EUR-Lex Access to European Union law
This document is an excerpt from the EUR-Lex website
Document 52014DC0078
DRAFT AMENDING BUDGET N° 1 TO THE GENERAL BUDGET 2014 STATEMENT OF REVENUE BY SECTION STATEMENT OF EXPENDITURE BY SECTION Section III – Commission
ABBOZZ TA’ BAĠIT EMENDATORJU Nru 1 GĦALL-BAĠIT ĠENERALI TAL-2014 DIKJARAZZJONI TAN-NEFQA SKONT IT-TAQSIMA DIKJARAZZJONI TAN-NEFQA SKONT IT-TAQSIMA Taqsima III – Il-Kummissjoni
ABBOZZ TA’ BAĠIT EMENDATORJU Nru 1 GĦALL-BAĠIT ĠENERALI TAL-2014 DIKJARAZZJONI TAN-NEFQA SKONT IT-TAQSIMA DIKJARAZZJONI TAN-NEFQA SKONT IT-TAQSIMA Taqsima III – Il-Kummissjoni
/* COM/2014/078 final - 2014/ () */
ABBOZZ TA’ BAĠIT EMENDATORJU Nru 1 GĦALL-BAĠIT ĠENERALI TAL-2014 DIKJARAZZJONI TAN-NEFQA SKONT IT-TAQSIMA DIKJARAZZJONI TAN-NEFQA SKONT IT-TAQSIMA Taqsima III – Il-Kummissjoni /* COM/2014/078 final - 2014/ () */
ABBOZZ TA’ BAĠIT EMENDATORJU
Nru 1
GĦALL-BAĠIT ĠENERALI TAL-2014 DIKJARAZZJONI TAN-NEFQA SKONT IT-TAQSIMA
DIKJARAZZJONI TAN-NEFQA SKONT IT-TAQSIMA
Taqsima III – Il-Kummissjoni Wara li ġie kkunsidrat: –
it-Trattat dwar il-Funzjonament tal-Unjoni Ewropea,
u b’mod partikolari l-Artikolu 314 tiegħu, flimkien mat-Trattat li
jistabbilixxi l-Komunità Ewropea tal-Enerġija Atomika, u b'mod partikolari
l-Artikolu 106a tiegħu, –
ir-Regolament (UE, Euratom) Nru 966/2012
tal-Parlament Ewropew u tal-Kunsill tal-25 ta’ Ottubru 2012 dwar
ir-Regolament Finanzjarju applikabbli għall-baġit ġenerali
tal-Unjoni[1],
u b’mod partikolari l-Artikolu 41 tiegħu, –
il-baġit ġenerali tal-Unjoni Ewropea
għas-sena finanzjarja 2014, adottat fl-20 ta’ Novembru 2013[2], Il-Kummissjoni
Ewropea hawnhekk tippreżenta lill-awtorità tal-baġit l-Abbozz ta’
Baġit Emendatorju Nru 1 għall-baġit tal-2014. BIDLIET
FID-DIKJARAZZJONI TAD-DĦUL U N-NEFQA SKONT IT-TAQSIMA Il-bidliet
għad-dikjarazzjoni tad-dħul u n-nefqa skont it-taqsima huma
disponibbli fuq il-EUR-Lex (http://eur-lex.europa.eu/budget/www/index-mt.htm).
