This document is an excerpt from the EUR-Lex website
Document 52014DC0154
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS An open and secure Europe: making it happen
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Ewropa miftuħa u sikura: kif nagħmluha realtà
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Ewropa miftuħa u sikura: kif nagħmluha realtà
/* COM/2014/0154 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Ewropa miftuħa u sikura: kif nagħmluha realtà /* COM/2014/0154 final */
KOMUNIKAZZJONI
TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EWROPEW
EKONOMIKU U SOĊJALI U LILL-KUMITAT TAR-REĠJUNI Ewropa
miftuħa u sikura: kif nagħmluha realtà Introduzzjoni Fl-aħħar
ħames snin, kienu żviluppati politiki għall-promozzjoni ta’
Ewropa aktar miftuħa u sigura. F’Ġunju 2014 il-Kunsill Ewropew se
jistabbilixxi l-linji gwida strateġiċi għall-iżvilupp
ulterjuri taż-żona ta’ libertà, sigurtà u ġustizzja. Filwaqt li
jirrikonoxxi li huma meħtieġa soluzzjonijiet komuni Ewropej għal
sfidi komuni, il-Kunsill se jkun jista' jibni fuq il-progress sinifikanti li
sar minn meta l-Programm ta’ Stokkolma stabbilixxa miri ambizzjużi
fl-2009. Minn dakinhar, fl-aħħar intlaħaq qbil dwar Sistema
Ewropea Komuni ta’ ażil, li tejbet l-istandards għal dawk li
jeħtieġu l-protezzjoni. Iż-żona Schengen - waħda
mill-aktar kisbiet popolari tal-proġett Ewropew - ġiet
imsaħħa. Kanali ta’ migrazzjoni legali ġew rinfurzati; issa hemm
kondizzjonijiet aktar ċari għad-dħul u s-soġġorn u
jeżisti sett komuni ta’ drittijiet għall-migranti. Il-politika komuni
dwar il-viża għaddiet minn modifiki kbar, li ssimplifikaw
id-dħul ta’ vjaġġaturi bona fide fl-Unjoni Ewropea li
kkontribwixxew għat-tkabbir ekonomiku tagħha. Ir-rekwiżiti
tal-viża għal diversi pajjiżi kienu aboliti. Fil-qasam
tas-sigurtà, l-leġiżlazzjoni u l-kooperazzjoni konkreta issa
jipprovdu għodod komuni li jgħinu fil-ħarsien
tas-soċjetajiet u l-ekonomiji Ewropej minn kriminalità serja u
organizzata. Żieda fil-kooperazzjoni fl-infurzar tal-liġi wriet li hi
essenzjali għar-reazzjoni kontra theddid komuni bħalma hu t-traffikar
tal-bnedmin, it-terroriżmu, il-kriminalità ċibernetika u
l-korruzzjoni. Qafas
tal-politiki tal-migrazzjoni esterna u tal-asil tal-UE ġie stabbilit
ukoll, biex b'hekk jippermetti lill-UE biex tinvolvi ruħha b’mod
komprensiv ma’ pajjiżi fil-viċinat tagħha u lil hinn, u sabiex
tikkontribwixxi għal inizjattivi li hemm għaddejjin tan-NU u dawk
mnedija mill-istati fil-qasam tal-migrazzjoni u l-iżvilupp. Filwaqt li
l-kisbiet li saru minn Stokkolma 'l hawn huma sostanzjali, ix-xogħol
bl-ebda mod ma hu lest. Għad baqa’ ħafna xi jsir sabiex tiġi
żgurata l-implimentazzjoni sħiħa u l-infurzar ta’ strumenti
eżistenti. Il-leġiżlazzjoni dwar l-asil għandha tkun
trasposta b’mod koerenti. Il-qafas ġuridiku għal politika komuni ta’
migrazzjoni għad irid jitlesta u sforzi ulterjuri huma meħtieġa
fil-qasam tal-integrazzjoni. Tħassib dwar is-sigurtà jeħtieġ li
jkun indirizzat bi ħtieġa ċara li tissaħħaħ
il-kooperazzjoni fl-infurzar tal-liġi bejn l-Istati Membri u
l-aġenziji tal-UE. Il-monitoraġġ u l-evalwazzjoni
tal-effikaċja tal-leġiżlazzjoni u l-politiki għandhom isiru
parti integrali taċ-ċiklu tal-politika. L-UE u l-Istati
Membri tagħha se jkunu wkoll ikkonfrontati bi sfidi ġodda. L-Ewropa
hija parti minn dinja globalizzata u interkonnessa fejn il-mobbiltà
internazzjonali hija mistennija li tikber. Aktar nies se jkunu jridu jiġu
fl-Ewropa — uħud temporanjament, bħal turisti, studenti u fornituri
tas-servizzi, oħrajn fuq bażi aktar permanenti sabiex jaħdmu jew
biex ifittxu protezzjoni. L-UE se tiltaqa' ma’ bidliet demografiċi,
urbanizzazzjoni, soċjetajiet dejjem aktar diversi u skarsezzi fis-suq
tax-xogħol. Se jkun kruċjali li jiġu massimizzati
l-benefiċċji li l-politiki tal-affarijiet interni jistgħu
jġibu għat-trawwim tat-tkabbir ekonomiku u li jkunu attirati n-nies
bil-ħiliet ġusti, kif ukoll dawk li jivvjaġġaw b’mod
leġittimu lejn l-Ewropa. L-Ewropa se
taffaċċja wkoll il-konsegwenzi ta’ nuqqas ta’ stabbiltà f’ħafna
partijiet tad-dinja u fil-viċinat immedjat tagħha b’mod partikolari.
Avvenimenti bħar-Rebbiegħa Għarbija u l-kriżi attwali
fis-Sirja jappellaw għal reazzjoni xierqa u kkoordinata għal influssi
migratorji mħallta u se jkun hemm bżonn ta’ sforzi addizzjonali biex
jiġu evitati li jerġgħu jiġru aktar traġedji
fil-baħar Mediterran. It-teknoloġiji
qed jiżviluppaw malajr, biex b'hekk jipprovdu opportunitajiet ġodda
għat-tkabbir ekonomiku u li jibdlu b’mod fundamentali l-mod kif in-nies
jikkollegaw u jirrelataw ma’ xulxin. Dawn il-bidliet iġibu wkoll sfidi
ġodda għas-sigurtà. Iċ-ċiberkriminalità hija ta’
tħassib dejjem akbar, it-traffikar tal-bnedmin qed isir dejjem aktar
sofistikat, il-kriminalità organizzata transfruntiera qed tfeġġ
f’forom ġodda u t-terroriżmu baqa’ theddida għas-sigurtà.
Jeħtieġ li nħaddnu l-innovazzjonijiet teknoloġiċi u
x-xjenza għax dawn jistgħu jgħinu biex jingħelbu dawn
ir-riskji. L-UE se jkollha bżonn li tkompli timmobilizza l-għodod
essenzjali għat-tħejjija u r-reżiljenza tas-sigurtà, notevolment
bl-użu tal-programm ta’ riċerka u żvilupp tagħha
Orizzont 2020. F’dinja dejjem
aktar interdipendenti, kwistjonijiet tal-affarijiet interni jridu jiġu
inkorporati fil-politika esterna kumplessiva tal-UE, li jippermettu djalogu
msaħħaħ u kooperazzjoni ma’ pajjiżi terzi. Konsistenza u koerenza
mal-politika esterna se jgħinu biex jiġu antiċipati l-isfidi,
jintlaħqu aħjar l-objettivi tal-UE, ikunu promossi l-valuri
tagħha u jkunu mwettqa l-obbligi internazzjonali tagħha relatati
mad-drittijiet tal-bniedem. Din
ir-riflessjoni strateġika ssir fi żmien meta l-Ewropa qiegħda
gradwalment toħroġ minn kriżi ekonomika u soċjali li
ħalliet it-traċċi tagħha, b'livell li għadu għoli
ta’ qgħad u bis-soċjetajiet tagħna li għadhom aktar
vulnerabbli u suxxettibbli għall-ksenofobija. Huwa f’dawn
iċ-ċirkostanzi li l-mexxejja politiċi għandhom jieħdu
azzjoni deċiżiva biex jiżguraw Ewropa miftuħa u sigura fejn
id-drittijiet fundamentali huma garantiti, li jibnu fuq il-Karta tad-Drittijiet
Fundamentali tal-UE, li għandhom jiġu rispettati
mill-istituzzjonijiet tal-UE meta jadottaw u jimplimentaw
leġiżlazzjoni kif ukoll mill-Istati Membri meta jaġixxu fil-kamp
ta' applikazzjoni tal-liġi tal-UE. Politiki fil-qasam tal-Affarijiet
Interni jippromwovu u jħarsu l-valuri Ewropej, jippermettu liċ-ċittadini
li jgħixu ħajjithom f’sikurezza u sigurtà, waqt li jgawdu r-rikkezza
tad-diversità li s-soċjetajiet tagħna jipprovdu. Fit-tħejjija
ta’ din il-Komunikazzjoni, il-Kummissjoni kkonsultat ma’ firxa wiesgħa ta’
partijiet involuti u partijiet interessati, b’mod partikolari permezz
tas-sistema ‘Ewropa miftuħa u sikura: Xi jmiss? "konferenza
tal-partijiet interessati li saret fid-29 u t-30 ta’ Jannar 2014
u permezz ta’ konsultazzjoni pubblika li attirat bosta kontribuzzjonijiet.
