali li jittrasponu d-Direttiva tal-Kunsill dwar Bażi Komuni Konsolidata tat-Taxxa Korporattiva.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Kunsill
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/INIZJATTIVA
1.1.Titlu tal-proposta / inizjattiva
1.2.Qasam/oqsma ta’ politika kkonċernat(i) fl-istruttura ABM/ABB
1.3.Natura tal-proposta / inizjattiva
1.4.Għan(ijiet)
1.5.Raġunijiet għall-proposta / inizjattiva
1.6.Tul taż-żmien u impatt finanzjarju
1.7.Modi ta’ ġestjoni ppjanati
2.MIŻURI TA’ ĠESTJONI
2.1.Regoli ta’ monitoraġġ u rapportar
2.2.Sistema ta’ ġestjoni u kontroll
2.3.Miżuri ta’ prevenzjoni mill-frodi u mill-irregolaritajiet
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura/i tal-qafas finanzjarju pluriennali u linja/i tal-baġit tan-nefqa affettwati
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet operazzjonali
3.2.3.Impatt stmat fuq l-approprjazzjonijiet ta’ natura amministrattiva
3.2.4.Kompatibbiltà mal-qafas finanzjarju pluriennali attwali
3.2.5.Kontribuzzjonijiet tat-terza persuna
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA / INIZJATTIVA
1.1.Titlu tal-proposta/inizjattiva
Proposta għal Regolament tal-Kunsill dwar il-metodi u l-proċedura għad-disponibbiltà tar-riżorsi proprji bbażati fuq Bażi Komuni Konsolidata tat-Taxxa Korporattiva, fuq l-Iskema għall-Iskambju ta’ Kwoti tal-Emissjonijiet tal-Unjoni Ewropea u fuq l-Iskart tal-Plastik mill-imballaġġ li mhux riċiklat, u fuq il-miżuri biex jintlaħqu l-miżuri ta’ flus kontanti.
il-Proposta għal Regolament tal-Kunsill li jistabbilixxi miżuri li jimplimentaw is-sistema tar-Riżorsi Proprji tal-Unjoni Ewropea
Proposta għal Regolament tal-Kunsill li jemenda r-Regolament tal-Kunsill (KEE, EURATOM) Nru 1553/89 dwar l-arranġamenti uniformi definittivi għal ġbir ta’ Riżorsi Proprji derivati mit-Taxxa fuq il-Valur Miżjud.
1.2.Qasam/oqsma ta’ politika kkonċernat(i) fl-istruttura ABM/ABB
Dħul tal-baġit tal-UE (Titolu 1, Riżorsi Proprji)
1.3.Natura tal-proposta/inizjattiva
☑Il-proposta / L-inizjattiva hija dwar azzjoni ġdida
◻ Il-proposta / L-inizjattiva hija relatata ma' azzjoni ġdida li ssegwi proġett pilota / azzjoni preparatorja
◻ Il-Proposta / L-inizjattiva hija relatata mal-estensjoni ta' azzjoni eżistenti
◻ Il-proposta / L-inizjattiva hija dwar azzjoni diretta mill-ġdid lejn azzjoni ġdida
1.4.Għan(ijiet)
1.4.1.L-għan(ijiet) strateġiku/ċi pluriennali tal-Kummissjoni fil-mira tal-proposta / inizjattiva
Id-diversifikazzjoni fuq in-naħa tad-dħul tal-baġit tal-UE ma’ basket ta’ Riżorsi Proprji mibnija fuq il-komplimentarjetajiet biex tissaħħaħ il-koerenza fiskali, ir-reżiljenza u s-sens ta’ ġustizzja u biex jiffinanzjaw id-distakk tal-finanzjament li jirriżulta mill-irtirar tar-Renju Unit mill-Unjoni.
1.4.2.Objettiv(i) speċifiku/speċifiċi u l-attività/attivitajiet ABM/ABB ikkonċernata/i
Għan speċifiku Nru
Ma japplikax
Attività / attivitajiet ABM / ABB ikkonċernata/i
Titolu 1: Riżorsi proprji
1.4.3.Riżultat(i) u impatt mistennija
Speċifika l-effetti li l-proposta / inizjattiva jenħtieġ tħalli fuq il-benefiċjarji/gruppi fil-mira.
Basket ta’ Riżorsi Proprji ġodda se jipprovdi dħul ġdid għall-baġit tal-UE, u jpoġġu lura Riżorsi Proprji ġenwini billi jorbtuhom ma’ politiki ewlenin tal-UE (it-tibdil fil-klima, il-politika dwar l-ambjent, l-istrateġija tal-plastik, l-ekonomija ċirkolari, is-Suq Uniku) kif ukoll il-finanzjament tad-diskrepanza fil-finanzjament li tirriżulta mill-irtirar tar-Renju Unit mill-Unjoni.
