This document is an excerpt from the EUR-Lex website
Document 52014SC0150
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT Accompanying the document Proposal of a REGULATION OF THE EUROPEAN PARLIAMENT AND OF THE COUNCIL on appliances burning gaseous fuels
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT li jakkumpanja d-dokument Proposta ta’ REGOLAMENT TAL-PARLAMENT EWROPEW U TAL-KUNSILL rigward apparati li jużaw il-fjuwils gassużi
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT li jakkumpanja d-dokument Proposta ta’ REGOLAMENT TAL-PARLAMENT EWROPEW U TAL-KUNSILL rigward apparati li jużaw il-fjuwils gassużi
SWD/2014/0150 final - 2014/0136 (COD)
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT li jakkumpanja d-dokument Proposta ta’ REGOLAMENT TAL-PARLAMENT EWROPEW U TAL-KUNSILL rigward apparati li jużaw il-fjuwils gassużi /* SWD/2014/0150 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT li jakkumpanja d-dokument Proposta ta’
REGOLAMENT TAL-PARLAMENT EWROPEW U TAL-KUNSILL rigward apparati li jużaw
il-fjuwils gassużi 1. Definizzjoni tal-Problema Minkejja t-tħaddim b’suċċess
tad-Direttiva dwar l-Apparati tal-Gass 2009/142/KE (GAD), hemm kunsens
ġenerali li teħtieġ ċertu titjib. Din
kienet ukoll l-fehma tal-maġġoranza ta’ dawk li wieġbu
għall-Konsultazzjoni Pubblika (2011-2012). Kemm il-Konsultazzjoni Pubblika kif ukoll
l-Istudju ta’ Valutazzjoni tal-Impatt (2012) xeħtu enfasi qawwija fuq
l-identifikazzjoni ta’ problemi reali potenzjali u l-kawżi tagħhom. L-analiżi profonda tad-dejta kollha
għad-dispożizzjoni u l-bidliet proposti wrew li ma kien hemm ebda
evidenza disponibbli li tiġġustifika l-espansjoni tal-kamp ta’
applikazzjoni għal raġunijiet ta’ sikurezza. Rigward il-funzjonament
tas-suq intern, ma setgħet tiġi identifikata ebda problema
speċifika assoċjata ma’ xkiel għall-kummerċ. Konsegwentement,
it-tqegħid ta’ prodotti ġodda fil-kamp ta’ applikazzjoni ma kienx
iġġustifikat. L-oqsma ta’ titjib ma jinvolvux bidliet kbar. Il-qafas legali ser jibqa’ l-istess u l-bidliet aktarx li
jinvolvu impatti minimi jew xejn affattu. Madankollu, għad iridu jiġu
indirizzati l-kwistjonijiet li ġejjin: Kwistjoni 1: Allinjament tal-GAD mad-Deċiżjoni tal-Qafas
Leġiżlattiv il-Ġdid (NLF) Nru 768/2008/KE Ħafna mill-problemi ġenerali
identifikati mill-NLF ġew osservati wkoll fil-kuntest ta’ implimentazzjoni
tal-GAD bħal differenzi bejn il-kwalitajiet tas-servizzi pprovduti
mill-korpi notifikati u l-prattiki ta’ evalwazzjoni u monitoraġġ
tagħhom. Il-qafas legali jinħass ukoll
kumpless u inkonsistenti. Ir-Rapport ta’ Valutazzjoni tal-Impatt fuq
il-Pakkett ta’ Allinjament tal-NLF diġà eżamina fid-dettall
l-opzjonijiet differenti biex jagħti effett lid-Deċiżjoni
tal-NLF. Peress li l-opzjonijiet u l-impatti
tagħhom huma eżatt l-istess għall-GAD, ir-Rapport ta’
Valutazzjoni tal-Impatt tal-GAD ma analizzax dawn l-aspetti. Kwistjoni 2: Tneħħija tal-limitu tat-temperatura ta’ 105oC
mid-definizzjoni tal-kamp ta’ applikazzjoni Il-limitu
oriġinarjament iddaħħal minħabba li l-perikli dovuti
għal pressjoni għall-prodotti kkonċernati kienu
soġġetti għal leġiżlazzjoni nazzjonali f’ħafna
mill-Istati Membri fiż-żmien li fih ġiet adottata l-GAD.