Diskussjonijiet dwar il-politiki futuri tagħna saru wkoll fil-Parlament
Ewropew, il-Kunsill, il-Kumitat tar-Reġjuni u fil-Bordijiet
Maniġerjali tal-Aġenziji tal-UE. Id-dibattitu
dwar il-politiki tal-Affarijiet Interni għandu jkun ibbażat fuq
l-evidenza. Għal dan l-għan, għażla ta’ dejta statistika
rilevanti għal din ir-riflessjoni hija ppreżentata fid-dokument ta’
ħidma tal-persunal tal-Kummissjoni mehmuż ma’ din il-Komunikazzjoni. Il-prijoritajiet
ta' politika 1. Politika
effettiva tal-migrazzjoni u l-mobilità Il-bidliet
demografiċi, b’mod partikolari t-tnaqqis tal-popolazzjoni attiva
fl-Ewropa, flimkien ma’ nuqqas ta’ ħiliet sinifikanti f’ċerti setturi
(b’mod partikolari inġinerija, IT u kura tas-saħħa) ifixklu
l-produttività tal-UE u għalhekk l-irkupru ekonomiku tagħha.
Kompetizzjoni dinjija dejjem tikber għal ħiliet u talenti taffettwa
s-swieq tax-xogħol f’ħafna Stati Membri u se tkun fattur
deċiżiv għall-prosperità ekonomika tal-Ewropa
għall-għaxar snin li ġejjin. Matul dawn
l-aħħar 15-il sena, l-UE segwiet strateġija skont is-settur
għall-migrazzjoni legali. Din irriżultat f’qafas ġuridiku
komuni, li jirregola d-dħul ta’ ċerti kategoriji ta’ persuni,
jirrikonoxxi d-drittijiet u jissanzjona l-vjolazzjonijiet. Huwa jrawwem ukoll
impenn komuni tal-Istati Membri dwar l-integrazzjoni u r-ritorn. Issa wasal iż-żmien
biex ikun ikkonsolidat politika ta’ migrazzjoni komuni aktar koerenti tal-UE li
tkkunsidra wkoll il-ħtiġijiet ekonomiċi fuq perjodu qasir u dawk
fuq perjodu twil. 1.1. Li jiġu massimizzati
l-benefiċċji ta’ migrazzjoni u integrazzjoni L-Ewropa
teħtieġ politika ta' migrazzjoni li effettivament tikkontribwixxi
għall-Istrateġija Ewropa 2020 għal tkabbir
intelliġenti, sostenibbli u inklużiv. L-Ewropa għandha tattira
talent ġdid u tikkompeti fix-xena globali. Sinerġiji ma’ oqsma
oħra ta’ politika huma importanti. L-UE għandha tiżgura
l-konsistenza pereżempju bejn il-migrazzjoni u l-impjiegi, l-edukazzjoni,
il-politiki kummerċjali u dwar l-iżvilupp u tipprovdi għal
ċaqliq għal żmien qasir ta’ professjonisti b’ħiliet
għoljin fl-għoti ta’ servizzi. L-attirar u ż-żamma ta’
studenti internazzjonali, kif ukoll il-promozzjoni ta’ edukazzjoni fost
migranti residenti legalment se tgħin biex tiżgura provvista
tal-ħiliet meħtieġa għas-suq tax-xogħol tal-UE
fil-ġejjieni. Biex tidentifika
aħjar is-setturi ekonmiċi u x-xogħlijiet li qed
jaffaċċjaw diffikultajiet fir-reklutaġġ jew nuqqas ta’
ħiliet disponibbli, valutazzjoni konġunta tal-ħtiġijiet
għandha tkun implimentata permezz ta’ djalogi strutturali mal-Istati Membri,
in-negozji u t-trejdjunjins fuq id-domanda għall-migrazzjoni u l-mobilità
tax-xogħol relatati mal-kummerċ. Filwaqt li jagħrfu li
l-ħtiġijiet differenti jistgħu jeżistu fl-Istati Membri,
pjattaforma ta’ koordinazzjoni fil-livell tal-UE tkun utli sabiex tiżgura
li l-migrazzjoni u l-mobilità jkollhom impatt pożittiv fuq l-ekonomija
tal-UE. B’mod parallel,
miżuri li jimmassimizzaw il-potenzjal tal-migranti li diġà huma
residenti legalment fl-Istati Membri għandhom jissaħħu
minħabba li bħalissa r-rati ta’ impjieg huma sew taħt il-medja u
ħafna jesperjenzaw l-esklużjoni soċjali fuq livell ogħla.
Mekkaniżmi ta’ tqabbil ta’ impjieg eżistenti bħal EURES u
l-Panorama tal-Ħiliet tal-UE għandhom jittejbu aktar u jkunu
estiżi għal nazzjonali ta’ pajjiżi terzi. Miżuri ta’ qabel
it-tluq jistgħu jkunu utli biex jassistu lill-immigranti b’informazzjoni,
taħriġ jew metodi ta’ rikonoxximent tal-kwalifiki – iżda dawn
m’għandhomx jitqiesu bħala kundizzjoni għad-dħul fl-UE.
L-intraprenditorija tal-migranti għandha tkun iffaċilitata billi tkun
żgurata l-istabbiltà tal-permessi u jkun permess aċċess
faċli għall-informazzjoni u l-opportunitajiet ta’ netwerking. Se jkun
meħtieġ aktar xogħol dwar it-trasferibbiltà tad-drittijiet
tal-pensjoni u l-intitolamenti soċjali, pereżempju biex jippermettu
lill-ħaddiema migranti jittrasferixxu d-drittijiet tal-pensjoni
tax-xogħol tagħhom bejn is-setturi u l-pajjiżi kollha,
inklużi pajjiżi terzi, bl-istess mod bħala ċittadini
tal-UE. Biex tattira
t-talenti, l-UE għandha tkompli tinkoraġġixxi aktar u jttejeb
l-għarfien ta’ kwalifiki barranin u ta' ħiliet professjonali; dan
jgħin ukoll biex isir użu tajjeb tal-ħiliet u l-kwalifiki ta’
migranti residenti legalment. Għal dan l-għan l-UE tista’ wkoll tibda
diskussjoni mal-imsieħba internazzjonali tagħha. Bħala parti
mill-attrattività tal-UE, l-istudenti u r-riċerkaturi għandhom
jibbenefikaw minn proċeduri għall-viża aktar faċli u aktar
veloċi. Ir-regoli
eżistenti tal-UE dwar l-ammissjoni ta’ migranti u dwar id-drittijiet
tagħhom għandhom jiġu implimentati b’mod effettiv u koerenti
mill-Istati Membri kollha. Evalwazzjoni tal-leġiżlazzjoni attwali
dwar il-migrazzjoni legali tgħin biex jiġu identifikati lakuni,
tittejjeb il-konsistenza u jkun ivvalutat l-impatt tal-qafas eżistenti.
Jistgħu jittieħdu passi ulterjuri biex ikunu kkodifiki u
ssimplifikati l-kundizzjonijiet sostantivi għal ammissjoni, kif ukoll dawk
tad-drittijiet ta’ persuni bin-nazzjonalità ta’ pajjiżi terzi. Dan ikun
pass lejn “żona unika ta’ migrazzjoni”, bil-għan li tiġi
ffaċilitata l-mobbiltà fi ħdan l-UE ta’ nazzjonali ta’ pajjiżi
terzi, inkluż permezz ta’ rikonoxximent reċiproku ta’ permessi
nazzjonali. L-Ewropa hija
soċjetà diversa fejn l-integrazzjoni tibqa’ sfida. Biex itejbu
l-koeżjoni soċjali u biex jinkisbu l-benefiċċji
sħaħ ta’ migrazzjoni, għandu jissaħħaħ l-impenn
lejn l-integrazzjoni effettiva tal-migranti fis-suq tax-xogħol u
fis-soċjetajiet li jilqgħuhom. F’dawn l-isforzi għandha
tingħata aktar attenzjoni għall-bilanċ bejn il-ġeneri u
biex tkun indirizzata l-lakuna importanti fl-impjiegi għal migranti nisa.
