EUR-Lex Access to European Union law
This document is an excerpt from the EUR-Lex website
Document 52013PC0598
Proposal for a COUNCIL REGULATION fixing for 2014 the fishing opportunities for certain fish stocks and groups of fish stocks applicable in the Baltic Sea
Proposta għal REGOLAMENT TAL-KUNSILL li jiffissa l-opportunitajiet tas-sajd għall-2014 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku
Proposta għal REGOLAMENT TAL-KUNSILL li jiffissa l-opportunitajiet tas-sajd għall-2014 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku
/* COM/2013/0598 final - 2013/0286 (NLE) */
Proposta għal REGOLAMENT TAL-KUNSILL li jiffissa l-opportunitajiet tas-sajd għall-2014 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku /* COM/2013/0598 final - 2013/0286 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA · Ir-raġunijiet għall-proposta u l-għanijiet tagħha Skont ir-Regolament tal-Kunsill (KE)
Nru 2371/2002 tal-20 ta’ Diċembru 2002 dwar
il-konservazzjoni u l-isfruttar sostenibbli ta’ riżorsi tas-sajd skont
il-Politika Komuni dwar is-Sajd, għandhom jittieħdu miżuri biex
jiżguraw li r-riżorsi akkwatiċi ħajjin huma sfruttati
taħt kundizzjonijiet ekonomiċi, ambjentali u soċjali
sostenibbli. Għodda importanti waħda f’dan ir-rigward hija
l-istabbiliment annwali tal-opportunitajiet tas-sajd fl-għamla ta’ qabdiet
totali permissibbli (TACs), ta' kwoti u ta' limiti tal-isforzi tas-sajd. L-għan ta’ din il-proposta huwa li
jiġu ffissati għall-2014 l-opportunitajiet tas-sajd għall-Istati
Membri fir-rigward tal-iktar stokkijiet kummerċjalment importanti
fil-Baħar Baltiku. Bil-għan li jiġu ssimplifikati u
ċċarati d-deċiżjonijiet annwali dwar it-TAC u l-kwoti,
l-opportunitajiet tas-sajd fil-Baħar Baltiku ilhom li ġew stabbiliti
mill-2006 permezz ta' Regolament separat. · Il-kuntest ġenerali Il-Komunikazzjoni mill-Kummissjoni fir-rigward
ta’ konsultazzjoni dwar l-Opportunitajiet tas-Sajd għall-2014
(COM(2013)319 finali), tiddeskrivi l-isfond tal-proposta. Il-parir xjentifiku dwar l-istokkijiet
fil-Baħar Baltiku għall-2014 ingħata mill-Kunsill
Internazzjonali għall-Esplorazzjoni tal-Baħar (ICES)
f’Mejju 2013 u mill-Kumitat Xjentifiku, Tekniku u Ekonomiku għas-Sajd
(STECF) f’Ġunju 2013. Il-proposta fiha żewġ taqsimiet li
huma importanti għall-ġestjoni tas-sajd fil-Baltiku fl-2014 permezz
tal-opportunitajiet tas-sajd: taqsima minnhom tiffissa t-TACs u l-kwoti u
t-taqsima l-oħra tillimita l-isforz tas-sajd, billi timponi limiti fuq
l-attività tal-bastimenti tas-sajd (l-għadd ta' jiem fuq il-baħar). · Id-dispożizzjonijiet eżistenti fil-qasam tal-proposta L-opportunitajiet tas-sajd u l-mod li bih huma
allokati lill-Istati Membri jiġu rregolati kull sena. L-aktar strument
riċenti huwa r-Regolament tal-Kunsill (UE) Nru 1088/2012
tal-20 ta' Novembru 2012 li jistabbilixxi l-opportunitajiet tas-sajd
għall-2013 għal ċerti stokkijiet ta' ħut u gruppi ta'
stokkijiet ta' ħut applikabbli fil-Baħar Baltiku. Ir-Regolament tal-Kunsill (KE)
Nru 2187/2005 tal-21 ta’ Diċembru 2005
għall-konservazzjoni ta’ riżorsi tas-sajd permezz ta’ miżuri
tekniċi fil-Baħar Baltiku, fil-Belts u fis-Sound, li jemenda
r-Regolament (KE) Nru 1434/98 u jħassar ir-Regolament (KE)
Nru 88/98, huwa wkoll ta’ rilevanza għall-ġestjoni tas-sajd
fil-Baħar Baltiku. Ir-Regolament tal-Kunsill (KE)
Nru 1098/2007 tat-18 ta’ Settembru 2007 li jistabbilixxi
pjan pluriennali għall-istokkijiet tal-merluzz fil-Baħar Baltiku u
s-sajd li jisfrutta dawk l-istokkijiet, u li jemenda r-Regolament (KEE)
Nru 2847/93 u li jirrevoka r-Regolament (KE) Nru 779/97, jiddeskrivi
l-miżuri ta’ kontroll u ta' monitoraġġ meħtieġa
għall-bini mill-ġdid tal-istokkijiet tal-bakkaljaw inkwistjoni.