Bħalissa, dawn il-perikli jaqgħu taħt il-leġiżlazzjoni
ta’ armonizzazzjoni tal-UE u dan jimplika li ebda jeżisti ebda riskju li
jidħol f’kunflitt mal-leġiżlazzjoni nazzjonali u b’hekk,
l-esklużjoni mhijiex meqjusa li taqdi xi skop utli. Kwistjoni 3: L-introduzzjoni tad-definizzjonijiet li
bħalissa huma neqsin It-test attwali tad-definizzjoni tal-kamp ta’
applikazzjoni mhuwiex preċiż u wassal għall-bżonn ta’
interpretazzjoni. Dan għaliex il-kamp ta’ applikazzjoni huwa definit billi
tiġi pprovduta lista ta’ użi tal-prodotti, iżda ma tingħata
ebda definizzjoni għall-użi. Fl-imgħoddi,
saru ħafna sforzi biex jiġi interpretat il-kamp ta’ applikazzjoni li,
madankollu, ma jipprovdix iċ-ċertezza u l-istabbiltà legali
meħtieġa mitlubin mill-partijiet interessati. Kwistjoni 4: Il-kontenuti inadegwati tal-komunikazzjoni tat-tipi ta’
gass u l-pressjonijiet tal-provvista korrispondenti It-tipi ta’ gass u l-pressjonijiet
tal-provvista korrispondenti mhumiex soġġetti għal
armonizzazzjoni fil-qafas tal-GAD. Sabiex tiġi żgurata
d-disponibilità ta’ din id-dejta relevanti dwar is-sikurezza u l-prestazzjoni,
l-Artikolu 2(2) jeżiġi li l-Istati Membri jikkomunikaw it-tipi
ta’ gass u l-pressjonijiet tal-provvista korrispondenti użati
fit-territorji tagħhom. It-tagħrif komunikat
bħalissa dwar il-kundizzjonijiet tal-provvista tal-gass mhuwiex
biżżejjed. Peress li l-GAD la tiddefinixxi liema
parametri għandhom ikunu pprovduti u lanqas ma tarmonizza l-format
tal-komunikazzjonijiet, hemm bżonn li jiġu ddeterminati dawn
il-parametri u li tiġi definita forma komuni biex ikunu żgurati
l-adegwatezza u l-komparabbilità tat-tagħrif. Dan
jiżgura wkoll li ż-żieda fl-użu tal-bijogass tkun
indirizzata kif suppost mill-GAD. Kwistjoni 5: Il-kjarifika tar-relazzjoni bejn il-GAD u
l-leġiżlazzjoni tal-UE dwar l-effiċjenza enerġetika Ir-Rekwiżit Essenzjali 3.5. li jittratta
l-“użu razzjonali tal-enerġija” huwa ferm ġeneriku filwaqt li
r-rekwiżiti fid-Direttiva dwar l-Ekodisinn u l-miżuri ta’ implimentazzjoni
tagħha huma ferm dettaljati. Barra minn hekk,
it-terminoloġija użata fil-GAD hija skaduta u trid tiġi
allinjata ma’ dik moderna użata fil-leġiżlazzjoni riċenti
tal-UE dwar l-effiċjenza enerġetika. Peress li
l-leġiżlazzjoni tal-UE dwar l-effiċjenza enerġetika qed
tevolvi b’ħeffa u minħabba li ser jiddaħħlu l-miżuri
ta’ implimentazzjoni l-ġodda tad-Direttiva dwar l-Ekodisinn li japplikaw
għal firxa dejjem ikbar ta’ apparati tal-gass, hemm bżonn li
tiġi ċċarata l-applikazzjoni tar-Rekwiżit Essenzjali 3.5.