Permezz ta’ basket ta’ Riżorsi Proprji, il-kompożizzjoni min-naħa tad-dħul tal-baġit tal-UE tkun aktar qrib tal-istruttura tal-baġits nazzjonali.
1.4.4.Indikaturi tar-riżultati u tal-impatt
Speċifika l-indikaturi għall-monitoraġġ tal-implimentazzjoni tal-proposta/inizjattiva.
Din il-proposta għandha tipprovdi l-qafas biex ikun disponibbli f’waqtu u b’mod korrett il-baġit tal-UE tar-rata standard tat-Taxxa fuq il-Valur Miżjud (Value Added Tax, VAT), il-Bażi Komuni Konsolidata tat-Taxxa Korporattiva (BKKTK), l-Iskema tal-UE għall-Iskambju ta’ Kwoti tal-Emissjonijiet (Emissions Trading System, ETS) u r-Riżorsi Proprji bbażati fuq l-Iskart tal-plastik mill-imballaġġ .
1.5.Raġunijiet għall-proposta/inizjattiva
1.5.1.Rekwiżit(i) li jrid(u) jiġi/u ssodisfat(i) fit-terminu ta’ żmien qasir jew twil
Ir-regoli għat-tqegħid għad-dispożizzjoni tal-baġit tal-UE għar-rata standard tal-VAT, il-BKKTK, ETS u Riżorsi Proprji bbażati fuq l-iskart tal-imballaġġ tal-plastik għandhom jiġu miftiehma fil-ħin biex tiġi żgurata l-implimentazzjoni f’waqtha ta’ basket dwar ir-Riżorsi Proprji l-ġodda.
1.5.2.Il-valur miżjud tal-involviment tal-UE
1.5.3.Lezzjonijiet miksuba minn esperjenzi simili fil-passat
Dawn il-proposti huma marbuta mad-Deċiżjoni dwar ir-Riżorsi Proprji u skont ir-Regolament tal-Kunsill Nru 609/2014. Flimkien, dawn il-proposti jiċċaraw l-interazzjoni bejn id-dispożizzjonijiet dwar ir-Riżorsi Proprji u l-atti leġiżlattivi dwar il-VAT, il-BKKTK, l-ETS u tal-Iskart tal-plastik mill-imballaġġ.
1.5.4.Kompatibbiltà u sinerġija possibbli ma’ strumenti adattati oħrajn
1.6.Tul taż-żmien u impatt finanzjarju
◻Proposta / inizjattiva ta’ durata limitata
–◻Proposta / inizjattiva fis-seħħ minn [JJ/XX]SSSS sa [JJ/XX]SSSS
–◻Impatt finanzjarju minn SSSS sa SSSS
☑Proposta / inizjattiva ta’ durata mhux limitata
–Implimentazzjoni b’perjodu tal-bidu mill-01/01/2020 sal-31/12/2020,
–segwita minn operazzjoni fuq skala sħiħa mill-1/1/2021.
1.7.Modi ta’ ġestjoni ppjanati
☑Ġestjoni diretta mill-Kummissjoni
–☑ mid-dipartimenti tagħha, inkluż il-persunal tagħha fid-delegazzjonijiet tal-Unjoni;
–◻ mill-aġenziji eżekuttivi
◻Ġestjoni kondiviża mal-Istati Membri
◻Ġestjoni indiretta billi l-kompiti tal-implimentazzjoni baġitarja jiġu inkarigati lil:
–◻pajjiżi terzi jew il-korpi maħtura minnhom;
–◻organizzazzjonijiet internazzjonali u l-aġenziji tagħhom (iridu jiġu speċifikati);
–◻il-BEI u l-Fond Ewropew tal-Investiment;
–◻il-korpi li jissemmew fl-Artikoli 208 u 209 tar-Regolament Finanzjarju;
–◻ korpi tal-liġi pubblika;
–◻ korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;
–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;
–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat iżjed minn mod wieħed ta’ ġestjoni, ipprovdi d-dettalji fit-taqsima “Kummenti”.
Kummenti
2.MIŻURI TA’ ĠESTJONI
2.1.Regoli ta’ monitoraġġ u rapportar
Speċifika l-frekwenza u l-kundizzjonijiet.
Id-dispożizzjonijiet għall-monitoraġġ u r-rappurtar fir-rigward tat-tqegħid għad-dispożizzjoni tar-rata standard tal-VAT, il-BKKTK, l-ETS u Iskart tal-plastik mill-imballaġġ fuq il-bażi tar-Riżorsi Proprji jinstabu fil-Proposta għal Regolament tal-Kunsill li jistabbilixxi miżuri ta’ implimentazzjoni għas-sistema tar-riżorsi proprji tal-Unjoni Ewropea.