Jistabbilixxi wkoll ir-regoli għall-istabbiliment tat-TACs
għall-istokkijiet tal-bakkaljaw tal-Lvant u tal-Punent u l-limiti
tal-isforz tas-sajd assoċjati magħhom. · Il-konsistenza ma' politiki u għanijiet oħrajn tal-UE Il-miżuri proposti huma konformi
mal-għanijiet u r-regoli tal-Politika Komuni tas-Sajd u huma konsistenti
mal-politika tal-Unjoni dwar l-iżvilupp sostenibbli. 2. RIŻULTATI TAL-KONSULTAZZJONIJIET
MAL-PARTIJIET INTERESSATI U L-VALUTAZZJONIJIET TAL-IMPATT · Il-ġbir u l-użu tal-għarfien espert L-organizzazzjonijiet/l-esperti ewlenin li
ġew ikkonsultati; L-organizzazzjonijiet xjentifiċi
kkonsultati kienu l-Kunsill Internazzjonali għall-Esplorazzjoni
tal-Baħar (ICES) u l-Kumitat Xjentifiku, Tekniku u Ekonomiku dwar is-Sajd
(STECF). Kull sena, l-Unjoni titlob lill-ICES u
lill-STECF parir xjentifiku dwar il-qagħda tal-istokkijiet importanti
tal-ħut . Il-parir li tirċievi jkopri l-istokkijiet kollha
tal-Baltiku li għalihom huma proposti t-TACs. · Il-konsultazzjoni mal-partijiet interessati Il-Kunsill Reġjonali Konsultattiv
tal-Baħar Baltiku (BSRAC) ġie kkonsultat fil-laqgħa tal-Grupp
Konġunt ta’ Ħidma dwar is-Sajd għall-Ħut
Demersali/Pelaġiku f’Ġunju 2013 abbażi tal-Komunikazzjoni
mill-Kummissjoni fir-rigward ta’ Konsultazzjoni dwar l-Opportunitajiet
tas-Sajd. L-ICES u l-STECF ipprovdew il-bażi xjentifika
għall-proposta. F'dik il-laqgħa ġew ippreżentati r-regoli
għall-istabbiliment tat-TACs u l-kwoti għall-2014 abbażi
tal-Komunikazzjoni. Tqiesu l-opinjonijiet preliminari espressi dwar
l-istokkijiet tal-ħut kollha kkonċernati u ġew ikkunsidrati kemm
jista' jkun fil-proposta mingħajr ma nħolqu kontradizzjonijiet
mal-politiki eżistenti jew deterjorament fl-istat tar-riżorzi
vulnerabbli. F'ċerti każijiet, il-BSRAC
jappoġġa t-tentattivi tal-Kummissjoni li tistabbilixxi TACs li huma
iktar konsistenti mal-parir xjentifiku, kif ukoll l-applikazzjoni tal-pjan
pluriennali għall-bakkaljaw fir-rigward tal-istabbiliment tat-TACs.
Madankollu, huwa kontra t-tnaqqis tal-għadd ta’ jiem fuq il-baħar
imqatta’ fis-sajd għall-bakkaljaw. · Il-valutazzjoni tal-impatt It-TACs għall-bakkaljaw tal-Punent naqsu
bi 15 % u għall-bakkaljaw tal-Afrika żdiedu b’7 %.
Taħt il-proposta, tlieta mill-ħames TACs tal-ħut pelaġiku
se jiżdiedu u ż-żewġ TACs li jibqa' se jonqsu. B’mod
ġenerali, il-miżuri proposti se jwasslu għal żieda
kumplessiva ta' 10 % sa 644 elf tunnellata fl-opportunitajiet
tas-sajd għall-bastimenti tal-Unjoni fil-Baħar Baltiku
għall-ispeċijiet kollha minbarra l-istokkijiet tas-salamun.