fejn teżisti leġiżlazzjoni iktar speċifika. Kwistjoni 6: Ċarezza tad-dispożizzjonijiet tal-GAD Ma ġiet identifikata ebda problema
oħra fid-dispożizzjonijiet tal-GAD. Apparti, ir-Rekwiżiti
Essenzjali wrew li jkopru sew ir-riskji tal-gass li jistgħu jġibu
magħhom l-apparati u l-fittings. Hemm xi tħassib usa’ dwar is-sikurezza, b’mod
partikolari dak relatat ma’ velenar ta’ CO li huwa l-kawża ewlenija ta’
mwiet assoċjati ma’ apparati tal-gass. Dan
jidher li huwa marbut ma’ kwistjonijiet li jaqgħu barra l-kamp ta’
applikazzjoni tal-GAD, bħal difetti fl-installazzjoni, nuqqas ta’
manutenzjoni u użu ħażin tal-apparat. Bħalissa, il-GAD ma tispeċifikax
il-prinċipji dwar id-disinn ġenerali li jridu jiġu applikati
sabiex tinżamm is-sikurezza tal-apparat u l-fittings. Għad li dawn il-prinċipji diġà huma meqjusin
bħala inklużi fir-Rekwiżiti Essenzjali attwali, ikun aħjar
li jiġu pprovduti fit-test legali biex jiġi evitat li partijiet
irresponsabbli jużaw, eż., twissijiet biss minflok ma jiddisinjaw
prodotti li huma sikuri b’mod inerenti. L-introduzzjoni tal-prinċipji
għall-integrazzjoni tas-sikurezza tkun qed tħaffef ukoll
is-sorveljanza tas-suq. Ħtieġa ta’ intervent pubbliku L-azzjoni tal-UE f’dan il-qasam hija msejsa
fuq l-Artikolu 114 tat-TFUE. L-aspetti indirizzati f’dan il-kuntest
diġà huma rregolati mill-GAD. Madankollu, din il-leġiżlazzjoni
ma tindirizzax il-kwistjonijiet tal-problemi identifikati b’mod effettiv. L-istudju mwettaq u l-konklużjonijiet dwar
l-opzjonijiet analizzati wrew li ser jibqa’ jkun hemm dawn il-problemi jekk
id-Direttiva ma tiġix riveduta. 2. Analiżi
tas-sussidjarjetà Il-funzjonament xieraq u effettiv tas-suq
intern jeħtieġ regoli komuni għall-apparati tal-gass fir-rigward
tar-riskji għas-saħħa u s-sikurezza minħabba l-użu ta’
gass kif ukoll għall-effiċjenza enerġetika tagħhom. Sabiex jiġi evitat milli azzjonijiet
meħudin f’livell nazzjonali joħolqu xkiel għall-moviment liberu
tal-apparati, kwalunkwe bidla fil-kamp ta’ applikazzjoni, il-proċeduri jew
ir-rekwiżiti trid issir fil-livell tal-UE. Dan
ikun qiegħed itejjeb iċ-ċarezza legali wkoll, jikkontribwixxi
għat-tnaqqis tal-kost għall-manifatturi u jiżgura qafas Ewropew
komuni għat-tqegħid fis-suq ta’ apparati u fittings. Il-prinċipju ta’ sussidjarjetà
jfeġġ anki fir-rigward tad-dispożizzjonijiet il-ġodda
tar-reviżjoni relatati mal-allinjament mad-deċiżjoni tal-NLF. L-esperjenza għallmet li miżuri meħudin
fil-livell nazzjonali wasslu għal approċċi diverġenti
fl-UE, li jxekklu l-għanijiet tas-Suq Intern Barra minn hekk, azzjoni
koordinata fil-livell tal-UE tista’ tilħaq aħjar l-għanijiet
stabbiliti, u b’mod partikolari ser tagħmel is-sorveljanza tas-suq iktar
effettiva. 3. Objettivi L-objettivi ta’ din l-inizjattiva huma
ppreżentati fit-Tabella 1. Tabella 1: Objettivi ġenerali,
