This document is an excerpt from the EUR-Lex website
Document 52018M9095
Prior notification of a concentration (Case M.9095 — UPL/Arysta LifeScience) (Text with EEA relevance.)
Notifika minn qabel ta’ konċentrazzjoni (Il-Każ M.9095 — UPL/Arysta LifeScience) (Test b'rilevanza għaż-ŻEE.)
Notifika minn qabel ta’ konċentrazzjoni (Il-Każ M.9095 — UPL/Arysta LifeScience) (Test b'rilevanza għaż-ŻEE.)
ĠU C 454, 17.12.2018, p. 23–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.12.2018 |
MT |
Il-Ġurnal Uffiċjali tal-Unjoni Ewropea |
C 454/23 |
Notifika minn qabel ta’ konċentrazzjoni
(Il-Każ M.9095 — UPL/Arysta LifeScience)
(Test b'rilevanza għaż-ŻEE)
(2018/C 454/08)
1.
Fis-7 ta’ Diċembru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
— |
United Phosphorus Corporation Ltd, sussidjarja li hija proprjetà kollha kemm hi ta’ United Phosphorus Ltd (“UPL”, l-Indja) |
— |
Arysta LifeScience Inc. (“Arysta”, l-Istati Uniti tal-Amerika) |
UPL takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Arysta kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:
— |
UPL hija attiva madwar id-dinja fil-manifattura ta’ prodotti għall-ħarsien ta’ pjantaġġuni, sustanzi intermedji, kimiċi ta’ speċjalità u sustanzi kimiċi industrijali oħra, inklużi insettiċidi, fungiċidi, erbiċidi, fumiganti, regolaturi tat-tkabbir tal-pjanti u rodentiċidi. |
— |
Arysta hija fornitur dinji ta’ soluzzjonijiet innovattivi għall-ħarsien tal-uċuħ tar-raba’, inklużi bio-soluzzjonijiet u trattamenti taż-żerriegħa. Arysta tispeċjalizza fl-iżvilupp, il-formulazzjoni, ir-reġistrazzjoni, il-kummerċjalizzazzjoni u d-distribuzzjoni ta’ sustanzi kimiċi għall-ħarsien tal-uċuħ tar-raba’ differenzjati għal varjetà ta’ uċuħ tar-raba’ u applikazzjonijiet. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9095 — UPL/Arysta LifeScience
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu |
Faks +32 22964301 |
Indirizz tal-posta: |
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).