Il-verżjoni bl-Ingliż tal-bidliet f’din id-dikjarazzjoni hija
mehmuża għall-informazzjoni bħala anness baġitarju. WERREJ TOC 1. Introduzzjoni L-abbozz ta’ baġit
emendatorju (ABE) Nru 1 għas-sena 2014 jikkonċerna għadd
ta’ aġġustamenti tekniċi għall-istruttura tal-baġit u
r-rimarki, li huma meħtieġa biex jimplimentaw sew il-baġit tal-2014
f’konformità mal-aħħar deċiżjonijiet leġiżlattivi
u l-orjentazzjonijiet politiċi, inkluża l-ħtieġa immedjata
li jiġi ffaċilitat l-aċċess għall-finanzjament
għall-SMEs. Il-baġit emendatorju huwa mingħajr effett fuq
il-baġit, mingħajr bidla fil-livell ġenerali tan-nefqa. L-elementi
ewlenin inklużi huma dawn li ġejjin: –
L-aġġustamenti meħtieġa biex
tiġi implimentata l-proposta ta' żieda fil-kapital tal-Fond Ewropew
ta’ Investiment (FEI)[3]; –
Bidliet li joħorġu mill-bażi legali
għal Orizzont 2020[4],
li ġie adottat f’Diċembru tal-2013, wara l-adozzjoni tal-baġit
tal- 2014; –
Il-ħolqien tal-istruttura baġitarja
għall-impriża konġunta proposta Shift2Rail.[5] 2. Fond Ewropew tal-Investiment
(FEI) Il-punt
26 tal-konklużjonijiet tal-Kunsill Ewropew tad-19 u l-20 ta’
Diċembru 2013 isejjaħ għal żieda fil-kapaċità ta’
titjib fil-kreditu tal-FEI, u b’risposta għal dan, il-FEI huwa mistenni li
jżid b’mod sinifikanti l-garanzija ġenerali tiegħu u
l-iskopertura għall-kapital ta' riskju matul is-snin li ġejjin,
mill-2014 'il quddiem. F'Novembru 2013, il-Bord
tad-Diretturi tal-FEI approva l-ħsieb wara żieda sa
EUR 1.5 biljun fil-kapital sottoskritt mill-FEI , li minnu se
jitħallas 20%. Dan jimplika s-sottoskrizzjoni ta' 450 sehem addizzjonali
mill-UE. Is-sottoskrizzjoni tal-UE ta’ ishma ġodda tal-FEI ssir fuq
perjodu ta’ erba’ snin li jibda fl-2014. Ir-riżorsi meħtieġa
huma stmati għal madwar EUR 170 miljun, ibbażati fuq
projezzjonijiet tal-FEI għall-iżvilupp tal-prezz tal-ishma
tiegħu matul il-perjodu tas-sottoskrizzjoni 2014-2017, u l-użu
propost tad-dividendi tal-FEI riċevuti mill-UE bħala dħul
assenjat. Il-Kummissjoni ppreżentat separatament proposta
leġiżlattiva[6] biex iżżid il-kapital tal-FEI. It-tibdiliet proposti f’dan
l-abbozz ta’ baġit emendatorju huma skont il-proposta
leġiżlattiva. Il-Kummissjoni tipproponi li
tagħmel użu ta’ approprjazzjonijiet previsti għal strumenti
finanzjarji taħt programmi eżistenti fi ħdan
l-Intestatura 1a tan-nefqa tal-QFP (Kompetittività għat-tkabbir u
l-impjiegi), partikolarment il-COSME u Orizzont 2020, biex jittejjeb
l-aċċess tal-SMEs għall-finanzjament. L-objettivi ġenerali
tal-programm COSME jinkludu li tissaħħaħ il-kompetittività u
s-sostenibilità tal-intrapriżi tal-Unjoni, partikolarment l-SMEs, u jkunu
promossi l-ħolqien u t-tkabbir tal-SMEs. Il-FEI, permezz tal-attivitajiet
tiegħu ta' kapital garanzija u riskju jirsisti biex jilħaq l-objettiv
li jtejjeb l-aċċess għall-finanzjament, partikolarment tal-SMEs.