speċifiċi u operazzjonali tal-politika ĠENERALI || SPEĊIFIĊI || OPERATTIVI Ħarsien aħjar tas-saħħa u s-sikurezza tal-utenti ta’ apparati u fittings tal-gass kif ukoll tiġi żgurata l-prestazzjoni xierqa tagħhom || Żgurar li hemm disponibbli dejta relevanti dwar is-sikurezza u l-prestazzjoni adegwati dwar il-kundizzjonijiet qafas || Speċifikazzjoni tal-kontenuti tat-tagħrif li għandu jiġi komunikat dwar it-tipi ta’ gass u pressjonijiet tal-provvista korrispondenti użati fl-Istati Membri Żgurar taċ-ċarezza tar-rekwiżiti || Kjarifika tad-dispożizzjonijiet Titjib fil-kondizzjonijiet ekwivalenti ta’ kompetizzjoni għall-operaturi ekonomiċi tas-settur || Żgurar taċ-ċarezza legali dwar l-applikazzjoni ta’ leġiżlazzjoni tal-UE iktar speċifika || Introduzzjoni ta’ Artikolu iktar ġenerali dwar leġiżlazzjoni iktar speċifika tal-UE Ċarezza tar-Rekwiżit Essenzjali 3.5. dwar l-użu razzjonali tal-enerġija Simplifikazzjoni tal-ambjent regolatorju Ewropew fil-qasam tal-apparati u l-fittings tal-gass || Żgurar li l-leġiżlazzjoni hija aġġornata || Tneħħija tal-esklużjoni skaduta tal-apparati b’temperatura normali tal-ilma li taqbeż il-105oC Żgurar taċ-ċarezza tal-kamp ta’ applikazzjoni || Ċarezza tal-kamp ta’ applikazzjoni billi jiġu pprovduti definizzjonijiet speċifiċi għas-setturi 4. Opzjonijiet Politiċi Ġew ikkunsidrati tliet opzjonijiet
politiċi alternattivi: (a)
l-opzjoni bażi “tagħmel xejn”; (b)
l-opzjoni “liġi nonvinkolanti” (alternattiva
mhux leġiżlattiva li tikkonsisti fil-ħruġ ta’
interpretazzjoni); u (c)
l-opzjoni “miżura leġiżlattiva”
(bidla tat-test legali). L-analiżi tal-impatti tal-opzjonijiet
politiċi twettqet b’mod separat għal kull wieħed mill-oqsma
identifikati ta’ titjib. L-ewwel, l-opzjonijiet
politiċi kollha għal kull problema kienu soġġetti għal
analiżi kwalitattiva separata. Imbagħad, saret analiżi profonda
tal-impatti soċjali u ekonomiċi tal-opzjonijiet kollha 5. Valutazzjoni tal-Impatti It-tipi ta’ impatti supponuti bħala
l-iktar relevanti għar-reviżjoni huma pprovduti fit-Tabella 2. Tabella 2: It-tipi
ta’ impatti li l-iktar li huma relevanti għar-reviżjoni tal-GAD Kontroll preventiv tar-Relevanza tal-Impatti Tip ta’ impatt || Relevanti? Impatti ekonomiċi Il-funzjonament tas-suq intern u l-kompetizzjoni || Relevanti Kompetittività, kummerċ u flussi ta’ investiment || Possibbilment Relevanti Kostijiet operatorji u kondotta tal-operazzjonijiet/SMEs || Relevanti Piżijiet amministrattivi fuq in-negozji || Relevanti Awtoritajiet pubbliċi || Relevanti Innovazzjoni u riċerka || Possibbilment Relevanti Konsumaturi u unitajiet domestiċi || Relevanti Pajjiżi terzi u relazzjonijiet internazzjonali || Possibbilment Relevanti Impatti soċjali Impjiegi u swieq tax-xogħol || Possibbilment Relevanti Standards u drittijiet relatati mal-kwalità tal-impjiegi || Possibbilment Relevanti Saħħa pubblika u sikurezza || Relevanti Peress li l-modifika tal-kamp ta’
applikazzjoni ma tistax tkun ġustifikata, il-qafas legali tal-GAD ser
jibqa’ kif inhu. Konsegwentement, anki l-operaturi
ekonomiċi affettwati u l-partijiet interessati l-oħrajn ser
jibqgħu l-istess bħal issa, u l-bidliet suġġeriti iktar jirrappreżentaw
eżerċizzju ta’ titjib tal-leġibbiltà u ċ-ċarezza
tal-kamp ta’ applikazzjoni, ir-Rekwiżiti Essenzjali u
dispożizzjonijiet oħrajn. In-nuqqas ta’ problemi