Trattament ġust u aċċess mhux diskriminatorju għas-suq
tax-xogħol għandhom ikunu żgurati. Migranti vulnerabbli,
partikularment nisa, migranti żagħżagħ u minorenni mhux
akkumpanjati għandhom jirċievu appoġġ immirat u għandu
jkun applikat approċċ li jikkunsidra “l-aħjar interessi
tat-tfal” b'mod prattiku f’konformità mal-Konvenzjoni tan-NU dwar id-Drittijiet
tat-Tfal. Billi nibnu fuq xogħol preċedenti fil-qasam
tal-integrazzjoni, jistgħu jkunu identifikati politiki ta’
suċċess u tkun imxerrda l-aħjar prassi. Se jkun
meħtieġ aktar xogħol fuq il-bini ta’ kapaċità u fuq
l-involviment tal-awtoritajiet lokali u reġjonali, li huma fuq quddiem
nett tal-politiki ta’ integrazzjoni. 1.2. Approċċ kredibbli
għall-migrazzjoni irregolari u r-ritorn Il-prevenzjoni u
t-tnaqqis tal-migrazzjoni irregolari huma parti essenzjali ta’ kwalunkwe
sistema ta’ migrazzjoni ġestita tajjeb. It-tnaqqis tal-migrazzjoni
irregolari jeħtieġ taħlita ta’ miżuri. Il-migrazzjoni
irregolari hija ta' spiss marbuta mal-kuntrabandu ta’ persuni u t-traffikar
tal-bnedmin u imqanqla minn domanda minn min iħaddem li joffri
opportunitajiet ta' xogħol illegali. Il-kooperazzjoni mal-pajjiżi
tal-oriġini u tat-tranżitu hija essenzjali u għandha tkun parti
integrali tal-azzjonijiet esterni tal-UE, inkluża l-kooperazzjoni
għall-iżvilupp. Evalwazzjoni
bir-reqqa tar-regoli attwali dwar il-kuntrabandu ta’ persuni jistgħu
jiġu segwiti u strateġija komprensiva ġdida tal-UE tista’
tagħmel l-aħjar użu mill-għodod eżistenti, biex
tindirizza n-naħa tad-domanda tal-migrazzjoni irregolari u tittratta
netwerks kriminali involuti. Aktar miżuri preventivi, inklużi
kampanji ta’ informazzjoni fil-pajjiżi ta’ oriġini u ta’
tranżitu għandhom jitwettqu sabiex jiftħu għajnejn in-nies
dwar ir-riskji ta’ migrazzjoni irregolari. L-Unjoni se
tkompli tagħti prijorità lill-isforzi ta' ritorn volontarju u għandha
tkun ikkunsidrata l-possibilità li jingħata ritorn volontarju Ewropew
assistit u miżuri ta' integrazzjoni mill-ġdid li jistgħu
jiġu implimentati f’kooperazzjoni mill-qrib mal-pajjiżi ta’
oriġini, organizzazzjonijiet internazzjonali u organizzazzjonijiet mhux
governattivi. B’mod parallel,
l-UE teħtieġ li tkompli tikkoopra ma’ pajjiżi terzi biex
tiġi żgurata l-applikazzjoni sħiħa tal-obbligi ta’
riammissjoni eżistenti fi ftehimiet internazzjonali konklużi ma’
pajjiżi terzi li jiżguraw ritorn effettiv ta’ nazzjonali ta’
pajjiżi terzi mingħajr dritt legali li jibqgħu fl-UE. Ftehimiet
ta’ riammissjoni ma’ pajjiżi ta’ oriġini importanti oħra
jistgħu jkollhom jiġu kkunsidrati filwaqt li jkunu sfruttati l-possibbiltajiet
eżistenti kollha fid-dominju estern tal-UE. L-UE għandha tkompli
ssaħħaħ il-politika tar-ritorn bbażata fuq standards komuni
li jiżguraw ritorn kredibbli u uman, li tirrispetta d-drittijiet
fundamentali u d-dinjità ta’ kull individwu. 2. Schengen,
il-viża u l-fruntieri esterni 2.1. Schengen Il-ħolqien
taż-żona ta’ Schengen, li tippermetti lin-nies jivvjaġġaw
mingħajr ma jkunu suġġetti għal kontrolli, huwa parti
essenzjali mill-kostruzzjoni Ewropea. Kull sena, iċ-ċittadini Ewropej
jagħmlu aktar minn 1,25 miljun vjaġġ għal
turiżmu, negozju jew biex iżuru qraba u ħbieb madwar l-Ewropa
kollha mingħajr ostakli fil-fruntieri interni. Minbarra li hu popolari
maċ-ċittadini, dan il-moviment liberu jġib miegħu wkoll
benefiċċji kbar għall-ekonomija Ewropea. Iż-żona
Schengen għandha tkun kompluta. L-implimentazzjoni effettiva tal-bidliet
li ntlaħaq qbil dwarhom reċentament għall-governanza ta’
Schengen hija prijorità ewlenija. Din għandha tgħin biex tiżdied
il-fiduċja reċiproka fost l-Istati ta’ Schengen, tipprevjeni
l-abbużi u tippermetti lill-Unjoni biex tiġġestixxi
sitwazzjonijiet fejn Stat Membru ma jkunx qed iwettaq l-obbligi tiegħu li
jikkontrolla s-sezzjoni tiegħu tal-fruntieri esterni. Għandha
tingħata attenzjoni partikolari lill-operat korrett tas-sistema ta’
Informazzjoni ta’ Schengen (SIS II) sabiex tkun issalvagwardata s-sigurtà
u l-moviment ħieles tal-persuni. Din il-ħidma hija responsabbiltà
ċentrali għall-Aġenzija tal-UE għal sistemi fuq skala kbira
(EU-LISA) stabbilita fl-2012. Barra milli twassal għall-operat effettiv
kemm tas-sistemi tal-IT attwali u dawk futuri fil-qasam tal-Affarijiet Interni,
fis-snin li ġejjin EU-LISA għandha tfittex sinerġiji bejn
l-aġenziji rilevanti tal-UE fir-rigward tas-sigurtà u l-iżvilupp
tas-sistemi tal-IT.
2.2.
It-tisħiħ tal-implimentazzjoni tal-politika komuni dwar il-viża L-għan
tal-politika dwar il-viża għandu jkun li tiffaċilita
l-opportunitajiet tal-ivvjaġġar għal dawk li
jivvjaġġaw b’mod leġittimu u jagħmel iż-żona
Schengen destinazzjoni aktar attraenti għal nazzjonali ta’ pajjiżi
terzi, filwaqt li jinżamm livell għoli ta’ sigurtà. Huwa fl-interess
tal-UE li tkun miftuħa għal viżitaturi, li jikkontribwixxu
għat-tkabbir ekonomiku. Wasal iż-żmien li jitlesta l-proċess
ta’ politika komuni dwar il-viża billi ikun irrevedut il-kodiċi
tal-viżi ta’ Schengen biex tkun żgurata aktar konverġenza
fil-mod kif il-viżi ta’ Schengen huma pproċessati mill-Istati Membri
u billi titlesta l-introduzzjoni dinjija tas-Sistema ta’ Informazzjoni dwar il-Viża
(VIS). It-tqarrib lejn sistema bbażata aktar fuq il-valutazzjoni ta’
individwi milli dwar in-nazzjonalitajiet tista' titqies wara evalwazzjoni
tal-impatt ta’ politika ta’ din ix-xorta. Għandna
nkomplu nħeġġu l-kooperazzjoni konsulari lokali u l-iskambju ta’
informazzjoni bil-għan li jiġ żgurat ħruġ
tal-viża aktar armonizzat u rapidu. L-istabbiliment ta’ Ċentri
tal-Viża ta’ Schengen għandhom jitħeġġu sabiex
tiżdied u tkun razzjonalizzata l-preżenza tal-Istati Membri f’pajjiżi
terzi għall-ġbir u d-deċiżjoni dwar l-applikazzjonijiet tal-viża. Politika
inteliġenti dwar il-viża għandha tinvolvi wkoll
reviżjonijiet regolari tal-listi ta’ pajjiżi fejn il-viża hija
meħtieġa għaċ-ċittadini tagħhom.
Il-faċilitazzjoni ta' kooperazzjoni eqreb bejn l-UE u l-pajjiżi
msieħba u ż-żieda fil-kuntatti bejn in-nies, jistgħu
jiġu kkunsidrati ftehimiet tal-faċilitazzjoni tal-viża fejn
il-liberalizzazzjoni għadha mhijiex alternattiva realistika. Il-prattika
attwali li jkunu konklużi ftehimiet ta' riammissjoni b’mod parallel ma’
kwalunkwe ftehim tal-iffaċilitar tal-viża wriet li hija utli u
għandu titkompla fil-ġejjieni. 2.3. Ġestjoni integrata tal-fruntieri esterni Matul is-snin,
sar progress sinifikanti lejn ġestjoni integrata tal-fruntieri esterni
tal-UE. Bis-saħħa tal-mandat rivedut tagħha, ir-rwol tal-FRONTEX
ġie msaħħaħ, biex jippermetti appoġġ aħjar
lill-Istati Membri involuti f’operazzjonijiet konġunti u żieda
fil-kooperazzjoni ma’ pajjiżi terzi. Eurosur se jsaħħaħ
il-kooperazzjoni bejn l-Istati Membri u l-Frontex, billi jikkontribwixxi
għall-ġestjoni tal-fruntieri esterni u jgħin biex jiġu
salvati l-ħajjiet, speċjalment fil-Baħar Mediterran. Skont
l-istrateġija tas-sigurtà marittima tal-UE l-kooperazzjoni bejn atturi
marittimi għandha tkun imfittxija wkoll. Madankollu,
b’għadd dejjem jikber ta’ nies li jaslu fl-UE u b'żieda ulterjuri
mistennija, speċjalment fin-numri ta' dawk li jużaw vjaġġar
bl-ajru, l-UE teħtieġ li timxi lejn ġestjoni moderna
tal-fruntieri u aktar effiċjenti, bl-użu ta’ teknoloġija
avvanzata. Għandu jiġi ffaċilitat l-aċċess
għall-Ewropa għal dawk li jivvjaġġaw b’mod leġittimu
filwaqt li tissaħħaħ is-sigurtà fuq il-fruntieri.
