This document is an excerpt from the EUR-Lex website
Document 52012PC0623
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2011/013 DK/Flextronics from Denmark)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/013 DK/Flextronics mid-Danimarka)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/013 DK/Flextronics mid-Danimarka)
/* COM/2012/0623 final */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/013 DK/Flextronics mid-Danimarka) /* COM/2012/0623 final */
MEMORANDUM TA' SPJEGAZZJONI Il-Punt 28 tal-Ftehim Interistituzzjonali
tas-17 ta' Mejju 2006 bejn il-Parlament Ewropew, il-Kunsill u
l-Kummissjoni dwar id-dixxiplina baġitarja u l-ġestjoni finanzjarja
soda[1] jippermetti l-mobilizzazzjoni
tal-Fond Ewropew ta' Aġġustament għall-Globalizzazzjoni (FEG)
permezz ta' mekkaniżmu ta' flessibbiltà, bil-limitu massimu annwali ta'
EUR 500 miljun lil hinn mill-intestaturi rilevanti tal-qafas
finanzjarju. Ir-regoli applikabbli
għall-kontribuzzjonijiet mill-FEG huma stipulati fir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta’ Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[2]. Fil-21 ta' Diċembru 2011,
id-Danimarka ressqet l-applikazzjoni FEG/2011/013 DK/Flextronics għal
kontribuzzjoni finanzjarja mill-FEG, wara sensji fi Flextronics International
Denmark A/S (minn issa ’l quddiem imsejħa "Flextronics Denmark ')
fid-Danimarka. Wara analiżi bir-reqqa ta' din
l-applikazzjoni, il-Kummissjoni kkonkludiet b'konformità mal-Artikolu 10
tar-Regolament (KE) Nru 1927/2006 li l-kundizzjonijiet għal
kontribuzzjoni finanzjarja skont dan ir-Regolament, intlaħqu. TAQSIRA TAL-APPLIKAZZJONI U ANALIŻI Dejta ewlenija: || Nru ta' Referenza tal-FEG || FEG/2011/013 Stat Membru || Id-Danimarka Artikolu 2 || (c) Intrapriża primarja || Flextronics International Denmark A/S Fornituri u produtturi fl-istadju aħħari tal-produzzjoni || 0 Perjodu ta’ referenza || 1.7.2011 – 31.10.2011 Id-data tal-bidu għas-servizzi personalizzati || 21.3.2012 Id-data tal-applikazzjoni || 21.12.2011 Sensji matul il-perjodu ta' referenza || 216 Sensji qabel u wara l-perjodu ta' referenza || 87 Total ta' sensji eliġibbli || 303 Ħaddiema ssensjati li mistennija jipparteċipaw fil-miżuri || 153 Nefqa għas-servizzi personalizzati (EUR) || 1 972 381 Nefqa għall-implimentazzjoni tal-FEG[3] (EUR) || 136 712 Nefqa għall-implimentazzjoni tal-FEG (%) || 6,48 Baġit totali (EUR) || 2 109 093 Kontribuzzjoni tal-FEG (65 %) (EUR) || 1 370 910 1. L-applikazzjoni tressqet
quddiem il-Kummissjoni fil-21 ta' Diċembru 2011 u kienet
supplimentata b'tagħrif addizzjonali
sat-23 ta’ Awwissu 2012. 2. L-applikazzjoni tissodisfa
l-kundizzjonijiet ta' intervent mill-FEG kif stipulat fl-Artikolu 2(c)
tar-Regolament (KE) Nru 1927/2006, u tressqet fil-limitu ta' skadenza ta'
10 ġimgħat imsemmi fl-Artikolu 5 ta' dak ir-Regolament. Ir-rabta bejn is-sensji u l-bidliet
strutturali ewlenin fix-xejriet tal-kummerċ dinji minħabba
l-globalizzazzjoni jew il-kriżi finanzjarja u ekonomika globali 3. Id-Danimarka targumenta li
s-sensji fi Flextronics Denmark huma konsegwenza diretta ta' bidliet
strutturali kbar fix-xejriet tal-kummerċ dinji fil-qasam tas-servizzi
pprovdut minn Flextronics Denmark, jiġifieri s-servizzi ta’ disinn u ta'
manifattura elettronika għall-manifatturi ta’ tagħmir elettroniku
oriġinali. 4. Flextronics International
Denmark A/S (l-isem sħiħ tal-kumpanija) inħoloq fl-2004
bħala parti minn Flextronics International Ltd., li kien ġie
rreġistrat fl-1990 f'Singapor, wara li kibret minn kumpanija li
oriġinarjament Amerikana bbażata f'Silicon Valley fl-1969. Fl-2011,
Flextronics ġiet ikklassifikata, skont CircuitsAssembly.com[4], bħala t-tieni kumpanija
globali ta’ Servizzi għall-Manifattura tal-Elettronika (EMS) bħala
qligħ. 5. Flextronics, ukoll segwiet
ix-xejra reċenti fejn il-faċilitajiet tal-produzzjoni ta’
tagħmir elettroniku jiċċaqalqu lejn l-Asja, hekk kif
il-Kwartieri Ġenerali ta’ Singapor iddeċidew li jagħlqu
l-intrapriża Daniża filwaqt li fl-istess ħin tespandi barra l-Ewropa.
Dwar l-aġenda tal-iżvilupp ta “Flextronics International Ltd”, qed
issir enfażi fuq il-ħolqien ta’ parks enormi tal-produzzjoni
fl-Amerika t’Isfel u fix-Xlokk tal-Asja[5].