konkreti partikolari li jeħtieġu li jiġu indirizzati jimplika li
l-modifiki proposti ma għandhomx impatti ekonomiċi, soċjali jew
ambjentali importanti ħlief l-impatti żgħar
taċ-ċarezzi li madankollu ser iħaffu ferm l-applikazzjoni
tal-GAD. Konsegwentement, impossibbli li tinħareġ dejta kwantitattiva
fuq xi impatt speċifiku. Għaldaqstant, il-benefiċċji
marġinali mistennijin ġew indirizzati b’mod proporzjonat billi saret
valutazzjoni kwalitattiva li ppermettiet li tingħażel l-opzjoni
preferuta. Pereżempju, huwa possibbli li jiġi vvalutat jekk
il-bidliet proposti humiex favorevoli għas-sikurezza u jekk l-effetti ta’
opzjoni jipprovdux soluzzjoni kostanti għall-Kwistjoni identifikata. Ġie vvalutat kemm jista’ jkun jekk
l-implimentazzjoni ta’ bidla proposta tinvolvix kostijiet
għall-manifatturi u l-awtoritajiet. Madankollu,
ta’ min jinnota li ma kienx possibbli li l-effetti jissarrfu fi flus peress li
l-bidliet proposti ma jibdlux fil-prattika l-qafas legali. L-impatti soċjali jikkonsistu f’benefiċċji
għas-saħħa u s-sikurezza tal-installaturi u l-utenti ta’
apparati tal-gass. Madankollu, anki ċ-ċarezza
legali mtejba u d-disponibilità tad-dejta relevanti għall-iżgurar ta’
prodotti sikuri u effiċjenti fl-enerġija jistgħu jħallu
impatt pożittiv żgħir fuq l-impjiegi u t-twettiq tal-objettivi
bħall-mira tal-Ewropa 2020 ta’ żieda ta’ 20% fl-effiċjenza
enerġtika. Sommarju tar-riżultati tal-impatti
ewlenin u l-kobor tagħhom huwa ppreżentat hawn taħt fit-Tabella 3.
Tabella 3: L-iktar
impatti relevanti għar-reviżjoni tal-GAD Impatti tas-sottopzjonijiet preferuti || Kwistjoni 2 || Kwistjoni 3 || Kwistjoni 4 || Kwistjoni 5 || Kwistjoni 6 Impatt soċjali || Ebda impatt ħlief żgurar tas-sikureza tal-prodotti b’temperatura normali tal-ilma ogħla minn 105oC || Tnaqqis żgħir ta’ prodotti mhux konformi || Titjib fis-sikurezza tal-utenti u l-installaturi || Kontribuzzjoni għall-ilħuq tal-mira ta’ Ewropa 2020, tnaqqis ta’ prodotti mhux konformi || Titjib fis-sikurezza tal-utenti, tnaqqis ta’ prodotti mhux konformi Impatt ekonomiku || Impatt fuq il-kompetittività fil-kostijiet || Xejn || Kamp ta’ applikazzjoni iktar ċar jiffaċilita l-interpretazzjoni || Tfaddil permezz ta’ ċarezza teknika u legali || Tfaddil permezz ta’ ċarezza teknika u legali || Sitwazzjoni legali iktar ċara, sorveljanza tas-suq iktar faċli Impatt fuq il-kapaċità ta’ innovazzjoni || Xejn || Xejn || Rieda ikbar ta’ investiment fuq żvilupp ta’ prodotti, aċċess eħfef għas-suq || Żvilupp ta’ prodotti mħaffef || Xejn Impatt fuq il-kompetittività internazzjonali || Xejn || Xejn || Xejn || Disinni iktar sofistikati jtejbu l-kompetittività internazzjonali || Xejn Impatt fl-SMEs || Xejn || Xejn || Xejn || Xejn || Xejn 6. Tqabbil tal-Opzjonijiet Fuq il-bażi tar-riżultat
tal-valutazzjoni profonda tal-opzjonijiet, sar tqabbil biex jiġi
determinat liema opzjonijiet jipprovdu benefiċċji netti. Imbagħad, ir-riżultati tat-tqabbil ittieħdu
f’Tabella waħda ta’ tqabbil sabiex jiġu viżwalizzati
l-limpatti u jingħażlu l-opzjonijiet preferuti (Tabella 4).
