EUR-Lex Access to European Union law
This document is an excerpt from the EUR-Lex website
Document 52014DC0405
Recommendation for a COUNCIL RECOMMENDATION on Denmark’s 2014 national reform programme and delivering a Council opinion on Denmark’s 2014 convergence programme
Rakkomandazzjoni għal RAKKOMANDAZZJONI TAL-KUNSILL dwar il-programm ta' riforma nazzjonali tal-2014 tad-Danimarka u t-twassil ta' opinjoni tal-Kunsill dwar il-programm ta' konverġenza tal-2014 tad-Danimarka
Rakkomandazzjoni għal RAKKOMANDAZZJONI TAL-KUNSILL dwar il-programm ta' riforma nazzjonali tal-2014 tad-Danimarka u t-twassil ta' opinjoni tal-Kunsill dwar il-programm ta' konverġenza tal-2014 tad-Danimarka
/* COM/2014/0405 final */
Rakkomandazzjoni għal RAKKOMANDAZZJONI TAL-KUNSILL dwar il-programm ta' riforma nazzjonali tal-2014 tad-Danimarka u t-twassil ta' opinjoni tal-Kunsill dwar il-programm ta' konverġenza tal-2014 tad-Danimarka /* COM/2014/0405 final */
Rakkomandazzjoni għal RAKKOMANDAZZJONI TAL-KUNSILL dwar il-programm ta' riforma nazzjonali
tal-2014 tad-Danimarka
u t-twassil ta' opinjoni tal-Kunsill dwar il-programm ta' konverġenza
tal-2014 tad-Danimarka IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b'mod partikolari l-Artikoli 121(2)
u 148(4) tiegħu, Wara li kkunsidra r-Regolament tal-Kunsill
(KE) Nru 1466/97 tas-7 ta' Lulju 1997 dwar
it-tisħiħ tas-sorveljanza ta' pożizzjonijiet ta' budget u s-sorveljanza
u l-koordinazzjoni ta' politika ekonomika[1],
u b'mod partikolari l-Artikolu 9(2) tiegħu, Wara li kkunsidra r-rakkomandazzjoni
tal-Kummissjoni Ewropea[2], Wara li kkunsidra r-riżoluzzjonijiet
tal-Parlament Ewropew[3], Wara li kkunsidra l-konklużjonijiet
tal-Kunsill Ewropew, Wara li kkunsidra l-opinjoni tal-Kumitat
tal-Impjiegi, Wara li kkunsidra l-opinjoni tal-Kumitat
Ekonomiku u Finanzjarju, Wara li kkunsidra l-opinjoni tal-Kumitat
tal-Protezzjoni Soċjali, Wara li kkunsidra l-opinjoni tal-Kumitat tal-Politika
Ekonomika, Billi: (1)
Fis-26 ta' Marzu 2010, il-Kunsill Ewropew qabel
mal-proposta tal-Kummissjoni li tiġi mnedija strateġija ġdida
għat-tkabbir u l-impjiegi, Ewropa 2020, ibbażata fuq koordinazzjoni
msaħħa tal-politiki tal-ekonomija, li tiffoka fuq il-punti ewlenin
fejn hija meħtieġa azzjoni biex jisaħħaħ il-potenzjal
tal-Ewropa għal tkabbir sostenibbli u kompetittività. (2)
Fit-13 ta' Lulju 2010, il-Kunsill, abbażi
tal-proposti tal-Kummissjoni, adotta rakkomandazzjoni dwar il-linji gwida
ġenerali għall-politiki ekonomiċi tal-Istati Membri u tal-Unjoni
(mill-2010 sal-2014) u, fil-21 ta' Ottubru 2010, adotta deċiżjoni
dwar il-linji gwida għall-politiki tal-impjiegi tal-Istati Membri, li
flimkien jifformaw il-"linji gwida integrati". L-Istati Membri kienu
mistiedna sabiex jikkonsidraw il-linji gwida integrati fil-politiki
ekonomiċi u tal-impjiegi tagħhom. (3)
Fid-29 ta' Ġunju 2012, il-Kapijiet ta' Stat
jew tal-Gvern iddeċidew dwar Patt għat-Tkabbir u Impjiegi, li
jipprovdi qafas koerenti għal azzjoni f'livelli nazzjonali, dak tal-UE kif
ukoll taż-Żona tal-Euro permezz tal-użu tal-għodod,