6. Flextronics Denmark kien
produttur importanti ta' bordijiet ta' ċirkwiti stampati (PCBs) li huma
komponenti bażiċi ta' kwalunkwe tagħmir elettroniku bħal
smart kards, logħob elettroniku, kameras diġitali, mowbajls,
kompjuters personali, eċċ. Billi l-kumpanija testernalizza
x-xogħol tal-produzzjoni ta’ dawn il-bordijiet lill-kumpanija dipendenti
MULTEK, wieħed mill-fornituri l-aktar magħrufa tal-PCB fid-dinja, li
jipprovdu soluzzjonijiet one-stop tal-interkonnessjonijiet fl-industrija
elettronika, l-output ta’ Flextronics Denmark u s-suq Ewropew tal-PCBs
rilevanti ma kinux aktar ta’ interess għal Flextronics International Ltd. 7. Multek, li twaqqfet fl-1978,
bħalissa timpjega aktar minn 12 000 ħaddiem madwar id-dinja li
jaħdmu f’għaxar faċilitajiet fuq erba’ kontinenti differenti.
Fl-Ewropa, fadal biss 420 impjegat (Rigid PCB Manufacturing-Germany) u 370 fl-Istati
Uniti, filwaqt li l-postijiet fiċ-Ċina qed jespandu malajr (b'10 900
impjegat), li qed ifornu l-industrija elettronika fin-Nofsinhar tal-Asja li qed
tikber b’pass mgħaġġel ħafna. 8. Il-Ġappun u
r-reġjun tal-Asja-Paċifiku kollettivament jammontaw għal sehem
kbir tas-suq dinji tal-PCBs, l-istess bħall-Indja u ċ-Ċina.
Raġuni ewlenija għas-sinifikat dejjem akbar ta’ dawn il-pajjiżi
hija l-espansjoni rapida tal-manifattura elettronika hemmhekk, speċjalment
minħabba l-ispejjeż tal-ħaddiema u l-benefiċċji
tal-ispejjeż tal-manifattura[6]. 9. Taħt dawn
iċ-ċirkostanzi, u f’sitwazzjoni fejn is-swieq fl-Ewropa
għall-produzzjoni tal-elettronika qed jiċkienu b'mod ġenerali u
għall-PCBs b’mod partikolari, id-deċiżjoni li tagħlaq
Flextronics Denmark ittieħdet mill-kwartieri ġenerali tal-kumpanija
f’Awwissu 2011. Dimostrazzjoni tal-għadd ta' sensji
u l-konformità mal-kriterji tal-Artikolu 2(c) 10. Id-Danimarka ressqet din
l-applikazzjoni skont il-kriterji ta’ intervent tal-Artikolu 2(c)
tar-Regolament (KE) Nru 1927/2006, li tippermetti lill-Istati Membri li
f’ċirkustanzi eċċezzjonali, b'ġustifkazzjoni xierqa
mill-Istat Membru kkonċernat, iressqu applikazzjoni għal
kontribuzzjoni mill-FEG anke jekk il-kriterji ta’ intervent stipulati
fil-punt (a) jew (b) ma jkunux ġew sodisfatti għal kollox, meta l-issensjar
ikollu effett serju fuq ix-xogħol u fuq l-ekonomija lokali. 11. L-applikazzjoni ssemmi
216-il sensja ġo Flextronics International Denmark A/S matul perjodu
ta’ referenza ta’ erba’ xhur mill-1 ta’ Lulju 2011
sal-31 ta’ Ottubru 2011 u 87 oħra barra l-perjodu ta'
referenza iżda li mhumiex relatatati mal-istess proċedura ta' sensji
kollettivi. It-303 sensji ġew ikkalkolati kollha skont l-ewwel
inċiż tat-tieni paragrafu tal-Artikolu 2 tar-Regolament (KE)
Nru 1927/2006. 12. Id-Danimarka targumenta li l-applikazzjoni
hija magħmula f'ċirkostanzi eċċezzjonali u
tiġġustifika t-talba għal appoġġ mill-FEG
minħabba l-importanza tal-impjegatur fis-suq tax-xogħol lokali,
is-sitwazzjoni globali tas-suq tax-xogħol fil-muniċipalità ta’ Skive
kif ukoll ix-xejriet demografiċi. L-għeluq ta' Flextronics Denmark
kien isegwi l-għeluq jew id-delokalizzazzjoni ta’ bosta kumpaniji
oħra importanti li jimpjegaw ħaddiema f’dan il-qasam bħal
Metallic, Nørhaven, Jamo, Royal Greenland, Bodisen u Danish Crown.
L-awtoritajiet Daniżi jikkonfermaw li fiż-żmien tal-għeluq
tagħha, Flextronics Denmark kienet l-iktar impjegatur industrijali
importanti fil-muniċipalità. 13. L-awtoritajiet Daniżi
jargumentaw ukoll iċ-ċirkostanzi eċċezzjonali għal dan
il-każ minħabba l-fatt li l-muniċipalità ta' Skive tagħmel
parti mir-reġjun ta' Midtjylland li ġie affettwat b’mod negattiv
mill-globalizzazzjoni f’dawn l-aħħar ftit snin u li diġà ntalab
l-appoġġ tal-FEG fl-2010 u fl-2012 (FEG/2010/017 u FEG/2012/003). Fiż-żewġ
każijiet is-sensji seħħew fil-Grupp Vestas, jiġifieri
813-il ħaddiem ingħataw is-sensja bejn Ġunju 2009 u Marzu 2010 u
569 oħra fl-2012. Apparti l-ħaddiema mill-muniċipalità ta' Varde
(ir-reġjun tad-Danimarka t’Isfel), il-bqija tal-ħaddiema li
ngħataw is-sensja kienu mir-reġjun ta’ Midtjylland fejn tinsab
fil-muniċipalità ta' Skive. Dan jillimita aktar l-opportunitajiet tas-suq
tax-xogħol għall-ħaddiema li ngħataw is-sensja minn
Flextronics. 14. Apparti l-opportunitajiet
limitati fis-suq tax-xogħol fil-muniċipalità ta’ Skive, kien hemm xejra
espressament aktar negattiva dwar ir-rati tal-qgħad meta mqabbla
mar-reġjun ta' Midtjylland u ż-żona ta’ Vestjylland f’daqqa.