L-opportunitajiet tas-sajd għall-istokkijiet tas-salamun se jonqsu
b’madwar 7 % u jammontaw għal 116 elf biċċa
tas-salamun. Abbażi tal-medja tal-prezzijiet
tal-ħut żbarkat osservati fl-2011 fost tmien pajjiżi
tal-Baħar Baltiku, il-valur tal-opportunitajiet tas-sajd għall-2014
se jiżdied minn EUR 12-il miljun għal valur totali ta’
EUR 412 miljun. Il-proposta ma tirriflettix biss tħassib
għal żmien qasir imma hija wkoll parti minn approċċ iktar
fit-tul fejn il-livell tas-sajd jitnaqqas gradwalment għal livelli ta’
sostenibbiltà fit-tul. Għalhekk, fi żmien medju sa twil,
l-approċċ meħud f’konformità mal-proposta se jirriżulta fi
sforz tas-sajd stabbli u kwoti ogħla. L-effetti fit-tul tal-approċċ
huma mistennija li jkunu attivitajiet tas-sajd aktar sostenibbli u ammont ikbar
ta’ ħut żbarkat. 3. ELEMENTI LEGALI TAL-PROPOSTA · Is-sommarju tal-azzjoni proposta Il-proposta tfittex li tistabbilixxi l-limiti
tal-qbid u tal-isforz applikabbli għas-sajd tal-UE sabiex jintlaħaq
l-għan tal-Politika Komuni tas-Sajd li jiġi żgurat sajd
f’livelli li huwa bijoloġikament, ekonomikament u soċjalment
sostenibbli. · Il-bażi legali L-Artikolu 43(3) tat-Trattat dwar
il-Funzjonament tal-Unjoni Ewropea (TFUE). · Il-prinċipju tas-sussidjarjetà Il-proposta hija fil-kompetenza esklussiva
tal-Unjoni kif imsemmi fl-Artikolu 3(1)(d) tat-TFUE. Għalhekk,
il-prinċipju tas-sussidjarjetà ma japplikax. · Il-prinċipju tal-proporzjonalità Il-proposta tikkonforma mal-prinċipju
tal-proporzjonalità għar-raġunijiet li ġejjin. Il-Politika Komuni tas-Sajd hija politika
komuni. Skont l-Artikolu 43(3) tat-TFUE hija r-responsabbiltà tal-Kunsill
li jadotta l-miżuri dwar l-iffissar u l-allokazzjoni tal-opportunitajiet
tas-sajd. Ir-Regolament tal-Kunsill inkwistjoni jalloka
l-opportunitajiet tas-sajd lill-Istati Membri. Waqt li jqisu
l-Artikolu 20(3) tar-Regolament (KE) Nru 2371/2002, l-Istati Membri
huma ħielsa li jallokaw opportunitajiet fost reġjuni jew operaturi
skont kif jidhrilhom xieraq. Għalhekk, l-Istati Membri għandhom
spazju kemm iridu biex jimmanuvraw dwar deċiżjonijiet relatati
mal-mudell soċjali/ekonomiku tal-għażla tagħhom biex
jisfruttaw l-opportunitajiet tas-sajd allokati lilhom. Il-proposta ma għandha l-ebda
implikazzjoni finanzjarja ġdida għall-Istati Membri. Dan ir-Regolament
partikolari jiġi adottat mill-Kunsill kull sena, u l-mezzi pubbliċi u
privati għall-implimentazzjoni tiegħu diġà jinsabu
fis-seħħ. · L-għażla ta’ strument L-istrument li qed jiġi propost:
Regolament. Din hija proposta għall-ġestjoni
tas-sajd abbażi tal-Artikolu 43(3) tat-TFUE u skont
l-Artikolu 20 tar-Regolament tal-Kunsill (KE) Nru 2371/2002. 4. IMPLIKAZZJONIJIET BAĠITARJI Il-proposta ma għandha l-ebda
implikazzjoni fuq il-baġit tal-UE. 5. INFORMAZZJONI ADDIZZJONALI · Is-simplifikazzjoni Il-proposta tkompli tipprovdi
għas-simplifikazzjoni tal-proċeduri amministrattivi
għall-awtoritajiet pubbliċi (tal-UE jew nazzjonali), minħabba li
fiha dispożizzjonijiet simili għal dawk tar-Regolament tal-2013 dwar
l-opportunitajiet tas-sajd fil-Baħar Baltiku. · Il-klawżola ta' analiżi/reviżjoni/sunset Il-proposta tirrigwarda Regolament annwali
għas-sena 2014 u għalhekk ma tinkludix klawżola ta’
reviżjoni. · Spjegazzjoni dettaljata Il-proposta tistabbilixxi l-opportunitajiet
tas-sajd għall-2014 għal ċerti stokkijiet jew gruppi ta’
stokkijiet għas-sajd tal-Istati Membri fil-Baħar Baltiku. Iċ-ċifri proposti jirriflettu
l-parir xjentifiku attwali, il-konsultazzjoni mal-BSRAC u l-qafas
għall-istabbiliment tat-TACs u l-kwoti deskritti fil-Komunikazzjoni
mill-Kummissjoni dwar konsultazzjoni dwar l-Opportunitajiet tas-Sajd. Fejn
rilevanti, sabiex jiġu ffissati l-kwoti tal-UE għal stokkijiet
