This document is an excerpt from the EUR-Lex website
Document 52012PC0643
Proposal for a REGULATION OF THE EUROPEAN PARLIAMENT AND OF THE COUNCIL on fluorinated greenhouse gases
Proposta għal REGOLAMENT TAL-PARLAMENT EWROPEW U TAL-KUNSILL dwar gassijiet fluworurati b'effett ta' serra
Proposta għal REGOLAMENT TAL-PARLAMENT EWROPEW U TAL-KUNSILL dwar gassijiet fluworurati b'effett ta' serra
/* COM/2012/0643 final - 2012/0305 (COD) */
Proposta għal REGOLAMENT TAL-PARLAMENT EWROPEW U TAL-KUNSILL dwar gassijiet fluworurati b'effett ta' serra /* COM/2012/0643 final - 2012/0305 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA Deskrizzjoni tal-problema u għanijiet Il-kunsens
xjentifiku internazzjonali jitlob li ż-żieda fit-temperatura globali
tiġi llimitata għal 2 ˚C sabiex jiġu pprevenuti
effetti klimatiċi mhux mixtieqa[1]. Rigward dan
il-għan, il-Kunsill Ewropew talab li l-emissjonijiet tal-gassijiet b'effett
ta' serra fl-UE jitnaqqsu bi 80-95 % sal-2050 meta mqabbla mal-livelli
tal-1990 fil-kuntest ta’ azzjoni simili minn pajjiżi żviluppati. Il-Pjan
Direzzjonali tal-UE għal Ekonomija b’Livell Baxx ta’ Emissjonijiet tal-Karbonju[2] juri li, sabiex jintlaħaq dan il-għan
bl-inqas spiża, is-setturi u l-gassijiet b'effett ta' serra kollha jridu
jagħtu kontribut, inklużi l-gassijiet fluworurati b'effett ta' serra
(gassijiet F) li l-potenzjal ta’ tisħin tagħhom jista’ jkun sa 23 000
darba akbar mid-diossidu tal-karbonju (CO2). F’Settembru 2011, il-Kummissjoni
ppubblikat rapport[3] dwar l-applikazzjoni tar-Regolament (KE) Nru 842/2006[4]. Hija kkonkludiet li
r-Regolament seta’ jwassal għal tnaqqis sinifikanti fl-emissjonijiet jekk
jittejjeb iktar u jiġi applikat b’mod sħiħ. Hija ddikjarat ukoll
li jeħtieġ li jsir iktar sabiex jitnaqqsu ulterjorment l-emissjonijiet
tal-gassijiet F fl-UE. Billi jiġi żgurat li l-gassijiet F
jiġu sostitwiti b’alternattivi sikuri bl-ebda impatt jew b’impatt iżgħar
fuq il-klima, l-emissjonijiet annwali espressi f’ekwivalenti ta’ CO2 jistgħu
jitnaqqsu b’żewġ terzi sal-2030 bi spiża relattivament baxxa[5]. Jidher
ċar li azzjoni bikrija sabiex jiġu sfruttati l-possibbiltajiet
relattivament irħas ta’ tnaqqis tal-gassijiet F se jevitaw spejjeż
potenzjalment ogħla marbuta mat-tnaqqis ta’ gassijiet b'effett ta' serra
oħrajn f’setturi industrijali oħrajn[6]. Madankollu,
uħud mill-partijiet interessati[7] ddikjaraw
li huwa diffiċli li jiġu kkumerċjalizzati teknoloġiji
alternattivi “iktar ekoloġiċi” fil-kundizzjonijiet prevalenti
tas-suq. Fid-Danimarka, min-naħa l-oħra, fejn japplikaw regoli
nazzjonali iktar stretti fir-rigward tal-gassijiet F, l-impriżi li
għadhom jibdew u l-impriżi żgħar u ta’ daqs medju (SMEs)
irnexxielhom iwettqu innovazzjoni f’teknoloġiji ekoloġiċi
ġodda u kkummerċjalizzawhom, biex b’hekk saru kumpaniji
prinċipali fis-suq. F’dan il-kuntest, din il-proposta għandha
l-għan li (1)
tissostitwixxi r-Regolament (KE) Nru 842/2006
dwar ċerti gassijiet fluworurati b'effett ta' serra sabiex jiġi
żgurat kontribut iktar kosteffiċjenti u b'hekk jintlaħqu
l-għanijiet klimatiċi tal-UE billi jiġi skoraġġit
l-użu ta’ gassijiet b'effett ta' serra li jħalli impatt kbir fuq
il-klima favur alternattivi effiċjenti fl-enerġija u sikuri, u billi
jittejjeb iktar it-trażżin u t-trattament wara li jintemm l-użu
tal-prodotti u tat-tagħmir li fihom gassijiet F; (2)
ittejjeb it-tkabbir sostenibbli, tistimola l-innovazzjoni
u tiżviluppa teknoloġiji ekoloġiċi billi ttejjeb
l-opportunitjaiet tas-suq għal teknoloġiji alternattivi u għal
gassijiet b’impatt żgħir fuq il-klima; (3)
twassal biex l-UE tkun konformi mal-iktar sejbiet
xjentifiċi riċenti fil-livell internazzjonali, kif deskritt fir-Raba’
Rapport ta’ Valutazzjoni tal-IPCC tan-NU, pereżempju rigward is-sustanzi
koperti minn dan ir-Regolament u l-kalkolu tal-potenzjal ta’ tisħin globali
(GWP) tagħhom; (4)
tgħin sabiex ikun hemm kunsens dwar ftehim internazzjonali
għat-tnaqqis gradwali tal-idrofluworokarburi (HFCs), l-iktar grupp
rilevanti ta’ gassijiet F, taħt il-Protokoll ta’ Montreal; (5)
tissimplifika u tikkjarifika r-Regolament (KE)
Nru 842/2006 sabiex tnaqqas il-piż amministrattiv f’konformità mal-impenn
tal-Kummissjoni għal regolamentazzjoni aħjar. Sfond Skont il-pjan direzzjonali kosteffikaċi li
jwassal biex l-ekonomija tal-UE tkun dekarbonizzata, l-emissjonijiet tal-gassijiet F
għandhom jitnaqqsu b’70-78 %
sal-2050 u b’72-73% sal-2030 bi spiża marġinali ta’ tnaqqis ta’
madwar EUR 50 għal kull tunnellata ta’ ekwivalenti ta’ CO2.2
B’kollox, il-gassijiet F jammontaw għal 2 %
tal-gassijiet b'effett ta' serra kollha fl-UE llum imma għandhom potenzjal
ferm akbar ta’ tisħin atmosferiku minn dak tas-CO2. Huma
jintużaw f’għadd ta’ tagħmir ta’ refriġerazzjoni u tal-arja
kundizzjonata, f'foams ta’ iżolament u f’tagħmir tal-elettriku, fi sprejs
tal-aerosols, bħala solventi u f’sistemi ta’ protezzjoni kontra n-nar. L-emissjonijiet
iseħħu prinċipalment waqt użi emissivi (ta’ sprejs tal-aerosols
jew ta’ solventi, pereżempju) jew minħabba tnixxija waqt
it-tħaddim u r-rimi ta’ prodotti u ta’ tagħmir li fihom gassijiet F. Il-parti l-kbira tal-gassijiet F ġew
żviluppati mill-industrija sabiex jissostitwixxu sustanzi li jnaqqsu
s-saff tal-ożonu (ODS) li qed jitneħħew b’mod gradwali taħt
il-Protokoll ta’ Montreal. Minħabba żieda fil-ġid u tkabbir
tal-popolazzjoni, qed jinbiegħu iktar prodotti u tagħmir li jużaw
il-gassijiet F jew l-ODS. Għaldaqstant, sa mill-1990 kien hemm
żieda f’daqqa madwar id-dinja kollha fil-produzzjoni u fl-użu tal-gassijiet F
li, jekk ma tiġix indirizzata, se twassal għal emissjonijiet
konsiderevoli fl-atmosfera. Peress li l-prodotti u t-tagħmir li fihom il-gassijiet F
ta’ spiss idumu jintużaw, jekk illum ma tittieħed l-ebda azzjoni, l-emissjonijiet
kbar li setgħu ġew ipprevenuti se jkomplu matul id-deċennji li
ġejjin. Ir-Regolament attwali dwar il-gassijiet F
jiffoka prinċipalment fuq it-trażżin u fuq l-ipproċessar wara
li jintemm l-użu tal-prodotti u t-tagħmir li fihom gassijiet F. Huwa
mistenni li l-politiki attwali tal-UE dwar il-gassijiet F jistabilizzaw l-emissjonijiet
tal-gassijiet F fl-UE, jekk in-nuqqasijiet fl-applikazzjoni ta’ ċerti
miżuri jiġu rrettifikati. Madankollu, mhuwiex probabbli li jkun hemm
tnaqqis fl-emissjonijiet f’termini assoluti sakemm ma jiġux implimentati
miżuri addizzjonali. Bħalissa hemm stabbiliti biss ftit
miżuri sabiex jiġi evitat l-użu tal-gassijiet F.
Madankollu, illum huwa possibbli, fi kważi s-setturi kollha li fihom jintużaw
il-gassijiet F, li dawn jiġu kompletament jew parzjalment sostitwiti
b’alternattivi li huma sikuri u, tal-inqas, daqstant effiċjenti
fl-enerġija. Il-miżuri ta’ politika, madankollu, għandhom iqisu
l-fatt li għadd ta’ tipi ta’ prodotti u ta’ tagħmir huma
kkonċernati u li l-fattibbiltà teknika flimkien mal-ispejjeż u
l-benefiċċji tas-sostituzzjoni tal-gassijiet F jistgħu
jiddependu fuq id-daqs tal-prodott jew tat-tagħmir u fuq il-post fejn dan se
jintuża. Mil-lat internazzjonali, il-problema dejjem
ikbar tal-emissjonijiet tal-gassijiet F qed tingħata attenzjoni. Fl-2009,
fl-2010, fl-2011 u fl-2012, diversi partijiet għall-Protokoll ta’ Montreal
ressqu proposti sabiex il-provvista u l-konsum tal-HFCs fid-dinja kollha
jitnaqqsu b’mod gradwali. Il-miżuri previsti taħt dan ir-Regolament
għandhom jantiċipaw tnaqqis gradwali globali skont il-proposti
attwali taħt il-Protokoll ta’ Montreal u b’hekk għandhom iħejju
lill-UE għal obbligi futuri bħal dawn. L-UE tat l-appoġġ
tagħha lil dawn il-proposti bħala azzjoni komplementari għal
azzjoni sabiex jittaffa t-tibdil fil-klima taħt il-Konvenzjoni Qafas
tan-Nazzjonijiet Uniti dwar it-Tibdil fil-Klima (UNFCCC)[8]. Sa issa, ftit li xejn sar
progress fin-negozjati għaliex iċ-Ċina, l-Indja, il-Brażil
u pajjiżi oħrajn irrifjutaw li jiddiskutu din il-kwistjoni taħt
il-Protokoll ta’ Montreal. Madankollu, il-Konferenza tal-Nazzjonijiet Uniti
dwar l-Iżvilupp Sostenibbli (Rio+20) dan l-aħħar esprimiet
l-appoġġ tagħha għal tnaqqis gradwali fil-konsum u
fil-produzzjoni tal-HFCs[9]. Barra minn hekk, fl-2012 ġiet stabbilita
l-'Climate and Clean Air Coalition on Short-Lived Climate Pollutants'. Il-G8,
il-Programm tan-Nazzjonijiet Uniti għall-Ambjent (UNEP), il-Bank Dinji u
l-Kummissjoni Ewropea ssieħbu fiha. Qasam prijoritarju għall-azzjoni
huma l-emissjonijiet tal-HFCs[10]. Il-Parlament Ewropew talab
ukoll kemm-il darba biex tittieħed azzjoni ambizzjuża fil-konfront
tal-gassijiet F, b’mod partikolari l-HFCs[11]. Il-leġiżlazzjoni attwali tal-UE dwar
il-gassijiet F tikkonsisti f’żewġ atti leġiżlattivi
prinċipali: (1)
Ir-Regolament (KE) Nru 842/2006 li jiffoka fuq
il-prevenzjoni tat-tnixxijiet waqt l-użu (trażżin) u fuq meta
jispiċċa l-użu (prinċipalment) ta’ tagħmir stazzjonarju
u fuq għadd limitat ta’ projbizzjonijiet ta’ gassijiet F fir-rigward
ta’ applikazzjonijiet speċjalizzati ddefiniti b’mod strett (ir-Regolament
dwar il-gassijiet F), (2)
Id-Direttiva 2006/40/KE tal-Parlament Ewropew
u tal-Kunsill li tintroduċi restrizzjonijiet fuq l-użu ta’ gassijiet F
b’potenzjal ta’ tisħin globali (GWP) ta’ iktar minn 150 fis-sistemi ta'
kundizzjonament tal-arja f'vetturi bil-mutur ġodda (id-Direttiva MAC). Ir-Regolament (KE) Nru 842/2006 huwa
kkomplementat b’għaxar Regolamenti tal-Kummissjoni li jistabbilixxu
l-format tar-rapporti[12],
il-forma tat-tikketti u rekwiżiti addizzjonali ta’ tikkettar[13], rekwiżiti standard għall-kontroll
ta’ tnixxija[14],
[15], rekwiżiti
għal programmi ta’ taħriġ u ta’ ċertifikazzjoni[16], [17], [18], [19], [20] u l-format biex dawn
jiġu nnotifikati[21]. Konsistenza
ma’ politiki u għanijiet oħrajn tal-Unjoni Id-dritt tal-Unjoni Ewropea li taġixxi
f’dan il-qasam huwa stabbilit fl-Artikoli 191 u 192 tat-Trattat dwar
il-Funzjonament tal-Unjoni Ewropea (TFUE). L-Artikolu 191 jirreferi b’mod
espliċitu għall-għan fir-rigward tal-ġlieda kontra t-tibdil
fil-klima bħala parti mill-politika ambjentali tagħha. L-azzjoni
f’dan il-qasam tirrispetta b’mod sħiħ il-prinċipju ta’
sussidjarjetà. It-tibdil fil-klima hija kwistjoni transkonfinali li dwarha hija
meħtieġa azzjoni mill-UE kollha, b’mod partikolari minħabba li
l-UE għandha mira komuni għat-tnaqqis tal-emissjonijiet. It-tnaqqis kosteffiċjenti fl-emissjonijiet
li huwa ppjanat huwa konsistenti mal-pjan direzzjonali deskritt fil-qosor
fil-Pjan Direzzjonali tal-UE għal Livell Baxx ta’ Emissjonijiet
tal-Karbonju fl-2050. L-appoġġ għal alternattivi ġodda se
jgħin sabiex tinżamm il-kompetittività tal-ekonomija Ewropea u sabiex
jingħata appoġġ lil tkabbir ekoloġiku b’mod partikolari, f’konformità
mal-prijorità ta’ tkabbir sostenibbli tal-UE‑2020[22]. Jiġu
introdotti miżuri għas-salvagwardja tal-interessi tal-SMEs simili
għal “Aħseb l-Ewwel fiż-Żgħir”[23], filwaqt
li tingħata attenzjoni speċjali lill-impatti fuq l-effiċjenza
enerġetika sabiex tiġi żgurata konsistenza konformi mal-ħidma
li l-UE għamlet sabiex tinkoraġġixxi l-ekodisinn[24] u l-effiċjenza enerġetika[25]. Fl-aħħar
nett, il-proposta għandha wkoll l-għan li tissimplifika
l-leġiżlazzjoni u żżomm il-piż amministrattiv
għall-awtoritajiet u l-kumpaniji pubbliċi (UE jew nazzjonali) fuq
livell minimu. 2. RIŻULTATI TA’ KONSULTAZZJONIJIET
MAL-PARTIJIET INTERESSATI U L-VALUTAZZJONIJIET TAL-IMPATT Konsultazzjoni tal-partijiet interessati u
l-ġbir u l-użu tal-għarfien espert Il-Kummissjoni ġabret firxa wiesgħa ta’
pariri tekniċi minn għadd ta’ studji ta’ esperti[26], [27], [28], [29] inkluż studju preparatorju komprensiv5 għall-analiżi tar-Regolament (KE) Nru 842/2006. Grupp ta’ esperti magħmul minn 47 membru minn diversi setturi
tal-industrija, mill-Istati Membri u mill-NGOs intalab jipprovdi gwida u input
tekniku għal dan l-istudju. Iċ-Ċentru Konġunt
tar-Riċerka (JRC) għamel ukoll analiżi makroekonomika
tal-għażliet ta’ politika. Il-Kummissjoni wettqet konsultazzjoni
wiesgħa mal-partijiet interessati, inkluża konsultazzjoni pubblika
onlajn ta’ tliet xhur, mis-26 ta’ Settembru sad-19 ta’ Diċembru 2011
u seduta pubblika fi Brussell fit-13 ta’ Frar 2012. Tliet kwarti mill-261 parti
interessata li wieġbu fil-konsultazzjoni onlajn kienu mill-industrija.