Kienu 5,6% dawk qiegħda full time ġo Skive f'Novembru 2011 u dawn
żdiedu għal 7% f'Marzu 2012, filwaqt li ċ-ċifri rispettivi
għal Midtjylland kienu 5,2% f'Novembru 2011 u 6% f'Marzu tal-2012 (5% u 6%
għaż-żona ta' Vestjylland għall-istess perjodu ta’
referenza). 15. Impjiegi industrijali naqsu
b’35% fil-muniċipalità ta' Skive matul il-perjodu 2006 – 2011.
Għall-perjodu 2008 – 2010, it-telf ta’ impjiegi kien konsiderevolment
akbar (7,5%) milli fil-bqija tad-Danimarka b'mod ġenerali (4%) jew
ir-reġjun ta' Midtjylland b’mod partikolari (4,5%). 16. Il-muniċipalità ta’ Skive
hija kkaratterizzata minn preżenza għolja ta' ħaddiema
mingħajr sengħa (20,1%) meta mqabbla mad-Danimarka kollha (18,1%).
Hija wkoll ikkaratterizzata minn livell ogħla (35,5%) ta’ ħaddiema li
kisbu edukazzjoni primarja biss; il-valur rilevanti għad-Danimarka kollha
huwa ta’ 29,3%. 17. L-indikaturi tas-suq
tax-xogħol għall-2010 juru li 2,2% tal-popolazzjoni
tal-muniċipalità kienu qiegħda, 3% kienu temporanjament barra
mill-forza tax-xogħol filwaqt li 20% kienu impjegati bħala
ħaddiema bi ftit kwalifiki u biss 4,6% kienu ħaddiema b'ħiliet
avvanzati. Is-sensji li ngħataw minn Flextronics Denmark huma kkunsidrati
li qed ikomplu jgħarrqu s-suq tax-xogħol ġo Skive b'mod
speċjali fir-rigward ta' ħaddiema bi ftit ħiliet. 18. L-awtoritajiet Daniżi
jirreferu wkoll għad-deterjorament konsiderevoli fl-istruttura demografika
osservata mill-2006, meta beda t-tnaqqis fl-impjiegi fil-manifattura, hekk kif
kemm iż-żgħażagħ kif ukoll ħaddiema li kellhom
livell ta' edukazzjoni ogħla kienu qed jitilqu mill-muniċipalità, u
jagħżlu impjiegi ġodda xi mkien ieħor. Minħabba
ċ-ċirkustanzi deskritti, l-awtoritajiet Daniżi jqisu
l-iżvilupp futur tas-suq tax-xogħol bħala wieħed ferm
mhedded u għalhekk jixtiequ jiżviluppaw aktar il-ħiliet
tal-ħaddiema li ngħataw is-sensja minn Flextronics biex jipprovdulhom
opportunitajiet ta' xogħol rilevanti għalihom fi ħdan
il-muniċipalità ta’ Skive. 19. Għaldaqstant, f'dawn
iċ-ċirkustanzi, is-sensji jistgħu jitqiesu li għandhom
effett negattiv sinifikanti fuq l-ekonomija lokali u reġjonali deskritta. Spjegazzjoni tan-natura mhux prevista
ta' dawk is-sensji 20. L-awtoritajiet Daniżi
jargumentaw li s-sensji ma kinux mistennija għaliex Flextronics Denmark
A/S kienet sejra tajjeb ħafna bejn l-2004 u 2011. Fl-2010, il-kumpanija
kellha 420 ħaddiem u kienet l-ikbar impjegatur industrijali fil-muniċipalità
ta’ Skive. Fil-kontijiet annwali tagħha għall-2010, Flextronics
Denmark irrapurtat bilanċ pożittiv ta' DKK 11,2 miljun (madwar.
EUR 1,5 miljun). 21. Minħabba r-riżultati
ekonomiċi eċċellenti, kien kompletament imprevedibbli li
l-kwartieri ġenerali bdew jagħtu s-sensja lill-ħaddiema ġo
Skive fil-bidu tal-2011 meta din tilfet l-interess fis-suq Daniż.
