EUR-Lex Access to European Union law
This document is an excerpt from the EUR-Lex website
Document 52012SC0221
COMMISSION STAFF WORKING DOCUMENT EXECUTIVE SUMMARY OF IMPACT ASSESSMENT accompanying the document RECOMMENDATION ON ACCESS TO AND PRESERVATION OF SCIENTIFIC INFORMATION
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT jakkumpanja d-dokument RAKKOMANDAZZJONI DWAR L-AĊĊESS GĦALL-INFORMAZZJONI XJENTIFIKA U L-KONSERVAZZJONI TAGĦHA
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT jakkumpanja d-dokument RAKKOMANDAZZJONI DWAR L-AĊĊESS GĦALL-INFORMAZZJONI XJENTIFIKA U L-KONSERVAZZJONI TAGĦHA
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT jakkumpanja d-dokument RAKKOMANDAZZJONI DWAR L-AĊĊESS GĦALL-INFORMAZZJONI XJENTIFIKA U L-KONSERVAZZJONI TAGĦHA
WERREJ 1........... Kamp ta' applikazzjoni u kuntest..................................................................................... 2 1.1........ Kamp ta' applikazzjoni.................................................................................................... 2 1.2........ Kuntest.......................................................................................................................... 2 2........... Definizzjoni tal-problema................................................................................................. 3 3........... Ġustifikazzjoni għal
azzjoni mill-UE, valur miżjud tal-UE u sussidjarjetà............................ 4 4........... Għanijiet ta’ politika........................................................................................................ 4 5........... Għażliet ta’ politika......................................................................................................... 5 6........... Tqabbil ta’ għażliet ta’
politika u impatti........................................................................... 6 7........... Il-monitoraġġ u
l-evalwazzjoni......................................................................................... 7 1. Kamp ta' applikazzjoni
u kuntest 1.1. Kamp
ta' applikazzjoni Il-valutazzjoni
tal-impatt (VI) tinvestiga jekk, fid-dawl tal-iżviluppi attwali
fis-sistema tal-pubblikazzjonijiet akkademiċi, jeħtieġx isir
aktar fuq il-livell tal-UE biex titjieb l-effikaċja tar-riċerka u
titrawwem Unjoni innovattiva li fuq livell globali tkun fuq quddiem fil-qasam
tax-xjenza.Il-VI teżamina l-opzjonijet politiċi għal azzjoni
ulterjuri tal-UE biex ittejjeb l-aċċess għall-informazzjoni
xjentifika u l-konservazzjoni tagħha fl-era diġitali, b'mod
partikolari l-impatt ta' Rakkomandazzjoni tal-Kummissjoni lill-Istati Membri
dwar dak is-suġġett. 1.2. Kuntest L-għarfien
u l-innovazzjoni jagħtu vantaġġ kompetittiv, kif inhu enfasizzat
fil-Komunikazzjoni Ewropa 2020[1]. It-tkabbir strutturalment dgħajjef
fl-Ewropa jista' jiġi indirizzat billi jinħolqu kundizzjonijiet
ottimali għall-innovazzjoni. Sabiex tinħoloq ekonomija dejjem aktar
kompetittiva bbażata fuq l-għarfien, l-Ewropa għandha ttejjeb
mhux biss il-produzzjoni tal-għarfien, iżda wkoll it-tixrid u
l-iskambju tar-riżultati xjentifiċi tar-riċerka ffinanzjata
mill-fondi pubbliċi. Bil-wasla
tal-era diġitali, il-komunità xjentifika tara opportunitajiet akbar
għat-tixrid elettroniku tar-riżultati tar-riċerka. Waħda
minn dawn l-opportunitajiet hija l-aċċess miftuħ (OA).