L-implimentazzjoni tal-“Pakkett ta' Fruntieri Intelliġenti” li jikkonsisti
f’Sistema ta’ Dħul/Ħruġ Ewropea u Programm ta’
Vjaġġaturi Rreġistrati għandhom għalhekk ikunu
prijorità. Approċċi ġodda għall-ġestjoni effettiva
tal-fruntieri jistgħu jkunu kkunsidrati, billi titqies il-valutazzjoni
tal-vijabbiltà tal-istabbiliment ta’ Sistema ta' għassa tal-fruntiera
Ewropea. 3. Sistema
Ewropea Komuni tal-Asil fil-prattika Fis-snin li
ġejjin, u f’kuntest ta’ żidiet possibbli fin-numru ta’ dawk li
jfittxu asil, l-UE tista’ taffaċċja sfidi kbar li jikkonċernaw
il-protezzjoni internazzjonali. Flussi kumplessi u mħallta ta’ migranti
jitfgħu pressjoni fuq il-kapaċitajiet ta’ reazzjoni tal-Istati Membri
fir-rigward tal-ipproċessar tat-talbiet għall-asil, l-ilqugh u
r-reazzjoni għall-ħtiġijiet ta’ gruppi vulnerabbli kif ukoll
l-integrazzjoni ta’ dawk li huma rikonoxxuti bħala li għandhom
bżonn protezzjoni internazzjonali. 3.1. Konsolidazzjoni tas-Sistema Ewropea Komuni
tal-Asil (SEKA) Il-leġiżlazzjoni
tas-Sistema Komuni Ewropea tal-Asil (SEKA) issa hemm qbil dwarha, u tipprovdi
aċċess aħjar għal asil għal dawk li jeħtieġu
l-protezzjoni, kwalità ogħla ta’ kundizzjonijiet ta’ akkoljenza u
d-deċiżjonijiet aktar rapidi u affidabbli dwar l-asil.
It-traspożizzjoni effettiva u l-implimentazzjoni koerenti issa
jeħtieġ li sseħħ, biex b'hekk tippermetti lill-Istati
Membri biex iwieġbu għall-isfidi fil-protezzjoni internazzjonali. L-Uffiċċju
Ewropew ta’ Appoġġ fil-qasam tal-Asil (EASO) se jkollu rwol
importanti f’dan l-isforz, billi jgħin biex titjieb il-kwalità
tal-valutazzjonijiet tal-asil u biex il-prattiki jiġu armonizzati madwar
l-UE, kif ukoll billi jimmonitorja l-kwalità tad-deċiżjonijiet dwar
l-asil u jiġbor flimkien l-Informazzjoni dwar il-Pajjiż ta’
Oriġini (IPO) mill-Istati Membri. Regoli
ġodda dwar ir-rikonoxximent reċiproku tad-deċiżjonijiet
dwar l-asil bejn l-Istati Membri u qafas għat-trasferiment tal-protezzjoni
jistgħu jiġu żviluppati skont l-objettiv tat-Trattat li
jinħoloq status uniformi validu madwar l-UE. Dan inaqqas l-ostakli
għall-moviment fi ħdan l-UE u jiffaċilita t-trasferiment ta’
benefiċċji marbuta mal-protezzjoni bejn il-fruntieri interni. 3.2. Responsabbiltà u solidarjetà Ir-responsabbiltà
u s-solidarjetà għandhom jimxu id f’id. Dan ifisser, minn naħa
waħda, li l-Istati Membri għandhom jikkonformaw kompletament
mar-regoli tal-acquis tal-Unjoni, u min-naħa l-oħra, li
l-Istati Membri għandhom jappoġġjaw lil Stati Membri oħra
li jkunu qed jiffaċċaw pressjoni għolja temporanja fuq
is-sistemi ta’ asil tagħhom. Ir-rilokazzjoni
tal-benefiċjarji ta’ protezzjoni internazzjonali, li ġiet misjuqa
f’dawn l-aħħar snin minn Malta, hija forma waħda ta’ solidarjetà
li għandha tissaħħaħ. Forma ġdida li tista’ tiġi
żviluppata fis-snin li ġejjin hija l-ipproċessar konġunt
tal-applikazzjonijiet għall-asil. L-ippuljar ta’ postijiet ta’ akkoljenza
fi żminijiet ta’ emerġenza jista' jkun esplorat ukoll biex ikun
żgurat li l-ebda pajjiż ma jkun iffaċċjat b’iffullar
filwaqt li oħrajn ikollhom kapaċità żejda. Modi ulterjuri biex
tintlaħaq kondiviżjoni tar-responsabbiltà aktar ekwa bejn l-Istati
Membri għandhom ikunu ikkunsidrati fil-futur. 3.3. Il-Prevenzjoni u l-Ġestjoni ta’
kriżijiet Mekkaniżmu
ta’ twissija bikrija, l-istat ta' tħejjija u ġestjoni
tal-kriżijiet issa huwa ankrat fir-Regolament ta’ Dublin. L-applikazzjoni
xierqa ta’ kull waħda minn dawn il-fażijiet se teħtieġ
fluss akbar ta’ informazzjoni mill-Istati Membri lill-Kummissjoni u l-EASO dwar
is-sitwazzjoni attwali u dwar xi nuqqasijiet li jistgħu jwasslu għal
kriżi. Dan ifisser aktar ġbir ta’ dejta u analiżi tar-riskju
bbażata fuq informazzjoni pprovduta minn Stati Membri, Delegazzjonijiet
tal-UE, Aġenziji tal-UE, organizzazzjonijiet internazzjonali u sorsi
oħra. Nuqqasijiet fis-sistemi ta’ asil politiku fl-Istati Membri
għandjom jiġu evitati permezz ta’ miżuri preventivi u ppjanar
ta’ kontinġenza. Sabiex jittejjeb
l-istat ta' tħejjija tal-Unjoni biex jiġu ġestiti influssi
tal-massa, il-qafas eżistenti dwar il-protezzjoni temporanja għandu
jkun evalwat, u jekk ikun meħtieġ, emendat biex ikun strument aktar
prattiku u flessibbli. 3.4. L-indirizzar ta’ Sfidi Esterni u Rotot Legali
għall-Aċċess tal-Asil fl-UE Il-promozzjoni
ta' standards għoljin ta’ protezzjoni f’pajjiżi ta’ tranżitu u
ta’ oriġini, u t-tnaqqis tan-numru ta’ persuni li jagħmlu
vjaġġi perikolużi biex jaqsmu s-Saħara, il-Mediterran u
rotot oħra bit-tama li jilħqu l-Ewropa għandhom jiġu
intensifikati bħala partijiet integrali tal-politiki esterni tal-UE. Jeħtieġ
li jitwessa’ l-ambitu tal-Programmi ta’ Protezzjoni Reġjonali (RPP),
bħal dawk fl-Afrika ta’ Fuq u l-Qarn tal-Afrika u li tkun ivvalutata
l-ħtieġa li jkunu stabbiliti oħrajn ġodda. Il-RPPs
għandhom jagħmlu aktar enfasi aktar qawwi fuq it-tisħiħ
tal-kapaċità tal-awtoritajiet nazzjonali sabiex jindirizzaw l-ispostamenti
tan-nies, inkluża l-kapaċità li jirċievu assistenza
internazzjonali u l-promozzjoni tal-impatti pożittivi tar-refuġjati
fuq il-komunitajiet lokali. L-UE għandha
tfittex li tiżgura wasla aktar ordnata ta’ persuni bi ħtiġijiet
fondati tajjeb ta’ protezzjoni, biex b'hekk jitnaqqas l-ambitu għal
kuntrabandu tal-bnedmin u t-traġedji umani. Bil-finanzjament
ġdid disponibbli, u f’kooperazzjoni mill-qrib mal-politika tal-UE
għall-iżvilupp, l-UE għandha żżid l-impenn tagħha
għar-risistemazzjoni, li tista' offri soluzzjonijiet fit-tul għal
persuni identifikati mill-Kummissarju Għoli tan-Nazzjonijiet Uniti
għar-Refuġjati (UNHCR) bħala li jeħtieġu protezzjoni.