Għalkemm is-CEO pprova jsalva lill-kumpanija bi strateġija ġdida
u diversifikazzjoni tal-produzzjoni, f'Awwissu 2011, Flextronics Int. Ltd iddeċidiet
li tagħlaq l-impjant ġo Skive. Identifikazzjoni tal-intrapriżi li
taw is-sensji u l-ħaddiema identifikati għall-għajnuna 22. L-applikazzjoni tirrigwarda
303 sensji fl-intrapriża Flextronics Denmark, b'153 minnhom
mistennija jipparteċipaw fil-miżuri. 23. It-tqassim tal-ħaddiema fil-mira
huwa kif ġej: Kategorija || Numru || Persentaġġ Irġiel || 72 || 47,06 Nisa || 81 || 52,94 Ċittadini tal-UE || 150 || 98,04 Ċittadini mhux tal-UE || 3 || 1,96 Minn 15 sa 24 sena || 5 || 3,27 Minn 25 sa 54 sena || 118 || 77,12 Minn 55 sa 64 sena || 30 || 19,61 > 64 sena || 0 || 0,00 24. Fost il-ħaddiema
identifikati, sebgħa għandhom problema ta’ saħħa jew
diżabbiltà rikorrenti. 25. Fir-rigward ta' kategoriji ta’
xogħol, it-tqassim huwa kif ġej: Kategorija || Numru || Persentaġġ Maniġers || 3 || 1,96 Professjonisti || 3 || 1,96 Tekniċi u professjonisti assoċjati || 20 || 13,07 Skrivana || 6 || 3,92 Ħaddiema fl-artiġjanat u snajja' relatati || 10 || 6,54 Operaturi tal-impjanti u tal-magni || 110 || 71,89 Okkupazzjonijiet elementari || 1 || 0,65 26. Skont l-Artikolu 7
tar-Regolament (KE) Nru 1927/2006, id-Danimarka kkonfermat li ġiet
applikata politika ta' ugwaljanza bejn in-nisa u l-irġiel kif ukoll
politika ta' ebda diskriminazzjoni, u li din se tkompli tapplika matul
l-istadji varji tal-implimentazzjoni tal-FEG u, b'mod partikolari, fir-rigward
tal-aċċess għalih. Deskrizzjoni tat-territorju
kkonċernat u tal-awtoritajiet u l-partijiet interessati tiegħu 27. Il-Muniċipalità ta' Skive
tinsab f’żona rurali fil-majjistral tar-reġjun ta' Midtjylland.
Il-popolazzjoni bdiet tonqos gradwalment matul dawn l-aħħar snin u
fl-2011 kienet ta’ 47 928. Il-muniċipalità tkopri żona ta’ 690,7km2
b'densità tal-popolazzjoni ta' 69,5 abitant għal kull km2.
Għalkemm Skive tinsab fil-parti "ta' barra" tad-Danimarka
f'reġjun rurali, l-industrija kellha rwol kbir, bi tlieta minn kull
għaxar impjegati fis-settur privat jaħdmu fl-industrija. Madankollu,
mill-2006 'l hawn, l-industriji ewlenin telqu mill-muniċipalità u Skive
tilef madwar 2 000 impjieg industrijali bejn l-2008 u l-2010, uħud
minnhom minħabba l-globalizzazzjoni. F'Ġunju 2011, 12% tal-membri
tat-3F (it-trejdjunjin li tirrappreżenta ħaddiema bi ftit
ħiliet) kienu qiegħda. F’analiżi dwar il-ħtiġijiet ta’
kompetenzi fir-reġjun ta' Midtjylland fil-futur bl-2020 bħala
perspettiva, ġew identifikati oqsma ġodda tat-tkabbir:
l-enerġija u l-ambjent, l-ICT mediku / tas-saħħa,
it-turiżmu u l-produzzjoni tal-ikel[7]. 28. Id-Danimarka implimentat
riforma komprensiva tal-gvern lokali u reġjonali fl-2007, li wasslet biex
l-awtoritajiet muniċipali jingħataw aktar setgħa. Dawn ikollhom
responsabbiltajiet speċifiċi ġodda dwar l-impjiegi.
Iċ-ċentri tal-impjiegi ġew stabbiliti fil-livell muniċipali
biex jiżguraw post ta' aċċess komuni
għaċ-ċittadini u għall-impriżi kummerċjali
fl-isforz tal-impjiegi tal-pubbliku. Barra minn hekk, fil-livelli lokali,
reġjonali u nazzjonali, ġew stabbiliti Kunsilli tal-Impjieg, li
jirrappreżentaw partijiet interessati fis-suq tax-xogħol. 29. Għall-iskopijiet ta’ din
l-applikazzjoni, il-parti interessata prinċipali hija l-muniċipalità
ta’ Skive. Partijiet interessati oħra huma msemmija f'aktar dettall
fil-punt 37 hawn taħt. L-impatt mistenni tas-sensji fir-rigward
tal-impjiegi lokali, reġjonali jew nazzjonali 30. Flextronics Denmark kienet
l-akbar fornitur ta' impjiegi li jirrikjedu kemm livell baxx ta' ħiliet
kif ukoll livell għoli. L-għeluq ta' Flextronics Denmark kien isegwi
l-għeluq ta’ bosta intrapriżi tal-manifattura oħrajn f'dawn
l-aħħar snin, jiġifieri Metallic, Nørhaven, Jamo, Royal
Greenland, Bodisen u Danish Crown li jew għalqu jew telqu minn dan ir-reġjun. 31. Wara dan it-tip ta'
għeluq, ħaddiema li kellhom livell ta’ edukazzjoni ogħla marru
f’reġjuni industrijali oħrajn filwaqt li n-nies b’livell ta’
edukazzjoni baxx u nies bi ftit ħiliet kellhom it-tendenza li jibqgħu
u joqogħdu bla xogħol. Peress li madwar 190 tal-ħaddiema li
ngħataw is-sensja minn Flextronics Denmark huma ta’ ftit ħiliet,
il-persentaġġ ta’ nies qiegħda ta’ ftit ħiliet
fil-muniċipalità aktarx li se jiżdied b’madwar żewġ punti
