EUR-Lex Access to European Union law
This document is an excerpt from the EUR-Lex website
Document 52014PC0314
Proposal for a COUNCIL DECISION establishing the position to be adopted on the Union's behalf in the relevant Committees of the United Nations Economic Commission for Europe as regards the proposals for amendments to UN Regulations Nos 13, 13H, 14, 29, 44, 49, 51, 54, 75, 83, 90, 101, 106, 121, 127, the UN Regulation on Retrofit Emission Control (REC) devices for heavy duty vehicles and the UN Consolidated Resolution on the Construction of Vehicles (R.E.3)
Proposta għal DEĊIŻJONI TAL-KUNSILL li tistabbilixxi l-pożizzjoni li għandha tiġi adottata f’isem l-Unjoni fil-Kumitati rilevanti tal-Kummissjoni Ekonomika għall-Ewropa tan-Nazzjonijiet Uniti dwar il-proposti għall-emendi għar-Regolamenti Nri 13, 13H, 14, 29, 44, 49, 51, 54, 75, 83, 90, 101, 106, 121 u 127 tan-NU, għar-Regolament tan-NU dwar it-tagħmir ta’ kontroll tal-emissjonijiet immuntat wara (REC) fil-vetturi ta’ strapazz (“heavy-duty”), u għar-Riżoluzzjoni Kkonsolidata tan-NU dwar il-Kostruzzjoni tal-Vetturi (R.E.3)
Proposta għal DEĊIŻJONI TAL-KUNSILL li tistabbilixxi l-pożizzjoni li għandha tiġi adottata f’isem l-Unjoni fil-Kumitati rilevanti tal-Kummissjoni Ekonomika għall-Ewropa tan-Nazzjonijiet Uniti dwar il-proposti għall-emendi għar-Regolamenti Nri 13, 13H, 14, 29, 44, 49, 51, 54, 75, 83, 90, 101, 106, 121 u 127 tan-NU, għar-Regolament tan-NU dwar it-tagħmir ta’ kontroll tal-emissjonijiet immuntat wara (REC) fil-vetturi ta’ strapazz (“heavy-duty”), u għar-Riżoluzzjoni Kkonsolidata tan-NU dwar il-Kostruzzjoni tal-Vetturi (R.E.3)
/* COM/2014/0314 final - 2014/0162 (NLE) */
Proposta għal DEĊIŻJONI TAL-KUNSILL li tistabbilixxi l-pożizzjoni li għandha tiġi adottata f’isem l-Unjoni fil-Kumitati rilevanti tal-Kummissjoni Ekonomika għall-Ewropa tan-Nazzjonijiet Uniti dwar il-proposti għall-emendi għar-Regolamenti Nri 13, 13H, 14, 29, 44, 49, 51, 54, 75, 83, 90, 101, 106, 121 u 127 tan-NU, għar-Regolament tan-NU dwar it-tagħmir ta’ kontroll tal-emissjonijiet immuntat wara (REC) fil-vetturi ta’ strapazz (“heavy-duty”), u għar-Riżoluzzjoni Kkonsolidata tan-NU dwar il-Kostruzzjoni tal-Vetturi (R.E.3) /* COM/2014/0314 final - 2014/0162 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Fil-livell internazzjonali, il-Kummissjoni
Ekonomika għall-Ewropa tan-Nazzjonijiet Uniti (NU/KEE) tiżviluppa
rekwiżiti armonizzati, li huma maħsubin biex ineħħu
l-ostakli tekniċi fil-kummerċ tal-vetturi bil-mutur bejn il-Partijiet
Kontraenti tal-Ftehim Rivedut tal-1958 u biex jiżguraw li vetturi
bħal dawn joffru livell għoli ta’ sikurezza u ħarsien
ambjentali. F’konformità mad-Deċiżjoni
tal-Kunsill 97/836/KE[1]
tas-27 ta’ Novembru 1997, l-Unjoni ssieħbet fil-Ftehim
tal-Kummissjoni Ekonomika għall-Ewropa tan-Nazzjonijiet Uniti
(in-“NU/KEE”) dwar l-adozzjoni ta’ preskrizzjonijiet tekniċi uniformi
għall-vetturi bir-roti, tagħmir u partijiet li jistgħu
