This document is an excerpt from the EUR-Lex website
Document 52013DC0248
Recommendation for a COUNCIL DECISION designating the European Capital of Culture for the year 2017 in Denmark and in Cyprus and the European Capital of Culture for the year 2018 in Malta
Rakkomandazzjoni għal DEĊIŻJONI TAL-KUNSILL li tinnomina l-Kapitali Ewropea tal-Kultura għall-2017 fid-Danimarka u f'Ċipru u l-Kapitali Ewropea tal-Kultura għall-2018 f'Malta
Rakkomandazzjoni għal DEĊIŻJONI TAL-KUNSILL li tinnomina l-Kapitali Ewropea tal-Kultura għall-2017 fid-Danimarka u f'Ċipru u l-Kapitali Ewropea tal-Kultura għall-2018 f'Malta
/* COM/2013/0248 final */
Rakkomandazzjoni għal DEĊIŻJONI TAL-KUNSILL li tinnomina l-Kapitali Ewropea tal-Kultura għall-2017 fid-Danimarka u f'Ċipru u l-Kapitali Ewropea tal-Kultura għall-2018 f'Malta /* COM/2013/0248 final */
MEMORANDUM TA' SPJEGAZZJONI Id-Deċiżjoni Nru 1622/2006/KE
tal-Parlament Ewropew u tal-Kunsill tal-24 ta' Ottubru 2006 li
tistabbilixxi azzjoni Komunitarja għall-avveniment tal-Kapitali Ewropea
tal-Kultura għas-snin mill-2007 sal-2019[1],
tistabbilixxi l-proċedura tan-nomina tal-Kapitali Ewropej tal-Kultura.
Skont l-Artikolu 2 ta' din id-Deċiżjoni, mill-2009 'l quddiem,
żewġ bliet ta' żewġ Stati Membri se jiġu nnominati
bħala l-Kapitali Ewropej tal-Kultura, skont min imissu, fl-ordni
kronoloġika stabbilita fl-Anness tad-Deċiżjoni. Id-Danimarka u
Ċipru huma intitolati li jospitaw l-avveniment fl-2017. Malta li hija
waħda minn żewġ Stati Membri intitolati li jospitaw l-avveniment
fl-2018, flimkien mal-Pajjiżi l-Baxxi, iddeċidiet li tibda
l-proċedura tal-għażla tagħha sena qabel l-iskeda normali. In-nomina għall-Kapitali Ewropej
tal-Kultura għall-2017 u għall-2018 tressqet għall-proċess
li ġej. Ħarġet sejħa biex jitressqu
applikazzjonijiet minn kull Stat Membru kkonċernat sa mhux aktar tard minn
sitt snin qabel l-avveniment. Bord tal-għażla kompost minn 13-il
espert indipendenti fis-settur kulturali jiltaqa' qabel il-laqgħa
tal-għażla sa mhux aktar tard minn ħames snin qabel
l-avveniment. Dan jivvaluta l-applikazzjonijiet li jitressqu skont il-kriterji
stabbiliti fl-Artikolu 4 tad-Deċiżjoni Nru 1622/2006/KE u
jaqbel dwar lista qasira ta' bliet kandidati li jridu jibqgħu jitqiesu
wara li jlestu l-applikazzjoni tagħhom. Kull Stat Membru kkonċernat ilaqqa'
l-bord għall-għażla finali, disa' xhur wara l-laqgħa ta'
qabel l-għażla. Wara valutazzjoni estensiva tal-bliet
magħżula minn qabel skont il-kriterji stabbiliti għall-azzjoni,
il-bord jirrakkomanda belt waħda għat-titolu f'kull Stat Membru
kkonċernat. Abbażi ta' dawn ir-rakkomandazzjonijiet,
kull Stat Membru jinnomina belt għalih biex tkun il-Kapitali Ewropea
tal-Kultura u jinnotifika lill-Parlament Ewropew, lill-Kunsill,