Il-kriterji użati fil-valutazzjoni tal-opzjonijiet inkludew l-effettività,
l-effiċjenza u l-koerenza tal-opzjoni. Tabella 4. Tqabbil tal-opzjonijiet ta’
politiki || Effettività || Effiċjenza Kostijiet-Benefiċċji || Koerenza (jekk l-opzjoni tikkontribwixxix għar-regolamentazzjoni aħjar u l-Att dwar is-Suq Uniku) Kamp ta’ applikazzjoni - Kopertura ta’ prodotti a) Tagħmel xejn || 0 || 0 || 0 || 0 b) Liġi nonvinkolanti || 0 Għan speċifiku mhux milħuq peress li l-limitu tat-temperatura ta’ 105oC jħalliha possibbli li tiġi evitata l-GAD || - Kostijiet minħabba li jifdlu ħtiġijiet ta’ interpretazzjoni || 0 Ebda identifikati || 0 Ebda bidla, ebda kontribuzzjoni c) Miżura leġiżlattiva || ++ Objettivi speċifiċi milħuqin bis-sħiħ; titjib tas-saħħa u s-sikurezza; sitwazzjoni legali ċara || 0 Ebda impatt, iżda fit-teorija hemm kondizzjonijiet ekwivalenti aħjar ta’ kompetizzjoni għall-manifatturi || + Ċarezza legali tnaqqas il-piż amministrattiv u, b’hekk, il-kostijiet || ++ Opzjoni li tikkontribwixxi b’mod ottimali; sitwazzjoni legali ċara Terminoloġija u definizzjonijiet speċifiċi għas-setturi a) 0 || 0 || 0 || 0 b) + Objettivi speċifiċi mwettqin b’mod parzjali iżda ċarezza legali mhux milħuqa; ser ifeġġu ħtiġijiet ta’ interpretazzjoni ġodda fil-każ ta’ prodotti innovattivi || - Kostijiet minħabba li jifdal ħtiġijiet ta’ interpretazzjoni fuq bażi ta’ każ b’każ || + Tnaqqis żgħir ta’ prodotti mhux konformi || + Kontribuzzjoni żgħira c) ++ Objettivi speċifiċi mwettqin bis-sħiħ peress li l-kamp ta’ applikazzjoni u r-Rekwiżiti Essenzjali huma ċċarati; sitwazzjoni legali ċara || 0 Ebda kost speċifiku; ċarezza tħaffef l-implimentazzjoni u dan jirriżulta f’iffrankar || ++ Ċarezza legali tnaqqas il-piż amministrattiv; tnaqqis ta’ prodotti mhux konformi u b’hekk sikurezza mtejba || ++ Opzjoni li tikkontribwixxi b’mod ottimali; sitwazzjoni legali ċara żgurata Komunikazzjoni tat-tipi ta’ gass u l-pressjonijiet tal-provvista korrispondenti a) 0 || 0 || 0 || 0 b) - Objettivi speċifiċi mhux imwettqin peress li l-gwida tista’ tirriżulta f’affidabilità fuq dejta relevanti dwar is-sikurezza bla ma ssir kontroverifika u dan jimplika li jistgħu jidħlu fis-suq disinni mhux sikuri, ebda garanzija fuq il-kwalità tad-dejta || - Kostijiet relatati mal-ħtieġa spissa li tiġi aġġornata l-gwida, kostijiet minħabba diffikultajiet li tinkiseb dejta adegwata || - Ma hemmx garanzija ta’ tnaqqis ta’ prodotti mhux konformi, il-partijiet interessati jistgħu jitqarrqu u joqogħdu fuq dejta pprovduta || - Ebda kontribuzzjoni c) ++ Objettivi speċifiċi mwettqin bis-sħiħ; tagħrif relevanti adegwat dwar is-saħħa, is-sikurezza u l-prestazzjoni jitqiegħed għad-dispożizzjoni; sitwazzjoni legali ċara || ++ Iffrankar ta’ spejjeż peress li hemm dejta affidabbli disponibbli; tnaqqis tal-piż amministrattiv; mezzi ta’ verifika tal-kompatibilità tal-prodotti jħaffu l-aċċess għas-suq || ++ Tnaqqis ta’ prodotti mhux konformi; ċarezza legali u teknika