EUR-Lex Access to European Union law
This document is an excerpt from the EUR-Lex website
Document 52014PC0364
Proposal for a COUNCIL DECISION on the position to be taken by the European Union within the ACP-EU Council of Ministers regarding the revision of Annex III of the ACP-EU Partnership Agreement
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kunsill tal-Ministri tal-AKP-UE rigward ir-reviżjoni tal-Anness III tal-Ftehim ta’ Sħubija tal-AKP-UE
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kunsill tal-Ministri tal-AKP-UE rigward ir-reviżjoni tal-Anness III tal-Ftehim ta’ Sħubija tal-AKP-UE
/* COM/2014/0364 final - 2014/0184 (NLE) */
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kunsill tal-Ministri tal-AKP-UE rigward ir-reviżjoni tal-Anness III tal-Ftehim ta’ Sħubija tal-AKP-UE /* COM/2014/0364 final - 2014/0184 (NLE) */
MEMORANDUM TA’ SPJEGAZZJONI L-“Aġenda għall-Bidla”[1] ssemmi li t-tkabbir
ekonomiku inklużiv u sostenibbli huwa kruċjali għat-tnaqqis
fit-tul tal-faqar. Tali tkabbir ekonomiku jeħtieġ ambjent
kummerċjali favorevoli, żieda fil-kompetittività lokali u modi ġodda
ta’ involviment tas-settur privat permezz ta’ strumenti finanzjarji
eżistenti jew oħrajn li għad iridu jiġu stabbiliti. Ir-raba' Forum ta’ Livell Għoli dwar
l-Effettività tal-Għajnuna f’Busan appella għal aktar involviment
tas-settur privat dirett sabiex titmexxa 'l quddiem l-innovazzjoni,
jinħolqu l-introjtu u l-impjiegi, jiġu promossi l-SMEs u
l-intraprenditorija, jiġu mmobilizzati r-riżorsi domestiċi u
jitkomplew jiġu żviluppati mekkaniżmi finanzjarji innovattivi. Dan ta' hawn fuq iggwida d-diskussjonijiet
konġunti AKP-UE dwar l-appoġġ għall-iżvilupp
tas-settur privat li għandu jkun riflessi fl-ipprogrammar u
l-implimentazzjoni tal-11-il Fond Ewropew għall-Iżvilupp (minn hawn
'il quddiem 'FEŻ'). Dawn l-aspetti u l-evoluzzjoni tal-kuntest
internazzjonali, b’mod partikolari l-għadd konsiderevoli ta’ atturi u
modalitajiet li jistgħu jipprovdu appoġġ effettiv lis-settur
privat jimplika li l-programmi għandhom jiġu implimentati permezz ta’
organizzazzjonijiet li wrew il-kapaċità tagħhom li jipprovdu għarfien
espert ta’ kwalità għolja b’mod kost-effettiv. Abbażi ta' dan, il-modifika
tal-Anness III għall-Ftehim ta' Sħubija bejn il-membri tal-Grupp
ta' Stati Afrikani, tal-Karibew u tal-Paċifiku minn naħa waħda,
u l-Komunità Ewropea u l-Istati Membri tagħha min-naħa l-oħra,
iffirmata f'Cotonou fit-23 ta' Ġunju 2000[2] (minn hawn 'il-quddiem
"il-Ftehim ta' Sħubija AKP-UE"), kif emendat l-aħħar
f'Ouagadougou, Burkina Faso, fit-22 ta' Ġunju 2010[3], tikkonċerna
t-tħassir ta' referenzi għaċ-Ċentru
għall-Iżvilupp tal-Intrapriżi (minn hawn 'il quddiem
imsejjaħ is-"ĊŻI"). Il-Kummissjoni tipproponi li l-Kunsill
tal-Unjoni Ewropea jadotta d-Deċiżjoni mehmuża. 2014/0184 (NLE) Proposta għal DEĊIŻJONI TAL-KUNSILL dwar il-pożizzjoni li għandha
tittieħed mill-Unjoni Ewropea fil-Kunsill tal-Ministri tal-AKP-UE rigward
ir-reviżjoni tal-Anness III tal-Ftehim ta’ Sħubija tal-AKP-UE IL-KUNSILL TAL-UNJONI EWROPEA, Wara
li kkunsidra t-Trattat dwar il-Funzjonament tal-Unjoni Ewropea, u b’mod
partikolari l-Artikolu 209(2) flimkien mal-Artikolu 218(9)
tiegħu, Wara
