EUR-Lex Access to European Union law
This document is an excerpt from the EUR-Lex website
Document 52014XC0516(01)
Summary of Commission Decision of 26 February 2014 relating to a proceeding under Article 101 of the Treaty on the Functioning of the European Union and Article 53 of the EEA Agreement (Case AT.39398 Visa MIF) (notified under document C(2014) 1199 final)
Sommarju tad-Deċiżjoni tal-Kummissjoni tas-26 ta’ Frar 2014 — Li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE (Kawża AT 39398 Visa MIF) (notifikata bid-dokument C (2014) 1199 final)
Sommarju tad-Deċiżjoni tal-Kummissjoni tas-26 ta’ Frar 2014 — Li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE (Kawża AT 39398 Visa MIF) (notifikata bid-dokument C (2014) 1199 final)
ĠU C 147, 16.5.2014, p. 7–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
16.5.2014 |
MT |
Il-Ġurnal Uffiċjali tal-Unjoni Ewropea |
C 147/7 |
Sommarju tad-Deċiżjoni tal-Kummissjoni
tas-26 ta’ Frar 2014
Li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE
(Kawża AT 39398 Visa MIF)
(notifikata bid-dokument C (2014) 1199 final)
(It-test bl-Ingliż biss huwa awtentiku)
2014/C 147/06
Fis-26 ta’ Frar 2014, il-Kummissjoni adottat deċiżjoni li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim taż-ŻEE. Skont id-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1) , il-Kummissjoni qiegħda hawnhekk tippubblika l-ismijiet tal-partijiet u tal-kontenut prinċipali tad-Deċiżjoni, inkluż kull penalità imposta, fid-dawl tal-interess leġittimu tal-impriżi fil-protezzjoni tas-sigrieti kummerċjali tagħhom.
(1) |
Il-kawża tikkonċerna l-iffissar ta’ tariffi ta’ interskambju miftiehma b’mod multilaterali (“MIFs”) minn Visa Europe Limited (“Visa Europe”), applikabbli għal tranżazzjonijiet Intrareġjonali, għal ċerti tranżazzjonijiet domestiċi (2) u intra-Visa Europe li mhumiex fil-punt tal-bejgħ (“POS”) fiż-ŻEE (3) b’kards ta’ kreditu tal-konsumatur tal-Visa u b’kards ta’ debitu tal-konsumatur tal-Visa u r-regoli li jirrigwardaw l-akkwisti transfruntieri. |
1. TĦASSIB PRELIMINARI DWAR IL-KOMPETIZZJONI
(2) |
Fid-Dikjarazzjoni ta’ Oġġezzjonijiet tagħha tat-3 ta’ April 2009, (“id-Dikjarazzjoni ta’ Oġġezzjonijiet”), il-Kummissjoni waslet għal konklużjoni proviżorja li Visa Europe kisret l-Artikolu 101 tat-Trattat u l-Artikolu 53 tal-Ftehim taż-ŻEE meta stabbilixxiet il-MIFs. |
(3) |
Fit-8 ta’ Diċembru 2010, il-Kummissjoni adottat deċiżjoni skont l-Artikolu 9 tar-Regolament (KE) Nru 1/2003 (“id-deċiżjoni ta’ impenn ta’ debitu”). Id-deċiżjoni għamlet legalment vinkolanti għal erba’ snin għal Visa Europe l-impenji li (i) l-medja peżata tal-MIF applikabbli għal tranżazzjonijiet ta’ debitu tal-konsumatur koperti mill-proċedimenti tiġi llimitata sa 0,20 % u (ii) żżomm u/jew tintroduċi għadd ta’ tibdiliet fir-regoli tan-netwerk tagħhom. |
(4) |