lill-Kummissjoni u lill-Kumitat tar-Reġjuni sa mhux aktar tard minn erba'
snin qabel ma jibda dan l-avveniment. Il-Parlament Ewropew jista' jagħti opinjoni
lill-Kummissjoni sa mhux aktar tard minn tliet xhur wara li jaslu n-nomini. Il-Kunsill, filwaqt li jaġixxi fuq
rakkomandazzjoni tal-Kummissjoni, jaħtar uffiċjalment il-bliet
inkwistjoni għas-sena li għaliha jkunu ġew innominati. Meta tlestiet il-kompetizzjoni
f'żewġ rawnds spjegata hawn fuq, fir-rapporti rispettivi tiegħu
ta' Settembru 2012 il-bord irrakkomanda li Aarhus (id-Danimarka) u Paphos
(Ċipru) jospitaw l-avveniment fl-2017 u fir-rapport tiegħu ta'
Novembru 2012 il-bord irrakkomanda li l-Belt Valletta (Malta) tospita
l-avveniment fl-2018. It-tliet Stati Membri nnotifikaw dawn in-nomini
lill-Parlament Ewropew, lill-Kunsill, lill-Kummissjoni u lill-Kumitat
tar-Reġjuni sal-ħarifa tal-2012. Il-Parlament Ewropew ta l-opinjonijiet
pożittivi tiegħu lill-Kummissjoni fi Frar tal-2013. Għaldaqstant, il-Kummissjoni, skont
l-Artikolu 9.3 tad-Deċiżjoni Nru 1622/2006/KE qed tressaq
lill-Kunsill ir-rakkomandazzjoni mehmuża għan-nomina uffiċjali
ta' Aarhus u Paphos għall-avveniment tal-Kapitali Ewropea tal-Kultura 2017
fid-Danimarka u f'Ċipru rispettivament u għan-nomina uffiċjali
tal-Belt Valletta għall-avveniment tal-Kapitali Ewropea
tal-Kultura 2018 f'Malta. Rakkomandazzjoni għal DEĊIŻJONI TAL-KUNSILL li tinnomina l-Kapitali Ewropea tal-Kultura
għall-2017 fid-Danimarka u f'Ċipru u l-Kapitali Ewropea tal-Kultura
għall-2018 f'Malta IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, Wara li kkunsidra d-Deċiżjoni
Nru 1622/2006/KE tal-Parlament Ewropew u tal-Kunsill
tal-24 ta' Ottubru 2006 li tistabbilixxi azzjoni Komunitarja
għall-avveniment tal-Kapitali Ewropea tal-Kultura għas-snin mill-2007
sal-2019[2],
u b'mod partikolari l-Artikolu 9(3) tagħha, Wara li kkunsidra
r-rakkomandazzjoni mingħand il-Kummissjoni Ewropea, Wara li kkunsidra
r-rapporti tal-Bord tal-Għażla ta' Settembru 2012 dwar
il-proċess tal-għażla tal-Kapitali Ewropej tal-Kultura
fid-Danimarka u f'Ċipru, Wara li kkunsidra
r-rapport tal-Bord tal-Għażla ta' Novembru 2012 dwar
il-proċess tal-għażla tal-Kapitali Ewropea tal-Kultura f'Malta, Billi: Filwaqt li jqis
li l-kriterji msemmija fl-Artikolu 4 tad-Deċiżjoni
Nru 1622/2006/KE ntlaħqu kollha, ADOTTA DIN ID-DEĊIŻJONI: Artikolu 1 Aarhus u Paphos huma nnominati bħala
"Il-Kapitali Ewropea tal-Kultura 2017" rispettivament
fid-Danimarka u f'Ċipru. Il-Belt Valletta hija nnominata bħala
"Il-Kapitali Ewropea tal-Kultura 2018" f'Malta. Artikolu 2 Din id-Deċiżjoni għandha
tidħol fis-seħħ l-għada tal-jum tal-pubblikazzjoni
tagħha f'Il-Ġurnal Uffiċjali tal-Unjoni Ewropea. Magħmul fi Brussell, Għall-Kunsill Il-President [1] ĠU L 304, 3.11.2006, p. 1. [2] ĠU L 304, 3.11.2006, p. 1.