jitwaħħlu u/jew jintużaw fuq vetturi bir-roti u l-kundizzjonijiet
għar-rikonoxximent reċiproku tal-approvazzjonijiet mogħtija
abbażi ta’ dawn il-preskrizzjonijiet (“il-Ftehim Rivedut tal-1958”), u
f’konformità mad-Deċiżjoni tal-Kunsill 2000/125/KE
tal-31 ta’ Jannar 2000 dwar il-konklużjoni tal-Ftehim li
jistabbilixxi regolamenti tekniċi globali għall-vetturi bir-roti,
apparat u partijiet li jistgħu jitwaħħlu u/jew jintużaw
f’vetturi bir-roti (“Ftehim Parallel”)[2],
l-Unjoni ssieħbet fil-Ftehim Parallel. Il-laqgħat tal-Grupp ta’ Ħidma 29
tan-NU/KEE, jiġifieri l-Forum Dinji għall-Armonizzazzjoni
tar-Regolamenti dwar il-Vetturi, isiru tliet darbiet fis-sena, f’Marzu,
f’Ġunju u f’Novembru ta’ kull sena kalendarja. F’kull sessjoni
tal-laqgħat, jiġu adottati emendi ġodda għar-Regolamenti
tan-NU eżistenti jew għar-Regolamenti Tekniċi Globali
eżistenti, sabiex jippermettu l-progress tekniku. Qabel kull laqgħa
tal-Grupp ta’ Ħidma 29, dawn l-emendi jiġu adottati minn xi
wieħed mis-sitt gruppi ta’ ħidma li huma attivi fil-Grupp ta’
Ħidma 29. Wara, waqt il-laqgħa tal-Grupp ta’
Ħidma 29, jintefa’ l-vot finali għall-adozzjoni tal-emendi,
is-supplimenti u r-rettifiki, dejjem jekk jintlaħaq il-kworum u jkun hemm
maġġoranza kwalifikata fost il-partijiet kontraenti. L-UE hija parti
kontraenti taż-żewġ Ftehimiet (dak tal-1958 u dak tal-1998)
fil-kuntest tal-Grupp ta’ Ħidma 29, u tivvota fil-laqgħat tiegħu
f’isem l-Istati Membri. Deċiżjoni tal-Kunsill, imsejħa
l-“mega-Deċiżjoni”, li tħaddan fiha l-lista tal-emendi,
is-supplimenti u r-rettifiki, titħejja kull darba u tawtorizza
lill-Kummissjoni tivvota f’isem l-Istati Membri tagħha f’kull laqgħa
tal-Grupp ta’ Ħidma 29. Din id-Deċiżjoni tal-Kunsill
tiddefinixxi l-pożizzjoni tal-Unjoni fil-votazzjoni dwar l-emendi,
is-supplimenti u r-rettifiki mressqin għall-vot fil-laqgħa tal-Grupp
ta’ Ħidma 29 ta’ Ġunju 2014, li se ssir bejn l-24 u
s-27 ta’ Ġunju 2014. 2. IR-RIŻULTATI
TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET
TAL-IMPATT Il-Kumitat Tekniku dwar il-Vetturi bil-Mutur
ġie kkonsultat u tqiesu l-kummenti li għamlu l-esperti tal-Istati
Membri. 3. ELEMENTI LEGALI TAL-PROPOSTA ·
Sommarju tal-azzjoni proposta Il-proposta
tiddefinixxi l-pożizzjoni tal-Unjoni fil-votazzjoni dwar l-emendi
għar-Regolamenti Nri 13, 13H, 14, 29, 44, 49, 51, 54, 75, 83, 90,
101, 106, 121 u 127 tan-NU, għar-Regolament tan-NU dwar it-tagħmir
ta’ kontroll tal-emissjonijiet immuntat wara (REC) fil-vetturi ta’ strapazz
(“heavy-duty”), u għar-Riżoluzzjoni Kkonsolidata dwar il-Kostruzzjoni
tal-Vetturi (R.E.3). ·
Il-bażi legali L-Artikolu 114 tat-Trattat dwar il-Funzjonament
tal-Unjoni Ewropea, flimkien mal-Artikolu 218(9) tiegħu, jifforma
l-bażi legali għal din il-proposta. ·
Il-prinċipju tas-sussidjarjetà L-Unjoni biss tista’ tivvota favur strumenti
internazzjonali bħall-proposti għal emendi tar-Regolamenti tan-NU u