maqsuma mal-Federazzjoni Russa, il-kwantitajiet rispettivi ta’ dawn
l-istokkijiet tnaqqsu mit-TACs skont il-parir mgħoti mill-ICES. Peress li l-intenzjoni tal-Kummissjoni hija li
tiżgura l-użu sostenibbli tar-riżorsi tas-sajd f’konformità
mal-politika tal-Unjoni u l-impenji internazzjonali filwaqt li
l-opportunitajiet tas-sajd jinżammu stabbli, il-varjazzjonijiet annwali
fit-TACs huma limitati sa fejn huwa prattiku filwaqt li jiġi kkunsidrat
l-istatus ta’ stokk partikolari. It-TACs u l-kwoti allokati lill-Istati Membri
jidhru fl-Anness I u l-limiti tal-isforz tas-sajd huma stabbiliti
fl-Anness II tar-Regolament. Għall-istokkijiet tal-bakkaljaw, it-TACs
u l-limiti tal-isforz proposti huma konformi mar-rekwiżiti tal-pjan
pluriennali għall-istokkijiet tal-bakkaljaw fil-Baħar Baltiku u
s-sajd li jisfrutta dawk l-istokkijiet. L-element ċentrali tal-pjan huwa
tnaqqis gradwali tal-mortalità mis-sajd għal livelli sostenibbli fit-tul
sabiex jiġi żgurat l-irkupru tal-istokkijiet u jiġu pprovduti
rendimenti għoljin u stabbli. Wara r-reviżjoni tad-dejta u l-metodi
użati għall-valutazzjoni tal-istokkijiet tal-bakkaljaw, il-mortalitajiet
mis-sajd attwali u tal-MSY ġew riveduti u mibdula skont dawn. B'qies ta'
din l-informazzjoni l-ġdida, hemm ħtieġa li jitnaqqas l-isforz
tas-sajd magħmul fuq iż-żewġ stokkijiet tal-bakkaljaw
b'10 % għall-istokk tal-Punent u bi 8.5 % għall-istokk
tal-Lvant. L-istokkijiet tal-ħut pelaġiku
kollha fil-Baħar Baltiku, ħlief għall-aringa tal-Punent,
jistgħu jinqabdu fil-livell tal-MSY fl-2014 u għalhekk it-TACs
proposti jikkorrispondu mal-mortalità mis-sajd tal-MSY. 2013/0286 (NLE) Proposta għal REGOLAMENT TAL-KUNSILL li jiffissa l-opportunitajiet tas-sajd
għall-2014 għal ċerti stokkijiet ta’ ħut u gruppi ta’
stokkijiet ta’ ħut applikabbli fil-Baħar Baltiku IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b'mod partikolari l-Artikolu 43(3) tiegħu, Wara li kkunsidra l-proposta tal-Kummissjoni
Ewropea, Billi: (1) Ir-Regolament tal-Kunsill
(KE) Nru 2371/2002[1]
jirrikjedi li l-miżuri li jirregolaw l-aċċess
għall-ilmijiet u r-riżorsi u t-twettiq sostenibbli tal-attivitajiet
tas-sajd ikunu stabbiliti b’kont meħud tal-parir xjentifiku, tekniku u
ekonomiku disponibbli u, b’mod partikolari, tar-rapport magħmul
mill-Kumitat Xjentifiku, Tekniku u Ekonomiku għas-Sajd (STECF), u wkoll
fid-dawl ta’ kull parir li jasal mingħand il-Kunsilli Konsultattivi
Reġjonali. (2) Il-Kunsill għandu
l-obbligu li jadotta l-miżuri dwar l-iffissar u l-allokazzjoni
tal-opportunitajiet tas-sajd skont is-sajd jew il-grupp ta’ sajd, inklużi
ċerti kundizzjonijiet li huma funzjonalment marbuta magħhom, kif
xieraq. L-opportunitajiet tas-sajd għandhom jitqassmu fost l-Istati Membri
b'tali mod li f'kull Stat Membru tiġi żgurata stabbiltà relattiva
tal-attivitajiet tas-sajd għal kull stokk jew għal kull tip ta’ sajd
u filwaqt li jitqiesu kif xieraq l-għanijiet tal-Politika Komuni tas-Sajd
stabbiliti fir-Regolament (KE) Nru 2371/2002. (3) Il-qabdiet totali
permessibbli (TACs) għandhom jiġu stabbiliti abbażi tal-parir
xjentifiku disponibbli, filwaqt li jitqiesu l-aspetti bijoloġiċi u
soċjoekonomiċi u filwaqt li jiġi żgurat trattament
ġust bejn is-setturi tas-sajd, kif ukoll fid-dawl tal-opinjonijiet
espressi matul il-konsultazzjoni mal-partijiet interessati, b’mod partikolari
fil-laqgħat tal-Kunsilli Konsultattivi Reġjonali kkonċernati. (4) Għall-istokkijiet
suġġetti għal pjanijiet pluriennali speċifiċi,
l-opportunitajiet tas-sajd għandhom ikunu stabbiliti f'konformità
mar-regoli stipulati f'dawk il-pjanijiet. Konsegwentement, il-limiti tal-qbid u
l-limiti tal-isforz tas-sajd għall-istokkijiet tal-bakkaljaw fil-Baħar