Fid-Dikjarazzjoni Supplimentari ta’ Oġġezzjonijiet tagħha tal-31 ta’ Lulju 2012 (“id-Dikjarazzjoni Supplimentari ta’ Oġġezzjonijiet”) il-Kummissjoni rriformulat u rfinat iktar l-oġġezzjonijiet tagħha fir-rigward ta’ tariffi ta’ interskambju b’mod multilaterali tal-kards ta’ kreditu tal-konsumatur (“MIFs”). Estendiet ukoll l-ambitu tal-proċedimenti għall-applikazzjoni diretta ta’ MIFs Interreġjonali (jew internazzjonali) meta negozjanti jinsabu fiż-ŻEE u mxiet ukoll mal-opinjoni preliminarja li r-regoli tal-Visa Europe dwar l-akkwist transfruntiera kisru l-Artikolu 101 tat-Trattat u l-Artikolu 53 tal-Ftehim taż-ŻEE. |
(5) |
It-tariffi tal-interkambju jitħallsu minn bank kummerċjali (“l-akkwirent”) lill-bank ta’ detentur ta’ kard (“l-emittent”) għal kull tranżazzjoni li tkun saret fi stabbiliment ta’ negozju b’kard tal-ħlas. Meta detentur ta’ kard juża kard tal-ħlas biex jixtri oġġetti jew servizzi mingħand negozjant, in-negozjant iħallas tariffa għas-servizz tan-negozjant lill-akkwirent tiegħu. L-akkwirent iżomm parti minn din it-tariffa (il-marġni tal-akkwirent), parti tingħadda lill-emittent (l-MIF) u parti żgħira tingħadda lill-operatur tal-iskema (f’dan il-każ Visa). Fil-prattika, parti kbira mit-tariffa għas-servizz tan-negozjant hija ddeterminata mill-MIF. |
(6) |
L-evalwazzjoni preliminari uriet it-tħassib li l-MIFs għandhom bħala għan u ukoll bħala effett restrizzjoni sinifikanti tal-kompetizzjoni fis-swieq tal-akkwist b’detriment għan-negozjanti u, indirettament, għall-klijenti tagħhom. L-MIFs jidhru li qed jgħollu l-bażi li fuqha l-akkwirenti jistabbilixxu t-tariffi għas-servizzi tan-negozjant (MSC) billi joħolqu element sostanzjali ta’ spiża li hu komuni għall-akkwirenti kollha. Skont il-Valutazzjoni Preliminari tal-Kummissjoni, l-MIFs ta’ Visa Europe mhumiex oġġettivament bżonnjużi. L-effett restrittiv fis-swieq tal-akkwist qed jiġi msaħħaħ aktar bl-effett tal-MIFs fuq is-swieq tan-netwerk u fuq dawk emittenti kif ukoll b’regoli u prattiki oħrajn tan-netwerk, jiġifieri r-Regola li għandek tonora l-Kards Kollha (Honour All Cards Rule - “HACR”), Regola tal-Ebda Diskriminazzjoni (No Discrimination Rule - “NDR”), il-fużjoni (4) u s-segmentazzjoni ta’ swieq tal-akkwist minħabba regoli li jirrestrinġu l-akkwist transfruntier (5). Barra minn hekk, skont id-Dikjarazzjoni ta’ Oġġezzjonijiet u d-Dikjarazzjoni Supplimentari ta’ Oġġezzjonijiet, l-MIFs ma jissodisfawx ir-rekwiżiti għal eżenzjoni skont l-Artikolu 101(3) tat-Trattat billi jipprovdu titjib fl-effiċjenza filwaqt li jgħaddu sehem ġust tal-benefiċċji li jirriżultaw minnhom lill-konsumatur. |
(7) |
Fis-sistema tal-Visa Europe, akkwirenti transfruntieri huma soġġetti għal regola ta’ mandat għall-applikazzjoni tal-MIFs li huma applikabbli fil-pajjiż tat-tranżazzjoni. Skont din ir-regola, akkwirenti transfruntieri għandhom japplikaw bħala awtomatiċi il-MIFs speċifiċi tal-Pajjiż jew il-MIFs Intrareġjonali jew il-MIFs domestiċi rreġistrati. Membri tal-ħruġ u tal-akkwist tal-Visa fil-pajjiż tat-tranżazzjoni u akkwirenti transfruntieri jistgħu jiddevjaw minn MIFs domestiċi jew MIFs speċifiċi tal-Pajjiż billi jikkonkludu ftehim bilaterali li jinvolvi tariffi baxxi jew