Ir-rekord ta’ risistemazzjoni tal-UE s’issa huwa relattivament baxx. Il-pajjiżi
li qed jiżviluppaw jkomplu jospitaw il-biċċa l-kbira
tar-refuġjati fid-dinja. It-28 Stat Membru kollha kemm huma għandhom
juru aktar solidarjetà mal-pajjiżi ospitanti fid-dinja li qed
tiżviluppa permezz ta’ parteċipazzjoni f’attivitajiet ta’ risistemazzjoni
u billi jieħdu fuqhom sehem akbar mir-responsabbiltà. Proċeduri
ta’ Dħul Protett - li jippermettu lin-nies biex jitolbu l-protezzjoni
mingħajr ma jgħaddu minn vjaġġ potenzjalment letali biex
jilħqu l-fruntiera tal-UE — jistgħu jikkomplementaw
ir-risistemazzjoni, li tibda b’approċċ koordinat għall-viżi
umanitarji u linji gwida komuni. Jista' jinbeda studju ta’ fattibbiltà dwar
il-possibbiltà ta' ipproċessar konġunt ta' talbiet
għall-protezzjoni barra l-UE, mingħajr preġudizzju
għad-dritt eżistenti ta’ aċċess għal proċeduri
tal-asil fl-UE. 4. Aktar
tisħiħ għall-Approċċ Globali għall-Migrazzjoni u
l-Mobilità (GAMM) Passi
meħuda biex jiżguraw libertà, sigurtà u ġustizzja fl-Ewropa huma
influwenzati wkoll minn avvenimenti u żviluppi barra mill-UE. Tibdil
politiku u instabbiltà, li kabbru d-differenzi fil-prosperità u t-tibdil
fil-klima jinstigaw kemm il-mobilità volontarja fuq skala ikbar u kif ukoll
l-ispostament furzat li jirriżultaw fi pressjoni fuq il-fruntieri esterni
tal-UE. L-UE għandha taħdem b’mod aktar effettiv mal-pajjiżi
ġirien, kemm tal-Lvant kif ukoll tan-Nofsinhar, u dawk iktar 'il
bogħod sabiex tindirizza l-kawżi bażiċi tal-migrazzjoni
irregolari u furzata. Għal dan l-għan, l-UE għandha tkompli
tassisti lill-pajjiżi ta’ oriġini u dawk ta' tranżitu biex
isaħħu l-kapaċità tagħhom biex tiġi evitata
l-migrazzjoni irregolari u jiġġieldu kontra l-kuntrabandu
tal-migranti u t-traffikar tal-bnedmin, itejbu l-ġestjoni tal-fruntieri,
kif ukoll il-kapaċitajiet ta’ asil u akkoljenza. L-UE
għandha ssaħħaħ s-sħubiji ma’ pajjiżi terzi
fil-qasam tal-migrazzjoni u l-mobilità, sabiex jittieħed vantaġġ
sħiħ mir-rwol tal-qafas u l-istrumenti tal-GAMM. Sħubijiet
għall-mobilità b’mod partikolari jista' jkollhom rwol importanti
fl-indirizzar tan-nuqqasijiet ta’ impjiegi u ħiliet fl-Ewropa u biex
tiġi ffaċilitata l-mobilità relatata mal-kummerċ. Djalogi
għal-liberalizzazzjoni tal-viża u l-iffaċilitar
tal-ħruġ ta’ viżi għal perjodu qasir jistgħu wkoll
jikkontribwixxu biex jistimolaw it-tkabbir ekonomiku fl-UE u l-promozzjoni
tal-iżvilupp f’pajjiżi terzi. It-titjib
tal-impatt tal-GAMM f’pajjiżi terzi għalhekk jeħtieġ ikun
prijorità. It-tħassib u l-prioritajiet dwar relazzjonijiet esterni
għandhom ikunu riflessi b’mod xieraq meta jiġu definiti l-objettivi u
l-azzjonijiet. Il-kooperazzjoni bejn id-diversi partijiet interessati hija
essenzjali. Il-kapaċitajiet tas-SEAE, inklużi d-Delegazzjonijiet
tal-UE, għandhom jiġu sfruttati b’mod sħiħ biex tiġi
żgurata l-effiċjenza u l-koerenza tal-azzjoni tal-UE. Taħt
l-aġenda tal-UE għall-migrazzjoni u l-iżvilupp, għandha
tingħata attenzjoni li jiġu massimizzati l-impatti tal-iżvilupp
tal-migrazzjoni fin-Nofsinhar, l-integrazzjoni politika tal-migrazzjoni u
tal-iżvilupp nazzjonali u l-pjanijiet għat-tnaqqis tal-faqar,
it-tisħiħ tal-Koerenza tal-Politiki għall-Iżvilupp, kif
ukoll il-promozzjoni ta’ miżuri ta’ integrazzjoni mill-ġdid għal
migranti li jirritornaw. Tali kooperazzjoni biex tiġi żgurata
migrazzjoni ġestita sew tista’ tipproduċi benefiċċji
sinifikanti għall-iżvilupp fil-pajjiżi ta' oriġini. L-UE
għandha tintensifika r-relazzjonijiet tagħha mal-pajjiżi
tal-viċinat permezz ta’ djalogi dwar il-migrazzjoni, il-mobilità u
s-sigurtà u l-istabbiliment u l-implimentazzjoni ta’ Sħubijiet
għall-Mobilità. L-implimentazzjoni sħiħa ta’ tali Sħubijiet
mal-Marokk (iffirmat fl-2013) u mat-Tuneżija (iffirmat fl-2014)
għandha tkun żgurata. L-UE għandha tkompli tinvesti fi
proċessi ta’ djalogi dwar il-migrazzjoni reġjonali u
fir-relazzjonijiet bilaterali ma’ pajjiżi prijoritarji lil hinn mill-Viċinat,
u tkompli wkoll l-appoġġ tagħha għad-drittijiet
tal-bniedem, id-demokrazija u l-valuri fundamentali u l-governanza tajba. 5. Ewropa li tipproteġi Fl-2010, l-UE
adottat l-ewwel Strateġija ta’ Sigurtà Interna (ISS) u l-pjan ta’ azzjoni
li jakkumpanjaha. L-istrateġija tiffoka fuq oqsma ta’ prijorità fejn
azzjoni komuni fil-livell tal-UE tindirizza theddid ewlieni għas-sigurtà u
twassal valur miżjud għall-isforzi tal-Istati Membri. Hija
tagħraf il-ħtieġa li tissaħħaħ is-sigurtà filwaqt
li tirrispetta bis-sħiħ id-drittijiet fundamentali, inkluż
id-dritt għall-privatezza u l-protezzjoni tad-dejta personali.
Il-ħames objettivi strateġiċi magħżula kienu (1)
it-tfixkil tan-netwerks kriminali internazzjonali, (2) il-prevenzjoni
tat-terroriżmu u li jiġu indirizzati r-radikalizzazzjoni u
r-reklutaġġ, (3) jiżdiedu l-livelli tas-sigurtà
għaċ-ċittadini u n-negozji fl-ispazju ċibernetiku, (4)
tissaħħaħ is-sigurtà permezz tal-ġestjoni tal-fruntieri u
(5) tiżdied ir-reżiljenza tal-Ewropa għall-kriżijiet u
d-diżastri. Dawn l-objettivi għadhom validi. Madankollu, bl-isfidi li
qed jevolvu, il-Kummissjoni, l-Istati Membri u l-Parlament Ewropew
għandhom jaħdmu flimkien fl-iżvilupp ta' verżjoni
aġġornata tal-ISS, bl-analiżi tal-azzjonijiet taħt kull
objettiv għall-2015-2020. Bil-promozzjoni ta’ approċċ
ibbażat fuq il-prevenzjoni u l-infurzar tal-liġi, l-ISS mġedda
għandha wkoll tħeġġeġ sinerġiji akbar bejn
l-Affarijiet Interni u oqsma oħra ta’ politika marbuta mas-sigurtà interna
bħat-trasport, is-suq intern, l-unjoni doganali, ir-riċerka u
l-iżvilupp, is-suq diġitali, il-protezzjoni ċivili u
r-relazzjonijiet esterni. Ir-riċerka fil-qasam tas-sigurtà ġiet
iffinanzjata fi ħdan is-7 Programm Kwadru għar-Riċerka u
l-Iżvilupp. Għall-programm li jmiss, Orizzont 2020, hu previst sforz
kbar. L-UE se tkompli tappoġġja s-settur Ewropew tas-sigurtà
bil-ħsieb li jinkisbu prijoritajiet strateġiċi tas-sigurtà. 5.1. It-tfixkil
tan-netwerks tal-kriminalità internazzjonali Il-penetrazzjoni
tal-ekonomija tal-UE minn gruppi kriminali organizzati hija ta’ riskju
għas-sigurtà. Reati serji b’dimensjoni transfruntiera,
bħall-korruzzjoni, il-ġlieda kontra t-traffikar tal-bnedmin,
tad-drogi, tal-armi u oġġetti illeċiti oħra, u
l-isfruttament sesswali tat-tfal jikkawżaw ħsara gravi lil vittmi u
għas-soċjetà kollha kemm hi. Għadd min dawn it-theddidiet qed
jikbru fl-iskala tagħhom. Il-kriminalità organizzata hija dejjem aktar
flessibbli u qed tiżviluppa l-attivitajiet tagħha fi ħdan u lil
hinn mill-fruntieri tal-Ewropa. Hija qed tkompli tippreżenta theddida
importanti għas-sigurtà interna tal-UE u jista’ jkollha effetti
destabbilizzanti fuq pajjiżi terzi. L-UE
għandha tkompli tadatta u ssaħħaħ ir-reazzjoni tagħha
għal dan it-theddid, billi tikkoordina l-azzjoni tagħha fi ħdan
l-UE u lil hinn minnha. Kooperazzjoni operazzjonali prattika bejn
l-awtoritajiet tal-Istati Membri, li tiffoka fuq prijoritajiet maqbula
fil-livell tal-UE fiċ-Ċiklu tal-Politika għal Kriminalità Serja
u Organizzata hija essenzjali f’dan l-isforz. Il-fiduċja reċiproka
għandha tissaħħaħ, u l-użu ta’ Timijiet Konġunti
ta’ Investigazzjoni (JITs) u operazzjonijiet konġunti oħrajn
għandu jiżdied, appoġġjat mill-fondi tal-UE u
mill-aġenziji. Il-ħtieġa għal azzjoni tal-UE biex
il-kooperazzjoni prattikka tal-JITs ma tkunx imxekkla minn regoli nazzjonali
diverġenti dwar it-tekniċi tal-investigazzjoni għandha tkun
eżaminata. L-iskambju ta’
informazzjoni bejn l-awtoritajiet tal-infurzar tal-liġi tal-Istati Membri
mal-aġenziji relevanti tal-UE u fost l-aġenziji tal-UE għandu
jissaħħaħ, billi jsir użu sħiħ mill-istrumenti
eżistenti tal-UE. Ir-rwol tal-Europol bħala ċentru
għall-iskambju tal-informazzjoni madwar l-UE għandu
jissaħħaħ, b’kooperazzjoni mill-qrib mal-Istati Membri, l-OLAF u
l-FRONTEX. L-Istati Membri kollha għandhom jistabbilixxu punti ta’ kuntatt
uniċi, b’kunsiderazzjoni tal-qafas rilevanti ta’ kooperazzjoni doganali.