Fir-rigward tal-iktar approċċi ta’ politika adegwati fin-nuqqas ta’
tnaqqis gradwali dinji tal-HFCs, inqas minn 2 % tal-partijiet interessati wieġbu
“l-ebda azzjoni ulterjuri”. L-iktar tliet għażliet ta’ politika li
ntgħażlu ta’ spiss kienu t-tisħiħ ta’ miżuri għal
trażżin u għal irkupru, ftehimiet volontarji u limiti
kwantitattivi għat-tqegħid tal-HFCs fis-suq tal-UE (tnaqqis
gradwali). Ħafna mill-partijiet interessati li wieġbu
fil-konsultazzjoni kienu tal-fehma li diversi miżuri ta’ politika kienu
adattati. Is-seduta tal-partijiet
interessati, li għaliha attendew iktar minn 130 parti interessata,
żvelat li maġġoranza kbira tal-industrija kienet tippreferi jew setgħet
taċċetta tnaqqis gradwali fil-provvista ta’ gassijiet F. Dan
jagħtiha ftit tal-flessibbiltà f’każijiet fejn it-teknoloġiji
alternattivi ma kinux għadhom meqjusa bħala adattati. Min-naħa
l-oħra, huma kienu tal-fehma li l-projbizzjonijiet fuq tagħmir
ġdid kienu riġidi wisq jew kienu jeħtieġu sett kumpless ta’
eżenzjonijiet. Għall-utenti kummerċjali ta’ tagħmir bil-gassijiet F,
kien kruċjali li t-tagħmir eżistenti ikun jista’ jibqa’
jintuża. L-NGOs u l-partijiet interessati mill-industrija li qed
jaħdmu b’teknoloġiji alternattivi kienu tal-fehma li huwa essenzjali
li jkun hemm projbizzjonijiet b’eżenzjonijiet minuri. Huma qiesu t-tnaqqis
gradwali bħala żieda mal-projbizzjonijiet. Uħud mill-partijiet
interessati xtaqu jiffokaw biss fuq applikazzjoni aħjar tar-Regolament.
F’dak l-istadju, l-Istati Membri ma kellhom l-ebda pożizzjoni
uffiċjali iżda appoġġaw it-tnaqqis gradwali. Netwerk ta’
Aġenziji għall-Protezzjoni tal-Ambjent[30] irrakkomanda
li mekkaniżmu ta’ tnaqqis gradwali jiġi kkombinat ma’ projbizzjonijiet
biex jissaħħaħ it-tnaqqis gradwali. Valutazzjoni
tal-impatt Il-Kummissjoni għamlet valutazzjoni
tal-impatt tal-alternattivi ta’ politika f’termini tal-effikaċja
tagħhom sabiex jintlaħqu l-għanijiet ta’ politika u tal-impatti
ambjentali, ekonomiċi u soċjali tagħhom fuq il-partijiet
interessati. Ġiet ikkunsidrata firxa wiesgħa ta’ miżuri ta’
politika sabiex jiġu kkomplementati l-miżuri eżistenti.
L-għażliet finali kienu jinkludu biss miżuri li ġie ppruvat
li jirriżultaw fi tnaqqis sostanzjali fl-emissjonijiet bi spejjeż baxxi
ta’ tnaqqis u li huma konsistenti ma’ politiki oħrajn tal-UE. L-applikazzjoni sħiħa tar-Regolament
dwar il-gassijiet F ġiet stabbilita bħala l-għażla
bażi. Ġew ivvalutati b’mod dettaljat erba’ għażliet ta’
politika oħrajn: (a)
Ftehimiet volontarji; (b)
Ambitu estiż għal miżuri ta’
trażżin u ta’ rkupru; (c)
Limiti kwantitattivi fuq il-provvista ta’ HFCs (tnaqqis
gradwali); (d)
Projbizzjoni fuq it-tqegħid ta’ ċerti
prodotti u ta’ ċertu tagħmir li fihom gassijiet F fis-suq tal-UE. Il-bażi metodoloġika għall-valutazzjoni
tal-impatt kienet analiżi ddettaljata tal-fattibbiltà li jiġu
introdotti alternattivi sikuri u enerġetikament effiċjenti fit-28 settur
prinċipali li jużaw il-gassijiet F. Peress li t-teknoloġiji
alternattivi tqiesu biss jekk f'każ li ġew ikkunsidrati mill-inqas effiċjenti
fl-enerġija daqs it-teknoloġiji konvenzjonali tal-gassijiet F,
l-emissjonijiet indiretti mill-konsum tal-elettriku kienu indirizzati b’mod
inerenti mill-bidu nett. Ġew ikkunsidrati l-impatti fi stadji
differenti tal-katina ta’ produzzjoni u fi stadji differenti tal-użu,
jiġifieri fuq il-produtturi tal-kimiċi; il-produtturi tal-prodotti u
tat-tagħmir; il-bejjiegħa bl-ingrossa; l-utenti industrijali
tal-prodotti u tat-tagħmir; il-kumpaniji li jagħmlu s-servis fuq it-tagħmir
u l-konsumaturi finali. Il-valutazzjoni tal-impatt uriet li tnaqqis
gradwali tal-HFCs li jintroduċi limiti gradwalment dejjem iktar baxxi sal-2030
għall-ammonti ta’ dawn il-gassijiet F li għandhom
jitqiegħdu fis-suq fl-UE għandu jirriżulta fl-ikbar tnaqqis tal-emissjonijiet,
filwaqt li, sal-2030, inaqqas l-emissjonijiet tal-lum b’żewġ terzi (bejn
wieħed u ieħor 70 miljun tunnellata ta’ ekwivalenti ta’ CO2).
Xi restrizzjonijiet fuq l-użu tal-gassijiet F huma xierqa, b’mod
partikolari sabiex tiġi salvagwardjata l-integrità tat-tnaqqis gradwali u
sabiex fil-mira jkun hemm gassijiet F li mhumiex koperti bit-tnaqqis
gradwali. Il-miżuri dwar it-trażżin u l-irkupru għandhom
jiġu estiżi għal xi mezzi tat-trasport. Flimkien, dawn
l-għażliet għandhom jistimulaw l-iktar l-innovazzjoni u l-iżvilupp
ta’ teknoloġiji ekoloġiċi. L-ispiża għandha tkun baxxa
għall-ekonomija u s-soċjetà kollha (effett massimu fuq il-PDG ta’ - 0.006 %),
filwaqt li dawn l-għażliet jipprovdu flessibbiltà lill-industrija.
Tnaqqis ta' żewġ terzi fl-emissjonijiet jkun konformi mal-proposti
attwali taħt il-Protokoll ta’ Montreal u jħejji lill-industrija tal-UE
għal tnaqqis gradwali. Dan għandu jwassal għal tnaqqis fl-ispejjeż
minħabba penetrazzjoni ikbar fis-suq u għal ekonomiji ta’ skala għat-teknoloġiji
alternattivi, biex b’hekk tingħata għajnuna ħalli jintlaħaq
ftehim dwar il-proposti taħt il-Protokoll ta’ Montreal. L-ispejjeż amministrattivi jistgħu
jinżammu relattivament baxxi (l-ispejjeż amministrattivi totali ta’
madwar EUR 2 miljun fis-sena għal tnaqqis gradwali).
Ir-raġuni għal dan hija għaliex l-iskema ta’ rapportar taħt
ir-Regolament (KE) Nru 842/2006 diġà tipprovdi l-parti l-kbira
tad-dejta meħtieġa sabiex tiġi implimentata kwalunkwe
għażla ta’ politika fil-ġejjieni. 3. ELEMENTI LEGALI TAL-PROPOSTA Sommarju tal-azzjoni proposta Il-proposta żżomm
id-dispożizzjonijiet attwali tar-Regolament dwar il-gassijiet F, b’xi
aġġustamenti sabiex jiġu żgurati implimentazzjoni u
infurzar aħjar tal-leġiżlazzjoni mill-awtoritajiet nazzjonali.
Uħud mill-miżuri ta’ trażżin ġew estiżi anki għat-trakkijiet
u għat-trejlers refriġerati. L-Anness IX, permezz ta’ tabella
ta’ korrelazzjoni, jipprovdi ħarsa ġenerali lejn kif
id-dispożizzjonijiet eżistenti ġew integrati fir-regolament
propost. L-iktar miżura ġdida importanti hija
l-introduzzjoni ta’ limiti kwantitattivi fuq il-provvista ta’ sostanzi HFC
bl-ingrossa fl-UE, li tonqos maż-żmien. Dan it-tnaqqis gradwali
jiġi kkomplementat b’miżuri li jiżguraw li l-kwantitajiet
użati fil-prodotti u fit-tagħmir jiġu wkoll koperti minn dan
il-mekkaniżmu. Il-mekkaniżmu ta’ tnaqqis gradwali
jinvolvi limitu massimu li jonqos b’mod gradwali fuq it-tqegħid totali
tal-HFCs bl-ingrossa (f’tunnellati ta’ ekwivalenti ta’ CO2) fis-suq
fl-UE b’iffriżżar fl-2015, segwit mill-ewwel tnaqqis fl-2016 biex sal-2030
jintlaħqu 21 % tal-livelli mibjugħa fl-2008–11. Il-produtturi
ta’ prodotti u ta’ tagħmir li jiffaċċjaw provvista ristretta ta’
gassijiet F se jaqilbu għal teknoloġiji alternattivi fejn dan
ikun fattibbli. Il-mekkaniżmu ta’ tnaqqis gradwali huwa
bbażat fil-parti l-kbira fuq l-esperjenza miksuba mit-tnaqqis gradwali
tal-konsum tal-ODS. Il-kumpaniji li jqiegħdu HFCs bl-ingrossa fis-suq
tal-UE għandu jkollhom drittijiet li jqiegħdu sustanzi bl-ingrossa fis-suq
tal-UE għall-ewwel darba. Il-Kummissjoni talloka kwoti b’xejn lill-kumpaniji
abbażi ta’ dejta ta’ rapportar tal-imgħoddi, b’riżerva għal
min jidħol ġdid. Il-kumpaniji jridu jkunu żguri li għandhom
biżżejjed drittijiet sabiex ikopru t-tqegħid effettiv
tal-prodotti u tat-tagħmir fis-suq min-naħa tagħhom. Huma
jistgħu jitrasferixxu l-kwoti bejniethom. Il-Kummissjoni tikkontrolla
l-konformità s-sena ta’ wara permezz ta' verifika indipendenti tar-rapporti.
Madwar mitt (100) kumpanija mistennija jipparteċipaw u limitu għandu jiżgura
li l-kumpaniji li jqiegħdu kwantitajiet żgħar fis-suq biss
jiġu eżentati. L-HFCs importati f’tagħmir li jimtela minn
qabel għandhom jingħaddu wkoll mat-tnaqqis gradwali u għalhekk miżuri
komplementari huma indispensabbli sabiex dawn il-gassijiet jiġu
indirizzati biex tiġi żgurata l-integrità ambjentali[31] tal-mekkaniżmu ta’
tnaqqis gradwali kif ukoll kundizzjonijiet ekwi fis-suq. Għalhekk, tagħmir
bl-HFC li ma jkunx issiġillat ermetikament xorta għandu jkun jista’
jiġi prodott jew importat fl-UE imma jkollu jimtela fil-post tal-installazzjoni.[32] B’mod simili, it-tqegħid fis-suq
ta’ kundizzjonaturi tal-arja mobbli li fihom l-HFCs se jiġi pprojbit mill-2020.
Qed jiġu introdotti xi ftit projbizzjonijiet addizzjonali sabiex isostnu
l-mekkaniżmu ta’ tnaqqis gradwali u jillimtaw l-użu ta’ gassijiet F
oħrajn li mhumiex koperti mill-mekkaniżmu u li nstab li huma kosteffikaċi
b’rabta mal-livell meħtieġ ta’ tnaqqis fl-emissjonijiet globali. Ara
t-tabella 1 għal ħarsa ġenerali. Tabella 1. Ħarsa ġenerali fil-qosor
lejn ir-restrizzjonijiet il-ġodda fuq it-tagħmir Prodotti u tagħmir || Data tal-projbizzjoni L-użu tal-HFC-23 f’sistemi ta’ protezzjoni kontra n-nar u f’ċilindri għat-tifi tan-nar || L-1 ta’ Jannar 2015 Refriġeraturi u friżers domestiċi b'HFCs b'GWP ta' 150 jew aktar || L-1 ta’ Jannar 2015 Refriġeraturi u friżers għal użu kummerċjali (sistemi ssiġillati ermetikament) || L-1 ta’ Jannar 2017 għal HFCs b’GWP ta’ 2500 jew iktar L-1 ta' Jannar 2020 għal HFCs b'GWP ta' 150 jew aktar Tagħmir mobbli tal-arja kundizzjonata għall-kmamar (tagħmir issiġillat ermetikament) b'HFCs b'GWP ta' 150 jew aktar || L-1 ta’ Jannar 2020 Barra minn hekk, l-iċċarġjar
mill-ġdid tat-tagħmir ta’ refriġerazzjoni eżistenti b’daqs
ta’ ċarġ ta’ iktar minn 5 tunnellati ta’ ekwivalenti għal CO2
b’HFC li għandu GWP għoli ħafna (> 2500) mhux se jkun permess
mill-2020 ’il quddiem peress li refriġeranti sostituti (drop-in) iktar
adegwati u enerġetikament effiċjenti b’GWP iktar baxx diġà huma disponibbli b’mod wiesa’ fis-suq. Restrizzjonijiet fuq l-użu tal-SF6
f'die casting tal-manjeżju jiġu estiżi wkoll
għall-faċilitajiet li jużaw inqas minn 850 kg fis-sena
peress li minħabba l-progress dan l-użu għadda żmienu. Obbligi ta’ rapportar addizzjonali
għandhom jippermettu l-monitoraġġ tal-użu ta’ gassijiet F
li mhumiex koperti bil-leġiżlazzjoni attwali. Bażi legali L-għan primarju tar-Regolament huwa li
jipprovdi livell għoli ta’ protezzjoni għall-ambjent, b’mod
partikolari billi jiġġieled it-tibdil fil-klima. Din il-proposta,
għalhekk, hija bbażata fuq l-Artikolu 192(1)
tat-Trattat dwar il-Funzjonament tal-Unjoni Ewropea. Prinċipju ta’ sussidjarjetà L-għanijiet
tal-proposta ma jistgħux jintlaħqu b’mod suffiċjenti mill-Istati
Membri. L-UE se tilħaq aħjar l-għanijiet
għar-raġunijiet li ġejjin. Il-protezzjoni tas-sistema klimatika hija
kwistjoni transkonfinali. L-Istati Membri individwali ma jistgħux isolvu
l-problemi waħidhom. Id-daqs tal-problema titlob azzjoni mill-UE kollha u
wkoll azzjoni mid-dinja kollha. Il-proposta għandha wkoll l-għan li
toħloq il-qafas legali għall-implimentazzjoni ta’ ftehim
internazzjonali dwar it-tnaqqis gradwali tal-HCFs, li l-UE tkun parti
għalih. Bħalissa, il-ftehim qed jiġi
diskuss fuq livell internazzjonali. Ir-Regolament jipprovdi
għall-projbizzjoni tat-tqegħid fis-suq u tal-użu ta’ ċerti
prodotti u ta’ ċertu tagħmir li fihom gassijiet F. Għalhekk
huwa rilevanti għall-funzjonament tas-suq intern. Il-proposta tiffoka fuq l-emendar
u l-ikkumplimentar tal-leġiżlazzjoni tal-UE kif ukoll fuq
it-tisħiħ ta’ wħud mid-dispożizzjonijiet sabiex jittejbu
l-implimentazzjoni u l-infurzar tal-proposta min-naħa tal-Istati Membri. Għaldaqstant, il-proposta
hija konformi mal-prinċipju ta’ sussidjarjetà. Il-prinċipju ta’ proporzjonalità Il-proposta hija konformi
mal-prinċipju ta’ proporzjonalità. Il-miżuri huma bbażati fuq
valutazzjoni bir-reqqa tal-kosteffiċjenza tagħhom. Il-limiti
għall-ispejjeż ta’ tnaqqis aċċettabbli huma konformi mal-Pjan
Direzzjonali għal Livell Baxx ta’ Emissjonijiet tal-Karbonju[33], fejn tiġi
stabbilita l-istrateġija globali għall-ġlieda kontra t-tibdil
fil-klima. Perjodi ta’ tranżizzjoni suffiċjentement twal se jippermettu
lis-setturi kkonċernati li jadattaw irwieħhom b’mod ekonomikament
effiċjenti. Fejn ikunu previsti r-restrizzjonijiet
fuq ċerti applikazzjonijiet tal-gassijiet F, il-proposta tiżgura
d-disponibbiltà ta’ alternattivi li jkunu teknikament u ekonomikament
fattibbli. Jekk f’ċirkustanzi partikolari dan ma jkunx il-każ, hija
tippermetti li jingħataw derogi. Ma qed tiġi proposta
l-ebda dispożizzjoni ddettaljata f’oqsma fejn l-għanijiet
jistgħu jintlaħqu aħjar b’azzjoni f’oqsma oħrajn
tal-politika, pereżempju b’leġiżlazzjoni dwar l-iskart jew dwar
l-ekodisinn. Ir-raġuni għal dan huwa sabiex jiġu evitati
sovrapożizzjonijiet li jistgħu jwasslu għal allokazzjoni mhux
ċara tar-responsabbiltajiet, li toħloq piż addizzjonali
għall-awtoritajiet pubbliċi u għall-kumpaniji. Għażla tal-istrumenti L-istrument legali
magħżul huwa Regolament għaliex il-proposta għandha
l-għan li tissostitwixxi u ttejjeb ir-Regolament eżistenti u
għaliex il-mekkaniżmu ta’ tnaqqis gradwali għandu jibni fuq
is-sistema stabbilita fuq il-livell tal-UE għat-tnaqqis gradwali tas-sustanzi
li jnaqqsu s-saff tal-ożonu. Ġie ppruvat li din is-sistema
taħdem b’mod effiċjenti. Kwalunkwe bidla fis-sistema tgħabbi
b’piżijiet żejda kemm lill-Istati Membri kif ukoll lill-kumpaniji
attivi f’dan is-settur. 4. IMPLIKAZZJONI BAĠITARJA Il-proposta ma għandha l-ebda impatt
inkrementali fuq il-baġit tal-Unjoni Ewropea. 2012/0305 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar gassijiet fluworurati b'effett ta' serra (Test b’rilevanza għaż-ŻEE) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw t-Trattat dwar
il-Funzjonament tal-Unjoni Ewropea, u b’mod partikolari l-Artikolu 192(1) tiegħu, Wara li kkunsidraw il-proposta tal-Kummissjoni, Wara t-trażmissjoni tal-abbozz tal-att
leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[34], Wara li kkunsidraw l-opinjoni tal-Kumitat
tar-Reġjuni[35], Filwaqt li jaġixxu skont
il-proċedura leġiżlattiva ordinarja, Billi: (1) Ir-Raba’ Rapport ta’
Valutazzjoni tal-Grupp Intergovernattiv ta’ Esperti dwar it-Tibdil fil-Klima (“IPCC”)
tal-Konvenzjoni Qafas tan-Nazzjonijiet Uniti dwar it-Tibdil fil-Klima (“UNFCCC”),
li l-Unjoni hija parti għaliha[36],
iddikjara li, abbażi tad-dejta xjentifika eżistenti, il-pajjiżi żviluppati
ikollhom bżonn inaqqsu l-emissjonijiet tal-gassijiet b'effett ta' serra bi
80 % sa 95 % taħt l-emissjonijiet tal-1990 sal-2050 sabiex it-tibdil
fil-klima globali jiġi llimitat għal żieda fit-temperatura ta’ 2 ˚C
u b’hekk jiġu pprevenuti effetti klimatiċi mhux mixtieqa[37]. (2) Sabiex tintlaħaq din
il-mira, fil-Pjan Direzzjonali għal Ekonomija b’Livell Baxx ta’ Emissjonijiet
tal-Karbonju, il-Kummissjoni Ewropea stabbiliet mod kosteffikaċi sabiex
jinkiseb it-tnaqqis globali meħtieġ fl-emissjonijiet fl-Unjoni sal-2050[38]. Dan il-pjan direzzjonali
jistabbilixxi l-kontribuzzjonijiet settorjali meħtieġa f’sitt oqsma.