l-istrumenti u l-politiki kollha possibbli. Huma ddeċidew dwar azzjoni li
għandha tittieħed fil-livell tal-Istati Membri, b'mod partikolari li
tesprimi impenn b'mod sħiħ sabiex jinkisbu l-objettivi tal-Ewropa
2020 u jiġu implimentati r-rakkomandazzjonijiet speċifiċi
għall-pajjiż. (4)
Fid-9 ta' Lulju 2013, il-Kunsill adotta
rakkomandazzjoni dwar il-programm nazzjonali ta' riforma tad-Danimarka
għall-2013 u wassal l-opinjoni tiegħu dwar il-programm ta'
konverġenza aġġornat tad-Danimarka għall-2013-2016. (5)
Fit-13 ta' Novembru 2013, il-Kummissjoni adottat
l-Istħarriġ Annwali dwar it-Tkabbir[4],
li jagħti bidu tas-Semestru Ewropew 2014 tal-koordinazzjoni tal-politika
ekonomika. Fl-istess ġurnata abbażi tar-Regolament (UE) Nru
1176/2011, il-Kummissjoni adottat ir-Rapport dwar il-Mekkaniżmu ta'
Twissija[5],
li fih hija identifikat id-Danimarka bħala wieħed mill-Istati Membri
li dwaru għandu jitwettaq eżami mill-ġdid fil-fond. (6)
Fl-20 ta' Diċembru 2013, il-Kunsill Ewropew
approva l-prijoritajiet li jiżguraw stabbiltà finanzjarja, konsolidament
fiskali u azzjoni biex jissaħħaħ it-tkabbir. Il-Kunsill
enfasizza l-ħtieġa li jissokta l-konsolidament fiskali differenzjat u
favur it-tkabbir, sabiex il-kundizzjonijiet ta' self għall-ekonomija
jerġgħu lura għan-normal, jiġu promossi t-tkabbir u
l-kompetittività, jiġu trattati l-qgħad u l-konsegwenzi soċjali
tal-kriżi, u biex l-amministrazzjoni pubblika tiġi modernizzata. (7)
Fil-5 ta' Marzu 2014, il-Kummissjoni ppubblikat
ir-riżultati tal-eżami mill-ġdid fil-fond tagħha
għad-Danimarka[6],
skont l-Artikolu 5 tar-Regolament (UE) Nru 1176/2011. L-analiżi
tal-Kummissjoni twassalha biex tikkonkludi li l-isfidi makroekonomiċi
tad-Danimarka li jirrelataw ma' dejn privat u kompetittività esterna ma kenux
għadhom identifikati bħala żbilanċi fis-sens
tal-Proċedura ta' Żbilanċ Makroekonomiku. B'mod partikolari,
l-aġġustament tas-suq tad-djar u l-implikazzjonijiet tad-dejn
tas-settur provat għoli għall-ekonomija reali u l-istabbiltà
tas-settur finanzjarju jidhru kkontrollati. Madankollu, dawn l-iżviluppi,
kif ukoll il-muturi tal-kompetittività esterna, jistħoqqilhom
monitoraġġ kontinwu. (8)
Fil-15 ta' April 2014, id-Danimarka ppreżentat
il-programm tagħha ta' konverġenza tal-2014 u l-programm ta' riforma
nazzjonali tagħha tal-2014. Biex jiġu kkunsidrati l-konnessjonijiet
ta' bejniethom, iż-żewġ programmi ġew ivvalutati fl-istess
żmien. (9)
L-objettiv tal-istrateġija baġitarja
msemmi fil-Programm ta' Konverġenza tal-2014 huwa li tiġi żgurata
s-sostenibbiltà tal-korrezzjoni tad-defiċit eċċessiv u li
jinżamm il-bilanċ tal-baġit strutturali fuq il-livell
tal-objettiv ta' terminu medju jew 'il fuq minnu. L-objettiv tat-terminu medju,
f'-0,5 % tal-PDG, jirrifletti l-ħtiġijiet tal-Patt ta' Stabbiltà u
Tkabbir. Id-defiċit tal-gvern ġenerali tad-Danimarka kien inġieb
b'mod sostenibbli taħt it-3 % tal-PDG fl-2013. Il-programm jimmira
defiċit primarju tal-gvern ġenerali ta' 1,3 % tal-PDG fl-2014 u 2,9 %
fl-2015, li huwa konsistenti ma' bilanċ strutturali (kalkolat
mill-ġdid) fil-livell tal-objettiv tat-terminu medju jew 'il fuq minnu.
