This document is an excerpt from the EUR-Lex website
Document 52013PC0728
Proposal for a COUNCIL DECISION on the position to be taken by the European Union within the Joint Committee established by the Euro-Mediterranean Interim Association Agreement on trade and cooperation between the European Community, of the one part, and the Palestine Liberation Organisation (PLO) for the benefit of the Palestinian Authority of the West Bank and the Gaza Strip, of the other part, on the amendment of Article 15(7) of Protocol No 3 to that Agreement concerning the definition of the concept of "originating products" and methods of administrative cooperation
Proposta għal DEĊIŻJONI TAL-KUNSILL dwar il-pożizzjoni tal-Unjoni Ewropea fil-Kunsill Konġunt imwaqqaf permezz tal-Ftehim ta' Assoċjazzjoni Ewro-Mediterranju Interim dwar il-kummerċ u l-kooperazzjoni bejn il-Komunità Ewropea fuq naħa, u l-Organizzazzjoni għal-Liberazzjoni tal-Palestina (OLP) li taġixxi f'isem l-Awtorità Palestinjana tax-xatt tal-Punent u tal-istrixxa ta' Gaża, fuq in-naħa l-oħra, li temenda l-Artikolu 15(7) tal-Protokoll Nru 3 tal-Ftehim imsemmi rigward id-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva
Proposta għal DEĊIŻJONI TAL-KUNSILL dwar il-pożizzjoni tal-Unjoni Ewropea fil-Kunsill Konġunt imwaqqaf permezz tal-Ftehim ta' Assoċjazzjoni Ewro-Mediterranju Interim dwar il-kummerċ u l-kooperazzjoni bejn il-Komunità Ewropea fuq naħa, u l-Organizzazzjoni għal-Liberazzjoni tal-Palestina (OLP) li taġixxi f'isem l-Awtorità Palestinjana tax-xatt tal-Punent u tal-istrixxa ta' Gaża, fuq in-naħa l-oħra, li temenda l-Artikolu 15(7) tal-Protokoll Nru 3 tal-Ftehim imsemmi rigward id-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva
/* COM/2013/0728 final - 2013/0348 (NLE) */
Proposta għal DEĊIŻJONI TAL-KUNSILL dwar il-pożizzjoni tal-Unjoni Ewropea fil-Kunsill Konġunt imwaqqaf permezz tal-Ftehim ta' Assoċjazzjoni Ewro-Mediterranju Interim dwar il-kummerċ u l-kooperazzjoni bejn il-Komunità Ewropea fuq naħa, u l-Organizzazzjoni għal-Liberazzjoni tal-Palestina (OLP) li taġixxi f'isem l-Awtorità Palestinjana tax-xatt tal-Punent u tal-istrixxa ta' Gaża, fuq in-naħa l-oħra, li temenda l-Artikolu 15(7) tal-Protokoll Nru 3 tal-Ftehim imsemmi rigward id-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva /* COM/2013/0728 final - 2013/0348 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Il-projbizzjoni tar-rifużjoni tad-dazji
doganali hija stipulata fl-Artikolu 15 tal-Protokoll Nru 3 li jinsab
mehmuż mal-Ftehim ta' Assoċjazzjoni bejn il-KE u l-Organizzazzjoni
għal-Liberazzjoni tal-Palestina (OLP), hekk kif ġie emendat
bid-Deċiżjoni Nru 1/2009 tal-Kunsill Konġunt UE-OLP
tal-24 ta' Ġunju 2009[1].
Il-paragrafu 7 tiegħu jipprevedi perjodu tranżitorju marbut
mal-applikazzjoni sħiħa tal-projbizzjoni tar-rifużjoni tad-dazji
mix-xatt tal-Punent u l-istrixxa ta' Gaża u jagħti lil dan is-sieħeb
il-possibbiltà li jagħti rifużjoni tad-dazji lill-esportaturi jew
lill-operaturi ekonomiċi tiegħu matul dan il-perjodu. Dan il-perjodu tranżitorju skada
fil-31 ta' Diċembru 2009. Għaldaqstant,
l-Artikolu 15(7) jistipula l-possibbiltà li din id-dispożizzjoni
tiġi eżaminata mill-ġdid bi ftehim komuni. Abbażi ta' talba min-naħa tal-OLP,
fl-2010 il-Kummissjoni pproponiet li t-tul ta' żmien tal-applikazzjoni ta'
din id-dispożizzjoni jiġi estiż
sal-31 ta' Diċembru 2012[2].