L-emissjonijiet mhux tas-CO2 (inklużi l-gassijiet fluworurati b'effett
ta' serra imma esklużi l-emissjonijiet mhux tas-CO2 mill-agrikoltura)
għandhom jitnaqqsu bi 72 % sa 73 % sal-2030 u b’70 % sa 78 %
sal-2050, meta mqabbla mal-livelli tal-1990. Jekk is-sena ta’ referenza 2005
tiġi kkunsidrata bħala bażi, huwa meħtieġ tnaqqis fl-emissjonijiet
mhux tas-CO2, ħlief dawk mill-agrikoltura, ta’ 60 % sa 61 %
sal-2030. Ġie kkalkulat li, fl-2005, l-emissjonijiet tal-gassijiet fluworurati
b'effett ta' serra kienu ta’ 90 miljun tunnellata (Mt) ta’
ekwivalenti għal CO2. Tnaqqis ta’ 60 % ifisser li l-emissjonijiet
ikollhom jitnaqqsu għal madwar 35 Mt ta’ ekwivalenti għal CO2
sal-2030. Fid-dawl tal-emissjonijiet ikkalkulati ta’ 104 Mt ta’
ekwivalenti għal CO2 fl-2030, abbażi ta’ applikazzjoni
sħiħa tal-leġiżlazzjoni attwali, huwa meħtieġ
tnaqqis ulterjuri ta’ madwar 70 Mt ta’ ekwivalenti ta’ CO2. (3) Rapport mill-Kummissjoni[39] dwar l-applikazzjoni,
l-effetti u l-adegwatezza tar-Regolament (KE) Nru 842/2006[40] ikkonkluda li l-miżuri
ta’ trażżin attwali, jekk jiġu applikati b’mod sħiħ,
għandhom il-potenzjal li jnaqqsu l-emissjonijiet tal-gassijiet fluworurati
b'effett ta' serra. Dawk il-miżuri, għaldaqstant, għandhom
jinżammu u jiġu ċċarati abbażi tal-esperjenza miksuba
bl-implimentazzjoni tagħhom. Ċerti miżuri għandhom ukoll
jiġu estiżi għal tagħmir ieħor li fih jintużaw
kwantitajiet sostanzjali ta’ gassijiet fluworurati b'effett ta' serra,
bħat-trakkijiet u t-trejlers refriġerati. L-obbligu li jiġu
stabbiliti u jinżammu rekords tat-tagħmir li fih gassijiet bħal
dawn, għandu jkopri wkoll tagħmir għat-tqassim tal-elettriku (switchgear). (4) Ir-rapport tal-Kummissjoni
kkonkluda wkoll li jista’ jsir iktar sabiex jitnaqqsu l-emissjonijiet
tal-gassijiet fluworurati b'effett ta' serra fl-Unjoni, b’mod partikolari billi
jiġi evitat l-użu ta’ dawk il-gassijiet fejn ikun hemm
teknoloġiji alternattivi sikuri u enerġetikament effiċjenti bl-ebda
impatt jew b’impatt iżgħar fuq il-klima. Tnaqqis li jlaħħaq
iż-żewġ terzi tal-emissjonijiet tal-2010, u li jsir sal-2030,
huwa kosteffikaċi għaliex alternattivi pprovati u ttestjati huma
disponibbli f’bosta setturi. (5) Sabiex jitħeġġeġ
l-użu ta’ teknoloġiji bħal dawn, it-taħriġ ta’ persuni
li jwettqu attivitajiet li jinvolvu gassijiet fluworurati b'effett ta' serra
għandu jkopri teknoloġiji li jservu sabiex jissostitwixxu u jnaqqsu
l-użu tal-gassijiet fluworurati b'effett ta' serra.
Iċ-ċertifikati għandu jkollhom validità limitata u l-perjodu ta’
validità inizjali għandu jiġi estiż biss abbażi ta’
taħriġ perjodiku obbligatorju, sabiex jiġi żgurat li dawk
il-persuni jkunu mgħarrfa bi żviluppi tekniċi ġodda. (6) Sabiex tiġi żgurata
koerenza mar-rekwiżiti ta’ monitoraġġ u ta’ rappurtar taħt
l-UNFCCC u d-Deċiżjoni 4/CMP.7 tal-Konferenza tal-Partijiet li
sservi bħala laqgħa tal-Partijiet għall-Protokoll ta’ Kjoto,
il-potenzjali ta’ tisħin globali għandhom jiġu kkalkulati
f’termini ta’ potenzjal ta’ tisħin globali fuq mitt (100) sena ta’
kilogramma ta’ gass pparagunat ma’ kilogramma ta’ CO2. Fejn ikun
possibbli, il-kalkolu għandu jkun ibbażat fuq ir-raba’ rapport ta’
valutazzjoni adottat mill-IPCC. (7) Peress li hemm alternattivi
xierqa, il-projbizzjoni attwali fuq l-użu tal-eżafluworur tal-kubrit fid-die
casting tal-manjeżju u fuq ir-riċiklaġġ tal-ligi tad-die
casting tal-manjeżju għandha tiġi estiża għall-faċilitajiet
li jużaw inqas minn 850 kg fis-sena. Bl-istess mod, b’perjodu
tranżitorju xieraq, l-użu ta’ refriġeranti b’potenzjal ta’
tisħin globali għoli ħafna (“GWP”) sabiex isir servis fuq it-tagħmir
ta’ refriġerazzjoni jew sabiex dan jinżamm b’daqs ta’ ċarġ
ekwivalenti għal 5 tunnellati ta’ CO2 jew iktar
għandu jiġi pprojbit. (8) Għandhom jiġu
introdotti projbizzjonijiet addizzjonali fuq it-tqegħid fis-suq ta’
tagħmir ġdid għar-refriġerazzjoni, tal-arja kundizzjonata u
għall-protezzjoni kontra n-nar li jaħdmu billi jużaw gassijiet fluworurati
b'effett ta' serra speċifiċi fejn ikunu disponibbli alternattivi
xierqa għall-użu ta’ dawk is-sustanzi. Fid-dawl ta’ żviluppi
tekniċi futuri u tad-disponibbiltà ta’ alternattivi kosteffiċjenti
għall-użu tal-gassijiet fluworurati b'effett ta' serra,
il-Kummissjoni għandha tingħata s-setgħa sabiex tinkludi
prodotti u tagħmir oħrajn jew biex teskludi, anke temporanjament,
ċerti kategoriji ta' prodotti jew tagħmir li għalihom ma jkunux
disponibbli sustanzi alternattivi li jaqgħu taħt il-limitu speċifikat
ta' potenzjal ta' tisħin globali għal raġunijiet tekniċi
jew ekonomiċi, inkluż provvista insuffiċjenti fis-suq ta'
sustanzi alternattivi biex tintlaħaq id-domanda jew minħabba
standards applikabbli ta' sikurezza li jeskludu l-użu ta' alternattivi
rilevanti. (9) Projbizzjonijiet tali
għandhom jiġu introdotti fejn se jirriżultaw f'anqas
emissjonijiet tal-gassijiet b'effett ta' serra b'mod ġenerali,
partikolarment kemm mit-tnixxija ta' kwalunkwe gassijiet fluworurati b'effett
ta' serra u kemm mill-emissjonijiet tas-CO2 li jirriżultaw
mill-konsum tal-enerġija. It-tagħmir li fih il-gassijiet fluworurati
b'effett ta' serra għandu għalhekk ikun permess jekk l-emissjonijiet
ġenerali tal-gassijiet b'effett ta' serra jkunu anqas minn dawk li jirriżultaw
minn tagħmir ekwivalenti mingħajr gassijiet fluworurati b'effett ta'
serra, li jkollu l-konsum massimu ta' enerġija permess stabbilit
fil-miżuri ta' implimentazzjoni rilevanti adottati skont
id-Direttiva 2009/125/KE (Ekodisinn)[41]. (10) Sabiex jiġi żgurat
li persuni li ġew debitament iċċertifikati biss jinstallaw
tagħmir ta’ refriġerazzjoni, tal-arja kundizzjonata u tal-pompi
tas-sħana mhux issiġillati ermetikament, għandu jkun hemm
projbizzjoni fuq it-tqegħid fis-suq ta’ dan it-tagħmir mimli minn
qabel bl-idrofluworokarburi. Din il-miżuri għandha tiżgura wkoll
li l-kwantitajiet kollha użati għall-ewwel mili ta’ tagħmir bħal
dawn ikunu soġġetti għall-miżuri ta’ tnaqqis. (11) It-tnaqqis gradwali
tat-tqegħid fis-suq tal-idrofluworokarburi ġie identifikat bħala
l-iktar mod effettiv u kosteffiċjenti sabiex jitnaqqsu l-emissjonijiet ta’
dawk is-sustanzi tul medda twila ta’ żmien. (12) Sabiex jiġi implimentat
it-tnaqqis gradwali tat-tqegħid fis-suq tal-idrofluworokarburi,
il-Kummissjoni għandha talloka kwoti lil produtturi u lil importaturi
individwali sabiex iqiegħduhom fis-suq biex il-limitu kwantitattiv globali
għat-tqegħid tal-idrofluworokarburi fis-suq fl-Unjoni ma
jinqabiżx. (13) L-allokazzjoni tal-kwoti lil kumpaniji
individwali għandha tkun ibbażata fuq il-kwantitajiet ta’
idrofluworokarburi li jkunu pproduċew jew importaw waqt il-perjodu ta’
referenza mill-2008 sal-2011. Madankollu, sabiex l-operaturi żgħar ma
jiġux esklużi, ħamsa fil-mija tal-limitu kwantitattiv globali
għandu jiġi rriżervat għall-importaturi u
għall-produtturi li ma importawx jew ma pproduċewx iktar minn 1 tunnellata
ta’ gassijiet fluworurati b'effett ta' serra fil-perjodu ta’ referenza. (14) Billi terġa’ tikkalkula
mill-ġdid il-kwoti b’mod regolari, il-Kummissjoni għandha
tiżgura ruħha li operaturi ġodda jitħallew ikomplu
l-attivitajiet tagħhom abbażi tal-volumi medji li qiegħdu fis-suq
fl-imgħoddi reċenti. (15) Il-Kummissjoni għandha
tiżgura ruħha li jkun hemm stabbilit reġistru elettroniku
ċentrali sabiex jiġu ġestiti l-kwoti, u li jkun ibbażat fuq
is-sistema għal-liċenzjar tal-kummerċ fil-kuntest tar-Regolament
(KE) Nru 1005/2009 tal-Parlament Ewropew u tal-Kunsill tas-16 ta’ Settembru 2009
dwar sustanzi li jnaqqsu s-saff tal-ożonu[42]. (16) Sabiex tinżamm
il-flessibbiltà tas-suq fl-idrofluworokarburi bil-massa, għandu jiġi
permess it-trasferiment tal-kwoti anki lil produtturi u lil importaturi li ma
kinux attivi qabel fis-settur. (17) Sabiex tkun tista’ tiġi
mmonitorjata l-effikaċja tar-Regolament, il-kamp ta’ applikazzjoni
tal-obbligi attwali ta’ rappurtar għandu jiġi estiż sabiex ikopri
sustanzi fluworurati oħrajn li jkollhom GWP sinifikanti jew li huwa
probabbli li jissostitwixxu l-gassijiet fluworurati b'effett ta' serra elenkati
fl-Anness I ukoll. Għall-istess raġuni, il-qerda tal-gassijiet fluworurati
b'effett ta' serra u l-importazzjoni ta’ dawk il-gassijiet meta jkunu
inklużi fi prodotti u f’tagħmir għandha tiġi rrapportata
wkoll. Għandhom jiġu ffissati limiti de minimis sabiex
jiġi evitat piż amministrattiv sproporzjonat, b’mod partikolari
għall-impriżi żgħar u ta’ daqs medju u
għall-mikroimpriżi. (18) Il-Kummissjoni għandha
timmonitorja b’mod kontinwu l-effetti tat-tnaqqis tat-tqegħid fis-suq
tal-idrofluworokarburi, inkluż l-effett tat-tnaqqis fuq il-provvista
għat-tagħmir li fihom l-użu tal-idrofluworokarburi
jirriżulta f’emissjonijiet tul ċiklu tal-ħajja iktar baxxi milli
kieku ntużat teknoloġija alternattiva. Il-monitoraġġ
għandu jiżgura wkoll l-individwazzjoni bikrija ta’ tħassib dwar
is-saħħa jew is-sikurezza minħabba impatti negattivi fuq
id-disponibbiltà tal-prodotti mediċinali. Qabel l-2030 għandha ssir
reviżjoni komprensiva fi żmien xieraq sabiex
id-dispożizzjonijiet ta’ dan ir-Regolament jiġu adattati fid-dawl
tal-implimentazzjoni tiegħu u tal-iżviluppi ġodda u sabiex jiġu
adottati, jekk ikun xieraq, iktar miżuri ta’ tnaqqis. (19) Sabiex jiġu żgurati
kundizzjonijiet uniformi għall-implimentazzjoni ta’ dan ir-Regolament,
għandhom jiġu kkonferiti setgħat ta’ implimentazzjoni
lill-Kummissjoni sabiex tiddetermina l-formati tar-rekords li għandhom
jinżammu dwar it-tagħmir installat, li ngħata servis, li saritlu
manutenzjoni, li ssewwa jew li ġie dekummissjonat, tan-notifika tal-programmi
ta’ taħriġ u ta’ ċertifikazzjoni u tat-tikketti
għall-prodotti għat-tagħmir; sabiex tiddetermina l-valuri ta’
referenza għall-importaturi u għall-produtturi abbażi
tal-kwantitajiet ta’ idrofluworokarburi mqiegħda fis-suq fl-Unjoni u
sabiex tiddetermina l-format u l-mezzi ta' sottomissjoni tar-rapporti. Dawk
is-setgħat għandhom jiġu eżerċitati skont
ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011
li jistabbilixxi r-regoli u l-prinċipji ġenerali dwar il-modalitajiet
ta’ kontroll mill-Istati Membri tal-eżerċizzju mill-Kummissjoni
tas-setgħat ta’ implimentazzjoni[43]. (20) Sabiex jitqiesu l-progress
teknoloġiku u l-iżvilupp tas-swieq affettwati minn dan ir-Regolament,
u sabiex tiġi żgurata konformità mal-ftehimiet internazzjonali,
is-setgħa li jiġu adottati atti skont l-Artikolu 290 tat-Trattat
dwar il-Funzjonament tal-Unjoni Ewropea għandha tiġi ddelegata
lill-Kummissjoni fir-rigward ta’ dawn li ġejjin: l-ispeċifikazzjoni
tar-rekwiżiti għal kontrolli standard ta’ tnixxija; l-estensjoni
tal-lista ta’ tagħmir soġġett għal irkupru mandatorju
tal-gassijiet fluworurati b'effett ta' serra; l-ispeċifikazzjoni
tar-rekwiżiti minimi u tal-kundizzjonijiet għar-rikonoxximent
reċiproku tal-programmi ta’ taħriġ għall-persuni li
jinstallaw, li jagħmlu manutenzjoni, isewwu jew jiddekummissjonaw
it-tagħmir u li jikkontrollaw tnixxijiet u jirkupraw il-gassijiet fluworurati
b'effett ta' serra, u għaċ-ċertifikazzjoni ta’ dawk il-persuni u
tal-kumpaniji li jwettqu kompiti bħal dawn; l-emendi fir-rekwiżiti
tat-tikkettar; il-projbizzjoni tat-tqegħid fis-suq ta’ iktar prodotti u
tagħmir li fihom jew li jagħmlu użu minn gassijiet fluworurati
b'effett ta' serra; l-emendi tal-kwantitajiet massimi ta’ idrofluworokarburi li
jistgħu jitqiegħdu fis-suq u l-eżenzjoni tal-provvista ta’
idrofluworokarburi għal użi kritiċi speċifiċi
mir-rekwiżit tal-kwota għal raġunijiet ta’ saħħa u
sikurezza; id-determinazzjoni tar-regoli biex jerġgħu jiġu
kkalkulati l-valuri ta’ referenza għat-tqegħid fis-suq
tal-idrofluworokarburi mill-impriżi individwali u l-emendi ta’ jew
is-supplimenti għall-mekkaniżmu għall-allokazzjoni tal-kwoti; l-analiżi
tal-limiti għar-rekwiżiti ta’ rappurtar; l-istabbiliment ta’ rekwiżiti
għas-sistema ta’ rappurtar dwar l-emissjonijiet ta’ gassijiet fluworurati
b'effett ta' serra u l-użu tad-dejta dwar l-emissjonijiet miġbura
mill-Istati Membri; l-inklużjoni ta’ sustanzi oħrajn b’potenzjal ta’
tisħin globali sinfikanti fil-listi ta’ sustanzi koperti minn dan