Sistemi ta’ skambju ta’ informazzjoni jistgħu jsiru aktar interoperabbli,
billi jqisu l-iżviluppi fil-qafas usa’ ta’ Soluzzjonijiet ta’
Interoperabbiltà għall-Amministrazzjoni Pubblika Ewropea. Biex tkun
appoġġjata l-kooperazzjoni prattika fil-livell tal-UE,
it-taħriġ tal-persunal tal-infurzar tal-liġi għandu jkun
żviluppat aktar. L-Iskema Ewropea ta’ Taħriġ dwar l-Infurzar
tal-Liġi għandha tkun kompletament implimentata fis-snin li
ġejjin, biex tkun ta’ benefiċċju għal numru ta’
uffiċjali mil-livelli kollha tal-infurzar tal-liġi, gwardji
tal-fruntieri u uffiċjali tad-dwana. Fl-istess
ħin, l-UE trid tintensifika l-isforzi immirati speċifikament lejn
reati li jikkawżaw l-ikbar dannu għall-vittmi u
għas-soċjetà. Il-korruzzjoni tnawwar il-fiduċja fid-demokrazija,
tidanneġġa s-suq intern, tiskoraġġixxi l-investiment
barrani, iċċaħħad lill-awtoritajiet pubbliċi minn
dħul mit-taxxa, u tiffaċilita l-attivitajiet ta’ gruppi kriminali
organizzati. Biex jindirizzaw il-korruzzjoni b’mod aktar effettiv, l-Istati
Membri għandhom isegwu s-suġġerimenti magħmula fir-rapport
tal-UE dwar il-ġlieda kontra l-korruzzjoni, li l-pubblikazzjoni
tiegħu għandha tkompli fis-snin li ġejjin. Miżuri kontra
l-korruzzjoni għandhom ikunu marbuta aħjar mal-oqsma ta’ politika
tal-UE u l-finanzjament tal-UE għandu jappoġġa l-bini ta’
kapaċità istituzzjonali u amministrattiva. Għandha tiġi
żviluppata aktar il-kooperazzjoni bejn l-istituzzjonijiet tal-UE, l-Istati
Membri u organizzazzjonijiet internazzjonali. Gruppi ta'
kriminalità organizzata huma xprunati mill-qligħ kbir iġġenerat
minn traffikar illeċitu, korruzzjoni, kriminalità finanzjarja u
attivitajiet kriminali oħra. Huwa meħtieġ aktar xogħol biex
ikun miġġieled dak l-inċentiv u biex il-profitti kriminali
jitwaqqfu milli jinfiltraw l-ekonomija legali. Id-Direttiva dwar
l-iffriżar u l-konfiska tar-rikavat minn attività kriminali fl-UE
jeħtieġ li tiġi trasposta u implimentata mill-Istati Membri
kollha mingħajr dewmien. L-Uffiċċji għall-Irkupru tal-Assi,
awtoritajiet għall-infurzar tal-liġi u dawk ġudizzjarji u
amministrattivi, bħal korp tat-taxxi jew tal-liċenzji, għandhom
iżidu l-kooperazzjoni biex jittejjeb it-traċċar tal-assi.
Il-ħasil tal-flus jgħin gruppi kriminali jaħbu r-rikavati
tar-reati tagħhom. Biex tipprevjeni l-abbuż tas-sistema finanzjarja,
il-proposta għar-raba’ Direttiva dwar il-Ħasil tal-Flus għandha
tkun adottata, trasposta u implimentata mingħajr dewmien u
l-ħtieġa għal leġiżlazzjoni kontra l-ħasil
tal-flus kriminali tal-UE għandha tkun eżaminata. It-traffikar
tal-bnedmin huwa theddida dejjem tikber. L-UE adottat Strateġija tal-UE
2012-2016 bil-għan li teqred din il-kriminalità u Direttiva li issa
għandha tiġi trasposta u implimentata bis-sħiħ
mingħajr dewmien. L-implimentazzjoni tal-Istrateġija għandha
titlesta, inklużi aspetti relatati mat-traffikar tal-bnedmin
f’pajjiżi terzi. Għandha tiġi stabbilita strateġija
għal wara l-2016, li tkopri fost l-oħrajn il-prevenzjoni,
l-assistenza għall-vittmi, ir-ritorn sikur u l-integrazzjoni
mill-ġdid, u r-rwol tal-internet. Il-ħtieġa li jkun
kriminalizzat l-użu intenzjonat ta’ servizzi ta’ vittmi tat-traffikar
tal-bnedmin għandha tkun eżaminata. Biex jintlaħqu dawk
l-obbjettivi, il-pożizzjoni ta’ Koordinatur tal-UE Kontra t-Traffikar
għandha tkun estiża. It-traffikar
tad-drogi illeċiti għadu negozju li jagħmel ħafna
qligħ għall-kriminalità organizzata. Fl-2013, il-Europol u
l-Aġenzija tal-UE dwar id-Drogi (EMCDDA) b’mod konġunt
ipproduċew l-ewwel “Rapport dwar is-Swieq tad-Drogi", li ġibed
l-attenzjoni għal żieda ta’ sustanzi psikoattivi ġodda.
Il-Kummissjoni pproponiet leġiżlazzjoni biex tirtira tali sustanzi
malajr mis-suq jekk dawn huma ta’ ħsara għas-saħħa, filwaqt
li tirrispetta użi industrijali u kummerċjali leġittimi. Dik
il-leġiżlazzjoni wkoll għandha tkun adottata u implimentata
bħala parti mill-approċċ ibbilanċjat rifless
fl-Istrateġija tal-UE għad-Drogi. L-isfruttament u
l-abbuż sesswali tat-tfal jikkawża ħsara tul il-ħajja
tal-vittmi tiegħu. Id-Direttiva tal-UE li għandha fil-mira
l-isfruttament onlajn trid tkun trasposta u implimentata bħala kwistjoni
ta’ prijorità. L-importanza li t-tfal jiġu protetti kontra reati sesswali
għandha tkun aktar integrata f’oqsma ta’ politika oħrajn tal-UE, u
l-ħtieġa għal strateġija komprensiva tal-UE għandha
tkun eżaminata. Il-vjolenza
relatata mal-armi tan-nar tkompli tikkawża korrimenti serji u telf ta’
ħajja umana madwar l-UE, u għandu jsir aktar sabiex ikun indirizzat
it-traffikar illeċitu tal-armi tan-nar. Ir-rieżami
tal-leġiżlazzjoni eżistenti tal-UE dwar il-bejgħ u
trasferimenti intra-UE ta’ armi tan-nar, jekk ikkombinat ma’ prattika
tal-infurzar tal-liġi msaħħa, inaqqas ir-riskju tal-użu
illegali u t-traffikar tal-armi tan-nar. Fl-aħħar
nett, l-effikaċja ta’ ftehimiet eżistenti u l-arranġamenti
għall-kondiviżjoni ta’ informazzjoni dwar l-infurzar tal-liġi
ma’ pajjiżi terzi għandha tibqa’ taħt rieżami u, jekk
neċessarju, tiġi żviluppata ulterjorment. L-użu dejjem
jiżdied ta’ dejta tar-Reġistru tal-Ismijiet tal-Passiġġieri
(PNR), kemm f’pajjiżi terzi u bejn l-Istati Membri, għandu jkun
indirizzat fil-kuntest ta’ qafas regolatorju ġdid fil-livell tal-UE, li
jiggarantixxi livell għoli ta’ protezzjoni tad-dejta kemm tal-ipproċessar
tad-dejta tal-PNR fl-UE u għat-trasferiment tad-dejta tal-PNR mill-UE lejn
pajjiżi terzi. Strument tal-PNR tal-UE għandu jkun finalment adottat
u implimentat. Barra minn hekk, id-Direttiva dwar iż-żamma tad-dejta
għandha tiġi rieżaminata, b’mod parallel ma’ reviżjoni
tad-Direttiva dwar il-Privatezza Elettronika u b’kunsiderazzjoni tan-negozjati
tal-qafas tal-protezzjoni tad-dejta. 5.2.