2.2.Sistema ta’ ġestjoni u kontroll
2.2.1.Riskju/i identifikat(i)
Ir-riskji potenzjali ewlenin jinkludu: l-istabbiliment mhux korrett bir-rata standard tal-VAT, BKKTK, ETS u l-Iskart tal-plastik mill-imballaġġ ibbażati fuq ir-Riżorsi Proprji, dħul żbaljat fil-kontijiet, dewmien fit-tqegħid għad-dispożizzjoni tar-riżorsa, u żbalji tal-kontabilità.
2.2.2.Informazzjoni dwar it-twaqqif tas-sistema tal-kontroll intern
Huma previsti metodi ta’ kontroll fil-proposta, li jinkludu wkoll dispożizzjonijiet speċifiċi dwar il-kooperazzjoni amministrattiva u l-proċedura tal-komitoloġija.
2.2.3.L-ispejjeż u l-benefiċċji stmati tal-kontrolli u l-valutazzjoni tal-livell mistenni tar-riskju ta’ żbalji
CF. 2.2.1 u 2.2.2 hawn fuq.
2.3.Miżuri ta’ prevenzjoni mill-frodi u mill-irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti.
Dispożizzjonijiet dwar il-kontroll u s-superviżjoni għall-kalkolu tar-rata standard tal-VAT, il-BKKTK, l-ETS u l-Iskart tal-plastik mill-imballaġġ ibbażati fuq ir-Riżorsi Proprji huma inklużi fir-Regolamenti tal-Kunsill akkumpanjanti.
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura/i tal-qafas finanzjarju pluriennali u linja/i tal-baġit tan-nefqa affettwati
Mhux applikabbli. Il-proposta ġdida dwar ir-Riżorsi Proprji m’għandhiex twassal għal rekwiżiti ta’ riżorsi umani addizzjonali.
3.2.Impatt stmat fuq id-dħul
–◻ Il-proposta / L-inizjattiva ma għandhiex impatt finanzjarju fuq id-dħul.
–☑ Il-proposta / L-inizjattiva għandha l-impatt finanzjarju li ġej:
–☑ fuq ir-Riżorsi Proprji
–◻ fuq dħul mixxellanju
biljuni ta’ EUR
Linja tad-dħul tal-baġit:
|
Approprjazzjonijiet disponibbli għas-sena finanzjarja attwali
|
|
|
|
|
|
Sena
2021
|
Sena
2022
|
Sena
2023
|
Sena
2024
|
Sena
2025
|
Sena
2026
|
Sena
2027
|
Riżorsa Proprja bbażata fuq il-ING
|
102.7
|
101.5
|
104.7
|
101.2
|
102.6
|
104.0
|
105.5
|
107.0
|
Riżorsi Proprji Tradizzjonali
|
22.8
|
24.0
|
24.7
|
25.5
|
26.4
|
27.2
|
28.1
|
28.9
|
Riżorsa Proprja bbażata fuq il-VAT
|
17.2
|
22.4
|
23.1
|
23.8
|
24.6
|
25.4
|
26.3
|
27.1
|
Riżorsa Proprja bbażata fuq il-BKKTK
|
-
|
-
|
-
|
15.3
|
15.8
|
16.4
|
16.9
|
17.5
|
Riżorsa Proprja bbażata fuq l-ETS
|
-
|
3.0
|
3.0
|
3.0
|
3.0
|
3.0
|
3.0
|
3.0
|
Riżorsa Proprja bbażata fuq il-Plastik
|
-
|
6.6
|
6.6
|
6.6
|
6.7
|
6.7
|
6.7
|
6.6
|
Għal dħul mixxellanju “assenjat”, speċifika l-linja/i tal-baġit tan-nefqa affettwati.
Speċifika l-metodu għall-kalkolu tal-impatt fuq id-dħul.
Cfr. Metodu għall-kalkolu ta’ kull Riżorsa Proprja fid-”Dokument ta' Ħidma tal-Persunal tal-Kummissjoni Finanzjament tal-baġit tal-UE: rapport dwar it-tħaddim tas-sistema tar-Riżorsi Proprji ":
Rata standard tar-Riżorsa Proprja tal-VAT
p. 22
Riżorsa Proprja bbażata fuq il-BKKTK
p. 25
Riżorsa Proprja bbażata fuq l-ETS
p. 27
Riżorsa Proprja bbażata fuq l-Iskart tal-Plastik mill-Imballaġġ
p. 28