tal-interkambju. Madankollu, akkwirenti transfruntieri huma soġġetti li jkunu fi żvantaġġ jekk iridu jidħlu fi ftehim bilaterali ta’ dan it-tip, għax x’aktarx ma jkollhomx rabtiet b’saħħithom ma’ emittenti domestiċi F’pajjiżi fejn hemm ftehim bilaterali sinifikanti li jinvolvi akkwirenti domestiċi, akkwirenti transfruntieri tipikament ikollhom japplikaw il-MIFs għoljin speċifiċi tal-Pajjiż jew il-MIFs Intrareġjonali jew il-MIFs domestiċi rreġistrati. Din ir-regola hija kkunsidrata wkoll bħala restrizzjoni fuq il-prezz u waħda territorjali u skont l-għan jew l-effett, li tfixkel l-akkwirenti f’pajjiżi fejn il-MIF hija iktar baxxa biex toffri s-servizzi tagħhom f’pajjiżi oħrajn bi prezzijiet li jirriflettu l-MIFs baxxi tagħhom. Fid-dawl tal-objettiv tal-ksib ta’ suq intern fi ħlasijiet, din hija restrizzjoni serja ħafna li ma tidhirx iġġustifikata. Diviżjoni artifiċjali bħal din tas-swieq tal-akkwist hija ta’ ħsara għall-konsumaturi, billi n-negozjanti huma obbligati jħallsu prezzijiet ogħla għal servizzi tal-akkwist. Għalhekk il-Kummissjoni adottat l-opinjoni preliminari fid-Dikjarazzjoni Supplimentari ta’ Oġġezzjonijiet li l-objettiv u l-kontenut ta’ din ir-regola għandhom iżommu d-diviżjoni tas-swieq nazzjonali billi jillimitaw il-kompetizzjoni tad-dħul u tal-prezzijiet minn akkwirenti transfruntieri. |
2. DEĊIŻJONI TA’ IMPENN
(8) |
Fl-10 ta’ Mejju 2013 Visa Europe offriet impenji skont l-Artikolu 9 tar-Regolament (KE) Nru 1/2003 biex ittaffi t-tħassib tal-Kummissjoni dwar il-kompetizzjoni. |
(9) |
Fl-14 ta’ Ġunju 2013, ġie ppubblikat avviż f’Il-Ġurnal Uffiċjali tal-Unjoni Ewropea skont l-Artikolu 27(4) tar-Regolament (KE) Nru 1/2003, li jagħti taqsira tal-kawża u tal-impenji proposti u li jistieden lill-partijiet terzi interessati jagħmlu l-osservazzjonijiet tagħhom dwar l-impenji fi żmien xahar mill-pubblikazzjoni. Fit-30 ta’ Awwissu 2013, il-Kummissjoni kkomunikat lil Visa Europe l-osservazzjonijiet li waslu mill-partijiet terzi interessati wara l-pubblikazzjoni tal-avviż. Fil-5 ta’ Novembru 2013, Visa Europe ressqet verżjoni riveduta tal-impenji tagħha. |
(10) |
Permezz tad-Deċiżjoni tagħha tat-26 ta’ Frar 2014, skont l-Artikolu 9 tar-Regolament (KE) Nru 1/2003, il-Kummissjoni rendiet dawn l-impenji riveduti bħala vinkolanti fuq Visa Europe għal erba’ snin. Il-kontenut ewlieni tal-impenji huwa miġbur fil-qosor hawn taħt:
|
(11) |
Visa Europe jkollha taħtar Fiduċjarju ta’ Monitoraġġ biex jissorvelja l-konformità ta’ Visa Europe mal-impenji tagħha. Qabel il-ħatra, il-Kummissjoni jkollha s-setgħa li tapprova jew li tirrifjuta l-Fiduċjarju propost. |
(12) |
L-impenji se jkunu validi għal perjodu ta’ erba’ snin mid-data tan-notifika tad-deċiżjoni ta’ impenn lil Visa Europe. |
(13) |
Il-limitu pprovdut fl-impenji, għall-medja ppeżata tal-MIFs ġie vvalutat skont il-MIT (Merchant Indifference Test). Id-deċiżjoni ssib li l-impenji huma xierqa u meħtieġa biex jindirizzaw it-tħassib identifikat mid-Dikjarazzjoni tal-Oġġezzjonijiet u mid-Dikjarazzjoni Supplimentari tal-Oġġezzjonijiet mingħajr ma jkunu sproporzjonati. |