Madankollu, il-Kumitat Konġunt UE-OLP qatt ma adotta din
id-deċiżjoni. L-OLP talbet, permezz tat-talba bil-miktub
tas-6 ta' Diċembru 2012, estensjoni ġdida tat-tul ta'
żmien tal-applikazzjoni ta' din id-dispożizzjoni għal perjodu
ta' erba' snin. F'konformità mal-Artikolu 39
tal-Protokoll Nru 3, id-dispożizzjonijiet tal-Protokoll imsemmi
jistgħu jiġu emendati b'deċiżjoni tal-Kumitat Konġunt. It-test tad-deċiżjoni jemenda
d-dispożizzjoni li hemm fl-Artikolu 15(7). Il-partijiet qablu li jestendu l-applikazzjoni
tal-Artikolu 15(7) b'sitt snin, b'effett
mill-1 ta' Jannar 2010, sabiex jassiguraw iċ-ċarezza,
il-previdibbiltà ekonomika għal terminu twil u s-sigurtà ġuridika
għall-operaturi ekonomiċi kif ukoll biex jiżguraw il-koerenza
mat-talbiet simili li jsiru minn pajjiżi Mediterranji oħra u sabiex
jirregolarizzaw ukoll il-perjodu kopert mill-proposta tal-Kummissjoni b'segwitu
għat-talba inizjali tal-OLP. Bil-għan li din id-deċiżjoni
tiġi adottata formalment, intlaħaq qbil, fil-qafas tal-grupp ta'
ħidma Pan-Ewro-Med, li l-kontenut ta' din id-deċiżjoni se jibda
japplika mill-1 ta' Jannar 2010. 2. RIŻULTATI TA’
KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT Il-partijiet interessati ġew ikkonsultati
fil-qafas tal-grupp ta' ħidma Pan-Ewro-Med u tal-Kumitat tal-Kodiċi
Doganali – taqsima dwar l-oriġini. Ma kienx meħtieġ li wieħed
jirrikorri għal għarfien espert estern. Ma kienx meħtieġ li wieħed
jirrikorri għall-valutazzjoni tal-impatt billi l-adattamenti proposti huma
ta' natura teknika u ma jolqtux is-sustanza tal-protokoll fuq ir-regoli dwar
l-oriġini li jinsabu fis-seħħ bħalissa. 3. L-ELEMENTI
ĠURIDIĊI TAL-PROPOSTA Id-dispożizzjoni emendata dwar
ir-refużjoni għandha tiġi applikata b'mod retroattiv
mill-1 ta' Jannar 2010. Il-bażi ġuridika tal-emenda ta' din
id-dispożizzjoni hija l-ewwel subparagrafu tal-Artikolu 207(4),
flimkien mal-Artikolu 218(9) tat-Trattat dwar il-Funzjonament tal-Unjoni Ewropea. Din il-proposta taqa' fil-kompetenza
esklussiva tal-Unjoni. Għalhekk il-prinċipju tas-sussidjarjetà ma
japplikax. Strument propost: deċiżjoni
tal-Kunsill. 2013/0348 (NLE) Proposta għal DEĊIŻJONI TAL-KUNSILL dwar il-pożizzjoni tal-Unjoni Ewropea
fil-Kunsill Konġunt imwaqqaf permezz tal-Ftehim ta' Assoċjazzjoni
Ewro-Mediterranju Interim dwar il-kummerċ u l-kooperazzjoni bejn
il-Komunità Ewropea fuq naħa, u l-Organizzazzjoni għal-Liberazzjoni
tal-Palestina (OLP) li taġixxi f'isem l-Awtorità Palestinjana tax-xatt
tal-Punent u tal-istrixxa ta' Gaża, fuq in-naħa l-oħra, li
temenda l-Artikolu 15(7) tal-Protokoll Nru 3 tal-Ftehim imsemmi
rigward id-definizzjoni tal-kunċett ta' "prodotti
oriġinarji" u l-metodi ta' kooperazzjoni amministrattiva IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-ewwel subparagrafu
tal-Artikolu 207(4), flimkien mal-Artikolu 218(9) tiegħu, Wara li kkunsidra l-proposta tal-Kummissjoni
Ewropea, Billi: (1) Il-Protokoll Nru 3
tal-Ftehim ta' Assoċjazzjoni Ewro-Mediterranju Interim dwar
il-kummerċ u l-kooperazzjoni bejn il-Komunità Ewropea fuq naħa, u