perċentwali. 32. F’Mejju 2012, l-awtoritajiet
rilevanti fir-Reġjun tal-Impjiegi Midjutland ippubblikaw
stħarriġ tas-sitwazzjoni tas-suq tax-xogħol fejn huma
identifikaw biċ-ċar li l-ħaddiema bla sengħa – kemm nisa u
kif ukoll irġiel – qegħdin f'riskju akbar li jispiċċaw
qiegħda fit-tul meta mqabbla ma' gruppi oħra. Minħabba
l-persentaġġ għoli ta' ħaddiema b'ħiliet baxxi minn
Flextronics, ir-riskju li jibqgħu qiegħda għal aktar żmien
huwa akbar għal dawn il-ħaddiema . 33. Peress li l-awtoritajiet
lokali identifikaw rabta diretta bejn il-livell tal-edukazzjoni
tal-ħaddiema li ngħataw is-sensja u s-sitwazzjoni demografika
fil-muniċipalità, huma qed jantiċipaw il-ħolqien ta' ċirku
vizzjuż ta' livell baxxi ta' edukazzjoni → qgħad →
sitwazzjoni demografika li dejjem tmur għall-agħar u għalhekk
qed jippruvaw jevitawha billi jimmobilizzaw ir-riżorsi mill-FEG apparti
l-isforzi tagħhom stess. Pakkett ikkoordinat ta' servizzi
personalizzati li jridu jiġu ffinanzjati u t-tqassim tal-ispejjeż
stmati tiegħu, inkluża l-komplementarjetà mal-azzjonijiet
iffinanzjati mill-Fondi Strutturali 34. Il-miżuri kollha li
ġejjin proposti mill-awtoritajiet Daniżi jingħaqdu flimkien biex
jiffurmaw pakkett koordinat ta’ servizzi personalizzati li għandu l-għan
li jintegra mill-ġdid fix-xogħol lill-ħaddiema li ngħataw
is-sensja: –
Valutazzjoni ta’ kwalifiki u kompetenzi
diġà miksuba bħala mod kif jitqassar
il-proċess biex tinkiseb kwalifika formali (ġdida) - individwalment
jew fi gruppi. Din il-valutazzjoni hija mistennija tkun rilevanti
speċjalment għall-ħaddiema mingħajr sengħa. –
Attivitajiet ta’ edukazzjoni u taħriġ: –
Għall-ħaddiema mingħajr
sengħa taħlita ta' edukazzjoni ġenerali
bħala mezz biex jiksbu l-aċċess għall-edukazzjoni
vokazzjonali jew biex jiksbuha; taħriġ fil-ħiliet tal-qari/kitba
u l-aritmetika; taħriġ vokazzjonali fi ħdan setturi
b’opportunitajiet tajba tax-xogħol u edukazzjoni ulterjuri / korsijiet ta’
taħriġ vokazzjonali, jiġifieri li jiksbu kwalifiki
bażiċi fi ħdan setturi ġodda u ċ-ċertifikati
rilevanti. –
Għall-ħaddiema tas-sengħa (inkluż il-persunal tal-uffiċji) tipi varji ta' edukazzjoni
/ edukazzjoni għall-adulti biex il-kwalifiki tal-ħaddiema
jinġiebu f’livell ogħla fl-istess qasam tax-xogħol, eż.
persuna tas-sengħa issir tekniku; korsijiet speċjalizzati biex
il-persuna tikseb ħiliet jew ċertifikati supplimentari u edukazzjoni
ġenerali jew vokazzjonali ġdida bil-ħsieb li l-persuna tibdel
l-impjieg jew is-settur. –
Għall-maniġers, inġiniera u
tekniċi, il-pakkett personalizzat jipprevedi
korsijiet speċjali biex wieħed jikseb kwalifiki supplimentari jew
formali, pereżempju ċertifikati għall-ġestjoni
tal-proġett u oqsma simili. Il-perspettivi fit-tul
tal-impjieg tal-ħaddiema individwali jiġu kkunsidrati, sabiex
it-taħriġ u l-attivitajiet edukattivi jitfasslu b’tali mod li jkunu
jiffukaw fuq – iżda mingħajr ma jkunu limitati għal – setturi
b'potenzjal ta’ żvilupp kif identifikati mill-aħħar
analiżijiet. –
L-intraprenditorija
hija partikolarment appoġġata permezz ta’ proċess
f’żewġ fażijiet li għandhom jiġu implimentati
f'koperazzjoni maċ-Ċentru lokali tat-Turiżmu u n-Negozju.
L-ewwel pass f’dan il-proċess huwa kors inizjali li se jistma l-potenzjal
ta’ intraprenditur fil-ġejjieni. It-tieni pass se jiġi implimentat biss
jekk ir-riżultat ikun pożittiv ; dan se jkun jinkludi proċess
ta’ żvilupp ta’ pjan ta’ negozju flimkien ma’ konsulenza individwali,
sessjonijiet ta' informazzjoni, u laqgħat ma’ gruppi ta’ netwerks
rilevanti. –
Rikollokament individwali Dan se jkun immirat lejn ħaddiema b’ħiliet professjonali jew
maniġerjali li ma rnexxilhomx isibu impjieg ġdid fi żmien
raġonevoli wara li telqu minn Flextronics. L-idea bażika hija li
tingħata għajnuna lil persuni li diġà għandhom
il-ħiliet meħtieġa iżda li ma rnexxilhomx isibu impjieg
ġdid. Kull ħaddiem se jkun megħjun għal perjodu ta'
żmien minn konsulent professjonista tar-rikollokament li se jaġixxi
bħala konsulent u msieħeb fit-taħriġ
għall-ħaddiem fl-isforzi tiegħu biex isib impjieg. L-għan huwa
li dawn il-ħaddiema jiġu megħjuna biex jiksbu l-akbar effett
mill-sforzi għat-tiftix tax-xogħol tagħhom malajr kemm jista’
jkun. –
Kumpens għas-sussistenza: Din l-għajnuna se titħallas ta' kuljum lill-ħaddiema
kollha fil-mira li jipparteċipaw b’mod attiv fil-miżuri tal-FEG.