Il-prevenzjoni tat-terroriżmu u l-indirizzar tar-radikalizzazzjoni u
r-reklutaġġ Matul
l-aħħar snin seħħew diversi attakki terroristiċi,
l-aktar minn individwi jew gruppi iżgħar iżda ħafna minnhom
kellhom konsegwenzi serji. It-theddida mit-terroriżmu u l-estremiżmu
vjolenti se toħloq sfida serja għall-UE fis-snin li ġejjin. Hemm
xejra inkwetanti l-aktar biż-żgħażagħ li jmorru lejn
pajjiżi oħra bħas-Sirja biex isiru ġellieda barranin. Waqt
li jkunu hemm, xi wħud jintrabtu ma’ gruppi terroristiċi. Meta
jirritornaw, dawn jistgħu jkunu ta’ theddida serja għas-sigurtà
tal-UE. Ir-reazzjoni
tagħna għandha tkun li nipprevjenu t-terroriżmu, kif stabbilit
fl-Istrateġija tal-UE Kontra t-Terroriżmu, u tindirizza
r-radikalizzazzjoni li twassal għat-terroriżmu. Jeħtieġ li
nsaħħu r-rispons tagħna għal l-estremiżmu vjolenti u
t-terroriżmu b’mod komprensiv, filwaqt li nqisu kemm id-dimensjonijiet
interni u dawk esterni. L-Istrateġija tal-UE aġġornata ippjanata
għall-Ġlieda Kontra r-Radikalizzazzjoni u r-Reklutaġġ
għat-Terroriżmu se tkun vitali biex tiggwida aktar xogħol. Kif
propost mill-Kummissjoni, l-enfasi għandha tkun fuq l-għajnuna
lin-nies li jixtiequ jitilqu ambjenti ta' estremiżmu, taħriġ ta’
atturi lokali, l-involviment mal-komunitajiet lokali, aktar ħidma
mas-settur privat kontra r-radikalizzazzjoni onlajn, u integrazzjoni aħjar
ta' azzjonijiet interni bi sforzi esterni. Il-ġlieda kontra
l-estremiżmu vjolenti għandha tkompli tagħmel parti
mill-assistenza għall-iżvilupp u għas-sigurtà tal-UE
għall-pajjiżi terzi, li tinkludi aspetti ta’ edukazzjoni,
is-soċjetà ċivili, il-ġeneru, il-governanza u l-midja. Biex
jappoġġja dawn l-isforzi n-Netwerk ta’ Sensibilizzazzjoni dwar
ir-Radikalizzazzjoni għandu jissaħħaħ u jiġi
żviluppat f’ċentru ta’ għarfien li jiġbor prattiki tajba u
koordinazzjoni aħjar tax-xogħol bejn il-professjonisti. L-UE
għandha rwol biex tgħin lill-Istati Membri biex jibnu netwerk
tal-infurzar tal-liġi u jtejbu t-taħriġ u l-eżerċizzji
għall-awtoritajiet tal-infurzar tal-liġi responsabbli
għall-immaniġġar ta' attakki terroristiċi. ATLAS, netwerk
tal-UE ta’ forzi ta’ intervent kontra t-terroriżmu, fl-2013 wettaq l-akbar
eżerċizzju fl-UE li qatt sar. Din il-ħidma għandha tkun
avvanzata b’aktar eżerċizzji fuq livell operazzjonali, iżda
wkoll fuq dak strateġiku. Li jkun hemm forzi imħarrġa aħjar
u aktar interoperabbli għandu jkun għan għas-snin li ġejjin. L-UE
diġà qablet fuq leġiżlazzjoni biex l-aċċess
għall-prekursuri għall-produzzjoni ta’ splussivi jsir aktar
diffiċli. Issa rridu niżguraw din qed tiġi implimentata b’mod
effettiv. Hemm ukoll il-ħtieġa li x-xogħol fuq il-materjali
kimiċi, bijoloġiċi, radjoloġiċi, nukleari u fuq
l-isplussivi jissaħħaħ u jkompli jinagħta prijorità. Il-Koordinazzjoni
tal-ġlieda kontra t-terroriżmu jeħtieġ li tqis l-istrutturi
istituzzjonali l-ġodda stabbiliti mit-Trattat ta’ Lisbona, inkluż
is-sostenn għall-ħidma tar-Rappreżentant Għoli/SEAE
fir-relazzjonijiet esterni tal-UE b’mod partikolari fit-trawwim ta’
komunikazzjoni aħjar bejn l-Unjoni u pajjiżi terzi. 5.3.
Iż-żieda fil-livelli ta’ sigurtà għaċ-ċittadini u
n-negozji fiċ-ċiberspazju Is-soċjetajiet
tagħna huma aktar u aktar dipendenti fuq l-Internet. Hemm
il-ħtieġa li nibnu sistema sikura u affidabbli sabiex in-nies u
n-negozji jkunu jistgħu jagħmlu użu sħiħ
mill-potenzjal tal-internet. L-iżgurar li l-pagamenti elettroniċi
jistgħu isiru b’mod sikur huwa essenzjali. Madanakollu, qed jinħolqu
sfidi ġodda, inkluż l-użu ta’ muniti diġitali u ta’
pjattaformi onlajn li jiffaċilitaw ħafna forom ta’ kriminalità serja
u organizzata. L-ammont ta’ attakki ċibernetiċi x’aktarx li
jiżdied fis-snin li ġejjin, minkejja l-miżuri meħuda biex
jitjiebu l-kapaċitajiet għall-ġlieda kontra ċ-ċiberkriminalità
u biex tissaħħaħ is-sigurtà ċibernetika. Il-kapaċità
operazzjonali biex biex tkun miġġielda ċ-ċiberkriminalità
jeħtieġ li tiżdied. L-UE waqqfet Ċentru Ewropew
għaċ-Ċiberkriminalità (EC3) fi ħdan il-Europol. Fl-ewwel
sena tal-eżistenza tiegħu, iċ-ċentru diġà wera l-valur
tiegħu billi appoġġa investigazzjonijiet li saru mill-Istati
Membri f’firxa wiesgħa ta’ reati, li jvarjaw minn frodi għal
abbuż sesswali onlajn tat-tfal. Il-Kummissjoni se tkompli tappoġġa
l-iżvilupp ta’ EC3 bħala l-punt fokali għall-ġlieda kontra
ċ-ċiberkriminalità fl-Ewropa. Waħda mill-ħidmiet ewlenin
għall-UE se tkun li tassisti lill-Istati Membri biex jiżviluppaw
il-kapaċitajiet tagħhom għall-ġlieda kontra
ċ-ċiberkriminalità. Idealment l-Istati Membri kollha għandhom
ikunu mgħammra b’ċentru taċ-ċiberkriminalità. Fuq
livell strateġiku, l-UE teħtieġ reazzjoni aktar ikkoordinata.
L-ewwel Strateġija taċ-Ċibersigurtà tal-UE ġiet adottata
bil-għan li jinħoloq l-aktar ambjent onlajn sikur fid-dinja. Din
il-viżjoni issa teħtieġ li tkun tradotta f’azzjoni. L-istrateġija
tagħraf ukoll il-ħtieġa għal kooperazzjoni internazzjonali
akbar, kemm fil-livell strateġiku kif ukoll fil-livell operazzjonali.