tnaqqas il-kostijiet; żvilupp ta’ prodotti mħaffef || ++ Opzjoni li tikkontribwixxi b’mod ottimali; sitwazzjoni legali ċara żgurata Użu razzjonali tal-enerġija a) 0 || 0 || 0 || 0 b) + Objettivi speċifiċi mwettqin b’mod parzjali, titjib fiċ-ċarezza rigward leġiżlazzjoni iktar speċifika, iżda jifdal diffikultajiet fl-identifikazzjoni ta’ liema regolamenti għandhom jiġu applikati || - Kostijiet relatati mal-iżvilupp ta’ gwida, kostijiet għall-manifatturi minħabba piż amministrattiv biex tiġi identifikata l-leġiżlazzjoni applikabbli || + Gwida tħaffef ftit l-identifikazzjoni tal-leġiżlazzjoni; tnaqqis żgħir ta’ prodotti mhux konformi || 0 Kontribuzzjoni żgħira; sitwazzjoni legali mhux ċara tibqa’ kif inhi c) ++ Objettivi speċifiċi mwettqin bis-sħiħ peress li tinkiseb koerenza tal-leġiżlazzjoni tal-UE; ċarezza legali pprovduta || + Il-piż amministrattiv jitnaqqas, l-identifikazzjoni tal-leġiżlazzjoni titħaffef, it-trikkib tar-rekwiżiti huwa evitat li jfisser iffrankar || ++ Tnaqqis ta’ prodotti mhux konformi; sitwazzjoni legali ċċarata tħaffef l-iżvilupp ta’ prodotti ġodda || ++ Opzjoni li tikkontribwixxi b’mod ottimali; tikkontribwixxi għall-objettiv tal-Ewropa 2020 li titjieb l-effiċjenza enerġetika; tiżdied il-koerenza tal-leġiżlazzjoni tal-UE Rekwiżiti a) 0 || 0 || 0 || 0 b) 0 Impatti marġinali biss peress li ma ġie identifikat ebda nuqqas fir-rekwiżiti attwali || - Kostijiet minuri relatati mal-iżvilupp ta’ gwida || + Tnaqqis żgħir ta’ prodotti mhux konformi || + Kontribuzzjoni żgħira c) ++ Objettivi speċifiċi milħuqin bis-sħiħ, żgurata ċarezza tar-rekwiżiti legali || + Ebda kost speċifiku ħlief iffrankar ta’ kostijiet għas-sorveljanza tas-suq || + Leġibbiltà mtejba tar-rekwiżiti tnaqqas il-piż amministrattiv; is-sorveljanza tas-suq hija mħaffa || + Kontribuzzjoni żgħira 7. Monitoraġġ u
Evalwazzjoni Il-monitoraġġ u l-evalwazzjoni
tal-effikaċja tal-leġiżlazzjoni ser ikunu msejsin fuq ir-rispons
riċevut permezz tal-bosta mekkaniżmi ta’ kooperazzjoni
bħall-Grupp ta’ Ħidma dwar l-Apparati tal-Gass u l-grupp ta’
Kooperazzjoni Amministrattiv tal-GAD. B’mod partikolari l-grupp ta’ ADCO tal-GAD ser
jiddiskuti l-programmi nazzjonali ta’ sorveljanza tas-suq u l-eżitu
tal-eżekuzzjoni tagħhom, in-numru ta’ prodotti mhux konformi misjubin,
tipi ta’ nuqqas ta’ konformità, eċċ. L-Istati
Membri ser ikunu mistiedna jużaw is-sitema RAPEX, id-database tal-ICSMS
kif ukoll il-proċedura ta’ notifika tal-klawżola ta’ salvagwardja.
Ser jinkiseb iktar rispons mill-mekkaniżmi ta’ kooperazzjoni pprovduti
mir-Regolament tal-NLF 765/2008. Indikaturi differenti msejsin fuq tagħrif
ipprovdut mill-awtoritajiet ser jintużaw biex jiġi ssorveljat
it-tnaqqis ta’ prodotti mhux konformi B’konformtià mal-politika tagħha ta’
"Regolamentazzjoni intelliġenti", il-Kummissjoni ser tevalwa
l-effettività tar-Regolament dwar l-Apparati tal-Gass fi żmien 5 snin sa
massimu ta’ 10 snin wara d-data ta’ applikazzjoni tar-Regolament.