Il-kumpens se jingħata għaż-żmien tal-attività
speċifika u se jkun parti integrali mill-miżuri attivi tas-suq
tax-xogħol immirati lejn l-impjegabbiltà aktar fit-tul tal-ħaddiema
li ngħataw is-sensja u jfittxu li jkattru l-ħiliet u l-kompetenzi. 35. In-nefqa
għall-implimentazzjoni tal-FEG, li hija inkluża fl-applikazzjoni
skont l-Artikolu 3 tar-Regolament (KE) Nru 1927/2006, tkopri
miżuri amministrattivi u ta’ tħejjija u attivitajiet ta’
ġestjoni, informazzjoni u pubbliċità kif ukoll attivitajiet ta'
kontroll u evalwazzjoni. Apparti l-fuljetti, sit tal-internet u attivitajiet
ta’ informazzjoni ġenerali, se jinġabru wkoll stejjer ta'
suċċess li se jiġu ppreżentati lill-istampa u lill-pubbliku
minn żmien għal żmien. Se jkun organizzat seminar finali fuq l-impatt
tal-appoġġ tal-FEG f'dan il-każ. Il-proporzjon tal-infiq
tal-implimentazzjoni ta’ 6,48% tan-nefqa totali, huwa ogħla mis-soltu
billi dan huwa każ relattivament żgħir, iżda wħud
mill-ispejjeż f’termini assoluti huma qrib dawk meħtieġa
għall-ġestjoni ta’ każ akbar. L-infiq tal-evalwazzjoni jinkludi
s-servizzi ta’ konsulent estern. 36. Is-servizzi personalizzati
ppreżentati mill-awtoritajiet Daniżi huma miżuri attivi tas-suq
tax-xogħol fi ħdan l-azzjonijiet eliġibbli definiti
fl-Artikolu 3 tar-Regolament (KE) Nru 1927/2006. L-awtoritajiet Daniżi
jistmaw li t-total tal-ispejjeż se jkun EUR 2 109 093, li
minnhom in-nefqa għas-servizzi personalizzati tkun
EUR 1 972 381 u l-ispiża għall-implimentazzjoni
tal-FEG tkun ta' EUR 136 712 (6,48 % tal-ammont totali).
Il-kontribuzzjoni totali mitluba mill-FEG hija ta' EUR 1 370 910
(65 % tal-kostijiet totali). Azzjonijiet || In-numru stmat ta' ħaddiema identifikati || Il-kost stmat għal kull ħaddiem fil-mira (EUR) || Il-kostijiet totali (il-FEG u l-kofinanzjament nazzjonali) (EUR) Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) Evalwazzjoni tal-kwalifiki u l-kompetenzi || 110 || 537 || 59 070 Edukazzjoni ġenerali għal xogħol li ma jeħtieġx sengħa || 50 || 6 040 || 302 000 Taħriġ vokazzjonali għal xogħol li ma jeħtieġx sengħa || 60 || 8 054 || 483 240 Taħriġ vokazzjonali għal xogħol tas-sengħa || 11 || 12 904 || 141 944 Korsijiet tekniċi għat-tekniċi || 20 || 10 738 || 214 760 Korsijiet speċjalizzati għall-maniġers u l-inġiniera || 6 || 4 295 || 25 770 Korsijiet ta’ tħejjija għal intraprendituri futuri || 20 || 1 342 || 26 840 Ippjanar u konsulenza dwar in-negozju || 10 || 1 275 || 12 750 Rikollokament individwali || 20 || 1 342 || 26 840 Kumpens għas-sussistenza || 153 || 4 439 || 679 167 Subtotal tas-servizzi personalizzati || || 1 972 381 In-nefqa għall-implimentazzjoni tal-FEG (it-tielet paragrafu tal-Artikolu 3 tar-Regolament (KE) Nru 1927/2006) Attivitajiet ta’ tħejjija u l-amministrazzjoni || || 59 866 Ġestjoni || || 32 886 Informazzjoni u pubbliċità || || 18 792 Evalwazzjoni || || 20 134 Attivitajiet ta' kontroll || || 5 034 Subtotal tan-nefqa għall-implimentazzjoni tal-FEG || || 136 712 Total stmat tal-ispejjeż || || 2 109 093 Kontribuzzjoni tal-FEG (65 % tal-ispejjeż totali) || || 1 370 910 37. Id-Danimarka tikkonferma li
l-miżuri deskritti hawn fuq jikkumplimentaw l-azzjonijiet iffinanzjati
mill-Fondi Strutturali u li l-mekkaniżmi neċessarji qegħdin
fis-seħħ sabiex jiġi evitat il-finanzjament doppju mill-fondi
tal-UE. Id-data/i meta nbdew jew meta huwa
maħsub li jinbdew is-servizzi personalizzati għall-ħaddiema
affettwati 38. Fil-21 ta’ Marzu 2012,
id-Danimarka bdiet is-servizzi personalizzati għall-ħaddiema
affettwati inklużi fil-pakkett ikkoordinat propost lill-FEG
għall-kofinanzjament. Din id-data, għalhekk, tirrappreżenta
l-bidu tal-perjodu ta' eliġibbiltà għal kwalunkwe għajnuna li tista'
tingħata mill-FEG. Il-proċeduri għall-konsultazzjoni
mal-imsieħba soċjali 39. Wara li ġie mħabbar
l-għeluq fil-futur ta’ Flextronics Denmark, iċ-Ċentru
tal-Impjiegi ta bidu għat-twaqqif ta' task force. Ir-rappreżentanti
tal-kumpanija, l-impjegati, iċ-Ċentru tal-Impjiegi u t-Trejdjunjin F3
iltaqgħu regolarment u kkoordinaw l-abbozzar tal-applikazzjoni li
ngħata bidu mit-task force u ċ-Ċentru tal-Impjiegi.