Baltiku għandhom jiġu stabbiliti skont ir-regoli stabbiliti
fir-Regolament tal-Kunsill (KE) Nru 1098/2007 (il-Pjan
għall-Bakkaljaw tal-Baħar Baltiku") għall-istokkijiet
tal-bakkaljaw fil-Baħar Baltiku u s-sajd li jisfrutta dawk l-istokkijiet[2]. (5) Fid-dawl tal-parir xjentifiku
l-aktar reċenti, il-flessibbiltà fil-ġestjoni tal-isforz tas-sajd
għall-istokkijiet tal-bakkaljaw tal-Baħar Baltiku tista’ tiġi
introdotta mingħajr ma tfixkel l-għanijiet tal-Pjan
għall-Bakkaljaw tal-Baħar Baltiku u mingħajr ma tikkawża
żieda fil-mortalità mis-sajd. Tali flessibbiltà tkun tista’ tippermetti
ġestjoni effiċjenti tal-isforz tas-sajd fejn il-kwoti mhumiex
allokati ugwalment fost il-flotta ta’ Stat Membru u tiffaċilità
reazzjonijiet rapidi għal skambji ta’ kwoti. Għalhekk għandu
jkun permissibbli għal Stat Membru biex jalloka, lill-bastimenti li jtajru
l-bandiera tiegħu, jiem addizzjonali neqsin mill-port fejn ammont ugwali
ta’ jiem neqsin mill-port jitneħħa minn bastimenti oħrajn li
jtajru l-bandiera tiegħu. (6) L-użu
tal-opportunitajiet tas-sajd kif stabbiliti f’dan ir-Regolament għandu
jkun suġġett għar-Regolament tal-Kunsill (KE) Nru 1224/2009[3], u b’mod partikolari
għall-Artikoli 33 u 34 ta’ dak ir-Regolament, fir-rigward
tar-reġistrazzjoni tal-qabdiet u tal-isforz tas-sajd u n-notifika
tad-dejta dwar l-eżawriment tal-opportunitajiet tas-sajd. Għalhekk,
jeħtieġ li jkunu speċifikati l-kodiċijiet relatati
mal-iżbarkar tal-istokkijiet suġġetti għal dan
ir-Regolament li għandhom jintużaw mill-Istati Membri meta tintbagħat
dejta lill-Kummissjoni. (7) Skont l-Artikolu 2
tar-Regolament tal-Kunsill (KE) Nru 847/96[4], huwa meħtieġ li
jiġu identifikati l-istokkijiet li huma suġġetti
għall-miżuri varji msemmija fih. (8) Sabiex tkun evitata
l-interruzzjoni tal-attivitajiet tas-sajd u sabiex jiġi żgurat
l-għajxien tas-sajjieda tal-Unjoni, huwa importanti li jinfetħu
t-tipi ta’ sajd koperti minn dan ir-Regolament
mill-1 ta’ Jannar 2014. Għal raġunijiet ta’
urġenza, dan ir-Regolament għandu jidħol fis-seħħ
immedjatament wara l-pubblikazzjoni tiegħu, ADOTTA DAN IR-REGOLAMENT: Kapitolu I
Dispożizzjonijiet Ġenerali Artikolu 1
Is-suġġett Dan ir-Regolament jiffissa l-opportunitajiet
tas-sajd għall-2014 għal ċerti stokkijiet ta' ħut u gruppi
ta' stokkijiet ta' ħut fil-Baħar Baltiku. Artikolu 2
Il-kamp ta' applikazzjoni Dan ir-Regolament għandu japplika
għall-bastimenti tal-Unjoni li joperaw fil-Baħar Baltiku. Artikolu 3
Id-definizzjonijiet Għall-finijiet ta’ dan ir-Regolament
għandhom japplikaw id-definizzjonijiet li ġejjin: (a) iż-żoni tal-Kunsill Internazzjonali
għall-Esplorazzjoni tal-Baħar (ICES) huma ż-żoni
ġeografiċi speċifikati fl-Anness I tar-Regolament
tal-Kunsill (KE) Nru 2187/2005[5]; (b) “Baħar Baltiku” tfisser
is-Suddiviżjonijiet tal-ICES 22-32; (c) “Bastiment tal-Unjoni” tfisser bastiment
tas-sajd li jtajjar bandiera ta’ Stat Membru u li jkun irreġistrat
fl-Unjoni; (d) “qabda totali permissibli” (TAC) tfisser
il-kwantità li tista’ tittieħed minn kull stokk kull sena; (e) “kwota” tfisser proporzjon mit-TAC allokat
lill-Unjoni, lil Stat Membru jew lil pajjiż terz; (f) “jum nieqes mill-port” tfisser kwalunkwe
perjodu kontinwu ta' 24 siegħa jew parti minnu li fih bastiment ikun
nieqes mill-port. Kapitolu II
Opportunitajiet tas-Sajd Artikolu 4
It-TACs u l-allokazzjonijiet It-TACs, il-kwoti u l-kundizzjonijiet
funzjonalment marbuta magħhom, fejn xieraq, huma stabbiliti
fl-Anness I. Artikolu 5
Id-dispożizzjonijiet
speċjali dwar l-allokazzjonijiet 1. L-allokazzjoni
tal-opportunitajiet tas-sajd fost l-Istati Membri kif stipulat f’dan
ir-Regolament għandha tkun bla preġudizzju għal: (a) skambji