l-abbozzi tar-Regolamenti Tekniċi Globali u tinkorporahom fis-sistema
tal-Unjoni għall-approvazzjoni tat-tip tal-vetturi bil-mutur. Minbarra li
b’hekk tiġi evitata l-frammentazzjoni tas-Suq Intern, dan jiżgura
wkoll li jkun hemm standards ugwali tas-saħħa u s-sikurezza fl-Unjoni
kollha. Dan joffri wkoll vantaġġi tal-ekonomiji tal-iskala:
il-prodotti jistgħu jsiru għas-suq kollu tal-Unjoni u anki
għas-suq internazzjonali, minflok ma jiġu mmanifatturati speċifikament
għal kull Stat Membru individwali biex jingħataw l-approvazzjonijiet
tat-tip nazzjonali. Għaldaqstant, din il-proposta hija
konformi mal-prinċipju tas-sussidjarjetà. ·
Il-prinċipju tal-proporzjonalità Il-proposta tikkonforma mal-prinċipju
tal-proporzjonalità minħabba li ma tmurx lil hinn minn dak li huwa
meħtieġ biex jintlaħqu l-għanijiet li jiġi żgurat
il-funzjonament tajjeb tas-Suq Intern, filwaqt li fl-istess ħin tipprevedi
livell għoli ta’ sikurezza u ħarsien għall-pubbliku. ·
L-għażla tal-istrumenti L-użu ta’ Deċiżjoni tal-Kunsill
huwa meħtieġ skont l-Artikolu 218(9) tat-TFUE sabiex jiġu
stabbiliti l-pożizzjonijiet li għandhom jiġu adottati f’isem
l-Unjoni f’korp stabbilit permezz ta’ ftehim internazzjonali. 2014/0162 (NLE) Proposta għal DEĊIŻJONI TAL-KUNSILL li tistabbilixxi l-pożizzjoni li
għandha tiġi adottata f’isem l-Unjoni fil-Kumitati rilevanti
tal-Kummissjoni Ekonomika għall-Ewropa tan-Nazzjonijiet Uniti dwar
il-proposti għall-emendi għar-Regolamenti Nri 13, 13H, 14, 29,
44, 49, 51, 54, 75, 83, 90, 101, 106, 121 u 127 tan-NU, għar-Regolament
tan-NU dwar it-tagħmir ta’ kontroll tal-emissjonijiet immuntat wara (REC)
fil-vetturi ta’ strapazz (“heavy-duty”), u għar-Riżoluzzjoni
Kkonsolidata tan-NU dwar il-Kostruzzjoni tal-Vetturi (R.E.3) IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikulari l-Artikolu 114
tiegħu, flimkien mal-Artikolu 218(9) tiegħu, Wara li kkunsidra l-proposta tal-Kummissjoni
Ewropea, Billi: (1) F’konformità mad-Deċiżjoni
tal-Kunsill 97/836/KE[3],
l-Unjoni ssieħbet fil-Ftehim tal-Kummissjoni Ekonomika għall-Ewropa
tan-Nazzjonijiet Uniti (in-NU/KEE) dwar l-adozzjoni ta’ preskrizzjonijiet
tekniċi uniformi għall-vetturi bir-roti, tagħmir u partijiet li
jistgħu jitwaħħlu u/jew jintużaw fuq vetturi bir-roti u
l-kundizzjonijiet għar-rikonoxximent reċiproku tal-approvazzjonijiet
mogħtija abbażi ta’ dawn il-preskrizzjonijiet (“il-Ftehim Rivedut
tal-1958”). (2) F’konformità mad-Deċiżjoni
tal-Kunsill 2000/125/KE[4],
l-Unjoni ssieħbet fil-Ftehim li jistabbilixxi regolamenti tekniċi
globali għall-vetturi bir-roti, apparat u partijiet li jistgħu
jitwaħħlu u/jew jintużaw f’vetturi bir-roti (il-“Ftehim
Parallel”). (3) Id-Direttiva 2007/46/KE tal-Parlament Ewropew u
tal-Kunsill[5]
issostitwiet is-sistemi ta’ approvazzjoni tal-Istati Membri bi proċedura
ta’ approvazzjoni tal-Unjoni u stabbilixxiet qafas armonizzat li fih
id-dispożizzjonijiet amministrattivi u r-rekwiżiti tekniċi