ir-Regolament u l-aġġornament tal-listi abbażi ta’ sejbiet
xjentifiċi ġodda, b’mod partikolari il-potenzjal ta’ tisħin
globali tas-sustanzi elenkati fl-annessi tar-Regolament. (21) Huwa partikolarment importanti
li l-Kummissjoni twettaq konsultazzjonijiet xierqa waqt il-ħidma ta’
tħejjija tagħha, inkluż fuq il-livell tal-esperti. Meta tħejji
u tfassal atti ddelegati, il-Kummissjoni għandha tiżgura ruħha
minn trażmissjoni simultanja, f’waqtha u xierqa tad-dokumenti rilevanti
lill-Parlament Ewropew u lill-Kunsill. (22) Dan ir-Regolament jemenda u
jikkomplementa r-Regolament (KE) Nru 842/2006, li għaldaqstant
għandu jiġi sostitwit, ADOTTAW DAN IR-REGOLAMENT: Kapitolu I
Dispożizzjonijiet Ġenerali Artikolu 1
Definizzjonijiet Għall-finijiet ta’ dan ir-Regolament, japplikaw
id-definizzjonijiet li ġejjin: (1)
“gassijiet fluworurati b'effett ta' serra” tfisser
l-idrofluworokarburi (“HFCs”), il-perfluworokarburi (“PFCs”), l-eżafluworur
tal-kubrit (“SF6”) u gassijiet b'effett ta' serra oħrajn li
fihom il-fluworu, kif ġew elenkati fl-Anness I, kemm jekk ikunu waħidhom
kif ukoll jekk ikunu f’taħlita; (2)
“potenzjal ta’ tisħin globali” (“GWP”) tfisser
il-potenzjal ta’ tisħin klimatiku ta’ gass b'effett ta' serra meta mqabbel
ma’ dak tad-diossidu tal-karbonju (“CO2”), ikkalkulat f’termini
tal-potenzjal ta’ tisħin fuq mitt (100) sena, ta’ kilogramma ta’ gass meta
mqabbel ma’ kilogramma ta’ CO2, kif ġie stabbilit fl-Annessi I,
II u III; (3)
“tunnellata(i) ta’ ekwivalenti għal CO2”
tfisser kwantità ta’ gassijiet b'effett ta' serra jew ta’ taħlita li fiha
gassijiet bħal dawn, espressa bħala l-prodott tal-piż
tal-gassijiet b'effett ta' serra f’tunnellati metriċi u tal-potenzjal ta’
tisħin globali tagħhom; (4)
“operatur” tfisser il-persuna fiżika jew
ġuridika li tipposjedi t-tagħmir u s-sistemi koperti minn dan
ir-Regolament u li teżerċita setgħa effettiva fuq
il-funzjonament tekniku tagħhom; (5)
“użu” tfisser l-użu ta’ gassijiet fluworurati
b'effett ta' serra fil-produzzjoni, fil-manutenzjoni jew fl-għoti ta’
servis, inkluż il-mili mill-ġdid tal-prodotti u tat-tagħmir, jew
fi proċessi oħrajn; (6)
“tqegħid fis-suq” tfisser il-provvista jew
it-tqegħid għad-dispożizzjoni ta’ parti oħra fl-Unjoni
għall-ewwel darba, bi ħlas jew mingħajr ħlas, jew l-użu
għalih innifsu fil-każ ta' produttur, jew l-importazzjoni
fit-territorju doganali tal-Unjoni taħt proċedura doganali li
tippermetti l-użu jew it-tħaddim tal-prodotti importati fl-Unjoni; (7)
“sistema ssiġillata ermetikament” tfisser
sistema li fiha l-partijiet kollha li fihom gassijiet fluworurati b'effett ta'
serra jkunu ġew issiġillati ermetikament waqt li kienu qed jiġu
manifatturi billi ġew iwweldjati, miksija bir-ram jew billi ġew magħluqa
sew b’xi mod ieħor permezz ta’ konnessjoni permanenti u fejn iċ-ċirkwit
tar-refriġerant ma hemmx għalfejn jinfetaħ sabiex tibda
titħaddem is-sistema; (8)
“kontenitur li ma jistax jerġa’ jimtela”
tfisser kontenitur maħsub esklużivament sabiex jittrasporta jew
jaħżen gassijiet fluworurati b'effett ta' serra u li ma jistax
jerġa’ jimtela mingħajr ma jiġi adattat għal dak l-iskop
jew jitqiegħed fis-suq mingħajr ma jkunu ttieħdu miżuri
sabiex jiġi rritornat ħalli jkun jista’ jerġa’ jimtela; (9)
“rkupru” tfisser il-ġbir u l-ħażna
ta’ gassijiet fluworurati b'effett ta' serra minn prodotti, tagħmir jew
kontenituri waqt il-manutenzjoni jew l-għoti ta’ servis jew qabel ir-rimi
tal-prodotti, tat-tagħmir jew tal-kontenituri; (10)
“riċiklaġġ” tfisser l-użu mill-ġdid
ta’ gass fluworuat b'effett ta' serra irkuprat wara proċess bażiku
ta’ tindif; (11)
“reklamazzjoni” tfisser l-ipproċessar mill-ġdid
ta’ gass fluworurat b'effett ta' serra irkuprat sabiex jissodisfa
l-prestazzjoni ekwivalenti ta’ sustanza verġni, fejn jitqies l-użu previst
tiegħu; (12)
“qerda” tfisser il-proċess ta’ trasformazzjoni
jew ta’ dekompożizzjoni permanenti tal-gass fluworurat b'effett ta' serra
kollu jew ta’ parti kbira minnu f’sustanza iktar stabbli waħda jew iktar
li ma tkunx gass fluworurat b'effett ta' serra; (13)
“stazzjonarju” tfisser li mhuwiex qed
jiċċaqlaq waqt li qed jaħdem; (14)
“foam b’komponent uniku” tfisser kompożizzjoni
ta’ fowm inkluża f’kontenitur tal-aerosol wieħed fi stat likwidu li
ma jkunx ireaġixxa jew li jkun irreaġixxa b’mod parzjali u li
tespandi u tibbies meta tħalli l-kontenitur; (15)
“trakk refriġerat” tfisser vettura bil-mutur
b’massa massima ta’ iktar minn 3.5 tunnellati li hija maħsuba u
mibnija primarjament sabiex iġġorr merkanzija u li hija mgħammra
b’unità ta’ refriġerazzjoni; (16)
“trejler refriġerat” tfisser vettura li hija maħsuba
u mibnija sabiex tiġi rmunkata minn trakk jew minn trattur, primarjament
sabiex iġġorr merkanzija u li hija mgħammra b’unità ta’
refriġerazzjoni; Kapitolu II
Trażżin Artikolu 2
Prevenzjoni tal-emissjonijiet 1. Ir-rilaxx intenzjonali ta’ gassijiet
fluworurati b'effett ta' serra fl-atmosfera jiġi pprojbit fejn ir-rilaxx
ma jkunx teknikament meħtieġ għall-użu previst. 2. L-operaturi ta’ tagħmir
li fih gassijiet fluworurati b'effett ta' serra jieħdu prekawzjonijiet
sabiex jipprevjenu li dawn jiġu rilaxxati b’mod mhux intenzjonali (minn hawn
’il quddiem “tnixxija”). 3. Fejn tiġi individwata tnixxija
ta’ dawk il-gassijiet, l-operaturi jiżguraw irwieħhom li
t-tagħmir jissewwa mingħajr dewmien żejjed. Fejn tnixxija fit-tagħmir tkun issewwiet,
l-operaturi jiżguraw irwieħhom li t-tagħmir jiġi
kkontrollat minn persuni ċċertifikati fi żmien xahar wara
t-tiswija sabiex jiġi vverifikat li t-tiswija kienet effettiva. 4. Il-persuni u l-impriżi
li jwettqu l-kompiti li ġejjin jiġu ċċertifikati skont l-Artikolu 8:
(a)
installazzjoni, għoti ta’ servis,
manutenzjoni, tiswijiet jew dekummissjonar tat-tagħmir imsemmi fl-Artikolu 3(1); (b)
għoti ta’ servis, manutenzjoni, tiswijiet jew
dekummissjonar ta’ tagħmir mobbli tal-arja kundizzjonata li fih gassijiet
fluworurati b'effett ta' serra; (c)
installazzjoni, għoti ta’ servis,
manutenzjoni, tiswijiet jew dekummissjonar ta’ tagħmir għat-tqassim
tal-elettriku (switchgear) li fih l-SF6; (d)
jagħmlu kunsinni jew jirċievu gassijiet
fluworurati b'effett ta' serra għall-kompiti elenkati fil-punti (a), (b)
u (c). Meta jwettqu dawk il-kompiti, il-persuni u
l-impriżi msemmija fl-ewwel subparagrafu jieħdu miżuri ta’
prekawzjoni sabiex jipprevjenu tnixxija ta’ gassijiet fluworurati b'effett ta'
serra. 5. Kwalunkwe persuna li tassenja
l-kompitu ta’ installazzjoni, għoti ta’ servis, manutenzjoni, tiswijiet
jew dekummissjonar ta’ tagħmir għat-tqassim tal-elettriku
(switchgear) li fih l-SF6 jew tat-tagħmir imsemmi fl-Artikolu 3(1)
lil parti oħra taċċerta ruhħa li l-parti l-oħra
jkollha ċ-ċertifikati meħtieġa skont l-Artikolu 8
għall-kompiti meħtieġa. Artikolu 3
Kontrolli għal tnixxijiet 1. L-operaturi ta’ tagħmir
li fih gassijiet fluworurati b'effett ta' serra b’potenzjal ta’ tisħin
globali ekwivalenti għal 5 tunnellati ta’ CO2 li mhumiex
inklużi f'foams għandhom jiżguraw irwieħhom li
t-tagħmir jiġi kkontrollat għal tnixxijiet. Madankollu,
tagħmir b’sistemi ssiġillati ermetikament li huma ttikkettati
bħala tali, li fihom gassijiet fluworurati b'effett ta' serra b’potenzjal
ta’ tisħin globali ekwivalenti għal inqas minn 10 tunnellati ta’
CO2 ma għandux ikun soġġett għal kontrolli
għal tnixxija fil-kuntest ta' dan l-Artikolu. Il-kontrolli jitwettqu minn persuni
ċċertifikati skont ir-regoli pprovduti fl-Artikolu 8. Dan il-paragrafu japplika għall-operaturi
tat-tagħmir li ġej li fih gassijiet fluworurati b'effett ta' serra: (a)
tagħmir ta’ refriġerazzjoni stazzjonarju; (b)
tagħmir tal-arja kundizzjonata stazzjonarju; (c)
pompi tas-sħana stazzjonarji; (d)
sistemi ta’ protezzjoni kontra n-nar stazzjonarji; (e)
trakkijiet refriġerati u trejlers
refriġerati. 2. Il-kontrolli skont il-paragrafu 1
jitwettqu bil-frekwenza li ġejja: (a)
tagħmir li fih gassijiet fluworurati b'effett
ta' serra b’potenzjal ta’ tisħin globali ekwivalenti għal 5 tunnellati
ta’ CO2 jew iktar imma għal inqas minn 50 tunnellata ta’ CO2,
għandu jiġi kkontrollat għal tnixxijiet mill-inqas darba kull 12-il xahar;
(b)
tagħmir li fih gassijiet fluworurati
b'effett ta' serra b’potenzjal ta’ tisħin globali ekwivalenti għal 50 tunnellata
ta’ CO2 jew iktar iżda għal inqas minn 500 tunnellata
ta’ CO2, għandu jiġi kkontrollat għal tnixxija mill-inqas
darba kull sitt xhur; (c)
tagħmir li fih gassijiet fluworurati b'effett
ta' serra b’potenzjal ta’ tisħin globali ekwivalenti għal 500 tunnellata
ta’ CO2 jew iktar għandu jiġi kkontrollat għal tnixxijiet
mill-inqas darba kull tliet xhur. 3. Fejn, fir-rigward tas-sistemi
ta’ protezzjoni kontra n-nar kif jissemma fil-paragrafu 1(d), ikun hemm stabbilita
skema ta’ spezzjonijiet eżistenti li tissodisfa l-istandard ISO 14520
jew EN 15004, u s-sistema ta’ protezzjoni min-nar tiġi spezzjonata
ta’ spiss daqskemm ikun meħtieġ skont il-paragrafu 2, dawk
l-ispezzjonijiet jiġu kkunsidrati bħala li jissodisfaw l-obbligi tal-paragrafu 1. 4. Il-Kummissjoni għandu
jkollha s-setgħa li tadotta atti ddelegati skont l-Artikolu 20 li
jispeċifikaw rekwiżiti għall-kontrolli għal tnixxijiet li
għandhom jitwettqu skont il-paragrafu 1 ta’ dan l-Artikolu għal
kull tip ta’ tagħmir imsemmi f’dak il-paragrafu, li jidentifikaw dawk
il-partijiet tat-tagħmir fejn l-aktar probabbli li sseħħ ir-tnixxija,
u li jemendaw il-lista tat-tagħmir fil-paragrafu 1 ta’ dan l-Artikolu
sabiex jiġu inklużi tipi oħrajn ta’ tagħmir fid-dawl
tat-tendenzi tas-suq u tal-progress teknoloġiku. Artikolu 4
Sistemi ta’ individwazzjoni ta’ tnixxija 1. L-operaturi tat-tagħmir
imsemmi fl-Artikolu 3(1) li fih gassijiet fluworurati b'effett ta' serra
b’potenzjal ta’ tisħin globali ekwivalenti għal 500 tunnellata
ta’ CO2 jew iktar jiżguraw irwieħhom li t-tagħmir
jiġi pprovdut b’sistema ta’ individwazzjoni ta’ tnixxija li twissi
lill-operatur bi kwalunkwe tnixxija. Is-sistemi ta’ individwazzjoni
ta’ tnixxija jiġu kkontrollati mill-inqas darba kull 12-il xahar
sabiex jiġi żgurat li qed jaħdmu kif suppost. 2. Bħala deroga mill-Artikolu 3(2)(b),
fejn it-tagħmir li fih gassijiet fluworurati b'effett ta' serra
b’potenzjal ta’ tisħin globali ekwivalenti għal 50 tunnellata
ta’ CO2 jew iktar, imma għal inqas minn 500 tunnellata ta’
CO2, ikun ipprovdut b’sistema ta’ individwazzjoni ta’ tnixxija,
it-tagħmir jiġi kkontrollat għal tnixxija mill-inqas darba kull 12-il xahar. Artikolu 5
Żamma ta’ rekords 1. L-operaturi ta’ tagħmir
li fih gassijiet fluworurati b'effett ta' serra li mhumiex inklużi f’foams,
jistabbilixxu u jżommu rekords, għal kull biċċa
tagħmir, bl-informazzjoni li ġejja li tidentifika dan it-tagħmir: (a)
il-kwantità u t-tip ta’ gassijiet fluworurati
b'effett ta' serra installati; (b)
il-kwantitajiet tal-gassijiet fluworurati b'effett
ta' serra miżjuda u r-raġunijiet għaliex ġew miżjuda; (c)
il-kwantità ta’ gassijiet fluworurati b'effett ta'
serra rkuprati; (d)
ir-rati ta’ tnixxija osservati; (e)
identifikazzjoni tal-impriża u tal-persuna li
installat, tat servis lil, għamlet manutenzjoni ta’ u, fejn ikun
applikabbli, sewwiet jew iddekummissjonat it-tagħmir; (f)
id-dati u r-riżultati tal-kontrolli mwettqa
skont l-Artikolu 3(1) u (3); (g)
jekk it-tagħmir ġie ddekummissjonat,
il-miżuri meħuda għall-irkupru u għar-rimi tal-gassijiet
fluworurati b'effett ta' serra. Dan il-paragrafu għandu japplika
għall-operaturi tat-tagħmir għat-tqassim tal-elettriku
(switchgear) li fih l-SF6 u tat-tagħmir imsemmi fl-Artikolu 3(2). 2. Sakemm ir-rekords imsemmija
fil-paragrafu 1 ma jkunux irreġistrati f’bażi tad-dejta
stabbilita mill-awtoritajiet kompetenti tal-Istati Membri, l-operaturi msemmija
fil-paragrafu 1 iżommu r-rekords sa mill-inqas sentejn wara li t-tagħmir
ikun ġie ddekummissjonat. Sakemm ir-rekords imsemmija fil-paragrafu 1
ma jkunux irreġistrati f’bażi tad-dejta stabbilita mill-awtoritajiet
kompetenti tal-Istati Membri, il-persuni jew l-impriżi li jwettqu
l-attivitajiet imsemmija fil-paragrafu 1(e) għall-operaturi jżommu
kopji tar-rekords għal mill-inqas ħames snin. Ir-rekords għandhom jitqiegħdu