magħmula skont l-Artikolu 20(5) tar-Regolament (KE)
Nru 2371/2002; (b)
riallokazzjonjiet magħmula skont l-Artikolu 37 tar-Regolament (KE)
Nru 1224/2009; (c)
żbarkar addizzjonali permess skont l-Artikolu 3 tar-Regolament (KE)
Nru 847/96; (d)
kwantitajiet miżmuma skont l-Artikolu 4 tar-Regolament (KE)
Nru 847/96; (e) tnaqqis
magħmul skont l-Artikoli 37, 105, 106 u 107 tar-Regolament (KE)
Nru 1224/2009. 2. Għajr fejn
speċifikat mod ieħor fl-Anness I ta’ dan ir-Regolament,
għandu japplika l-Artikolu 3 tar-Regolament (KE) Nru 847/96
għal stokkijiet soġġetti għal TAC ta’ prekawzjoni, u
l-Artikolu 3(2) u (3) u l-Artikolu 4 ta’ dak ir-Regolament
għandhom japplikaw għal stokkijiet soġġetti għal TAC
analitiku. Artikolu 6
Il-kundizzjonijiet
għall-iżbarkar tal-qabdiet u tal-qabdiet inċidentali Ħut minn stokkijiet li għalihom hemm
stabbiliti limiti ta’ qbid għandu jinżamm abbord jew jiġi
żbarkat biss jekk il-qabdiet u l-qabdiet inċidentali jkunu saru minn
bastimenti tas-sajd ta’ Stat Membru li għandu kwota u dik il-kwota ma
tkunx eżawrita. Artikolu 7
Il-limiti tal-isforz tas-sajd 1. Il-limiti tal-isforz tas-sajd
huma stipulati fl-Anness II. 2. Il-limiti msemmija
fil-paragrafu 1 għandhom japplikaw għas-Suddiviżjonijiet
tal-ICES 27 u 28.2 sakemm il-Kummissjoni tkun għadha ma ħaditx deċiżjoni
skont l-Artikolu 29(2) tar-Regolament (KE) Nru 1098/2007 biex
teskludi dawk is-Suddiviżjonijiet mir-restrizzjonijiet stipulati
fl-Artikolu 8(1)(b), (3), (4) u (5) u l-Artikolu 13 ta’ dak
ir-Regolament. 3. Il-limiti msemmija
fil-paragrafu 1 ma għandhomx japplikaw għas-Suddiviżjoni
tal-ICES 28.1 sakemm il-Kummissjoni ma tkunx ħadet
deċiżjoni skont l-Artikolu 29(4) tar-Regolament (KE)
Nru 1098/2007 li r-restrizzjonijiet stipulati fl-Artikolu 8(1)(b),
(3), (4) u (5) tar-Regolament (KE) Nru 1098/2007 għandhom japplikaw
għal dik is-Suddiviżjoni. Kapitolu III
Dispożizzjonijiet Finali Artikolu 8
It-trażmissjoni
tad-dejta Meta, skont l-Artikoli 33 u 34
tar-Regolament (KE) Nru 1224/2009, l-Istati Membri jibagħtu dejta
lill-Kummissjoni relatata mal-iżbark tal-kwantitajiet ta' stokkijiet
maqbuda, huma għandhom jużaw il-kodiċijiet tal-istokkijiet
stabbiliti fl-Anness I ta' dan ir-Regolament. Artikolu 9
Id-dħul
fis-seħħ Dan ir-Regolament għandu jidħol
fis-seħħ fil-jum wara dak tal-pubblikazzjoni tiegħu f’Il-Ġurnal
Uffiċjali tal-Unjoni Ewropea. Jibda japplika
mill-1 ta’ Jannar 2014. Dan ir-Regolament għandu jorbot
fl-intier tiegħu u japplika direttament fl-Istati Membri kollha. Magħmul fi Brussell, Għall-Kunsill Il-President ANNESS I
TACs APPLIKABBLI SKONT L-ISPEĊI
U Ż-ŻONA GĦALL-BASTIMENTI TAL-UNJONI F’ŻONI FEJN
JEŻISTU T-TACs It-tabelli li ġejjin jistabbilixxu t-TACs
u l-kwoti (f’tunnellati ta’ piż ħaj, ħlief fejn huwa
speċifikat mod ieħor) skont l-istokk, u l-kundizzjonijiet marbuta
magħhom b’mod funzjonali, fejn xieraq. Ir-referenzi għaż-żoni tas-sajd
huma referenzi għaż-żoni tal-ICES, sakemm ma jkunx
speċifikat mod ieħor. Ir-referenza għall-istokkijiet
tal-ħut issir skont l-ordni alfabetika tal-ismijiet bil-Latin
tal-ispeċi. Għall-finijiet ta’ dan ir-Regolament, qed
tiġi pprovduta t-tabella komparattiva li ġejja tal-ismijiet bil-Latin