L-aċċess miftuħ jippermetti l-għoti ta' aċċess
onlajn b'xejn għall-għarfien u għall-użu mill-ġdid
tiegħu fil-forma ta' pubblikazzjonijiet xjentifiċi, dejta,
monografiji u materjal relatat. L-iżvilupp
tal-politika tal-Kummissjoni dwar l-aċċess għall-informazzjoni
xjentifika u l-konservazzjoni tagħha fl-era diġitali jibni fuq
żviluppi politiċi li bdew fi Frar tal-2007, bil-Komunikazzjoni
mill-Kummissjoni[2] dwar l-informazzjoni xjentifika fl-era
diġitali. Din kienet segwita f'Novembru tal-2007 mill-Konklużjonijiet
tal-Kunsill[3], li kienu jinkludu sett ta' azzjonijiet li
jridu jitwettqu mill-Istati Membri. Stiednu lill-Kummissjoni tesperimenta
bl-aċċess miftuħ għall-pubblikazzjonijiet xjentifiċi
li jirriżultaw minn proġetti ffinanzjati mill-programmi ta' qafas tar-riċerka
tal-UE, li jirriżultaw f'Aċċess Miftuħ pilota bħala
parti mis-seba' programm ta' qafas imnedi f'Awwissu 2008. F'Marzu 2009,
ġiet adottata Komunikazzjoni dwar l-infrastrutturi tal-ICT
għax-xjenza elettronika[4]. Din ġiet segwita
mill-Konklużjonijiet tal-Kunsill[5] f'Diċembru tal-2009 li stiednu
lill-Istati Membri u l-Kummissjoni jkomplu jestendu l-aċċess u
jiżguraw approċċ koerenti għall-aċċess tad-dejta
u l-konservazzjoni tagħha. Fl-2010,
il-Kummissjoni adottat il- Komunikazzjonijiet Inizjattivi Ewlenin ta'
Ewropa 2020: Unjoni tal-Innovazzjoni[6]
u Aġenda Diġitali għall-Ewropa[7].
It-tnejn jirreferu għall-aċċess miftuħ bħala mezz biex
jinkisbu l-għanijiet Ewropa 2020. Iħabbru li l-aċċess
miftuħ se jkun estiż għar-riżultati tar-riċerka
ffinanzjata mill-fondi pubbliċi, b'mod partikolari bħala regola
ġenerali għall-proġetti ffinanzjati mill-programmi ta' qafas
tar-riċerka tal-UE. Fit-30 ta' Novembru 2011,
il-Kummissjoni adottat proposta għall-Programm Orizzont 2020[8].
Mill-2014 'il quddiem, se jgħaqqad f'qafas wieħed ir-riċerka
Ewropea u l-iffinanzjar għall-innovazzjoni. Huwa propost li
l-aċċess miftuħ isir il-prinċipju bażiku
għat-tixrid tar-riżultati tar-riċerka. Kwistjoni
oħra dwar il-politika strateġika hija dwar l-iżvilupp u
l-implimentazzjoni ta' Żona Ewropea tar-Riċerka (ŻER).
Iż-ŻER tinkludi l-attivitajiet kollha ta' riċerka u
żvilupp, programmi u poltiki fl-Ewropa li jinvolvu perspettiva
transnazzjonali. L-għan huwa li tipprovdi aċċess miftuħ
madwar l-Ewropa għall-għarfien u għat-teknoloġiji li fihom
jiġu sfruttati bis-sħiħ is-sinerġiji u
l-komplementarjetajiet transnazzjonali. F'dan il-kuntest, huma partikolarment
rilevanti l-kwistjonijiet li huma relatati mal-aċċess
għall-informazzjoni xjentifika u l-konservazzjoni tagħha. F'dan
l-isfond politiku, il-Kummissjoni se tadotta Komunikazzjoni ġdida 'Lejn
aċċess aħjar għall-informazzjoni xjentifika –
Jingħataw spinta l-benefiċċji tal-investiment pubbliku
fir-riċerka'. Din il-Komunikazzjoni se
tqis l-iżviluppi li saru sa mill-2007 u tindika l-oqsma fejn l-Istati
Membri u l-Kummissjoni għandhom jieħdu azzjoni ulterjuri. Se
tiġi akkumpanjata minn Rakkomandazzjoni lill-Istati Membri li
tissuġġerixxi azzjonijiet speċifiċi fil-qasam
tal-aċċess għall-informazzjoni xjentifika u l-konservazzjoni
tagħha. 2. Definizzjoni