għad-dispożizzjoni tal-awtorità kompetenti jew tal-Kummissjoni, meta
ssir talba għalihom. 3. Il-Kummissjoni tista’
tiddetermina l-format tar-rekords msemmija fil-paragrafu 1 u
tispeċifika kif dawn għandhom jiġu stabbiliti u jinżammu
f’att ta’ implimentazzjoni. Dak l-att ta’ implimentazzjoni għandu
jiġi adottat skont il-proċedura ta’ eżami msemmija fl-Artikolu 21. Artikolu 6
Emissjonijiet mill-produzzjoni Il-produtturi ta’ komposti fluworurati
jieħdu l-prekawzjonijiet kollha meħtieġa sabiex jillimitaw kemm
jistgħu l-emissjonijiet ta’ gassijiet fluworurati b'effett ta' serra waqt
il-produzzjoni, it-trasport u l-ħażna. Dawk il-produtturi jiżguraw
irwieħhom li kwalunkwe trifluworometan (HFC-23) prodott bħala prodott
sekondarju fi kwantitajiet sinifikanti jinqered bħala parti
mill-proċess ta’ manifattura. Artikolu 7
Rkupru 1. L-operaturi ta’ tagħmir,
inkluż tagħmir mobbli, li fih gassijiet fluworurati b'effett ta'
serra mhux inklużi f’foams, jistabbilixxu arranġamenti
għall-irkupru min-naħa tagħhom ta’ dawk il-gassijiet minn
persuni u impriżi li jkollhom iċ-ċertifikati rilevanti pprovduti
fl-Artikolu 8, sabiex jiġi żgurat li dawk il-gassijiet jiġu
rriċiklati, reklamati jew meqruda. Dak l-obbligu japplika għall-operaturi ta’
kwalunkwe tagħmir li ġej: (a)
iċ-ċirkwiti ta’ tkessiħ ta’
tagħmir ta’ refriġerazzjoni, tal-arja kundizzjonata u tal-pompi
tas-sħana; (b)
tagħmir li fih solventi b’bażi ta’ gassijiet
fluworurati b'effett ta' serra; (c)
sistemi ta’ protezzjoni kontra n-nar u
ċilindri għat-tifi tan-nar; (d)
tagħmir għat-tqassim tal-elettriku
(switchgear). 2. Il-Kummissjoni għandu
jkollha s-setgħa li tadotta atti ddelegati, skont l-Artikolu 20, li
jemendaw il-lista ta’ tagħmir fil-paragrafu 1 sabiex jiġu
inklużi tipi oħrajn ta’ tagħmir fid-dawl tar-rilevanza dejjem
ikbar tagħhom minħabba żvilupp kummerċjali jew
teknoloġiku. 3. Qabel ir-rimi ta’ kontenitur
ta’ gassijiet fluworurati b'effett ta' serra, il-persuna li użat il-kontenitur
għat-trasport jew għall-ħażna għandha tagħmel
arranġamenti għall-irkupru ta’ kwalunkwe gass residwu sabiex tkun
żgura li dan jiġi rriċiklat, irreklamat jew meqrud. 4. L-utenti ta’ prodotti u l-operaturi
ta’ tagħmir mhux elenkat fil-paragrafu 1 li fihom gassijiet
fluworurati b'effett ta' serra għandhom jagħmlu arranġamenti
għall-irkupru tal-gassijiet, sakemm dan ikun prattikabbli, minn persuni bi
kwalifiki xierqa, sabiex ikunu żguri li dawn jiġu rriċiklati, irreklamati
jew meqruda mingħajr irkupru preċedenti. Artikolu 8
Taħriġ u ċertifikazzjoni 1. L-Istati Membri jistabbilixxu
programmi ta’ taħriġ u ta’ ċertifikazzjoni għall-persuni li
ġejjin: (a) persuni li jinstallaw, jagħtu servis
lil, jagħmlu manutenzjoni ta’, isewwu jew jiddekummissjonaw
it-tagħmir elenkat fit-tielet subparagrafu tal-Artikolu 3(1); (b) persuni li jinstallaw, jagħtu servis
lil, jagħmlu manutenzjoni ta’, isewwu jew jiddekummissjonaw tagħmir
għat-tqassim tal-elettriku (switchgear) li fih l-SF6; (c) persuni li jwettqu l-kontrolli għal tnixxijiet
ipprovduti fl-Artikolu 3(1); (d) persuni li jirkupraw gassijiet
fluworurati b'effett ta' serra kif inhu pprovdut fl-Artikolu 7. 2. Il-programmi ta’
taħriġ ipprovduti fil-paragrafu 1 ikopru dan li ġej: (a) ir-regolamenti u l-istandards
tekniċi applikabbli; (b) il-prevenzjoni tal-emissjonijiet; (c) l-ikrupru tal-gassijiet fluworurati
b'effett ta' serra; (d) l-immaniġġar sikur ta’
tagħmir tat-tip u tad-daqs koperti miċ-ċertifikat; (e) it-teknoloġiji għas-sostituzzjoni
jew għat-tnaqqis tal-użu tal-gassijiet fluworurati b'effett ta' serra
u għall-immaniġġar sikur tagħhom. 3. Iċ-ċertifikati
taħt il-programmi ta’ ċertifikazzjoni pprovduti fil-paragrafu 1
jinħarġu bil-kundizzjoni li l-applikant ikun temm programm ta’
taħriġ stabbilit skont il-paragrafi 1 u 2. 4. L-Istati Membri jistabbilixxu
programmi ta’ ċertifikazzjoni għall-impriżi li jwettqu
l-attivitajiet imsemmija fil-paragrafu 1(a) sa (d) għal
partijiet oħrajn. 5. Iċ-ċertifikati
pprovduti fil-paragrafi 1 u 3 huma validi għal mhux iktar minn
ħames (5) snin. L-Istati Membri jistgħu jtawlu l-validità
taċ-ċertifikati pprovduti fil-paragrafu 1 meta l-persuna
kkonċernata tkun għaddejja b’taħriġ perjodiku obbligatorju
kull ħames snin sabiex taġġorna l-għarfien tagħha dwar
is-suġġetti msemmija fil-paragrafu 2. 6. L-Istati Membri għandhom
jinnotifikaw lill-Kummissjoni bil-programmi ta’ taħriġ u ta’
ċertifikazzjoni tagħhom sal-1 ta’ Jannar 2015. Huma
għandhom jirrikonoxxu ċ-ċertifikati maħruġa fi Stat
Membru ieħor. Huma ma jirrestrinġux il-libertà li jiġu pprovduti
servizzi jew il-libertà ta’ stabbiliment għaliex ċertifikat ikun
inħareġ fi Stat Membru ieħor. 7. Il-Kummissjoni għandu
jkollha s-setgħa li tadotta atti ddelegati skont l-Artikolu 20 li
jispeċifikaw ir-rekwiżiti minimi għat-taħriġ u
għaċ-ċertifikazzjoni pprovduti fil-paragrafu 1 u li
jispeċifikaw il-kundizzjonijiet għar-rikonoxximent reċiproku
taċ-ċertifikati. 8. Il-Kummissjoni tista’,
permezz ta’ atti ta’ implimentazzjoni, tiddetermina l-format tan-notifika
msemmija fil-paragrafu 6. Dawk l-atti ta’ implimentazzjoni għandhom
jiġu adottati skont il-proċedura ta’ eżami msemmija fl-Artikolu 21. Kapitolu III
It-tqegħid fis-suq u l-kontroll tal-użu Artikolu 9
Restrizzjonijiet fuq it-tqegħid fis-suq 1. It-tqegħid fis-suq
tal-prodotti u tat-tagħmir speċifiċi elenkati fl-Anness III
jiġi pprojbit mid-data speċifikata f’dak l-Anness u fejn ikun
applikabbli issir differenzazzjoni skont it-tip jew il-potenzjal ta’
tisħin globali tal-gass fluworurat b'effett ta' serra inkluż. Għall-kalkolu tal-potenzjal ta’ tisħin
globali tat-taħlitiet ta’ gassijiet fluworurati b'effett ta' serra
inklużi f’dawk il-prodotti u f’dak it-tagħmir, jiġi applikat
il-metodu stabbilit fl-Anness IV. 2. Il-projbizzjoni stabbilita
fil-paragrafu 1 ma tapplikax għal tagħmir li għalih ikun ġie
stabbilit, fir-rekwiżiti tal-ekodisinn adottati taħt id-Direttiva 2009/125/KE[44], li minħabba effiċjenza
enerġetika ikbar waqt li jkun qed jitħaddem, l-emissjonijiet tas-CO2
matul iċ-ċiklu tal-ħajja jkunu anqas minn dak ta' tagħmir
ekwivalenti li jissodisfa r-rekwiżiti ta' ekodisinn rilevanti u ma jkunx
fih idrofluworokarburi. 3. Il-Kummissjoni għandu
jkollha s-setgħa li tadotta atti ddelegati skont l-Artikolu 20 li
jemendaw il-lista stabbilita fl-Anness III sabiex jiġu inklużi
prodotti u tagħmir oħrajn li fihom gassijiet fluworurati b'effett ta'
serra b'potenzjal ta' tisħin globali ta' 150 jew aktar, jew li jagħmlu
użu minnhom sabiex jaħdmu, jekk ikun ġie stabbilit li huma
disponibbli alternattivi għall-użu tal-gassijiet fluworurati b'effett
ta' serra jew għall-użu tat-tipi speċifiċi ta’ gassijiet
fluworurati b'effett ta' serra, u l-użu tagħhom jirriżulta
f'emissjonijiet aktar baxxi ta' gassijiet b'effett ta' serra b'mod
ġenerali u jiġu esklużi, fejn hu xieraq għal perjodu
speċifiku ta' żmien, ċerti kategoriji ta' prodotti jew tagħmir
li għalihom ma jkunux disponibbli sustanzi alternattivi li jaqgħu
taħt il-limitu speċifikat ta' potenzjal ta' tisħin globali għal
raġunijiet tekniċi, ekonimiċi jew ta' sikurezza. Artikolu 10
Tikkettar u informazzjoni dwar il-prodott 1. Il-prodotti u t-tagħmir
li fihom gassijiet fluworurati b'effett ta' serra ma jitqiegħdux fis-suq
sakemm ma jkunux tikkettati. Dan il-paragrafu japplika għat-tipi ta’ tagħmir
li ġejjin: (a)
tagħmir ta’ refriġerazzjoni; (b)
tagħmir tal-arja kundizzjonata; (c)
pompi tas-sħana; (d)
sistemi ta’ protezzjoni min-nar; (e)
tagħmir tat-tqassim tal-elettriku; (f)
bottijiet tal-aerosols li fihom gassijiet
fluworurati b'effett ta' serra; (g)
il-kontenituri kollha tal-gassijiet fluworurati
b'effett ta' serra. 2. It-tikketta
meħtieġa skont il-paragrafu 1 tindika dan li ġej: (a)
informazzjoni li l-prodott jew it-tagħmir fih gassijiet
fluworurati b'effett ta' serra; (b)
l-ismijiet tal-gassijiet fluworurati b'effett ta'
serra li jużaw id-denominazzjoni industrijali aċċettata, jew
jekk ma tkun disponibbli l-ebda denominazzjoni bħal din, l-isem kimiku; (c)
Mill-1 ta' Jannar 2017, il-kwantità
ta’ gassijiet b'effett ta' serra inklużi fil-prodott jew fit-tagħmir,
espressa f’termini ta’ piż u ta’ ekwivalenti għal CO2. Fejn il-gassijiet fluworurati b'effett ta' serra
jkunu inklużi f’sistema ssiġillata ermetikament, dan jiġi
ddikjarat fuq it-tikketta. 3. It-tikketta għandha tkun
tista’ tinqara b’mod ċar, ma għandhiex tkun tista’ titħassar u
għandha titqiegħed biswit il-bokok
għall-iċċarġjar jew għall-irkupru tal-gass fluworurat
b'effett ta' serra, jew fuq dik il-parti tal-prodott jew tat-tagħmir li
fih il-gass fluworurat b'effett ta' serra. 4. Il-foams li fihom gassijiet
fluworurati b'effett ta' serra ma jitqiegħdux fis-suq sakemm il-gassijiet
fluworurati b'effett ta' serra ma jkunux identifikati b’tikketta li tuża d-denominazzjoni
industrijali aċċettata jew, jekk ma tkun disponibbli l-ebda denominazzjoni
bħal din, l-isem kimiku. It-tikketta tindika b’mod ċar li l-foam fih gassijiet
fluworurati b'effett ta' serra. Fil-każ tat-twavel tal-foam (foam boards),
din l-informazzjoni tiġi ddikjarata b’mod ċar u li ma jistax
jitħassar fuq it-twavel. 5. L-informazzjoni msemmija fil-paragrafi 2
u 3 tiġi inkluża f’manwali ta’ struzzjonijiet għal prodotti
u tagħmir bħal dawn. Fil-każ ta’ prodotti u ta’ tagħmir li
fihom gassijiet fluworurati b'effett ta' serra b'potenzjal ta' tisħin
globali ta' 150 jew aktar, din l-informazzjoni tiġi inkluża wkoll
fid-deskrizzjonijiet użati għar-reklamar. 6. Il-Kummissjoni tista’
tiddetermina, permezz ta’ atti ta’ implimentazzjoni, il-format tat-tikketti
msemmija fil-paragrafi 1 u 3. Dawk l-atti ta’ implimentazzjoni
jiġu adottati skont il-proċedura ta’ eżami msemmija fl-Artikolu 21. 7. Il-Kummissjoni għandu
jkollha s-setgħa li tadotta atti ddelegati skont l-Artikolu 20 li
jemendaw ir-rekwiżiti tat-tikkettar stabbiliti fil-paragrafi 1 u 3
u li jemendaw il-lista ta’ prodotti u ta’ tagħmir fil-paragrafu 1
sabiex jiġu inklużi prodotti u tagħmir oħrajn, fejn ikun
xieraq, fid-dawl ta’ żvilupp kummerċjali jew teknoloġiku. Artikolu 11
Kontroll tal-użu 1. L-użu tal-SF6
fid-die-casting tal-manjeżju u fir-riċiklaġġ tal-ligi tad-die-casting
tal-manjeżju għandu jiġi pprojbit. Fir-rigward
tal-installazzjonijiet li jużaw kwantità ta’ SF6 taħt it-850 kg
fis-sena, din il-projbizzjoni tapplika biss mill-1 ta’ Jannar [2015]. 2. L-użu tal-SF6 sabiex
jimtlew it-tajers tal-vetturi għandu jiġi pprojbit. 3. L-użu ta’ gassijiet
fluworurati b'effett ta' serra, jew ta’ taħlitiet li fihom gassijiet
fluworurati b'effett ta' serra, b’potenzjal ta’ tisħin globali ta’ 2500
jew aktar, sabiex jingħata servis lil jew issir il-manutenzjoni ta’
tagħmir ta’ refriġerazzjoni b’daqs ta’ ċarġ ekwivalenti
għal 5 tunnellati ta’ CO2 jew iktar għandu jiġi
pprojbit mill-1 ta’ Jannar 2020. Għall-finijiet ta’ din id-dispożizzjoni,
il-potenzjal ta’ tisħin globali tat-taħlitiet li fihom gassijiet
fluworurati b'effett ta' serra jiġi kkalkulat skont l-Anness IV. Artikolu 12
Iċċarġjar minn qabel tat-tagħmir 1. Mill-[jj/xx/ssss] [daħħal
id-data tliet snin wara d-dħul fis-seħħ ta' dan ir-Regolament],
it-tagħmir ta’ refriġerazzjoni, tal-arja kundizzjonata u tal-pompi
tas-sħana ma jiġix iċċarġjat b’idrofluworokarburi
qabel ma jitqiegħed fis-suq jew qabel ma jitqiegħed
għad-dispożizzjoni tal-utent finali għall-ewwel installazzjoni
tiegħu. It-tagħmir għandu jiġi
ċċarġjat fejn ikun maħsub li jintuża, minn persuni
ċċertifikati skont l-Artikolu 8. 2. Il-paragrafu 1 ma japplikax
għal tagħmir issiġillat ermetikament jew għal tagħmir
li fih kwantità ta’ idrofluworokarburi li tikkorrispondi għal inqas minn 2 %
tal-kapaċità massima prevista tat-tagħmir. Kapitolu IV
Tnaqqis tat-tqegħid fis-suq tal-idrofluworokarburi Artikolu 13
Tnaqqis tat-tqegħid fis-suq tal-idrofluworokarburi 1. Il-Kummissjoni tiżgura
ruħha li l-kwantità ta’ idrofluworokarburi li l-produtturi u l-importaturi
huma intitolati li jqiegħdu fis-suq fl-Unjoni kull sena ma taqbiżx
il-kwantità massima għas-sena inkwistjoni, ikkalkulata skont l-Anness V.