Iċ-Ċentru tal-Impjiegi kien jinsab ukoll bi djalogu kontinwu
mal-imsieħba soċjali dwar il-kwalità u r-rilevanza tas-servizzi
offruti. 40. L-awtoritajiet Daniżi
kkonfermaw li r-rekwiżiti stipulati fil-leġiżlazzjoni nazzjonali
u tal-UE dwar is-sensji kollettivi ġew issodisfati. Informazzjoni dwar azzjonijiet li huma
obbligatorji skont il-liġi nazzjonali jew skont il-ftehimiet kollettivi 41. Fir-rigward tal-kriterji li
jinsabu fl-Artikolu 6 tar-Regolament (KE) Nru 1927/2006,
l-awtoritajiet Daniżi fl-applikazzjoni tagħhom: · ikkonfermaw li l-kontribuzzjoni finanzjarja mill-FEG ma tiħux post
il-miżuri li huma r-responsabilità tal-kumpaniji skont il-liġi nazzjonali
jew il-ftehimiet kollettivi; · urew li l-azzjonijiet jipprovdu appoġġ lil ħaddiema
individwali u ma għandhomx jintużaw għar-ristrutturar ta'
kumpaniji jew setturi; · ikkonfermaw li l-azzjonijiet eliġibbli msemmija hawn fuq ma
jirċevux għajnuna minn strumenti finanzjarji oħra tal-UE. Sistemi ta' ġestjoni u ta' kontroll
42. Id-Danimarka nnotifikat
lill-Kummissjoni li l-kontribuzzjoni finanzjarja se tkun ġestita u
kkontrollata mill-istess entitajiet li jiġġestixxu u jikkontrollaw
il-ġbir ta' fondi għall-Fond Soċjali Ewropew (FSE)
fid-Danimarka. Finanzjament 43. Abbażi tal-applikazzjoni
mid-Danimarka, il-kontribuzzjoni proposta mill-FEG għall-pakkett
ikkoordinat ta’ servizzi personalizzati (inkluża n-nefqa biex jiġi
implimentat il-FEG) hija ta’ EUR 1 370 910, li
tirrappreżenta 65 % tal-kost totali. L-allokazzjoni proposta
mill-Kummissjoni minn dan il-Fond hija bbażata fuq l-informazzjoni li
ngħatat mid-Danimarka. 44. Filwaqt li tqis l-ammont
massimu possibbli ta' kontribuzzjoni finanzjarja mill-FEG skont l-Artikolu 10(1)
tar-Regolament (KE) Nru 1927/2006, kif ukoll il-kamp ta' applikazzjoni
tal-allokazzjoni mill-ġdid ta' approprjazzjonijiet, il-Kummissjoni
tipproponi li timmobilizza l-FEG għall-ammont totali msemmi hawn fuq, li
għandu jiġi allokat skont l-intestatura 1a tal-qafas
finanzjarju. 45. L-ammont propost ta'
kontribuzzjoni finanzjarja jippermetti li aktar minn 25 % tal-ammont
annwali massimu allokat għall-FEG jibqa' disponibbli biex ikun allokat
matul l-aħħar erba' xhur tas-sena, kif stipulat fl-Artikolu 12(6)
tar-Regolament (KE) Nru 1927/2006. 46. Permezz
tal-preżentazzjoni ta' din il-proposta sabiex timmobilizza l-FEG,
il-Kummissjoni qed tibda l-proċedura ssemplifikata ta' trijalogu, kif
mitlub mill-Punt 28 tal-Ftehim Interistituzzjonali tas-17 ta' Mejju 2006,
sabiex tiżgura l-qbil taż-żewġ fergħat tal-awtorità
baġitarja dwar il-ħtieġa li jintuża l-FEG u l-ammont
meħtieġ. Il-Kummissjoni tistieden lill-ewwel waħda
miż-żewġ fergħat tal-awtorità baġitarja biex taqbel
mal-abbozz tal-proposta għall-mobilizzazzjoni biex, fuq livell politiku
xieraq, tgħarraf lill-fergħa l-oħra u lill-Kummissjoni
bl-intenzjonijiet tagħha. F'każ ta' nuqqas ta' qbil minn xi
waħda miż-żewġ fergħat tal-awtorità baġitarja, tissejjaħ
laqgħa formali tat-trijalogu. 47. B'mod separat, il-Kummissjoni
tippreżenta talba ta' trasferiment sabiex fil-baġit għall-2012
iddaħħal approprjazzjonijiet speċifiċi ta’ impenn, kif
mitlub fil-Punt 28 tal-Ftehim Interistituzzjonali
tas-17 ta' Mejju 2006. Sors tal-approprjazzjonijiet ta'
pagamenti 48. L-ammont ta’
approprjazzjonijiet ta’ pagamenti mdaħħal inizjalment fil-linja
baġitarja 04 05 01 fl-2012 se jintuża kompletament wara
l-adozzjoni miż-żewġ fergħat tal-awtorità baġitarja
tal-proposti mressqa s'issa għall-mobilizzazzjoni tal-FEG u
għaldaqstant mhux biżżejjed biex ikopri l-ammont
meħtieġ għal din l-applikazzjoni. Se jintalab rinfurzar
tal-approprjazzjonijiet ta’ pagamenti tal-linja baġitarja tal-FEG jew
permezz ta’ trasferiment, f’każ li jkun jista’ jiġi identifikat sors
ta' approprjazzjonijiet disponibbli, jew baġit ta’ Emenda.