tal-problema Is-sistema tat-tixrid akkademiku qed
tħabbat wiċċha ma' għadd ta' problemi li jżommu milli
jintlaħaq l-eżitu politiku mixtieq, jiġifieri li
r-riċerkaturi fiż-ŻER ikollhom sistema integrata ta' prattiki u
infrastrutturi li tippermetti aċċess miftuħ u faċli
għar-riżultati tar-riċerka u għall-użu u l-użu
mill-ġdid tagħhom. Dawn il-problemi huma: (a)
Aċċess subottimali
għall-pubblikazzjonijiet tar-riċerka xjentifika Il-prezzijiet
tal-abbonamenti tar-rivisti żdiedu aktar mil-livelli ta' inflazzjoni u qed
ikomplu jiżdiedu, tant li qed jitfgħu lill-bibljoteki taħt
pressjoni u qed jagħmluha diffiċli biex jiġu aċċessati
r-riżultati tar-riċerka ffinanzjata mill-fondi pubbliċi. L-aċċess għall-kontenut ta'
rivisti xjentifiċi u l-opportunitajiet għall-użu u l-użu
mill-ġdid tal-informazzjoni xjentifika jibqgħu limitati
għar-riċerkaturi, l-industriji (b'mod partikolari l-impriżi
żgħar u medji) u l-pubbliku inġenerali. Il-komunità xjentifika ilha għal xi snin
issejjaħ għall-aċċess miftuħ għar-riżultati
tar-riċerka ffinanzjata mill-fondi pubbliċi, b'mod partikolari
l-pubblikazzjonijiet ivvalutati mill-pari. L-aċċess miftuħ
għall-pubblikazzjonijiet xjentifiċi jieħu żewġ forom: ·
L-ispejjeż biex jiġi ppubblikat artiklu
huma koperti bil-quddiem mill-awturi (fil-prattika, il-korpi ta' finanzjament
jew l-universitajiet) pjuttost milli mill-abbonamenti, u b'hekk l-artikolu jkun
mal-ewwel disponibbli b'xejn għal kulħadd (Aċċess
Miftuħ "Gold"). ·
It-test tal-pubblikazzjoni vvalutata mill-pari huwa
arkivjat f'repożitorju għalhekk jista' jkun disponibbli b'xejn
għal kulħadd, ġeneralment wara embargo li jħalli
lill-pubblikatur xjentifiku jirkupra l-ispejjeż tagħhom u
jagħmel redditu fuq l-investiment (Aċċess Miftuħ
"Green"). (b)
Aċċess subottimali għad-dejta
tar-riċerka Attwalment, id-dejta
mir-riċerka ffinanzjata mill-fondi pubbliċi mhijiex disponibbli b'mod
sistematiku biex oħrajn ikomplu jibnu fuqha. Parti mill-problema
hija li ħafna tipi u kategoriji differenti ta' dejta jiġu
ġġenerati fi stadji differenti tal-proċess tar-riċerka.
Hemm ukoll il-fatt li l-karrieri ma fihomx kumpens u/jew ta' rikonoxximent
għall-iskambju tad-dejta. Fl-aħħar, għadhom ma ġewx
stabbiliti infrastrutturi li jippermettu t-tiftix, l-aċċess,
l-użu u l-użu mill-ġdid tad-dejta b'mod affidabbli. (c)
Il-produzzjoni dejjem tikber tad-dejta xjentifika,
li ġġib il-ħtieġa tal-konservazzjoni fit-tul
tal-informazzjoni xjentifika Il-wasla ta' materjal oriġinarjament
prodott b'mod diġitali u l-ħolqien ta' ammonti kbar ħafna ta'
dejta ġabu diffikultajiet ġodda għall-konservazzjoni fit-tul
tal-informazzjoni xjentifika. Ftit li xejn huma l-organizzazzjonijiet u
l-istituzzjonijiet akkademiċi għall-iffinanzjar tar-riċerka li
jwettqu attivitajiet ta' konservazzjoni. Hemm nuqqas ta' mudelli finanzjari u
organizzattivi xierqa. Filwaqt li fil-passat il-pubblikaturi ħadmu għad-diġitizzazzjoni,
il-konservazzjoni fit-tul tal-informazzjoni xjentifika għandha tkun
kompitu pubbliku. Il-konservazzjoni ma għandhiex titħalla tiddependi
miċ-ċiklu tal-ħajja ta' intrapriża kummerċjali[9].