Kull produttur u importatur jiżgura ruħu li l-kwantità ta’ idrofluworokarburi
kkalkulata skont l-Anness V li jqiegħed fis-suq ma taqbiżx
il-kwota allokata lilu skont l-Artikolu 14(5) jew li ġiet
ittrasferita lilu skont l-Artikolu 16. 2. Dan l-Artikolu ma japplikax
għall-idrofluworokarburi importati fl-Unjoni sabiex jinqerdu. Huwa ma japplikax għall-produtturi jew
għall-importaturi ta’ inqas minn 1 000 tunnellata ta’
ekwivalenti għal CO2 ta’ idrofluworokarburi fis-sena. 3. Dan l-Artikolu u l-Artikoli 14,
16, 17 u 22 japplikaw ukoll għall-idrofluworokarburi inklużi
f’taħlitiet ta’ poliol. 4. Il-Kummissjoni jkollha
s-setgħa li tadotta atti ddelegati skont l-Artikolu 20 (a)
li jemendaw il-kwantitajiet massimi stabbiliti fl-Anness V
fid-dawl tal-iżviluppi tas-suq fl-idrofluworokarburi u fl-emissjonijiet
relatati; u (b)
li jeżentaw it-tqegħid fis-suq għal
użi speċifiċi mir-rekwiżit tal-kwota stabbilit fil-paragrafu 1
fejn l-użu tal-idrofluworokarburi huwa meħtieġ għal
raġunijiet ta’ saħħa jew ta’ sikurezza għaliex inkella ma
tkunx żgurata provvista suffiċjenti. Artikolu 14
Allokazzjoni ta’ kwoti għat-tqegħid tal-idrofluworokarburi fis-suq 1. Sal-31 ta’ Ottubru 2014
il-Kummissjoni għandha tiddetermina, permezz ta’ deċiżjonijiet
ta’ implimentazzjoni, għal kull produttur jew importatur li jkun
irrapporta dejta skont l-Artikolu 6 tar-Regolament (KE) Nru 842/2006,
valur ta’ referenza bbażat fuq il-medja annwali tal-kwantitajiet ta’ idrofluworokarburi
li l-produttur jew l-importatur ikun irrapporta li pproduċa jew importa
mill-2008 sal-2011. Sabiex jiġi ddeterminat il-valur ta’ referenza, ma
jitqiesux il-kwantitajiet irrapportati li jaqbżu l-kwota. Il-valuri ta’
referenza jiġu kkalkulati skont l-Anness V għal dan
ir-Regolament. Dawk l-atti ta’ implimentazzjoni jiġu
adottati skont il-proċedura ta’ eżami msemmija fl-Artikolu 21. 2. Il-produtturi u l-importaturi
li ma jkunux irrapportaw il-produzzjoni jew l-importazzjonijiet skont l-Artikolu 6
tar-Regolament (KE) Nru 842/2006 għall-perjodu ta’ referenza msemmi
fil-paragrafu 1 jistgħu jiddikjaraw l-intenzjoni tagħhom
għall-produzzjoni jew għall-importazzjoni tal-idrofluworokarburi
fis-sena ta’ wara. Id-dikjarazzjoni tiġi indirizzata
lill-Kummissjoni, u tispeċifika t-tipi ta’ idrofluworokarburi u
l-kwantitajiet li huwa mistenni li jitqiegħdu fis-suq. Il-Kummissjoni għandha toħroġ
avviż tal-limitu ta’ żmien sabiex jitressqu dawk
id-dikjarazzjonijiet. Qabel ma jressqu dikjarazzjoni skont il-paragrafi 2
u 3, l-impriżi jirreġistraw irwieħhom fir-reġistru
pprovdut fl-Artikolu 15. 3. Sal-31 ta’ Ottubru 2017
u sussegwentement kull tliet snin, il-Kummissjoni għandha terġa’ tikkalkula
l-valuri ta’ referenza għall-produtturi u għall-importaturi msemmija
fil-paragrafi 1 u 2 abbażi tal-medja annwali tal-kwantitajiet
ta’ idrofluworokarburi prodotti jew importati wara l-1 ta’ Jannar 2015,
kif ġew irrapportati skont l-Artikolu 17. Hija tiddetermina dawk
il-valuri ta’ referenza permezz ta’ atti ta’ implimentazzjoni. Dawk l-atti ta’ implimentazzjoni jiġu
adottati skont il-proċedura ta’ eżami msemmija fl-Artikolu 21. 4. Il-produtturi u l-importaturi
li għalihom ikunu ġew iddeterminati l-valuri ta’ referenza
jistgħu jiddikjaraw kwantitajiet antiċipati addizzjonali billi jsegwu
l-proċedura stabbilita fil-paragrafu 2. 5. Il-Kummissjoni talloka kwoti
għat-tqegħid tal-idrofluworokarburi fis-suq għal kull produttur
u importatur għal kull sena li tibda mis-sena 2015 billi tapplika
l-mekkaniżmu ta’ allokazzjoni stabbilit fl-Anness VI. 6. Il-Kummissjoni jkollha
s-setgħa li tadotta atti ddelegati skont l-Artikolu 20 li
jiddeterminaw il-mekkaniżmu sabiex jerġgħu jiġu kkalkulati
l-valuri ta’ referenza skont il-paragrafu 3 u li jemendaw jew
jissupplimentaw il-mekkaniżmu għall-allokazzjoni tal-kwoti stabbilit
fl-Anness VI. Artikolu 15
Reġistru tal-kwoti 1. Għandu jiġi
stabbilit reġistru elettroniku għall-kwoti għat-tqegħid
tal-idrofluworokarburi fis-suq. Il-Kummissjoni għandha tieħu miżuri
sabiex tistabbilixxi dak ir-reġistru elettroniku u tiżgura ruħha
li jkun qed jaħdem. Fir-reġistru elettroniku jiġu rreġistrati,
meta ssir talba għal dan (a)
il-produtturi u l-importaturi li lilhom tkun ġiet
allokata kwota għat-tqegħid fis-suq skont l-Artikolu 14(5); (b)
il-produtturi u l-importaturi li lihom tkun
ġiet ittrasferita kwota skont l-Artikolu 16; (c)
il-produtturi u l-importaturi li jiddikjaraw
l-intenzjoni tagħhom li jressqu dikjarazzjoni skont l-Artikolu 14(2). 2. Il-Kummissjoni tiżgura
ruħha li l-produtturi u l-importaturi u l-awtoritajiet kompetenti
tal-Istati Membri jiġu informati permezz ta’ dak ir-reġistru bil-kwota
allokata u bi kwalunkwe bidla fiha waqt il-perjodu ta’ allokazzjoni. Artikolu 16
Trasferiment ta’ kwoti Kwalunkwe produttur jew importatur li jkun ġie
ddeterminat valur ta’ referenza għalih skont l-Artikolu 14(1) jew (3)
u li jkun ġie allokat kwota skont l-Artikolu 14(5), jista’
jitrasferixxi dik il-kwota għall-kwantitajiet kollha jew għal
kwalunkwe kwantità lil impriża oħra fl-Unjoni li tkun
irreġistrata fir-reġistru msemmi fl-Artikolu 15(1). Kwalunkwe
trasferiment bħal dan għandu jiġi nnotifikat minn qabel
lill-Kummissjoni. Kapitolu V Rapportar Artikolu 17
Rapportar dwar il-produzzjoni, l-importazzjoni, l-esportazzjoni u l-qerda 1. Sal-31 ta’ Marzu 2014
u sussegwentement kull sena, kull produttur, importatur u esportatur li
pproduċa, importa jew esporta iktar minn tunnellata metrika jew 1 000 tunnellata
ta’ ekwivalenti għal CO2 ta’ gassijiet fluworurati b'effett ta'
serra u ta’ gassijiet elenkati fl-Anness II waqt is-sena kalendarja
preċedenti, għandu jirrapporta lill-Kummissjoni d-dejta
speċifikata fl-Anness VII dwar kull waħda minn dawk is-sustanzi
għal dik is-sena kalendarja. 2. Sal-31 ta’ Marzu 2014
u sussegwentement kull sena, kull impriża li qerdet iktar minn tunnellata
metrika jew 1 000 tunnellata ta’ ekwivalenti għal CO2
ta’ gassijiet fluworurati b'effett ta' serra u ta’ gassijiet elenkati fl-Anness II
waqt is-sena kalendarja preċedenti tirrapporta lill-Kummissjoni d-dejta
speċifikata fl-Anness VII dwar kull waħda minn dawk is-sustanzi
għal dik is-sena kalendarja 3. Sal-31 ta’ Marzu 2014
u sussegwentement kull sena, kull impriża li qiegħdet iktar minn 10 000 tunnellata
ta’ ekwivalenti ta’ CO2 ta’ gassijiet fluworurati b'effett ta' serra
u ta’ gassijiet elenkati fl-Anness II inklużi fi prodotti jew f’tagħmir
fis-suq waqt is-sena kalendarja preċedenti għandha tirrapporta lill-Kummissjoni
d-dejta speċifikata fl-Anness VII dwar kull waħda minn dawk
is-sustanzi għal dik is-sena kalendarja. 4. Kull impriża li,
taħt il-paragrafi 1 u 3, tirrapporta dwar it-tqegħid fis-suq
ta’ iktar minn 10 000 tunnellata ta’ ekwivalenti għal CO2
ta’ idrofluworokarburi matul is-sena kalendarja preċedenti , qabel ma
jitressaq ir-rapport, tiżgura ruħha li l-preċiżjoni
tad-dejta tiġi vverifikata minn awditur indipendenti, akkreditat skont
id-Direttiva 2003/87/KE[45]
jew akkreditat sabiex jivverifika d-dikjarazzjonijiet finanzjarji skont
il-leġiżlazzjoni tal-Istat Membru kkonċernat. L-impriża żżomm ir-rapport ta’
verifika għal mill-inqas ħames snin. Ir-rapport ta’ verifika
għandu jitqiegħed għad-dispożizzjoni tal-awtorità
kompetenti u tal-Kummissjoni, meta ssir talba għal dan. 5. Il-Kummissjoni jkollha
s-setgħa li tadotta atti ddelegati skont l-Artikolu 20 li jemendaw
il-limiti għall-obbligi pprovduti fil-paragrafi 1, 2 u 3, fejn
ikun xieraq, fid-dawl tal-iżvilupp tas-suq, sabiex jiġi evitat li
kwantitajiet sostanzjali ta’ gassijiet fluworurati b'effett ta' serra prodotti,
importati jew esportati ma jiġux immonitorjati jew sabiex jitnaqqsu
l-piżijiet amministrattivi f’każijiet fejn il-kwantitajiet
irrapportati jkunu insinifikanti. 6. Il-Kummissjoni tista’
tiddetermina, permezz ta’ atti ta’ implimentazzjoni, il-format u l-mezz kif
jitressqu r-rapporti msemmija f’dan l-Artikolu. Dawk l-atti ta’ implimentazzjoni għandhom
jiġu adottati skont il-proċedura ta’ eżami msemmija fl-Artikolu 21. 7. Il-Kummissjoni tieħu
miżuri xierqa sabiex tipproteġi l-kunfidenzjalità tal-informazzjoni
mressqa quddiemha skont dan l-Artikolu. Artikolu 18
Ġbir ta’ dejta dwar l-emissjonijiet 1. L-Istati Membri jiġbru
dejta dwar l-emissjonijiet tal-gassijiet fluworurati b'effett ta' serra. Għal dak il-għan, huma jistabbilixxu
waħda mis-sistemi li ġejjin, kif ikun xieraq: (a) sistema fejn tinżamm bażi
tad-dejta fuq il-livell nazzjonali għall-ġbir tad-dejta
rreġistrata skont l-Artikolu 5(1); (b) sistema fejn jitwettaq stħarriġ
dwar l-emissjonijiet minn kampjun rappreżentattiv ta’ operaturi koperti
mid-dispożizzjonijiet tal-Artikolu 5(1), u r-riżultati jiġu
estrapolati minn dak l-istħarriġ. 2. Id-dejta miġbura skont
il-paragrafu 1 titqiegħed għad-dispożizzjoni tal-Kummissjoni,
meta ssir talba għal dan. Il-Kummissjoni tista’ tikkondividi dik id-dejta
mal-Istati Membri l-oħra. 3. Il-Kummissjoni jkollha
s-setgħa li tadotta atti ddelegati skont l-Artikolu 20 li
jistabbilixxu rekwiżiti għas-sistemi ta’ ġbir ta’ dejta msemmjia
fit-tieni subparagrafu tal-paragrafu 1 ta’ dan l-Artikolu u li
jistabbilixxu jekk, għal setturi speċifiċi, għandhiex
tiġi stabbilita sistema skont il-punt (a) jew il-punt (b) tat-tieni
subparagrafu tal-paragrafu 1 ta’ dan l-Artikolu. Kapitolu VI Dispożizzjonijiet
finali Artikolu 19
Analiżi 1. Il-Kummissjoni jkollha
s-setgħa li tadotta atti ddelegati skont l-Artikolu 20 li jemendaw l-Anness I
sabiex fil-lista jiġu inklużi sustanzi b’potenzjal ta’ tisħin
globali sinifikanti li jintużaw bħala sostituti għas-sustanzi li
diġà huma elenkati f’dak l-Anness u li jiġu esportati, importati,
prodotti jew imqiegħda fis-suq fi kwantitajiet sinifikanti. 2. Il-Kummissjoni jkollha
s-setgħa li tadotta atti ddelegati skont l-Artikolu 20 li
jaġġornaw l-Annessi I, II u IV abbażi ta’ sejbiet
xjentifiċi ġodda, b’mod partikolari dwar il-potenzjal ta’ tisħin
globali tas-sustanzi elenkati. 3. Abbażi tal-informazzjoni
dwar it-tqegħid fis-suq irrapportata skont l-Artikolu 17 u dwar l-emissjonijiet
tal-gassijiet fluworurati b'effett ta' serra mqiegħda
għad-dispożizzjoni skont l-Artikolu 18(2), il-Kummissjoni
timmonitorja l-applikazzjoni u l-effetti ta’ dan ir-Regolament. Mhux iktar tard mill-31 ta’ Diċembru 2020,
il-Kummissjoni għandha tippubblika rapport dwar id-disponibbiltà
tal-idrofluworokarburi fis-suq tal-Unjoni, b’mod partikolari
għall-applikazzjonijiet mediċi. Mhux iktar tard mill-31 ta’ Diċembru 2024,
hija għandha tippubblika rapport komprensiv dwar l-effetti ta’ dan
ir-Regolament, inkluż tbassir tad-domanda kontinwa għall-idrofluworokarburi
wara l-2030. Artikolu 20
Eżerċizzju tad-delega 1. Is-setgħa li tadotta
atti ddelegati qed tiġi kkonferita lill-Kummissjoni bla ħsara
għall-kundizzjonijiet stabbiliti f’dan l-Artikolu. 2. Is-setgħa li tadotta
l-atti ddelegati msemmija fl-Artikoli 3(4), 7(2), 8(7), 9(3), 10(7), 13(5),
14(6), 17(5), 18(3) u 19(1) u (2) għandha tiġi kkonferita lill-Kummissjoni
għal perjodu indeterminat ta’ żmien minn [jj/xx/ssss] [daħħal
id-data tad-dħul fis-seħħ ta’ dan ir-Regolament]. 3. Is-setgħa li tadotta atti
ddelegati msemmija fl-Artikoli 3(4), 7(2), 8(7), 9(3), 10(7), 13(5), 14(6),
17(5), 18(3) u 19(1) u (2) tista’ tiġi rrevokata fi kwalunkwe ħin
mill-Parlament Ewropew jew mill-Kunsill. Deċiżjoni ta’ revoka
għandha ttemm id-delega tas-setgħa speċifikata f’dik
id-deċiżjoni. Hija tidħol fis-seħħ l-għada
tal-pubblikazzjoni tad-deċiżjoni f’Il-Ġurnal Uffiċjali
tal-Unjoni Ewropea jew f’data sussegwenti speċifikata fiha. Hija ma
taffettwax il-validità ta’ kwalunkwe att iddelegat li diġà jkun
fis-seħħ. 4. Malli tadotta att iddelegat,
il-Kummissjoni tinnotifikah fl-istess ħin lill-Parlament Ewropew u
lill-Kunsill. 5. Att iddelegat adottat skont
l-Artikoli 3(4), 7(2), 8(7), 9(3), 10(7), 13(5), 14(6), 17(5), 18(3) u 19(1)
u (2) għandu jidħol fis-seħħ biss jekk ma tkun ġiet
espressa l-ebda oġġezzjoni la mill-Palament Ewropew u lanqas
mill-Kunsill f’perjodu ta’ xahrejn min-notifika ta’ dak l-att lill-Parlament
Ewropew u lill-Kunsill jew jekk, qabel l-iskadenza ta’ dak il-perjodu, kemm il-Parlament
Ewropew kif ukoll il-Kunsill ikunu informaw lill-Kummissjoni li mhumiex se
joġġezzjonaw. Dak il-perjodu għandu jiġi estiż
b’xahrejn fuq l-inizjattiva tal-Parlament Ewropew jew tal-Kunsill. Artikolu 21
Proċedura ta’ kumitat 1. Il-Kummissjoni tiġi
assistita minn kumitat. Dak il-kumitat ikun kumitat fit-tifsira tar-Regolament
(UE) Nru 182/2011. 2. Fejn issir referenza
għal dan il-paragrafu, għandu japplika l-Artikolu 5 tar-Regolament
(UE) Nru 182/2011. Artikolu 22
Penali 1. L-Istati Membri jistabbilixxu
r-regoli dwar il-penali applikabbli għall-ksur ta’ dan ir-Regolament u
jieħdu l-miżuri kollha meħtieġa sabiex jiżguraw
irwieħhom li dawn jiġu implimentati. Il-penali pprovduti jkunu
effettivi, proporzjonati u dissważivi. L-Istati Membri jinnotifikaw dawk
id-dispożizzjonijiet lill-Kummissjoni mhux iktar tard minn [jj/xx/ssss] [id-data