li kkunsidra l-Ftehim ta’ Sħubija bejn il-membri tal-Grupp tal-Istati
Afrikani, tal-Karibew u tal-Paċifiku minn
naħa, u l-Komunità Ewropea u l-Istati Membri tagħha min-naħa
l-oħra, iffirmat f’Cotonou fit-23 ta’ Ġunju 2000[4] (minn issa ’l quddiem
imsejjaħ "il-Ftehim ta’ Sħubija AKP-UE"), kif
l-aħħar emendat f'Ouagadougou, Burkina Faso,
fit-22 ta' Ġunju 2010[5],
Wara
li kkunsidra l-proposta li saret mill-Kummissjoni Ewropea, Billi: (1) L-Artikolu 100 tal-Ftehim
ta' Sħubija AKP-UE jgħid li l-Annessi Ia, Ib, II, III, IV u VI
tiegħu jistgħu jiġu riveduti, eżaminati mill-ġdid
u/jew emendati mill-Kunsill tal-Ministri AKP-UE fuq il-bażi ta'
rakkomandazzjoni min-naħa tal-Kumitat ta' Kooperazzjoni AKP-UE
għall-Finanzjament tal-Iżvilupp. (2) Fir-raba' Forum ta’ Livell Għoli dwar l-Effikaċja
tal-Għajnuna f’Busan, il-Partijiet tal-Ftehim ta’ Sħubija AKP-UE
appellaw għal involviment tas-settur privat aktar dirett sabiex titmexxa
'l quddiem l-innovazzjoni, jinħolqu l-introjtu u l-impjiegi, jiġu promossi l-SMEs u l-intraprenditorija, jiġu mmobilizzati r-riżorsi
domestiċi u jitkomplew jiġu żviluppati mekkaniżmi
finanzjarji innovattivi. (3) B’kont meħud ta' dak imsemmi hawn fuq u tal-evoluzzjoni
tal-kuntest internazzjonali, b’mod partikolari l-għadd konsiderevoli ta’
atturi u modalitajiet li jistgħu jipprovdu appoġġ effettiv
lis-settur privat, programmi relatati għandhom jiġu implimentati
permezz ta’ organizzazzjonijiet li wrew il-kapaċità tagħhom li
jipprovdu livell għoli ta’ għarfien espert b’mod kost-effettiv. (4) Il-modifika tal-Anness III tikkonċerna t-tħassir
tar-referenzi għaċ-Ċentru
għall-Iżvilupp tal-Intrapriżi (minn hawn 'il quddiem
"iċ-CŻI"). ADOTTA DIN ID-DEĊIŻJONI: Artikolu 1 1. Il-pożizzjoni li
għandha tiġi addottata mill-Unjoni fil-Kunsill tal-Ministri AKP-UE
rigward ir-reviżjoni tal-Anness III għall-Ftehim ta’
Sħubija AKP-UE tkun stabbilita skont it-termini tal-abbozz ta’
Deċiżjoni tal-Kunsill tal-Ministri AKP-UE, li hu mehmuż ma' din
id-Deċiżjoni. 2. Tibdil minuri
għall-abbozz ta' Deċiżjoni jista' jiġi miftiehem
mir-rappreżentanti tal-Unjoni fil-Kunsill tal-Ministri ACP-UE
mingħajr deċiżjoni ulterjuri mill-Kunsill. Artikolu 2 Wara
l-adozzjoni tagħha, id-Deċiżjoni tal-Kunsill tal-Ministri AKP-UE
tiġi ppubblikata f’Il-Ġurnal Uffiċjali tal-Unjoni Ewropea. Magħmul fi Brussell, Għall-Kunsill Il-President [1] Il-Komunikazzjoni COM(2011) 637 mill-Kummissjoni
lill-Parlament Ewropew, lill-Kunsill, lill-Kumitat Ekonomiku u Soċjali
Ewropew u lill-Kumitat tar-Reġjuni: “Inżidu l-impatt tal-politika
tal-UE għall-iżvilupp: Aġenda għall-Bidla”. [2] ĠU L 317, 15.12.2000, p. 3. [3] ĠU L 287, 4.11.2010, p. 3. [4] ĠU L 317, 15.12.2000, p. 3. [5] ĠU L 287, 4.11.2010, p. 3. ANNESSI għall- Proposta għal
DEĊIŻJONI TAL-KUNSILL dwar il-pożizzjoni li
għandha tittieħed mill-Unjoni Ewropea fil-Kunsill tal-Ministri
tal-AKP-UE rigward ir-reviżjoni tal-Anness III tal-Ftehim ta’
Sħubija tal-AKP-KE
ANNESS
Abbozz
ta'
DEĊIŻJONI
TAL-KUNSILL TAL-MINISTRI TAL-AKP-UE
dwar
ir-reviżjoni tal-Anness III tal-Ftehim ta’ Sħubija AKP-UE
IL-KUNSILL
TAL-MINISTRI AKP-UE, Wara
li kkunsidra l-Ftehim ta’ Sħubija bejn
il-membri tal-Grupp ta’ Stati Afrikani, tal-Karibew u tal-Paċifiku, minn