Barraminnhekk, il-FEI jirsisti biex jilħaq objettivi oħra tar-Regolament
COSME, bħall-promozzjoni tal-intraprenditorija u l-kultura
intraprenditorjali. L-attività tal-FEI hija maħsuba wkoll biex ittejjeb
l-aċċess għas-swieq, speċjalment fi ħdan l-Unjoni. Fir-Regolament
Orizzont 2020, l-istrumenti finanzjarji huma msemmija bħala s-sors
ewlieni ta’ finanzjament għal attivitajiet qrib tas-suq li huma
appoġġjati taħt Orizzont 2020. Għandha tingħata
attenzjoni partikolari li tiġi żgurata l-parteċipazzjoni
adegwata tal-intrapriżi mikro, żgħar u medji (SMEs) kif ukoll
l-impatti tar-riċerka u tal-innovazzjoni fuqhom, tul l-implimentazzjoni
ta' Orizzont 2020. Il-prijorità “Tmexxija industrijali” fiha objettiv
speċifiku imsejjaħ “Aċċess għal finanzjament ta’
riskju”, li fiha l-FEI għandu rwol importanti fl-implimentazzjoni
tal-istrumenti finanzjarji ffinanzjati mill-Orizzont 2020[7]. It-tisħiħ
tal-bażi tal-kapital tal-FEI se tikkontribwixxi biex ikun żgurat li
l-FEI jista' jwassal l-appoġġ maħsub għall-programmi COSME
u Orizzont 2020. Fil-baġit tal-2014, dan jimplika t-trasferiment fuq il-partita
tal-baġit relevanti tal-FEI tal-ammont korrispondenti previst
għall-ewwel pagament annwali (EUR 42.5 miljun). It-tabella ta’ hawn taħt
turi l-bidliet proposti għall-baġit 2014, li l-effett nett
tagħhom huwa newtrali fuq il-livell globali tan-nefqa. (f’miljuni ta’ EUR, ċifri approssimattivi fil-prezzijiet attwali) Isem || Baġit 2014 || Abbozz tal-Baġit emendatorju No 1/2014 || Baġit 2014 (inkl. ABE1/2014) Impenji || Ħlasijiet || Impenji || Ħlasijiet || Impenji || Ħlasijiet 01 04 01 01 – Fond Ewropew għall-Investiment – Provvediment ta' ishma mħallsa ta' kapital sottoskritt || - || - || +42,500 || +42,500 || 42,500 || 42, 500 02 02 02 – Titjib tal-aċċess għal finanzjament għal intrapriżi żgħar u medji (SMEs) f'forma ta’ ekwità u dejn || 161, 907 || 87, 914 || -21,250 || -21, 250 || 140, 657 || 66, 664 08 02 02 02 – Titjib tal-aċċess għal finanzjament ta’ riskju għal investiment fir-riċerka u l-innovazzjoni || 384, 814 || 326, 766 || -21,250 || -21, 250 || 363,564 || 305, 516 Totali || 546,721 || 414,680 || 0,0 || 0,0 || 546,721 || 414,680 Il-Kummissjoni
tipproponi wkoll li temenda r-rimarki tal-baġit għall-Artikolu 850
tal-baġit Dividendi mħallsa mill-Fond Ewropew Ta’ Investiment
biex jakkomodaw id-dħul assenjat, u b’hekk jiġu allinjati
mad-deċiżjoni proposta tal-Parlament Ewropew u tal-Kunsill relatata
maż-żieda fil-kapital tal-FEI. 3. Horizon
2020 Biex
l-istruttura tal-baġit tiġi allinjata mal-bażi legali ta'
Orizzont 2020 adottat f’Diċembru 2013, wara l-adozzjoni tal-baġit tal-2014, hemm
bżonn numru ta' bidliet biex tiġi kkunsidrata l-qasma riveduta
tal-approprjazzjonijiet bejn l-azzjonijiet indiretti u l-azzjonijiet diretti
tar-riċerka. Dawn jinkludu l-ħolqien ta’ żewġ linji
ġodda tal-baġit, għall-allinjament tar-rimarki tal-baġit
ta’ numru ta’ linji tal-baġit u, f’xi każijiet, it-tikkettar rivedut
ta’ xi linji baġitarji. Id-dettalji sħaħ huma pprovduti fl-anness
tal-baġit għal din l-ittra ta’ emenda. L-aġġustamenti huma
newtrali fir-rigward tal-baġit, u huma miġbura fil-qosor fit-tabella