Il-partijiet interessati jinkludu r-riċerkaturi, in-negozji (inklużi
l-SMEs), il-pubblikaturi xjentifiċi (għall-profitt jew mhux
għall-profitt), il-gvernijiet (nazzjonali jew reġjonali),
l-istituzzjonijiet akkademiċi (inkluzi l-bibljoteki tagħhom) u
ċ-ċittadini. 3. Ġustifikazzjoni
għal azzjoni mill-UE, valur miżjud tal-UE u sussidjarjetà Billi
x-xjenza hija sforz globali, l-azzjonijiet ta' politika fil-qasam
tal-informazzjoni xjentifika huma b'definizzjoni transkonfinali u
internazzjonali. Jeżistu inizjattivi fl-Istati Membri kollha biex
jiffaċilitaw u jippermettu aċċess usa' għall-informazzjoni
xjentifika u l-konservazzjoni tagħha, iżda l-intensità u
l-enfażi tal-inizjattivi jistgħu jvarjaw, u saħansitra hemm
ukoll xi frammentazzjoni fi ħdan l-istess pajjiż[10].
Il-bosta inizjattivi waslu għal politiki li jikkoinċidu
għar-riċerkaturi, l-investituri u ċ-ċittadini Ewropej.
Mill-2007, il-Kummissjoni kienet strumentali biex tħeġġeġ
lill-Istati Membri jkomplu l-iskambju ta' informazzjoni u jaħdmu flimkien.
L-iżvilupp ta' infrastrutturi
elettroniċi mexa 'l quddiem b'pass irregolari. Il-politika
dwar ir-riżultati tar-riċerka trid tkun ikkoordinata ma' oqsma
oħra ta' politika ta' relatati mar-realizzazzjoni taż-ŻER u
l-għanijiet usa' tal-iżvilupp ekonomiku tal-UE. Din it-tip ta'
koordinazzjoni tista' tkun organizzatab'mod effiċjenti biss fuq livell
tal-UE. Is-sehem
importanti tal-finanzjament pubbliku fir-riċerka u l-iżvilupp (35 %
tal-investiment) jagħti vuċi lis-settur pubbliku biex jgħid kif
irid li jinxterdu r-riżultati sabiex jiġi stimulat it-tkabbir
ekonomiku u għall-benefiċċju tas-soċjetà inġenerali. 4. Għanijiet ta’
politika L-għażla ppreferuta ta' politika
għandha jkollha l-għanijiet ġenerali, speċifiċi u
operazzjonali li ġejjin. Għan ġenerali: ·
li jingħata appoġġ aħjar
għall-innovazzjoni u tikkontribwixxi għat-tkabbir ekonomiku billi
ttejjeb il-kundizzjonijiet għall-aċċess għall-informazzjoni
xjentifika u għall-użu u l-użu mill-ġdid tagħha u
billi tippermetti l-iżvilupp taż-ŻER. Għanijiet speċifiċi: ·
biex fejn hu possibbli u kemm jista' jkun malajr,
il-pubblikazzjonijiet xjentifiċi jkunu miftuħa u
aċċessibbli onlajn bla ħlas; ·
biex id-dejta tar-riċerka tkun miftuħa u
aċċessibbli onlajn bla ħlas; ·
biex l-informazzjoni xjentifika tiġi
kkonservata għall-ġenerazzjoniiet tal-futur; ·
biex ikun hemm aċċess għall-informazzjoni
xjentifika fl-Istati Membri. Għanijiet operazzjonali: ·
tiġi stimolata l-implimentazzjoni ta' politiki
ta' aċċess miftuħ għall-pubblikazzjonijiet xjentifiċi
mill-Istati Membri li jżidu l-għadd ta' pubblikazzjonijiet
b'aċċess miftuħ li jirriżultaw minn riċerka
ffinanzjata minn fondi pubbliċi, żżid l-għadd ta' mandati
ta' aċċess miftuħ u ttejjeb il-kundizzjonijiet ta' ffinanzjar
għall-Aċċess Miftuħ "Gold"; ·
tiġi stimola tal-implimentazzjoni tal-politika