l-Organizzazzjoni għal-Liberazzjoni tal-Palestina (OLP) li taġixxi
f'isem l-Awtorità Palestinjana tax-xatt tal-Punent u tal-istrixxa ta'
Gaża, fuq in-naħa l-oħra[3],
minn hawn 'il quddiem imsejjaħ "il-Ftehim", hekk kif emendat
bid-Deċiżjoni Nru 1/2009 tal-Kumitat Konġunt UE-OLP
tal-24 ta' Ġunju 2009[4],
jirrigwarda d-definizzjoni tal-kunċett ta' "prodotti
oriġinarji" u l-metodi ta' kooperazzjoni amministrattiva. (2) L-Artikolu 15
tal-Protokoll Nru 3 fih projbizzjoni ġenerali tar-rifużjonijiet
jew tal-eżenzjonijiet tad-dazji doganali għall-materjali mhux
oriġinarji li jiġu applikati fil-manifattura ta' prodotti
oriġinarji. Madankollu, dan l-Artikolu jipprevedi, fil-paragrafu 7
tiegħu, li sal-31 ta' Diċembru 2009 tista' tiġi
applikata rifużjoni jew eżenzjoni parzjali taħt ċerti
kundizzjonijiet. (3) Abbażi ta' talba
min-naħa tal-OLP, fl-2010 il-Kummissjoni pproponiet li t-tul ta'
żmien tal-applikazzjoni tal-Artikolu 15 tal-Protokoll Nru 3
tal-Ftehim jiġi estiż sal-31 ta' Diċembru 2012[5]. Madankollu, il-Kumitat
Konġunt UE-OLP qatt ma adotta din id-deċiżjoni. (4) Sabiex tiġi ggarantita
ċ-ċarezza u biex jiġu żgurati l-prevedibbiltà ekonomika
għal terminu twil u s-sigurtà ġuridika għall-operaturi
ekonomiċi u sabiex jiġi rregolat ukoll il-perjodu kopert
mill-proposta tal-Kummissjoni, il-partijiet qablu li jtawlu l-applikazzjoni
tal-Artikolu 15(7) b'sitt snin, b'effett
mill-1 ta' Jannar 2010. (5) Għaldaqstant,
f'konformità mal-Artikolu 39 tal-Protokoll Nru 3, il-Kumitat
Konġunt imwaqqaf permezz tal-Ftehim għandu jiddeċiedi li jemenda
l-Protokoll. (6) Konsegwentement, fil-Kumitat
Konġunt l-Unjoni Ewropea għandha tadotta l-pożizzjoni definita
fl-abbozz ta' deċiżjoni hawn mehmuż, ADOTTA DIN ID-DEĊIŻJONI: Artikolu 1 Il-pożizzjoni li se tadotta l-Unjoni
Ewropea fil-Kunsill ta' Assoċjazzjoni mwaqqaf permezz tal-Ftehim ta' Assoċjazzjoni
Ewro-Mediterranju Interim dwar il-kummerċ u l-kooperazzjoni bejn
il-Komunità Ewropea fuq naħa, u l-Organizzazzjoni għal-Liberazzjoni
tal-Palestina (OLP) li taġixxi f'isem l-Awtorità Palestinjana tax-xatt
tal-Punent u tal-istrixxa ta' Gaża, fuq in-naħa l-oħra, f'dak li
jirrigwarda l-emenda tal-Artikolu 15(7) tal-Protokoll Nru 3 rigward
id-definizzjoni tal-kunċett ta' "prodotti oriġinarji" u
l-metodi ta' kooperazzjoni amministrattiva, bil-għan li tiġi
estiża l-applikazzjoni tad-dispożizzjoni msemmija, hija definita
fl-abbozz ta' deċiżjoni tal-Kumitat Konġunt hawn mehmuż. Artikolu 2 Id-deċiżjoni
tal-Kumitat Konġunt hija ppubblikata f'Il-Ġurnal Uffiċjali
tal-Unjoni Ewropea. Magħmul fi Brussell, Għall-Kunsill Il-President ANNESS Abbozz ta'
DEĊIŻJONI NRU […] TAL-KUMITAT KONĠUNT UE-OLP ta’ [...] li
temenda l-Artikolu 15(7) tal-Protokoll Nru 3 tal-Ftehim ta'
Assoċjazzjoni Ewro-Mediterranju Interim dwar il-kummerċ u
l-kooperazzjoni bejn il-Komunità Ewropea fuq naħa, u l-Organizzazzjoni
għal-Liberazzjoni tal-Palestina (OLP) li taġixxi f'isem l-Awtorità
Palestinjana tax-xatt tal-Punent u tal-istrixxa ta' Gaża, fuq in-naħa
l-oħra,
rigward id-definizzjoni tal-kunċett ta' "prodotti