t’hawn taħt: || (f’miljuni ta’ EUR, ċifri approssimattivi fil-prezzijiet attwali) Isem || Baġit 2014 || Abbozz tal-Baġit emendatorju No 1/2014 || Baġit 2014 (inkl. ABE1/2014) || Noti || Impenji || Ħlasijiet || Impenji || Ħlasijiet || Impenji || Ħlasijiet || || 02 04 03 02 - Trawwim ta’ soċjetajiet Ewropej sikuri || 138,347 || 10,866 || || || 138,347 || 10,866 || Isem rivedut || 08 02 03 02 - Żgurar ta’ provvisti suffiċjenti ta’ ikel sikur u ta’ kwalità għolja u prodotti oħra b'bażi bijo || 204,042 || 22,468 || -2,269 || || 201,773 || 22,468 || Isem rivedut u s-sors ta’ approprjazzjonijiet għal linji ġodda || 08 02 03 06 - Trawwim ta’ soċjetajiet Ewropej inklużivi, innovattivi u riflettivi || 193,408 || 17,626 || -59,384 || || 134,024 || 17,626 || Isem rivedut u s-sors ta’ approprjazzjonijiet għal linji ġodda || 08 02 04 01 - Xjenza mas-soċjetà u għaliha || p.m. || p.m. || || || p.m. || p.m. || Isem u nomenklatura riveduta || 08 02 04 02 - Tixrid tal-eċċellenza u twessigħ tal-parteċipazzjoni || || || 66,906 || 5,253 || 66,906 || 5,253 || Linja ġdida || 09 04 01 01 - It-tisħiħ tar-riċerka fl-FET — Teknoloġiji Futuri u Emerġenti || 246,003 || 10,301 || -6,922 || || 239,081 || 10,301 || Sors ta’ approprjazzjonijiet għal linji ġodda || 09 04 03 02 - Trawwim ta’ soċjetajiet Ewropej inklużivi, innovattivi u riflettivi || 77,973 || 0,505 || -39,857 || || 38,116 || 0,505 || Sors ta’ approprjazzjonijiet għal linji ġodda || 09 04 03 03 - Trawwim ta’ soċjetajiet Ewropej sikuri || || || 46,779 || p.m. || 46,779 || p.m. || Linja ġdida || 10 01 05 01 - Nefqa b’rabta ma’ uffiċjali u aġenti temporanji fl-implimentazzjoni ta’ programmi ta’ Riċerka u Innovazzjoni — Orizzont 2020 || 138,577 || 138,577 || -1,877 || -1,877 || 136,700 || 136,700 || Sors ta’ approprjazzjonijiet għal linji ġodda || 10 01 05 02 - Persunal estern li jimplimenta programmi ta’ Riċerka u Innovazzjoni – Orizzont 2020 || 32,731 || 32,731 || -0,331 || -0,331 || 32,400 || 32,400 || Sors ta’ approprjazzjonijiet għal linji ġodda || 10 01 05 03 - Nefqa oħra tal-immaniġġjar għall-programmi ta’ Riċerka u Innovazzjoni – Orizzont 2020 || 59,870 || 59,870 || -1,706 || -1,706 || 58,164 || 58,164 || Sors ta’ approprjazzjonijiet għal linji ġodda || 10 01 05 04 - Nefqa oħra għal infrastrutturi kbar ġodda – Orizzont 2020 || 3,339 || 3,339 || -1,339 || -1,339 || 2,000 || 2,000 || Sors ta’ approprjazzjonijiet għal linji ġodda || Totali || 1.094,290 || 296,283 || 0,000 || 0,000 || 1.094,290 || 296,283 || || 4. Shift2Rail Fis-16 ta’ Diċembru 2013,
il-Kummissjoni adottat proposta għal Regolament tal-Kunsill li
jistabbilixxi l-Impriża Konġunta Shift2Rail[8]
(Impriża Konġunta S2R). L-S2R mistenija titwaqqaf għal perjodu
li jispiċċa fil-31 ta’ Diċembru 2024 skont l-Artikolu 187
tat-Trattat dwar il-Funzjonament tal-Unjoni Ewropea. Se tikkondividi
d-dispożizzjonijiet standard tal-proposti tal-ħames Impriżi
Konġunti tal-Inizjattiva Teknoloġika Konġunta ppreżentati
f’Lulju 2013. B’mod
parallel, u kif diġà sar għall-impriżi konġunti
l-oħra, il-Kummissjoni tipproponi l-ħolqien tal-istruttura
baġitarja xierqa, inklużi l-linji rilevanti tal-baġit u l-pjan
korrispondenti ta’ stabbiliment. Iż-żewġ linji ġodda
tal-baġit huma proposti: 06 03 07 33 – Shift2Rail (S2R)
Impriża Konġunta – Nefqa ta' appoġġ u
06 03 07 34 — Shift2Rail (S2R) Impriża Konġunta.