ġenerali għall-vetturi, is-sistemi, il-komponenti u l-unitajiet
tekniċi separati l-ġodda kollha. Dik id-Direttiva inkorporat
ir-Regolamenti tan-NU fis-sistema tal-UE għall-approvazzjoni tat-tip, jew
bħala rekwiżiti għall-approvazzjoni tat-tip jew inkella
bħala alternattivi għal-leġiżlazzjoni tal-Unjoni. Minn
mindu ġiet adottata dik id-Direttiva, ir-Regolamenti tan-NU qegħdin
jieħdu post il-leġiżlazzjoni tal-Unjoni dejjem aktar fil-qafas
tal-approvazzjoni tat-tip tal-UE. (4) Fil-kuntest tal-esperjenza miksuba u tal-iżviluppi
tekniċi li saru, iridu jiġu adattati r-rekwiżiti marbutin ma’
ċerti elementi jew ċerti karatteristiċi li huma koperti
mir-Regolamenti Nri 13, 13H, 14, 29, 44, 49, 51, 54, 75, 83, 90, 101, 106,
121 u 127 tan-NU, mir-Regolament tan-NU dwar it-tagħmir ta’ kontroll
tal-emissjonijiet immuntat wara (REC) fil-vetturi ta’ strapazz (“heavy-duty”),
u mir-Riżoluzzjoni Kkonsolidata tan-NU dwar il-Kostruzzjoni tal-Vetturi
(R.E.3). (5) Għaldaqstant, jeħtieġ li tiġi stabbilita
l-pożizzjoni li għandha tiġi adottata f’isem l-Unjoni
fil-Kumitat Amministrattiv tal-Ftehim Rivedut tal-1958 u fil-Kumitat
Eżekuttiv tal-Ftehim Parallel dwar l-adozzjoni ta’ dawk l-atti tan-NU, ADOTTA DIN ID-DEĊIŻJONI: Artikolu uniku Il-pożizzjoni li għandha tiġi
adottata f’isem l-Unjoni fil-Kumitat Amministrattiv tal-Ftehim Rivedut tal-1958
u fil-Kumitat Eżekuttiv tal-Ftehim Parallel bejn l-24 u
s-27 ta’ Ġunju 2014 għandha tkun li tivvota favur
l-atti tan-NU mniżżlin fl-Anness ta’ din id-Deċiżjoni. Magħmul fi Brussell, Għall-Kunsill Il-President [1] ĠU L 346, 17.12.1997, p. 78. [2] ĠU L 35, 10.2.2000, p. 12. [3] Id-Deċiżjoni tal-Kunsill 97/836/KE
tas-27 ta’ Novembru 1997 bil-għan tal-adeżjoni
tal-Komunità Ewropea mal-Ftehim tal-Kummissjoni Ekonomika tan-Nazzjonijiet
Uniti għall-Ewropa li jikkonċerna l-adozzjoni tal-preskrizzjonijet
tekniċi uniformi għall-vetturi bir-roti, tagħmir u partijiet
liema jistgħu jkunu ffittjati u/jew ikunu użati ma’ vetturi bir-roti
u l-kondizzjonijiet għar-rikonoxximent reċiproku
tal-approvazzjonijiet mogħtija fuq il-bażi ta’ dawn
il-preskrizzjonijiet (Ftehim Rivedut tal-1958) (ĠU L 346, 17.12.1997,
p. 78). [4] Id-Deċiżjoni tal-Kunsill 2000/125/KE
tal-31 ta’ Jannar 2000 dwar il-konklużjoni tal-Ftehim li
jistabbilixxi regolamenti tekniċi globali għall-vetturi bir-roti,
apparat u partijiet li jistgħu jitwaħħlu u/jew jintużaw
f’vetturi bir-roti (Ftehim Parallel) (ĠU L 35, 10.2.2000,
p. 12). [5] Id-Direttiva 2007/46/KE tal-Parlament Ewropew u
tal-Kunsill tal-5 ta’ Settembru 2007 li tistabbilixxi kwadru
għall-approvazzjoni ta’ vetturi bil-mutur u l-karrijiet tagħhom, u
ta’ sistemi, komponenti u unitajiet tekniċi separati maħsuba
għal tali vetturi (Direttiva Kwadru) (ĠU L 263, 9.10.2007,