tad-dħul fis-seħħ] u jinnotifikawha mingħajr dewmien bi
kwalunkwe emenda sussegwenti li taffettwahom. 2. Minbarra l-penali msemmija
fil-paragrafu 1, l-impriżi li jkunu qabżu l-kwota tagħhom
għat-tqegħid tal-idrofluworokarburi fis-suq, allokata skont l-Artikolu 14(5)
jew ittrasferita lilhom skont l-Artikolu 16, jistgħu jiġu
allokati biss allokazzjoni ta’ kwota mnaqqsa għall-perjodu ta’
allokazzjoni wara li jkun ġie individwat l-eċċess. L-ammont tat-tnaqqis jiġi kkalkulat
bħala 200 % tal-ammont li bih inqabżet il-kwota. Jekk l-ammont
tat-tnaqqis ikun ikbar mill-ammont li għandu jiġi allokat skont l-Artikolu 14(5)
bħala kwota għall-perjodu ta’ allokazzjoni wara li jkun ġie individwat
l-eċċess, l-ebda kwota ma tiġi allokata għal dak il-perjodu
ta’ allokazzjoni u l-kwota għall-perjodi ta’ allokazzjoni segwenti għandha
titnaqqas ukoll sakemm ikun tnaqqas l-ammont kollu. Artikolu 23
Tħassir Ir-Regolament (KE) Nru 842/2006 jitħassar. Ir-referenzi għar-Regolament irrevokat
jiġu interpretati bħala referenzi għal dan ir-Regolament u jinqraw
skont it-tabella ta’ korrelazzjoni fl-Anness VIII. Artikolu 24
Dħul fis-seħħ Dan ir-Regolament jidħol
fis-seħħ fl-għoxrin jum wara dak tal-pubblikazzjoni tiegħu
f’Il-Ġurnal Uffiċjali tal-Unjoni Ewropea. Japplika mill-1 ta’ Jannar 2014. Dan ir-Regolament
jorbot fl-intier tiegħu u japplika direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President ANNESS I Gassijiet
fluworurati b'effett ta' serra msemmija fl-Artikolu 1(1) Sustanza || Potenzjal ta’ tisħin globali[46] Denominazzjoni industrijali || Isem kimiku (Isem komuni) || Formula kimika Taqsima 1: Idrofluworokarburi (HFCs) HFC-23 || trifluworometan (fluworoform) || CHF3 || 14800 HFC-32 || difluworometan || CH2F2 || 675 HFC-41 || fluworometan (fluworur tal-metil) || CH3F || 92 HFC-125 || pentafluworoetan || CHF2CF3 || 3 500 HFC-134 || 1,1,2,2-tetrafluworoetan || CHF2CHF2 || 1 100 HFC-134a || 1,1,1,2-tetrafluworoetan || CH2FCF3 || 1 430 HFC-143 || 1,1,2-trifluworoetan || CH2FCHF2 || 353 HFC-143a || 1,1,1-trifluworoetan || CH3CF3 || 4 470 HFC-152 || 1,2-difluworoetan || CH2FCH2F || 53 HFC-152a || 1,2-difluworoetan || CH3CHF2 || 124 HFC-161 || fluworoetan (fluworur tal-etil) || CH3CH2F || 12 HFC-227ea || 1,1,1,2,3,3,3-ettafluworopropan || CF3CHFCF3 || 3 220 HFC-236cb || 1,1,1,2,2,3-eżafluworopropan || CH2FCF2CF3 || 1 340 HFC-236ea || 1,1,1,2,3,3-eżafluworopropan || CHF2CHFCF3 || 1 370 HFC-236fa || 1,1,1,3,3,3-eżafluworopropan || CF3CH2CF3 || 9 810 HFC-245ca || 1,1,2,2,3-pentafluworopropan || CH2FCF2CHF2 || 693 HFC-245fa || 1,1,1,3,3-pentafluworopropan || CHF2CH2CF3 || 1030 HFC-365 mfc || 1,1,1,3,3-pentafluworobutan || CF3CH2CF2CH3 || 794 HFC-43-10 mee || 1,1,1,2,2,3,4,5,5,5-dekafluworopentan || CF3CHFCHFCF2CF3 || 1 640 Taqsima 2: Perfluworokarburi (PFCs) PFC-14 || perfluworometan (tetrafluworur tal-karbonju) || CF4 || 7 390 PFC-116 || eżafluworoetan (perfluworoetan) || C2F6 || 12 200 PFC-218 || ottafluworopropan (perfluworopropan) || C3F8 || 8 830 PFC-3-1-10 (R-31-10) || dekafluworobutan (perfluworobutan) || C4F10 || 8 860 PFC-4-1-12 (R-41-12) || dodekafluworopentan (perfluworopentan) || C5F12 || 9 160 PFC-5-1-14 (R-51-14) || tetradekafluworoeżan (perfluworoeżan) || C6F14 || 9 300 PFC-c-318 || ottafluworoċiklobutan (perfluworoċiklobutan) || c-C4F8 || 10 300 Taqsima 3: Komposti perfluworurati oħrajn || eżafluworur tal-kubrit || SF6 || 22 800 ANNESS II Gassijiet
fluworurati oħrajn soġġetti għal rapportar skont l-Artikolu 17 Sustanza || Potenzjal ta’ tisħin globali[47] Isem komuni / denominazzjoni industrijali || Formula kimika Taqsima 1: Idrofluworokarburi mhux saturati HFC-1234yf || CF3CF=CH2 || 4 Fn [48] HFC-1234ze || trans — CHF=CHCF3 || 7 Fn 48 Taqsima 2: Eteri fluworurati HFE-125 || CHF2OCF3 || 14 900 HFE-134 || CHF2OCHF2 || 6 320 HFE-143a || CH3OCF3 || 756 HCFE-235da2 || CHF2OCHClCF3 || 350 HFE-245cb2 || CH3OCF2CF3 || 708 HFE-245fa2 || CHF2OCH2CF3 || 659 HFE-254cb2 || CH3OCF2CHF2 || 359 HFE-347 mcc3 || CH3OCF2CF2CF3 || 575 HFE-347pcf2 || CHF2CF2OCH2CF3 || 580 HFE-356pcc3 || CH3OCF2CF2CHF2 || 110 HFE-449sl (HFE-7100) || C4F9OCH3 || 297 HFE-569sf2 (HFE-7200) || C4F9OC2:5 || 59 HFE-43-10pccc124 (H-Galden 1040x) || CHF2OCF2OC2F4OCHF2 || 1 870 HFE-236ca12 (HG-10) || CHF2OCF2OCHF2 || 2 800 HFE-338pcc13 (HG-01) || CHF2OCF2CF2OCHF2 || 1 500 || (CF3)2CFOCH3 || 343 || CF3CF2CH2OH || 42 || (CF3)2CHOH || 195 HFE-227ea || CF3CHFOCF3 || 1 540 HFE-236ea2 || CHF2OCHFCF3 || 989 HFE-236fa || CF3CH2OCF3 || 487 HFE-245fa1 || CHF2CH2OCF3 || 286 HFE 263fb2 || CF3CH2OCH3 || 11 HFE-329 mcc2 || CHF2CF2OCF2CF3 || 919 HFE-338 mcf2 || CF3CH2OCF2CF3 || 552 HFE-347 mcf2 || CHF2CH2OCF2CF3 || 374 HFE-356 mec3 || CH3OCF2CHFCF3 || 101 HFE-356pcf2 || CHF2CH2OCF2CHF2 || 265 HFE-356pcf3 || CHF2OCH2CF2CHF2 || 502 HFE 365 mcf3 || CF3CF2CH2OCH3 || 11 HFE-374pc2 || CHF2CF2OCH2CH3 || 557 || - (CF2)4CH (OH) - || 73 || (CF3)2CHOCHF2 || 380 || (CF3)2CHOCH3 || 27 Taqsima 3: Komposti perfluworurati oħrajn PFPMIE || CF3OCF(CF3)CF2OCF2OCF3 || 10 300 trifluworur tan-nitroġenu || NF3 || 17 200 trifluworometil pentafluworur tal-kubrit || SF5CF3 || 17 700 perfluworoċiklopropan || c-C3F6 || 17 340 Fn [49] ANNESS III Projbizzjonijiet
fuq it-tqegħid fis-suq imsemmija fl-Artikolu 9(1) Prodotti u tagħmir Fejn hu xieraq, il-potenzjal ta' tisħin globali (GWP) ta' taħlitiet li fihom gassijiet fluworurati b'effett ta' serra għandu jiġi kkalkulat f'konformità mal-Anness IV, kif provdut fl-Artikolu 9(1), subparagrafu 2. || Data tal-projbizzjoni 1. Kontenituri li ma jistgħux jerġgħu jimtlew għal gassijiet fluworurati b'effett ta' serra użati sabiex jingħata servis, issir manutenzjoni jew jimtela tagħmir ta’ refriġerazzjoni, tal-arja kundizzjonata jew tal-pompi tas-sħana, sistemi ta’ protezzjoni kontra n-nar jew switchgear jew biex jintużaw bħala solventi || L-4 ta’ Lulju 2007 2. Sistemi ta’ evaporazzjoni diretta mhux imrażżna li fihom HFCs u PFCs bħala refriġeranti || L-4 ta’ Lulju 2007 3. Sistemi ta’ protezzjoni kontra n-nar u ċilindri għat-tifi tan-nar || li fihom PFCs || L-4 ta’ Lulju 2007 li fihom l-HFC-23 || L-1 ta’ Jannar 2015 4. Twieqi għal użu domestiku li fihom gassijiet fluworurati b'effett ta' serra || L-4 ta’ Lulju 2007 5. Twieqi oħrajn li fihom gassijiet fluworurati b'effett ta' serra || L-4 ta’ Lulju 2008 6. Żraben li fihom gassijiet fluworurati b'effett ta' serra || L-4 ta’ Lulju 2006 7. Tajers li fihom gassijiet fluworurati b'effett ta' serra || L-4 ta’ Lulju 2007 8. Foams b’komponent uniku, ħlief fejn ikunu meħtieġa sabiex jiġu sodisfatti standards nazzjonali ta’ sikurezza, li fihom gassijiet fluworurati b'effett ta' serra b’GWP ta’ 150 jew iktar || L-4 ta’ Lulju 2008 9. Ġeneraturi tal-aerosols ikkummerċjalizzati u intiżi biex jinbiegħu lill-pubbliku ġenerali għal finijiet ta’ divertiment u ta’ dekorazzjoni, kif ġew elenkati fil-punt 40 tal-Anness XVII tar-Regolament (KE) Nru 1907/2006[50], u ħornijiet ta' sinjal li fihom l-HFCs b'GWP ta' 150 jew aktar || L-4 ta’ Lulju 2009 10. Refriġeraturi u friżers domestiċi li fihom l-HFCs b'GWP ta' 150 jew aktar || L-1 ta’ Jannar 2015 11. Refriġeraturi u friżers għall-ħżin, wiri jew distribuzzjoni tal-prodotti f'servizzi tal-klijenti u tal-ikel ("użu kummerċjali - sistemi ssiġillati ermetikament) || li fihom HFCs b’GWP ta’ 2500 jew aktar || L-1 ta’ Jannar 2017 li fihom HFCs b’GWP ta’ 150 jew aktar || L-1 ta’ Jannar 2020 12. Tagħmir mobbli tal-arja kundizzjonata għall-kmamar (tagħmir issiġillat ermetikament li jista' jiġi mċaqalaq bejn kamra u oħra mill-utent finali) li fihom HFCs b’GWP ta’ 150 jew aktar || L-1 ta' Jannar 2020 ANNESS IV Metodu
kif jiġi kkalkulat il-potenzjal ta’ tisħin globali totali ta’
taħlita msemmija fl-Artikoli 9(1) u 11(3) Il-potenzjal ta’ tisħin globali (GWP) totali
ta’ taħlita li fiha gassijiet fluworurati b'effett ta' serra jiġi
kkalkulat bħala medja peżata, derivata mis-somma tal-frazzjonijiet
tal-piż tas-sustanzi individwali mmultiplikati bil-GWP tagħhom,
sakemm ma jiġix speċifikat mod ieħor, inklużi s-sustanzi li
mhumiex gassijiet fluworurati b'effett ta' serra. Σ (Sustanza X % x GWP) + (Sustanza Y % x
GWP) + … (Sustanza N % x GWP), fejn % huwa l-kontribut skont il-piż
b’tolleranza tal-piż ta’ +/- 1 %. Pereżempju: l-applikazzjoni tal-formula
għal taħlita ta’ gassijiet li tikkonsisti f’60 % dimetiletere, 10 %
HFC-152a u 30 % isobutan: Σ (60 % x 1) + (10 % x 125) + (30 %
x 4) → GWP totali = 14.3 Il-GWP tas-sustanzi mhux fluworurati li
ġejjin jintużaw sabiex jiġi kkalkulat il-GWP tat-taħlitiet.
Għal sustanzi oħrajn li mhumiex elenkati f’dan l-anness japplika
valur predefinit ta’ 0. Sustanza || Potenzjal ta’ tisħin globali[51] Isem komuni || Denominazzjoni industrijali || Formula kimika Metan || || CH4 || 25 Ossidu nitruż || || N2O || 298 Dimetiletere || || CH3OCH3 || 1 Klorur tal-metilen || || CH2Cl2 || 9 Klorur tal-metil || || CH3Cl || 13 Kloroform || || CHCl3 || 31 Etan || R-170 || CH3CH3 || 6 Propan || R-290 || CH3CH2CH3 || 3 Butan || R-600 || CH3CH2CH2CH3 || 4 Isobutan || R-600a || CH(CH3)2CH3 || 3 Pentan || R-601 || CH3CH2CH2CH2CH3 || 20 Isopentan || R-601a || (CH3)2CHCH2CH3 || 4 Etossietan (Dietiletere) || R-610 || CH3CH2OCH2CH3 || 4 Format tal-metil || R-611 || HCOOCH3 || 25 Idroġenu || R-702 || H2 || 6 Ammonja || R-717 || NH3 || 0 Etilen || R-1150 || C2H5 || 4 Propilen || R-1270 || C3H6 || 2 ANNESS V Kalkolu
tal-kwantità massima, tal-valuri ta’ referenza u tal-kwoti
għat-tqegħid tal-idrofluworokarburi fis-suq Il-kwantità massima msemmija fl-Artikolu 13(1)
għandha tiġi kkalkulata bl-applikazzjoni tal-perċentwali li
ġejjin għall-medja annwali tal-kwantità totali prodotta u importata
fl-Unjoni waqt il-perjodu mill-2008 sal-2011: Snin || 2015 || 100 % 2016–17 || 93 % 2018–20 || 63 % 2021–23 || 45 % 2024–26 || 31 % 2027–29 || 24 % 2030 || 21 % Il-kwantità massima,
il-valuri ta’ referenza u l-kwoti għat-tqegħid tal-idrokarburi fis-suq
imsemmija fl-Artikoli 13 u 14 għandhom jiġu kkalkulati
bħala l-kwantitajiet aggregati tat-tipi kollha ta’ idrofluworokarburi,
espressi f’tunnellata(i) ta’ ekwivalenti għal CO2. Il-kalkolu tal-valuri ta’ referenza u
tal-kwoti għat-tqegħid tal-idrofluworokarburi fis-suq imsemmija fl-Artikoli 13
u 14 għandhom ikunu bbażati fuq il-kwantitajiet tal-idrofluworokarburi
li l-produtturi u l-importaturi qiegħdu fis-suq fl-Unjoni waqt perjodu
tal-allokazzjoni. Il-kwantitajiet ittrasferiti lil impriża
biex jiġu esportati fl-istess perjodu ta’ allokazzjoni ma jitqiesux
għall-kalkolu ta’ kwota jew għall-valutazzjoni tal-konformità mal-Artikolu 13(2),
sakemm l-esportazzjoni ssir waqt l-istess perjodu u l-esportatur jirrapportaha
skont l-Artikolu 17(1). It-tranżazzjoni għandha tiġi
vverifikata skont l-Artikolu 17(4) irrispettivament mill-kwantitajiet
involuti. ANNESS VI Il-mekkaniżmu
ta’ allokazzjoni msemmi fl-Artikolu 14 1. Determinazzjoni tal-kwantità
li għandha tiġi allokata lill-impriżi li għalihom ikun ġie
stabbilit valur ta’ referenza skont l-Artikolu 14(1) u (3) Kull impriża li għaliha jkun
ġie stabbilit valur ta’ referenza tirċievi kwota li tikkorrispondi
għal 95 % tal-valur ta’ referenza mmultiplikat bil-perċentwal
indikat fl-Anness V għas-sena rispettiva. 2. Determinazzjoni tal-kwantità
li għandha tiġi allokata lill-impriżi li ressqu dikjarazzjoni
skont l-Artikolu 14(2) Is-somma tal-kwoti allokati taħt il-punt 1
titnaqqas mill-kwantità massima għas-sena partikolari stabbilita fl-Anness V
sabiex tiġi ddeterminata l-kwantità li għandha tiġi allokata lill-impriżi
li għalihom ma jkun ġie stabbilit l-ebda valur ta’ referenza u li
jkunu ressqu dikjarazzjoni taħt l-Artikolu 14(3) (il-kwantità li
għandha tiġi allokata fil-pass 1 tal-kalkolu). 2.1. Pass 1 tal-kalkolu Kull impriża tirċievi allokazzjoni
li tikkorrispondi għall-kwantità mitluba fid-dikjarazzjoni tagħha,
imma mhux iktar minn sehem pro rata tal-kwantità li għandha
tiġi allokata fil-pass 1. Is-sehem pro rata jiġi kkalkulat billi
n-numru 100 jiġi diviż bl-għadd ta’ impriżi li ressqu
dikjarazzjoni. Is-somma tal-kwoti allokati fil-pass 1 titnaqqas
mill-kwantità li għandha tiġi allokata fil-pass 1 sabiex
tiġi ddeterminata l-kwantità li għandha tiġi allokata fil-pass 2. 2.2. Pass 2 tal-kalkolu Kull impriża li ma kisbitx 100 % tal-kwantità
mitluba fid-dikjarazzjoni tagħha fil-pass 1 tirċievi
allokazzjoni addizzjonali li tikkorrispondi għad-differenza bejn
il-kwantità mitluba u l-kwantità miksuba fil-pass 1. Madankollu, din ma
għandhiex taqbeż is-sehem pro rata tal-kwantità li
għandha tiġi allokata fil-pass 2. Is-sehem pro rata jiġi kkalkulat
billi n-numru 100 jiġi diviż bin-numru ta’ impriżi
eliġibbli għal allokazzjoni fil-pass 2. Is-somma tal-kwoti
allokati fil-pass 2 tiġi mnaqqsa mill-kwantità li għandha
tiġi allokata fil-pass 2 sabiex tiġi ddeterminata l-kwantità li
għandha tiġi allokata fil-pass 3. 2.3. Pass 3 tal-kalkolu Il-pass 2 jiġi ripetut sakemm
il-kwantità li jifdal u li għandha tiġi allokata fil-fażi li