oriġinarji"
u l-metodi ta' kooperazzjoni amministrattiva IL-KUMITAT KONĠUNT, Wara li kkunsidra l-Ftehim ta'
Assoċjazzjoni Ewro-Mediterranju Interim dwar il-kummerċ u
l-kooperazzjoni bejn il-Komunità Ewropea fuq naħa, u l-Organizzazzjoni
għal-Liberazzjoni tal-Palestina (OLP) li taġixxi f'isem l-Awtorità
Palestinjana tax-xatt tal-Punent u tal-istrixxa ta' Gaża, fuq in-naħa
l-oħra, u b'mod partikolari l-Artikolu 39 tal-Protokoll Nru 3
tiegħu, Billi: (1)
L-Artikolu 15(7) tal-Protokoll Nru 3 tal-Ftehim
ta' Assoċjazzjoni Ewro-Mediterranju Interim dwar il-kummerċ u
l-kooperazzjoni bejn il-Komunità Ewropea fuq naħa, u l-Organizzazzjoni
għal-Liberazzjoni tal-Palestina (OLP) li taġixxi f'isem l-Awtorità
Palestinjana tax-xatt tal-Punent u tal-istrixxa ta' Gaża, fuq in-naħa
l-oħra[6],
minn hawn 'il quddiem imsejjaħ "il-Ftehim", hekk kif emendat
bid-Deċiżjoni Nru 1/2009 tal-Kumitat Konġunt UE-OLP
tal-24 ta' Ġunju 2009[7]
jippermetti li, taħt ċerti kundizzjonijiet, ikun hemm
ir-rifużjoni jew l-eżenzjoni parzjali tad-dazji doganali jew ta'
taxxi b'effett ekwivalenti, sal-31 ta' Diċembru 2009. (2)
Abbażi ta' talba min-naħa tal-OLP,
fl-2010 il-Kummissjoni pproponiet li t-tul ta' żmien tal-applikazzjoni
tal-Artikolu 15 tal-Protokoll Nru 3 tal-Ftehim jiġi estiż
sal-31 ta' Diċembru 2012[8].
Madankollu, il-Kumitat Konġunt UE-OLP qatt ma adotta din
id-deċiżjoni. (3)
Sabiex tiġi ggarantita ċ-ċarezza u
biex jiġu żgurati l-prevedibbiltà ekonomika għal terminu twil u
s-sigurtà ġuridika għall-operaturi ekonomiċi u sabiex jiġi
rregolat ukoll il-perjodu kopert mill-proposta tal-Kummissjoni, il-partijiet
għall-Ftehim qablu li jtawlu l-applikazzjoni tal-Artikolu 15(7)
tal-Protokoll Nru 3 tal-Ftehim, b'sitt snin, b'effett
mill-1 ta' Jannar 2010. (4)
Għalhekk, il-Protokoll Nru 3 tal-Ftehim
għandu jiġi emendat kif meħtieġ. (5)
Billi l-Artikolu 15(7) tal-Protokoll
Nru 3 tal-Ftehim ma jibqax japplika
mill-31 ta' Diċembru 2009, din id-Deċiżjoni
għandha tibda tapplika mill-1 ta' Jannar 2010, Jiddeċiedi: Artikolu 1 L-aħħar subparagrafu tal-Artikolu 15(7)
tal-Protokoll Nru 3 tal- Ftehim ta' Assoċjazzjoni Ewro-Mediterranju
Interim dwar il-kummerċ u l-kooperazzjoni bejn il-Komunità Ewropea fuq
naħa, u l-Organizzazzjoni għal-Liberazzjoni tal-Palestina (OLP) li
taġixxi f'isem l-Awtorità Palestinjana tax-xatt tal-Punent u tal-istrixxa
ta' Gaża, fuq in-naħa l-oħra, rigward id-definizzjoni
tal-kunċett ta' "prodotti oriġinarji" u l-metodi ta'
kooperazzjoni amministrattiva, huwa sostitwit bit-test segwenti: "Dan il-paragrafu jibqa' japplika
sal-31 ta’ Diċembru 2015 u jista’ jiġi eżaminat
mill-ġdid bi qbil komuni." Artikolu 2 Din id-Deċiżjoni tidħol
fis-seħħ fil-jum tal-adozzjoni tagħha. Hija tibda tapplika
mill-1 ta' Jannar 2010. Magħmul fi […] Għall-Kumitat
Konġunt Il-President
[…] [1] ĠU
L 298, 13.11.2009, p. 1. [2] COM(2010)166,
21.4.2010. [3] ĠU
L 187, 16.7.1997, p. 3. [4] ĠU
L 298, 13.11.2009, p. 1. [5] COM(2010)166,
21.4.2010. [6] ĠU
L 187, 16.7.1997, p. 3. [7] ĠU
L 298, 13.11.2009, p. 1. [8] COM(2010)166,
21.4.2010.