p. 1). ANNESS Proposta għas-Suppliment 12 tas-serje 11 ta’ emendi tar-Regolament Nru 13 (L-ibbrejkjar tal-vetturi tqal) || ECE/TRANS/WP.29/2014/45 Proposta għas-Suppliment 16 tar-Regolament Nru 13-H (Il-brejkijiet tal-vetturi tal-kategoriji M1 u N1) || ECE/TRANS/WP.29/2014/46 Proposta għas-Suppliment 6 għas-serje 07 ta’ emendi tar-Regolament Nru 14 (L-ankraġġi taċ-ċinturini tas-sikurezza) || ECE/TRANS/WP.29/2014/34 Proposta għas-Suppliment 2 tas-serje 03 ta’ emendi tar-Regolament Nru 29 (Il-kabini tal-vetturi kummerċjali) || ECE/TRANS/WP.29/2014/35 Proposta għas-Suppliment 8 tas-serje 04 ta’ emendi tar-Regolament Nru 44 (Is-sistemi ta’ trażżin għat-tfal) || ECE/TRANS/WP.29/2014/36 Proposta għas-Suppliment 7 tas-serje 05 u għas-Suppliment 3 tas-serje 06 ta’ emendi tar-Regolament Nru 49 (L-emissjonijiet tal-magni ta’ tqabbid bil-kompressjoni u tal-magni ta’ tqabbid bl-ispark plaggs (LPG u CNG)) || ECE/TRANS/WP.29/2014/39 Proposta għas-Suppliment 10 tas-serje 02 ta’ emendi tar-Regolament Nru 51 (Il-ħoss tal-vetturi tal-kategoriji M u N) || ECE/TRANS/WP.29/2014/44 Proposta għall-emendi tar-Regolament Nru 51 (Il-ħoss tal-vetturi tal-kategoriji M u N) || ECE/TRANS/WP.29/2011/64 Proposta għas-Suppliment 19 tar-Regolament Nru 54 (It-tajers għall-vetturi kummerċjali u l-karrijiet tagħhom) || ECE/TRANS/WP.29/2014/47 Proposta għar-Rettifika 2 tar-Reviżjoni 3 tar-Regolament Nru 54 (It-tajers għall-vetturi kummerċjali u l-karrijiet tagħhom) || ECE/TRANS/WP.29/2014/51 Proposta għas-Suppliment 14 tar-Regolament Nru 75 (It-tajers għall-muturi/il-mopeds) || ECE/TRANS/WP.29/2014/48 Proposta għas-Suppliment 4 tas-serje 06 ta’ emendi tar-Regolament Nru 83 (L-emissjonijiet tal-vetturi tal-kategoriji M1 u N1) || ECE/TRANS/WP.29/2014/40 Proposta għas-serje 07 ta’ emendi tar-Regolament Nru 83 (L-emissjonijiet tal-vetturi tal-kategoriji M1 u N1) || ECE/TRANS/WP.29/2014/41 WP.29-163-05 Proposta għas-Suppliment 2 tas-serje 02 ta’ emendi tar-Regolament Nru 90 (Il-firrodi tal-brejkijiet ta’ sostituzzjoni) || ECE/TRANS/WP.29/2014/49 Proposta għas-Suppliment 4 tas-serje 01 ta’ emendi tar-Regolament Nru 101 (L-emissjonijiet tas-CO2/il-konsum tal-fjuwil) || ECE/TRANS/WP.29/2014/42 Proposta għas-Suppliment 11 tar-Regolament Nru 106 (It-tajers għall-vetturi agrikoli) || ECE/TRANS/WP.29/2014/50 Proposta għas-serje 01 ta’ emendi tar-Regolament Nru 121 (L-identifikazzjoni tal-kontrolli, tal-indikaturi operatorji u tal-indikaturi) || ECE/TRANS/WP.29/2012/30 ECE/TRANS/WP.29/2012/30/Corr.1 Proposta għas-Suppliment 1 tar-Regolament Nru 127 (Is-sikurezza tal-persuni li jkunu mexjin fit-triq) || ECE/TRANS/WP.29/2014/37 Proposta għas-serje 01 ta’ emendi tar-Regolament Nru 127 (Is-sikurezza tal-persuni li jkunu mexjin fit-triq) || ECE/TRANS/WP.29/2014/38 Proposta għas-serje 01 ta’ emendi tal-abbozz ta’ Regolament dwar id-dispożizzjonijiet uniformi għall-approvazzjoni tat-tagħmir ta’ kontroll tal-emissjonijiet immuntat wara (REC) fil-vetturi ta’ strapazz (“heavy-duty”) || ECE/TRANS/WP.29/2014/43 Proposta għall-emendi tar-Riżoluzzjoni Kkonsolidata dwar il-Kostruzzjoni tal-Vetturi (R.E.3) || ECE/TRANS/WP.29/2014/52