EUR-Lex Access to European Union law
This document is an excerpt from the EUR-Lex website
Document 52014PC0191
Proposal for a COUNCIL REGULATION on the allocation of fishing opportunities under the Protocol setting out the fishing opportunities and the financial contribution provided for in the Fisheries Partnership Agreement between the European Union and the Republic of São Tomé and Príncipe
Proposta għal REGOLAMENT TAL-KUNSILL dwar l-allokazzjoni ta’ opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea, minn naħa waħda, u r-Repubblika Demokratika ta' São Tomé e Príncipe, min-naħa l-oħra
Proposta għal REGOLAMENT TAL-KUNSILL dwar l-allokazzjoni ta’ opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea, minn naħa waħda, u r-Repubblika Demokratika ta' São Tomé e Príncipe, min-naħa l-oħra
/* COM/2014/0191 final - 2014/0116 (NLE) */
Proposta għal REGOLAMENT TAL-KUNSILL dwar l-allokazzjoni ta’ opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea, minn naħa waħda, u r-Repubblika Demokratika ta' São Tomé e Príncipe, min-naħa l-oħra /* COM/2014/0191 final - 2014/0116 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Il-Kunsill awtorizza lill-Kummissjoni Ewropea
biex tinnegozja, f'isem l-Unjoni Ewropea, it-tiġdid tal-protokoll
għall-Ftehim ta' Sħubija tas-Sajd fis-settur tas-sajd konkluż
mar-Repubblika Demokratika ta' São Tomé u Príncipe. Wara dawn in-negozjati,
ġie inizjalat abbozz ta' Protokoll ġdid min-negozjaturi
fid-19 ta' Diċembru 2013. Il-Protokoll il-ġdid ikopri
perjodu ta' erba' snin li jibda mid-data tal-applikazzjoni provviżorja
stipulata mill-Artikolu 14 – tiegħu. Din id-data tkun l-istess
bħal dik tal-iffirmar ta' dan il-Protokoll il-ġdid. L-għan prinċipali tal-Protokoll
tal-Ftehim huwa li joffri opportunitajiet tas-sajd għall-bastimenti
tal-Unjoni Ewropea fl-ilmijiet ta' São Tomé u Príncipe skont l-aqwa parir
xjentifiku disponibbli u r-rakkomandazzjonijiet tal-Kummissjoni Internazzjonali
għall-Konservazzjoni tat-Tonn tal-Atlantiku (ICCAT) fil-limiti
tal-kwantità żejda disponibbli. Il-Kummissjoni bbażat, fost
oħrajn, fuq ir-riżultati ta' evalwazzjoni ex-post
tal-protokoll preċedenti mwettqa minn esperti esterni. L-għan ġenerali huwa li
tissaħħaħ il-kooperazzjoni bejn l-Unjoni Ewropea u r-Repubblika
Demokratika ta' São Tomé u Príncipe favur l-iżvilupp ta’ politika tas-sajd
sostenibbli u l-użu responsabbli tar-riżorsi tas-sajd
fiż-żoni tas-sajd ta' São Tomé u Príncipe, fl-interess
taż-żewġ partijiet. Il-protokoll jipprovdi għal
opportunitajiet ta' sajd fil-kategoriji tas-sajd li ġejjin : – 28 bastiment tas-sajd
għat-tonn bit-tartarun. – 6 bastimenti tas-sajd bil-konzijiet
tal-wiċċ. Għandu jiġi ddefinit il-metodu
għad-distribuzzjoni tal-opportunitajiet tas-sajd fost l-Istati Membri.
Abbażi ta’ dan, il-Kummissjoni qed tipproponi li l-Kunsill jadotta dan
ir-Regolament. 2. RIŻULTATI TA’
KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT Il-partijiet interessati ġew ikkonsultati
fil-qafas tal-evalwazzjoni tal-Protokoll 2011-2014. Ġew ikkonsultati
wkoll l-esperti mill-Istati Membri waqt laqgħat tekniċi. Minn dawn
il-konsultazzjonijiet ġie konkluż li jkun ta’ benefiċċju li
jinżamm protokoll tas-sajd mar-Repubblika Demokratika ta' São Tomé u
Príncipe. 3. ELEMENTI LEGALI TAL-PROPOSTA Din il-proċedura qed tinbeda f'parallel
mal-proċeduri marbuta mad-Deċiżjoni tal-Kunsill dwar
il-konklużjoni tal-Protokoll li stabbilixxa l-opportunitajiet tas-sajd u
l-kontribut finanzjarju previst fil-Ftehim tas-Sħubija dwar is-Sajd bejn
l-Unjoni Ewropea u r-Repubblika Demokratika ta' São Tomé u Príncipe kif ukoll
id-Deċiżjoni tal-Kunsill li tawtorizza l-iffirmar u l-applikazzjoni
provviżorja tal-Protokoll innifsu. 4. IMPLIKAZZJONI
GĦALL-BAĠIT Il-kontribuzzjoni finanzjarja annwali tammonta
għal EUR 710 000 għall-ewwel tliet snin u għal EUR 675 000
għar-raba' sena abbażi ta' a) tunnellaġġ ta' referenza ta'
EUR 7 000, li għalih ammont marbut mal-aċċess ġie stabbilit
għal EUR 385 000 għall-ewwel tliet snin u EUR 350 000 għar-raba'
sena u b) appoġġ għall-iżvilupp tal-politika settorjali