Dawn it-tibdiliet huma konformi mal-abbozz tar-Regolament tal-Kunsill propost
mill-Kummissjoni f’Diċembru li għadda. In-nefqa
amministrattiva marbuta mal-persunal tal-Impriża Konġunta (JU) biex
tiġi mmaniġġjata parti mill-approprjazzjonijiet operazzjonali
skont Orizzont 2020 se tkun kompletament ikkumpensata minn tnaqqis
korrispondenti tan-nefqa għall-appoġġ amministrattiv taħt
Orizzont 2020 fil-Kummissjoni, biex b’hekk in-nefqa amministrattiva totali
taħt Orizzont 2020 tibqa' l-istess. Għaldaqstant, huwa propost
li jiġi mmobilizzat mill-ġdid il-kontribut ta' EUR 480 000
f’approprjazzjonijiet ta’ impenn u ta’ pagament bħala appoġġ tal-linja
tan-nefqa 06 03 07 33 minn linji tan-nefqa tal-baġit
tal-appoġġ amministrattiv eżistenti tal-Orizzont 2020. Fir-rigward
tan-nefqa operazzjonali fl-2014, EUR 52 miljun se jkunu impenjati
taħt il-Programm ta' Ħidma tat-Trasport 2014-2015 ta' Orizzont 2020,
kif kien indikat fid-dikjarazzjoni finanzjarja leġiżlattiva
korrispondenti, filwaqt li wieħed jistenna t-tnedija tal-Impriża
Konġunta S2R. Il-ġestjoni ta’ dawn l-attivitajiet u l-estimi
korrispondenti, kif ukoll ta’ xi ammonti eventwalment mhux impenjati wara
sejħiet għal proposti, se jittieħdu mill-Impriża
Konġunta S2R ladarba din tikseb kapaċità operattiva suffiċjenti.
Ma hemm l-ebda ħlasijiet previsti fl-2014 dwar l-impenji operazzjonali.
Għalhekk huwa propost li tinżamm entrata pro memoria (‘p.m.’) kemm
għall-approprjazzjonijiet ta' impenn u ta' approprjazzjonijiet ta'
pagament. Dawn
it-tibdiliet huma mqassra fit-tabella t’hawn taħt: (f’miljuni ta’ EUR, ċifri approssimattivi fil-prezzijiet attwali) || || Isem || Baġit 2014 || Abbozz tal-Baġit emendatorju No 1/2014 || Baġit 2014 (inkl. ABE1/2014) || Impenji || Ħlasijiet || Impenji || Ħlasijiet || Impenji || Ħlasijiet || 06 03 07 33 - Impriża Konġunta Shift2Rail (S2R) — Nefqa ta’ appoġġ || mhux applikabbli || mhux applikabbli || +0,480 || +0,480 || 0,480 || 0,480 || 06 03 07 34 - Impriża Konġunta Shift2Rail (S2R). || mhux applikabbli || mhux applikabbli || p.m. || p.m. || p.m. || p.m. || 06 01 05 03 - Nefqa oħra tal-immaniġġjar għall-programmi ta’ Riċerka u Innovazzjoni – Orizzont 2020 || 0,892 || 0,892 || -0,336 || -0,336 || 0,556 || 0,556 || 08 01 05 03 - Nefqa oħra tal-immaniġġjar għall-programmi ta’ Riċerka u Innovazzjoni – Orizzont 2020 || 37,629 || 37,629 || -0,144 || -0,144 || 37,485 || 37,485 || Totali || 38,521 || 38,521 || 0,000 || 0,000 || 38,521 || 38,521 Waqt li s-sejħa tal-2014 għal proposti tnediet mis-servizzi
tal-Kummissjoni, l-istruttura l-ġdida tal-JU għandha ssir operattiva
malajr kemm jista’ jkun sabiex tkun tista’ tieħu f’idejha l-ġestjoni
tal-proġetti ladarba jiġu approvati. Barra minn hekk, l-istruttura
l-ġdida se jkollha tħejji pjan ta’ ħidma li jista' jintuża
bħala bażi għal sejħiet għal proposti futuri sa
mill-2015. It-twaqqif tal-JU fil-ħin biex dan jintlaħaq se jirrikjedi
li numru ta’ persunal jistabbilixxi d-dokumenti u l-proċeduri
amministrattivi, legali u tekniċi kollha meħtieġa sabiex
tiżgura li l-JU jkollha l-kapaċità operattiva biex timplimenta