ta' aċċess miftuħ għad-dejta mill-Istati Membri li jeħtieġu
d-depożitu f'infrastruttura elettronika tad-dejta li tirriżulta minn
riċerka ffinanzjata mill-fondi pubbliċi u jiġi
appoġġat l-istabbiliment u l-manteniment tal-infrastrutturi
elettroniċi u diġitali; ·
jiġi appoġġat l-istabbiliment u
l-manteniment tal-infrastrutturi elettroniċi diġitali
għall-konservazzjoni tal-informazzjoni xjentifika u jiġu promossi
sistemi effettivi ta' depożitu għall-informazzjoni xjentifika
maħluqa b'mod diġitali; ·
tiġi żgurata interoperabbilità
sħiħa bejn l-infrastrutturi elettroniċi fl-UE u barra mill-UE, u
jiġi promoss aċċess federat għall-kontenut xjentifiku, kif
ukoll il-koordinazzjoni ta' politiki, l-iskambju tal-aqwa prattiki u d-djalogu
bejn il-partijiet interessati fuq livell Ewropew. 5. Għażliet ta’
politika L-għażliet ta' politika li
ġejjin huma żviluppati u vvalutati fid-dettall fir-rapport. (1)
Titwaqqaf l-azzjoni eżistenti tal-UE Din l-għażla tinkludi
t-tneħħija tal-miżuri mhux vinkolanti, li jinkludu kwalunkwe
miżura ta' implimentazzjoni li attwalment qiegħda fil-Konklużjonijiet
tal-Kunsill dwar l-informazzjoni xjentifika fl-era diġitali. L-UE ma
tindirizzax problemi u ma tkomplix tappoġġa l-proċess sabiex
jikber l-aċċess għall-informazzjoni xjentifika, billi
tiffinanzja jew tikkoffinanzja, proġetti u tfassil ta' politika. (2)
L-ebda bidla fil-politika (Ix-xenarju bażi) Dan ikun ifisser li ma jsir l-ebda tibdil
fl-approċċ attwali. L-aċċess għall-informazzjoni
xjentifika u konservazzjoni tagħha ikompli jibni fuq oqfsa legali
eżistenti, fejn dawn ikunu jeżistu, u l-politiki jkomplu jiddependu
fuq inizjattivi nazzjonali li jvarjaw minn dawn il-politiki. (3)
Implimentazzjoni ta' qafas ta' politika fil-forma
legali mhux vinkolanti Skont din l-għażla, ikun definit qafas
ta' politika, li jissuġġerixxi implimentazzjoni permezz ta' Rakkomandazzjoni
lill-Istati Membri, akkumpanjata minn Komunikazzjoni mill-Kummissjoni. Dan
il-qafas ta' politika jgħin lill-Istati Membri jiżviluppaw u
jimplimentaw politiki dwar l-aċċess għall-informazzjoni
xjentifika u l-konservazzjoni tagħha (artikli xjentifiċi u dejta
tar-riċerka). Jistabbilixxi l-għanijiet speċifiċi u
jħalli l-għażla f'idejn l-atturi rilevanti fl-Istati Membri biex
jiddeċiedu liema tkun l-aħjar politika, kemm għall-Istat Membru
kif ukoll għal kull dixxiplina akkademika. Jekk l-arkivjar
(Aċċess Miftuħ "Green") ikun ta' bilfors, il-perjodi
ta' embargo ma għandhomx ikunu itwal minn tnax-il xahar fix-xjenzi
soċjali u l-istudji umanistiċi u sitt xhur fl-oqsma l-oħra
kollha. Perjodu itwal ta' embargo għax-xjenzi soċjali u l-istudji
umanistiċi huwa spjegat bil-fatt li dan it-tagħrif huwa inqas
immedjat milli dak fl-oqsma xjentifiċi, tekniċi u mediċi. Dan
ikun jeħtieġ mandati ta' aċċess miftuħ kemm