B'ħarsa ġenerali, l-istrateġija baġitarja deskritta
fil-programm hija konformi mal-ħtiġijiet tal-Patt ta' Stabbiltà u
Tkabbir. Il-livell tad-dejn, f'44,5% tal-PDG fl-2013, huwa ppjanat li
jiżdied temporanjament fl-2015 u li jonqos wara. Ix-xenarju makroekonomiku
sottostanti tal-previżjonijiet baġitarji fil-programm huwa
plawżibbli. Ix-xenarju jipproġetta tkabbir tal-PDG ta' 1,6 % fl-2014
u 1,9 % fl-2015 u b'mod ġenerali huwa f'konformità mat-Tbassir
tar-Rebbiegħa 2014 tal-Kummissjoni ta' 1,5 % u 1,9 %. Ibbażat fuq il-valutazzjoni
tal-Programm ta' Konverġenza tal-2014 u t-tbassir tal-Kummissjoni, skont
ir-Regolament tal-Kunsill (KE) Nru 1466/97, il-Kunsill huwa tal-opinjoni li
l-finanzi pubbliċi tad-Danimarka huma tajbin u l-objettiv tal-Programm ta'
Konverġenza jista' jkun mistenni li jintlaħaq. (10)
Id-Danimarka għamlet xi progress dwar
l-indirizzar tas-sitwazzjoni għal gruppi fil-marġini tas-suq
tax-xogħol kif ukoll dwar l-avvanz tal-effettività tal-prezz tas-sistema
edukattiva. Ir-riforma tal-pensjonijiet tad-diżabilità u tal-flessimpjieg
bdiet turi riżultati, ir-riforma tal-benefiċċju fi flus
daħlet fis-seħħ, intlaħaq qbil fuq riforma
tal-benefiċċju tal-mard u l-gvern nieda proposta għal riforma
għal politiki tas-suq tax-xogħol attivi f'April. Jibqgħu
l-isfidi biex jiġi żgurat numru suffiċjenti ta' apprendistati u
jitkabbru l-kwalità u l-immaġni ta' dan it-tip ta' tagħlim, tiġi
mtejba l-edukazzjoni vokazzjonali u s-sistemi tat-taħriġ u jiġu
indirizzati r-rati għoljin tal-abbandun bikri mill-iskola. Minħabba
l-istadju bikri tal-implimentazzjoni tar-riformi, l-effett sħiħ
għad irid jidher. Rigward l-edukazzjoni u t-taħriġ vokazzjonali,
intlaħaq ftehim għal riforma fi Frar 2014 u hija mistennija
tidħol fis-seħħ f'nofs l-2015, bil-ħsieb li tittejjeb
il-kwalità tal-edukazzjoni u t-taħriġ vokazzjonali permezz ta'
varjetà wiesgħa ta' inizjattivi. (11)
Li tingħata l-ħajja mill-ġdid
lill-produttività tibqa' sfida għall-ekonomija Daniża.
