This document is an excerpt from the EUR-Lex website
Document 52013PC0435
Proposal for a COUNCIL IMPLEMENTING DECISION approving the update of the macroeconomic adjustment programme of Ireland
Proposta għal DEĊIŻJONI TA’ IMPLIMENTAZZJONI TAL-KUNSILL li tapprova l-aġġornament tal-programm ta’ aġġustament makroekonomiku tal-Irlanda
Proposta għal DEĊIŻJONI TA’ IMPLIMENTAZZJONI TAL-KUNSILL li tapprova l-aġġornament tal-programm ta’ aġġustament makroekonomiku tal-Irlanda
/* COM/2013/0435 final - 2013/0206 (NLE) */
Proposta għal DEĊIŻJONI TA’ IMPLIMENTAZZJONI TAL-KUNSILL li tapprova l-aġġornament tal-programm ta’ aġġustament makroekonomiku tal-Irlanda /* COM/2013/0435 final - 2013/0206 (NLE) */
MEMORANDUM TA’ SPJEGAZZJONI Fuq talba tal-Irlanda, il-Kunsill ta
assistenza finanzjarja lill-Irlanda fis-7 ta’ Diċembru 2010
(id-Deċiżjoni ta’ Implimentazzjoni 2011/77/UE). L-għajnuna
finanzjarja ġiet mogħtija b’appoġġ għal programm qawwi
ta’ riforma ekonomika u finanzjarja bil-għan li terġa' tiġi
stabbilita l-fiduċja sabiex l-ekonomija tkun tista’ tirritorna għal
tkabbir sostenibbli, u tiġi ssalvagwardjata l-istabbiltà finanzjarja
fl-Irlanda, fiż-żona euro u fl-UE. F'konformità mal-Artikolu 3(9)
tad-Deċiżjoni 2011/77/UE, il-Kummissjoni, flimkien mal-FMI u
f'koordinazzjoni mal-BĊE, wettqet l-għaxar eżami tal-progress
tal-awtoritajiet Irlandiżi dwar l-implimentazzjoni tal-miżuri maqbula
kif ukoll dwar l-effettività u l-impatt ekonomiku u soċjali
tal-miżuri maqbula. Filwaqt li qieset l-informazzjoni li waslet
sadanittant, permezz tal-proposta [insert reference] il-Kummissjoni pproponiet
li tiġi emendata d-Deċiżjoni 2011/77/UE. Deċiżjoni addizzjonali hija
meħtieġa wara d-dħul fis-seħħ tat-“two pack”
(speċifikament, ir-Regolament (UE) Nru 472/2013) li wkoll jiddixxiplina
kif il-kundizzjonalità tal-politika li ssostni l-programm ta’
aġġustament ekonomiku għandha tiġi modifikata.
Ir-Regolament (UE) Nru 472/2013 japplika għal programmi eżistenti ta’
aġġustament makroekonomiku li qegħdin fis-seħħ
mid-dħul fis-seħħ tiegħu, li, bħala konsegwenza,
jirrikjedu li l-aġġustamenti jsiru skont il-proċedura
tal-Artikolu 7(5). 2013/0206 (NLE) Proposta għal DEĊIŻJONI TA’ IMPLIMENTAZZJONI
TAL-KUNSILL li tapprova l-aġġornament
tal-programm ta’ aġġustament makroekonomiku tal-Irlanda IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, Wara li kkunsidra r-Regolament (UE) Nru
472/2013 tal-Parlament Ewropew u tal-Kunsill tal-21 ta’ Mejju 2013 dwar
it-tisħiħ tas-sorveljanza ekonomika u baġitarja tal-Istati
Membri fiż-żona tal-euro li jesperjenzaw jew ikunu mhedda
b'diffikultajiet gravi fir-rigward tal-istabbiltà finanzjarja tagħhom, u
b'mod partikolari l-Artikolu 7(5) tiegħu, Wara li kkunsidra l-proposta tal-Kummissjoni
Ewropea, Billi: (1) Ir-Regolament (UE) Nru
472/2013 japplika għal Stati Membri li diġà qed jirċievu
assistenza finanzjarja, inklużi dawk mill-mekkaniżmu Ewropew ta’
stabilizzazzjoni finanzjarja (EFSM) u/jew (il-Faċilità Ewropea ta’
Stabbiltà Finanzjarja (EFSF), fil-waqt tad-dħul fis-seħħ
tiegħu. (2) Ir-Regolament (UE) Nru
472/2013 jistabbilixxi regoli għall-approvazzjoni ta’ programm ta’
aġġustament makroekonomiku għall-Istati Membri li jirċievu
din l-għajnuna finanzjarja, li jeħtieġu li jkunu artikolati
mad-dispożizzjonijiet tar-Regolament (UE) Nru 407/2010 li jistabbilixxi
l-EFSM meta l-Istat Membru kkonċernat jirċievi l-assistenza kemm
mill-EFSM kif ukoll minn sorsi oħra. (3) L-Irlanda kienet
mogħtija assistenza finanzjarja kemm mill-EFSM permezz
tad-Deċiżjoni ta’ Implimentazzjoni 2011/77/UE dwar l-għoti ta’
assistenza finanzjarja tal-Unjoni lill-Irlanda u mill-EFSF. (4) Għal raġunijiet ta’
konsistenza l-approvazzjoni tal-aġġornament għall-programm ta’
aġġustament makroekonomiku għall-Irlanda skont ir-Regolament
(UE) Nru 472/2013 għandha ssir b’referenza
għad-dispożizzjonijiet rilevanti tad-Deċiżjoni ta’
Implimentazzjoni 2011/77/UE. (5) F’konformità
mal-Artikolu 3(9) tad-Deċiżjoni ta’ Implimentazzjoni 2011/77/UE,
il-Kummissjoni, flimkien mal-Fond Monetarju Internazzjonali (FMI) u
f’kooperazzjoni mal-Bank Ċentrali Ewropew (BĊE), wettqet
l-għaxar eżami tal-progress tal-awtoritajiet Irlandiżi dwar
l-implimentazzjoni tal-miżuri maqbula kif ukoll dwar l-effettività u
l-impatt ekonomiku u soċjali tal-miżuri maqbula. Bħala
konsegwenza ta’ dan l-eżami, jenħtieġ li jsiru xi tibdiliet
għall-programm eżistenti ta’ aġġustament makroekonomiku. (6) Dawn il-bidliet jinsabu
fid-Deċiżjoni [insert reference] li temenda d-Deċiżjoni ta’
Implimentazzjoni 2011/77/UE, ADOTTA DIN ID-DEĊIŻJONI: Artikolu 1 Il-miżuri speċifikati fl-Artikolu
3(10) tad-Deċiżjoni ta’ Implimentazzjoni 2011/77/UE li għandhom
jittieħdu mill-Irlanda matul l-2013 bħala parti mill-programm ta’
aġġustament makroekonomiku tagħha huma b’dan approvati. Artikolu 2 Din
id-Deċiżjoni hija indirizzata lill-Irlanda. Artikolu 3 Din
id-Deċiżjoni għandha tiġi ppubblikata f’Il-Ġurnal
Uffiċjali tal-Unjoni Ewropea. Magħmul fi Brussell, Għall-Kunsill Il-President