jmiss tkun inqas minn 1 000 tunnellata ta’ ekwivalenti għal CO2. 3. Determinazzjoni tal-kwantità
li għandha tiġi allokata lill-impriżi li jkunu ressqu dikjarazzjoni
skont l-Artikolu 13(4) Is-somma
tal-kwoti allokati taħt il-punti 1 u 2 titnaqqas mill-kwantità
massima għas-sena partikolari stabbilita fl-Anness V sabiex tiġi
ddeterminata l-kwantità li għandha tiġi allokata lill-impriżi li
għalihom ikun ġie stabbilit valur ta’ referenza u li jkunu ressqu
dikjarazzjoni skont l-Artikolu 14(4). Japplika l-mekkaniżmu ta’ allokazzjoni
stabbilit fil-punti 2.1 u 2.2. ANNESS VII Dejta
li għandha tiġi rrapportata skont l-Artikolu 17 1. Kull produttur imsemmi fl-Artikolu 17(1)
għandu jirrapporta dwar: (a)
il-produzzjoni totali ta’ kull sustanza fl-Unjoni,
fejn jidentifika l-kategoriji prinċipali ta’ applikazzjoni fejn
tintuża s-sustanza, (b)
il-kwantitajiet ta’ kull sustanza li jkun qiegħed
fis-suq fl-Unjoni, (c)
il-kwantitajiet ta’ kull sustanza li ġew irriċiklati,
irreklamati u meqruda, rispettivament, (d)
kwalunkwe ħażna miżmuma fil-bidu u
fit-tmiem tal-perjodu ta’ rapportar. 2. Kull importatur imsemmi
fl-Artikolu 17(1) għandu jirrapporta dwar: (a)
il-kwantità ta’ kull sustanza li jkun importa
fl-Unjoni fejn jidentifika l-kategoriji prinċipali ta’ applikazzjoni fejn
tintuża s-sustanza; (b)
il-kwantitajiet ta’ kull sustanza rriċiklata, irreklamatia
u meqruda, rispettivament. 3. Kull esportatur imsemmi
fl-Artikolu 17(1) għandu jirrapporta dwar: (a)
il-kwantitajiet ta’ kull sustanza li jkun esporta
mill-UE għajr biex dawn jiġu rriċiklati, irreklamati jew meqruda; (b)
kwalunkwe kwantità ta’ kull sustanza li jkun esporta
sabiex tiġi rriċiklata, irreklamata u meqruda, rispettivament. 4. Kull impriża msemmija fl-Artikolu 17(2)
għandha tirrapporta dwar: (a)
Il-kwantitajiet ta’ kull sustanza meqruda,
inklużi l-kwantitajiet inklużi fi prodotti jew f’tagħmir, (b)
kwalunkwe ħażna ta’ kull sustanza li qed
tistenna li tinqered, inklużi l-kwantitajiet inklużi fi prodotti jew
f’tagħmir; (c)
it-teknoloġija użata għall-qerda. 5. Kull impriża msemmija
fl-Artikolu 17(3) għandha tirrapporta dwar: (a)
il-kategoriji tal-prodotti jew tat-tagħmir; (b)
l-għadd ta’ unitajiet; (c)
kwalunkwe kwantità ta’ kull sustanza inkluża
fil-prodotti jew fit-tagħmir. ANNESS VIII Tabella
ta’ korrelazzjoni Regolament (KE) Nru 842/2006 || Dan ir-Regolament Artikolu 1 || - Artikolu 2 || Artikolu 1 Artikolu 3(1) || Artikolu 2(2) Artikolu 3(2), l-ewwel subparagrafu || Artikolu 3(1) Artikolu 3(2), it-tieni subparagrafu || Artikolu 2(3), it-tieni subparagrafu Artikolu 3(2), it-tielet subparagrafu || Artikolu 3(1), l-ewwel subparagrafu Artikolu 3(3) || Artikolu 3(3) Artikolu 3(4) || Artikolu 3(4) Artikolu 3(5) || Artikolu 3(5) Artikolu 3(6) || Artikolu 4(1) Artikolu 3(7) || Artikolu 3(6) Artikolu 4(1) || Artikolu 6(1) Artikolu 4(2) || Artikolu 6(3) Artikolu 4(3) || Artikolu 6(4) Artikolu 4(4) || Artikolu 6(5) Artikolu 5(1) || Artikolu 8(7) Artikolu 5(2), l-ewwel sentenza || Artikolu 8(1) u (4) Artikolu 5(2), it-tieni sentenza || Artikolu 8(6), l-ewwel sentenza Artikolu 5(2), it-tielet sentenza || Artikolu 8(6), it-tieni sentenza Artikolu 5(3) || Artikolu 2(5) Artikolu 5(4) || Artikolu 2(4) punt (d) Artikolu 5(5) || Artikolu 8(8) Artikolu 6(1), l-ewwel subparagrafu || Artikolu 17(1), l-ewwel subparagrafu Artikolu 6(1) || Artikolu 17(1) u l-Anness VII Artikolu 6(2) || Artikolu 17(5) Artikolu 6(3) || Artikolu 17(6) Artikolu 6(4) || Artikolu 18(1) Artikolu 7(1) l-ewwel subparagrafu, l-ewwel sentenza || Artikolu 10(1) Artikolu 7(1) it-tieni subparagrafu, it-tieni u t-tielet sentenza || Artikolu 10(2) u (3) Artikolu 7(2) || Artikolu 10(1), l-ewwel subparagrafu Artikolu 7(3), l-ewwel sentenza || Artikolu 10(6) Artikolu 7(3), it-tieni sentenza || Artikolu 10(7) Artikolu 8(1) || Artikolu 11(1) Artikolu 8(2) || Artikolu 11(2) Artikolu 9(1) || Artikolu 9(1) Artikolu 9(2) || - Artikolu 9(3) || - Artikolu 10 || Artikolu 19(3) Artikolu 11 || - Artikolu 12 || Artikolu 21 Artikolu 13(1) || Artikolu 22(2), l-ewwel subparagrafu Artikolu 13(2) || Artikolu 22(2), it-tieni subparagrafu Artikolu 14 || - Artikolu 15 || Artikolu 24 Anness I — Parti 1 || Anness I Anness I — Parti 2 || Anness IV Anness II || Anness III [1] Grupp Intergovernattiv ta’ Esperti dwar it-Tibdil
fil-Klima (IPCC), “Contribution of Working Group III to the Fourth Assessment
Report of the Intergovernmental Panel on Climate Change, 2007”. www.ipcc.ch/publications_and_data/ar4/wg3/en/contents.html. [2] “Pjan direzzjonali għal ekonomija kompetittiva
b’livell baxx ta’ emissjonijiet tal-karbonju fl-2050”, COM (2011)112. http://eur-lex.europa.eu/LexUriServ/LexUriServ.do?uri=CELEX:52011DC0112:MT:NOT
[3] Rapport mill-Kummissjoni dwar l-applikazzjoni, l-effetti
u l-adegwatezza tar-Regolament dwar ċerti gassijiet serra flworinati
(Ir-Regolament (KE) Nru 842/2006), COM(2011) 581 finali. [4] Regolament (KE) Nru 842/2006 tal-Parlament Ewropew
u tal-Kunsill tas-17 ta’ Mejju 2006 dwar ċerti gassijiet
serra flworinati , ĠU L 161, 14.6.2006, p. 1. [5] Schwarz et al., 2011, “Preparatory study for a
review of Regulation (EC) No 842/2006 on certain fluorinated greenhouse gases”,
Öko-Recherche et al. [6] Biex tingħata perspettiva, it-tnaqqis
kosteffiċjenti annwali fl-emissjonijiet tal-gassijiet F li jista’
jkun hemm sal-2030 jikkorrispondi, bejn wieħed u ieħor, għal dak
li l-industriji koperti mis-Sistema għan-Negozjar ta’ Emissjonijiet tal-UE
(ETS) bħalissa jridu jnaqqsu fuq sentejn. [7] “How to bring natural refrigerants faster to market”,
Rapport sommarju ta’ ATMOsphere 2010, International workshop on natural
refrigerants. [8] Konklużjonijiet tal-Kunsill tal-10 ta’ Ottubru 2011
dwar it-Tħejjijiet għas-17-il sessjoni tal-Konferenza
tal-Partijiet (COP 17) għall-Konvenzjoni Qafas tan-Nazzjonijiet Uniti
dwar it-Tibdil fil-Klima (UNFCCC) u s-seba’ sessjoni tal-Laqgħa
tal-Partijiet għall-Protokoll ta’ Kjoto f’Durban. [9] http://www.uncsd2012.org/thefuturewewant.html. [10] http://www.unep.org/CCAC/. [11] Riżoluzzjoni tal-Parlament Ewropew tal-14 ta’ Settembru 2011,
“Approċċ komprensiv lejn l-emissjonijiet antropoġeniċi mhux
tas-CO2 rilevanti għall-klima’, P7_TA-PROV(2011)0384 u Riżoluzzjoni
tal-Parlament Ewropew tal-15 ta’ Marzu 2012, “Ekonomija
kompetittiva b’livell baxx ta’ emissjonijiet tal-karbonju fl-2050 —
Riżoluzzjoni tal-PE dwar Pjan direzzjonali għal ekonomija
kompetittiva b’livell baxx ta’ emissjonijiet tal-karbonju fl-2050”, P7_TA-PROV(2012)0086. [12] Regolament tal-Kummissjoni (KE) Nru 1493/2007 tas-17 ta’ Diċembru 2007,
ĠU L 332, 18.12.2007, p. 7. [13] Regolament tal-Kummissjoni (KE) Nru 1494/2007 tas-17 ta’ Diċembru 2007,
ĠU L 332, 18.12.2007, p. 25. [14] Regolament tal-Kummissjoni (KE) Nru 1516/2007 tad-19 ta’ Diċembru 2007,
ĠU L 335, 20.12.2007, p. 10. [15] Regolament tal-Kummissjoni (KE) Nru 1497/2007 tat-18 ta’ Diċembru 2007,
ĠU L 333, 19.12.2007, p. 4. [16] Regolament tal-Kummissjoni (KE) Nru 303/2008 tat-2 ta’ April 2008,
ĠU L 92, 3.4.2008, p. 3. [17] Regolament tal-Kummissjoni (KE) Nru 304/2008 tat-2 ta’ April 2008,
ĠU L 92, 3.4.2008, p. 12. [18] Regolament tal-Kummissjoni (KE) Nru 305/2008 tat-2 ta’ April 2008,
ĠU L 92, 3.4.2008, p. 17. [19] Regolament tal-Kummissjoni (KE) Nru 306/2008 tat-2 ta’ April 2008,
ĠU L 92, 3.4.2008, p. 21. [20] Regolament tal-Kummissjoni (KE) Nru 307/2008 tat-2 ta’ April 2008,
ĠU L 92, 3.4.2008, p. 25. [21] Regolament tal-Kummissjoni (KE) Nru 308/2008 tat-2 ta’ April 2008,
ĠU L 92, 3.4.2008, p. 28. [22] http://ec.europa.eu/europe2020/europe-2020-in-a-nutshell/priorities/sustainable-growth/index_mt.htm. [23] http://ec.europa.eu/enterprise/policies/sme/small-business-act/index_en.htm. [24] http://ec.europa.eu/enterprise/policies/sustainable-business/ecodesign/index_en.htm. [25] http://ec.europa.eu/energy/efficiency/index_en.htm. [26] SKM Enviros, 2012, “Further Assessment of Policy Options
for the Management and Destruction of Banks of ODS and F-Gases in the UE” http://ec.europa.eu/clima/policies/ozone/research/docs/ods_f-gas_destruction_report_2012_en.pdf. [27] Becken et al., 2010. “Avoiding Fluorinated
Greenhouse Gases — Prospects for Phasing Out”, Umweltbundesamt, Dessau,
il-Ġermanja. http://www.umweltbundesamt.de/uba-info-medien-e/3977.html. [28] Panel għall-Evalwazzjoni tat-Teknoloġija u
l-Ekonomija tal-UNEP (UNEP Technology and Economic Assessment Panel -TEAP),
Nairobi, 2009. “Assessment of Alternatives to HCFCs and HFCs and Update of the
TEAP 2005 Supplement Report Data”, Protokoll ta’ Montreal, Rapport tal-Panel
għall-Evalwazzjoni tat-Teknoloġija u l-Ekonomija tal-UNEP. http://ozone.unep.org/teap/Reports/TEAP_Reports/teap-may-2009-decisionXX-8-task-force-report.pdf. [29] Clodic et al., 2011, “1990 to 2010 Refrigerant
Inventories for Europe — Previsions on banks and emissions from 2006
to 2030 for the European Union”, Armines/ERIE. http://www.epeeglobal.org/refrigerants/F-Gas-review/. [30] Ittra tan-Netwerk Ewropew tal-Kapijiet tal-Aġenziji
għall-Protezzjoni tal-Ambjent lill-Kummissarji Potočnik, Hedegaard,
Tajani u Oettinger, il-15 ta’ Mejju 2012. [31] Qed jiġi kkalkulat li fl-2030, kważi 20 %
tal-kwantitajiet tal-idrofluworkarburi mqiegħda fis-suq se jkunu fi
ħdan tagħmir importat. Jekk it-tagħmir importat ma jkollux
jiffaċċja l-istess restrizzjonijiet fuq il-provvista li hemm fuq
il-gassijiet F bħat-tagħmir prodott fl-UE, huwa probabbli li
s-sehem tat-tagħmir importat u b’hekk il-provvista mhux ikkontrollata
tal-gassijiet F tkun saħansitra ikbar. [32] Il-mili tat-tagħmir bl-HFC waqt l-installazzjoni fuq
il-post għandu wkoll itaffi t-tħassib tal-industrija tas-servizzi
(prinċipalment l-SMEs) li bħalissa t-tagħmir il-ġdid ta’
spiss ma jiġix installat sew, mingħajr l-użu ta’ esperti
ċċertifikati kif inhu meħtieġ mir-Regolament dwar
il-gassijiet F. Dan iwassal għal emissjonijiet addizzjonali.
AREA, 2010, “Position paper: Review of Regulation (EC) No 842/2006 on
certain fluorinated greenhouse gases — pre-charged non-monobloc
air-conditioning equipment.” www.area-eur.be. [33] Pjan direzzjonali għal ekonomija kompetittiva
b’livell baxx ta’ emissjonijiet tal-karbonju fl-2050, COM(2011) 112
finali. [34] ĠU C , , p. . [35] ĠU C , , p. . [36] Id-Deċiżjoni tal-Kunsill tal-15 ta Diċembru 1993
dwar il-konklużjoni tal-Konvenzjoni Qafas tan-Nazzjonijiet Uniti dwar it-Tibdil
fil-Klima, ĠU L 33, 7.2.1994, p. 11. [37] Grupp Intergovernattiv ta’ Esperti dwar it-Tibdil
fil-Klima (IPCC), “Contribution of Working Group III to the Fourth Assessment
Report of the Intergovernmental Panel on Climate Change, 2007”,
Mitigazzjoni tat-Tibdil fil-Klima, Kapitolu 13.3.3. [38] Pjan direzzjonali għal ekonomija kompetittiva
b’livell baxx ta’ emissjonijiet tal-karbonju fl-2050, COM(2011) 112
finali. [39] Rapport mill-Kummissjoni dwar l-applikazzjoni,
l-effetti u l-adegwatezza tar-Regolament dwar ċerti gassijiet serra flworinati
(Ir-Regolament (KE) Nru 842/2006), COM(2011) 581 finali. [40] Regolament (KE) Nru 842/2006 tal-Parlament Ewropew u
tal-Kunsill tas- 17 ta’ Mejju 2006 dwar ċerti gassijiet
serra flworinati, ĠU L 161, 14.6.2006, p. 1. [41] Direttiva 2009/125/KE tal-Parlament Ewropew u
tal-Kunsill tal-21 ta' Ottubru 2009 li tistabbilixxi qafas
għall-iffissar ta' rekwiżiti għall-ekodisinn għal prodotti
relatati mal-enerġija, ĠU L 285, 31.10.2009, p. 10 [42] ĠU L 286, 31.10.2009, p. 1. [43] ĠU L 55, 28.2.2011, p. 13. [44] Direttiva 2009/125/KE tal-Parlament Ewropew u tal-Kunsill
tal-21 ta’ Ottubru 2009 li tistabbilixxi qafas
għall-iffissar ta’ rekwiżiti għall-ekodisinn għal prodotti
relatati mal-enerġija, ĠU L 285, 31.10.2009, p. 10. [45] Id-Direttiva 2003/87/KE tal-Parlament Ewropew u
tal-Kunsill tat-13 ta’ Ottubru 2003 li tistabbilixxi skema
għall-iskambju ta’ kwoti ta’ emissjonijiet ta’ gassijiet serra ġewwa
l-Komunità, ĠU L 275, 25.10.2003, p. 32. [46] Ibbażat fuq ir-Raba’ Rapport ta’ Valutazzjoni adottat
mill-Grupp Intergovernattiv ta’ Esperti dwar it-Tibdil fil-Klima, sakemm ma
jiġix indikat mod ieħor. [47] Ibbażat fuq ir-Raba’ Rapport ta’ Valutazzjoni adottat
mill-Grupp Intergovernattiv ta’ Esperti dwar it-Tibdil fil-Klima, sakemm ma
jiġix indikat mod ieħor. [48] GWP skont ir-Rapport tal-Valutazzjoni tal-2010 tal-Panel
ta’ Valutazzjoni Xjentifika (SAP) tal-Protokoll ta’ Montreal, Tabelli 1‑11,
fejn jiġu kkwotati żewġ referenzi xjentifiċi riveduti
mill-pari. http://ozone.unep.org/Assessment_Panels/SAP/Scientific_Assessment_2010/index.shtml. [49] Valur minimu skont Talba għal Azzjoni Progressiva
tal-UNFCCC. [50] Regolament (KE) Nru 1907/2006 tal-Parlament Ewropew u
tal-Kunsill tat- 18 ta Diċembru 2006 dwar
ir-reġistrazzjoni, il-valutazzjoni, l-awtorizzazzjoni u r-restrizzjoni ta’
sustanzi kimiċi (REACH), ĠU L 396, 30.12.2006, p. 1. [51] Ibbażat fuq ir-Raba’ Rapport ta’ Valutazzjoni adottat
mill-Grupp Intergovernattiv ta’ Esperti dwar it-Tibdil fil-Klima, sakemm ma
jiġix indikat mod ieħor.