naħa waħda, u l-Komunità Ewropea u l-Istati Membri tagħha,
min-naħa l-oħra, iffirmat f’Cotonou
fit-23 ta’ Ġunju 2000[1]
(minn hawn 'il quddiem imsejjaħ "il-Ftehim ta' Sħubija
AKP-UE"), kif l-aħħar emendat f’Ouagadougou, il-Burkina Faso,
fit-22 ta’ Ġunju 2010[2],
u partikolarment
l-Artikolu 100 tiegħu, Billi: (1)
L-Artikolu 100
tal-Ftehim ta' Sħubija AKP-UE jistipula li l-Annessi Ia, Ib, II, III,
IV u VI tiegħu jistgħu jiġu riveduti, eżaminati
mill-ġdid u/jew emendati mill-Kunsill tal-Ministri AKP-UE fuq il-bażi
ta' rakkomandazzjoni min-naħa tal-Kumitat ta' Kooperazzjoni AKP-UE
għall-Finanzjament tal-Iżvilupp. (2)
Fir-Raba' (4) Forum
ta’ Livell Għoli dwar l-Effikaċja tal-Għajnuna f’Busan,
il-partijiet għall-Ftehim ta’ Sħubija AKP-UE appellaw għal aktar
involviment dirett mis-settur privat biex tinġieb 'l quddiem
l-innovazzjoni, jinħolqu d-dħul u l-impjiegi, jiġu promossi l-SMEs u l-intraprenditorija, jiġu mmobbilizzati r-riżorsi
domestiċi u jkomplu jiġu żviluppati mekkaniżmi finanzjarji
innovattivi. (3)
F’kunsiderazzjoni
ta' dak imsemmi hawn fuq u tal-evoluzzjoni tal-kuntest internazzjonali, b’mod
partikolari l-għadd konsiderevoli ta’ atturi u modalitajiet li
jistgħu jipprovdu appoġġ effettiv għas-settur privat,
għandhom jiġu implimentati programmi relatati permezz ta’
organizzazzjonijiet li jkunu taw prova tal-kapaċità tagħhom li
jipprovdu livell għoli ta’ għarfien espert b’mod ekonomiku. (4)
Il-modifika
tal-Anness III tikkonċerna t-tħassir tar-referenzi għaċ-Ċentru għall-Iżvilupp tal-Intrapriżi
(minn hawn’ il quddiem imsejjaħ "CDE"). IDDEĊIEDA KIF ĠEJ: Artikolu 1 L-Anness III
tal-Ftehim ta’ Sħubija AKP-UE qed jiġi emendat kif ġej: 1. It-titolu ta’
l-Anness III jiġi sostitwit b'dan li ġej: "Sostenn
Istituzzjonali" 2. L-Artikolu 1
jiġi sostitwit b'dan li ġej: “Il-kooperazzjoni
ssostni l-mekkaniżmu istituzzjonali biex jinġiebu 'l quddiem
l-agrikoltura u l-iżvilupp rurali. F’dan il-kuntest, il-kooperazzjoni
tgħin sabiex jissaħħaħ u jitkabbar ir-rwol
taċ-Ċentru Tekniku ta’ Kooperazzjoni Agrikola u Rurali (CTA)
fil-kapaċità istituzzjonali għall-iżvilupp tal-AKP, b'mod
partikolari l-amministrazzjoni tal-informazzjoni, sabiex jitjieb
l-aċċess għal teknoloġiji li jżidu l-produttività
agrikola, il-kummerċjalizzazzjoni, is-sigurtà tal-ikel u l-iżvilupp
rurali.” 3. L-Artikolu 3 jsir
l-Artikolu 2 li jissostitwih. Artikolu 2 L-inizjazzjoni tal-istralċ
taċ-Ċentru għall-Iżvilupp tal-Intrapriża (CDE) hija
approvata b’din id-Deċiżjoni kif ġej: 1. Il-Kunsill tal-Ministri
AKP-UE jagħti mandat lill-Bord Eżekuttiv tas-CDE li jieħu
l-miżuri kollha xierqa biex jinizjala l-istralċ tas-CDE, taħt
is-superviżjoni tal-Kumitat tal-Ambaxxaturi tal-AKP-UE. 2. Il-proċess ta'
stralċ jiġi konkluż mhux aktar tard
mill-31 ta' Diċembru 2016. 3. L-istralċ tas-CDE u
l-ispejjeż kollha relatati jiġu ffinanzjati mill-11-il Fond Ewropew
għall-Iżvilupp. Artikolu 3 Din
id-Deċiżjoni tiġi adottata fi ħdan il-Kunsill tal-Ministri
AKP-UE.
Din
id-Deċiżjoni tidħol fis-seħħ mal-adozzjoni
tagħha. Magħmul
fi […], […] Għall-Kunsill tal-Unjoni Ewropea || Għall-Kunsill tal-Ministri AKP-UE Il-President || Il-President [1] ĠU L 317, 15.12.2000, p. 3. [2] ĠU L 287, 4.11.2010, p. 3.