għall-pubblikazzjonijiet u d-dejta tar-ricerka kif ukoll
għall-ħolqien ta' infrastrutturi elettroniċi diġitali
(repożitorji), sakemm dawn ma jkunux diġà jeżistu, u
għall-infrastrutturi elettroniċi biex iservu għal skopijiet ta'
konservazzjoni. Dan jissuġġerixxi bini fuq l-eżempji attwali
tal-aqwa prattiki. (4)
Implimentazzjoni ta' qafas ta' politika fil-forma
ta' approssimazzjoni tal-leġiżlazzjoni L-Artikolu 182(5) tat-TFUE jipprovdi
bażi legali għat-teħid tal-miżuri meħtieġa
għall-implimentazzjoni taż-ŻER, li jinkludi l-approssimazzjoni
tal-leġiżlazzjoni permezz ta' Direttiva. Skont din
l-għażla, l-għanijiet stabbiliti bil-qafas tal-politika jkunu
implimentati permezz ta' Direttiva. 6. Tqabbil ta’
għażliet ta’ politika u impatti Għażla 1: It-twaqqif tal-azzjoni eżistenti tal-UE
iwassal għal żieda fid-diverġenza fost l-Istati Membri. Xi
wħud kieku jagħmlu progress fuq l-aċċess miftuħ, billi
jgawdu l-benefiċċji ta' ambjent ta' riċerka xjentifika aktar
miftuħ. Oħrajn ikollhom anqas gwida u ma jkunux jistgħu
jibbenefikaw mill-iffinanzjar tal-infrastruttura tal-UE. Din id-diverġenza
tal-iżviluppi jkollha impatt negattiv fuq ir-riċerkaturi u fuq
il-baġits pubbliċi, prinċipalment il-biblijoteki
tal-universitajiet li jkunu jridu jlaħħqu mal-prezzijiet dejjem
jiżdiedu għax-xiri ta' riżultati tar-riċerka. Ma jkun sar
l-ebda progress fil-konservazzjoni fit-tul ta' informazzjoni xjentifika. Għażla 2: L-ebda
bidla fil-politika ma tbiddilx id-diverġenza attwali fost l-Istati Membri.
Wieħed ikun jista' jistenna xi diverġenza mill-Konklużjonijiet
tal-Kunsill tal-2007, għalkemm dejjem b'pass aktar kalm u mingħajr ma
jitqiesu l-iżviluppi tal-informazzjoni xjentifika. L-iffinanzjar
għall-infrastrutturi u għall-proġetti jkun disponibbli,
iżda jkun limitat għall-proġetti ta' sperimentazzjoni. Ma jkun
hemm l-ebda titjib fis-sitwazzjoni attwali. L-effet fuq il-partijiet
interessati ikun jixbah l-effett ta' twaqqif tal-azzjoni tal-UE. Għażla 3: L-implimentazzjoni ta' qafas ta' politika
fil-forma ta' liġi mhux vinkolanti mistennija ttejjeb l-aċċess
għall-informazzjoni xjentifika, irrispettivament minn kif l-Istati Membri
jimplimentawh. L-għoti ta' aċċess miftuħ
għall-pubblikazzjonijiet xjentifiċi għandu l-potenzjal
jagħti lok għal benefiċċji ġenerali bħala
dħul fuq l-investiment fuq ir-riċerka u l-iżvilupp, u wkoll jiffranka
l-flus lill-gvernijiet u lill-organizzazzjonijiet li jiffinanzjaw ir-riċerka,
filwaqt li jżommu sistema sostenibbli għat-tixrid ta'
pubblikazzjonijiet xjentifiċi fuq żmien medju u twil. Dak l-iffrankar
jiddependi minn kif jiġi żgurat l-aċċess. L-impatti u
r-riskji preċiżi tal-ftuħ tal-aċċess
għall-pubblikazzjonijiet jiddependu wkoll minn kif jiġi żgurat
l-aċċess. L-impatti fir-rigward tal-aċċess
usa' għad-dejta tar-riċerka u l--konservazzjoni kemm