tas-sajd tar-Repubblika Demokratika ta' São Tomé u Príncipe li jammonta
għal EUR 325 000. Dan l-appoġġ huwa konformi mal-objettivi
tal-politika nazzjonali fir-rigward tas-sajd u b'mod partikolari
mal-ħtiġijiet tar-Repubblika Demokratika ta' São Tomé u Príncipe
fir-rigward ta' appoġġ għas-sajd artiġjanali u
tal-ġlieda kontra s-sajd illegali. 2014/0116 (NLE) Proposta għal REGOLAMENT TAL-KUNSILL dwar l-allokazzjoni ta’ opportunitajiet
tas-sajd skont il-Protokoll li jistabbilixxi l-opportunitajiet tas-sajd u
l-kontribuzzjoni finanzjarja previsti fil-Ftehim ta’ Sħubija dwar is-Sajd
bejn l-Unjoni Ewropea, minn naħa waħda, u r-Repubblika Demokratika
ta' São Tomé e Príncipe, min-naħa l-oħra IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-Artikolu 43(3)
tiegħu, Wara li kkunsidra l-proposta tal-Kummissjoni
Ewropea, Billi : (1) Fid-19 ta' Diċembru
2013, l-Unjoni Ewropea u r-Repubblika Demokratika ta' São Tomé u Príncipe
nnegozjaw u inizjalaw Protokoll ġdid għall-Ftehim ta' Sħubija
dwar is-Sajd li jipprovdi lill-bastimenti tal-Unjoni Ewropea opportunitajiet
tas-sajd fl-ilmijiet li fuqhom ir-Repubblika Demokratika ta' São Tomé u
Príncipe għandha s-sovranità jew il-ġurisdizzjoni fir-rigward
tas-sajd, (2) Fil-[…], il-Kunsill adotta
d-Deċiżjoni Nru XXX/2010/UE[1]
dwar l-iffirmar u l-applikazzjoni provviżorja tal-Protokoll il-ġdid, (3) Il-metodu
għall-allokazzjoni tal-opportunitajiet tas-sajd fost l-Istati Membri
għandu jiġi definit kemm għall-perjodu tal-applikazzjoni
provviżorja kif ukoll għall-perjodu tal-Protokoll, (4) Sabiex ikun żgurat li
l-opportunitajiet tas-sajd disponibbli għall-Unjoni Ewropea skont
il-Protokoll huma użati bis-sħiħ, hu neċessarju li
l-Kummissjoni jkollha s-setgħa li talloka mill-ġdid fuq bażi
temporanja opportunitajiet tas-sajd mhux użati minn xi Stat Membru
għal ieħor, mingħajr ma taffettwa l-allokazzjoni jew l-iskambju
tal-opportunitajiet tas-sajd fost l-Istati Membri skont il-Protokoll, (5) Dan ir-Regolament għandu
jidħol fis-seħħ fil-jum ta' wara l-pubblikazzjoni tiegħu f'Il-Ġurnal
Uffiċjali tal-Unjoni Ewropea. ADOTTA DAN IR-REGOLAMENT: Artikolu 1 (1)
L-opportunitajiet ta’ sajd stabbiliti
mill-Protokoll jitqassmu bejn l-Istati Membri kif ġej : (a)
bastimenti tas-sajd bit-tartarun : Spanja || 15 bastimenti Franza || 13 bastimenti (b)
bastiment tas-sajd bil-konzijiet tal-wiċċ :
Spanja || p.m. bastimenti Il-Portugall || p.m. bastimenti (2)
Ir-Regolament tal-Kunsill (KE) Nru 1006/2008
tad-29 ta' Settembru 2008 dwar l-awtorizzazzjonijiet
għall-attivitajiet tas-sajd tal-bastimenti tas-sajd tal-Komunità barra
mill-ilmijiet tal-Komunità u l-aċċess ta' bastimenti ta' pajjiżi
terzi għall-ilmijiet tal-Komunità[2] japplika mingħajr preġudizzju
għas-sħubija. (3)
Jekk l-applikazzjonijiet
għall-awtorizzazzjonijiet tas-sajd mill-Istati Membri msemmijin
fil-paragrafu 1 ma jkoprux l-opportunitajiet kollha tas-sajd stipulati
mill-Protokoll, il-Kummissjoni tista' tqis l-applikazzjonijiet
għall-awtorizzazzjonijiet tas-sajd minn kwalunkwe Stat Membru ieħor
skont id-dispożizzjonijiet tal-Artikolu 10 tar-Regolament (KE)
Nru 1006/2008. (4)
Jekk jidher li l-opportunitajiet tas-sajd
imsemmijin fil-paragrafu 1 mhumiex qed jiġu użati
bis-sħiħ, il-Kummissjoni għandha tinforma lill-Istati Membri
kkonċernati u titlobhom jikkonfermaw li mhumiex jagħmlu użu minn
dawk l-opportunitajiet tas-sajd. F'każ li ma tasalx risposta fi żmien
10 ijiem ta' xogħol għandu jitqies bħala konferma li
l-bastimenti tal-Istat Membru kkonċernat mhux qed jagħmlu użu
sħiħ mill-opportunitajiet tagħhom tas-sajd matul il-perjodu in
kwistjoni. Wara li l-Istat Membru kkonċernat jikkonferma, l-opportunitajiet
tas-sajd mhux użati għandhom isiru disponibbli għall-Istati
Membri. Artikolu 2 Dan ir-Regolament għandu jidħol
fis-seħħ fil-jum ta’ wara l-pubblikazzjoni tiegħu f’Il-Ġurnal
Uffiċjali tal-Unjoni Ewropea. Huwa jibda japplika mid-data tal-iffirmar
tal-Protokoll. Dan ir-Regolament jorbot fl-intier
tiegħu u japplika direttament fl-Istati Membri kollha. Magħmul fi Brussell, Għall-Kunsill Il-President [1] ĠU C tal- , p. . [2] ĠU L 286, 29.10.2008, p. 33.