Approprjazzjonijiet minn din il-linja baġitarja se jintużaw biex
ikopru l-ammont ta' EUR 1 370 910 meħtieġ għal
din l-applikazzjoni. Proposta għal DEĊIŻJONI TAL-PARLAMENT EWROPEW
U TAL-KUNSILL dwar il-mobilizzazzjoni tal-Fond Ewropew ta'
Aġġustament għall-Globalizzazzjoni, skont il-punt 28
tal-Ftehim Interistituzzjonali tas-17 ta' Mejju 2006 bejn
il-Parlament Ewropew, il-Kunsill u l-Kummissjoni dwar id-dixxiplina
baġitarja u l-ġestjoni finanzjarja soda (applikazzjoni FEG/2011/013
DK/Flextronics mid-Danimarka) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, Wara li kkunsidraw il-Ftehim
Interistituzzjonali tas-17 ta' Mejju 2006 bejn il-Parlament Ewropew, il-Kunsill
u l-Kummissjoni dwar id-dixxiplina baġitarja u l-ġestjoni finanzjarja
soda[8], u b'mod partikolari
l-punt 28 tiegħu, Wara li kkunsidraw ir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[9], u b'mod partikolari
l-Artikolu 12(3) tiegħu, Wara li kkunsidraw il-proposta
mill-Kummissjoni Ewropea[10], Billi: (1) Il-Fond Ewropew ta’
Aġġustament għall-Globalizzazzjoni (FEG) twaqqaf biex jipprovdi
appoġġ addizzjonali għall-ħaddiema li ngħataw
is-sensja minħabba bidliet strutturali kbar fl-andament tal-kummerċ
dinji minħabba l-globalizzazzjoni u sabiex jgħinhom
fir-riintegrazzjoni tagħhom fis-suq tax-xogħol. (2) Il-kamp ta' applikazzjoni
tal-FEG twessa’ għall-applikazzjonijiet ippreżentati
mill-1 ta’ Mejju 2009
sat-30 ta' Diċembru 2011 biex jinkludi appoġġ
għall-ħaddiema li jingħataw is-sensja bħala riżultat
dirett tal-kriżi finanzjarja u ekonomika globali. (3) Il-Ftehim Interistituzzjonali
tas-17 ta’ Mejju 2006 jippermetti l-mobilizzazzjoni tal-FEG
fil-limitu massimu annwali ta’ EUR 500 miljun. (4) Id-Danimarka ppreżentat
applikazzjoni għall-mobilizzazzjoni tal-FEG, fir-rigward ta' sensji
fl-intrapriża Flextronics International Denmark A/S fil-21 ta' Diċembru 2011
u ssupplimentatha b'informazzjoni addizzjonali
sat-23 ta' Awwissu 2012. Din l-applikazzjoni hija konformi
mar-rekwiżiti għad-determinazzjoni tal-kontribuzzjonijiet finanzjarji
kif stipulat fl-Artikolu 10 tar-Regolament (KE) Nru 1927/2006. Il-Kummissjoni,
għalhekk, ressqet proposta biex timmobilizza ammont ta'
EUR 1 370 910. (5) Il-FEG għandu,
għalhekk, jiġi mmobilizzat sabiex jipprovdi kontribuzzjoni
finanzjarja għall-applikazzjoni mressqa mid-Danimarka. ADOTTAW DIN ID-DEĊIŻJONI: Artikolu 1 Għall-baġit ġenerali tal-Unjoni
Ewropea għas-sena finanzjarja 2012, il-Fond Ewropew ta'
Aġġustament għall-Globalizzazzjoni (FEG) għandu jiġi
mmobilizzat biex jipprovdi s-somma ta' EUR 1 370 910 f'approprjazzjonijiet
għall-impenji u għall-ħlasijiet. Artikolu 2 Din id-Deċiżjoni għandha tkun
ippubblikata f’Il-Ġurnal Uffiċjali tal-Unjoni Ewropea. Magħmul fi Brussell, Għall-Parlament Ewropew, Għall-Kunsill, Il-President Il-President [1] ĠU C 139, 14.6.2006, p. 1. [2] ĠU L 406, 30.12.2006, p. 1. [3] B'konformità mat-tielet paragrafu tal-Artikolu 3
tar-Regolament (KE) Nru 1927/2006. [4] http://www.circuitsassembly.com/cms/component/content/article/159/10901-ems-top-50 [5] http://investors.flextronics.com/phoenix.zhtml?c=98555&p=irol-irhome [6] http://www.electronics.ca [7] http://www.newinsight.dk/en/projekter/vis/projectName/analyse-af-virksomhedernes-kompetencebehov-i-holstebro-skive-struer-og-lemvig [8] ĠU C 139, 14.6.2006, p. 1. [9] ĠU L 406, 30.12.2006, p. 1. [10] ĠU C […], […], p. […].