(14) |
Il-Kumitat Konsultattiv fil-Qasam tal-Prattiki Restrittivi u Pożizzjonijiet Dominanti ħareġ opinjoni favorevoli dwar l-adozzjoni tad-deċiżjoni fis-17 ta’ Frar 2014. Fid-19 ta’ Frar 2014 l-Uffiċjal tas-Seduta ħareġ ir-rapport finali tiegħu. |
(15) |
Id-deċiżjoni temmet il-proċedimenti f’dak li jirrigwarda t-tariffi tal-Kreditu Intra-ŻEE tal-iskambji miftiehma b’mod multilaterali tal-Visa Europe, MIFs tal-Kreditu Domestiċi stabbiliti minn Visa Europe, MIFs ta’ Kreditu Intra-Visa Europe Mhux fiż-ŻEE u MIFs ta’ Debitu, MIFs Internazzjonali u r-regola ta’ Visa Europe fuq il-MIF applikabbli fil-każ ta’ akkwist transfruntier. |
(16) |
Madankollu, id-deċiżjoni, ma’ tkoprix il-MIFs stabbiliti minn Visa Inc. u l-Assoċjazzjoni tas-Servizz Internazzjonali tal-Visa li l-Kummissjoni se tkompli tinvestiga. |
(2) Attwalment dan iseħħ fil-Belġju, l-Ungerija, l-Islanda, l-Irlanda, l-Italja, il-Lussemburgu, Malta, il-Pajjiżi l-Baxxi, il-Latvja u l-Isvezja.
(3) Dawn huma tranżazzjonijiet imwettqa minn negozjanti li jinsabu fiż-ŻEE b’kards tal-konsumatur tal-Visa maħruġa f’pajjiżi mhux taż-ŻEE fit-territorju tal-Visa Europe. It-territorju Visa Europe jinkludi ż-ŻEE, Andorra, il-Gżejjer Faeroe, il-Groenlandja, l-Iżrael, Monako, San Marino, il-Gżejjer Svalbard u Jan Mayen, l-Isvizzera, it-Turkija u l-Belt tal-Vatikan.
(4) L-HACR hija regola ta’ sistema tal-Visa li tobbliga negozjanti li aċċettaw b’kuntratt il-ħlasijiet b’marka ta’ kard partikolari (pereżempju, VISA, VISA Electron jew V PAY) biex jaċċettaw il-kards kollha ppreżentati kif xieraq ta’ marka bħal din mingħajr diskriminazzjoni u mingħajr ma jingħata kas tal-identità tal-bank emittenti jew tat-tip tal-kard f’dik il-marka. L-NDR hija regola ta’ sistema tal-Visa li tipprevjeni nogozjanti milli jżidu soprataxxi għal tranżazzjonijiet b’kards tal-ħlas VISA, VISA Electron jew VPAY, sakemm il-liġi lokali tirrikjedi espressament li negozjant jitħalla jimponi soprataxxa. Il-fużjoni hija prattika li biha akkwirenti jitolbu imposta lin-negozjanti l-istess MSC għall-aċċettazzjoni ta’ kards tal-ħlas differenti tal-istess skema ta’ ħlas (pereżempju, VISA debitu u kreditu) jew għall-aċċettazzjoni ta’ kards tal-ħlas li jappartjenu għal skemi ta’ kards tal-ħlas differenti (pereżempju, kards tal-Kreditu VISA u MasterCard). Fil-Valutazzjoni Preliminari tagħha li dawk ir-regoli u l-prattiki jnaqqsu l-kapaċità tan-negozjanti biex jillimitaw l-eżerċizzju kollettiv tas-saħħa fis-suq tal-membri tal-Visa Europe permezz tal-MIF, u b’hekk jissaħħu l-effetti ta’ kontra l-kompetizzjoni tal-MIF.
(5) L-akkwist transfruntier huwa l-attività mwettqa minn akkwirenti li jimmiraw għal tfittix ta’ klijenti għal aċċettazzjoni u li jgħixu f’pajjiż taż-ŻEE differenti minn dak fejn l-akkwirent huwa stabbilit.
(6) It-territorju Visa Europe jinkludi ż-ŻEE, Andorra, il-Gżejjer Faeroe, il-Groenlandja, l-Iżrael, Monako, San Marino, il-Gżejjer Svalbard u Jan Mayen, l-Isvizzera, it-Turkija u l-Belt tal-Vatikan.