l-baġit tagħha stess. Fl-2014, huwa stmat li minimu ta' 6 membri
tal-persunal se jkunu meħtieġa, inkluż id-Direttur
Eżekuttiv, Kap tal-Unità (AD grad aġenti temporanji), kif ukoll
4 Aġenti Kuntrattwali li huma previsti li jiġu rreklutati minn
Ġunju 2014. Peress li l-persunal se jkun gradwalment introdott aktar tard
matul is-sena, l-approprjazzjonijiet mitluba biex ikopru n-nefqa relatata
ġew ikkalkulati fuq il-bażi ta’ medja ta’ preżenza ta’ erba’
xhur fl-2014. 5. Tibdiliet Tekniċi Oħra Wara
emenda vvutata mill-Parlament Ewropew, il-Kumitat ta’ Konċiljazzjoni fuq
il-Baġit tal-2014 ddeċieda li jżid l-approprjazzjonijiet ta'
impenn fl- Artikolu 05 08 80 tal-artikolu tal-baġit
05 08 80 Parteċipazzjoni tal-Unjoni fl-Espożizzjoni
Dinjija 2015 'Ngħalfu l-Pjaneta — Enerġija
għall-Ħajja' f’Milan b’EUR 1 miljun meta mqabbel
mal-abbozz tal-baġit. Din l-emenda kienet imfassla biex tipprovdi
finanzjament inizjali ta’ tħejjija u għal stadji ta’ programm
xjentifiku EXPO 2015 li jinvolvi l-kompilazzjoni tad-dejta tal-linja bażi
għall-għanijiet ta' appoġġ ta' politika. Sabiex tippermetti
l-użu ta’ dak l-ammont addizzjonali għall-għan maħsub, huwa
propost li jiġu emendati r-rimarki tal-baġit skont dan. Barra
minn hekk, hemm tliet partiti tal-baġit li jirrigwardaw il-proġetti
pilota u l-azzjonijiet preparatorji fit-Titolu 21 Żvilupp u
Kooperazzjoni, li ġew ippreżentati fil-baġit tal-2014 b’sing
twil “—” għaż-żewġ approprjazzjonijiet ta' impenn u ta'
pagament. Madankollu, dan għandu jiġi kkoreġut biex is-singijiet
jiġu sostitwiti b'entrata pro memeoria "p.m.", peress li
fit-tliet każijiet, il-ħlasijiet jistgħu xorta iridu jsiru fl-
2014. Il-linji tal-baġit in kwistjoni huma kif ġej: Partita
21 04 77 02 — Proġett pilota — Forum tas-Soċjetà
Ċivili UE-Russja; Partita 21 04 77 03 — Proġett
pilota —Iffinanzjar għall-vittmi tat-tortura; u
Partita 21 05 77 02 — Azzjoni Preparatorja — Reazzjoni
ta' emerġenza għall-kriżi finanzjarja u ekonomika
fil-pajjiżi li qed jiżviluppaw. [1] ĠU
L 298, 26.10.2012, p. 1. [2] ĠU L
XX, 20.2.2014, p. 1. [3] COM (2014) 66, 6.2.2014. [4] Regolament (UE) Nru 1291/2013 tal-Parlament Ewropew
u tal-Kunsill tal-11 ta' Diċembru 2013 li jistabbilixxi Orizzont 2020
- il-Programm Qafas għar-Riċerka u l-Innovazzjoni (2014-2020) u li
jirrevoka d-Deċiżjoni Nru 1982/2006/KE (ĠU L 347,
20.12.2013, p. 104). [5] COM(2013) 922 finali, 16.12.2013. [6] Ara n-nota f’qiegħ l-paġna 3 hawn fuq. [7] Dawn, b’mod partikolari, se jkunu s-suċċessuri
tal-Istrument tal-Kondiviżjoni tar-Riskji (RSI) li jipprovdu garanziji
għall-SMEs, li huma mistennija li jkunu jeħtieġu kontribuzzjoni
tal-Kummissjoni mill-Orizzont 2020 li tiżboq
l-EUR 700 miljun u allokazzjoni ta’ kapital tal-FEI sa massimu ta’
EUR 350 miljun, bil-għan li tiġbed sa EUR 8 biljun ta’
self. Barra minn hekk, taħt il-programm Orizzont 2020, il-FEI se
jimplimenta faċilità ta' ekwità fi stadju bikri b'allokazzjoni
baġitarja tal-UE ta' madwar EUR 400-450 miljun u livell xieraq
ta' koinvestiment mir-riżorsi tal-FEI. [8] COM(2013) 922 finali, 16.12.2013.