F’dan ir-rigward, il-ftehim li ntlaħaq mal-Istati Uniti fis-Samit fl-2010
li jitwaqqaf Grupp ta’ Ħidma dwar iċ-Ċibersigurtà u
ċ-Ċiberkriminalità wera li kien utli biex jintlaħqu
riżultati konkreti u b’mod partikolari l-Alleanza Globali
għall-ġlieda kontra l-abbuż sesswali onlajn, imwaqqfa mill-UE u
l-Istati Uniti. Fil-preżent, l-Alleanza tiġbor 52 pajjiż
minn madwar id-dinja kollha, u tista' sservi biex ikunu ispirati inizjattivi
futuri. L-UE għandha tiżgura li tkompli tagħti r-riżultati,
kif ukoll tkompli taħdem biex jissieħbu pajjiżi oħra. L-UE
diġà qablet dwar leġiżlazzjoni aktar ħarxa
għall-ġlieda kontra ċ-ċiberkriminalità, li
teħtieġ li tkun implimentata malajr. Azzjoni effettiva f’dan il-qasam
tirrikjedi wkoll li tiżdied il-kooperazzjoni mas-settur privat. Hemm ukoll
il-ħtieġa li tkun iċċarata l-ġurisdizzjoni fid-dinja
elettronika. F’dan ir-rigward, il-Konvenzjoni ta’ Budapest tal-Kunsill
tal-Ewropa dwar iċ-Ċiberkriminalità se jkompli jkollu rwol importanti
għal kooperazzjoni globali u l-Istati Membri li għadhom ma
rratifikawx il-Konvenzjoni għandhom jagħmlu dan. 5.4.
Tisħiħ tas-sigurtà permezz ta' mmaniġġjar tal-fruntieri Standard
uniformi u għoli tas-sigurtà u l-ġestjoni tal-fruntieri f’rispett
sħiħ tad-drittijiet fundamentali huwa indispensabbli. Il-politiki
tal-ġestjoni tal-fruntieri għandhom rwol ewlieni x’jaqdu
fil-ġlieda kontra l-kriminalità transfruntiera u biex jinżamm livell
għoli ta’ sigurtà. L-istrateġija
integrata għall-ġestjoni tal-fruntieri għandha tkun
aġġornata abbażi tal-esperjenza miksuba mill-implimentazzjoni
tal-istrumenti tal-politika attwali. L-UE għandha tikkunsidra kif sistemi
u pjattaformi eżistenti jistgħu jiġu integrati u għandha
timmira għal aktar kooperazzjoni fil-livell nazzjonali bejn il-gwardjani
tal-fruntiera u awtoritajiet oħra li jaħdmu fuq il-fruntieri sabiex
tiżdied is-sigurtà. B’rabta
mal-moviment tal-merkanzija, wara l-Komunikazzjoni tal-Kummissjoni tal-2013,
fl-2014 se tkun ippreżentata strateġija dwar il-ġestjoni
tar-riskju doganali u s-sigurtà tal-katina tal-provvista. Din l-inizjattiva se
tippermetti ġestjoni tar-riskju aktar effikaċi billi ttejjeb id-disponibbiltà
u l-użu tad-dejta fil-katina tal-provvista; issħħaħ
il-kooperazzjoni u l-koordinazzjoni fost l-awtoritajiet doganali
internazzjonalment u ma' aġenziji oħra tal-infurzar tal-liġi u
tas-sigurtà; tirrinforza l-kapaċitajiet fil-livell tal-Istat Membru u
tal-UE għal reazzjoni aktar integrata u konsistenti għar-riskji
tal-katina ta' forniment. 5.5.
Żieda tar-reżiljenza tal-Ewropa għall-kriżijiet u
d-diżastri L-UE
tejbet b’mod sinifikanti l-kapaċità tagħha għall-prevenzjoni,
it-tħejjija u r-reazzjoni għad-diżastri naturali u dawk
ikkawżati mill-bniedem. Issa l-enfasi se tkun fuq l-iżgurar li
s-sistemi li twaqqfu jaħdmu. Iċ-Ċentru għal Rispons ta'
Emerġenza assuma r-rwol tiegħu bħala fornitur ta’ servizz u
bħala pjattaforma għall-koordinazzjoni tar-rispons għal
diżastri kbar. L-isfida
ewlenija se tkun li tkun implimentata bis-sħiħ
il-leġiżlazzjoni l-ġdida tal-protezzjoni ċivili, li
tiddeskrivi ħidma futura fil-livell tal-UE f’dan il-qasam. Modalitajiet
għall-użu tal-klawsola ta’ solidarjetà, li jipprovdu l-qafas ta’
reazzjoni għal kriżi maġġuri, għad irid jintlaħaq
qbil dwarhom. L-integrazzjoni tal-kunsiderazzjonijiet ta’ ġestjoni
tad-diżastri f'politiki u fondi oħra, kif ukoll it-tisħiħ
tal-input tax-xjenza u l-innovazzjoni fil-ġestjoni tad-diżastri se jkunu
segwiti. Sfidi
operazzjonali bħalma huma l-interoperabbiltà ta’ tagħmir u sistemi
ta’ komunikazzjoni jeħtieġ li jkunu indirizzati u x-xogħol fuq
it-taħriġ u l-eżerċizzji se jkollu jkun intensifikat. 5.6.
Bini tas-sigurtà interna f’kuntest globali Sigurtà
Interna Ewropea tfisser ukoll li wieħed jaġixxi lil hinn
mill-fruntieri tal-UE u f’kooperazzjoni ma’ pajjiżi terzi msieħba.
Ir-radikalizzazzjoni, il-ġlieda kontra t-traffikar tal-bnedmin u
l-ġlieda kontra t-traffikar tad-drogi pereżempju jeħtieġu
tali kooperazzjoni. Il-livelli
ta’ instabilità f’ħafna pajjiżi terzi jheddu d-demokrazija, l-istat
tad-dritt u d-drittijiet tal-bniedem fil-pajjiżi iżda jista’ wkoll
ikollhom impatti importanti fuq l-UE. Tħassib dwar is-sigurtà interna
għandu jkun indirizzat b’mod aktar sistematiku bħala parti
mill-politiki esterni tal-UE, marbuta ma’ programmi ta’ assistenza u
kooperazzjoni tal-UE u għoddod oħra ta’ politika użati għal
kooperazzjoni internazzjonali. Dan għandu
jsir billi tkun ipprovduta assistenza għall-bini tal-kapaċità ta’
infurzar tal-liġi, billi jkun offrut taħriġ, jew permezz
tal-iskambju tal-għarfien u l-aqwa prassi. L-UE se ssaħħaħ
il-kooperazzjoni għall-iżvilupp tagħha mal-imsieħba tagħha,
waqt li tappoġġa l-isforzi tagħhom biex isaħħu
l-protezzjoni tad-drittijiet tal-bniedem, l-istat tad-dritt, aspetti ta'
governanza bħalma huma t-trasparenza, il-parteċipazzjoni u
r-responsabbiltà. L-UE
għandha tkompli taħdem ma’ msieħba fuq livell nazzjonali u
reġjonali lejn il-bini ta' aġenda kondiviża dwar is-sigurtà, li
tħares lejn is-sinerġiji u l-koerenza mal-Istati Membri u donaturi
oħra. Sabiex il-prijoritajiet strateġiċi tal-affarijiet interni
jkunu riflessi fl-aġenda internazzjonali, il-kooperazzjoni mas-SEAE
għandha tkun ulterjorment imsaħħa. Konklużjoni L-iżgurar
tal-libertà, s-sigurtà u l-ġustizzja huwa objettiv ewlieni tal-Unjoni
Ewropea. Sa mill-1999, meta daħal fis-seħħ it-Trattat ta’
Amsterdam u ġie adottat il-Programm ta’ Tampere sar ħafna biex tkun
issalvagwardjata Ewropa miftuħa u sigura, ankrata fir-rispett
tad-drittijiet fundamentali u bbażata fuq id-determinazzjoni li taqdi
liċ-ċittadini Ewropej. L-implimentazzjoni tal-leġiżlazzjoni
u l-konsolidazzjoni ta’ dawn il-kisbiet kif ukoll il-kooperazzjoni prattika
msaħħa għandhom ikunu prijoritajiet għax-xogħol futur.
Monitoraġġ u evalwazzjoni tal-effettività tal-leġislazzjoni u
l-politiki se jippermettu l-aġġustament tal-azzjonijiet tagħna u
l-użu strateġiku tal-finanzjament mill-UE se jippermetti ffukar aħjar
fuq il-prijoritajiet tal-UE skont l-impenn tal-istituzzjonijiet tal-UE
għal regolazzjoni intelliġenti. L-approċċ orjentat lejn
iċ-ċittadini għandu jibqa’ prinċipju ta’ gwida għal
aktar xogħol. Fl-istess
ħin jeħtieġ li niffokaw l-attenzjoni fuq l-opportunitajiet u
l-isfidi li ġejjin. Għandu jkun ċar għal kulħadd li
l-Parlament Ewropew, l-Istati Membri, il-Kummissjoni, ir-Rappreżentant
Għoli/SEAE, l-aġenziji tal-UE, u ħafna oħrajn se jkollhom
jingħaqdu aktar bil-qawwi biex ikunu jistgħu jirreaġixxu b’mod
effettiv għal ambjent li qiegħed dejjem jinbidel. Din
il-Komunikazzjoni għandha l-għan li tidentifika tali sfidi u
tippreżenta miżuri li l-Kummissjoni temmen li għandhom ikunu
diskussi mal-Parlament Ewropew u l-Kunsill, u għandha titqies meta
l-Kunsill Ewropew jiddefinixxi linji gwida strateġiċi tiegħu
skont l-Artikolu 68.