u l-ismijiet komuni: Isem xjentifiku || Kodiċi alfa-3 || Isem komuni Clupea harengus || HER || Aringa Gadus morhua || COD || Bakkaljaw Pleuronectes platessa || PLE || Barbun tat-tbajja’ Salmo salar || SAL || Salamun tal-Atlantiku Sprattus sprattus || SPR || Laċċa kaħla Speċi: || Aringa || || Żona: || is-Suddiviżjonijiet 30-31 || || || Clupea harengus || || HER/3D30.; HER/3D31. Il-Finlandja || 116 963 || || L-Isvezja || 25 699 || || || || || L-Unjoni Ewropea || 142 662 || || || || || It-TAC || 142 662 || || TAC analitika Speċi: || Aringa || || Żona: || is-Suddiviżjonijiet 22*24 || Clupea harengus || || HER/3B23.; HER/3C22.; HER/3D24. || Id-Danimarka || 2 769 || || Il-Ġermanja || 10 900 || Il-Finlandja || 1 || || Il-Polonja || 2 570 || L-Isvezja || 3 514 || || || || L-Unjoni Ewropea || 19 754 || || || || It-TAC || 19 754 || || TAC analitika L-Artikolu 3 tar-Regolament (KE) Nru 847/96 ma japplikax. L-Artikolu 4 tar-Regolament (KE) Nru 847/96 ma japplikax. || || || || || Speċi: || Aringa || || Żona: || l-ilmijiet tal-Unjoni tas-Suddiviżjonijiet 25-27, 28.2, 29 u 32 || Clupea harengus || || HER/3D25.; HER/3D26.; HER/3D27.; HER/3D28.2; HER/3D29.; HER/3D32. Id-Danimarka || 3 157 || || Il-Ġermanja || 837 || || L-Estonja || 16 122 || || Il-Finlandja || 31 469 || || Il-Latvja || 3 979 || || Il-Litwanja || 4 189 || || Il-Polonja || 35 752 || || L-Isvezja || 47 995 || || || || || L-Unjoni Ewropea || 143 500 || || || || || It-TAC || Mhux rilevanti || TAC analitika Speċi: || Aringa || || Żona: || is-Suddiviżjoni 28.1 || Clupea harengus || || HER/03D.RG || || || L-Estonja || 14 186 || || Il-Latvja || 16 534 || || || || || L-Unjoni Ewropea || 30 720 || || || || || It-TAC || 30 720 || || TAC analitika || || || Speċi || Bakkaljaw || Żona: || l-ilmijiet tal-Unjoni tas-Suddiviżjonijiet 25-32 || Gadus morhua || || COD/3D25.; COD/3D26.; COD/3D27.; COD/3D28.; COD/3D29.; COD/3D30.; COD/3D31.; COD/3D32. Id-Danimarka || 15 147 || || Il-Ġermanja || 6 025 || || L-Estonja || 1 476 || || Il-Finlandja || 1 159 || || Il-Latvja || 5 632 || || Il-Litwanja || 3 710 || || Il-Polonja || 17 440 || || L-Isvezja || 15 345 || || || || || L-Unjoni Ewropea || 65 934 || || || || || It-TAC || Mhux rilevanti || TAC analitika || || || Speċi: || Bakkaljaw || || Żona: || is-Suddiviżjonijiet 22*24 || || Gadus morhua || || COD/3B23.; COD/3C22.; COD/3D24. Id-Danimarka || 7 436 || || Il-Ġermanja || 3 636 || || L-Estonja || 165 || || Il-Finlandja || 146 || || Il-Latvja || 615 || || Il-Litwanja || 399 || || Il-Polonja || 1 990 || || L-Isvezja || 2 650 || || || || || L-Unjoni Ewropea || 17 037 || || || || || It-TAC || 17 037 || || TAC analitika L-Artikolu 3 tar-Regolament (KE) Nru 847/96 ma japplikax. L-Artikolu 4 tar-Regolament (KE) Nru 847/96 ma japplikax. || || || Speċi: || Barbun tat-tbajja’ || || Żona: || l-ilmijiet tal-Unjoni tas-Suddiviżjonijiet 22-32 || || Pleuronectes platessa || || PLE/3B23.; PLE/3C22.; PLE/3D24.; PLE/3D25.; PLE/3D26.; PLE/3D27.; PLE/3D28.; PLE/3D29.; PLE/3D30.; PLE/3D31.; PLE/3D32. Id-Danimarka || 2 151 || || Il-Ġermanja || 239 || || Il-Polonja || 450 || || L-Isvezja || 162 || || || || || L-Unjoni Ewropea || 3 002 || || || || || It-TAC || 3 002 || || TAC ta’ Prekawzjoni Speċi: || Salamun tal-Atlantiku || Żona: || l-ilmijiet tal-Unjoni tas-Suddiviżjonijiet 22*31 || Salmo salar || || SAL/3B23.; SAL/3C22.; SAL/3D24.; SAL/3D25.; SAL/3D26.; SAL/3D27.; SAL/3D28.; SAL/3D29.; SAL/3D30.; SAL/3D31. Id-Danimarka || 22 467 || (1) || Il-Ġermanja || 2 500 || (1) || L-Estonja || 2 283 || (1) || Il-Finlandja || 28 015 || (1) || Il-Latvja || 14 290 || (1) || Il-Litwanja || 1 680 || (1) || Il-Polonja || 6 816 || (1) || L-Isvezja || 30 370 || (1) || || || || L-Unjoni Ewropea || 108 421 || (1) || || || || It-TAC || Mhux rilevanti || TAC analitika L-Artikolu 3 tar-Regolament (KE) Nru 847/96 ma japplikax. L-Artikolu 4 tar-Regolament (KE) Nru 847/96 ma japplikax. __________ || || || (1) Espress fl-għadd ta’ ħut individwali. Speċi: || Salamun tal-Atlantiku || Żona: || l-ilmijiet tal-Unjoni tas-Suddiviżjoni 32 || Salmo salar || || SAL/3D32. || || || L-Estonja || 744 || (1) || Il-Finlandja || 6 512 || (1) || || || || L-Unjoni Ewropea || 