Il-valutazzjoni tal-Kummissjoni Ewropea hija b'mod wiesa' konformi mas-sejbiet
tal-Kummissjoni dwar il-Produttività. F'April 2014, il-Kummissjoni dwar
il-Produttività ppubblikat 25 rakkomandazzjoni prinċipali u iktar minn 100
proposta konkreta f'oqsma bħall-kompetizzjoni, l-akkwist pubbliku,
l-edukazzjoni, l-internalizzazzjoni, l-innovazzjoni, it-tassazzjoni u
l-infrastuttura. Il-problema tal-indirizzar tal-isfida tat-tkabbir
tal-produttività baxx se tkun indirizzata bl-implimentazzjoni
tar-rakkomandazzjonijiet tal-Kummissjoni tal-Produttività. (12)
Fil-kuntest tas-Semestru Ewropew, il-Kummissjoni
wettqet analiżi komprensiva tal-politika ekonomika tad-Danimarka.
Il-Kummissjoni vvalutat il-programm ta' konverġenza u l-programm ta'
riforma nazzjonali. Hija ma kkunsidratx biss ir-rilevanza tagħhom
għall-politika fiskali u soċjoekonomika sostenibbli fid-Danimarka
iżda wkoll il-konformità tagħhom mar-regoli u l-gwida tal-UE,
minħabba l-bżonn għat-tisħiħ tal-governanza ekonomika
globali tal-Unjoni Ewropea billi jiġi pprovdut kontribut fil-livell tal-UE
fid-deċiżjonijiet nazzjonali futuri. Ir-rakkomandazzjonijiet tagħha skont is-Semestru Ewropew jidhru
fir-rakkomandazzjonijiet minn (1) sa (3) hawn taħt. (13)
Abbażi ta' din il-valutazzjoni, il-Kunsill
eżamina l-programm ta' konverġenza tad-Danimarka, u l-opinjoni
tiegħu[7]
tidher b'mod partikolari fir-rakkomandazzjoni (1) hawn taħt. B'DAN JIRRAKKOMANDA li fil-perjodu bejn
l-2014-2015 id-Danimarka tieħu azzjoni biex: 1. Wara
l-korrezzjoni tad-defiċit eċċessiv, tkompli tfittex politika
fiskali li tiffavorixxi t-tkabbir u żżomm pożizzjoni fiskali
tajba, billi tiżgura li l-objettiv baġitarju tat-terminu medju
jkompli jkun osservat matul il-perjodu kopert mill-Programm ta'
Konverġenza. 2. Tieħu miżuri
ulterjuri biex ittejjeb l-impjegabbiltà tan-nies fil-marġini tas-suq
tax-xogħol. Ittejjeb ir-riżultati edukattivi, b'mod partikolari
għal żgħażagħ b'passat ta' migrazzjoni, u
l-effettività tat-taħriġ vokazzjonali. Tiffaċilita
t-tranżizzjoni għas-suq tax-xogħol, inkluż permezz ta'
użu iktar wiesa' ta' taħriġ u apprentistat ibbażat fuq
ix-xogħol. 3. Iżżid l-isforzi
biex tneħħi ostakoli għad-dħul u tnaqqas il-piż
regolatorju bil-ħsieb li żżid il-kompetizzjoni fis-settur
tas-servizzi domestiċi, b'mod partikolari fil-bejgħ bl-imnut u
fil-kostruzzjoni, kif rakkomandat mill-Kummissjoni dwar il-Produttività. Magħmul fi Brussell, Għall-Kunsill Il-President [1] ĠU L 209, 2.8.1997, p. 1. [2] COM(2014) 405 finali. [3] P7_TA(2014)0128 u P7_TA(2014)0129. [4] COM(2013) 800 finali. [5] COM(2013) 790 finali. [6] SWD(2014) 77 finali. [7] . Skont l-Artikolu 9(2)
tar-Regolament tal-Kunsill (KE) Nru 1466/97.