tal-pubblikazzjonijiet kif ukoll tad-dejta jinħassu fuq il-livell
tal-gvernijiet u/jew ta' organizzazzjonijiet li jiffinanzjaw ir-riċerka li
jkollhom jiffinanzjaw sforzi ulterjuri. L-effetti fuq skala kbira, aktarx
jinkisbu hekk kif l-infrastruttura elettronika meħtieġa biex
jiġi żgurat l-Aċċess Miftuħ "Green",tkun
tista' tiġi użata wkoll biex tipprovdi aċċess aħjar
għad-dejta u għal skopijiet ta' konservazzjoni. Minħabba
n-natura mhux vinkolanti ta' Rakkomandazzjoni, huwa mistenni li xi
għanijiet jinkisbu biss b'mod parzjali. Għażla 4: Billi l-miżuri ta' politika
tal-għażla ta' liġi mhux vinkolanti ikunu l-istess
bħall-għażla ta' approssimazzjoni tal-leġiżlazzjoni,
l-impatt mistenni jkun fil-biċċa l-kbira l-istess. Id-differenza
f'din l-għażla hi li t-twettiq fil-prattika ta' din il-politika idum
wisq aktar għaliex jinkludi proċess leġiżlattiv u fażi
ta' implimentazzjoni fuq livell ta' Stat Membru. Dan jista' jtawwal l-effetti
tal-għażla tal-politika. Meta jiġu mqabbla l-għażliet
tal-politiki differenti, jidher li l-Għażla 3 toffri
l-aħjar bilanċ li jingħata aċċess usa' u aktar
mgħaġġel għall-informazzjoni xjentifika filwaqt li jitqies
kif ix-xjenza u l-pubblikazzjoni akkademika nbidlu matul dawn l-aħħar
sekli. Tippermetti xi ftit ta' flessibbiltà għall-Istati Membri biex iqisu
l-ispeċifiċitajiet nazzjonali tagħhom f'qafas Ewropew, u
għall-partijiet interessati kollha biex japprovaw it-titjib. Sabiex
jittaffa l-karattru inerenti mhux vinkolanti ta' Rakkomandazzjoni
għall-Istati Membri, għandha tipprovdi għal monitoraġġ
mill-qrib mill-Kummissjoni. 7. Il-monitoraġġ
u l-evalwazzjoni L-indikaturi
ewlenin tal-progress lejn il-kisba tal-għanijiet identifikati se jkunu
vvalutati fil-kuntest tal-qafas taż-ŻER, b'rapporti perjodiċi
mill-Istati Membri dwar l-azzjoni meħuda bi tweġiba
għar-Rakkomandazzjoni. [1] http://europa.eu/press_room/pdf/complet_en_barroso___007_-_europe_2020_-_en_version.pdf. [2] http://eur-lex.europa.eu/LexUriServ/LexUriServ.do?uri=COM:2007:0056:FIN:MT:PDF. [3] http://www.consilium.europa.eu/ueDocs/cms_Data/docs/pressData/en/intm/97236.pdf. [4] http://eur-lex.europa.eu/LexUriServ/LexUriServ.do?uri=COM:2009:0108:FIN:MT:PDF. [5] http://www.consilium.europa.eu/uedocs/cms_data/docs/pressdata/en/intm/111732.pdf [6] http://eur-lex.europa.eu/LexUriServ/LexUriServ.do?uri=COM:2010:0546:FIN:MT:PDF [7] http://eur-lex.europa.eu/LexUriServ/LexUriServ.do?uri=COM:2010:0245:FIN:MT:PDF [8] http://eur-lex.europa.eu/LexUriServ/LexUriServ.do?uri=COM:2011:0808:FIN:MT:PDF [9] Ara r-riżultati
tal-Proġett 'PARSE.Insight'. [10] Ara Kummissjoni Ewropea (2011), ‘National Open Access
and Preservation Policies in Europe. Analysis of a questionnaire to the
European Research Area Committee.’
http://ec.europa.eu/research/science-society/document_library/pdf_06/open-access-report-2011_en.pdf.