7 256 || (1) || || || || It-TAC || Mhux rilevanti || TAC ta’ Prekawzjoni __________ || || || (1) Espress fl-għadd ta’ ħut individwali. Speċi: || Laċċa kaħla || || Żona: || l-ilmijiet tal-Unjoni tas-Suddiviżjonijiet 22-32 || || Sprattus sprattus || || SPR/3B23.; SPR/3C22.; SPR/3D24.; SPR/3D25.; SPR/3D26.; SPR/3D27.; SPR/3D28.; SPR/3D29.; SPR/3D30.; SPR/3D31.; SPR/3D32. Id-Danimarka || 21 909 || (1) || Il-Ġermanja || 13 880 || (1) || L-Estonja || 25 441 || (1) || Il-Finlandja || 11 469 || (1) || Il-Latvja || 30 727 || (1) || Il-Litwanja || 11 115 || (1) || Il-Polonja || 65 207 || (1) || L-Isvezja || 42 354 || (1) || || || || L-Unjoni Ewropea || 222 102 || || || || || It-TAC || Mhux rilevanti || || TAC analitika __________ (1) Tal-inqas 92 % tal-ħut żbarkat li jingħadd mal-kwota jrid ikun ta’ laċċa kaħla. Il-qabdiet inċidentali ta’ aringi għandhom jingħaddu mat-8 % li jibqa’ tal-kwota (HER/*3BCDC). ANNESS II
LIMITI TAL-ISFORZ TAS-SAJD 1. L-Istati Membri għandhom
jallokaw id-dritt lill-bastimenti li jtajru l-bandiera tagħhom u li
jistadu bi xbieki tat-tkarkir, bit-tartaruni Daniżi jew irkaptu simili
b’malji ta’ 90 mm jew ikbar, bl-għeżula, bi xbieki
tat-tħabbil jew bil-pariti li għandhom malji ta’ 90 mm jew
akbar, b’konzijiet tal-qiegħ, b’konzijiet ħlief il-konzijiet mitluqa,
ix-xolfa tal-idejn u l-irkaptu tat-trejjix, li jkunu sa: (a) 147 jum neqsin mill-port
fis-Suddiviżjonijiet tal-ICES 22-24, bl-eċċezzjoni tal-perjodu
mill-1 sat-30 ta’ April meta japplika l-Artikolu 8(1)(a)
tar-Regolament (KE) Nru 1098/2007; kif ukoll (b) 146 jum neqsin mill-port
fis-Suddiviżjonijiet tal-ICES 25-28, bl-eċċezzjoni
tal-perjodu mill-1 ta’ Lulju sal-31 ta’ Awwissu meta
japplika l-Artikolu 8(1)(b) tar-Regolament (KE) Nru 1098/2007. 2. L-għadd massimu ta’ jiem
nieqes mill-port kull sena li fihom bastiment jista' jkun preżenti
fiż-żewġ żoni msemmija fil-punt 1(a) u (b) u jistad
bl-irkaptu speċifikat fil-punt 1 ma jistax ikun ogħla
mill-għadd massimu ta’ jiem nieqes mill-port allokat għal waħda
minn dawn iż-żewġ żoni. 3. B'deroga mill-punti 1 u
2, u fejn il-ġestjoni effiċjenti tal-opportunitajiet tas-sajd
teħtieġ hekk, Stat Membru jista' jalloka d-dritt lill-bastimenti li
jtajru l-bandiera tiegħu ta’ sajd għal għadd ta’ jiem
addizzjonali neqsin mill-port fejn ammont ugwali ta’ jiem neqsin mill-port
jitneħħa minn bastimenti oħrajn li jtajru l-bandiera tiegħu
li jkunu soġġetti għal restrizzjoni tal-isforz fl-istess
żona u fejn il-kapaċità, f'termini ta’ kW, ta’ kull bastiment donatur
tkun daqs jew akbar minn dik tal-bastimenti riċevituri. L-għadd ta’
bastimenti riċevituri ma jistax jeċċedi l-10 %
tal-għadd totali ta’ bastimenti tal-Istat Membru kkonċernat, kif
indikat fil-punt 1. [1] Ir-Regolament tal-Kunsill (KE) Nru 2371/2002
tal-20 ta’ Diċembru 2002 dwar il-konservazzjoni u
l-isfruttar sostenibbli ta’ riżorsi tas-sajd skont il-Politika Komuni
tas-Sajd (ĠU L 358, 31.12.2002, p. 59). [2] Ir-Regolament (KE) Nru 1098/2007 tal-Kunsill
tal-18 ta’ Settembru 2007 li jistabbilixxi pjan pluriennali
(ĠU L 248, 22.9.2007, p. 1) [3] Ir-Regolament tal-Kunsill (KE) Nru 1224/2009
tal-20 ta’ Novembru 2009 li jistabbilixxi sistema Komunitarja
ta’ kontroll għall-iżgurar tal-konformità mar-regoli tal-Politika
Komuni tas-Sajd, (ĠU L 343, 22.12.2009, p. 1). [4] Ir-Regolament tal-Kunsill (KE) Nru 847/96
tas-6 ta' Mejju 1996 li jintroduċi kondizzjonijiet
addizzjonali għal tmexxija minn sena għal sena tat-TAC u l-kwoti
(ĠU L 115, 9.5.1996, p. 3.) [5] Ir-Regolament tal-Kunsill (KE) Nru 2187/2005
tal-21 ta’ Diċembru 2005 għall-konservazzjoni ta'
riżorsi tas-sajd fl-ilmijiet tal-Baħar Baltiku, il-Belts u s-Sound
(ĠU L 349, 31.12.2005, p. 1.)